ايش اسوي اكره الجامعة

[SuperGirl]

:mad: :mad: السلام عليكم

انا عندي مشكلة مرة كبيرة هي اني كره الجامعة طيب ليش؟ عشان لازم اصحى بدري علما انو هذه بتكون ان شاء الله اخر سنة بالقرف طفشت مرة ، بالله ايش اسوي لي 15 سنة ادرس ما كرهت الجامعة و المدرسة قد كرهي لها هذا التيرم ، لدرجة انو امس و اليوم جلست ابكي عشان ما ابى اجازة العيد تخلص و لا اروح الجامعة................ :mad: جلست اصلى و ادعي ربي انو يفكني منها باي طريقة كويسة ...وانا تخصصي انجليزي بجامعة الملك عبدالعزيز...الله يحرق الجامعة ايش اسوي ،،،،،،،،،،،، ابغى اخلص و انام :mad: :mad:

[kakashi]

السلام عليكم اختي ...كيف الحال؟؟؟
ليش تكرهين الجامعة لهذي الدرجة؟؟؟؟ ثانيا احمدي ربك أن هذه آخر سنة..
يعني أحسن عني بألف مرة ,,, فأنا في السنة الأولى و هذا أول كورس لي،، يعني وراي مشوار طويل جدا
جدا جدا ..
بس الانسان لازم ما يتذمر على شي ما بيده تغيير أي شي منه،، ما عليج غير الصبر و الدعاء لله وكل شي
سيعدي على خير ان شاء الله :biggthump

[Dark Devil]

ههههههههههههههههههههههه تكره الجامعه

[الازوري1]

أهلا وسهلا أختي

ماشاء الله تبارك الله .. آخر سنة لكي .. طيب خلاص هانت كلها كم شهر وتخلصين .. ذهب الكثير ولم يبقى الا القليل :D

أنا مثلك هذه آخر سنة لي وباقيلي 27 ساعة :D ... والله اني زيك طفشان وميت طفش .. لكن الواحد لازم يضغط على نفسه شويه ... يعني عدت ثلاث سنوات .. ولم يبقى الا القليل

وبالتوفيق للجميع

[رحيل]

انا اخر تيرم بالجامعه بغيت انهبل

اروح للجامعه والله والله وانا ابكي احيانا

يعني حالة بس جتني في اخر السنه

بس تحملي وتذكري انها كم يوم وتخلصي

بالتوفيق

[عبدالعزيز الأول]

هو فيه حل لمشكلة النوم هو انك تروحين للجامعه مواصله واذا جيتي من الجامعه نامي :biggthump

[SlamDunk]

انا مو بس اكرها ودي افجرها كمان :mad:

دائما احاول ارضي نفسي واقول يابنت على الأقل جامعة مو مدرسة :jester:

وبعدين احمدي ربك اخر سنة لك :biggthump

انا باقي 3 اترام :(

وقسم الإنجليزي مرة بايخ ومع كل بداية ترم يدي على قلبي خايفة مين يدرسني :31:



هو فيه حل لمشكلة النوم هو انك تروحين للجامعه مواصله واذا جيتي من الجامعه نامي
اي والله احسن شي اروح الجامعة مواصلة احيانا اكمل 31 ساعة :bigeyes:
المشكله في السهر ان الواحد مايكون رايق للمحاضرة وللمشاركة :31:

[tidusxxx]

هانت ما بقي شي:D

وزي ما قالوا روحي مواصلة :biggthump

اصلنا كلنا محنا طايقين بس على الاقل تقدرين تشوتين المحاضرة اذا ما فيكي تحضرين <<يحرض على الخراب:tongue2:

مو زي المدرسة لفيتي يمين ولا يسار تلاقين احد يلقطك ويحطك في فصلك:31:

يالله شدي حيلك ونسوي لك حفلة اذا تخرجتي http://www.eqla3.com/vb/images/icons/icon17.gif

[Dark Devil]

خخخخخخخخخخخخخخخخخخخخخخخخخخخخ يالجامعه :mad: :mad: :mad:

[DE NILSON]

خلاص استحملي مادام هذا اخر ترم ليكي

كلها بالكتير 5 شهور وانتي متخرجة


على العموم انا عاذرك لأنو انا كمان قرفان من الدراسة بس اش نسوي

لازم ندرس عشين نتوظف ونشتغل ونكون اسرة والللللللخ

الله يعييييينك بس

والله يعين مشوار الجامعة السنة الجية في اخر الدنيا

[SuperGirl]

:mad: :mad:
من شدة كرهي للجامعة نفسي أفجرها بس ما يكون فيها أحد او انو تجي حرب و يمنعوا الدراسة ........... :mad: :mad: :mad:

و الله طقيت خلاص ابى انام ؟؟

ها من معاي و من ضدي ؟؟ :mad:

[DE NILSON]

:mad: :mad:
من شدة كرهي للجامعة نفسي أفجرها بس ما يكون فيها أحد او انو تجي حرب و يمنعوا الدراسة ........... :mad: :mad: :mad:

و الله طقيت خلاص ابى انام ؟؟

ها من معاي و من ضدي ؟؟ :mad:


والله قدام تبغي تفجري الجامعة انا جاهز مافي ريوس

وكلنا معاكي :biggthump

[tidusxxx]

والله قدام تبغي تفجري الجامعة انا جاهز مافي ريوس

وكلنا معاكي :biggthump

تعالوا فجروا عندي شوي بعدين ارجعوا....تراني منيب بعيد تلاقوننا على خط السيل:tongue2:

[SuperGirl]

ابى افجر ابى اقتل كل الاستاذات ابي احط قنابل تحت مكاتبهم :mad: :mad: بالله يا جماعة دورلي عن حلا .. :mad:
لمن اقول لامي ابى احول انتساب عشان ما ادوام و .....اتزوج لو في احد يجي و هي ما تطرده ...تقولي يا بنت بلا قلت ادب كل اخواتكاتزوجو بعد ما غلقو الجامعة ...و لمن اقولها ادعيلي انو ربي يفكني منها تقولي الله يحببكي فيها والله محتاره :mad: :mad:


دور لي عن حل ...ترى من بداية الدوام ما رحت لي اربع ايام غايبة !!؟؟ :mad:

[DE NILSON]

ابى افجر ابى اقتل كل الاستاذات :

!!؟؟ :mad:


استاذات :09: :09:



دكاترة قصدك





والله شكلك لسا في المتوسطة

[kakashi]

السلام عليكم
بس حبيت أقولكم شي هو انكم انتو تعبانين نفسيا و هذا واضح في ردود البعض ....
و ثانيا اعتقد ان طالب الجامعة ما يتصرف و يفكر بطريقة طفولية مثلا يقول( بفجر الجامعة)
هاي تفكيرات طالب ابتدائي
واللي يعانون من الكآبة ما لكم الا كتاب الله ارجعوله و ماشي علاج غيره

[DE NILSON]

السلام عليكم
[
هاي تفكيرات طالب ابتدائي
واللي يعانون من الكآبة ما لكم الا كتاب الله ارجعوله و ماشي علاج غيره
يابويا ابتدائي مايعرف يسجل في منتدى


انا اقول 2 متوسط بالكثير

[rakan]

تفجرون الجامعة؟؟؟ وليش؟ حرام عليكم الجامعة ماسوت شي بالعكس انا حاسس في الجامعة بالحرية أكثر من المدرسة ... ففي الجامعة مافي تمرينات صباحية ولا نشيد الوطني ولا نمشي للفصول طوابير زي العساكر بالعكس الجامعة تقدر تسوي كل حاجة تمشي بحريتك ومافي شي اسمه نكلم ولي امرك واقدر البس اي شي حتى ولو شورت مااحد يكلمك تحضر المحاضرة ولاماتحضرها انت مسؤول عن نفسك وهذا غير الانشطة الرياضية المفتوحة مو زي المدرسة نستنى لما تجي حصة البدنية عشان نلعب كورة


ولكن ممكن نقول نفجر الدكاترة السيئين اللي في الجامعة اللي بالفعل مايستحقوا لقب دكاترة وطبعا انا لااعمم كل الدكاترة بالعكس في دكاترة طيبين ولكن للاسف في دكاترة دماغهم ناشفة


ترى قلق والخوف والكابة في آخر سنة بالجامعة منتشرة كثيرا وذالك لاسباب كثيرة منها:

- الخوف من عدم نجاح الطالب وعدم اللحاق بزملائه

-عادة تكون في آخر سنة اشياء عملية وابحاث مثل التدريب او مشروع البكالوريوس وخصوصا انها اشياء متعبة تجعل الشخص يتمنى الخلاص منها

- بعض المشاريع تحتاج لمجموعة طلاب لتكوينها وللاسف قد يكون احد الطلاب قد كلف شي ولم يؤديها يسبب ارباك لزملائه الاخرون

- بعض الدوافير يخافون من عدم حصولها على مرتبة الشرف الاولى او الثانية لانه في اخر سنة لو جاب علامات عالية فمعدله لن يتاثر كثيرا ولكن اذا لاسمح الله خبص فان معدله سيهبط ويخرج عن دائرة مرتبة الشرف

- بعض الدكاترة في السنوات الاخيرة يكونون شديدين ويقهروك احيانا ولما تعمل مشروع معين ويكون ممتاز مايعجبهم مما يسبب الاحباط

هذا واسباب كثيرة اخرى ولاعلاج لها سوى الرضا بقضاء الله وقدره واللي مكتوب لك حيحصلك مهما عملت مهما اجتهدت ومهما انظلمت واهم اهم شي الصبر

[SuperGirl]

احنا عندنا بقسم الطالبات ما نقول دكاترة نقول استاذات عادي لانو الاستاذات ماهم معقدات لمن تقولهم استاذات و هم دكاترة يزعلوا و كمان سبب ثاني انو نستخدم هذا المصطلح استاذة انو في المدرسة كنا نستخدم مصطلح أبلة مو استاذة...و كمان استاذة اسهل من دكتورة..

[xl_cool]

ترى عاي لازم من الطفش
انا صراحة اول ما دخلت الجامعه القرف
جامعة الملك فهد للبترول
كنت مستانس
لكن من جد طفشت ومليت
بس كله هدا من النظام الزفت عندنا
بس حقيقه غير عن السجن اسف المدرسه
في المدرسه من 7 الى 1:30 حبس اجباري
يا ويل الي يطلع
اما الجامعه ساعه وساعه
والله يوفقكم
BUT WHAT WE CAN DO
THIS IS THE LIFE

[DE NILSON]

كلام االخ راكان صحيح

[C.Falcon]

لاااااااااا تنحرق ليش ؟!؟!؟!؟
توي أول ترم خليني أتهنى بالمكافآت :)

[dr.0454527]

لا الله يخليكي لا تحرقي الجامعة أحسن أنا دفعت 25ألف ريال عشان أدرس في كلية الطب وإذا فجرتيها حيتحرق ملفي:( :(
أحمدي ربك إنك في آخر سنة.أنا لسه سنة أولى وقدامي 6سنين في الكلية+سنة امتياز في المستشفى(يعني الناس تخرجت وتزوجت وأنا عششت العناكب فوق راسي)

[أرسين لوبين]

انا مو بس اكرها ودي افجرها كمان :mad:
لاه لاه لاه كل شئ إلا العمليات الإرهابية

[botshika]

تفجرون الجامعة؟؟؟ وليش؟ حرام عليكم الجامعة ماسوت شي بالعكس انا حاسس في الجامعة بالحرية أكثر من المدرسة ... ففي الجامعة مافي تمرينات صباحية ولا نشيد الوطني ولا نمشي للفصول طوابير زي العساكر بالعكس الجامعة تقدر تسوي كل حاجة تمشي بحريتك ومافي شي اسمه نكلم ولي امرك واقدر البس اي شي حتى ولو شورت مااحد يكلمك تحضر المحاضرة ولاماتحضرها انت مسؤول عن نفسك وهذا غير الانشطة الرياضية المفتوحة مو زي المدرسة نستنى لما تجي حصة البدنية عشان نلعب كورة

معليش بس شكلك أخ راكان ما سمعت بجامعة الملك سعود..اللي يفتشون على أظافرنا كمان وساجنينا حتى بالأختبارات(والله قهر بنات المدارس لما يخلصون اختبارات يفخون بنومتهم وحنا نستنى البوابة تفتح) هذا غير الزي الموحد التنورة السوداء والبلوزة البيضاء.. والله المدرسه أهون ما فيه هالمعاملة السيئة كأنك شغاله عندهم.. :mad:

الله يصبرنا بس.......................... :02:

[gr8_man]

ابى افجر ابى اقتل كل الاستاذات ابي احط قنابل تحت مكاتبهم :mad: :mad: بالله يا جماعة دورلي عن حلا .. :mad:


:mad:

لا حول الله حتى الجامعات تبي توصلها التفجيرات والارهاب :afraid: :afraid: :afraid:

[Blue Ocean]

اتزوج لو في احد يجي و هي ما تطرده

وانا كنت مخطط اجي بعد بكرة .... خلاص دام امك كذا بطلنا :D


اما انا بالنسبة لي اول مادخلت الجامعة كرهت شئ اسمه جامعة ولعنت سنين سنينها وخاصة نظام الدوام المتقطع يعني شوية في الصباح وشوية في العصر وشوية في المغرب انا نفسي انكرف من الصباح للظهر وبعدها اروح ماعندي مانع بس لايعطوني نظام متقطع الواحد مايمديه يحط راسه عالمخدة والا ووقت المحاضرة اقترب :mad:

قلت ياولد استفيد من خبرات اللي سبقونا لقيت مافي حل غير تشبيك الدكتور يعني اكثر عليه الزيارات في المكتب وطبعا رقم جواله اكثر عليه التهاني في المناسبات ...... الخ


وبعدها انسى شئ اسمه دوام وخوف من الحرمان يعني الدوام مجاملة كم محاضرة كذا في الترم والباقي نوووووووم وانترنت وفيديو قيمز


لكن اذا كان الدكتور سعودي ياشينها من حالة والله لقيت للدكاترة كلهم طريق الا السعوديين :vereymad:

[Black X]

وانا اقول ليش الشباب يقولولي خليك على الانتساب :)

بس ان شاء الله احول للانتظام الترم الجاي ... اذا جبت معدل :)

اقول ... احد منتظم في الادارة و الاقتصاد و في الترم الثاني ؟؟

سلام