سيلفي 2065& YaWaRd_85

[YaWaRd_85]

سيلفي 2065 & YaWaRd_85 في فؤاد سنتر..


______________________________

يدق التلفون... طنطنط طاطا طرط طوطا..

سيلفي: اهليــــــ

YaWaRd_85 :

وينتس !!! صار لي ربع ساعه متنقعه هنا ..وانتي طال عمرك ماشرفتي ؟؟

متى بتحترمين المواعيد..متى بتنظبطين ..متى تكبرين وتقدرين الي قدامتس؟؟ و...و...و :غضب:

سيلفي: اصبري علي خلين احتسي!!!

الحين حنا بالمحطه نعبي بنزين ومشعل قاعد يمشي على 40 !!!

((شاب سعودي مثالي))

YaWaRd_85 :

عطين اياه اكلمه !!

سيلفي: مشعل خذ ياورد تبي تكلمك..

مشعل: هااااااه لالا خلاص قولي لها جينا ..



وبظرف 4 ثواني سيلفي واخوانها مرتزين عند الباب..((الخوف مليح))

سيلفي وياورد صار لهم شهر ونص ماشافو بعض

اليكم مقطع من التقائهم..

اول ماشفنا بعض تسدحنا على بلاط فؤاد سنتر وحظنا بعض واخرجنا فلم هندي

YaWaRd_85 والله وتغيرتي ياسيلفي؟؟

سيلفي والله ونحفتي يابعدي لا تقولين انهم قاطعين عنكم المويه والكهرب ((وش دخل ذي))

موووووووواح مووووووووووواح اهي اهي ((دموع الفرحه))

مشعل: ياهووووووو قومو فضحتونا:واو:

___________________________________

نتجه حنا والجيش الي معنا للملاهي ومن كثرنا شافونا اثنين

قالو لبعض ((حدوهم حدوهم لا يشردون))

عطيناهم فلوس وقلنا لهم اسرحووووووووو ياغنم اوه قصدي يااطفال اليوم وشباب الغد وشيبان المستقبل

كل واحد تعنقط بلعبه ومسكينه هاللعبه وش كثر تعذبت؟؟

____________________________________

سيلفي تخز ياورد بعيونها العسليه ((قال عسليه قال انا اشهد انها مليانه غمص :أفكر: ))

سيلفي: ياورد انا جوعانه شدينا لفدركرز

((وااااااوك تعبت وانا اكتبها))

YaWaRd_85 طيب شدينا

______________________________________

كان باقي على الصلاة 5 دقايق فحطنا عشان نلحق على المحل قبل لا يصكر

طلبنا وقضينا ويوم جينا ناخذ سلطه ونعبي ببسي

سيلفي: ياورد؟؟ طماطهم غير طماطنا؟؟

YaWaRd_85 ايه هذا جايبينه من برى ((يقالك تتفلسف :cool: )

سيلفي: ياورد وش رايتس تعلقين خشتس بمكينة الببسي ؟؟

((ياورد مدمنه ببسي بس محرومه منه ))

سيلفي: والله ماتعودت اكل على الطاوله ؟؟

وش رايتس نقلط هنيا بالارض!!

YaWaRd_85 شورتس وهداية الله...

اكلنا وشبعنا وبقى اكل كثييير ..

سيلفي: حرام نخليه هنا خل ناخذه سيفري..

الوهقه الحين شلون نفهم الهندي..

YaWaRd_85 سكيوز مي بليز بوت ذيس فود واحد كيس اند واحد كيس ((عز الله فهم))



_________________________________

عدنا الى بزارينا وطقت براس سيلفي انها تسترجع ايام الطفوله...

سيلفي: ياورد وش رايتس تسترجع ايام الطفوله الي ضاعت من بين يدينا..؟؟

YaWaRd_85 نيههههااااا موافقه موافقه موافقه

رحنا بنركب قطار الموت ومارضا لنا الهندي

يقول مطووع يقول ممنوع

ركبنا مع فوق خشمه .. جى وطلعنا ورمى الكوينزات بوجيهنا...

YaWaRd_85 انا اتهزات قدام العالم صح؟؟ :غضب:

سيلفي: لالا ماتهزائتي يمزح معك!!


ياورد اخذت شنطتها ورقعت الهندي مع جبهته........

YaWaRd_85 يوووووووه ياحسافة العطر
انكسر حسبي عليك..

سيلفي: احسسسسسسسسسسسن تستاهل ((مطيريه من قلب))

____________________________

نروح للحمامات((الله يكرمكم)) عشان نعدل طرحنا وعباياتنا

الا ويدخل علينا......



























































كأن حي ((بنت يعني )) متحجبه وحاطه مكياج وحركات .. والعطر يفاوح

هي حلوه بالمكياج بس لو تدقق بملامحها تقول ابو فلبن..

