ماجن فيجيتا

[aziz=jotaro]

السلام عليكم اخواني

طبعا انا ما اكتب مواضيع بالمره الا موضوع واحد وهذا الثاني او الثالث لي.

طبعا العنوان غريب شوي والاغرب من العنوان المضمون.


اول شي شباب حبيت اقول مبرووووووووك على انتهاء الدراسه بالنسبه للكثيرين.

اقول مبروك للكل واتوقع ان الكل راح يوصله هالكلام الا واحد.

الي اهو ماجن فيجيتا العضو الي اخلص للمنتدى وسوى اجمل المواضيع لدراجون بول زي

ومن المعلوم يا شباب ان في منتديات كانوا يبونه يصير معاهم بس رفض لانه حب اهل المنتدى.

يا شباب ماجن فيجيتا سمعت انه بالمستشفى قبل الامتحانات (10/1)

بس الشي الغريب انه ما قعد يتصل ولا يدز مسجات ولا شي ويمكن ويا كبرها على لساني يمكن ماجن مات.
الي يعرف ماجن يدري انه يوصل الناس قبل لا يوصلونه بس المشكله ان الامتحانات خلصت ولا دق ولا سئل وبعدين سمعت انه تعبان ويبون يسوون له عمليه.
وللاسف مادري شنو نتيجه العمليه.
ادق على النقال كله الجهاز مغلق وبيتهم محد يرد.؟؟؟؟؟

يعني مات ماجن؟
خالد مات؟؟؟؟؟؟؟؟؟؟؟؟

ولا الحين بالطبيب ؟؟؟؟

يا جماعه اي واحد قريب من خالد يعطيني خبر.

ملاحظه:

اخواني المشرفين ادري ان هذا خروج عن القوانين بس اعذروني ترى الضرورات تبيح المحظورات وياليت اول ما يجي الخبر الاكيد عن خالد تمسحون الموضوع واعذروني يا مشرفين

[D2D]

أخوي العزيز (( عزيز ))


انا من خلال متابعتي للمنتدى من اكثر من شهر ماشفت ولا رد للأخ ماجن فيجتيا


وبصراحة الأخ ماجن من اعمدة هذا القسم بسبب مواضيعه القويه واسلوب رده وكلامه في المنتدى


ومن ناحية انقطاعة انا اتصلت على ماجن فيجتا قبل امس والمسكين في المستشفى


وتم تأجيل اختباراته للنصف الثاني من الدراسة بسبب ظروفة الصحية


واتمنى من كل قلبي انه يرجع لنا ماجن فيجتا سالم ومعافى من كل شر


ومن خلال محادثتي الهاتفية له حسيت انه تعبان


وهو الا هذه اللحظة في المستشفى


واتمنى اني اكون افدتك اخوي


وادعوا الله ان يعافي لنا الأخ ماجن ويرجعه لنا معافى سالم من كل مكروه


تحياتي لك

[Dukefleed]

هلا انا Grandizer راد بعضوية ولد عمي

انا ما شفته يكتب من زمان و على فكره كان عندي رقمه لكن ضاع لاني بدلت تلفوني

اي حد يعرف اي معلومه عنه او خبر يبلغنا ...

وسلام

[smarty]

وشو؟؟؟؟؟ فيجي في المستشفى !!!

وش فيه إن شاء الله ما في شر

وإيش العملية اللي راح يسويها ولو سمحتم أبغى رقم النقال حقه علشان أكلمه وأتطمن عليه

إن شاء الله يرجع لنا بالسلامة


وعلى فكره هو مقرر إنه راح يترك المنتدى هذا نهائيا بصراحة بديت أحس إن المنتدى ناقص (مع إحترامي لباقي الأعضاء)

وبصراحة فيجي من أعز أصدقائي فلو سمحتم أبغى رقم جواله علشان أكلمه

[Aero]

الظروف اتخلي الواحد خروف :P انطر شهر 6 اذا ماكتب موضوع يعني مات

[DarkLordDragon]

السلام عليكم... الحقيقة يؤسفني سماع ذلك و لما حدث للأخ ماجن فيجيتا و اتمنى له الشفاء العاجل, الحقيقة مستغرب من الأعضاء على طول يقولون عن صديق لهم مات ما فيه تفاؤل بالخير أو شيء من هذا القبيل :) إن شاء الله ماجن يتعافى و يكون بصحة ممتازة و يرجع لنا مثل السابق و لن يبعده الأمراض البسيطة و إن شاء الله يتغلب عليها بفضل الله... و أي شخص قريب له أو يعرفه اتمنى أن يرسل له تحياتي و يقول له: "أضعت الشيء المهم" و هو نفسه بيفهمها إن شاء الله... و أيضا الأخت الأمل أيضا تعاني من بعض المشاكل الصحية واتمنى أن تدعو لها و هي تعتذر من الجميع لأنها ما تقدر تشارك في هذه الفترة, فاتمنى من الإخوة الأعزاء الدعاء لهم بدل الإستفسار إن كانوا ماتوا أم لا... الله يعافيهم و يعافي جميع المسلمين إن شاء الله... سلام!

[Anime-Girl]

انا مع الاخ لورد ..الواحد يتفآئل بالخير...لكن كونه صديقكم وتحبونه ...احيانا من حبكم له وخوفكم عليه يطرأ على
الشخص من خوفه الموت ..

انشاء الله نسمع من ماجن قريب ويكون بصحه وعافيه ...واتمنى من اللي يعرف عنه شئ يطمنا بهذا الموضوع ..
واكيد مواضيع كهذه بالمنتدى العام مسموحه ولا بها اي ضرر..

لاتنسون انه المنتدى بيت الاعضاء ككل..لذلك خذو راحتكم..اذا ما تطمنا على اخوانا وخواتنا وش فائدتنا هنا اجل :)
انشاء الله نشوف ماجن قريب وترجع تقاريره الحلوه ..لانه عضو مميز :biggthump

[Hi-nu gundam]

السلام عليكم


ماجن مريض ؟ ! سلامات يرجعلنا ان شاء الله صدق فجعتوني (قال مات قال ) لاتفاولون على الرجال الواحد يتفآئل بالخير اوكي

يوم يرجع بشرونا :) والمنتدى بيت الطالب الثاني ( خلي المدرسة تولي ) فعلينا ان نهتم ببعض ونسأل عن الاعضاء الي هم بمنزلة الاخوة لنا (مو كلهم ! اكثرهم يعني ) يرجع ماجن بالسلامة قولوا امين :tongue2: الي يعرف رقمه يسلملي عليه



تحياتي :ciao:

[][الحرباية][]

السلام عليكم ورحمة الله وبركاته
يؤسفني سماع هذا الخبر ........لكن ((قدر الله وماشاء فعل))........كأخوة اعضاء متحابين في الله......

وجب علينا الدعاء لاخونا ماجن

وارجو ان تقولو هذا الدعاء

((اللهم اشفي ماجنا.......اللهم عافه مما ابتلاه.....وجازيه بمرضه خيرا........اللهم انت الشافي المعافي........

اللهم اشفي مرضانا.......وعافي مبتلانا.....بقدرتك ياعزيز ياكريم))

هذا اقل شي نستطيع نفعله لاخونا ماجن...ارجو اننا ايضا ندعيله في كل صلاة............دعاء مايخذ منا الخمس ثواني

((اللهم رب الناس......اذهب البأس....واشفه شفاء لايغادر سقما......يارب العالمين))



http://www.khayma.com/fahad1390/images/din/51/27.gif

[DEADMAN3]

الف سلامة للعضو العزيز ماجن فيجيتا وان شالله يرجع لنا بالسلامه:)

ونفس الشئ بالنسبة للأمل13:)

:)

[alamal13]

السلام عليكم

بصراحه زعجني الخبر لان العضو ماجن ( خالد) وايد عزيز علي واعتبره مثل اخوي الصغير...الله يشفيه ويعافيه واذا اي احد يعرف رقمه بليز دقوا عليه وطمنونا...

من جهتي انا احاول بكل جهدي اني اكون معاكم في المنتدى يوميا والحمدلله انا احسن من الاول بكثير واحب اشكر كل اللي سأل عني وخاصة اختي انمي جيرل واخوي خليفة واخوي بوووب اللي ما قصروا معاي ابدا...جزاكم الله الف خير..

[boss898]

الله يشفيه ويعافيه ومايشوف شر وانشاء الله يخرج من المستشفى قريب وهو معافى ويرجع مثل اول واحسن

وعلى الجميع التفائل بالخير والدعاء لاخونا ماجن فيجيتا بشفاء العاجل والصحه الدائمه

[golden_sky]

ماجن فيجيتا بين الضياع والموت

ما عدمك إلا الأنيمي :31:

[smarty]

بصراحة أنا ما أقدر أمسك نفسي أحس إني راح أبكي من القهر

يعني ليش المرض هذا ما جاء إلا على فيجي وفي الوقت الله يعافيه وما يشوف شر إن شاء الله

فيجي بالنسبة لي مثل أخوي ولو إني الحين في الكويت لأروح وأشوف كيف هو الحين

هو اللي يسأل عني يوم إني رحت أتعالج بسبب المرض اللي جاني

واللي يقهرني بزيادة إنه قرر القرار الخطأ بترك المنتدى (وأعتقد هذا ما يعنيه DLD في كلامه "أضعت الشيء المهم")


أما عنكي أنتي يا alamal13 فأتمنى لكي الشفاء العاجل والكامل إن شاء الله فأنتي مثل أختي جميع أعضاء المنتدى إخواني في الله


تكفون أي واحد عنده رقم جواله يعطيني إياه ولو يرسلي إياه برسالة خاصة أنا لازم أتطمن عليه



الدعاء لأخونا فيجي يا جماعة الخير الدعاء الدعاء الدعاء له بالشفاء

[ssj san gohan]

يا شباب ماجن فيجيتا (( خالد )) ما فيه إلا العافية

توني مكلمه بالموبايل قبل كم يوم و قال لي انه توه طالع من العملية

و إن شاء الله يرجع لنا بالسلامة قولوا (( آمين ))

إلا إذا صار له شي بعد ما كلمته فالله يستر

سلامات يا خالد و ما تشوف شر إن شاء الله

أخوكم ssj

[boss898]

يا شباب ماجن فيجيتا (( خالد )) ما فيه إلا العافية

توني مكلمه بالموبايل قبل كم يوم و قال لي انه توه طالع من العملية

و إن شاء الله يرجع لنا بالسلامة قولوا (( آمين ))

إلا إذا صار له شي بعد ما كلمته فالله يستر

سلامات يا خالد و ما تشوف شر إن شاء الله

أخوكم ssj

الله يبشرك بالخير :) :) مشكور على الخبر :) :)

[john5]

السلام عليكم... الحقيقة يؤسفني سماع ذلك و لما حدث للأخ ماجن فيجيتا و اتمنى له الشفاء العاجل, الحقيقة مستغرب من الأعضاء على طول يقولون عن صديق لهم مات ما فيه تفاؤل بالخير أو شيء من هذا القبيل :) إن شاء الله ماجن يتعافى و يكون بصحة ممتازة و يرجع لنا مثل السابق و لن يبعده الأمراض البسيطة و إن شاء الله يتغلب عليها بفضل الله... و أي شخص قريب له أو يعرفه اتمنى أن يرسل له تحياتي و يقول له: "أضعت الشيء المهم" و هو نفسه بيفهمها إن شاء الله... و أيضا الأخت الأمل أيضا تعاني من بعض المشاكل الصحية واتمنى أن تدعو لها و هي تعتذر من الجميع لأنها ما تقدر تشارك في هذه الفترة, فاتمنى من الإخوة الأعزاء الدعاء لهم بدل الإستفسار إن كانوا ماتوا أم لا... الله يعافيهم و يعافي جميع المسلمين إن شاء الله... سلام!
نعم هذا الكلام و لا بلاش الله طالمينك ربعي بصراحه يالدي ال دي :D .
المهم الله أنشالله مايشوف الا الخير ماجن و يرجع و نتصيع في المنتدى من جديد :cool: .
بس ياعزيز لاتقعد تفاول كذا لان و مع أحترامي و أرجوا أن تعذرني بس ماأقدر أمسك نفسي عن كتبت هل جمله على طول مر في بالي جملت الأخ golden_sky :-
ما عدمك إلا الأنيمي
أنفجرت من الضحك خلاص ماقدرت أمسك روحي هههههههههههههههههههههههههههههههههههههههههههه المهم شفيني غيرت السالفه ^^ ؟
الله يخلينا نشوف مجون ^^ .
=========================
و أختي الامل أنشالله ماتشوفي شر و تبقي بأفضل حال و تشفين تمام التمام ^^ .
=========================
و باقي الاعضاء الي يعانون من أمراض الله يشفيهم فردا فردا يارب .
و على العموم مشكور عزيز على الموضوع تشكر سلم لي على مجون ^^ .

[aziz=jotaro]

اشكر عواطفكم وردودكم وسلامات للاخت الامل

اما عن ماجن يا شباب انا عرفته بمصر شهر 7 الي طاف ومن ذاك الوقت يقول ان يبي يسوي عمليه بس هاليومين مادري شفيه مختفي بالمره............والصراحه وصلني ايميل منه وحبيت احطه بالمنتدى

هذا نص الايميل:
السلام عليكم ورحمه الله وبركاته
أنا من طرف خالد وهو وصاني أبلغكم سلامه قبل الي صار,خالد قبل أسبوعين مسوي عمليه جراحيه بصدره ونجحت..بس آثارها الجانبيه أثرت عليه وايد,وقبل 3أيام صار له تسمم وراح للمستشفى.وبعد ماطلع رجع لها من جديد..أغمى عليه وماكنا عارفين السبب..بعد مادخلت إيميله اليوم عرفت السبب
خالد يته صدمه عصبيه ونفسيه..يعني مو بكيفه مايدخل النت.هو دايم يحاول بس مانعينه بسبب تدهور صحته..ولما دخل النت آخر مره صار الي صار
أنا دخلت المنتدى وشفت موضوع ماجن بين الحياه والموت وصراحه إنصدمت,,هو مامات بس حالته متدهوره وهذا كل المووضوع
دايم كان يكلمني عنكم!وكان وده يدخل النت بس ليكلمكم..المهم سويت الي عليي...وإذا طلع خالد وتحسن ببلغكمباذن الله
أنا إخته والحين الأهل معاه هناك.


انتهى.

الله يشفيه ويشفي مرضى المسلمين

[john5]

مشكور الله يخليك ^^ .

[Grandizer]

الله يرده باسلامه و انا انشاء الله اشوف وقت زين و اتصل له مع العلم انته دايمن مغلق اممممممممممممممممممممممممممممممممم

يلا سي يو

[SAZABI]

الله يرده باسلامه و انا انشاء الله اشوف وقت زين و اتصل له مع العلم انته دايمن مغلق اممممممممممممممممممممممممممممممممم

يلا سي يو

خويا بعد اذنك ممكن تديني رقم جواله بدي اكلمه اطمن عليه

[Brolly]

مرحبا
بصراحة هذا خبر مزعج و أنا سعيد إني لحقت عليه حتى ندعو حق أخونا فيجيتا بالسلامة و إن شاء الله ربنا يشفيه من هذا الداء, حقا إنه لأمر محزن ما في أحد يقدر يحل مكان فجيتا لو غاب عن المنتدى, نتمنى له عودة سريعة و بصحة سليمة ولا ...........................المهم باعتقادي إنه لازم ما يتعّب و يرهق حاله, و يتم في السرير حتى شفائه تماما, حياته عندنا أفضل من المنتدى صح يا أعضاء, يموت المنتدى بس ما يموت فجيتا, أتمنى بس القائمين على رعايته يديرون بالهم عليه و يبعدونه عن النت لكي لا تتدهور حالته أكثر.

(سلامات سلامات يا أخي فيجيتا ما تشوف شرّ و عسى ربنا يرجعك لنا سالما معافى, و بصراحة خوفي إنه يكونون حاسدينك على شيء)

تحياتي Brolly

[alamal13]

الحمدلله انا اطمنا عليه...

بس شباب يا ريت ما تتصلون كلكم فيه....خلوه يرتاح والافضل تطرشوله مسج على الموبايل...وشكرا

[~Kitty~]

سلامات ماجن :(

[Al-RaQmi]

السلام عليكم *****
الله يهديكم
مثل ما قال DLD تفائلوا خيراً
والمرض والموت ما يعرف احد فكل هذا من اقدار الله وقضاءه
فالحمد لله على كل حال
وما عليكم الا الدعاء للامل13 وماجن بالشفاء ان شاء الله ولجميع المرضى من المسلمين
ويرجع ان شاء الله بافضل حال وباقرب وقت
عاف الله الجميع من كل مكروه


الرقمي

[aziz=jotaro]

الحمدلله شباب ماجن يني احسن من اول واهو بخير وصحه وسلامه
والي حاب يدز له مسج اا مستعد اعطيكم رقمه
بس دزولي عالخاص وانا اطيكم الرقم.

(هالموضوع طلع الاموات من اقبورهم مثل anime girl &kitty)

[7algat]

السلام عليكم ورحمة الله وبركاته

الف الف الف مبروك و الحمدلله والشكر لله على رجعتك لنا سالم والله صدقني اخوي خالد اني مستانس كثير على رجعتك للمنتدى لانك منور المنتدى والله وسامحني والله لاني مارديت على الموضوع من اول لاني ماشفته ولكني قريته كامل الحين وخفت بالاول لكن الحمدلله اني تطمنت عليك والله يعطيك الصحه والعافيه امين والله يوفقك

[7algat]

تسلم والله حبيب قلبي خالد ويعطيك الله الف عافيه ماقصرت على كلامك الحلو والله يعطيك الصحه والعافيه واذا احتجت اي مساعده تراني حاضر


اخوك 7algat

[golden_sky]

Golden-sky?????????????????????? :) (http://www.montada.com/forumdisplay.php?f=198)


خخخخخخخ منتدى الترفيهي

اممممممممم since u have back already i'll shut my mouth .. waw i'm so kind :)

معذور توك راجع من مرض ^^ مو حلوة أفهمك الموضوع :)

welcome back any ways

[Sasuke]

الحمد لله على السلامه اخوي Majin_Vegeta

و ما تشوف شر اخوي

[Avril_Lavigne]

الحمدلله على السلامه و انشالله ما تشوف شر :)

Welcome Back

[Yuna]

الحمد لله على سلامتك أخوي Majin ...آسفه للتأخر رجعت قبل أيام بسيطه فقط ><

[hnhn94]

السلام عليكم ورحمة الله وبركاته...

والحمد لله على سلامتك أخوي Majin وأنا من الاعضاء الجدد وما عرفت مكانك الكبيرة في المنتدى الا من هذا الموضوع وانا استغل هذه الفرصة لأشكرك على مواضعيك المميزة الي استفدت منها الكثير.

وللستفادة للجميع اذا ما مرض أحدكم لاسمح الله فعليه بهذه الأدعية :

((أسأل الله العظيم ، رب العرش العظيم : أن يشفيني شفاء لا يغادر سقما))

تفتح كفيك ، وتقرأ ( سور الإخلاص ، والمعوذتين) وانفث فيهما ثلاث مرات بدون ريق ، ثم تمسح بكفيك على مكان المرض .
وتقول هذا الدعاء (نستعيذ بالله وقدرته القوية وأسمائه الحسنى المباركات وكلماته التامات كلها من شر ما نجد ونحاذر) (ثلاث مرات).

وتقول : (اللهم رب الناس ، اذهب البأس ، واشفِ أنت الشافي ، لا شفاء إلا شفائك ، ولا دواء إلا دوائك ، داوني بدوائك ، واشفني بشفائك ، شفاء لا يغادر سقما)

وتصدق بما تستطيع رجاء الله أن يشفيك ،

واعلم أن المرض ـ إذا صبرت عليه ، كفارة للذنوب ، ورفع للدرجات ، يقول رسول الله ـ صلى الله عليه وآله وصحبه وسلم ـ : ((ما يصيب المسلم من نصب ، ولا وصب ، ولا هم ، ولا حزن ، ولا أذى ، حتى الشوكة يشاكها ، إلا كفر الله بها خطاياه)) ، وفي حديث آخر : ((من يرد الله به خيراً يصب منه)) .

وأرجوا لجميع اعضاء المنتدى الصحة والعافية الدائمة ولجميع المسلمين والمسلمات انشاءالله...

[kakashi]

الحمد لله على السلامة اخوي ماجن فيجيتا ، ما تشوف شر ان شاء الله

و عسى الله يعافيك دايما .

[aziz=jotaro]

-ألف شكر زيزو..على إهتمامك وسؤالك..وآسف مره ثانيه على الي صار ..إنت فعلاً إسم على مسمى ياعزيز..وإنت فعلاً من أفضل الي عرفتهم وأقربهم لي..دايم معاي ومتحملني..ثانكس!!سي يا دبدوب!!


العفو يا يبا ما سوينا شي انت اشفيك هالايام صاير عاطفي حيييييييل؟؟
وبعدين هذا الشي واجب....وانا اشكر عواطفك ومشاعرك تجاهي.
وانا عزيز وعندك انت عزيز.
وانت اسمك خالد وذكرتك موجوده بالقلب خالده.(شرايك؟؟ شاعر؟؟)

اي ادري اني من افضل الي عرفتهم (مغرور) تدري ليش؟
لاني دايما اضبطك.(صح دايم انطيح بمشاكل...بس دايم اطلع منها ربحان)

وبعدين انا جم مره قايلك هالكلمه لا اتقولها:متحملني

لانك اذا قلتها مره ثانيه بروحلك (وييه الطريج ساعه...لازم تدفع لي تعويض) وبطقك طق ماصار ولا استوى.
انا ثلاث اشياء يقهروني حيييل:الاول الي تواعده ويتاخر
الثاني:الي نفسك...يقعد يمدح ومالي غيرك..ترى تحرجني.
وثالث شي الكنافه البارده.(لول)
عالعموم خالد احنا انحبك ولاتسوي شي غبي نفس الي بالي بالك لاني ماراح اسامحك.

وبعدين انت اسف على شنو؟
وشنو الي صار؟؟؟؟؟؟؟

عالعموم اذا احتجتني انا موجود ولا تقول اني متحملك.

والحمدلله انك بخير.

(شهالخرابيط الي كاتبها تحت)

يلا سلام

[Hinata-sama]

الحمد لله على السلامه اخوي ماجن فيجيتا :)

والله انك ما تستاهل الا كل خير ،، وان شاء الله نشوفك مثل قبل و أحسن

و ارجوك سامحني على الرد المتأخر

[boss898]

الحمد الله على سلامتك وانشاء الله ماتشوف شر

والله المنتدى فقدك والحمد لله رجعتلنا سالم معافا

واهم شي انك تشوف حالك وراحتك ولاتتعب نفسك وانشاء الله نشوفك مثل اول واحسن :biggthump

[Ninja_BoY]

سلامات أخوي ماجن فيجيتا .. (( مع إني آخر واحد يرد عليك )) المهم الحمدلله على السلامة .. وإنشاء الله نشوفك على طول منور المنتدى .. أنت والأعضاء و (( المشرفين )) .. وأهلا بك مرة أخرى في المنتدى .. (( والله يخوفوا الواحد .. على طوول مات ؟؟)) :D .. كل شي ولا صحتك .. :ciao:

[john5]

ولكم باك ماجن أنشالله مانسمع منك مرض من جديد و الحمد لله على سلامتك أخوي ^^ .
أبدعنا بأبدعاتك أخوي ماجن ^^ .

[Grandizer]

اخر رد لك عقدني :mad: :tongue2:


المهم بتصل لك اليوم اذا ما تغير رقمك يلا باكا سي يو و ولكم باك :biggthump