محلات الانمي بالايمارات

[Guilty Gear X]

الله بالخير
ممكن ان تقدمونلي عناوين افضل محلات بيع الانمي بكل من دبي , الشارقة , العين.
ويفضل اذا وجد دي في دي باسعار مناسبة
وشكرا

[صقور الأرض]

أعرف محلات في البريمي، وهي قريبة من العين، أفضلها:
-فيديـو الجـابري.
-فيديــو الدانـــات.
عندهم أنيمي عربي قديم وجديد، إنجليزي ، ياباني. (كله VHS)
سعر الشريط من 15 درهم إلى 25 درهم، هذا إنته وشطارتك مع البائع.
بس نصيحة، جرّب أي شيء قبل لاتشتريه، تأكد من وضوح الصوت والصورة.

[Black lion]

لا تشتري من البريمي ... حرامية :31:
لا الصورة زينة و السعر ما يستاهل :mad:
تحصل أنمي في الامارات شبه مستحيل إلا في موقع www.uaemall.com كله دي في دي بس اسعارهم خيالية واغلبها مستعملات :tongue2:

LOVE & PEACE

[هتلر الامارات]

انا عندي انايم قديم وجديد كثيره لكن اغلبها VHS
وقاعد اسويهم على ال VCD

بس ودي في البرامج حق تضبيط الصوره وتقليل حجم الملف لاني راح احطهم في سيرفر علشان الجميع ينزلها وبحاول اني ارسلهم ببلاش بعد

اهم شي عندي كسب الاصدقاء

[الاميره الجميله]

مااعرف اخوي

[The King Of Roma:Totti]

الدولة اسمها " الإمارات " وليس " الايمارات " :31:


و في الحقيقة ما في محلات يبيعون أنمي جديد :33: ... الا في البريمي مثل ما قالوا الاخوان :)

[Twinkle]

انا عندي انايم قديم وجديد كثيره لكن اغلبها VHS
وقاعد اسويهم على ال VCD

بس ودي في البرامج حق تضبيط الصوره وتقليل حجم الملف لاني راح احطهم في سيرفر علشان الجميع ينزلها وبحاول اني ارسلهم ببلاش بعد

اهم شي عندي كسب الاصدقاء
الأخو هتلر الإمارات ... أنا بكون فاضيه ها الصيف أقدر اساعدك في تحويل الفيديو إلى VCD إذا تبى مساعده..

[darkitp]

ليش الشراء ما دام فيه سي دي رايتر .. والنت شغال 24 ساعة ؟؟

[::Sora::]

أنا كنت مفكرة افتح موضوع لأهل الأمارات اللي ما عندهم خط نت سريع (متلي^^)

لأنو بدبي و الشارقة كتير صعب تلاقي أنمي و ألبريمي بعيد و متل ما قالو الأعضاء حرامية!
فكنت عم فكر إزا في أعضاء عندهم خط سريع ينسخو أنمي حتى و لو مقابل مصاري :06:

بس بقا الشغلة بدها تنظيم؟؟

[anime uae]

السلام عليكم ...

نــــــــــصــــــيـــــــحــــة ....

احبتي انصحكم بعدم التعاون مع الدانات .. اقسم بالله بانه مصدر غير موثوق والادهى والامر ان النسخ اللي يبيعهن جدا جداً جـــــــــــــــــــــــداً رديئة ...

انا اسكن في العين .. ممكن فترة من الفترات او خلونا نقول سنة من السنين كان مركز الدانات مصدر ممتاز لاشرطة الانمي..

اما الان .. فنصيحة لكل اخ عزيز مقبل على الشراء من الدانات .. راجع نفسك واستعرض نسختك كـــامــلــة قبل الشراء ...

وهنا استغل الفرصة لاسال ايضا عن المصادر الممتازة للحصول على اشرطة الانمي الجديدة ..

لاني املك القديمة الحمدلله وسمعت عن انمي وايد حلو اسمه نينجا سكرول !!

المهم اخوي هتلر الامارات .. ارجو ان تضيفني في قائمتك بخصوص الانمي القديم .. =)

وتقبلوا تحيات اخوكم

anime UAE

[GrapplerLuffy]

مافي أحسن من المحل الجديد اللي في أبوظبي كله dvd's بس الواحد ب70 شوي غالي

[Tenshi]

السلام عليكم والله أخوي مافي أنمي غير في البريمي بس
أنا أعرف حرمات صينيات بيعن رسوم أنمي بس Movie
علي DVD وطبعا ً منسوخات والواحد 10 ربيات n_n:
وفي منهن واضحات ومنهن لأ يعني لزم أجرب الشريط قبل
ماتاخذه وهن ثلاث صينيات يحوطن في الأمارات n_n
+--- والله أخوي هذه إللي أعرفه ---+

[DARK_AURA]

السلام عليكم والله أخوي مافي أنمي غير في البريمي بس
أنا أعرف حرمات صينيات بيعن رسوم أنمي بس Movie
علي DVD وطبعا ً منسوخات والواحد 10 ربيات n_n:
وفي منهن واضحات ومنهن لأ يعني لزم أجرب الشريط قبل
ماتاخذه وهن ثلاث صينيات يحوطن في الأمارات n_n
+--- والله أخوي هذه إللي أعرفه ---+

وانتي صادق اختي ^-^

ما في احسن منهم واذا بغيتي انيم اكتبي اسمة على روقه وعطيهن ..راح ييبولج ايااه ^-^

هذا الي سمعت من رفيجيتي ... :)

وعلى العموم تقدرين تتكاسرين معااهن ..ويطلع السيدي ب 5 دراهم :09:
:ciao:

[GrapplerLuffy]

وين مكان الصينيات اللي يبيعون الأنمي ب10 وكلها أفلام لأني ما أعرف غير المحل اللي ورا معهد الخوارزمي أفلام و مسلسلات من اللي تبونه

[DRA]

مرحبا اخوي

مثل ما قالوا الشباب صعب تلاقي انمي جديد وممتاز من ناحية الصوت والصورة هنه في الامارات
وثاني شي ما انصحك تشتري من البريمي لانه تقريبا كل اللي عندة قديم والصورة مثل ويهة (الين الحين انيوشا ما يابة)

عندي رسومات انمي كثيرة جدا كلها على سي دي (القديم والجديد) فيمكن اساعدك لاني ان شاء الله بنزلم عن طريق البت تورنت (وانا ما ابيع لاني مب محتاج فلوس) ومثل ما قال هتلر الامارات همي تجميع الاصدقاء


وان شاء الله اول ما اضع الانمي على النت بخبركم