المساعد الشخصي الرقمي

مشاهدة النسخة كاملة : نقاش الرسامين ضروري ...ضروري .. من كل رسام ورسامه .. كل مبدع ومبدعه..(طلب الله لا اهانكم جميعا) ...


Emaraaaaty
29-01-2004, 08:48 PM
بسم الله الرحمن الرحيم

كيف الحال يا اخواني ..ان شاء الله تمام ..

وكيف الصحه .. عسى ما فيه كحه .. <<<<<<احم احم .. الحبيب طلع من الموضوع ..

اخواني... اخواتي ...

انا مشترك جديد .. وحاب اطلب منكم طلب ..

لكل فنان ... لكل مبدع .. لكل من يبدع قلمه ليخط رسوما في غايه الروعه .. طلبتكم ارجوووووووووووكم ما تردوني ..

ادري اني رزه .. واول مره اشارك .. فكيف يكون ليه وجه اني اطلب .. بس والله من شفت هالابداع في المنتدى .. ما قاومت نفسي اني اطلب هالطلب ..

انا مؤلف لقصه .. وقصه الحمد لله لها شعبيه كبيره في كل انحاء الخليج .. (اووهووو بدى يمدح في نفسه ..خخخخ) .. بس القصه قربت تنتهي .. وحبيت اني اطبعها على شكل كتاب .. وما نقصني في هالكتاب غير رسمه ...والرسمه حبيت احد من اخواني او اخواتي يرسمها ليه على شان تكون في المغلف الاول .. و تكون توقيع لي في القصه .. وصدقوني حقوقه الرسام راح احطها في القصه وفي التوقيع ..

بس لو ليه حق اني اتشرط يا ريت تكون الصوره ضمن ما احلم فيه والله ..

* تكون الصوره عليها طابع خليجي قديم وانيميشن *Mex* لانها تحكي عن مجتمع اماراتي ..( مثلا الملابس .. الحناء ... الشيله .. اللبس العربي ياللي نفتخر فيه ..)

* تكون الرسمه بالابيض والاسود .. لانه احس انه الرسمه حلاتها يوم تكون بسيطه .. ومعبره .. وتعبيرها يجي دايما من بساطتها .. (والله كنه الكل يتمنا منه انه بسٍ يطلب .. ما كنه هوه ياللي يطلب..خخخ) ....

* يا ريت لو في الاخير تكون البنت غايه في الجمال .. وتكون متوسطه الحاله .. لا هيه تبتسم .. ولا هيه حزينه .. وبس ...

على شان تكون عنوان لقصتي ياللي هيه (صفحه الم ) .. (والله ما حطيت اسم القصه للاعلان .. بس حبيت انه الرسام يحس ويفهم باللي انا طالبه وبس .. )


وفي النهايه اشكر لكم حسن ضيافتي .. وان شاء الله اكون من الاعضاء ياللي تقبلونهم .. ويكونون خفيفين الدم معاكم ..

والسموحه منكم

اخوكم ..

Emaraaaaty
SolidSnake85
30-01-2004, 01:57 AM
حياك أخوي اماراتي(والنعم):itsme: :biggthump
(هاي أول مرة أكون أول واحد يرد :09: )
الظاهر ان القصة حلوة;)
بس الرسمة اللي تباها رسمة بنية بالأوصاف اللي ذكرتها بس :أفكر:
وتباها كاملة ولا نص البنية بحيث اتكون الصورة كبيرة:أفكر: :33:
على فكرة :wow:
بغيت أقولك اننا اهني ربع واخوان لا تستحي ترى ما بينا شي :D
واذا بغيت أي شي آمر :o
وحياك مرة ثانية في هالمنتدى الرهيب:ciao:
انشاالله يعجبك مثل ما عيبني وتستمر ويانا:biggthump :ciao:
fatoom
30-01-2004, 02:15 AM
عجبني الموضوع الصراحه :biggthump

بس شسالفه ؟؟؟

و القصه عن شنو ؟؟؟؟ :33: و منو ؟؟؟؟

ممكن توضح أكثر :D
Emaraaaaty
30-01-2004, 03:43 AM
SolidSnake85

الله تحيه وتبقيه .... والنعم بحالك فديت قلبك ..
والله افرحني ردكم السريع .. قلت الحين الكل بيطنشني .. هاهاها... بس الحمدلله .. لقيت احد يدز لي وجه .. (الله يعينكم عليه .. قلت لكم من قبل ما يندز لي وجه )...

