يا شباب .. ياعالم .. يا محترفين .. ياهووووووووووووه !! أدخلوا وفهمونا :-)

[عـــجـــيـــب]

هاي جايز اند جيرلز << إمحق تلاقيهم هني :)

كيفكم شباب شو عاملين شو مسوين طيبين؟ الحمدلله ..

ندخل بزبدة الموضوع من غير خفة دم زايدة ومن غير لف ودوران ..

موضوعي قوي شوي .. وقد يكون في قمة الغباء ويمكن أحط نفسي في مواقف بايخة مرة .. لكن الجهل شين .. وانا عاد جديد على عالمكم هذا ..

موضوعي يا شباب هو طلب من العالم الكبيرة ( أو الفاهمة) .. وهو ياريت لو تشرحون لنا التطويرات اللي تحطونها بسياراتكم ويش هي بالضبط .. مثل الهيدرز والكنداسة الرياضية والبواجي أربع رؤوس والفيابر وفلتر الهواء وغيره من هالأشياء ..

خاصة إنه اغلبها أعرفها بالإنجليزي اكثر من العربي .. (من جد أتكلم)

ياريت لو يكون شرح مستفيض شوي من ناحية فايدتها بالسيارة وفايدة تطويرها وموقعها الجغرافي :)

مع العلم إني وصلت لصفحة 15 بالقسم هذا ولا لقيت شيء يتكلم عن هالحاجات إلا عن ال Turbo Kit ..

ودمتم سالمين :)

[أبو الغضب]

النايتروس . (الغاز) NOS .

يتكون النايتروس على عنصرين من النايتروجين وعنصر أكسجين مركبة كيميائيا مع بعض (N2O) .

عمله هو يعطي ضغط بنسبة 5% فقط في دفع الهواء وهو يختلط مع الهواء الاكسجين وتركيبة النايتروس تفعل
الاكسجين اكثر لجعل البترول يحترق افضل يعني طريقة لجعل البترول يحترق افضل واكثر. والمعروف ان ثلاث عناصر اساسية تنتج الحريق وهو الوقود و الاكسجين والشرارة او الشعلة .

الوقود طبعا يكون مثل البترول او الخشب او ورق الخ اي شيء قابل للحرق والاكسجين طبعا من الجو الي نتنفسه و الشلعة (الاكنشن ) وهو الاحتكاك الحراري والبلك هو ينتج الشعلة بالنسبة لمحرك السيارة مثل حصاتين تتصادم وتنتج شرارة .
وهني النايتروس هو مثل المقوى للاكسجين لجعل الوقود يحترق اكثر وافضل . والنايتروس مش وقود مثل ما يضن بعضهم .

وهناك كت كامل يشمل السلندر (مخزون النايتروس) والبيبات لتوصيله والدينمات لضخ النايتروس . لزيادة سرعة المحرق بهذه الطريقة التي تجعل الانفجار الداخلي في السلندر اقوى وافضل مما يجعل البستن ينزل بسرعة وتزيد سرعة المحرك .

هناك عددت انواع من تركيب النايتروس فيه نوع للكربيتر وفيه نوع للتيربو والسوبرجر ,,, والنايتروس مثل الفيتامين للسوبر والتيربو .

وفي نوع دايركت في الهيد من دون دينمة بترول .




الكام هو المسؤل عن تنظيم دخول الهواء والبترول للمكينه وكام الوكاله يكون عادة 1 انش وهاذا يسمى steage 1 واذا انت حاب تركب غير مال الوكاله تركب 2 انش ولا 3 انش يعني اكبر من كام الوكاله وهذا يعني انك راح تدخل هوا وبترول للمكينه بشكل كبير ونفس الشي يوم تاخذ كام 3 ولا 4 انش راح تزيد صرفيه البترول
___صورة للكام ((cammat--cammat1))
الايجابيات
اول شي تزيد من سرعة السياره بشكل كبير ( اذا ضبط )


السلبيات
صرفيه بترول

اذا ركبته وتبغي تشله تتعب المكينه لانك غيرت من تنظيم دوران المكبنه

اذا ركبت كام 3 ولا 4 انش اذا انت واقف تبند السياره بسبب الهوا الزايد الي داخل المكينه

ولازم تسوي كم شغله يوم تركب الكام
1: حف الهد ( لانك راح تزيد من عزم المكينه فالمكينه تحر عندك )
2: تبديل البساتن وتركيب بساتن ستيل ( اختياري )


والسعر يتراوح من

ستيج 2 من 1800 الى 2000 درهم اماراتي

ستيج 3 من 3000 الى 3500 درهم اماراتي

ستيج 4 من 4500 الى 5000 درهم اماراتي



الهدرز شنو ..................؟ خوش سؤال

الهدرز هو عبارة عن مني فول يتركب للسيارة لزيادة الهورس باور
وزيادة الصوت هو زيادة الهورس باور للصوالين فقط لانة مايعطي الفور ويل
هورس لاور وايد ... ويخلي الموتر يكون فاتح ويعطية عزم اقوى من الي قبل ..
وهو كشكل يكون نفس مال الشركة ولا كن يختلف في اللون ويختلف في الحجم
ويختلف في المادة الي يتركب منها المنفول ............




منقول لدواعي الكسل في كتابة الموضوع من عندي :tongue2: