مشاهدة النسخة كاملة : ترجمة كويتية للهجة السعودية !
DE NILSON
06-12-2003, 08:35 AM
الكلمه الكويتيه _____________ الكلمة السعوديه
ماي____________________ مويه
جاي___________________ شاهي
ريوق _________________ فطور
تاير__________________ كفر
سكان سياره_____________ دركسون سياره
قزوز_______________ شكمان
جسر____________________ كبري
بيض طماط________________ شكشوكه
طوفه _____________________ جدار
تيب لزاق_____________________ شطرطون
درنفيس________________________ سكروب
جيك _________________________ عفريته
تنكر_________________________ وايت
شلونك_________________ كيفك
والله صج __________________ بالله عليك
موبايل _________________ جوال
رفيجتي ________ صديقتي
يمعود روح __________ قم بس قم
والله انك رايح فيها______________ صدقني انك منسم
تصدق اني احبها حيل_____________ تصدق اني احبها مرررررره
قصر حستش ــــــــــــــــــــــــــــــــــــــــــــــ وطي صوتك
وايد ـــــــــــــــــــــــــــــــــــــــــــــــــ كثير
DraGonGreeN_Z
06-12-2003, 08:45 AM
ههههههههههههههههه
اي والله صدقت فيها دنيلسون
انا كويتي وكنت اتكلم لهجه السعوديه من كنت بالطائف حتى أني تعودت عليها وقعدت بالطائف شهر كامل والكلمات ألي قلتها كلها صحيحه
وبعدين رتى في الكويت بدو وحضر
واجد = وايد
مسيد = مسجد
وخلني ازيدك شوي دنيلسون
كلمه كويتيه ____ كلمه سعوديه
الجمعيه _____ سوق المركزي(( تومينات )) على ما أعتقد .
^_^
وازيدك اخوي دنيلسون ديايه دجاجه وريال رجال ها كيف انا معاك مو لزوزز
DE NILSON
06-12-2003, 11:13 AM
حلو ياشباب
واذا عندكم اضافات حطوها
DraGonGreeN_Z
06-12-2003, 11:16 AM
كلمه كويتيه
سيداا = طوالي
MA7ROM
06-12-2003, 01:43 PM
الاخ العزيز (( DE NILSON ))
مشكوووور على الابتسامة الطريفة فعلا ,,
وصدقت في كل الى قلته ,,
ودى اشارك معاكم :
كلمة كويتية **** كلمة سعودية
جذي ـــــــــــــــــــــــ كذا
صح :)
وتمنى ان تضع نفس الموضوع للهجات عربية اخرى كالاماراتية والبحرينية والمصرية والسورية والمغربية ....الخ ,,
معا تحياتى وتقديرى
أخوووووك (( MA7ROM ))
fulla
06-12-2003, 01:48 PM
مشكور دينيلسون بس شي وايد كلمات بعد نفسها باللهجه الاماراتيه
الهيلم
06-12-2003, 02:06 PM
الله يرجك يا دينيلسون
كلمات مدري من وين جايبها
انا اقترح ان نخلي هالموضوع مرجع
للي يبي يعرف معنى كلمه يجي يسال هنا
ولا وش رايكم
وبعدين وش صار :33:
عسى ما قرشعوك من الرقابه
قرشعوك = شاتوك
DE NILSON
06-12-2003, 02:33 PM
الله يرجك يا دينيلسون
كلمات مدري من وين جايبها
انا اقترح ان نخلي هالموضوع مرجع
للي يبي يعرف معنى كلمه يجي يسال هنا
ولا وش رايكم
وبعدين وش صار :33:
عسى ما قرشعوك من الرقابه
قرشعوك = شاتوك
اللهيرجك معايا
لا يابويا لاتخليه مرجع عشين ماينقلب شات
بعدين ايه اتقرشعت من الرقابة :D
DE NILSON
06-12-2003, 02:34 PM
مشكور دينيلسون بس شي وايد كلمات بعد نفسها باللهجه الاماراتيه
العفة فلة
;)
الهيلم
06-12-2003, 02:42 PM
على راحتك
اما عن الرقابه
راحت كلمة مراقب اللي تحت اسمك :D
موضوع مهم, حيث انه هناك الكثير من الاعضاء لا يفهمون بعض الكلمات, فبيرجعوا لقاموسك :D
ومبروك على العضوّة (صرت او بالاحرى رجعت عضو عادي:D)
أرق إحساس
06-12-2003, 07:14 PM
مشكور اخويDE NILSON
موضوووع حلو من جد :biggthump
يسلمو
haman
06-12-2003, 08:35 PM
الكويتي وال بحريني واحد
DE NILSON
06-12-2003, 08:42 PM
مشكور اخويDE NILSON
موضوووع حلو من جد :biggthump
يسلمو
العفو اخوي ولا اختي :)
DE NILSON
06-12-2003, 08:47 PM
موضوع مهم, حيث انه هناك الكثير من الاعضاء لا يفهمون بعض الكلمات, فبيرجعوا لقاموسك :D
ومبروك على العضوّة (صرت او بالاحرى رجعت عضو عادي:D)
الله يبارك فيك
:) :)
SlamDunk
07-12-2003, 03:09 AM
دريشةــــــــــــــــ شباك :)
مادري دائما اسمعها كذا
فعلآ دينلسون موضوع حلو واللهجه الكويتيه جميله وسهله ومفهومه وتعجبني وايد
مشكووووووووووووور اخوي
DE NILSON
07-12-2003, 03:26 PM
فعلآ دينلسون موضوع حلو واللهجه الكويتيه جميله وسهله ومفهومه وتعجبني وايد
مشكووووووووووووور اخوي
العفو اخووي :) :D
راعي الفايبر
07-12-2003, 08:03 PM
ما شاء الله ...
سفارة الكويت هنا ... :09: :09:
DE NILSON
08-12-2003, 07:49 PM
ما شاء الله ...
سفارة الكويت هنا ... :09: :09:
هلاهلاهلا
يامطول الغيبات :09: جابت الغنايم >>>>>>> صح كدا؟ :09:
منور منور المنتدى
عراوي
09-12-2003, 04:12 AM
هلاهلاهلا
يامطول الغيبات :09: جابت الغنايم >>>>>>> صح كدا؟ :09:
منور منور المنتدى
منهي الي جابت الغنايم :D خربت المثل بالكويتي خسبقته :09:
حقيقة نورت المنتدى وحمد اللة عسلامة ياقي من السفر :09:
وحشتنا يابني :biggthump
وراح ازيد بعض الكلمات اذا سمحت لي<<<<مؤدب شفني
بس ماراح انتظر ردك :cool: اكيد امون
كويتي____________سعودي
اكشت ____________اترك
يامعود____________ يابن الحلال
طيـــــر ___________انقلع-اذلف
طقة حواش_________ حدةاو امسكه
كاهو ____________ هذا هو
ربادة_____________ كسل
ماكو_____________ مافية
احاتشيك __________اكلمك
صج ___________ صحيح
اشدعوى__________لية
طبعاُ هذي الترجمة من الكويتية لسعودية خصوصاٌ الشرقية
وعلى باقي المناطق مراعاة فارق التوقيت :bigeyes:
DraGonGreeN_Z
09-12-2003, 07:55 AM
أحتشيك ؟
أحاجيك = أكلمك
DE NILSON
09-12-2003, 03:01 PM
مشكورين على التفاعل هههههههه
robo cop
09-12-2003, 03:09 PM
هههههههههههه
مشكووووووووووور و ما قصرت بالترجمة
الله يقطعك يا عغاوي !:09:>>>:09: يتكلم بلغة ال"غ":D مع احترامي لأصحابها;)
عليك كلمات
بالمناسبة....
معنى كلمة "عليك" هو "على-انت" :31:
وايضا هناك معنى يستعمل في اغلب الدول العربية وههههههههههههههو كالتالي :
احم احم....
احححححم احم....
اححححححححححححححم احم.... <<< مصاب بالكحة :09: كح كح...
عليك (حسب جملتي) = مالها معنا معين, فتستعمل من اجل المزاح:09: مثال :
احمد قال نكتة, فرد فيصل عليه بجملة: عليك نكتة مضحكة:09:قهقهقهقهقهقهقه....
منقوب من قاموسي الحجري:D
خيـآل
10-12-2003, 09:41 PM
قصر حستش ــــــــــــــــــــــــــــــــــــــــــــــ وطي صوتك
طااااااااااااااااااااااخ
هاي لهجه كويتيه ولا يمنيه حسش الشين لليمن اما الكويتين يقولون قصري حسج مثلنا احنا الأماراتيات
اقول ترى لهجه السعووديه يباله تعديل ولا شو رايكم انا فاتحه عندي كراج لتعديل اللهجات بتبرع بتعيدل اللهجه السعووديه مع خصم
50% عرض مغرري (مزح)
الهيلم
12-12-2003, 03:37 AM
تعبون زيت قير ؟؟؟
sl6an
12-12-2003, 04:14 AM
في كلمة نسيتها بعد
الكلمة الكويتية ........................الكلمة السعودية
جيكــــره ......................... شينه
Miss Virgo
12-12-2003, 07:12 PM
اقول ترى لهجه السعووديه يباله تعديل ولا شو رايكم انا فاتحه عندي كراج لتعديل اللهجات بتبرع بتعيدل اللهجه السعووديه مع خصم
50% عرض مغرري (مزح)
اقول مابقى الا هذي تسبين في لهجتنا المخضرمه<<<<<<<<<<<لاتصدقين امزح
احلى شي في لهجتنا انها تتفرع الى 5000 لهجه هذا غير المصطلحات المتداوله بين الشباب
وغير مصطلحات النت
المفروض يسوون لكل منطقه في المملكه معجم لغه
Rewayah
13-12-2003, 10:07 AM
موضوع فعلاً حلو وخفيف دا نيلسون. ^^
من باب المشاركة. :09: ... :
الكلمه الكويتيه ___________ الكلمة السعوديه ___________ الكلمة الإماراتية.
ماي __________________ مويه _______________ ماي.
جاي __________________ شاهي ______________ جاهي (جاي+شاهي! هههههههه).
ريوق _________________ فطور ______________ ريوق (نقول: ريوg).
تاير __________________ كفر _______________ تاير.
سكان سياره ____________ دركسون سياره ___________ سكان السيارة.
قزوز _________________ شكمان ______________ قزوز (نقول: gـزوز).
جسر _________________ كبري _______________ جسر.
بيض طماط _____________ شكشوكه ______________ بيض وطماط.
طوفه _________________ جدار _______________ إيدار=ييدار.
تيب لزاق ______________ شطرطون _____________ لصـg تيب.
درنفيس _______________ سكروب ______________ سكروب.
جيك _________________ عفريته ______________ جيك.
تنكر _________________ وايت _______________ تانكي.
شلونك ________________ كيفك _______________ جيف حالك.
والله صج _____________ بالله عليك ______________ إحلف بربك.
موبايل ________________ جوال ______________ موبايل.
رفيجتي _______________ صديقتي ______________ ربيعتي.
يمعود روح ____________ قم بس قم ______________ سير لاه - خل عنك.
والله انك رايح فيها ______ صدقني انك منسم ____________ ما عندك سالفة.
تصدق اني احبها حيييييل_ تصدق اني احبها مرررررره ________ تصدق إني أحبها موووول.
قصر حستش __________ وطي صوتك ____________ وط صوتك.
وايد _________________ كثير ______________ وايد.
مَسْيِدْ (Mas'yed) _______ مسجد ______________ مسيد (Umseed).
الجمعيه _________ سوق المركزي (( تومينات )) ______ الجمعية.
ديايه ________________ دجاجه _____________ دياية.
ريال ________________ رجال _____________ ريال.
ياهل ________________ جاهل _____________ ياهل.
سيداا ________________ طوالي ____________ سيده.
جذي _________________ كذا _____________ جذيه.
شاتوك ______________ قرشعوك ____________ شاتوك.
دريشة _______________ شباك _____________ دريشة.
(دريشة: أصلها هندي "داريشا".... بسبب أيام تجارة اللؤلؤ والخامات بين الخليج والهند).
خسبقته ______________ خربته _____________ خربته + خسبقته +عفسته (بالكويتي عفسته بعد؟).
اكشت _______________ اترك _____________ خله يولي.
يامعود _____________ يابن الحلال ___________ ياولد الحلال.
طيـــــر _________ انقلع + اذلف + طس _________ إذلف.
طقة حواش! _________ حدة أوأمسكه! __________ زخة أو حد له!.
كاهو _______________ هذا هو ____________ أكوه ها.
ربادة _______________ كسل _____________ هِدام.
ماكو _______________ مافية _____________ ماشَيْ.
احاتشيك _____________ أكلمك _____________ بـَرَمـّسك.
صج _______________ صحيح _____________ صدج (نقول: صدg).
اشدعوى؟ _____________ لية؟ ______________ إشحقة (نقول: إشحـgـة؟).
جيكــــره _____________ شينه ______________ خسفة.
أميْ + أبويْ _________ أمي + أبي ____________ أميه + أبويه.
مناداه:
يماا + يبااا ________ أما + يبا (صح؟) __________ أماياه + أبوويه.
مو ________________ مـُش ______________ مب.
أبي + مابي + تبي؟ _ أريد + ماريد + إتريد؟ _________ أبغي + مابغي + تبغي؟.
أحبه _______________ أحبه ______________ أدانيه.
ما أطيجة ___________ ما أتحمله _____________ ما أجهرة (أgـهرة).
ينحاش ______________ يفلت ______________ يشرد.
معانا _______________ معنا ______________ يانا + أويانا.
(Yanna + Uwyanna).
+ (Weyyana)؟
معاي _______________ معي _____________ يايه + أويايه.
(Yayeh + Uwyayeh).
+ (Weyyaya)؟
إخته _______________ خويته _____________ رضيعته + أخته.
جرعة:
يقمة _______________ جقمة _____________ يقمة.
إذاً:
عـَيـَل ______________ عـَجـَل ____________ عـِيـَل.
صبي (Usubai) _______ ورع _____________ فرخ + صبي.
أويهد! _____________ أوجع! ____________ أويهد!.
بس تعبت... ><
عليك (حسب جملتي) = مالها معنا معين, فتستعمل من اجل المزاح:09: مثال :
احمد قال نكتة, فرد فيصل عليه بجملة: عليك نكتة مضحكة:09:قهقهقهقهقهقهقه....
"عليك حركات" مثلاً؟ :09:
بالسعودي ما أعرف كيف تنقال. ^^
قصر حستش ــــــــــــــــــــــــــــــــــــــــــــــ وطي صوتك
طااااااااااااااااااااااخ
هاي لهجه كويتيه ولا يمنيه حسش الشين لليمن اما الكويتين يقولون قصري حسج مثلنا احنا الأماراتيات
ميمي, هو يوم قال حستش, قصد 7essetch وليس 7essesh. :)
التاء والشين "تش" تلفج "Ch" أكثر من "ج". ^^
يعني مثلاً "يبكي" بالكويتي, تنكتب "ببتشي - Yebchi"...
أحسن من أن تكتب "يبجي" بمعنا "يـُبـْقي"!!! -_^
وما تنلفظ "يبشي - Yebshi". ^^ ههههههههه
حياكم.
الهيلم
13-12-2003, 04:03 PM
ما شاء الله عليك يا روايه
بس فيه بعض الكلمات السعوديه خطأ
على سبيل المثال لا الحصر
أمي + أبي
وين عايشين
قرية التوت
Rewayah
13-12-2003, 04:50 PM
ما شاء الله عليك يا روايه
بس فيه بعض الكلمات السعوديه خطأ
على سبيل المثال لا الحصر
أمي + أبي
وين عايشين
قرية التوت
ههههههههههههههه. ^^
في عدنا سعوديين بالجامعة سمعتهم يلفظونها كذيه! ^^
عيل كيف تلفظونها. :)
DE NILSON
14-12-2003, 12:25 AM
الله يخليك روايه
Touya
14-12-2003, 01:12 AM
همم..
بالعادة "أمي" بس نطقها "أوماي" بس الواو سايلنت هاهاها..
ومو أبي... أبوي.. أو الوالد بالعادة تنقال...
بس في المنادة...
حدث ولا حرج... للأم... من نص الصالة وهي في غرفتها... تسمع زقاع...... "يممممممممممممممممممممممممممممممماه" إختصارا... "يماه"..
والأب... مو قده الواحد يزاقع و يصرخ عليه... مهنا أحد والله اللي قاعد ينادي ابوه..."يباااااااااااااااااااااااااااااااااااه" إستحاله تشوف واحد يمغطها بلكاعه زي ماينادي امه....
إختصاراً "يبه"
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .