How to CG?

[mai_arumashi]

بعد تفكير ...قررت اسوي درسي الحقيقي

الدرس الي تشوفونه ما بيكون عن كيفيه الرسم...بيكون عن طريقتي فى التلوين باستعمال برنامج الفوتوشوب يعني درس CGing، اعتقد انها مقدمه طويله *سطرين!* خلاص نبدا الدرس؟
بسم الله.


- لازم يكون عندكم سكيتش جاهز..هذا السكيتش الي تشوفونه رسمته ببرانمج اسمه Coral Painter ، اذا ما كا عندكم قلم ضؤي تقدرون ترسمون و تسوون سكان للرسمة *طبعا*

[mai_arumashi]

- الخطوة الثانية *التحبير*: انا حبرت كل جزء فى لاير بروحه...يعني الثياب فى لاير و الشعر فى لاير، هذى العمليه تسهل عليكم تصحيح الاخطاء، يعني اذا ما عجبكم الشعر بعد التحبير و ما كنتو راضيين عن النتيجه احذفو الاير بدال ما تقعدون تمسحون.
اذا ما كنتو تستعملون قلم ضوئى ما عليكم الا ان تحطون الرسمة على لاير و تغيرون خصائصها من Normal الى Multiply و تبدون التلوين فى لاير جديده تحتها.

[mai_arumashi]

-الخطوة الثاله *التنظيف*: بعد ما تخلصون تحبير تأكدو من ان كل الخطوط مو سميكة اكثر من الزوم و امسحو الزيادات. و طبعا احذفو الاير الي كان عليه السكيتش الاولى لان ما له لزوم.

[mai_arumashi]

- الخطوة الرابعة *التلوين* و هي اصعب خطوة:
هذى المرحلة تنقسم لعدة مراحل:

* اول شي تأكدو من انكم تحطون لاير جديد لكل جزء، و بعدين باستعمال lasso و شكلها مثل حبل الكاوبوي حددو المكان المراد تلوينه...و اذا بغيتو تزيدون مكان على المكان الي حددتوه ما عليكم الا انكم تضغتون على shift و بعدين بتلاحظون ان فى زائد ضغيره ظهرت تحت الاداة ... لا تيشلون يدكم عن shift و حددو المكان الاضافى.

[mai_arumashi]

* و بعدين باستعمال اداة الصبغ تقدرون تملون المكان الي حددتوه باي لون.

[mai_arumashi]

* الحين لازم ننظف الزوائد..بس اول شي انصحكم تحطون لاير تحت كل لايرات التلوين و تملونه لون داكن، هذى العمليه تسهل عليكم انكم تشوفون الالوان الفاتحة. و باستخذام المساحة امسحو الزوائد

[mai_arumashi]

* الحين بعد ما خلصنا مسح بنضيف الظلال و اللمعات. بس اول شي لازم نقفل الاير عشان ما نلون برع المنطقة المحدده...بس اضغطو على المربع الي انا حطيت حوله دائر بالاحمر و بعدين بتشوفون طلع لكم شكل قفل على الاير ، الحين الاير مقفول يعني ما تقدرون تلونون الا على هذا الاير و الالوان ما بتطلع برع. و عشان تضيفون الظلال بس اختارو اللون و بعدين ارسمو فوقه بلون اغمج شوي...

[mai_arumashi]

*هذى العمليه ما تنفع اذا كنتو مسوين سكان للرسمة و ما رسمتوها مباشرة بالفوتوشوب..فاذا كنتو مسويين سكان انصحكم تتقدمون للنقطه الي بعدها....الحين انا بلون التحبير عشان اعطي الرسمة منظر احلى...و عشان الون التحبير لازم اقفل الاير الي عليه التحبير و بعدين الون فوقه بالفرشاة...طبعا لازم يكون اللون اغمج عشان يوضح.

[mai_arumashi]

*الحين بضيف الجناح، اول شي حطيت لاير جديد ... و رسمت الجناح بلون واضح (اخضر مثلا)

[mai_arumashi]

و بعد ما اخلص من رسم الجناح و اتأكد انه مرسوم بالطريقة المطلوبة اقفل الاير و بعدين باستعمال اداة تدرج الالوان اختار لونين و بعدين اختار شكل تدرج الالوان ، انا استعملت التدرج الدائري. و عشان اوضح شكل الجناح اكثر رسمت خطوط رفيعه على الجناح عشان اوضح شكل الريش.

[mai_arumashi]

وااااااااااااااااااو اخيرا الف مشاركه...الف الف الف :09:

المهم نرجع للدرس
* عشان اخلى الجناح و الشعر يبنون احلى ضفت بريق خارجي، و بتحصلون التأثيرات هذى فى قائمة تظهر اذا ضغطتو على حرف F الموجود داخل دائرة فى نافذة الايرز. و طبعا تقدرون تغيرون اللون و درجة البريق ^_^.

[mai_arumashi]

* و اخيرا اضيف بعض خصلات االشعر بفرشاة صغيرة، و اتأكد من كل شي تمام.

[mai_arumashi]

-و الخطوة الاخيرة *الخلفية*: طبعا هذا يرجع لكم و لذوقكم. لسوء الحظ الخلفيات مو من اختصاصي ، و طبعا ما اقدر اتفلسف و اعلمكم شي ما اعرفه



تم بحمد الله....

و اخيرا. ادري ان الدرس غريب شوي..و يمكن يكون مب واضح... اعتذر بس هذا كل الي اقدر عليه، اتمنى انكم استفتدو و لو شوي منه.
و اذا عندكم اي اسئله لا تترددون، بحاول اجاوب عليها ^____________^

ماي Mai Arumashi

[Rex]

يا سلام عالدرس الرائع!! طريقتج ممتازة وسليمة!!
وشرحج مفهوم!
والرسمه!! روعة !! ^^

الله يعطيج العافية على هالدرس :D
وان شاء الله نشوف المزيد مستقبلا!!


ومبروك على الألف مشاركة :wink1:

[Lillymon]

i saw this lesson the moment u started it and couldnt wait till u finish it ..
thanks alot for sharing your experience with us
i really wanted to know the ay u CG the hair .. it the most fascinating part in your artworks ..
line arts have always been a trouble for me ..
and the tip of coloring the line art at the end of the CGing with a darker colour is awesome .. im gunna try it someday soon
Thanks once again
the lesson is clear and simple
^^

[Touya]

درس جميل ورائع... تعلمت كم شغلة... آسف ودي أكمل الرد بس دخل وقت الصلاة...


بس شوفة الرسمة تتطور تكفي... اتقنتي شرح الردس ماي...!

واستفدت كثير

[yuki-babe]

السلاممممممم

واو آنا ويني عن هالدرس أول مرة أشوفه !!

ماي طريقتج وايد حلوة و بسيطة , صراحة جهد تشكرين عليه ,

^^ موفقة

[mai_arumashi]

غرييييييييييييب الحين اكتشفت اني ما قلت شكرا للناس الي ردو ا^__________^

[lord zacx]

مرحبـــــــــــا


:bigeyes:


اوووو تسلمين على الدرس يا ماي :biggthump

:33: هممممم طريقه حلوه يبيلي اجربها :icon6:

farewell