مشاهدة النسخة كاملة : >>>>انا & خطيبتي<<<<<
2TGOOL
01-12-2003, 01:38 AM
السلاااام عليكم ورحمة الله وبركاته
وكل عام وإنتوا بخير
الزبده..
ما كان ودي احط موضوع عودة ومدري وشو..إذا تعرفني..حياك الله..ما تعرفني..
إقرا موضوعي وراح نتعرف ..خخخخخخخخخخخخ
هذي سالفتن صدقيه صارت لي انا....وتروني صادز..بذمتي
قبل لااقولكم السالفه..
ودي ادخل من مدخل إعتراضي...
الحين أهلنا وش كانوا متحومين..قصدي متمحمين..يوووووه قصدي متوحمين..
عليه قبل لا يفرخونا..>>ما بغت تطلع ..
كل مالنا وحنا متدحدرين..
اشكال يالله لك الحمد..وخلق مدري وش تبي..كل واحد عيونه وحواجبه تقل متهاوشين..
عين تحت..وعين فوق..والحواجب مسويه إشتراك..
بعدين يجيك الخشم منفرش..علىبراطم كنها دعامات..
>>ياشين اللي يفهم غلط..قصدي دعامات تريله..
لو إنهم الله يهديهم قبل لا يجيبوننا يجلسون ساعتين يومياً على الدوري الإيطالي..
يطالعون الخلق اللي مزينها الله.. هبببب ..@@
>>طالعه من قلبه مو من عينه
يعني اسئلكم يا اخون الحين خشتك والا خشت توتي بعد تسبدي والله يا ذيك الخشه..
لو إني بنت رقمته..
والا إنزاكي..اييييييييييه..يالله ترزقنا ذا الحلا بالجنه..والا الدنيا فقدنا الأمل..
المهم..وش فيكم تضيعون السالفه..
اقولكم..قمت الصبح ابي اطلع للدوام..وانا جالس افطر مع إمي (م...)إحم..امي وبس..>>بغي يفضح الإسم خخخخ
واشوفها تتأمل فيني ..
شكيت بنفسي
المهم..بعد التأمل قالت ياولدي امس صار شي عجيب..
حاولت اصدقه بس ما قدرت..
حسيت إني بحلم..
قلت خير يمه..
قالت ابد والله..بس أمس دقت علي وحده وعطتني موعد وقالت خلي ولدتس يجي عندنا..بنتنا ودها تاخذه..علىسنة الله ورسوله..
وانا صح إني امك..ومربيتك..والقرد بعين إمه غزال..
بس من زين خشتك يوم تخطبك وحده؟؟؟؟؟
قلت يا يمه..انا أصلان حلو بس إنتم الي تحطموني من يوم انا صغير.. حتى لا جيت ابي اغني..تسكتوني تقولون صوتك يجيب الحموضه..
الحين لو إني مكمل مشواري الفني كان حفلتي بعد حفلة أحلام على طول..
بعدين انا آسف يمه..الصراحه حاس إن العايله هذي داخله فيناعلى طمع..يبون ينهبون الددسن حقتي
قالت الزبده..اليوم تروح لهم..ولا تفضحنا..قدامهم..حتى إن ما كتب الله شي..
على الأقل تاخذ تجربه وإكسبيرنس..>> حبتين يمه..طع طع..والله صرتي مثقفه مع إني أخبرك واصله لثاني متوسط ولانجحتي..
قالت..اها بس قم يالله..
واروح واتشيك ذيك التشييكه اللي يحبها قلوبكم..
رحت ولبست شماغ العقل سيفين ونخله..
وثوب الدفه..اللـــــــــــــــــه لونه اصفر على برتقالي..
وبعدين رسمت بالعقال المخمل..صاير ولا فتى رحيمه..
وبعد ما القيت نظره على نفسي..بالمرايه..قلت ياولد الشماغ ماهو مكوي..
وادور على البليه ذا اللي يكوون فيه..
الأزرق..وش إسمه..؟؟؟ ايه نشا..قاعد ادور على النشا..
ما لقيت..رحت دخلت على غرفة اخوي..لقيته هالأيام مسوي فيها حركات..ويحط جل على شعره..
قلت يالله يا تركي ما لك إلا هي..الوقت يمضي والنكهه تبقى..والحط بيدي من الجل والصقه بشماغي..
وجلست تحت المروحه نص ساعه إلين نشف..طلع شكلي حركااااااااااااااااات..
فعلا..ذا نيديد إز ذا ماذر اوف إنفينشين..
>>الحاجه ام الإختراع..
>>إذكروا الله..يسموني بالحاره الولد الدكشنري..
المهم..وقلت لازم اخلي في شكلي شي يوحي إني إنسان رياضي..
قلت بدال ماالبس سروال سنه..خلني البس بنطلوني الأزرق..اللي من الفالح>>يا قدمك
عاد هذا عزيز علي..شراه لي ابوي ليلة العيد..
ويوم جيت ابطلع..قلت هاه يمه وش رايتس فيني..قالت ما شالله عليك ياولدي تهبل..بس رح إلبس كنادر الله يفضحك..تبي تروح لهم بالزنوبه..قلت لها..عاد إنتي أدرى بحالتي..رجلي بها مشق ولا ارتاح إلا بالزنوبه..
قالت مايخالف يا وليدي تحمل عشاني هالمره..عسى الله يكتب الخيره..
قلت طيب.
واروح ادور على كنادر ما لقيت..بعدين تذكرت ولد جيراننا الجيزاني..قبلوه وكيل رقيب بالمطافي..
ومسلمينه بدله..وكنادر..كل يوم يلمعها ..عشان يصير مميز..
جيته قلت له..هاه يا لاحق..>>إسمه لاحق علي محنشي..تحمدو ربكم..
انا بحاله طارئه يا بعد عمري إنت..ويقولون الضيق وقت الصديق..إن خنته خانك..
قال..ممااااااااهو..
قلت ابد..بس بغيت كنادرك..قالي تفنضل..بس ما اشوف معك شورابات..
ما خبرت الرججاججيل يلبسون الكنادر من غير شورابات.. >>ياشين إمه لا جا يتذيهن..
قلت ما عليك إنت..مزبن لي شرابين..واحد أبيض..والثاني ازرق..عشان تعرف البنت إني هلالي..
إنت بس هات كنادرك..
عاد الحين صرت كامل والكامل الله..رحت اودع ابوي وامي..وهم يطالعون فيني..وودهم يبتسون..والعبره خانقتهم..قلت لا تخافون..انا راح ارفع راسكم إن شالله..
مسكني ابوي على جمب..وحط بجيبي حبتين لبتون..
قلت ليه يبه..
قال لا ابد...بس ابيك تثقل شوي عندهم..أخبرك خفيف وانا ابوك..
قلت تسلم والله..
واروح بالددسن..وكلي امل وسعاد ونجوى..
وماذا حصل بعد ان راح تركي بالددسن إلى بيت خطيبته؟؟؟؟؟
هذا ما ستعرفونه أحبتنا الصغار في الحلقة القااااااااادمه..
طووووط...طووووط...طوووووووط..
بحرينونا...بلد الشراااااااااااااب..بلد الخرااااااااااب
Trapped Inside
01-12-2003, 02:15 AM
خخخخخخخخخخخخخخ والله موضوع روعه وولكم باك حبيبي .. والله يخلي لك امك وابوك :09:
ننتظر التكمله.
HArb200
01-12-2003, 06:02 AM
خخخخخخخخخخخخخخخخخ
ياشين السرج على البقر .. آآآآآآآآآآقصد ياازينه والله .. اجل حاط جل على شماغك
ممممماااااااااااااااااهووووووووو الحياة كذا .. ياتحط جل وتتزوج .. ولاتلحط على جنب مع الملحطين
المهم .. اكممممممممل يالااااااحق .. ماااااهو انا منيب فاضي لك يابا ,,
تحياتي واشواقي ,,
MoaeD
01-12-2003, 01:15 PM
عاد ما لقيت الا اللاعبين :tongue2: بعدين تكلم عن نفسك مره ثانيه :cool:
شف رونالدو هو وهالكم شعره اللي مسويلي تقل جبنه مثلثه فوق جبهته ولا سنونه اللي ما تذكرني الا بصورة الأرنب اللي حاطينها على لوحة الأرنب الجائع ورح شف خويته :09: يالله لك الحمد
وغريبه ما دورت كنادر الكوره التميمي ذيك تحت الدرج اكشخلك :biggthump
هاه :31: .. انت اللي يسمونتك لونق مان انقلش دكشناري ونعم والله عاش من شافك يالفلته :D
قوصه رهيبه جدن جدن بس لا يكبر راسك كمل اول ولا ترى ما نعطيك الحكم النهائي تعرفنا حنا النقاد الفذيذون (يسمعبها) نتضرب دائما عند الحكم النهائي ونقلب على الكاتب :33:
كمل قريبن ولا يكثر :tongue2:
هههههههههههههههههههههههههههههههههههههه
ههههههههههههههههههههههههههههههههههههههههههه
قسنب عليك اسلوب يجنن !ّ
من جد من وين تخترع هالكلام المنمق الذي يدل عن روح مهسترة :bigeyes:
الهسترة = خفة الدم "بنظري:09:"
بصراحه سالفه الوحمة والايطالين ايه والله انت الصادز وسوف اطبق ذاك على عيالي وابرق بصور المماليح والمملوحات :tongue2:
بس عاد مب كل الايطالين حلويين..والصراحه اول مرة اشوف ولد يمدح في شكل الاولاد...(&) شي جديد هههههه
عليك قصه مونتازة هياع ننتتظر التكملة تحمسنا....
Da S.O.S
01-12-2003, 02:20 PM
والله ضحكت ضحك عليها
بس اقوول لك يا بويا
ماعليك انتا كمل بس وانا راح اقولك الرد النهاااااااااااايي
بس هاه
اسرع شوي وشيل اللبتون علشان تخلصها واذا خلصتها رجعه ثاني وحط شوي جل بعد:)http://smilies.sofrayt.com/%5E/u/djsmile.gifاي يالدجه بس
Lucky guy
01-12-2003, 04:47 PM
ههههههههههههههههههههههههههههههههههه اجل تقولي ذا نيديد إز ذا ماذر اوف إنفينشين هههههههههههههههه ..
أكمل أكمل ..
عماد 18
01-12-2003, 05:48 PM
الاخ ساكن في خنشليلة :tongue2:؟!
اهم حاجة الاخلاق :31: ..
و مثل ما يقولون بعض الناس ..
الجمال يروح وما يبقى الا جمال الروح :cool: ..
.MAy.
01-12-2003, 07:10 PM
:D :D :D
والله كتابتك شئ ...ماشالله الأخ مبدع...
يالله ننتظـــر جديدك الأحلــى ... :jester:
The Noble
01-12-2003, 07:54 PM
ههههههههههههه الله يرجك عليك اسلوب يذكرني بالدجات يلي كانوا بفصلنا ايام الثانوي :tongue2:
أكمل يرعاك الله :p
2TGOOL
02-12-2003, 01:16 AM
سعـــ2002ـــودي: تسلم حبيبي إنت ووجهك ...ومشكور على ردك..وإن شالله التكمله جايه
HArb200: لا يكثر ترا وصلتني سالفتك إنت وذاك ابو الشباب..خلني اشوفك على المسنجر بس..صدقني بتنطق بتنطق.. :tongue2:
ومشكور على الرد :12: >>من غير نفس خخخخ
MoaeD: يا مؤيد لا تسويلي فيها :09: خل الطابق مستور بس
بعدين وش دخل رونلادو بالسالفه..انا يوم قلت الدوري الإيطالي..قصدي اللاعبين الإيطاليين..
لا وبعد رونالدو ما يلعب بإيطاليا خخخ :tongue2:
ايوه جبتها..انا لونق مان..ابو تغليفه صفراء..
وإن شالله ينزل الجزء الثاني ..يا ناقدون فذيذون.. :33:
Lena: أهلان أهلان..اقول إذا ما عليكي امر ممكن افهم الكلام هذا؟
(قسنب عليك اسلوب يجنن !) فارسي صح؟ :33: إعترفي.. :tongue2:
الله يسلمك..ومشكوره على ردك..والكلام المنمق هذا نستمده من تعاونكم ومحبتكم وإمدادكم الروحي في زمن متقلب الأهاجيز>>إحترمت نفس بعد الجمله هذي :09:
اما سالفتك مع عيالك ..إي والله تكفين..خلي يطلع بنا السعوديين عرق حلو..
بعدين انا امدح شكل الوسيم بس..من نيه طيبه لا اكثر ولا اقل..>>أحس إني توهقت..صرفوني :tongue2:
وصدقيني لو حسيت في نيتي اي شي ثاني..كان ما مدحت إلا اليسا
ومشكوره على ردك يا مسهتره= خفيفة دم
!SoLiD SnAkE: يا أهلان يا أهلان ..اقول يقرب لك اللي كان يجي بالإمبي سي اف ام..اللي يقول (جنقل لااااااااااند..ببلااااااااااااش...إنتا ما تسمعني..اقلك ببلاااااااااااااااااااااااااش)
سؤال بس ما اقصد شي ثاني..
وعموماً..ما يحتاج تقول ردك النهائي انا واثق من نفسي هع هع :cool:
وإن شالله تشوف الجزأ الثاني قريباً..
هيا..افلح.. :33:
THE LUCKY GUY : ابشر ابشر..ومشكووور على ردك :D
عماد 18 : جمال الروح اجل..هههههههههههههههههههههههههههههههههههههههههههههههههههههههههههههههههههههههههههههههههههه هذا المثل مطلعينه جمعيه الرفق بالشيون وقاعدين يواسون نفسهم بس :09:
.MAy: والله إنت الشي..وذوقك المبدع..وردك الأحلى..ومشكورعلى ردك
BOOOB_2002 :
الله يرجك إنت :mad: لا عاد تسب مرره ثااااااااااانيه :12:
ومشكور على ردك :D تسلم حبيب البي
MoaeD
02-12-2003, 02:26 AM
MoaeD: يا مؤيد لا تسويلي فيها :09: خل الطابق مستور بس
بعدين وش دخل رونلادو بالسالفه..انا يوم قلت الدوري الإيطالي..قصدي اللاعبين الإيطاليين..
لا وبعد رونالدو ما يلعب بإيطاليا خخخ :tongue2:
ايوه جبتها..انا لونق مان..ابو تغليفه صفراء..
وإن شالله ينزل الجزء الثاني ..يا ناقدون فذيذون.. :33:
عاد وش يدرين عن نيتك يقولون فاتح فرع بقلبك وانا ما ادري :tongue2:
وبعدين اي طابق واي مستور خذ لك نطله على جنوب افريقيا ولا الصين واحمد ربك بس :09:
ههههههههههههههههه اما لونق مان ابو تغليفه صفرا ههههههههههههههههههههههههه
اكثر ما اضحك عليه بهالديكشناري غلافه صاحب الألوان الحارقه للأعين ياخي ما يغارون من حق اكسفورد رسمي وحركات
يسمعون بأهم شي المحتوى (على وزن اهم شي الأخلاق) :p
شف كمل الجزء الثاني والبنزين علي لا تخاف وان بغيت افلل لك بعد :p
جمال الروح اجل..هههههههههههههههههههههههههههههههههههههههههههههههههههههههههههههههههههههههههههههههههههه هذا المثل مطلعينه جمعيه الرفق بالشيون وقاعدين يواسون نفسهم بس
هههههههههههههههههههههههههههههههههههههههههههههههههههههههه
وانت الصادق لا يسمعونك جمعية الرفق بالحيوان يقولون هذي الجمعية تشوه سمعة جمعيتهم برعايتها لأقل من الحيوانات (في نظرهم):p
Tidus
02-12-2003, 01:05 PM
هههههههههههههههههه انت تووووووحفاااااااااه :09:
ماني عارف و الله من وين لك اسلوب مثل هذا ... يعني ما اذكر اني قريت لك موضوع و ما كان مهستر :09: = خفيف دم بنظري انا بعد ^________^
وي ار ويطينق فور ذا كومبليمينط ;)
عماد 18
02-12-2003, 05:57 PM
الي يشوفك انت و مؤيد يقول ما شاء الله من زود هالحلا حاطين توم كروز تحت باطكم :tongue2: ..
MoaeD
02-12-2003, 06:34 PM
الي يشوفك انت و مؤيد يقول ما شاء الله من زود هالحلا حاطين توم كروز تحت باطكم :tongue2: ..
وش تحسب الكشخه السعوديه حنا :cool:
Yoshi SD
02-12-2003, 08:24 PM
يوم قريت العنوان عنك أنت وخطيبتك قلت" إيه متى نخطب بس..."
ويوم قريت شلون وصفك لنا يالسعوديين قلت شكلي بأقعد عزوبي باقي عمري (مع أني يوم طالعت نفسي بالمراية طلعت مب شين - خاصة بهالقرعة اللي عقب العمرة-).
والله قصتك حركة....... (تذكرني بواحد الله يستر علينا وعليه)
وقاعدين ننتظر ردة فعل خطيبتك.
2TGOOL
02-12-2003, 11:20 PM
هااااااااااااااي>>يا حليلي وانا أتميلح :p
الأخوان : Yoshi SD و Tidus ..مشكورين على ردكم ومروركم ..
اما الأخوان عماد ومؤيد..هذا وإنتوا مشرفين بعددد جالسين تشيتون >يعني تشات..بس على وزن تشيشون
المهم..وانا ما قلت لكم وش صار يوم رحت لخطيبتي..
يوووووووووووووه..فاتكم نص عمركم اجل..ركزوا بالكلام الجاي لإنه كلام كبيـــــــــــر
وراح تستفيدون منه بالمستقبل
لتز بقن.....
قوووووووووووووووووووووووووووووووووووو
_ - -_ - - _ - - _ - - _ - - _ - - _ - - _ - - _ - - _
واروح بالددسن..وكلي امل وسعاد ونجوى..
وأجيك طاير لم بيتهم..حست لين لقيته..لقيت بي ام الجديده واقفه عند بابهم..
البي ام ما غيرها..أللي إذا شفتوها قلوبكم توقف..
الزبده..وأنا اللي ادخل فيها..وأعدم وجهيتها.. :09:
قلت ايــــــــــــــــــه ايه يا تركي..هذي بدايتها..الحين يقوللون لي هات ددسنك بدالها..بس يخسون والله..
>>خخخخخخ ماخذ مقلب بالددسن..عشان الجديده فيها طفايتين..والبي ام طفايه وحده..يعني إنت وخويك تدخنون بنفس الوقت..والله الددسن شي..
رحت دقيت الباب..طلع لي ابوها..وقالي..
السلام عليكم ورحمة الله وبركاته
قلت هلا هلا..قالي أأنت السيد تركي..>>عاد انا طرى لي يوم قالي سيد ..الشيعه اللي إشتغلت عندهم بالصيف..قلت لا يكون هذولا منهم..اعععععععع
قلت..نعم إنك على حق...
قال..تفضل..على الرحب السعه.
قلت..والله السعه البي إم اللي عدمتها لكم قبل شوي..ايوه ..
وين بنتك..
>>ما عنده وقت..
قالي: بإستطاعتك ان تدخل من هنا ..من أحد هذه الأبواب الثلاثه ..فكلها ستوصلك إلى مرادك.
قلت: لا والله البيبان ما جاها شي..بس الصدام على الشمعات على الكبوت تقدر تقول إنعدموا..
قال: آسف يا بُني ولكن أفصح عن ما تقول فأنا كما ترى شيخ كبير في السن..
قلت: ابد سلامتك تقول الباب الثالث على اليمين..وتبيني ادخل لحالي.والله إنكم عايله فله...يالله برب
المهم دخلت..
ولقيتها تحتريني بالمجلس..وانا اسوي نفسي كنها ما همتني..
بعدين قامت ورحبت فيني..عاد انا ماني لمها..انا لم مجلسهم يلعن إبليسهم..
يمديني ألعب وانا وإياها كوره..علىباب واحد..وابوها الحارس..
قالت وش إسمك؟
قلت إسمي تركي ويدلعوني صنيتان..
عاشت الأسامي يا صنيتان..
ممكن تقولي كم عمرك..
قلت العمر بيد الله..
طيب ممكن تقولي وش درجتك العلميه.؟؟
قلت احاول احتفظ فيها لنفسي..ما ابي اقهرك.. بس إذا ملزمه..ناجح من ثالث متوسط دور ثاني.
امم..طيب ابي رايك بالقرار اللي إتخذته أوروبا..عندما وحدوا عملتهم..؟؟ هل كان قرارهم صائب؟
قلت والله ما أحب أتكلم على الناس..كل واحد حر بقراراته..
قالت: يعني اخ تركي معقوله ما تقدر تعطي اي رأي في الأحداث العالميه؟
قلت: شوفي يا بنتي..انا ابغى اعلمك درس في الحياة ..الحين يعني وش إستفدنا من العالميه؟ تقدرين تقولين لي؟ هذا النصر راح للبطوله العالميه..وسمى نفسه العالمي..تقدرين تقولين لي وش إستفاد ..وآخرتها تصقع من الأهلي..وتعادل مع الإتفاق بالغش؟؟؟ شفتي كيف إن العالميه ما توكل عيش..عشان كذا انا قاطعت كل شي يخص العالميه بعد ما شفت حالة النصر...
هي: امممم..طيب يا تركي كم راتبك؟
انا: محاكيكي إلى الحين عاطل :D >>مستانس يعني ..فاتح كشرتك..الصبر
بعدين فتحت عيونها ...قلت يا ولد لا تحطمها مررره وحده
قلت: بس انا موصي واحد من الجماعه..وهو بيلقى لي وضيفه بحوالي يعني الف الف وخمس ميه..الف..بهالحدود
هي: اهاااا...طيب تقدر تقول لي وش خطتك المستقبليه..؟؟
اربعه اربعه إثنين.. إنيااااااااهااااااااااهااااااااااااااااااااااااااا
ااااااااااع..ياخي انا نكته ..حتى وانا أخطب..
ها ها ها هاااااااع
بالله ما تضحك النكته هذي..سجليها بسرعه قبل لا ننساها
جلست تناظر فيني شوي..بعدين جلست تمتم بكلام..اضنها تتحمد الله على العقل..
شكلي طحت من عينها والله خخخخخ
بعدين حسيت الجو مكهرب.
.قلت الحين إنتي أخذتيني اسئله على طول..
دقيقه خلي ريقي ينشف..توي مسوي حادث..قدام بيتكم مع بي إم..>>خخخخخخ فضح عمره..
قالت سلامتك ..وش تبي تشرب عصير؟؟
عاد انا دورني يوم قالت لي سلامتك..من زمان ما حسيت بحنان
قلت ..اممممممم
عندكم عصير طماط؟؟
جلست تناظر شوي..بعدين قالت..وش رايك بعصير منجا..
قلت لاوالله.هذا يشد الضهر..وانا تخبرين إلى الحين عزابي..
قالت..: لحووووووووول..طيب تفاح..اوكي..؟؟
قلت : اوكي..
وراحت تجيب العصير..
وبعدين جست انتظر ..وأنتظر ..وأنتظر..
إلين أذن الفجر وانا على ذي الحاله..
قلت يا ولد..إنسدح بس..ونم على ذي الكنبه..
وإتلطم..وأمد سيقاني..
ويوم شفت بنطلوني الإزرق من تحت الثوب تحسفت..قلت يا ليتني موريها قبل شوي..أكشخ فيه..بس مو مشكله المره الجايه إن شالله >>مأمل خير الأخ
ويوم بديت اغفوا دخلت شغالتهم..
ولفت الزوليه حقت المجلس وطلعت..عاد انا حسيت من ذي الحركه إنهم يبون يصرفوني..
وانا اللي اطلع من بيتهم.الله لا يردهم :mad:
>>بدررررررررررري..كان جلست شوي ..
والحمد لله..لقيت الددسن مكانها.. ما أحد خذاها..
ويوم جيت اطلع..وأتذكر العصير اللي وعدتني فيه..يلعن إم القهر..والله كان نفسي فيه.. :12:
واروح للبيت وانا منكسر وجريح.. :(
واكلم نفسي>>صرت موسوس
ليه انا دايم كذا
دايم حضي كذا
دايم مقرود بحياتي
ابي مرره بس تبتسم الدنيا بوجهي..مره وحده ولو نفاق
حتى يوم كنت صغير..جدتي إذا جابت حلاو ما كنتوش كل الصغار كانوا ياخذون إلا انا..لإنه دايم يخلص على حضي
وحتى إذا جيت لهلي وهم قاعدين يتقهوون واشوف براد الشاهي قدامهم..
أطلب كاسه..يقولون ..معليش ترووك ..بس خلص البراد على حضك
لالا..انا منتحر منتحر..بس قاعد احتري الفرصه السانحه بس
>>المقطع اللي فات كان ودي انزل معه خلفية نغمه حزينه..بس ما قدرت
وأدخل البيت..ويوم شافت إمي وجهي درت وش صار..وقامت تواسيني..
وتقول ماعليك منهم..أصلان حنا كنا نبيك تاخذ خبره بس..
والا حتى لو وافقوا ما نبيهم..قلعتهم..
وانا أحاول أتكلم ماني قادر الحروف متزاحمه في حنجرتي..
والعبره خانقتني ..تهيء تهيء جلست اقلب بالحنجره شوي إلين طلعت لي كم كلمه ( بروح انام يمه) قطيتها بوجهها ورحت لغرفتي
نمت..
قمت الصبح..
جلست افطر مع إمي (م...) إحم..إمي وبسسسسسس يا شينكم لا نشبتوا للواحد..ماني معلم بإسمها..
وجلست تناظر فيني.. :33:
وانا اسوي نفسي مااشوف..قلت اكيد ناقده علي..من اللي صار امس
بعدين قالت..ياولدي..والله العضيم إني أحبك..وإنت غالي..وبعيني حلو..
بس هم وش شايفين فيك..؟؟؟؟
وش تبي هذييييي؟؟؟ <<<
قلت يمه خير بعد؟؟ فيه خطاطيب ثانين.. :o
قولي لهم آسفين..ابي اكمل دراستي ماني فاضي لهالسوالف
قالت لا..بس اللي رحت لهم امس..وافقوا.. !!!!!
يقولون خلوه يجي..
من غير مهر ولا شي..بس نبيه بثيابه..
البنت ما نامت ليلة امسسس..تقول تبي تأدي خدمه للمجتمع لما تتزوجك وتوسع مداركك وعلومك
عاد انا شكيت..قلت ايوااااااااا
هذولا دروا إني صدمت البي إم حقتهم..
ويبوني اجي عشان ياخذون ددسني..
بس يخسون ياخذونها.. والبعدين البي ام كان موقف غلط
والله ما اروح :12:
وكملت فطوري..
وسلااااااااااااامتكم
..
ملاحظة: تروا قفلت الأخلاق من جد من قوانينكم اللي مالها داعي هذي..عطونا حريتنا ياخي..
يعني حتى إبتسامات محددينها..؟؟؟
شكل الموضوع كذا صراحه من غير إبتسامات كنه مفصخ
HArb200
02-12-2003, 11:58 PM
انا اقول لو انك رايحن لهم ..
يمكن فعلا تبي تتزوجك وتسوي خدمه للمجتمع
والاكيد انه شايفتن انك حلو .. وهذا شيء بديهي .. خاصة انك عطيتها صورتك وانت تصلي .. وهذا ان دل على شيء فانما يدل على حسن الاخلاق وعدم المروة ,,
تحياتي واشواقي لك .. وان شاء الله تعزمني واكون انا اول المدعوين بل اكون الشاهد بعد .. اكيد بيصير وجهي فال خير عليكم .. وتعيشون في سبات ونبات وتخلفوا صبيان وبنات ,,
تحياتي واشواقي ,,
Tidus
03-12-2003, 12:32 AM
قلت إسمي تركي ويدلعوني صنيتان..
عاشت الأسامي يا صنيتان..
اجل صنيتان اسم دلع ؟ تراه اسم ابو جدي :tongue2:
قلت لاوالله.هذا يشد الضهر..وانا تخبرين إلى الحين عزابي..
هههههههههههههههه ركزلي على هذي :09:
لو فيه تكمله بكون شاكر و ممنون ... لا تطول فيها ^_______________^
Dextar
03-12-2003, 05:47 AM
اجل يبون الددسن ههههههههههههههههه .
والله انك مهستر بقوووووووووووووووه .........
وعليك اسلوب تحفة ..........
وعن العصير ولا تزعل هذا واحدhttp://smilies.sofrayt.com/%5E/x/beer.gif<<< عصير طماط :tongue2:
القصة لها تكمله <<<<< استانست فيها يوووووه من زمان عن القصص اللي زي كذا . :33:
يلا باي http://www.shark-world.com/forum/images/smilies/arco.gif
Anima
03-12-2003, 05:54 AM
هي: اهاااا...طيب تقدر تقول لي وش خطتك المستقبليه..؟؟
اربعه اربعه إثنين.. إنيااااااااهااااااااااهااااااااااااااااااااااااااا
________________________________________
ههههههههههههههههههه
انواع الهسترة
مشكور على الموضوع
Trapped Inside
03-12-2003, 01:20 PM
خخخخخخخخخخ مشالله عليك ابداع مثل الجزء الاول اسمع اذا ما كنت تبيها تراني انا مثل حالتك يعني قلها تسوي خدمه انسانبيه وتتزوجني :09:
مشكور مره ثانيه :biggthump
عماد 18
03-12-2003, 08:36 PM
الابتسامات عددها محدد في كل المنتديات :31: ..
MoaeD
04-12-2003, 05:41 PM
اما انواع الضحك هههههههههههههههههههههههههه :biggthump
شكرا على القوصه وننتزر منك قصصا جديدة في حياة مديدة :33:
تشكرات :tongue2:
2TGOOL
05-12-2003, 03:30 PM
HArb20: مشكووور وتعال كل يوم
Tidus: هلا..بعدين لا تركز تركيزات هذي مرره ثانيه خخخخ :tongue2:
بعدين حلا هو؟؟؟ خلاص خلصت القصه
Dextar: مشكووره على العصير وبعدين خلاص خلصت القصه .. :33: ما صارت هذي..شكل النهاية ماهي زينه :09:
Anima: حياك الله البيت بيتك متى ما بغيت تفضل ..ومشكور على الرد
سعـــ2002ـــودي: لا هي تقول ما تبي ناس يفحطون يا قليل الأدب ..ماتخاف من الله تزعج العالم وهم نايمين وانا شغال جلنطات ..إنقلععععععععععععع
عماد 18 : أدري إنه بكل المنتديات محدد ..بس هم يحددون على رقم عالي من الإبتسامات ..اما إنتم ما اقدر انزل إلا تسع وجييه؟؟؟ !!!!! وين عايشين؟
MoaeD: شكراً إنت...وإن شالله تشوف غيرها قريباً..>>ايه هين..
ومشكورين كلكم..
ترررركي
Trapped Inside
05-12-2003, 03:37 PM
:
سعـــ2002ـــودي: لا هي تقول ما تبي ناس يفحطون يا قليل الأدب ..ماتخاف من الله تزعج العالم وهم نايمين وانا شغال جلنطات ..إنقلععععععععععععع
خخخخخخخخخخخ..يا خساره يعني راحت علي.. :09:
Da S.O.S
05-12-2003, 04:48 PM
http://smilies.sofrayt.com/%5E/i/dazzler.gifوالله يا شيخ انك لاتحفاتون
بعدين وش دعوا اقرب لذاك ابو بلااااااااااش
ما يخسىhttp://smilies.sofrayt.com/%5E/l0/bored.gif
والصرحه اسلوبك تحححححححححححححفه
بس في اغلاط مطبعيه بين الـ ظ والـض
انتبه لها
ولا القصه كوووووول من جد http://smilies.sofrayt.com/%5E/_950/guitar.gif
نشوفك في قوصاصون جديده ان شاء الله
http://smilies.sofrayt.com/%5E/u/fu.gifتحياتي
The Noble
05-12-2003, 05:41 PM
هههههههه ياخي انت تحفه :09:
بس يلي قهرني أن مافي تكملة :31:
على كل مشكوريشن على القصة وننتظر غيرها .. :reporter:
CARLA
10-12-2003, 06:57 AM
اهلين توتي..اخبارك؟
صراحه قصه فظيــــعه وكده :biggthump
سي يو ليتر اليجيتر :)
2TGOOL
12-12-2003, 01:34 AM
مشكووووورين كل ابوكم على ردودكم
اهلين توتي..اخبارك؟
صراحه قصه فظيــــعه وكده :biggthump
سي يو ليتر اليجيتر :)
:bigeyes: :bigeyes: :bigeyes:
ايواااااااااا... بخير الله يسلمك ..
توي أدري إنك قاطنه في ذا المنتدى..
مشكووره على ردك..سي يو إنتي
الطااائف اوحلى واوحلى كمااااااااااااااااان :09:
امزح والله امزح :09:
:ciao: باي
CARLA
12-12-2003, 12:27 PM
:bigeyes: :bigeyes: :bigeyes:
ايواااااااااا... بخير الله يسلمك ..
توي أدري إنك قاطنه في ذا المنتدى..
مشكووره على ردك..سي يو إنتي
الطااائف اوحلى واوحلى كمااااااااااااااااان :09:
امزح والله امزح :09:
:ciao: باي
هذا المنتدى بالنسبه ليه الموذر شيب لو سمحت
شوف تاريخ تسجيلي فيه <................. :tongue2:
وطبعا الطايف احلى :tongue2:
وبعدين تراك قديم مره ومغبر :D
تشـــاووووو ;)
wildkitty
17-12-2003, 02:16 PM
هههههههههههههههههههههههه
الموضوع اسمه حيل شدني من بين المواضيع
ويوم قريت حلفت اني اكمله :09:
عليك اسلوب خفيف دم بشكل :jester:
وانا صح إني امك..ومربيتك..والقرد بعين إمه غزال..
بس من زين خشتك يوم تخطبك وحده؟؟؟؟؟
لوووووووووووووووووووووووووول
توه تقول القرد بعين امه غزال
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .