Final Fantasy 7
05-12-2003, 12:28 AM
:أفكر: ..
Hello There .. long time no see yaa
هو شكل المنتدى هالجم يوم يمر في سباته الشتوي السنوي .. و لكن لما دخلت اليوم لقيت أن أثار هالسبات بدأت تخف شويش شويش
المهم .. خل أقول لكم شنو آخر أخباري و أفعالي مع الآر بي جيز جيمز .. و شنو سويت مع مشكلة البلاي ستيشن 2 و الخطوط السوداء يالي تحد الصورة من فوق و أسفل و اليسار و في بعض الأحيان ما تكون الخطوط تحد الصورة بل تكون الصورة ممدودة للأسفل و لليمين قليلا و كذلك بدأت نوعية هالمشكلة (( النوع الثاني )) تصل الى جهازي البلاي ستيشن 1:tongue2:
و لكن قبل لا تكملون قراءة في الموضوع .. استرخوا في الكرسي .. و تفرغوا من كل شي .. و استمعوا لاحدى اغرب القصص يالي حصلت معاي في حياتي .. و يالي فعلا راح تتأكدون من خلالها أن حظي هو الأكثر نحسا في المنتدى بينكم :12:
كل شي بدأ من أسبوع و نصف .. أول أيام عيد الفطر .. وديت أجهزتي للتصليح .. البلاي 1 علشان يبدلون لي العدسه بـ 15 دينار (( بس علشان خاطر لونار 1 )) .. و كنت راح أشتريها في نفس اليوم يالي وديت جهازي للتصليح .. و لكني أجلت الموضوع حتى وقت أخذي البلاي 1 من التصليح ..
و وديت كذلك جهازي البلاي 2 علشان يشوفون مشكلة الصورة المزعجه .. قال لي صاحب المحل أن احتمال 80% أن تكون المشكلة من التطويره .. فقال لي أنه لازم يبدلها لي بـ 15 دينار .. فتركت الجهازين في السوق عند هالمحلين و رجعت للبيت و قضيت طوال عطله العيد بلا فيديو جيمز (( أبد ما تهنيت فيها :والله 17: )) و في آخر يوم من عطلة العيد .. كان يعتبر أحد أسوأ و أنحس أيام حياتي .. و يالي جعلت عنوان موضوعي هذا هو شعاري الدائم
رحت أول شي للمحل يالي يمتلك جهازي البلاي 1 .. و كان التافه صاحب المحل للحين مو مركب العدسه (( و هو يالي قال لي أنه يوم واحد راح يخلص من الجهاز .. و لما أرجع له بعد أربع أيام ألقى أنه للحين مو مقرب صوب الجهاز خير شر )) :mad:
و طبعا أنا ما عندي لسان .. طبيعتي وايد هادئ و ساكت .. فنطرت و أمري لله علشان يبدل العدسه جدامي و السيارة تحت تنتظرني فيها أهلي المساكين يالي دريت فيما بعد أنهم قلقوا علي وايد لما تأخرت .. المهم قلت لصاحب (( عندك لونار 1 )) فرد علي بالايجاب .. فقلت له يعطيني اياها و لكن قال (( انتظر علما أسوي جهازك و بعدين تاخذ الشريط مع الجهاز مرة وحده ))
فنطرت و ما مرت دقائق قليلة حتى دخل واحد شكله بأواخر العشرينات .. و متين .. سلم على صاحب المحل و بدأ يسولف معاه و كتب له شوي أسامي لألعاب قديمه يبي يحصلها .. و فجأة ما وعيته الا و يقول لصاحب المحل (( عاد تصدق أنت الحين صرت وايد مشهور .. في الانترنت أنا دخلت منتدى كله يتكلمون عنك و يقولون أن عندك كل الألعاب القديمه .. الخ )) ..
طبعا دون أدنى شك هني أنا عرفت أنه يتكلم عن منتدانا هذا :D
فقعد يسولف مع صاحب المحل و يضحك معاه .. و قبل لا يمشي وقف .. و قال لصاحب المحل (( ممكن تعطيني لونار 1 اذا عندك ))
فقام صاحب المحل و أعطاه اللعبة .. و مشى هذا الشخص .. و انا قلت في نفسي بتجب (( فعلا صدفه http://www.montada.com/images/smilies/eek.gif ))
و بعد وقت طويل .. خلص صاحب المحل من تركيب العدسه الجديدة لجهازي .. فقلت لنفسي (( و أخييييرا بعد شهرين من التلحف للحصول على لونار 1 .. و بعد ما نزلت لها أغاني و عروض يالي صرت كل يوم أشوفها و اسمعها بادمان .. راح تكون بين يديني اللعبة )) ..
فطلبت من صاحب المحل أنه يعطيني براسايت ايف 1 .. و زينوجيرز .. و لونار 1 ..
صار صاحب المحل يدور على هالألعاب .. و طلع لي براسايت ايف 1 .. و بعدين اعطاني زينوجيرز .. و لما راح ييب لي لونار 1 .. شفت أنه طول بالبحث .. و قاعد يدور و يسأل يالي يشتغلون معاه في المحل باللهجة الهندية .. فرجع لي و قال أن النسخ خلصت .. و كانت آخر نسخه هي مع الريال يالي بالتو مشى :bigeyes:
تخيلوا مدى احتمالية أن يحدث هذا الأمر .. في نفس اليوم و الساعه يالي كنت أنا راح اشتري لعبة آر بي جي قديمه للغاية ما أظن أنها راح تخطر على باي ناس هالأيام نظرا لقلة من يعرفونها .. جذي يصير فيني :mad: !
طبعا انفقعت من القهر .. و علشان شوي أخفف عني .. طلبت من صاحب المحل يعطيني نسخه لفف7 .. على الأول شوي ترتاح الحره يالي فيني -__-
و بعدين رحت للمحل الثاني .. و لقيت أن البلاي 2 خلصوا من وضع تطويرته .. و كلفني ذلك 15 دينار .. و لما سألت صاحب المحل عن ما اذا كانت سالفة الخطوط قد ولت و تصلحت .. قال لي أنها خلال صارت زينه و أن المشكلة كانت من تطويرتي القديمه .. فشوي خف شعوري المتضايق بسبب ما حصل معي على لونار 1 .. فأخذت الجهاز و معاه كم لعبة طبعا على رأسها كانت فف10-2 .
رحت البيت و جربت البلاي 2 و أنا حاط يدي على قلبي .. و طلعت المفاجأة أن و لا شي تغير .. و المشكلة لازالت موجودة .. فارتفع ضغطي للسقف لأن خلاص 15 دينار انكبوا في الزبالة .. كل شي سويته و الفلوس يالي دفتها و الأوقات الزفت يالي قعدتها في عطله العيد .. كان على الفاضي :أفكر:
و في هذه الاثناء تذكرت شي .. و هو أني أنا يالي كنت قاعد أوزع اسم المحل يالي يبيع الألعاب القديمه في المنتدى .. يعني هذا الريال يالي أخذ لونار 1 ماراح المحل الا على ايدي أنا @@
تخيلوا غباء الحدث يالي صار معاي :31: ..
طبعا أنا الحين قاعد أقصب نفسي أني أتقبل واقع أمر أن اللعب و الصورة مو بالسنتر و لا فول سكريم ..
و أحاول أنسى فكرة أني ألعب لونار 1 في يوم من الأيام .. لأن خلاص الظاهر أن مالي نصيب فيها .. :(
و بهذا اتضح لي شي .. و هو فعلا .. و الله العظيم .. أقسم لكم .. و ابصم لكم بالعشرة .. أن صدق من ردده و قال :
ليس كل ما يتمناه المرء . يدركه
:o
طيب .. خلوني الحين أتكلم لكم شوي عن انطباعاتي مع الألعاب الآر بي جيز يالي اشتريتهم ^^
زينوجيز
الصراحه أنا ما كنت حاط براسي أني أشتري هذه اللعبة خير شر ..
و لكن قبل يوم واحد من ذهابي للسوق علشان آخذ أجهزتي من التصليح .. كلمت العضو Ramza في الماسنجر و بدأ يمدح لي اللعبة و يمجدها لي .. لذلك قررت أني أشتريها لأن معروف عن وليد (( رامزا )) أنه صاحب ذوق راقي :)
و الحقيقة .. أني من لما حطيت الدسك داخل جهاز البلاي ستيشن 1 .. و بدأ عرض البداية .. أقسم بدون مبالغه أن أنفاسي انكتمت :bigeyes:
حدث البداية مذهل .. قوي .. رااااااائع .. و الحوار ممتاز .. و الموسيقى طلع أن بينها و بين زينوساجا لمحات كثيرة .. و بديت ألعب في اللعبة فقط بالبداية .. و فعلا من الواضح أن القصة ضخمه و أسطورية .. الصراحه تحمست لهذه اللعبة كثير
تحية خاصه على صديقي العزيز الغالي رامزا :biggthump
براسايت ايف 1
مرة كتب صديقنا جولدن سن في المنتدى تقرير عن هذه اللعبة .. و التي وصفها بأنها عبارة عن خليط بين أفلام هوليوود و فاينل فانتسي 7 ..
ياخوان والله أن جولدن صدق بكل كلمه قالها .. اللعبة فعلا ابدااااااااااع فوق التصور .. يعني أنا أبد ما توقعت أنها راح تطلع بهذه الروعة :cool:
الجيرافيكس قوي للغاية و كذلك العروض السينمائية .. الموسيقى مذهلة .. و النظام و لا أحلى .. فعلا هالجزء طلع أحلى من الجزء الثاني و بمرااااحل خاصة من ناحية المواقف المرعبه ^^
فاينل فانتسي 10-2 = انجلشششششش
الصراحه أنا ما لعبت هذه اللعبة فعليا لا أمس لأني حسيت ببرود تجاهها و الظاهر أن السبب كان اني انهيتها كم مرة بالنسخه اليابانية (( بعد توووبه ألعب اي جزء ياباني ))
أنا جربتها في البداية أول ما اشتريتها .. و طلعت أن اغنية البداية سيئة و مشوهه على قولة الاخت شيون .. الكلمات ابد مو ماشية مع اللحن .. و صوت ريكو و بروذر هو الأسوأ في هذه النسخه (( رغم أن اصواتهم في النسخه اليابانية كانت هي الأفضل و بشهادة الجميع ))
المهم اللعبة لا كلام عليها .. كل شي فيها توب و كالعاده ابداع ..
أمس بديت ألعبها أول ما رجعت من المدرسة .. و انهيتها في نفس اليوم الفجر الساعه 3 ..
أنهيتها فقط بالمهمات الرئيسية .. و ما دخلت و لا مهمة فرعيه .. لاني كنت سامع من زمان ان في نهاية سرية مخشوشه و حزينه للغاية تظهر فقط عندما لا تلعب بالمهمات الفرعيه .. يعني تظل طول اللعبة على المهمات الأساسية فقط .
و فعلا طلعت لي هذه النهاية الحزينه السرية .. يالي ما يبي يعرفها لا يقرأ القادم ...
...
....
النهاية السرية الحزينه تطلع في النهاية لما يونا تمشي بروحها بين الزهور بالفار بلين .. هني تطلع النهاية و هي يونا تمشى و فجأة تسمع صوت تصفير .. و بعدين يطلع تايدوس على هيئة ظل و يبدأ يحضنها من ورى مثل نهاية فف10 .. و تقول يونا بصوت حزين كأنها على وشك البكاء :
(( هذا أنت ..
لقد كنت معي طوال الوقت ..
أنا الآن لست قلقه ..
لأنك ستظل دوما معي .. هنا )) و تؤشر ناحية قلبها (( في أعماق قلبي .. و ذكرياتي ))
و بعدين يختفي تايدوس .. و يونا تقول بصوت يقطع القلب و يدمع العين (( I Love you )) :17:
بكل اختصار هذا كل ما عندي أقوله الحين ..
و الآن لازم اطلع علشان ناطرني واحد في الماسنجر .. سلاام .. و شكرا لقرائتكم الموضوع .. 6_^
Hello There .. long time no see yaa
هو شكل المنتدى هالجم يوم يمر في سباته الشتوي السنوي .. و لكن لما دخلت اليوم لقيت أن أثار هالسبات بدأت تخف شويش شويش
المهم .. خل أقول لكم شنو آخر أخباري و أفعالي مع الآر بي جيز جيمز .. و شنو سويت مع مشكلة البلاي ستيشن 2 و الخطوط السوداء يالي تحد الصورة من فوق و أسفل و اليسار و في بعض الأحيان ما تكون الخطوط تحد الصورة بل تكون الصورة ممدودة للأسفل و لليمين قليلا و كذلك بدأت نوعية هالمشكلة (( النوع الثاني )) تصل الى جهازي البلاي ستيشن 1:tongue2:
و لكن قبل لا تكملون قراءة في الموضوع .. استرخوا في الكرسي .. و تفرغوا من كل شي .. و استمعوا لاحدى اغرب القصص يالي حصلت معاي في حياتي .. و يالي فعلا راح تتأكدون من خلالها أن حظي هو الأكثر نحسا في المنتدى بينكم :12:
كل شي بدأ من أسبوع و نصف .. أول أيام عيد الفطر .. وديت أجهزتي للتصليح .. البلاي 1 علشان يبدلون لي العدسه بـ 15 دينار (( بس علشان خاطر لونار 1 )) .. و كنت راح أشتريها في نفس اليوم يالي وديت جهازي للتصليح .. و لكني أجلت الموضوع حتى وقت أخذي البلاي 1 من التصليح ..
و وديت كذلك جهازي البلاي 2 علشان يشوفون مشكلة الصورة المزعجه .. قال لي صاحب المحل أن احتمال 80% أن تكون المشكلة من التطويره .. فقال لي أنه لازم يبدلها لي بـ 15 دينار .. فتركت الجهازين في السوق عند هالمحلين و رجعت للبيت و قضيت طوال عطله العيد بلا فيديو جيمز (( أبد ما تهنيت فيها :والله 17: )) و في آخر يوم من عطلة العيد .. كان يعتبر أحد أسوأ و أنحس أيام حياتي .. و يالي جعلت عنوان موضوعي هذا هو شعاري الدائم
رحت أول شي للمحل يالي يمتلك جهازي البلاي 1 .. و كان التافه صاحب المحل للحين مو مركب العدسه (( و هو يالي قال لي أنه يوم واحد راح يخلص من الجهاز .. و لما أرجع له بعد أربع أيام ألقى أنه للحين مو مقرب صوب الجهاز خير شر )) :mad:
و طبعا أنا ما عندي لسان .. طبيعتي وايد هادئ و ساكت .. فنطرت و أمري لله علشان يبدل العدسه جدامي و السيارة تحت تنتظرني فيها أهلي المساكين يالي دريت فيما بعد أنهم قلقوا علي وايد لما تأخرت .. المهم قلت لصاحب (( عندك لونار 1 )) فرد علي بالايجاب .. فقلت له يعطيني اياها و لكن قال (( انتظر علما أسوي جهازك و بعدين تاخذ الشريط مع الجهاز مرة وحده ))
فنطرت و ما مرت دقائق قليلة حتى دخل واحد شكله بأواخر العشرينات .. و متين .. سلم على صاحب المحل و بدأ يسولف معاه و كتب له شوي أسامي لألعاب قديمه يبي يحصلها .. و فجأة ما وعيته الا و يقول لصاحب المحل (( عاد تصدق أنت الحين صرت وايد مشهور .. في الانترنت أنا دخلت منتدى كله يتكلمون عنك و يقولون أن عندك كل الألعاب القديمه .. الخ )) ..
طبعا دون أدنى شك هني أنا عرفت أنه يتكلم عن منتدانا هذا :D
فقعد يسولف مع صاحب المحل و يضحك معاه .. و قبل لا يمشي وقف .. و قال لصاحب المحل (( ممكن تعطيني لونار 1 اذا عندك ))
فقام صاحب المحل و أعطاه اللعبة .. و مشى هذا الشخص .. و انا قلت في نفسي بتجب (( فعلا صدفه http://www.montada.com/images/smilies/eek.gif ))
و بعد وقت طويل .. خلص صاحب المحل من تركيب العدسه الجديدة لجهازي .. فقلت لنفسي (( و أخييييرا بعد شهرين من التلحف للحصول على لونار 1 .. و بعد ما نزلت لها أغاني و عروض يالي صرت كل يوم أشوفها و اسمعها بادمان .. راح تكون بين يديني اللعبة )) ..
فطلبت من صاحب المحل أنه يعطيني براسايت ايف 1 .. و زينوجيرز .. و لونار 1 ..
صار صاحب المحل يدور على هالألعاب .. و طلع لي براسايت ايف 1 .. و بعدين اعطاني زينوجيرز .. و لما راح ييب لي لونار 1 .. شفت أنه طول بالبحث .. و قاعد يدور و يسأل يالي يشتغلون معاه في المحل باللهجة الهندية .. فرجع لي و قال أن النسخ خلصت .. و كانت آخر نسخه هي مع الريال يالي بالتو مشى :bigeyes:
تخيلوا مدى احتمالية أن يحدث هذا الأمر .. في نفس اليوم و الساعه يالي كنت أنا راح اشتري لعبة آر بي جي قديمه للغاية ما أظن أنها راح تخطر على باي ناس هالأيام نظرا لقلة من يعرفونها .. جذي يصير فيني :mad: !
طبعا انفقعت من القهر .. و علشان شوي أخفف عني .. طلبت من صاحب المحل يعطيني نسخه لفف7 .. على الأول شوي ترتاح الحره يالي فيني -__-
و بعدين رحت للمحل الثاني .. و لقيت أن البلاي 2 خلصوا من وضع تطويرته .. و كلفني ذلك 15 دينار .. و لما سألت صاحب المحل عن ما اذا كانت سالفة الخطوط قد ولت و تصلحت .. قال لي أنها خلال صارت زينه و أن المشكلة كانت من تطويرتي القديمه .. فشوي خف شعوري المتضايق بسبب ما حصل معي على لونار 1 .. فأخذت الجهاز و معاه كم لعبة طبعا على رأسها كانت فف10-2 .
رحت البيت و جربت البلاي 2 و أنا حاط يدي على قلبي .. و طلعت المفاجأة أن و لا شي تغير .. و المشكلة لازالت موجودة .. فارتفع ضغطي للسقف لأن خلاص 15 دينار انكبوا في الزبالة .. كل شي سويته و الفلوس يالي دفتها و الأوقات الزفت يالي قعدتها في عطله العيد .. كان على الفاضي :أفكر:
و في هذه الاثناء تذكرت شي .. و هو أني أنا يالي كنت قاعد أوزع اسم المحل يالي يبيع الألعاب القديمه في المنتدى .. يعني هذا الريال يالي أخذ لونار 1 ماراح المحل الا على ايدي أنا @@
تخيلوا غباء الحدث يالي صار معاي :31: ..
طبعا أنا الحين قاعد أقصب نفسي أني أتقبل واقع أمر أن اللعب و الصورة مو بالسنتر و لا فول سكريم ..
و أحاول أنسى فكرة أني ألعب لونار 1 في يوم من الأيام .. لأن خلاص الظاهر أن مالي نصيب فيها .. :(
و بهذا اتضح لي شي .. و هو فعلا .. و الله العظيم .. أقسم لكم .. و ابصم لكم بالعشرة .. أن صدق من ردده و قال :
ليس كل ما يتمناه المرء . يدركه
:o
طيب .. خلوني الحين أتكلم لكم شوي عن انطباعاتي مع الألعاب الآر بي جيز يالي اشتريتهم ^^
زينوجيز
الصراحه أنا ما كنت حاط براسي أني أشتري هذه اللعبة خير شر ..
و لكن قبل يوم واحد من ذهابي للسوق علشان آخذ أجهزتي من التصليح .. كلمت العضو Ramza في الماسنجر و بدأ يمدح لي اللعبة و يمجدها لي .. لذلك قررت أني أشتريها لأن معروف عن وليد (( رامزا )) أنه صاحب ذوق راقي :)
و الحقيقة .. أني من لما حطيت الدسك داخل جهاز البلاي ستيشن 1 .. و بدأ عرض البداية .. أقسم بدون مبالغه أن أنفاسي انكتمت :bigeyes:
حدث البداية مذهل .. قوي .. رااااااائع .. و الحوار ممتاز .. و الموسيقى طلع أن بينها و بين زينوساجا لمحات كثيرة .. و بديت ألعب في اللعبة فقط بالبداية .. و فعلا من الواضح أن القصة ضخمه و أسطورية .. الصراحه تحمست لهذه اللعبة كثير
تحية خاصه على صديقي العزيز الغالي رامزا :biggthump
براسايت ايف 1
مرة كتب صديقنا جولدن سن في المنتدى تقرير عن هذه اللعبة .. و التي وصفها بأنها عبارة عن خليط بين أفلام هوليوود و فاينل فانتسي 7 ..
ياخوان والله أن جولدن صدق بكل كلمه قالها .. اللعبة فعلا ابدااااااااااع فوق التصور .. يعني أنا أبد ما توقعت أنها راح تطلع بهذه الروعة :cool:
الجيرافيكس قوي للغاية و كذلك العروض السينمائية .. الموسيقى مذهلة .. و النظام و لا أحلى .. فعلا هالجزء طلع أحلى من الجزء الثاني و بمرااااحل خاصة من ناحية المواقف المرعبه ^^
فاينل فانتسي 10-2 = انجلشششششش
الصراحه أنا ما لعبت هذه اللعبة فعليا لا أمس لأني حسيت ببرود تجاهها و الظاهر أن السبب كان اني انهيتها كم مرة بالنسخه اليابانية (( بعد توووبه ألعب اي جزء ياباني ))
أنا جربتها في البداية أول ما اشتريتها .. و طلعت أن اغنية البداية سيئة و مشوهه على قولة الاخت شيون .. الكلمات ابد مو ماشية مع اللحن .. و صوت ريكو و بروذر هو الأسوأ في هذه النسخه (( رغم أن اصواتهم في النسخه اليابانية كانت هي الأفضل و بشهادة الجميع ))
المهم اللعبة لا كلام عليها .. كل شي فيها توب و كالعاده ابداع ..
أمس بديت ألعبها أول ما رجعت من المدرسة .. و انهيتها في نفس اليوم الفجر الساعه 3 ..
أنهيتها فقط بالمهمات الرئيسية .. و ما دخلت و لا مهمة فرعيه .. لاني كنت سامع من زمان ان في نهاية سرية مخشوشه و حزينه للغاية تظهر فقط عندما لا تلعب بالمهمات الفرعيه .. يعني تظل طول اللعبة على المهمات الأساسية فقط .
و فعلا طلعت لي هذه النهاية الحزينه السرية .. يالي ما يبي يعرفها لا يقرأ القادم ...
...
....
النهاية السرية الحزينه تطلع في النهاية لما يونا تمشي بروحها بين الزهور بالفار بلين .. هني تطلع النهاية و هي يونا تمشى و فجأة تسمع صوت تصفير .. و بعدين يطلع تايدوس على هيئة ظل و يبدأ يحضنها من ورى مثل نهاية فف10 .. و تقول يونا بصوت حزين كأنها على وشك البكاء :
(( هذا أنت ..
لقد كنت معي طوال الوقت ..
أنا الآن لست قلقه ..
لأنك ستظل دوما معي .. هنا )) و تؤشر ناحية قلبها (( في أعماق قلبي .. و ذكرياتي ))
و بعدين يختفي تايدوس .. و يونا تقول بصوت يقطع القلب و يدمع العين (( I Love you )) :17:
بكل اختصار هذا كل ما عندي أقوله الحين ..
و الآن لازم اطلع علشان ناطرني واحد في الماسنجر .. سلاام .. و شكرا لقرائتكم الموضوع .. 6_^