إصدار الدوري الاماراتي 2004 - دورينا

[alkhaj]

قريبا جدا سيتم الانتهاء من إصدار الدوري الاماراتي 2004 - دورينا والذي سيتضمن الأندية التالية:
العين
الوحدة
الاهلي
النصر
الشارقة
الجزيرة
الوصل
الشباب
الخليج
الشعب
الامارات
اتحاد كلباء
بالإضافة إلى نادي دبي والظفرة
تخصيص ملاعب لكل من ( العين - الوحدة - النصر - الاهلي - الشارقة بالإضافة إلى استاد مدينة زايد)
وجود منتخب الامارات ضمن الاصدار
تم اصدار العمل على باتش Y2KSA mix وباتش WELEADER .
كما تم إدراج بعض التعديلات على تشكيلة المنتخبات مثل :
البرازيل ( وجود كاكا )
الارجنتين ( وجود باتستوتا )
موعد الإصدار 1 - 1 2004
شكر خاص للوصلاوي لتصميم الأطقم.
شكرا لجميع الاخوان الذين عملو الاصدار السابق ( بوسنيدة - البواسل - هتلر الامارات وكل من ساهم في تصميم صور اللعبة حيث اني استعنت بالكثير من الصور والافكار من المواضيع السابقة

[alkhaj]

المزيد من الصور

[the_sniper]

مشكووووووووووووور







و نتريه الباتش ....




هل بتنزله في المنتدى ...؟؟؟؟؟

[ملكwe]

مع اني ماحب العب بالفرق العربية عموما

لاكن أبارك حق الاخوة الاماراتيين هذا الاصدار

لأنهم يستنونه من زمان

ومشكور اخوي ...............

[Gattuso]

مشكورين شباب على الاصدار الرائع...

وننتظر مزيد من الاخبار عن اماكن وجود الاصدار ( الانترنت - المحلات)


شكراً

[Emperor-uae]

قمه فى الإبداع يا شباب و نترياااااااا الإصدااااار بفارغ الصبر.... :biggthump :biggthump :biggthump

و صراحه الملاعب عجيبه :bigeyes: :bigeyes: :bigeyes:

بس ما قلتولنا هل بتنزلون الباتش فى المنتدى؟؟؟

[Emperor-uae]

بس عندي ملاحظه....من الصوره لتشكيلة منتخب الإمارات ... أرقام الاعبين أكثريتهم غير صحيحه :vereymad:

ياليت تعدلونهم قبل لا تنزلون الإصدار :sad2:

[The King Of Roma:Totti]

أتمنى أن تكون اللعبة (الباتش) ممتازة ..... مو مثل الدوري الاماراتي اللي كان على WE6FE واللي كان مخيب للآمال :sad2:

[AMG]

متى بينزل في الامارات ؟ :jester:

[CHILAVERT]

WOOOOOOOOOOOOOOOOOOOOOOOOOOOOOOOOOOW
خطييييييييييييييييير

[The Monster]

حرام عليكم وين ملعب محمد بن زايد
مشكور على كل حال

[محّد شراتي]

مرحبا الساع و العيون الوساع :biggthump

صراحه انته تحفه صاغها الرحمن من أحلى التحف و مجهود تشكر عليه

لو تسوي الطقم اليديد للوحده بتكون إنسان فنّان

هذا الطقم

http://3nabi.com/pic/uniform/Alwahda_home.jpg

و لا تنسى حبيب قلبي اللي في التوقيع :D

و يا مرحبا الساع :biggthump

[الوصلاوي]

هلا شباب ... و الف شكر لك أخوي و على الجهد الي بذلته في هذا الإصدار ..

لكن حبيت أسألك كم سؤال ..
لحظت من صورة نادي الوصل أن طقم الحارس مب معدل ( أقصد ما عليه شعارات ) هل أنا ما عطيتك الطقم ؟؟
و هل طاقات اللاعبين راح تكون واقعية و لا مرتفعه ؟
و متى راح ينزل الشريط و وين نقدر نحصله ؟؟

و بالسبة للبس نادي الوحدة .. هو موجود عندي الحين بس ناقص شعار الشركة الراعية .. ما أدري إذا تقدر يا محّد شراتي إنك تييب الخبر الأكيد للشركة الراعية ( سمعت إنها سوبارو ) ..

الوصـــــــــــــــــــــــــــــــلاوي

[الوصلاوي]

هذي صورة لطقم الوحدة بعد التصميم ( إذا كانت الشركة هي سوبارو مثل ما سمعت )

[محّد شراتي]

مرحبا وصلاوي

والله للحين ما شي رسمي
ما أروم أقولك سوربارو أو غيره
بس اللي سمعته إن وكالات السيايير يتضاربون على الراعيه مثل سوبارو و تويوتا :D

حط إسمي كراعي رسمي :أفكر:
واللا حط موقع نادي الوحده
واللا حط الوالد الشيخ زايد
صراحه بيكون كذا :biggthump

بالنسبه للطاقات اتمنى تكون على نطاق محلي فقط :D
إذا على نطاق عالمي طاقات لاعبينا ما بتزيد عن الستين إلا من رحمه الله :33:

أخوي alkhaj
دخيلك لا تنسى كونتي في فريق الوحده :(
و حط محمد سرور في فريق الوحده على سبيل الإستعاره :09:
<--- ما ينعطى وجه

و يا مرحبا الساع :biggthump

[alkhaj]

اخوي الوصلاوي
لكن حبيت أسألك كم سؤال ..
لحظت من صورة نادي الوصل أن طقم الحارس مب معدل ( أقصد ما عليه شعارات ) هل أنا ما عطيتك الطقم ؟؟
-نعم عزيزي الطقم من تصميمك.

و هل طاقات اللاعبين راح تكون واقعية و لا مرتفعه ؟
نظراً انا نتكلم عن الدوري الاماراتي فأنا خليت الطاقات مرتفعة .

و متى راح ينزل الشريط و وين نقدر نحصله ؟؟
- تاريخ الاصدار 1-1-2004 واحتمال يتأخر لمدة اسبوع اضافي (مجرد احتمال ) للتعديلات الجديدة حيث الكثير طالب بوجود استاد محمد بن زايد وعشان خاطرك يالوصلاوي بنسوي استاد زعبيل بالإضافة الى تعديل بعض الاطقم الجديدة مثل ( الوحدة - الاهلي )
- اخوي الوصلاوي انا ارسلت لك من زمان رقم هاتفي فأرجو ان تتصل بي للتواصل بشكل اسرع.

[الوصلاوي]

مشكور أخوي على التوضيح .. انا إن شاء الله باجر بتصل فيك العصر ...

و مشكور على التوضيح ..

الوصـــــــــــــــــــــــــــــــــــــــلاوي

[sadprince10]

مشكورين يا شباب على هذي الجهود المبذولة وعندي سؤال و اقتراح
-السؤال بالنسبة لنادي الاتحاد بغيت اعرف التشكيلة علشان ممكن يكون في خطأ أو نقص لاني أنا من "كلباء"
وممكن أفيدكم إذا كان عندكم سؤال .
-الاقتراح هو ليش ما تحطون الامارات كلاسيك لاننا نبا نلعب بعدنان "البرنس" وعبدالرزاق والزهري وعيال مير والفهد الأسمر ....وباقي الشلة
ويكون أحسن لو تحطون منتخبنا الاولمبي والشباب
واذا حطيتوهم أتمنى يكون اسماعيل مطر "الفتى الذهبي الاماراتي " موجود في كل المنتخبات ويكون رقم 10
ومشكورين مرة ثانية وبالتوفيق <<<>>>

[البواسل]

وأخيراااااااااااااا العمل اللي كنا ننجزه بيلقى النور اخيراااااااا

والله ما اتوقعتها لكن الحمدلله

ويا ريت اخوي تكون الملاعب اللي كانت بالمونديال الاماراتي تكون بالشريط (الشارقة - الاهلي - القطارة- محمد بن زايد والنصر والوحدة)


وانشاله نشوفه بأسرع وقت

وعندي سؤال حبيبي :
في بيكون اهازيج للجماهير ؟؟؟؟؟ :06:

[الوصلاوي]

هلا شباب ... بس اعتقد لو نأجل فكرة منتخب الشباب و الكلاسيك لإصدارات قادمة ( لأن هذا التلخبط و التأخيرات راح تظر بالنسخة و هذا رأيي ) ..

[WiNdOwS_cRaZy]

الصراحه ما اصدق

عيال زايد يسوون جذية


ما قصرتوااااااااااااااااا يعطكم الف الف الف عاااااااااااااااافية :biggthump :biggthump



بس عندي تعلقيق انتوا قلتوا ان الاصدار راح ينزل بتاريخ 1 - 1 2004 ...... صح


اخواني لو تأجلونه بعد الامتحانات نصف السنه يكون احسن علشان الطلاب ما ينشغلوووون عن الدراسه :sad2:

[البواسل]

الصراحه ما اصدق

عيال زايد يسوون جذية


ما قصرتوااااااااااااااااا يعطكم الف الف الف عاااااااااااااااافية :biggthump :biggthump



بس عندي تعلقيق انتوا قلتوا ان الاصدار راح ينزل بتاريخ 1 - 1 2004 ...... صح


اخواني لو تأجلونه بعد الامتحانات نصف السنه يكون احسن علشان الطلاب ما ينشغلوووون عن الدراسه :sad2:

اخوي اعتقد ما نتبهت لكلامه قال 1-1-2004 ويمكن يتأخر اسبوعين عشان التطوير فيه يعني تقدر تقول 15/1/2004 انشاله ...راح نكون مخلصين امتحانات

[Mussav]

السلام عليكم ورحمه الله
الى الاخ العزيز الغالي alkhaj

فعندي كم سؤال

1- هل سينزل في الكويت
2- هل طاقات الاعبين معقوله (يعني مو مثل داحمتوتا مخلي السعوديين خارقين)
3- انا من مشجعين الوحده فممكن تعطيني مميزات وطاقات ووجه وصفات الخ.. (لاعب يونس محمود وكرستيان)
4- اذا لم تستطع فانا شاكر لك مقدما على قرائتك لرسالتي

اخوك Mussav
نتظروووا خبر الموسم من داحمتوتا (دوري ابطال العرب)

[الوصلاوي]

هلا أخوي ...

و شو الجديد ؟؟

[the_sniper]

يا جماعه .... احني في انتظار الباتش ...

[alkhaj]

السلام عليكم شباب
تم إضافة استاد محمد بن زايد واستاد زعبيل في الاصدار وتعديل استاد راشد
الزعيم العيناوي
أنا معاك في التأجيل بسبب الامتحانات
اتركم مع الصور

[alkhaj]

تابع الصور

[الوصلاوي]

كل الشكر لك أخوي على الصور ... إن شاء الله اللعبة تكون بحجم التوقعات و متفائلين فيك إن شاء الله ...

وصـــــــــــــــــــــــ متعصب ــــــــــــــــــلاوي

[honey_uk]

شباب انا من بريطانيا .. ومب قادر احصل على الدسك ... هل ممكن انكم توفرونه على شكل .. باتش :) لان انا عندي الــ وننج الفن 7 ... :)


شكراً :) ويعطيكم العافيه ... اخوكم سعد :)

سلام عليكم

[The King Of Roma:Totti]

باكر ان شاء الله موعد النزول ........ولا تأجل ؟ :06: ؟

[ventola]

thanx for everybody work on this project but if u can but the two uniforms of ALNASR it will be better .... i mean HOME and AWAY


http://www.alnasrclub.net/Tshirt.shtml

[حسن محمود]

مشكور على الاصدار الرائع لو تنزلونه تاريخ 12/1 احسن او 15 لان الكل راح يخلص امتحاناتهم لو نزلت الحينه بعدي ما يذاكرون و انا بعد ما اذاكر فافضل تنزيله بعد الامتحانات ولدي سؤال لماذا كل ملاعب الدوري الامارات لا يوجد مثل الشباب و الشعب و الامارات و الخليج و يفضل ان يكون افضل ملعب ملعب الجزيزه مع احترامي انا اهلاوي لكن ملعب الجزيزه اروع ملعب ولكن لدي سؤال هل سيكون المعلق عربي ام انجليزي يفضل عربي لان في الدوري الامارات 2003 كان لدي معلق ياباني و سعت ان هناك معلق عربي دورت محلات ما حصلته و اي محل سيتم تنزيله

المحل الي عند دوار الخوانيج؟


وشكراً

[الهاشل]

يا اخواني هل بتنزلونه في راس الخيمه .. واذا نزلتوه في اي محل:أفكر:

[بـوسنيده]

السلام عليكم ورحمة الله وبركاته

وبالبركه عليكم الاصدار اليديد

واتمنى لكم التوفيق

[أبو بدر]

ما شاء الله.... جهد كبير منكم...و الدوري الإماراتي يستاهل كل هذا الجهد... وإن شاء الله تتوفقون في هذا الإصدار :)

[WiNdOwS_cRaZy]

زين زين ما شاء الله



تقدم ملحوظ في رياضة الامارات بشكل عااام


بس حبيت استفسر ... :

اسماء الملاعب كيف بتكون ... يعني في قائمة اختيار الملعب شو بيكون مكتوب .. هل سيكون مثلا ملعب ( القطاره ) او ( الاهلي )

و شكرا على هذا المجههود

يعطيكم الف عافية

[DragonCry]

السلام عليكم ورحمه الله وبركاته.........

انتوا قلتوا يوم 1\1\2004 نازل الشريط بأذن الله واحنا اليوم 3\1\2004 وما نزل
بعدين نبا نعرف في اي محل في ابوظبي بينزل وارجو الرد سريعا

وشكراااااااااااااااااااا

[WiNdOwS_cRaZy]

السلام عليكم ورحمه الله وبركاته.........

انتوا قلتوا يوم 1\1\2004 نازل الشريط بأذن الله واحنا اليوم 3\1\2004 وما نزل
بعدين نبا نعرف في اي محل في ابوظبي بينزل وارجو الرد سريعا

وشكراااااااااااااااااااا

اخوي DragonCry

قالوا يمكن يتأخر إسبوعين يعني يمكن عقب الامتحانات

[DragonCry]

السلام عليكم ورحمه الله وبركاته..........

مشكور اخوي الزعيم العيناوي للرد.

بس المفروض اصحاب الموضوع واللعبه يخبرونا وين وكيف واي محل راح تنزل اللعبه ولا بتكون عن طريق اشخاص يتم الاتصال بهم وشراء اللعبه.

صراحه اصحاب الموضوع حطوا الصور وشوقونا على اللعبه واختفوا حتى صاروا ما يردون على الموضوع.

وشكرااااااااااااااااااااا

[الوصلاوي]

هلا شباب ..

أنا يمكن مب المسؤول عن اللعبة بشكل مباشر ( يعني ما أعرف شو الحين الي قاعد يصير ) لكن انتظروا الأخ alkhaj ليعرفكم على موعد النزل ..

و لو كنتوا دقيقين الملاحظة .. شوفوا شو كتب الأخ alkhaj

الزعيم العيناوي
أنا معاك في التأجيل بسبب الامتحانات
اتركم مع الصور
يعني اللعبة تأجلت إلى ما بعد الامتحانات ( علشان ما نكون سبب رسوب الشباب :D ) ..

وشكراً
الوصـــــــــــــــــــــــــــــــــــــلاوي :cool:

[ولد بوخليفة]

السلام عليكم ورحمت الله و بركاته ...


هذي اول مشاركة معاكم في منتدى المنتدى ...


في البداية أحب أن أشكر كل من ساهم في عمل هذا الشريط الذي ننتظر على أحر من الجمر ...


و إن شاء الله ينزل الشريط و يلاقي إقبالا كبيرأ عليه ...


لاكن عندي سؤال بسيط .. كيف ممكن أحصل على الشريط أنا من الشارقة ألي عنده أي معلومات يخبرني عن كيفية الحصول على الشريط ...


:ciao: تحياتي :ciao:

ولد بوخليفة

[حسن محمود]

اقول انا اعرف دكان يبيع بتحصله عن دوار الخوانيج وين في دكاكين واحد منهم يبيع

[فجراوي]

السلااااااااااااااااااااام عليكم ياشباب.....
1- في الحقيقه انا حبيت اشكر كل من ساهم في هذا العمل الناجح
2-شكر خاااااااااااااااص جداااااااااا من اهل مندينة الفجيره الى للشخص الرائع في اعماله alkhaj

3- في الحقيقه انا خجل من هذا الشى لأن اهل مدينة الفجيره حملوني رسالة....وأيضا اوصاني طويل العمر الشيخ سلطان الشرقي عندما اخبرته عن هذا العمل الناجح الجميل...اوصاني باأن اخبر من قام بهذا العمل ان يظيفه نادي اهلي الفجيرة

(((( قائمة النادي سوف نحضرها انا والشيخ سلطان الشرقي......الرجااااااء الأتصال بي على هذا الهاتف5609991-050)))


ننتظر اتصاااااااااااااااااااااااالكم انشاء الله

[The King Of Roma:Totti]

السلااااااااااااااااااااام عليكم ياشباب.....
1- في الحقيقه انا حبيت اشكر كل من ساهم في هذا العمل الناجح
2-شكر خاااااااااااااااص جداااااااااا من اهل مندينة الفجيره الى للشخص الرائع في اعماله alkhaj

3- في الحقيقه انا خجل من هذا الشى لأن اهل مدينة الفجيره حملوني رسالة....وأيضا اوصاني طويل العمر الشيخ سلطان الشرقي عندما اخبرته عن هذا العمل الناجح الجميل...اوصاني باأن اخبر من قام بهذا العمل ان يظيفه نادي اهلي الفجيرة

(((( قائمة النادي سوف نحضرها انا والشيخ سلطان الشرقي......الرجااااااء الأتصال بي على هذا الهاتف5609991-050)))


ننتظر اتصاااااااااااااااااااااااالكم انشاء الله


:biggthump

حيا الله أهل الفجيرة :cool:

لو تضيفون النادي يكون زين .......... بنقدر نلعب ضد اتحاد كلباء في مباراة ديربي الساحل الشرقي . :biggthump

[البطل2005]

يسلمووووووووووووو على جهودكم بس سؤال .

هل بيكون التعليق عربي ولا ما بيكون.

[فجراوي]

السلااااااااااااااام عليييييييكم..............

نحن في انتضار اتصالكم لان نحن جهزنا قائمة اللأعيبين.........

[الوصلاوي]

السلااااااااااااااااااااام عليكم ياشباب.....
1- في الحقيقه انا حبيت اشكر كل من ساهم في هذا العمل الناجح
2-شكر خاااااااااااااااص جداااااااااا من اهل مندينة الفجيره الى للشخص الرائع في اعماله alkhaj

3- في الحقيقه انا خجل من هذا الشى لأن اهل مدينة الفجيره حملوني رسالة....وأيضا اوصاني طويل العمر الشيخ سلطان الشرقي عندما اخبرته عن هذا العمل الناجح الجميل...اوصاني باأن اخبر من قام بهذا العمل ان يظيفه نادي اهلي الفجيرة

(((( قائمة النادي سوف نحضرها انا والشيخ سلطان الشرقي......الرجااااااء الأتصال بي على هذا الهاتف5609991-050)))


ننتظر اتصاااااااااااااااااااااااالكم انشاء الله

هلا أخوي .. و السموجة لأني أنا و الأخ الخاج شوي مشغولين هالكم يوم .. بس إن شاء الله بنرك لك خبر في الثلاث أيام الياية ..

الوصــــــــــــــــــــــــــــــــلاوي

[WiNdOwS_cRaZy]

:biggthump :biggthump


:jester: نحن في الانتظاااااار :jester:

[The King Of Roma:Totti]

خلصنا الامتحانات :biggthump


وين اللعبة :D <<<<< اعذروه متحمس

[WiNdOwS_cRaZy]

خلصنا الامتحانات :biggthump


وين اللعبة :D <<<<< اعذروه متحمس



بشر بشر بشر بشر شو الامتحانات

[The King Of Roma:Totti]

بشر بشر بشر بشر شو الامتحانات

تمام :biggthump

[alkhaj]

لمنتظري إصدار الدوري الإماراتي، الإصدار راح ينزل يوم الأربعاء 14-1-2004 ويمكن الحصول على الإصدار في مركز كابول للتجارة هاتف رقم 037656830

تحياتي للجميع

[hamad alain]

مشكور على الخبر الحلو والي يفرح

[QataR NighTMarE]

انزين اخوي الخاج
اللي بخارج الأمارات
كدول الخليج
كيف ممكن يحصلون على الأصدار ؟
وشكراً

[The King Of Roma:Totti]

أفا ......... يعني ما في باتش للتنزيل :sad2:

[البواسل]

اوكي اخوي ممكن تقول لنا بأي محل بينزل برأس الخيمة

[MSB]

ما في الباتش حق التنزيل الي يبي يشتري...
بس متى بينزل بالشارجه

[ستيف بورنسايد]

والي مو من الامارات شلون يحصلها؟
ليش ماتحطها على النت لنحملها؟ :33:

[The King Of Roma:Totti]

في حد شرى اللعبة؟؟ وشو انطباعاته عنها ؟؟

[الوصلاوي]

هلا شباب ..

أنا إن شاء الله بالكثير يوم السبت راح أجربها .. و راح اعطيكم الانطباعات عنها .. و متبرع إني ارسل نسخ للي يبى ..

[الوصلاوي]

انزين اخوي الخاج
اللي بخارج الأمارات
كدول الخليج
كيف ممكن يحصلون على الأصدار ؟
وشكراً

أنا إذا تبى راح ادز لك نسخة من عندي بالبريد ( إنت ارسلي رقم بريدك على الخاص )

[كنفارو الكويت]

:bigeyes: الصراحه عجيب الاصدار وتسلم ايد الى سواه

واذا تبون وكيل للتوزيع فى الكويت انا حاضر بس دزلو نسخه وبكم السعر وانا من عيونى اخدمكم
--اهل الامارات اهل الجود والكرم .... نحبكم
تستاهلون صفقه حلوه:ciao: :ciao: :biggthump :biggthump

[A7madtuta]

سلام عليكم


انا من دبي بو شهاب اشحالك وين بلقاه

ولو اتسويلي تلفون يكون احسن اوكي ودعة الله




5455299 :ciao:

[الوصلاوي]

سلام عليكم


انا من دبي بو شهاب اشحالك وين بلقاه

ولو اتسويلي تلفون يكون احسن اوكي ودعة الله




5455299 :ciao:

هلا أخوي .. طبعاً انا رمستك بالتلفون .. المهم راح توصلك نسخة جريب إن شاء الله ..

الوصـــــــــــــــــــــــــــلاوي

[The King Of Roma:Totti]

الأخ الوصلاوي ..... مشكور على مجهوداتك :biggthump

بس تقدر تحطه لنا على شكل باتش ؟؟ (اعتقد تعرف الطريقة :33: )

وسيرفر ftp://we@lomungtung.no-ip.com/ ما يقصر في الاستضافة :D

[Future Team]

شباب اللعبة نزلت في دبي في محل شارع الالعاب ....... رقم تلفون المحل 2892827

[الاباتشي]

السلام عليكم

اخوي انا من بريطانيا كيف اقدر احصل على الشريط لو ممكن...و تسلمون على جهودكم اخواني

[Future Team]

الأخ الاباتشي

أرسل لي عنوانك البريدي في بريطانيا وبرسل لك نسخة من اللعبة

[كنفارو الكويت]

:bigeyes: الصراحه عجيب الاصدار وتسلم ايد الى سواه

واذا تبون وكيل للتوزيع فى الكويت انا حاضر بس دزلو نسخه وبكم السعر وانا من عيونى اخدمكم
--اهل الامارات اهل الجود والكرم .... نحبكم
تستاهلون صفقه حلوه:ciao: :ciao: :biggthump :biggthump


افا محد رد على ؟؟؟؟

[الوصلاوي]

افا محد رد على ؟؟؟؟
اصبر أخوي .. لأني أنا للحين ما حصلت على نسخة :02: .. سرت البريد و و للحين ما وصل شي ؟؟
إن شاء الله أول ما أحصل راح احطها في محل بأبوظبي .. و راح أحاول احطها في باتش

[Bu_Sultan81]

ااااااااااااخ لو تميت شوي في البلاد كنت اشتريت السي دي... يلا ما علينا المهم تشكرووووون على هذا المجهود... بس ابس استفسر كيف اشتري السي دي.... ؟؟؟ انا حاليا في بريطايا!!

[hamad alain]

انا من الامارات و الشريط ما نزل عندنا وين لو الناس الي من السعودية حرام يا أهل دبي طرشوا الشريط الامارات ارجوكم

[The King Of Roma:Totti]

الاجازة بتخلص :أفكر:

وين اللعبة :afraid:

[دكتور عزوز]

مراااااااااحب



وين احصل النسخة في دبي ؟؟؟
خبروني اسم المحل و موقعه في دبي ...


تحياتي
بوسعود

[البواسل]

واخيراااااا نزل الشريط برأس الخيمة وتوني شاريه

بصراحة متعوب عليه وفيه لآخر الانتقالات مثل ميتروفيتش الاهلي والاجانب الحاليين في الفرق ما عدا خربطة قليلة بالاجانب :31: وايضا اشكال اللاعبين فيه منهم غلط مثلا : الخابوري بنادي الامارات عاملينه ابيض وهو (خال) :biggthump ونفس الشيء مع باسم محبوب (هذيل يمكن ما تعرفونهم ) لكن اكيد تعرفون كريمي وبهذا الشريط حاطينه اسمر نوعا ما مع انه ابيض وانشاله هالاغلاط تدارك
وفيه بعد مسألة الطاقات يعني اعتقد اللي عمل الشريط عامل الدوري الاماراتي على المستوى العالمي مو المحلي يعني طاقات بالنسبة للاعبين العالم

يعني سالم خميس طاقاته اكثر من كريمي..وبعد فيصل سرعته 82 لو على المستوى المحلي ما يقل عن ال90

واخيرا منتخب الامارات هناك اشخاص ما عرفتهم وفيه بعد غلط بالنسبة للتشكيلة لأن فيها صلاح عباس وبعد فيه احد بس ما اذكرهم الصراحة ...المهم تعتبر هذي التجربة بداية جيدة لأبناء زايد في هذا المجال وانشاله من حسن لأحسن وسلمت يمناك يا من عملت الشريط
وانشاله بالاصدار القادم يكون فيه اهازيج للجماهير وتعديل اشكال اللاعبين وكذا ..........
الى ان نصل الى المكانة والحرفنة الي وصلوا لها شباب السعودية بالتعليق العربي وشغلات الاهازيج


ودمتم سالمين ...

[الوصلاوي]

واخيراااااا نزل الشريط برأس الخيمة وتوني شاريه

بصراحة متعوب عليه وفيه لآخر الانتقالات مثل ميتروفيتش الاهلي والاجانب الحاليين في الفرق ما عدا خربطة قليلة بالاجانب :31: وايضا اشكال اللاعبين فيه منهم غلط مثلا : الخابوري بنادي الامارات عاملينه ابيض وهو (خال) :biggthump ونفس الشيء مع باسم محبوب (هذيل يمكن ما تعرفونهم ) لكن اكيد تعرفون كريمي وبهذا الشريط حاطينه اسمر نوعا ما مع انه ابيض وانشاله هالاغلاط تدارك
وفيه بعد مسألة الطاقات يعني اعتقد اللي عمل الشريط عامل الدوري الاماراتي على المستوى العالمي مو المحلي يعني طاقات بالنسبة للاعبين العالم

يعني سالم خميس طاقاته اكثر من كريمي..وبعد فيصل سرعته 82 لو على المستوى المحلي ما يقل عن ال90

واخيرا منتخب الامارات هناك اشخاص ما عرفتهم وفيه بعد غلط بالنسبة للتشكيلة لأن فيها صلاح عباس وبعد فيه احد بس ما اذكرهم الصراحة ...المهم تعتبر هذي التجربة بداية جيدة لأبناء زايد في هذا المجال وانشاله من حسن لأحسن وسلمت يمناك يا من عملت الشريط
وانشاله بالاصدار القادم يكون فيه اهازيج للجماهير وتعديل اشكال اللاعبين وكذا ..........
الى ان نصل الى المكانة والحرفنة الي وصلوا لها شباب السعودية بالتعليق العربي وشغلات الاهازيج


ودمتم سالمين ...
الحمد لله أخوي .. يعني وصلتك نسخة . المهم بغيت اتخبرك من أي محل شريته ( اقصد شو اسمه و وومكن تعطيني رقمه ) بس علشان شباب راس الخيمة يعرفون ( طبعاً أنا عندي الشريط و مجربنه و في اخطاء في اشكال اللاعبين :: غير الي ذكترهم عندك أحمد فيروز لاعب الوصل الشاب حاطينه أبيض و هو خال عدل :: بس المهم أن الشريط ممتاز وايد )
إن شاء الله يتحسن أحسن و أحسن في الأجزاء القادمة ..

ملاحظة : بما إني و الحمد لله تعلمت كيف أدخل الأطقم للعبة ..
و بما أن تقريباً معظم الأندية غيرت أطقمها لأطقم جديدة مختلفة عن الي في الدوري .
أنا بحاول أصلح هذا الباتش لواحد جديد ( نفس كل شي ) بس الأطقم أجدد من الأطقم القديمة ..

الوصــــــــــــــــــــــــــــــــــــلاوي

[الوصلاوي]

مراااااااااحب



وين احصل النسخة في دبي ؟؟؟
خبروني اسم المحل و موقعه في دبي ...


تحياتي
بوسعود
شباب اللعبة نزلت في دبي في محل شارع الالعاب ....... رقم تلفون المحل 2892827

[البواسل]

اي والله ذكرتني

لشباب رأس الخيمة اللي يبغون شريط الدوري الاماراتي بتلاقونه عند شماء لعب الاطفال ورقمه 2330244/07

[البواسل]

ملاحظة : بما إني و الحمد لله تعلمت كيف أدخل الأطقم للعبة ..
و بما أن تقريباً معظم الأندية غيرت أطقمها لأطقم جديدة مختلفة عن الي في الدوري .
أنا بحاول أصلح هذا الباتش لواحد جديد ( نفس كل شي ) بس الأطقم أجدد من الأطقم القديمة ..

الوصــــــــــــــــــــــــــــــــــــلاوي

مدام تعرف هالشغلة يا ريت تتعاون مع صاحب الشريط على الاطقم الجديدة ولا تنسى ان نادي الامارات غير طقمه بعد وجايز يتغير بداية الموسم ..المهم الاصدار الثاني انا جاهز للمساعدة فيه بخصوص اشكال نادي الامارات
وايضا انشاله يكون فيه اهازيج ونحن مو مستعجلين خل نعمله على راحتنا علشان يكون خال من العيوب

ولو يكون الشغل بعد نصف الموسم يكون افضل بعد عشان التعاقدات اكيد احد بيغير لاعبينه بمنتصف الموسم ولا شو رايك :33:

[هتلر الامارات]

السلام عليكم جميعا اخواني

الحمدلله ان الشريط نزل وانا اليوم ياي من سفره بروح اشتريه وبجربه

وبخصوص نادي الامارات والقائمه والاشكال اللي ارسلتها للخاج كانت من لاعب في الفريق الاول من نادي الامارات

يعني كل شي كان منه

وان شاء الله راح تكون النسخه الثانيه اروع واحلى

[DragonCry]

بسم الله الرحمن الرحيم ..............,,,,

الشريط نزل في ابوظبي؟؟؟؟؟؟؟؟؟؟؟؟؟؟؟؟؟؟

واذا حد يعرف مكان المحل اللي عنده الشريط يخبرنا .

وشكرااااااااااااااااااااا

[الوصلاوي]

بسم الله الرحمن الرحيم ..............,,,,

الشريط نزل في ابوظبي؟؟؟؟؟؟؟؟؟؟؟؟؟؟؟؟؟؟

واذا حد يعرف مكان المحل اللي عنده الشريط يخبرنا .

وشكرااااااااااااااااااااا
هلا أخوي .. و الشريط ما نزل في أي محل بأبوظبي .. أنا اليوم سويت نسخة لمحل الجيل الجديد ( حامد سنتر ) و راح أوديها له باجر إن شاء الله ...
الوصـــــــــــــــــــــــــــــــــــــــــــــــــلاوي ..

[DragonCry]

بسم الله الرحمن الرحيم...............,,,,

مشكور اخوي وصلاوي وفرت علينا مشوار لدبي .

وشكراااااااااااااااااا

[NeDVeD]

يا اخ وصلاوي رحت للمحل اللي ذكرته وما حصلنا الشريط (محل الجيل الجديد) وخبرني انه راح ينزل بعد اسبوع ...

ارجو التوضيح؟

وشكرا

[الوصلاوي]

يا اخ وصلاوي رحت للمحل اللي ذكرته وما حصلنا الشريط (محل الجيل الجديد) وخبرني انه راح ينزل بعد اسبوع ...

ارجو التوضيح؟

وشكرا

هلا أخوي ...
بس للعلم أنا للحين ما نزلت اللعبة في المحل المذكور .. أنا كنت على اساس اليوم اسير لكن شغلة طارئة صارت ، فما حصلت حد يوصلتني .. إن شاء الله أول ما انزلها في المحل راح اعلمكم ..

[إماراتي للابد]

بكل صراحه شريط روووعه

لكن ينقصه التعليق

اتخيلو التعليق بصوت علي حميد او علي سعيد راح يكون ولا اروع

ولكم تحياتي

[حسن محمود]

هناك نقاط مهم لماذا الاستعجال اللعبة جميله ولاكن هناك استعجال اولاً جميع الخطط قديمه و الاهلي تم تغير خطط كله حيث جاسم اكبر يلعب دفاع و عادل عبدالعزيز الآن في الاحتياط و ارجو من صاحب اللعبه عندما يتم تنزيل اصدار اخر في العام الاخر عدم الاستعجال لان في الدوري كل شيء يتغير خطط و كل شيء عقب الاولاد بيقولون هالخطط قديمه مو شيء و هناك خطا لباس الاهلي الهوم كامل احمر ارجو تصحيح الاخطاء في النسخه القادمه و شكراً

[hamad alain]

الشريط ما نزل في ابوظبي ليش هو دوري اماراتي و ما ينزل في ابوظبي مشكلة

[الوصلاوي]

هلا شباب .. و انا ما نزلت اللعبة في حامد سنتر للحين . ( انشغلت وايد عن اللعبة .. مشغول هذي الأيام ) . المهم . بحاول باجر أو الي بعده يكون هناك ..

و تسلمون شباب على الماحظات .. و في شبالب يقول خطة الأهلي قديمة أو لبسهم قديم .. شباب أنا مب ساحر .. أنا مصمم الأطقم في الإجازة .. ( يعني معظم أطقم الأندية للسنة الي طافت ) .. و الخطط نفس الشي .. يقول لا تستعيل !! تدري لو تأخر الشريط أكثر بتشوف وايد شباب يتهمون الأخ الخاج بالجذب .. المهم .. مرة ثانية إن شاء الله يكون الاصدار فيه كل مميزات اللعبة الناجحه ( و يكون فيه تعليق ;) عربي ) ...

الوصــــــــــــــــــــــــــــــــلاوي

[Mussav]

ممكن طلب

الشريط شكله بيطول عندكم عيل شلون عندنا بالكويت

ممكن طاقات واشكال

- اسماعيل مطر (الوحده)
- عبدالرحيم جمعه (الوحده)
- يونس محمود (الوحده , ان وجد)
- كرستيان (الوحده , ان وجد)
- علي كريمي (الاهلي)

[علي الكثيري]

السلام عليكم ياشباب...
الله يخليكم حد يعرف محل يبيع هذا الشريط في الحمرية أو ديرة حتى.. لأن محل شارع الألعاب في الخوانيـــــج.. وهي واااااايد بعيدة..
الله يخليكم ياشباب ساعدونا...
وشكرا.:)

[The King Of Roma:Totti]

بصراحة ذليتونا والله .

خلاص الحين الاجازة خلصت تقريبا .....يعني خلاص ما نبي اللعبة ......... ومشكورين :eviltongu

[vip8886]

شباااااااب وين اقدر ألاقي الدوري الاماراتي في الفجيرة










:33: :33: :33: :33: :33: :33:

[maxs]

شباب الشريط نازل من أكثر من أسبوعين بالامارات وانا مشتري الشريط
:bigeyes:

وهذا صورة للشريط بس الصورة شوي تختلف:

[Future Team]

ها بشرو في نزل تعديل على الشريط