المساعد الشخصي الرقمي

مشاهدة النسخة كاملة : معرض رسوم المانجا Got Manga??


Renoa Heartilly
28-12-2003, 02:58 PM
أحمم.. من زمان ما فتحت مواضيع جديده!
المهم.. قبل لا أبدا أكلم روحي.. لفت نظري أنه فيه أعضاء كثيرين هنا يرسمون *ولا ليش دخلت منتدى الرسم >_<*
ما أدري ‘ذا الموضوع هذا في مكانه, لكن حبيت أقول لكم.. أني أبغى أرسم مانغا.. يمكن أعرضها على أخواتي الصغار, يمكن أعرضها في المنتدى, أو يمكن أنها تطلع للنور في المكتبات..

أو يمكن أني أحطها في الدرج و لا أحد يشوفها.. لكن و بدون نقاش أبغى أتعلم أسوي مانغا...

بتقولون لي روحي شوفي المواضيع المفتوحه و تعلمي؟
أنا فعلاً أرسم. لكن كل القصص و الأشكال قد تم أختاعها >_< ما بقى شيء ما رسمه اليابنيين..

كمثال على صدقي, بارسل لكم صفجه رسمتها أول أمس, على أساس أنه راح ألقى موضوع هنا لتعليم رسم الكوميك.. بس ما لقيته للحين...
شرايكم؟
yuki-babe
28-12-2003, 03:55 PM
أوهايو ^_^ ,, السلام عليكم ,,,

رينوا الكومكس روعة و رسمج يهبل ماشالله ^_^ ,,,

م م م م في الحقيقة آنا ما فهمت شنو قصدج من هذا الموضوع

اللي فهمته إنج تبين تتعلمين تسوين مانجا ,,,, و لكني أشوف

إنج تمام في عمل الكومكس ,,,,

إذا ما المشكلة ؟؟؟؟

آه ه ه آسفة رينوا ,,, و لكن يا ليت توضحين أكثر ( لأني مهتمة ^_^ )..

:ciao:
Renoa Heartilly
28-12-2003, 08:36 PM
هاي حبيبتي يوكي :) يعني الموضوع هذا فاتحته عشان اللي يبغي يتعلم يرسم مانغا, أو اليي عنده شيء يبغي يشارك به, يجي هنا.
اللي أبغاه أنا نقد.. نقد بناء مو حرق >_< لأني أعرف أني ما راح أصير زي كيشيموتو و لا زي تاكاهاشي روميكو...
أنا أرسم كثير, لكن ما يعجبني اللي أرسمه... :blackeye:
اللي يبغي يعرض أعماله الكومكسيه أو المانجاهاتيه هنا, فليتفضل :)

هذي صفحه ثانيه.. ما أدري ليش مو عاجبتني... :31:
yuki-babe
28-12-2003, 09:15 PM
هاااي ^_^ ’’’

الآن فهمت ما كنت تقصدينه رنوا ^_^ ,,,

عندي تعليق على كومكساتج :

* م م م في الحقيقة رووعة

* لا أعرف لماذا لا تعجبك :06: ,,,

لكن هذا شعور يراود أغلب الرسامين لأنهم يطمعون بأفضل مما يقومون به ,,,

* مشالله روعة و قدرتي تضبطين الحركات و كأني أشوف الشخصيات تتحرك

فعلا ,,,,

* لكن أرى أن الكومكس ستصبح أفضل لو أن كلام الشخصيات و القصة فيها هدف

^_^ و لكن مع هذا , آنا أحب هذي النوعية من المحادثات بين الشخصيات ( التي

قد تكون في ظاهرها لا تحمل أي معنى , لكن الطابع العام فكاهي و ممتع لما أضافته

حركات الرسم و ملامح الشخصيات التي أحسنتي رسمها بدقة مشالله ^_^ ) ,,,,

...............

بالنسبة لي ,,, آنا عندي بعض المانجا المتفرقة ^_^ ,,

لكن المشكلة أنها على ورق مسطر >_<,, و لكني راح أعرضها لمعرفة آرائكم و انتقاداتكم

البناءة ( مثل ما قلتي ^_^ ) ,,,

و مشكووورة على الموضوع الحلو صراحة ^_^ ............ :biggthump
Renoa Heartilly
28-12-2003, 10:40 PM
مشكوره على المرور يوكي :) ردك فعلاً برد لي قلبي... أسهل شيء عندي هو الرسم, لكني ما عندي قصه >_< رسمت قصه على كراسه رسم *عده كراسات في الحقيقه* و أخاوتي يحبونها لكني ما أنتهيت منها ... مو عاجبتني.. و بعدين أخاف أرسل قصه حقسيقيه تنسرق...
orange road
29-12-2003, 07:49 AM
رينوا...
مستواج ماشاءالله اوكي في القصص ^^

باقول لج ملاحظة بسيطة..
حاولي ان فقاعة الكلام تكون ارتب من الشكل اللي انتي راسمته...
وما فيها شي اذا استعتني بأدوات الرسم اللي في البرنامج اللي تستعملينه علشان تضبطينها...

ملاحظة بسيطة.. لكن اتمنى انها تفيدج...

أما على القصص..
آنا بعد ما اعرف ارسم قصص طويلة وخطيرة مثل الناس...
قصصي كله قصيرة وتضحك وبس...
لكن صديقتي رميتا تألف قصص روعة.. ففي تعاون بينا..
هي تألف وانا ارسم..
إذا كان عندج صديقة تألف ممكن تتعاونون ^^ ليش لا؟؟؟
Renoa Heartilly
29-12-2003, 01:58 PM
...
حاولي ان فقاعة الكلام تكون ارتب من الشكل اللي انتي راسمته...
وما فيها شي اذا استعتني بأدوات الرسم اللي في البرنامج اللي تستعملينه علشان تضبطينها...

إذا كان عندج صديقة تألف ممكن تتعاونون ^^ ليش لا؟؟؟

مشكوووووووووره أورنج رود :) فكره رائعه!! أنا أصلاً ما أحب الفقاعات اللي في البرنامج..
و بالمناسبه عن البرامج, أحد فيكم يعرف برنامج غعير الرسانم العادي, لكن يكتب عربي؟ لأنه عندي فوتوشوب و بينت شوب لكنهم ما يكتبون عربي :(

أما عن القصص, أنا يمكن ألقى أحد يساعدني بالقصص, بس بعدين راح أكون أسرق تعبه لو عرضت العمل على أحد ثاني :(

عموماً باحط الأفكار هذي في عين الأعتبار. و لا تنسون أن الموضوع مو لي وحدي, اللي عنده مشاركه كومكسيه يتفضل بها :)
yuki-babe
29-12-2003, 04:53 PM
هااااي ,,, ^_^

أحب أضيف مشاركتي ,,, هههه طبعا آنا ما أستخدم القلم الضوئي حتى الآن

فما زلت أعتمد إعتماد كلي على يدي ,,,,

م م م هذي كومكس بسيطة رسمتها قبل قليل ,,,, هذا النوع من الكومكس مو من

اختصاصي لكن نجاول ,,,

http://www.tahmeel.com/ta7meel.php?ta7meel=10727081744694

*يمكنكم أن تتخيلوا القصة ,,,

- فتاة درست جيدا و المواد صعبة حيل ,,, تتفاجأ في نهاية الكورس إنها حصلت على درجة F

في أكثر من مادة ,,,,

- تتسائل عن السبب؟؟؟ ( البنت مسكينة درست و سوت كل اللي عليها !! و لكن !! حدث ما حدث!

- في النهاية تحاول أن تتمالك نفسها ,,, و لكنها لا تستطيع !!!! تتساقط دموعها !!! و تستسلم لليأس !!!!!

...............................شرايكم هههههههه...............

لا لا آنا مو بائسة لي هذي الدرجة و لكن ( ما عندي قصة ههههه ) ,,,

هم م م بالنسبة لما قلتيه يا رينوا عن السرقة!!! إنتي أكيد لما تطلبين من أحد يألف لج

قصة عشان ترسمينها راح تكونين متفقه مع المؤلف أساسا عل إنج راح تعرضين الكومكس ,,,

و بهذا ما راح تكون سرقة ؟؟؟

لأن رسمج جميل جدا مشالله و الأجمل عندما تكون الرسوم مع قصة حلوة ^_^ ,,,

:ciao: ...
Renoa Heartilly
29-12-2003, 07:51 PM
رسمك حلو يوكي !! و خطك بعد حلو على كوميك :) يعني المنتدى صار فيه رسامتين ما عندهم سالفه >_<
Touya
29-12-2003, 10:20 PM
همم بالنسبة لبرنامج يكتب عربي..

عندج واحد من الإثنين... Photoshop 7.0 ME

واركز هنا على ME لإنها تعني Middle East Edition
أو ترجعين وتطلعين نسخة مغبرة من Paint Shop Pro
وهي الإصدار 5 لإنه آخر إصدار من PSP كان يدعم العربية مسبقاً حسب ماأعلم... بس مأدري عن PSP8


أما عن رسمج في الكوميكس... اعتقد أنج أحسن من كثير من الناس... بس شوية ثقة في النفس.
نصيحتي جربي تطالعين أكثر من أسلوب في الكوميك.. إنتبهي للتفاصيل اللي تميز هالأساليب! حاولي تنوعين بالتدريب عليهم وراح تلقين نفسج تحسنتي كثير عن قبل لما ترسمين من خيالك.

وفيه إضافة.. أنصحج تراجعين درس ال Skin Tones... الظاهر اللي كان مسويه شاهين وفلاش.. هالدرس يفيد كثير في الكوميكات:)
yuki-babe
30-12-2003, 06:45 AM
(((( رسامتين ما عندهم سالفة )))) :06:

رنوا ,,, رنوا ,,,, رنوا بالعكس عندنا سالفة و نص خلينا واثقين بنفسنا مثل ما قال Touya

إحنا نبي نتعلم صح؟ عيل إحنا عندنا سالفة ههههه :cool: ,,,,



و هذي الكومك حملتها مرة ثانية لأنها اختفت!!!:أفكر:

http://sakuuura.jeeran.com/scan0049.jpg

و مشكووووورة على تعليقج المشجع رنوا :ciao: خلينا نشوف المزيد من كومكاتج,,,,,^_^
Renoa Heartilly
30-12-2003, 07:31 AM
همم, فيه موضوع عن الكوميك؟ مشكور تويا و حياك الله!! للأسف بينت شوب 8 ما يدعم العربي.. يعني ما فيه ألا فوتوشوب أم-أي؟ مشكور و ما قصرت !!

يوكي لما قلت ما عندهم سالفه كان قصدي سالفه نرسمها=قصه=سالفه تنقال في القصه .. لا تزعلين ما كان قصدي :( و الكوميك شفتها أول مره, بس معليش, حق اللي ما شافها لأنها روعه :) جربتي تلونينها؟

أقول يوكي, لا يكون هذي أنتي راسبه و ما تبين تقولين؟ :P
yuki-babe
30-12-2003, 07:39 AM
أوهايو ,,,

ههههههه لا لا فاهمة قصدج عدل :D أفاااا آنا ما أزعل منج أبد ^_^,,,

و بالنسبة للكومك لااااااا مو قاصدة نفسي ههههههه طبعا آنا شطورة هههههه مداح نفسه :D ,,,

و بالنسبة للتلوين همممم ما فكرت ألونها ,,, بس أحاول ليش لأ

ولكن أحس إن المانجا و الكومكس أحلى بالأبيض و الأسود ,,,,,,,

*خلينا نشوف شي إضافي من إبداعج؟؟ و آنا راح أضيف قريبا :) .....
Renoa Heartilly
30-12-2003, 08:28 AM
*خلينا نشوف شي إضافي من إبداعج؟؟

نياهاها... من قال لك تسأليني؟
Ame Musashi
30-12-2003, 08:56 AM
Eee~ nice art renny~

I hope the others have good art here too...
orange road
30-12-2003, 08:57 AM
^^
انتي تذكرني بالمواقف اللي نرسمها
نفس طريقة التفكير ^^

على العموم أجوف فقاعة الكلام الالكترونية ارتب بوايد من اليدوية...
yuki-babe
30-12-2003, 12:41 PM
رنوا هههههه خلاص ماراح أسأل ;) ,,,,

يا سلام شوفي شلون شكل الفقاعة روعة في كل الحالتين

بس مثل ما قالت أورانج الالكترونية أرتب من فقاعة الكلام اليدوية ,,,

:ciao: ..............................................
Renoa Heartilly
30-12-2003, 10:17 PM
""أورنج رود قصدك سالفه الدله هاه!! :) كلها نفس العفويه :)

حياك يوكي, ما رسمتي أي شيء جديد؟؟
CROW
31-12-2003, 12:36 PM
Renoa Heartilly

you are very very good at drawing "manga"

just keep drawing and keep practicing and you'll be the greatest :)


...
yuki-babe
31-12-2003, 04:47 PM
الله يحييج رنوا :D ,, بلى أكيد في واااايد أشاء يديدة

بس نسوي لهم سكانينج و على طول أعرضهم ,,,,,,:ciao:
Renoa Heartilly
31-12-2003, 09:41 PM
شكراً كرو على المرور :) Thanks you very much! يوكي بسرعه سوي سكان :) و لو فيه أفكار ما أحد بيغاها يبقى أحسن :)
Renoa Heartilly
09-01-2004, 11:10 AM
للرفع.. أي مشاركات؟ و لا عشان الأختبارات ما أحد صار يدخل؟ >_<
yuki-babe
09-01-2004, 05:04 PM
رنواااا ^_^ ,, لا بالعكس ما نسينا الموضوع ,,

بس مثل ما قلتي الاختبارات >_<.........

قريبا جدا ,,, قريبا ^_^ ,,,,,,:ciao: ...............
mai_arumashi
10-01-2004, 12:48 AM
حلو الفكرة ^_______________^ * الاخت غاوية افكار من هالنوع*

ممم و الرسمات كيييييييييييييييييييييوووووووووووووووووووت ^\\\^

انا بعد ارسم بس ما ارسم مانجا انا بديت من فترة ارسم دوجنشي... و كملت 5 صفحات منه *التحبير يموت* و لا بعدي ما حطيت السكرين تونز :(


المهم انا بعرض عينه
Flashanime
10-01-2004, 07:09 AM
يوجد هنا موضوع اخر لشاهين فيه ملاحظات و دروس و نصائح في عمل المانجا
http://www.montada.com/showthread.php?t=214034

رسومك جميلة جدا يا رنوا ..احب اسلوبك البسيط و الاجواء فيه رقيقة


ماي الصفحة رائعة و تحبر متقن ..اتنمى اشوف القصة كاملة في اقرب وقت و اي اعمال اخرى لك فالصفحة و هي ناقصة ذات جودة عالية
ملاحظة في الصفحة: اللون الاسود قوي جدا في اسفل الصفحة, خففيه قليلا بوضع تفاصيل في القميص و مناطق اضائة و ان قمتي بتلوين الصفحة ضعي بعض الظلال في الجزء المعاكس اي بالزاوية العليا جهه اليسار حتى تضفي توازن في الرسمة
Renoa Heartilly
10-01-2004, 09:45 AM
واو! مشكور على اللنك فلاش أنيمي! و ماي ... ماي... مااااااااااااااااااي.... *سنيف سنيف* أبغي أرسم زيك!!