هل تشتري اصلي ام كوبي......ولماذا؟؟؟؟؟

[نصوري]

السلام عليكم ورحمة الله وبركاته......

الصراحه انا متابع دائم لمنتديات الالعاب :cool:

بس لاحظت انه كثيرين يقولون نشتري اللعبه اصليه وليست كوبي :06:

بعدين قعدت افكر وقلت ان النسخة الاصليه غاليه حسب علمي وان الكوبي تجي كويسه وسعرها معقول انا عندي ps2بس اني دااااايم اشتري كوبي (وسعره 15 ريال سعودي )صرت كل ما دخلت للمنتديات احسب ما احد يشتري كوبي غيري ولا اقدر اتواصل معهم :02: :02:

فلو سمحتوا اذا احد يقدر يفيدني ويرد علي ولا تطنشون :tongue2: :tongue2:

واذا احد موجود من السعوديه يقول لي وش افضل المحلات اللي تبيع اشرطة سوني بالرياض والخرج وشكرا للجميع:reporter: :reporter:

هذا الموضوع لاني عضو جديد وابغى اتواصل معكم داااايم:p :p

[ملكwe]

حياك الله اخوي معانا

وبالعكس اغلب الناس تشتري كوبي

لا اللي فلسوهم واجد يحبون الأصلي,,,,,,,,

[نصوري]

حياك الله اخوي ملكwe:ciao:

ومشكور على الرد الصراحه توقعت الكل يطنش:02:

بس انك حطمت هذا التوقع ومشكور اخوي:)

[QataR NighTMarE]

انا اشتري كوبي دايمآ
بس في ناس يقولون الألعاب المميزه عندهم ياخذونها اصلي لأنها مميزه
الصراحه مادري شالفرق لو خذ كوبي او اصلي :09:
يعطيك العافيه وحياك الله معانا بالمنتدى

[نصوري]

اهلين اخوي ولد البوكواره :)

ومشكور اخوي على الرد :biggthump

والصراحه انكم ريحتوني من هالناحيه كنت احسب ما فيه احد يشتري كوبي الا انا:06: :06:

مشكور اخوي:ciao:

[Tomb raider]

هلا اخوي

انته جديد على المنتدى على العموم هلا ومرحبا فيك في المنتدى

ما عليك الاغلبيه يشترون كوبي ,وانا منهم ما فيها شي :D

ليش نخسر مادام شي العاب كوبي وتشتغل زي الاصلي :)

وشكرا :biggthump

[old school]

انا من النوع الي يشتري دفدي كوبي املك ما يزيد على 200 شريط دفدي كوبي لكن بعض الالعاب المميزة جدا امثال ميتل غير وسلسلة فاينل فانتسي وسايلنت هيل واوني موشا والعاب الدرجة الاولى اشتريها اصلي حتى لو كان في دفدي كوبي لها وكامل لان بعض الالعاب تستحق الاصلي

[Revolutions]

اولا من النوع الي امل بسرعه من الشي يعني حرام اشتري شريط اصلي وماالعب فيه الا مره او

مرتين ........


انا عندي مافي فرق بينهم الاصلي والكوبي وحياك معنا بالمنتدى........:)

[ليون كنيدي]

كوبيxكوبي ليش اصلي كله واحد

[Gundam wing]

الألعاب في منها ما يستحق تشتريها Orginal ....وفي ما لا يستحق ذلك...
فمثلا ألعاب مثل فاينل فانتسي وميتل جير لازم تكون عندي أورجينال
أما غيرها مثل ألعاب الرياضه والسيارات وما شابهها فالكوبي يكفيها....

[الموت3003]

انا اشتري الكوبي ارخص ..

يعني حرام اشتري الاصلي بميتين .. والكوبي 15 او 10 يعني كل شريط 20 شريط كوبي عن شريط اصلي

بس تعرف الاصلي فيه محاسن .. يعني شويه الالعاب خاصه المغامرات الطويله .. يعني ما تكون واضحه في الكوبي
وهذا ياثر على العيون ... وبعد الشريط الكوبي يخترب بسرعه ..

[ماجلّان]

يا اخي ماسمعت بالـ DVD coby ؟ تراقيمته عندنا في الطائف 20 واوقات 15 حسب حداثة اللعبة والكوبي ما تتوقع كم قيمته 2 بـ 10 ريال فقط لا غير!!!! تصدق؟

[AlWakRa]

الصراحه أنا ولا مره قربت عند الأصلي




وحتى لو ما لقيت الدسك كوبي




أنطر لما ينزل الكوبي



مدمن كوبي




وشكرا على الموضوع




أخوكم

العضو المجهول

الوكره

[بـوسنيده]

كوبي وحياتك

ماشي اصلي

اصلا الاصلي ما قرب عدال بيتنا الا فاينل فانتسي

[Aero]

كل اشرطتي كوبي ماعدا فاينل فانتسي 11 اصلي
ومشكور على الموضوع

[Final Fantasy 7]

الألعاب يالي فعلا تعز علي وايد وايد .. آخذها أصلي :)




أما البقية .. فكوبي ^_^

[JAK]

مشكور اخوي نصوري على الموضوع و حياك الله معانا بالمنتدى بما انك عضو جديد (نفسي).

وانا الصراحه ما اشتري الا كوبي اكثر من 200 لعبه عندي كلهم كوبي اما الاصلي ما اشتري الا الالعاب الحلوه جدا مثل JAK 2

[BlueTooth]

ما اشتري الا اصلي..لاني ما احب اسرق جهد المطورين!

[The Shark]

انا دائما على الكووووبي وبس

لاني اذا اشتريت اصلي احس نفسي اني اخذت بطاقتين سمسم مدفوعة الاجر(طبعا الاصلي مرتفع الثمن)

وانا مو مجنون حتى اشتري العاب ب250 ريال :vereymad:

[الهروب العظيم]

أنا من النوع الي ما يشتري أصلي أبد ما أظن عندي لعبة أصلي كوبي فقط
وحياك الله أخوي بيننا :)

[jgubvgtjf]

اكيد اشتري كوبي
وبعدين الكوبي متوفر عندنا اكثر من الاصلي ويشتغل على الجهاز لو يكون ياباني او امريكي او اوربي
اما الاصلي اغلى بكثير ولازم الشريط على نفس نظام جهازك

[msm]

طالما أن الكوبي متوفر للعبة الي أبغاها ..فليش أشتري الأصلي ..

إلا اذا جاء اليوم الي مافيه إلا أصلي بس .. ذيك الساعة ما راح أشتري إلا الألعاب المرغوبة بشدة فقط ..
والباقي آخذه عن طريق التأجير .. (الحين مافيه بس اذا صار الأصلي فقط موجود بتصير موجودة الخدمة هذي مثل أيام السوبر ننتندو..استأجر لعبة بـ 10 ريال لمدة أسبوع وأغيرها بعشرة ثانية وكذا) ..

[العبسي]

الله يخلي لنا الكوبي ، والا وش الفرق بين الكوبي والاصلي إلا في نوعية الشريط نفسه

ما فيه فرق أبد

فليش أشتري أصلي مادام إن الكوبي متوفر ، أنا اعتبر هذا من الإسراف وإحنا يا الله نقدر نشتري همبرقر حق الجامعة :D


حبيبي تبي نصيحتي

عندي 3 أجهزة ما عمري شريت أصلي ولا شغلته إلا اللي يجي في الكرتونه حق الديمو :biggthump

لا تشتري إلا الكوبي عشان ما تفلس بسرعة

والله يديم علينا نعمة الكوبي :D :D :D

[نصوري]

مشكوريييييييييييييين اخواني ياللي رديتو علي الف الف شكر واعذروني لاني مارديت عليكم بسرررررعه:reporter: :reporter: :blackeye: :blackeye: :ciao: :ciao:

وفعلا اثبتوا لي لن الكوبي كويس جدا بلا اصلي بلا خرابيط:biggthump :biggthump :05: :05:

[بوشهاب]

أنا أوافق الجميع من ناحية أن الكوبي أفضل وأنا أفضل الكوبي لاني أمل من اللعبة بسرعة وأشتري غيرها :cool:

[الرهـــــــــيب]

هههههههههههههههههه الأصلي خسر خسااااير ذرريييييييييعة عندنا بالعالم العربي والكوبي دفيدي ربح اربااااح كبيرة
اما بالخارج مادري يمكن عقوولهم مظروبة ومايشترون الا اصلي وببببسسسسسسس

[Jonger]

أنا ما عندي و لا لعبة اصلي على البلاي ستيشن 2

أما على الأول ما كان عندي إلا لعبتين و لا بعد لأني شارنهم قبل لا يطلع الكوبي :09:

يا شباب عليكم بالكوبي لأن حرام واحد يدفع 200 ريال على لعبة

و بعدين لو ينكسر الأصلي شنو راح تسوي أكيد راح تستجن
أما كوبي اتقول في نفسك (يا اخي اروح اشتري واحد جديد كلها عشرة ريال :p )

و احنا كفاية نفلس و احنا نشتري كوبي مو بعد لما نشتري أصلي :أفكر:

[mad_dog]

يا هلا شباب :) ترى لو كان ما في كوبي مو مشكله ( يشتغل التاجير ) ولو اني اعتقد عندنا بالخليج ما يستخدمونها لانه الكوبي متوفر

اما بالنسبه لي شخصيا ( اشتري الكوبي ) إلا اذا كانت اللعبه مو متوفره كوبي اخذها اصلي :) او اني بدخل اون لاين باللعبه وما تسمح

اني اخذها كوبي واغلبها تكون العب pc مثل ( جننرالز - كاونر وغيرها )

[Emperor-uae]

أنا دايما أخذ كوبي إلا إذا كنت أبا ألعب أونلاين أخذ أصلي مثل نيد 4 سبيد أندرجراوند(حد يتحدى أونلاين :cool: )

قبل كان يصير تلعب أونلاين بالكوبى على الps2 بس أحينه حطوا نظام حمايه للألعاب اليديده(DNAS) فلازم أصلى :vereymad:

و إذا اللعبه تستاهل و تكون مب أي لعبه عاديه (يعني سبيشل :09: ) أشتريها أصلى مثل ميتل جير و GTA3&GTAV و أكيد باخذ ميتل جير 3 و GTA5 أصليه :biggthump (سبيشل و نص :D )

[بوعبدالرحمن]

إذا اللعبة تتستاهل أشتريها أصلي ، يعني زي ميتل جير مثلا
أشتريها ، وأشتريها غصب بعد :biggthump

ميتل جير إلى الآن وانا ألعب فيها ، من أول ماشريت الجهاز :biggthump

أما بالنسبة للكوبي ، أصلا داااااااااايما ماأشتري ألا كوبي :)

[الزعيـALZAEMـم]

يا اخي الللعبه مجرد لعبه بالاخير راح ترميها لذلك ليش اشتري اصلي اشتري كوبي الا طبعا بعض الالعاب المميزه مثل ميتل جير ووينج اليفن


الله يعين اصحاب الكيوب لعبه واحده تسوى عشرين لعبة بلايستيشن >>>اقصد السعر :09:

[مجنون الريال]

يبا قلت لكم انتوا لو تفكرون فيها سعر البلاي ستيشن2 90 دينار صح؟ لو تشتري خمس اشرطه اصلي جنك شاري بلاي ستيشن2 وعشرين شريط وزياده عشره بمخباك الصراحه الي يشتري اصلي هذا ماعنده سالفه :09:

[نصوري]

اشكركم جميعاً يا اخواني الاعضاء على ردودكم الواقعيه والجميله:33:
هنا احاول اتكلم لغه عربيه اصليه :tongue2:
ما يكفي اني اشتري كوبي ؟؟؟؟؟ :bigeyes: بعد اتكلم كوبي ؟؟؟:biggthump

مع اني في الحالتين اشوف الكوبي وااااااجد اصرف واحسن:09:

[ORACLE]

مافيه أي فرق لأن طريقة النسخ رقمية

بس الفرق أن الكوبي يقلل عمر العدسة إلى 6 أشهرة
والأصلي يمدها إلى 8 أو عشرة أشهر

فرق شهرين أو أربعة أشهر من عمر العدسة
لكن الخسران اللي يشتري أصلي .... ودمتم بألف عافية

[Renoa Heartilly]

الكوبي يطلع قبل الأصلي مرات... سونيك هيروز, أخوي شراها و خلصها قبل لا تطلع في أوروبا...
أنا ما عندي إلا فيانل فانتسي 10 أصلي, و من بعدها ما شريت أصلي... فيه بعض الألعاب اللي يحذفون منها مقاطع عشان تكفي السيدي, بس هذي أنا أحقد على اللي ناسخها و لا أشتريها..

للأسف هي سرقه حقوق للمبدعين اللي سووها, بس شنسوي غاليه!! و زي ما قال الأخ يالله نشتري همبرغر بخمسه ريال, كيف نشتري (لعبه) بميتين؟ O_O

[Kingdom Hearts]

يا شباب يا جماعه الاصلي رهييييب ما تتصور الشعور وانتا راجع البيت معك اللعبه اللي تعزها اصليه. ;)
والله شعور رهييييب وثانيا زي ما قالو الاخوان الكوبي يعتبر سرقه (حرااااااااااااام).
لما ترجع ومعك ميتل قير او فاينل او ديفل ماي كراي او جيتي اي شعور حلو و يجيك مغلف و نظيييييييييييييف.
وثالثا ياخي عمر الجهاز ينقص .
القطعه حقت الكوبي لوحدها تعدم الجهاز فما بالك اذا شغلت كوبي عليه سلم على جهازك.
وهذا كل اللي عندي.

[مجنون الريال]

ياجماعه في لعبة عقدتني هي لعبة بريمال الكوبي مالها مو كامل لو شريت اصلي لها يكون كامل ارجو الاجابه :31: وثاني شي الاخت ريدونا هارتلي انتي تقولين اخوج انهى سونيك هيروز صح؟ قولي له شلون اعدي المرحله العاشره مكاني هو في شجره على اليمين اول مااصعدها تنزل تصير صغيره وعلى اليساره في كوره اول مااحوشها تطلعلي فلوس ارجو الحل العاجل

[We6fe]

انا عندي 5 العاب اصيه للبلاي 2 وممكن 30 كوبي فقط :33: وبالباجي حذفته بالزباله

[نصوري]

الله يعطيكم العافية اخواني على تواصلكم وردودكم:أفكر:

وتعدد الاراء لايفسد للود قضيه :bigeyes: و....... واحد يبي يتفلسف ولا يدري وشلون:cool:

على العموم مشكورييييين جميعا:ciao:


وبالنسبه للاخ مجنون الريال.....

اللعبه اللي انت تقولها بريمال ما اعرفها بس اذا كان الكوبي مهب كامل اتوقع انها بتكون نفس مشاكل الالعاب الاخيره مثل برنس اوف بيرشا اشتريتها انا وكانت تعلق في مرحله وبعدين طلعت نسخة كوبي ثانيه للعبه اشتريتها وكانت كامله واتوقع انك بتلقى نفس ذا اللعبه اللي تبغاها كوبي وكامله علشان اوفرررررررررر انت اسال المحلات اللي يبيعون فيها الالعاب وان شاء الله اكون افدتك:reporter: :ciao: :ciao:

[Angry Odin]

الصراحة انا دايماً اشتري كوبي لأنه رخيص ويؤدي الغرض , لكن بالنسبة للxbox مضطر اشتري اغلب الالعاب اصلية لانك ماتقدر تلعب LIVE الا بنسخة كوبي .

[Final Fantasy 7]

يا شباب يا جماعه الاصلي رهييييب ما تتصور الشعور وانتا راجع البيت معك اللعبه اللي تعزها اصليه. ;)
صحيح كلامك .. أنا عندي الحين لعبتين أصلي .. فاينل فانتسي 10 و ميتل جير سوليد 2 سونز أوف ليبرتي .. اضريت أشتريهم أصلي من ثلاث سنوات لأن وقتها ماكان فيه تطويرة تشغل دي في دي كوبي تركب على جهازي .. بس بعدين راقت لي فكرة الألعاب الأصلية و صرت أشتري أي لعبة لها معزة خاصه عندي أصلي :biggthump