المساعد الشخصي الرقمي

مشاهدة النسخة كاملة : جوفوا.... ترا انا مليت.....


Doel
21-12-2003, 05:18 AM
من زمان و انا متابع هالمنتدى، و من زمان و انا جايف شو يستوي و ساكت لأني ما احب ادخل في مثل هالمواضيع

بس هالمره السالفه زادت عن اللزوم :mad: :vereymad:

يعني مع احترامي للأخوان اللي كل واحد فيهم حط نفسه مفتي الأمه... بس ما مليتوا انتوا من كتابة مواضيعكم هذي؟؟؟

كم مره جفنا مثل هالمواضيع؟؟؟ :33: 20 ... يمكن 30؟؟
اللي يقوللك اقرا و بتتوب و الثاني يقوللك اقرا و بتهتدي... انتوا ما حصلتوا غير هالمنتدى؟؟ :mad:
صح في منتديات ثانيه تعرضت لمثل هالمشاكل و لكن .. أعتقد ان احنا انضربنا اكثر من اللزوم ...
و بعدين يعني ... شو اللي يابكم عندنا؟؟ كونكم دخلتوا هالمنتدى يعني انكم من متابعي الأنيمي و لما كل واحد فيكم يروح يطلعله فتوى بحرمة الأنيمي ، أعتقد لازم اتجوفون اعماركم و ما تتابعون الأنيمي .. و اللي بيقوللي انه ما يتابع انيمي و بس دخل يتكلم، هذا مثل المرض اللي يدخل عشان يخرب بس :mad: روح جوفلك مكان ثاني تفتي فيه ... هالمنتدى للأنمي و بس (أعتقد واضح من اسمه) ... و مب منتدى كل من هب و دب يدخل و يكتب فيه

منتدى الأنيمي لما بدأ كان من احسن المنتديات بس بسبب هالمشاكل .. الكثير من الأعضاء المتميزين طلعوا :vereymad: :vereymad:

اعتقد ان هالسالفه لازم توقف الحين ...
أئمة المهتدين : عندكم منتدى يسمونه المنتدى الإسلامي روحوا فيه و كل واحد منكم يكتبله موضوع عشر صفحات و محد بيقول لكم لأ :mad:
أعضاء المنتدى : لما اي واحد منكم يجوف مثل هالردود و المواضيع.. أرجوا عدم الرد عليهم لأنكم اذا رديتوا عليهم بيفرحون و بيقولون " زين والله .. ف ي استجابه من المنتدى" و بتزيد السالفه اكثر و اكثر... الحل الوحيد ان محد يرد عليهم و بالتالي بيملون و بيخلونا في حالنا :33:

في النهايه .. ارجوا من المراقبين اقفال الموضوع عشان ما ندخل في سواهي و دواهي مرة ثانيه

أسف عالإزعاج بس انا ما اقدر اتحمل زياده :12:

Doel
Black lion
21-12-2003, 09:11 AM
والله كلامك عسل وجى في الوقت المناسب

كل واحد قام يطّلعلنا فتوى ، مثل الرد السخيف اللي قريته في ... !!! خلني اسكت احسن لي.
أنت كلكم تعرفون إن هذا القسم يتحدث عن الأنمي مب قضايا الشريعة الإسلامية ... واللي تريد تكتبه في هذا المجال روح القسم الخاص فيه "مثل ما قال اخوي دويل" ، والله أني كل ما أقرى مثل هذي المواضيع ... أضحك :D

ناس ما عندهم سالفة

الحين بسكت و مثل ما يقولون "الباب اللي يجيك منه الهواء ... سده" و بقول للأشخص اللي من هذا النوع "لا تزيد الحطب نار" :mad:

سلام
Haruno Sakura
21-12-2003, 09:27 AM
مرحباااااا
عندي سؤال سريع :06:
شو تقصد بــ ((جوفوا )) :33: :33:
ممكن تقولي ليه كتبتها كذا ؟؟ :33:

مع تحياتي :06:
http://www.webpost.net/sa/sakura2002/haruno_sakura.gif
ثوما القصيم
21-12-2003, 10:10 AM
اعتقد ان جوفوا تعني -----> شوفوا :tongue2: اذا ما كنت مخطي


بعدين مكاله داعي تزعل وتكدر خاطرك المفروض ماحد يرد على مثل الاشياء اللي انت قلتها لان


الهجوم بعدها راح يزيد ولا راح يوقف :mad:


ومره ثانيه ماله داعي تزعل على ناس ما تستاهل


:ciao: :ciao:
TNT-BOY
21-12-2003, 10:42 AM
اخي Doel

الحين انت الى سويت الى هل ناس سالفه وخليتهم يستانسوا ويقولو

زين والله .. ف ي استجابه من المنتدى

هدوله مايستاهلو ان واحد زيك يعصب على شانهم

ادا شفت ناس جايين يخربون المنتدى احتقرهم ولا حتى تخليهم يحسو انهم موجودين هادي احسن طريقه
Black lion
21-12-2003, 01:32 PM
و بقول للأشخص اللي من هذا النوع "لا تزيد الحطب نار" :mad:

سلام

آسف ..كان قصدي "لا تزيد النار حطب" ... هههه من كثر ما كنت متحمس :tongue2: