المساعد الشخصي الرقمي

مشاهدة النسخة كاملة : سؤال الى محترفي SimCity4


SniperX
23-01-2004, 10:28 AM
السلام عليكم
في لعبة SimCity4 كيف ممكن أزيد الربح باللعبه
لأني كل ما ألعب تكون الخساره أكثر من الربح و أفلس بسرعه..
والسؤال الثاني دايما البيوت يصير لونها أسود يعني كأنها خربانه بس ليش مادري؟؟؟ :33:
PC-PS2
26-01-2004, 03:02 AM
هلا والله ومعليش انه ما احد رد عليك بدري بس ... هذا بسبب ان اللي يلعبون ذي اللعبه قلييييييييييييل واغلبهم تنتهي احوالهم برمي اللعبه وسببها بسبب انهم ماعرفوا يكملوا فيها !!! صح؟؟

المهم اقدر اعتبر نفسي محترف جزئي بهاللعبه ... وعموما لو بكتب لك الطريقه المثلى من وجهة نظري بطووووول لكن بقولك اشياء اساسيه وتراني من الحين اقووول لك يمكن اعرف اتحكم باللعبه باشياء كثيره وممكن ما اعرف فايدتها بس من خلال خبرتي فيها اعرف اللي يفيد واللي مايفيد وبعدين اذا تحس انك محتاج لزيادة معلومات وتوضيحات انشاء الله اساعدك .. وممكن جدا عن طريق الماسنجر اذا حاب وانا تحت الخدمه.

بسم الله....

المشكله الاساسيه في عدم القدره على الاستمرار باللعبه هي عملية موازنة الضرايب .. ومقدار المدخولات مقارنة بالمصروفات!! اوكي

______________

حط في اعتبارك عدة نقاط بقولها بسرررعه ....
1-تحكم بالضرايب الصناعيه والتجاريه والسكنيه بشكل مستمر معتمدا على الرسوم البيانيه بحيث انها ماتنزل عن الحد الادنى وهي الصفر. ((كما هو معروف فيه ثلاث اقسام((صغرى ووسطى وكبيره)) لكل نوع من الضرايب))... تقدر ترفع ضرايب الصناعيه الصغرى والكبرى وتقلل الوسطى مثلا وعند متابعة الرسم البياني تجد ان الضرايب في حد موجب ولو كان ضعيف!! لكن بتلاحظ زيادة الدخل ... قس على هالشيء جميع الضرايب .

2- قضية المصروفات .. لازم تاخذ بالاعتبار ان التعليم والصحه هي اخطر شيء على الميزانيه!!
عشان كذا .. اذا بنيت مستشفى مثلا او مدرسه لازم تراعي امور منها :(المكان لازم يكون استراتيجي ويغطي منطقه كبيره , يكتفى بمركز صحي او تعليمي واحد في البدايه , الرجوع للمستشارين واخذ مقترحاتهم !! ولو اني اعطيهم اشكل احيان كثيره ... ههههههه.... بعد كذا الشيء الاهم تختار علامة الاستفهام وتحددها على المنشأه الصحيه او التعليمية وتراعي المتطلبات مع الموجودات ... يعني لما تبني مستشفى جديد بيكون عدد الاطباء والأسرّه كثيره علشان كذا من خلال الاستفهام بتعرف الاحتياجات وتقدر تنقص المصروفات عن طريق تخفيض عدد الاطباء ةالاسرّه.. مثلا وقس على ذلك المدارس والجامعات والكليات ومراكز الطب المتقدمه بعدين انشاء الله .

3-استخدام المهمات :
وفيها انصحك بالبدايه اذا انت بتلعب المهمات صح وماراح تنكب المدينه بمهمات خطيره مثل مطاردة اللصوص اذا مثلت مهمه شرطي او تدمير مقر معادي بالدبابه اذا مثلت الجيش او تجيب العيد بعماره ولا برج التلفزيون اذا كنت تمثل الطاقم الطبي عن طريق الهليوكوبتر مثلا والخ الخ الخ ...
وخاصة المهمات اللي تجني منها فلوس بس لاتكثرها مررررره حتى لو انت تلعب زين بالمهمات لانها تنقص من نشاط المحافظ ((rating)) .

4-اذا اقتربت من الخساره وزادت المصاريف على حساب الايرادات ... يجيك حل عن طريق المشاريع والصفقات الحكوميه ... مثل اتاحة المجال والسماح للشركات والمصانع الكيميائيه ... او اقامة معسكرات جيش خاصة ... او اعطاء ترخيص حكومي لبناء منصة اطلاق صواريخ تستخدم للابحاث والتطوير !!
وبتلاقي ان الدخل يرتفع بشكل مفيد جدااااا ... لكن خل بالحسبان انك تراعي بعد هالمنشأت عن المناطق السكنيه ولا بتلاقي ان عدد السكان بيقل وهو عموما لازم يتأثر شوي مع اقامة هالمشاريع لكن على مايقولون تفك ازمه وبعدين تتخلص من المشاريع الضاره !!

5- قضية توفير المنشأت ... سواء السكنيه او الصناعيه او التجاريه وبتلاقي المستشار يساعدك بهالامر اذا نقص احتياج لتوفير اراضي تجاريه او صناعيه او سكنيه وبيبلغك على طووووووول بس خل جيبك جاهز !!
وتذكر انه كلما وفرت للناس متطلباتهم الضروريه بيزيد عددهم مع الزمن !!!
والعكس صحيح .... مثلا لو بتقلل المستشفيات او تخفض الدعم للتعليم ... او بتهمل وجود مراكز الاطفاء او الشرطه او حتى تكون شبكات التمديد الكهربائية والماء غير جيده بتلاحظ ان زيادة السكان غير مناسبه ... وزين اذا ماكانوا ينقصون ويهاجرون لغير مدينتك!!!

هالاشياء الخمسه تقريبا اهم شيء ... والكلام كثييييييير لكن اذا انت حريص فعلا وتبي زيادة نصائح واقتراحات ....(( رح لمكتب استشارات هندسيه)) !!!!!! :D هههههههه ... امزح .
قصدي هذا ايميلي ونتكلم على الماسنجر في وقت مناسب انشاء الله .
SniperX
26-01-2004, 12:29 PM
مشكوووور على الرد الصراحه انا ماكنت متوقع انه أحد يرد لأنه مثل بس ماقلت قليلين اللي يلعبون هذي اللعبه
بس عالعموم انا ضفتك عالمسنجر علشان التواصل المستمر :biggthump
Kasser
26-01-2004, 07:23 PM
أنا اعاني من هالمشكلة ايضا :mad:

اذا زدت او خفضت ضرايب مايتغير دخل الضرايب واجد ! بس على حدود 250 دولار و 300 دولار .. مادري وش تأثر بمصاريفي الشهرية اللي تبلغ 3000 دولار :31:

بالنسبة للمهمات اول مرة اسمع بها :06:
وايضا الصفقات او زي ماهو مكتوب ( بزنس ديل ) عندي صفر علطول
وارباح من وسائل النقل زي المطار ايضا صفر

أرجو حد فيكم يوضح اذا يقدر لاني على وشك اسوي uninstall للعبة :blackeye:
SniperX
26-01-2004, 09:08 PM
أخيرا قدرت اني أرفع الضر ايب على المصاريف
بس المشكله انه المدينه اللي اخترتها كانت صغيره وبعد ما جمعت 100,000 $
ماكان عندي مكان أبني أي شي :o
وبعد من أكثر المشاكل اللي تصير معاي انه المناطق الصناعيه(خاصة) دايما يصير لونها أسود
وينكتب عليه Vacant (مهجور أو فاضي ) بس ماعرف شلون أخلي الناس مايطلعون من المباني

وبالنسبه للمهات حتى انا اول مره اسمع فيهم ...شكلهم موجودين بالاضافه Rush Hour :33:
PC-PS2
27-01-2004, 01:10 AM
حلوووووو ... ماشاء الله !!

بالنسبه لكاسر الالعاب ... انا اتكلم فعلا عن الاضافه الجديده .. وللعلم ترى هالنسخه اسهل وافضل من ناحية اللعب واظن تصميم المباني وتغيرها يكون حسب طلبك كل سنه سنتين ثلاث وهكذا ....!!!

للاسف تعرض جهازي لفيروس لزقه اعدم لي الهارديسك ... واضطريت اعمل له فورمات ... وطبعا التخزين للعبه يكون في المستندات .. وتعبي كله راح ... على ما اظن كان الدخل بين فتره والثانيه مره يزيد ومره ينقص واذكر وصلت معي انه كل شهر يدخل لي 11 الف دولار !!! :D كل شهر !! والسكان تعدوا حاجز ال120 الف ويزيدون وينقصون .. وما قدرت ازيد العدد بسبب الديكتاتوريه اللي افرضها على السكان والمصاريف المحسوبه بالهلله !!! :D يعني بدري عليهم يلقون زياده في المصروفات ((حقهم ويخب عليهم بعد)) هههههه

لكن المشكله اللي ملاحقتني وييييييين ما العب سيم سيتي ... من سيم ستي 2000 على البلاي ستيشن ...على ما اظن ... الى سيم ستي 4 رش اور الاصدار الاخير ... شيء مااعتقد انكم تهتمون له ... مثل حالاتي ببداية كل لعبه جديده او ارض جديده !! وهي زحمة المواصلات ... ومن سوء الحظ اني مره سميت مدينتي بالرياض ... وتطابقت زحمة المواصلات على اللعب وفي الواقع ... خخخخخخخ :jester:

نصيحه لزيادة الدخل ... مهمه جدا ... وديكتاتوريه جدا جدا !!!
اعمل نقاط ضرايب على الطرق السريعه اذا عندك ((هاي وي)) او طرق من مسارين ... المهم الطريق يكون حيوي ومهم جدا ... كأن يؤدي للمصانع او لمدينه مجاوره مهمه او كبيره بعدد السكان اذا كان فيه مدن حولك سكانها كثر !!!
وتزيد الفرعنه على الشعب المسكين اذا اجبرتهم يسلكون خط واحد ورئيسي ولا فيه غيره يودي للهدف مثلا المدينه المجاوره او المصانع !!!
وتتعدى حدود الجشع والطمع اذا عملت نقاط ضرايب متعدده على نفس الطريق الحيوي والرئيسي !!

-----------
اخيرا اللعبه يبيلي اسويلها تحميل من جديد ... علشان اقدر اتذكر النقاط المختصره لجمع المال لكن عموما الشيء الرئيسي والمهم ذكرته تقريبا ... اذا سويتوا اللي قلته لكم وفهمتوا علي ماراح تحتاجون لأحد ابد !!!
بس ودي تحولون على الاصدار الجديد راس ماله 5 ريال بس!!! :33: حقت جريده , ببسي وكيك !!! :D

والممتع باللعبه انك ممكن تاخذ تصميم مدينه من احد اصدقائك وتضيفها عندك باللعب ... راااااائع !! ;)