ياورد براسها شر..

YaWaRd_85 سيلفي ياليت من صفق بعض الناس بكف ؟؟

سيلفي ايه والله انتس صادقه


البنت تطالعنا باستحقار وتطلع

اصلا احنا يحصلنا الشرف اذا هالاشكال الي...... ولا بلاش مافي داعي نفضح بخلق الله


لما طلعنا من الحمامات ((الله يكرمكم مره ثانيه)) ..

جا واحد وقعد يقوول لنا :

بسسسس بسسس ياحلو ياعسل!!

سيلفي تبتسم بوجهه وتقوول:

لوسمحت .. الاخ بعيرصي :D

مسكيين يطيح وجهه بقوووووووووووووووووه

_________________________________


اخيرا دخلنا بزارينا للنطيطه وقلنا للهندي لا تطلعهم

ولا اخلي اذاني واذانك اربع مفهووووووووووووم

وركبنا لعبة الصحن الدوووار

آآآآآآآآآآه ياملحه نسينا الدنيا ونسينا انفسنا واعمارنا

صراخ وضحك ووناسه وعبينا تطير ومسافعنا تطييير

حسينا اننا لسه صغاااار

وفجئه تتوقف اللعبه ونلاقي الناس كلها تطااالع

وششش تطالع ياربي...؟؟؟

بالاخير استوعبنا انهم يطالعونا

واحنا بدورنا كل وحده طالعت الثانيه وفطست ضحك..

ياورد مسفعها طايح عاى كتفها وكشتها ناقزه

سيلفي مابقى خاتم اسواره حلق ماطااح منها...





















































































































ليه نازلين قضت القصه يالله كل واحد يروح بحال سبيله


______________________


موضوع مشترك بين سيلفي 2065 & YaWaRd_85

[داج2222]

كخخخخخخخخخخخخخخخخخخخخخخخخخخخخخخخخخ:D :D :D يا هووووووو تعجبوني طيحتو سوق نواف الي جالس يتغلى كخخخخخخخخخخخخخخخخخخخخخخخخخخخخ حلووووووووه

[swat]

ههههههه حلوه ما كنت اعرف انه البنات يكتبون مواضيع حلوه

[Dextar]

هههههههههههههههههههههههههه.
تفطس من الضحك .
شكلك بتغطين علي نواف.

[مهجدهم]

تكفين يا اجثا كرستي
http://www.geocities.com/emin3m6s/amback.swf

[leopard_1]

حلوة القصه

لكن كانه طويل زيادة:D

[YaWaRd_85]

ملاحظه كبر راس سيلفي:

القصه حقيقيه مضاف اليها بعض البهارات :D



ومشكورين ..

[Chandler]

حلوووووووووووة....

وانا اقول...مين البنتين اللي شفتهم هذاك اليوم...

شفتهم...وتحمدت ربي...قلت: وش ذولا المهبل...فضحوا السعوديين...:p :p

وعلى كلام داج...

مين قال لك اني اتغلى.....((انا قاعد اذلكم))...ههههههه..

لا لا....انت خل الزير سالم ينتهي...وانا اعطيك اللي يعجبك...:p :p :p

وحتى اذا غطوا علي...

انا وياهم واحد....((انواع المصالح))

[علوش]

هههههههههههههاااااايييي حلوة القصه .......



و اللي حااط اغنيه في الموضوع يشيلها احسله

[مهجدهم]

ياااااي خوفتاني كفى ارجوك بليز.. يابن الحلال رح والله يخلف على امن جابتك وثاني شي من قالك تسمع اذا جيت تقرا الموضوع حط مصابعك في اذانيك

[داج2222]

اخسسسسسسسسسس يالي يذل مسوي قوي كخخخخخ اخلص انت و هالزير حقك تراني بافقع وجهه مع انه عنزي زيي بس خلاااااااااااص كرهتني له سوري يا ورد لا اقلب الموضوع تشات

[مهجدهم]

بالقوة تبي تقول انك عنز طيب صرفها وقل تيس على الاقل

[داج2222]

تيس جابته امك اسمع بابا لا نخرب موضوع البنت اطلع لي على موضوعي نتفاهم و الي ما يفقع وجهك بذاك المخمس اطلع بس

[Chandler]

كتب العضو (EMIN3M)
بالقوة تبي تقول انك عنز طيب صرفها وقل تيس على الاقل

اقول انت....

لا اشوفك مرة ثانية تغلط على العنوز فاهم....(تراني عنزي...يعني انا ودجو عيال عم <---لزقة.....)..:cool: :cool: :cool:

[beautyrose82]

يحليلكم صرتوا اتعرفون تكتبون مثل نواف :D
;)

[Dr.Lucifer]

أقول
بطلوا بهلله
لا أجي أحوسكم ( شديد )
ترا شغل الحرش ذا ما ينفع عندي
---------------
يا ورد موضوع حلوا

[swat]

انا معاك يا دكتر بلا بهلله خربتو موضوع البنت

[snorlax]

بهارات :D

[YaWaRd_85]

من الي حايس موضوعي؟؟؟؟ :غضب:


خل يطلع احسن مااشوته برى :غضب:

[سيلفي2065]

كخخخخخخخخ اقووول ياورد...الفلبيني حق لعبه الصحن الدوار...نسينا نعطيه الكوينزات اللي وعدناو بها بعد مانطلع..كخخخخ لعبنا ببلاش:D

بعدين ماسمعتوا وش صار بالهندي حق النطيطه؟ يقولك المسكين بزاريننا دخلوه الانعااااااش,,,نتمنى له الشفاء العاجل:o (((حشى مهم اطفال...شواذي)))

[TOO COOL]

:واو: :واو:


انا شفتكم :واو:
ماتذكروني؟

حتى سيلفي قعدت تطالع سيارتي بقوة :واو:




وعطتها عيـن حارة


وبعدين انا توني طالع من اللفه الي عند الكورنيش و........

































:واو:

[AmoooR]

حلوة القصة ......... أحسن من قصص نواف (لا تصدقين) ;)

[سكوال]

شوف هالقصمنجيات....


يروحون ومايعلموني....





يوم انا كنت ناوي اسافر للخبر .. كنت جالس المح لك ياورد انتي وسيلفي ..

عشان تطلعون معاي وتمشوني .. ( مو انتوا انا قصدي مع عزيز ودحيم ومشيعل) ...وانتوا راكبين في الصندوق..



ومع كذا جاحديني....



اوكي .... الشرهه على انا .... الي اطلبكم ..المره الثانية ماراح اكلم الا دجو وتوكول ....




على فكره.... انا جلست اتمشى في الظهران .... مالقيت شيء اسمه الظهران (كلها ارامكوا) ..

[داج2222]

كخخخخخخخخ الله يرجك قلت لي امرك بالدينه و لا الكامري حقتي نياهاهاهاهاها كخخخخخخخخخخخ الزبده يا هووو الظهران مو ارامكو لحالها عندك الدوحه و الدانه و ارامكو

[مهجدهم]

ياشين الي ينطل وجه على البنات صح والا لا يا سكوال

[holly_smoke]

هههههههههههههههه...

[داج2222]

للرفع.................:واو:



وجعتين هالمنتدى كل 5 ثواني مقفل ما صارت ذي يييييييييييييوك

[سيلفي2065]

كتب العضو (سكوال)
شوف هالقصمنجيات....


يروحون ومايعلموني....





يوم انا كنت ناوي اسافر للخبر .. كنت جالس المح لك ياورد انتي وسيلفي ..

عشان تطلعون معاي وتمشوني .. ( مو انتوا انا قصدي مع عزيز ودحيم ومشيعل) ...وانتوا راكبين في الصندوق..



ومع كذا جاحديني....



اوكي .... الشرهه على انا .... الي اطلبكم ..المره الثانية ماراح اكلم الا دجو وتوكول ....




على فكره.... انا جلست اتمشى في الظهران .... مالقيت شيء اسمه الظهران (كلها ارامكوا) ..





خخخخخخخخ ياملحك بس...اصلا انا قايله لمشيعيل ودحيم وعزيز وعويضه بعد...ان سكوال يبي يتعرف عليكم

ووقفوا لك عند مدخل الظهران يحترونك...بس شكلك قمطت منهم وانحشت:)

[داج2222]

عفوا ان الرقم الذي طلبته غير موجود في الخدمه مؤقتا يرجى الاتصال فيما بعد و شكرا كخخخخخخخخخخخخخخخخخخخخخخخخخخخخخخخخخخخخخخخخخخخخخ اااااااااااااااقصد للرفع

[TALAL X]

ههههههه
والله قصة حلوة

هي قصة صارت لكن فيه بهارات

ايه الي صار أنهم راحوا لفؤاد سنتر .....
والباقي كله بهارات
:D :D :D

[داج2222]

هيييييه يابو الشباب ما اكل حار انا اي بهارات حطو ملح ططيب كخخخخخخخخخخخخخخخخخخخخخخخخخخخخخ


على العموم اعيد شكري لكتاب هالموضوع و اقول نتمنى الاجدد و الافضل






او على قولة ايفل الله يذكره بالخير




يعيش النسخ و اللصق