القصه والحمدلله رشحت للمركز الثالث في المنتدى ياللي انا كنت فيه .. رغم انه الاعضاء كانوا متوقعين انها تكون بالمرتبه اعلى من الثالث .. ( الحمدلله وشكر .. مداح نفسه يباله رفسه ..نيا هاهاهاها)

والله ما حبيت اتشرط يا اخوي .. تمنيت اشياء كثيره .. بس ما حبيت اتشرط .. لانه خيالكم انتوا احلى بمليون مره من شروطي .. وخليت بس الافكار الاساسيه ياللي اباها .. والباقي ياللي تبونه .. ما عندي اي مانع ..لاني ثقتي فيكم عاليه .. وخصوصا بعد ما شفت هالاشياء الحلوه .. الواحد صار مغراي بانه يدش غصبن عنه ويطلب ...

والله يا اخوي كنت اتمناها نص .. لانها بتكون في المقدمه .. وحبيت يكون وجهها واضح وهادي ..

وربي يسلمك يا اخوي .. وما قصرت .. والله افرحني وجودك وردك .. بس ما اصويك يااخوي ..

ربي لا يامر عليك عدو ولا ظالم يا ربي .. وكلكم خير وبركه .. بس فيه شي صغنون كنت ابا اضيفه .. لو ما فيه تكلفه .. كنت اتخيل وجه البنت يكون اقرب لوجه ساره .. ياللي في رسوم (ليدي ليدي ..حلو وهادي .. وجميــــــــــــــــــــــل .. هاهاهاها.. والله رزه .. بعد اتشرط .. خخخخ..

والسموحه منك يا الغلا .. وربي لا اهانك ..
امس 06:48 PM



فطوم .(توتو) ..

ما اصدق .. لالالالالالالالالاالالالا ..مو معقوله .. توتو هني .. هلا والله وغلا .. توتو .. وين كنتي .. وانا مرسل لج ايميل .. اطلب منج تصلحين الاغلاط ياللي في موقعج ..

الصراحه استخفيت عليه . .والله يسامحج فيني .. والله تمت اضحك من الخاطر (ربي يضحك سنج..) .. تميت اضحك وخويي ياللي في الشقه يقولي شنو فيك استخفيت .. اقوله ما فيه شي .. ما فيه شي .. ولا قصصج روووووووووووووووووووووووووووووووووووعه .. ربي لا هانج .... بس فيه نص القصص ما تطلع كامله .. يا ليت تصلحينه .. لاني والله ودي اعرف شنو ياللي بقي من القصص .. مثل احمدوه والحفضات .. خخخخ .. يوم الوحش شرد منه .. القسم a3.jpg مش موجوده .. حاولت اطلها . .بس ما طلعت ..

نرجع الحين للموضوع .. ( ما كنه قال كل ياللي عنده !!!!)

كان تبين تعرفين عن القصه .. بختصرها لج ..

قصه انسانه تزوجت من واحد كبر يدها .. لتصدم انها حملت منه وخاصه انه يقول انه عقيم .. ويضربها .. ينتهي بها في المستشفى .. بس يوم كشف الزوج انه موب عقيم .. وانه حرمته الاوليه غيرت تحليها وخلته هوه العقيم مو هيه (بعد رشوه الدكتور طبعا) .. يحاول يرجع لزوجته .. بس يموت في الطريق .. مات وهو معطي اخوه توكيل عام بكل شي .. واخوه ما قصر .. سحب كل شي وخلى الام بدون شي ...

القصه طويله ... طويله .. بس في احادثها انه الام تفقد ولدها لمده 18 سنه .. والسبب هيه زوجه اخو زوجها .. وتمر الايام .. يرجع الولد لامه .. بس يقع في حب بنت عمه هند .. بس هل الايام راح تجمعهم . وخاصه انه وحده اسمها ساره ... حبت الولد .. وانتهى بها لامطاف انها تكتشف انها خوي اخوها ما يحبها .. وانه يحب وحده ثاني ..


يعني بعدنا لين الحين ما خلصنا ..

بس القصه لين الحين ما انتهت .. وهيه بكل صراحه طويله .. (واوعدج لو ما بكت عينج وانتي تقرينها اني اعتزل التأليف .. لانه عالم دعت ليه بسبب هالقصه .. يقولون تصيح ياللي ما يصيح ..خخخخ .. نذاله .. احب اصيح الناس .. هاهاهاهاها)

يالله بخليج الحين ...


اخوكم ..

Emaraaaaty
fatoom
30-01-2004, 01:46 PM
حياك الله إماراتي ^ ^

توني مشيكه موقعي من زمان مادخلته :09:

و قريت تعليقك ^ ^

و تعليقات الباقي :D

بس ماظن اني بجدد بالموقع لأن ماعندي وقت :06: (ظروف)

و لو صج حبيت القصص تفضل على هالصفحه :D هي هي هي

قصص للضحك (http://www.montada.com/showthread.php?p=2458364#post2458364)

انا عكسك احب اضحك الناس :09:

المهم نرجع لقصتك :tongue2:

احسها دراميه و تعور القلب :(

ذكرتني بكاتبه سعوديه قريت لها قصص :(

قصصها تعور القلب >_<

و بعد المنفلوطي في كتابه ( العبرات ) :(

يصيح :17:

شكنا نقول @@؟

إي شنو المطلوب بس الغلاف ؟؟؟ :09:
لوجــــــين
30-01-2004, 02:27 PM
السلام عليكم

مرحبا فيك اخوي بمنتدى الرسم الحر

طلبك انشالله راح تلقاه ^^

بس اخوي .. نبي منك تعطينا صوره حق الزي الإماراتي القديم اللي تقصده لأن بالنسبه لنا تصميم الشخصيه سهل جدا

بس تصميم الملابس اهو اللي محتاج لتدقيق اشوي حتى تعطي صوره صحيحه عن التراث الإماراتي
SolidSnake85
30-01-2004, 03:49 PM
ماشاالله عالقصة تهبل والله :wow:
شو رايك تسويها مسلسل حق رمضان الياي انشاالله:33:
ترى والله أحس ان لك موهبة خطيرة في كتابة القصص(ماشاالله عليك):33: :reporter:
وبالنسبة للرسمة أنا فهمت قصدك وببدا فيها من باجر انشاالله(ترى السكانر يبالي أعابل فيه لين مااركبه"البارحة شاريه":09: )
بس كيف تبا الخلفيه :06: ؟(اسمحلي اذا كنت كثرت من الأسئلة:09: )(أتفلسف ها:09: )
وحياك أخوي اماراااتي:itsme:
Emaraaaaty
31-01-2004, 09:30 AM
السلام عليكم ..


اسف على التأخير .. بس والله انشغلت شويه ..( يا عيني .. من متى صرت مشغول .. نيا هاهاهي)


توتو ..

هاهاهاها. انا ما طلبت قصه حياتج ..خخخخ . انا طلبت رسمه .. بس ..موب جيه عاد ..هاهاهاها ( والله اسعدني ردج يا اختي ) ..

وعلى فكره .. والله نفسي نفسي نفسي اعرف القصص ياللي متقطعه .. بس صدقيني قصه القرقيعه مت عليها من الضحك .. ولا موزوه .. باسم العداله .. ويا راسج .. وين بعد عداله ..خخخخ .. بس روعه روعه روعه روعه .. حتى اني (طبعا بعد اذنج .. ) احتفضت فيها في الكمبيوتر عندي .. لانها حرام تروح الاشياء الروعه .. والله اني ادش واقراها ولا امل منها .. هاهاهاها.. ولا .. الحبيبه يالسه تعطي نصايح لليهال .. وهيه سفاحه قطاوه ...خخخ .. اقول .. كم قطوه قتلتي يا مجرمه .. هاهاها(الحبيب قاط الميانه ويسولف على راحته .. هاهاهاها) ..

اي والله يا اختي .. بالنسبه للقصه ... والله حزينه وايد .. وصدقيني انه العالم تبكي وتقولي اخفف الحزن ياللي فيها .. بس انا (اكيد عناد ) ازيدهم .. ويا كافي .. (احب ابكي خلق الله عكسج ..) ..

ومشكوره على اللنك يا اختي .. وعسى بس ما يكون عندج مانع اني احتفض باللي لاقايه من قصصج لاني الصراحه يعجبني اسلوبج وخفه دمج .. ( اكيد صارقه هالخفه مني .. خخخخخ) ..

والسموحه .. منج .. بس حبيت ما تكون بينا رسميات .. ( بس موب تقط الميانه مره وحده ..هاهاهاها) ..


لوجــــــين

وعليكم السلام والرحمه ..

يا اختي انا ما خليت مكان في النت ولا قلبت فيه .. بس في الاخير طلبت من الاعضاء يتعونون معاي .. ما قصروأ ....

بس الصور مش واضحه .. فمشان جيه انا حبيت اعطيكم اللنكات ..

http://www.alamuae.com/gallery/categories.php?cat_id=3&page=2

http://www.alamuae.com/gallery/categories.php?cat_id=3&page=3

http://www.alamuae.com/gallery/categories.php?cat_id=3&page=5

http://www.alamuae.com/gallery/categories.php?cat_id=3&page=6

http://www.alamuae.com/vb/showthread.php?t=62869

اي لباس انتوا تصممونه وتحطونه اوكي يا اختي .. موب مشكله اللبس ما دام خليجي .. لانها لباسنا واحد .. ولا فيه فرق .. سواء امارااااتي ولا سعودي ولا قطري ولا بحريني ولا كويتي ولا حتى عماني .. كلها مستوره والحمدلله .. وهذا ياللي عاجبني فيها .. وانا ما قصدت اماراتي بالضبط .. حبيته يكون ستر ولا يكون غربي .. يكون عربي وبس .. والسموحه والله ..

(لو فيه طلبيه بسيطه .. يا ليت البنت تكون مايله شويه على طرف .. وماسكه بيدينها المحنايه العبايه بكلتى اليدين ..)

والسموحه على العبوله يا اختي ..

وتسلمين على الكل شي والله .. وربي يجعله في ميزان حسناتج ..


اخوي SolidSnake85

مشاء الله عليك .. ما اسرع ما قريتها .. !!!!

بس تبي الصدق .. يسعدني انه كلامك شهد لي بحسن التأليف .. واعتبره وسام .. ربي لا خلاني منك يا اخوي

بالسنبه للخلفيه .. ما عندي اي مانع .. لو تكون بيضى بعد احسن على شان ما تتعبون ... وانا ان شاء الله راح اوريكم شكلها في النهايه لاني احطها في خلفيه ثانيه .. بس ابا الرسمه بروها ..

وانته ما تتفلسف .. بالعكس .... اسريح اني اشوفكم مهتمين في طلبي .. ربي لا هانكم .. ويجزيكم عني الف خير يا الغالي ..

لو فيه امل انه تكون الحرمه على طرف شويه .. وماسكه شيلتها بيدينها لثنتين !!.. (رجع للطلبيات ياللي ما لها فايده ..×خخخخخخ)

والسموحه منكم .. وربي لا هانكم جميعا ...

اخوكم في الله

امارااااتي
Emaraaaaty
31-01-2004, 10:03 AM
داش عرض الحبيب .....
سلام مره ثانيه

اقول .. حصلت صوره مشاببه مثل ياللي ابيه ..

هيه محطوطه توقيع للاخ winter-soul

والصوره حلوه والله .. ممكن تسوولي مثلها ..

والسموحه..
SolidSnake85
04-02-2004, 07:48 AM
:itsme:هلاواااااااااااااااااااااالله أخوي اماراتي
شحالك...شخبارك...عساك بخير وصحة وعااااافية انشاااالله:أفكر: :D
أولا أخوي حبيت أعتذرلك لأني لين الحين مارسمت الرسمة:nervous:
الله يهديني انشغلت بالعيد وفوق هاذا لسكانر ماعرفتله:dontknow: ...بشوف جان أخوي بيعرفله:(
ثانيا بغيت أقولك اني حصلت العضو winter_soul في قائمة الأعضاء،حرفW ،الصفحة19
بس موب حاط توقيع:31: ...يمكن انت تطري صورته الشخصية :33:
فاذا كانت هي..خبرني وانشاالله أسويلك أحلى منها:09:
:33: بس تباها بنفس الوضعية؟طبعا لازم اتكون أكبر بحيث يبين اشويه من ملابس البنية
:33: بس تباها جي من الينب ولا من جدام؟
(:12: بس عااااااد،والله تراني مصخته،تحقيق ها موب رسمة:09: )والله السموحة منك ياخوي جان
ثجلت عليك بالأسئلة:sad:
ودعة الله:ciao:
Emaraaaaty
09-02-2004, 05:11 PM
مرحبا والله ملاييين اخوي .. كيف الحال وشنو علومك .. والله يسرك حالي .. عايش في هالدنيا وعم بندفش مثل ما يقلون .. هاهاها

لا لا لا .. عادي اخوي .. لا تعتذر ولا شي .. وانا ياللي لازم يعتذر لاني ازعجتكم ..

وبالنسبه للاسكانر .. عادي اخوي .. سو ياللي تقدر عليه .. ماني مستعجل .. وخذر راحتك الشيخ ...

اي والله بالنسبه لاعضوا وينتر سول .. انا اعني الصوره .. كانت حلوه .. وحبيت احصل على واحده شارتها على شان تكون في غلاف قصتي ..

<<<< شكله اتعبك لين دخلت الصفحه 19 :33:



الله يسلمك . اي والله يا اخوي .. هيه ياللي كنت اطريها .. وانته ما بتقصر .. فيه ثقه لا تخاف . هاهاهاهاها.. <<< يحب يرفع المعنويات تراه .. هاهاها



لو تكون اكبر شويه وتبين ملابس البنت بيكون احسن يا اخوي .. وخاصه انه هيه الوضعيه ياللي كنت انا اتكلم عليها .. وصدقني بكون ممنون لك يا الطيب ..يعني من ينب .. موب من جدام ..


لا والله .. يا اخوي .. انا ياللي استسمح منك الغالي .. ازعجتكم بطلبي ... وانا طولت عليك في الرد بعد .. تعرف الغربه والدراسه فيها .. الله لا يوريك ..


تحياتي لك الشيخ .. والعذر والسموحه منك على الازعاج ..

اخوكم ..

:ciao: :ciao: امارااااتي:ciao: :ciao:
Emaraaaaty
18-02-2004, 06:01 AM
السلام عليكم والرحمه..

كيف الحال يا جماعه الخير .. عساكم بخير ..

احب اشكر كل من تعب معاي .. واتعب نفسه .. بس انا لقيت الصوره لاني سويت رسيرج وحصلت الصوره .. وانا راح احطها لكم .. لاني سويتها توقيع وراح احطها غلاف قريب .. رغم انها مش بالوصف المطلوب .. الا انها لا باس فيها .. وتكفي على اساس اني ما اتعبكم ..

والعذر والسموحه من كل شخص تعب نفسه .. وخصوصا اخوي الغالي ..SolidSnake85 .. لاني اتعبته معاي اكثر واحد .. وابح اخصه بالشكر ...

والسموحه منكم .. وانا الحمدلله ... حصلت ياللي ابيه .. واحب اشكركم على تعبكم معاي ..

وفي امان الله يا اخواني ..

اخوكم في الله ..

امارااااتي
SolidSnake85
18-02-2004, 11:33 PM
:itsme: حياك الله أخوي اماراتي
:o والله اني بعد ماقريت الرد....زعلت أول شي:( ...بعدين فرحت:)
:) فرحت لك يوم انك حصلت الرسمة اللي تباها....بس والله أخوي زعلت واااايد:sorry: ...طبعا أكيد مو منك:wow: ....بس من نفسي:sorry:
زعلت يوم اني ماقدرت ألبيلك طلبك...وانا عطيتك كلمة اني برسملك الرسمة اللي تباها...بس:guilty: السكانر الله يصبرني عليه..(بس السكانر ماهو ب عذر:sad:)....وبصراحة...ماعرف كيف أعتذرلك...السموحة منك أخوي...تراني والله وايد متندم:indiffere ....وانشاالله تعرض الرسمة...وانشوفها....وأتمنى انها نالت رضاك :happysad:

السموحة منك أخوي اماراتي جان طولت عليك.....:happysad:
وحبيت أقولك...:33: ليش ما تكون قصتك لأحد مسلسلات رمضان المقبل...أحس انها بتحقق نجاح كبير باذن الله.
أتمنى انك تمارس هاي الموهبة الجميلة والرائعة والنادرة(ماشاالله عليك)...وتعمل على تطويرها أكثر وأكثر....كما أتمنى لك مستقبل باهر انشاالله:biggthump