مشاهدة النسخة كاملة : ليالي محمدية (خاصة للكويتين)
"أشكو اليك .. أشكو اليك .. أشكو اليك يا واهب النعم ..
يا أقدم القدم ..
أنت اللي أعلم باللي فييا من ألم ..
بلد انظلم .. بلد انظلم ..
واللي ظلمني أولاد أمومة و دين و دم ..
كانوا مع الشيطان يا ربي على ميعاد ..
واللهم لا اعتراض .. واللهم لا اعتراض .. واللهم لا اعتراض .. واللهم لا اعتراض"
هذه الكلمات،،هذا الشعر،، كتبها الشاعر القدير عبدالرحمن الأبندي باسم "ليالي محمدية"،، انقالت على لسان الفنان عبدالله رويشد في القاهرة عام 1991 قبل تحرير كويتنا العزيزة.. (شعر عبدالرحمن الأبندي ليما انقال في القاهرة انقال على ألسنة عدة فنانين و فنانات ولكن اللي انا قاعد أكتبه انقال على لسان الفنان عبدالله رويشد)
يا جماعة،، ممكن تتسائلون انا ليش قاعد أكتب هل موضوع..؟؟! أغلبية الأعضاء اهني بالمنتدى ما عندهم أي شيء يكتبونه غير عن الكويت..! و من هل أبرز المواضيع عن ان الكويت دولة خائنه بطلب المساعدة من الأمريكان..! أو ان الكويتيون منافقون و الكويتيات منافقات لدعمنا لأمريكة ظد العراق..! والمواضيع وصلت الى حد انهم كفرونا..!! و المواضيع هذه والله العظيم ماتخلص..!!
انا ما صارلي مده و انا عضو و مو قاعد أشوف غير حقد على الكويت و الكويتيون و الكوتيات لأننا أدخلنا الأمريكان أرضنا و رحبنا فيهم..! والله يا جماعه انكم ماتدرون ليش دخلناهم و رحبنا فيهم..! انا ليما صارت حرب الخليج كان عمري 6 سنين،، كنت صغير،، بس أبي أنسا اللي صار بالحرب والله العظيم اني مو قادر..! فما بالكم اللي اثبحوا ابو أو اخو أو اهتكوا عرض اخته..؟؟! الكلام مايفيد لأن هذا ما صار فيكم..!! محد يبي يعيش هل عيشه..!! و محد ساعدنا من العرب ليما احتجناهم غير دول الخليج و حافظ الأسد رحمه الله و مصر..!! و هم احتجنا مساعدات أكثر و مالقينا غير أمريكة..!!
"...و مسجد لله بنيته .. بيقول دا مسجدي"
يا جماعة اللي ظدنا قاعدين تتخيلون..؟؟! في أعضاء يقولون ان عينهم دمعت ليما اسمعوا ان صدام انصاد على يد الأمريكان..؟؟! تدمع عينكم على واحد يقول ان المسجد مسجده مو مسجد الله سبحانه و تعالى..؟؟!
"...يا أمة الاسلام اخلص مني الكلام ..
لا عيني شايفه حد .. ولا شايفه منام"
تخيلوا يا جماعة اللي احنا كنا عايشين فيه..!! والله العظيم والله شاهد علي اني أمس قاعد أسمع هل كلمات و عيني دمعت..!!
انا عندي طلب حق كل اللي ظد الكويت و شعبها..!! سمعوا كلمات "ليالي محمدية" كلها..!! و مو بس تسمعونها،، اشتروا الشريط و شوفوا..!! شوفوا الكويتين اللي قاعدين..!! شوفوهم و اهما قاعدين يبجون..!! شوفوهم عشان اتحسون شويه من اللي صار فينا و هم ماراح اتعرفون شنو كان الاحساس و الخوف اللي كان داخلنا..!! شوفوا قبل لا تظلمونا و تحقدون علينا..!!
و انا حطيت بالعنوان "خاصة للكويتين" لأن الكوتين اللي عانوا و غيرنا قاعد يظلمنا..!! احنا اللي عشنا الغزو و قاعدين يحسدونا الحين..!! احنا اللي جربنا و يقولون عنا خونه عشان طلبنا المساعدة..!! صرنا مره وحدة خونه عشان نبي انعيش بأمان..!! و الله يعينكم يا كويتين و كويتيات و يعيني على هل أمثال من الناس اللي يقولون عنا جذي..!!
و يعطيكم العافية و سامحوني اذا طولت عليكم..!!
أخوكم الكويتي،،
Q-80
al7ajeiah
19-01-2004, 02:13 AM
و الله ان كلامك كله صحيح يا خوي بس وين اللي يفهم و يقدر
احنا الكويتيين في نظر كل العرب و المسلمين خونه و غدارين مع ان كل الدول العربية قايمه على خير ديرتنا و مساعداتها حتى العراق الخاين للحين قايم على خير الكويت و الكويتيين و تبرعاتهم
قولي منو من العرب يعطني تبرعات كثر الكويت
كل الدول العربي منو اللي بنالهم مستشفيات و مدارس و معاهد و اعانات و تبرعات و اداوية ملايين ملايين الدولات بمناسبة و من غير مناسبة و لما صار الغزو كلهم وقفوا ضدنا
الكويت طول عمرها ديرة خير و بتظل ديرة خير دام اهلها طيبين مثلك و شرواك
و الله اني احترق من داخلي لي شفت احد يغلط على الكويت او يهينها و اهي خيرها على الكل
الكويتيين مو خونه و لا غدارين و لا كفار الكويتيين ناس خيريين و طيبيين و على قد حالهم و ما يضرون احد حتى اللي يضرهم
شوفوا شنو سوا فينا العراقيين و الفلسطينيين و الاردين و غيرهم و غيرهم من الخونه العرب لكن عمرنا ما ردينا عليهم بالغلط او بالشينه
حسبي الله و نعم الوكيل على كل انسان يهاجم بلدنا الحبيب بالقول او بالفعل
وعساك على القوة اخوي q8
يعطيج العافيه اختي al7ajeiah على هل كلام اللي صحيح 100%..! و الله يزيد النعمة لنا و لكل المسلمين..!
بس انا حبيت أبين ان احنا قاعدين ننظلم بدون سبب..!! ان اللي قاعدين يظلمونا بسببه وهو دعوة الأمريكان احنا اضطرينا على ان انسويه عشان نعيش مثل ما اهم عايشين و مانعيش تحت حكم الطاغية صدام حسين..!! و ان مو غلط نطلب العون اذا احتجنا،، و اذا ما لقينا عند العرب مو غلط نطلب العون من اللي مو مسلمين..!!
و يعطيج العافية..!!
Q-80
DonMusallam
19-01-2004, 04:40 PM
يعطيك العافية أخوي Q-80 و مشكور على هالموضوع..
و صراحة انتوا ما خليتولي شي أضيفه :D
إلي قلتوه كافي والله .. مشكورين
عطيك العافيه اخوي a7MeDTHeGReaT على مشاركتك..!
و أحمد الله ان الموضوع نال اعجابك و أتمنى أن ينال اعجاب كل القارئين من الأعضاء و الضيوف و أتمنى أيضا أن يغير تفكير كل من يرى الكويت و الكويتيون و الكويتيات بنظره سلبية..!
و يعطيك العافيه..!
اخوك Q-80
ZeroSystem
19-01-2004, 05:15 PM
مشكور على الموضوع و ما عندي شي أضيفة أنت وفيت و كفيت
السلام عليكم..!
بس حبيت أصلح معلومتان انا كنت غلطان فيهما ليما كتبت الموضوع..!
الأولى: اسم الشاعر عبدالرحمن الأبنودي وليس الأبندي..
الثانية: انقال الشعر في القاهرة في أكتوبر عام 1990 أثناء الاحتلال العراقي على الكويت و ليس في عام 1991..
و أعتذر عن هذه الأخطاء التي بدرت مني من غير قصد و أرجو منكم المسامحه..!
و أتمنى أن تكون الردود من الكويتيون و غير الكويتيون أيضا..!
و يعطيكم العافيه..!
اخوكم،،
Q-80
مشكور على الموضوع و ما عندي شي أضيفة أنت وفيت و كفيت
يعطيك العافيه اخوي ZeRoSYSTeM على مشاركتك و الحمد لله ان الموضوع عجبك..!
اخوك Q-80
opz box
19-01-2004, 08:21 PM
مشكور على الموضوع
مشكور على الموضوع
العفو يا اخوي oPZ BoX..!
و ان شاء الله نال اعجابك..!
اخوك Q-80
abo_7ozayfa
20-01-2004, 12:04 AM
جزاك الله خيرا أخى و انت تعلم انى موافق لما تقوله ....و لكن أخى لستم وحدكم من عانى مت الحرب ... اذا فماذا نفعل نحن .... احتلال صهيونى و انجليزى و المانى و فرنساوى ؟؟؟؟ 90 سنه ... 3 سنيين و و و طول عمرنا عايشين فى قهر و ظلم ......... و انا لا أعترض على ما كتبته و لكنّى أؤيده كل التأييد .... و السلام عليكم و رحمة الله و بركاته؟؟؟ ... سؤال صغير هو الرابط هذا به أغنيه؟؟؟؟؟؟؟ :33: :ciao:
abo_7ozayfa
20-01-2004, 12:07 AM
لا يوجد رابط أصلا :06: :33: :33: آسف :أفكر: و على فكره أنا مصرى
جزاك الله خيرا أخى و انت تعلم انى موافق لما تقوله ....و لكن أخى لستم وحدكم من عانى مت الحرب ... اذا فماذا نفعل نحن .... احتلال صهيونى و انجليزى و المانى و فرنساوى ؟؟؟؟ 90 سنه ... 3 سنيين و و و طول عمرنا عايشين فى قهر و ظلم ......... و انا لا أعترض على ما كتبته و لكنّى أؤيده كل التأييد .... و السلام عليكم و رحمة الله و بركاته؟؟؟ ... سؤال صغير هو الرابط هذا به أغنيه؟؟؟؟؟؟؟ :33: :ciao:
يعطيك العافية اخوي aBo_7oZaYFa،، و أنا ما أنكر اللي انتوا عانيتوا و يمكن هذا واحد من الأسباب اللي جعلت مصر ان تكون من أول من يساند الكويت مع عدة دول..! بس انا قلت الكويت لأن الكل يتكلم ظدنا و هناك من كفرنا..!
و يعطيك العافيه على تأييدك لكلامي و الحمد لله الذي جعل هناك أشخاص يأخذون الأمور بعقليه قبل أن يتهموا أحد،، الحمد لله أنه جعل هناك أشخاص مثلك..!
اخوك،،
Q-80
أميرة الخيال
20-01-2004, 01:07 PM
يعطيك العافية أخوي على هذا التوضيح
و أتمنى اني ما اشوف في المنتدى أي موضوع يتعرض للكويت لأن هاليومين اكثرت هالمواضيع :(
يعطيك العافية أخوي على هذا التوضيح
و أتمنى اني ما اشوف في المنتدى أي موضوع يتعرض للكويت لأن هاليومين اكثرت هالمواضيع :(
الله يعافيج اختب أميرو الخيال..! و ان شاء الله الموضوع عجبج..؟؟!
و أتوقع اني أتكلم عن كل الكويتيون و الكويتيات اللي بالمنتدى ليما أقول ان نتمنى أن تتوقف هذه المواضيع التي تتعرة على كويتنا الغالية و على شعبها و حكومتها و أميرها..!
و يعطيج العافية على مشاركتج الحلوة و أتمنى ان دوم نشوف مشاركات من الكويتيون و الكويتيات..!
اخوج،،
Q-80
الله يعافيج اختب أميرو الخيال..! و ان شاء الله الموضوع عجبج..؟؟!
و أتوقع اني أتكلم عن كل الكويتيون و الكويتيات اللي بالمنتدى ليما أقول ان نتمنى أن تتوقف هذه المواضيع التي تتعرة على كويتنا الغالية و على شعبها و حكومتها و أميرها..!
و يعطيج العافية على مشاركتج الحلوة و أتمنى ان دوم نشوف مشاركات من الكويتيون و الكويتيات..!
اخوج،،
Q-80
الله يعافيج اختي أميرة الخيال..! و ان شاء الله الموضوع عجبج..؟؟!
و أتوقع اني أتكلم عن كل الكويتيون و الكويتيات اللي بالمنتدى ليما أقول ان نتمنى أن تتوقف هذه المواضيع التي تتعرض على كويتنا الغالية و على شعبها و حكومتها و أميرها..!
و يعطيج العافية على مشاركتج الحلوة و أتمنى ان دوم نشوف مشاركات من الكويتيون و الكويتيات..!
اخوج،،
Q-80
اعذروني كتبته مره ثانيه بس مضطر من كثر الأغلاط اللي فيه ليما كتبته أول مره و ماستوعبت الا ألحين..!:33:
قوت القلوب83
21-01-2004, 12:18 AM
يا شباب اقول لكم شي
انا عاصرت المنتدى هذا لمدة سنة ونص
ولاحظت شغلة على المنتدى
كل يوم والثاني في ناس بالمنتدى ما مهنتهم غير انهم يشعلون الفتن بين اعضاء المنتدى
وكل يوم والثاني يسوون مشاكل بين دولتين
وافضل حل
هو الحكم اللي راح اكتبها
طنش تعش تنتعش
ان اسمعت فقد ناديت حيا ولكن لا حياة لمن تنادي
لا تقذف إلا الشجرة المثمرة
وبالاخير اللي ما يطول العنب حامض عنه يقول >> هذا مثل قبل لا أحلام تغتيه عشان ما تقولون اني بايقته من اغنية احلام
ـــــــــــــــــــ
على فكرة في بداية اشتراكي بالمنتدى الكويتيين كانوا قلائل
ووقت حرب العراق الاغلبية هاجموا الكويت
والاعضاء اللي يدافعون عن الكويت قلائل
والحين الحمدالله زادوا اللي يدافعون عن الكويت
اخواني صدقوني ماهي الا فترة والاعضاء يطخون
لا تردون عليهم طنشوهم
ولما يشوفون ان مواضيعهم اللي تمس الكويت مافي احد يرد عليها او يعبرها شوي شوي راح يملون ويدورون لهم ديرة ثانية يتهجمون عليها
والسلام خير ختام
يا شباب اقول لكم شي
انا عاصرت المنتدى هذا لمدة سنة ونص
ولاحظت شغلة على المنتدى
كل يوم والثاني في ناس بالمنتدى ما مهنتهم غير انهم يشعلون الفتن بين اعضاء المنتدى
وكل يوم والثاني يسوون مشاكل بين دولتين
وافضل حل
هو الحكم اللي راح اكتبها
طنش تعش تنتعش
ان اسمعت فقد ناديت حيا ولكن لا حياة لمن تنادي
لا تقذف إلا الشجرة المثمرة
وبالاخير اللي ما يطول العنب حامض عنه يقول >> هذا مثل قبل لا أحلام تغتيه عشان ما تقولون اني بايقته من اغنية احلام
ـــــــــــــــــــ
على فكرة في بداية اشتراكي بالمنتدى الكويتيين كانوا قلائل
ووقت حرب العراق الاغلبية هاجموا الكويت
والاعضاء اللي يدافعون عن الكويت قلائل
والحين الحمدالله زادوا اللي يدافعون عن الكويت
اخواني صدقوني ماهي الا فترة والاعضاء يطخون
لا تردون عليهم طنشوهم
ولما يشوفون ان مواضيعهم اللي تمس الكويت مافي احد يرد عليها او يعبرها شوي شوي راح يملون ويدورون لهم ديرة ثانية يتهجمون عليها
والسلام خير ختام
يعطيك العافيه اخوي قوت القلوب83 على مشاركتك..!
انا في هالموضوع بس حبيت أبين شلون كانت عيشتنا بالحرب و الأسباب اللي ادفعتنا الى اللجوء الى الأمريكان..! اهم حاقدين علينا لأن رحبنا بالأمريكان،، ما فكروا بالبديل،،،،،،، اللي اهو كان العيش تحت نظام البعثي صدام..! كفرونا ليش ساعدنا الأمريكان ضد صدام،، بس ما شافوا المساعدات اللي قدمناها حق العراقيين..! ما أتوقع أكو دولة قدمت مساعدات للعراقيين كثرنا احنا الكويتيين..!
انا كل اللي بقيته اني أوضح حق كل اللي ضد الكويت الأسباب،، فقط لا غير..!!
عشان المره الثانيه ليما يبون يقولون شيء عن الكويت يفكرون ألف مره قبل لا يقولونه..!!
عالعموم،، أتمنه ان الموضوع نال رضاك..!
اخوك،،
Q-80
قوت القلوب83
21-01-2004, 11:27 AM
اخوي كيو8
اولا انا بنوتة حلوة مانبي ولد
ثانيا يا خوي انت تنفخ في جربة مقطوعة
ومهما حاولت ماراح تقدر تغير طريقة تفكيرهم
وجاء في القرآن الكريم
الصراحة ماني حافظة الآية
لكن تقول لن يغير الله ما في قوم حتى يغيروا مافي انفسهم
ولو انا مكانك حاول تنزل مواضيع تفيدك وتفيد الموجودين في المنتدى وخل عنك المواضيع اللي فيها فتنه ومشاكل
وصدقني طالما المواضيع هذي ما تلقى صدى من الاعضاء الكويتيين بعد فترة تلقاها اختفت وصارت في طي النسيان
واذا كنت تبي تثبت لهم شي
اخلاقك واحترامك لنفسك اولا واحترامك لهم ثانيا راح تخليهم يحترمونك غصبن عنهم
والسلام خير ختام
DonMusallam
21-01-2004, 12:16 PM
أختي الله يهدي من يشاء و انشالله احنا بنسوي إلي علينا والباجي على الله :)
DraGonGreeN_Z
21-01-2004, 01:39 PM
مشكور اخوي Q8 وما قصرت
:)
Empress uae
21-01-2004, 06:55 PM
ما شاء الله عليك الأخ Q-80 مشاركة حلوة بالفعل، الله يعطيك العافية و بصراحة الله يعينكم على الذي يصير لكم :31: .
اخوي كيو8
اولا انا بنوتة حلوة مانبي ولد
ثانيا يا خوي انت تنفخ في جربة مقطوعة
ومهما حاولت ماراح تقدر تغير طريقة تفكيرهم
وجاء في القرآن الكريم
الصراحة ماني حافظة الآية
لكن تقول لن يغير الله ما في قوم حتى يغيروا مافي انفسهم
ولو انا مكانك حاول تنزل مواضيع تفيدك وتفيد الموجودين في المنتدى وخل عنك المواضيع اللي فيها فتنه ومشاكل
وصدقني طالما المواضيع هذي ما تلقى صدى من الاعضاء الكويتيين بعد فترة تلقاها اختفت وصارت في طي النسيان
واذا كنت تبي تثبت لهم شي
اخلاقك واحترامك لنفسك اولا واحترامك لهم ثانيا راح تخليهم يحترمونك غصبن عنهم
والسلام خير ختامأول شيء سامحيني على مخاطبتج بهذه الطريقه لأن كنت أحسب انج ولد..!
ثاني شيء شلون اتقولين ان هالموضوع مافي فايده..؟؟! بنظري انا ان موضوع عن الغزو و موضوع يبين مواقف الكويت في فايده كبيرة..!
آخر شيء هالموضوع مافيه فتن..! هالموضوع حقيقه حصلت و هالموضوع يبين حق اللي اتهمونا بمساعدة اليهود و النصارى و حق اللي كفرونا ما الذي دفعنا للقيام بهذه الخطوات..! و في رأيي انا،، أشوف ان هالموضوع ما راح ينسى خصوصا من الكويتيون و الكويتيات اللي قرأوا الموضوع..!
الصراحه،، ما توقعت ان واحد كويتي يقول أو وحده كويتيه تقول أن هالموضوع في فتن و مو مفيد بعد اللي حصل بالغزو و بعد اللي قاعدين انشوفه من الأعضاء اللي ضد الكويت و شعبها و حكومتها و أميرها الخ...:( :(
و لكن هذا رايج و يعطيج العافيه على هذه المشاركه و ان شاء الله انشوف منج مشاركات أكثر..!:) :)
اخوج،،
Q-80
مشكور اخوي Q8 وما قصرت
:)يعطيك العافيه اخوي DRaGoNGReeN_Z على هذه المشاركه و الحمد لله ان الموضوع عجبك..!
و ان شاء الله أكون اني ما خيبت الظن..!
اخوك،،
Q-80
ما شاء الله عليك الأخ Q-80 مشاركة حلوة بالفعل، الله يعطيك العافية و بصراحة الله يعينكم على الذي يصير لكم :31: .
الله يعافيج اختي eMPReSs uae..!
و الصاراحه انا اللي لازم أشكرج لأن انتي من القله اللي دايمن يوقفون معانا احنا الكويتيون..! وقفاتج معانا ما تنعد مع الرغم من ان الكثير من الأعضاء وقفوا ضدنا..! و أتمنه أن يكون هناك الكثير من الأعضاء مثلج..!
و جزاج الله ألف خير على كل وقفاتج معانا و على كل مشاركاتج..!
اخوج،،
Q-80
بو ضاري
23-01-2004, 01:33 AM
مشكور يااخي الكريم على هذا الموضوع
بالفعل كلمات كانت مؤثره
مواضيع الي عن الكويت كثرت بالسابق
وخصوصا فتره الحرب
والادهى انحياز المشرفين السياسيين للمهزله اللي كانت صايره بالمنتدى السياسي..كنت بدافع عن نقسي وواحد من .. اللي يسبون الكويت سب كل الكويتين سب مو صاحي وخلو الموضوع رديت عليه انا ..والا اشوف نفسي منطرد
اما الحين خليهم ينبحون مثل الكلاب..
مراح احد يسمعهم ؟ منو راح يسمعهم صدام ؟ خلاص صار بمزبله التاريخ اعرفلي جم واحد هناك حاط توقيع صوره صدام وماسك الشوزن
اول مانصاد لا شفنه رقعه ويهم ولا حتى توقيع صدام هييههيهيهي
:ciao:
مشكور يااخي الكريم على هذا الموضوع
بالفعل كلمات كانت مؤثره
مواضيع الي عن الكويت كثرت بالسابق
وخصوصا فتره الحرب
والادهى انحياز المشرفين السياسيين للمهزله اللي كانت صايره بالمنتدى السياسي..كنت بدافع عن نقسي وواحد من .. اللي يسبون الكويت سب كل الكويتين سب مو صاحي وخلو الموضوع رديت عليه انا ..والا اشوف نفسي منطرد
اما الحين خليهم ينبحون مثل الكلاب..
مراح احد يسمعهم ؟ منو راح يسمعهم صدام ؟ خلاص صار بمزبله التاريخ اعرفلي جم واحد هناك حاط توقيع صوره صدام وماسك الشوزن
اول مانصاد لا شفنه رقعه ويهم ولا حتى توقيع صدام هييههيهيهي
:ciao:
يعطيك العافيه اخوي بو ضاري على مشاركتك..!
و حبيت أزيد على كلامك شغله،، ان صدام اللي يحبونه ليما صادوه سلم نفسه نفس الحمار..! وين اللي كلا يقول ان بحارب و راح يأخذ الكويت مره ثانيه..؟؟! لا و مو بس جذي،، كان يقول ان اهو على حق و جاهز ان يضحي نفسه من أجل الحق و حتى الموت،، ليما يتله الفرصه يثبت كلامه سلم نفسه..!!
و لو نتكلم عن الأشياء اللي سواها صدام اللي حرمها الله والله يبيلنا مجلدات..!
اخوك،،
Q-80 :ciao: :ciao:
مسلم2003
23-01-2004, 01:44 AM
غريبه ؟؟
ليل الحين محد تكلم ؟؟؟؟؟؟؟؟؟؟؟؟؟
DonMusallam
23-01-2004, 08:10 AM
الله يهدي من يشاء :)
انا كانت أمنيتي أن اني أشوف اللي كلا يتكلمون ضد الكويت..!
وينهم بالموضوع ليلحين ما طلعلهم حس..؟؟!
شفيهم خافوا..؟؟!
تصدقون نسيت،، نسيت ان كلامهم فاضي و بدون أدله..! و من نعطيهم أدله ينجعمون..!
انا ليلحين ناطرهم و أبيهم يردون علي في هالموضوع..!
والله غريبه ليلحين منجعمين..! مو من عوايدهم ينجعمون مده طويله علينا احنا الكويتيون..!
اخوكم من لؤلؤة الخليج "الكويت"
Q-80
Empress uae
25-01-2004, 05:57 PM
الله يعافيج اختي eMPReSs uae..!
و الصاراحه انا اللي لازم أشكرج لأن انتي من القله اللي دايمن يوقفون معانا احنا الكويتيون..! وقفاتج معانا ما تنعد مع الرغم من ان الكثير من الأعضاء وقفوا ضدنا..! و أتمنه أن يكون هناك الكثير من الأعضاء مثلج..!
و جزاج الله ألف خير على كل وقفاتج معانا و على كل مشاركاتج..!
اخوج،،
Q-80
و الله جزاك الله خير أخوي Q-80 على الكلام الذي قلته، ما شاء الله عليكم أنتم الكويتين الذين فعلا محترمين في هذا المنتدى أنا ما أقول أنتم فقط، في ناس غيركم بعد محترمين لكن ما شاء الله عليكم أنتم بصراحة أشرق المنتدى بنور احساسكم لحبكم لبلدكم. و لوضوحه أنا لاحظته بين أخواني الكويتين ما شاء الله عليكم. ;)
الله يحفظكم و أمه محمد جميعا. :cool:
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .