كابريس اس اس ..... لماذا؟؟؟

[Blue Ocean]

اليوم رحت وديت سيارتي التوكيلات العالمية ابي اعملها صيانة دورية

المهم يوم جيت قالوا يبوني اوقع على ورقة برمجة الامبير حق البنزين ؟؟؟؟


قلت ليييييه؟؟ قالوا جايلهم امر من المصنع بعمل الشئ ذا لموديل ال2004 اس اس :31:


انا صراحة استغربت وش السبب ؟؟؟ مدري ليه ؟؟؟ وهم ماقالوا لي سوى انه امر من المصنع؟؟؟ :33:


ياجماعة احد يعرف ليه ؟؟؟ او يعرف احد معاه نفس السيارة وعملوا معاه نفس الشئ والا لا ؟؟؟ :06:


احد يفيدنا ومشكورين :)

[D0WN~T0WN]

غريبة

لكن اللي اعرفه ان الاس اس مختلف عن الموديلات الباقية في نواحي كثيرة والدليل انه نزل بعد الفئات الثانية بستة شهور

طيب انت ليش ماسألتهم عن السبب؟

[Blue Ocean]

رفضوا الافصاح

قلتلهم هل هو خطأ تصنيعي او شئ زي كذا قالوا ماندري هو المصنع قال لنا كذا وبسس؟

انا قلت اسأل هنا لعلي القى الجواب الشافي :)

[DARK_KING]

انا عندي LTZ ما قالولي اي شي

امكن عشان النضام يختلف !!!!!!
المهم الله يعطيك خيرها ويكفيك شرها

[Imaj]

كتبت موضوع عنها في منتدى أجنبي متعلق بجنرال موترز في عدد من الأعضاء الأستراليين يمكن عندهم فكرة :أفكر:

س: سؤال أخذوا منك مبلغ بالمقابل أم الإصلاح كان مجاني؟؟ (هذا أهم شيء)

عيوب المصنع في كثير سيارات ومنتجات أهم شيء الأمانة..

في إنتظار الرد :)

على فكرة كيف السيارة مريحتك أم معذبتك..

[m-a-x]

المهم هل لاحظت شي تغير في السياره بعد التعديل الى سوه مثل ايش والحراره والصرفيه ؟؟؟؟؟؟؟؟

[Blue Ocean]

DARK_KING

هم قالوا لي فئة اس اس فقط نازل عليها امر البرمجة :31:


Road Kill

مجاناً مااخذوا عليها ولا ريال

بالنسبة للسيارة والله بكون معاك صريح للغاية هي في قيادتها وكونها سيارة رياضية مافي احلى منها ابدا يعني رساوتها عالخط وسرعتها وتسارعها وانسيابيتها لايعلى عليها ابدا

لكن الكهربا فيها مزبلة شوي

يعني قبل امس السي دي سوى حركات تكرنة معي غير طبيعية وماارتاح الا حتى طفيت السيارة لفترة بعدين شغلتها :06:

وبرضه فتحة السقف تلخبط ام السيستم حقها اذا فتحتها عالاخر ماعاد ترجع الا بعد قلة حيا وديتها الوكالة سووها عالضمان قالوا لخبطة في الكهربا حقتها :blackeye:

اما في باقي الاشياء فالحمدلله السيارة 100%

ومشكور على سؤالك في المنتدى الاجنبي وياليت ان شاء الله يقدروا يفيدونا :biggthump



m-a-x

السيارة للحين باقي عندهم لان الزحمة عندهم غير طبيعية للصيانة ولسه ماخرجتها معي الGMC حق الوالد الله يحفظه امشي فيه هاليومين مع انه والله قلة حيا يخلوا السيارة عندهم يوم او يومين عشان صيانة دورية :vereymad:

بالنسبة للحرارة مافيها اي مشاكل السيارة مثل باقي السيارات الحرارة عالنص بس ماترتفع ابدا عشان البلف مو مفكوك :)

اما صرفية البنزين والله انك ضربت عالوتر الحساس :D صرفيتها للبنزين مجنونة وخاصة لما تسوقها في البلد انا سألت اصحاب الموديلات 2003 و2002 قالوا تشرب بس مو مثل اللي عندك

انا سيارتي جوعانة بنزين طول الوقت بس اعتقد ان البرمجة ذي حقت الامبير لها علاقة بالشئ ذا


انا فكرت في كذا لان صرفية السيارة غير طبيعية يمكن الخلل في الامبير مو في نفس الاستهلاك والله اعلم :)


انا راح اقارن لما اطلع السيارة ان شاء الله بكرة اذا فضيت او بعده وبنشوووف :أفكر:

[Imaj]

سالت لك عن المشكلة وقالوا لي..

المسألة عادية جداً فقط تم تصميم برنامج جديد للسيارة والوكيل حمل البرنامج لسيارتك...

الفرق بين البرنامج الجديد والبرنامج السابق، الله أعلم :06:

[Blue Ocean]

Road Kill (http://www.montada.com/member.php?u=31475)

يعطيك الف عافية وماقصرت

بالنسبة للفرق خله لي لين استلم السيارة واعرف اشلون اطلع خرابيطه كلها :)

[~العنكبوت~]

طبييييييييييييعي يا Blue Ocean لا توسوس كثير بعدين تخرب السيااااااااااااااارة الاجراء الي هم سووه اعتقد نفس الكلام الي قاله الاخ Road Kill تغيير برنامج او بمعنى اصح تعديييييل برنامج لا اكثر ولا اقل .....

او خلل مصنعي بس ...هذا رايي والله يعطيك خيرها ويكفيك شرررررها .....زبدة الموضوع انهم راح يسونها من زين الى ازين :biggthump انشاء الله ما عليك الى العافية ................ وسلام

[مؤيد]

يمكن بلع البنزين يقل :) :biggthump

[Blue Ocean]

معليش ياجماعة والله نسيت من الموضوع واشكر الشباب اللي ردوا جميعا


بالنسبة للبرمجة اللي حصلت بالفعل اثرت على طريقة استهلاك البنزين


وانا كنت ظالم السياااارة بس بالفعل شربها قبل كان مو طبيعي الحين تغيرت عن الاول كثييير

يعني السالفة كلها خطأ مصنعي في الامبير وصلحوه :)

[بيتل]

البنزين فدا الاس اس :fing02:

وقصة المسجل تنحل برقم سري يجي مع السيارة

[عمودي]

والله الكابرس اس اس حلووه

بس عندي سؤال


عند ابوي كابرس رويال 2004 وتوها ما مشت 500 كيلو والله استعمالها حلو بس بيسون فيها زي ما سوو بسيارتك ss

[Blue Ocean]

بيتل

فدا ومالوا فدا هههههه

وقصة المسجل مالها دخل بالرقم السري هو بس تكرنة على خفيف يعني صار يشقلب من على بعض الاغاني ويروح للي بعدها مع ان السي دي اصلي !!!


عمودي

والله انا مااقدر اقولك لكن حسب اللي قالوه لي الوكالة ان الامر نازل على الكابريسSS 2004 وبس لكن مدري يمكن نزلوا تحديث لنظام الرويال والله اعلم


وعلى فكرة ياشباب معذرة انا قايلكم قبل ان صرفية البنزين تغيرت واتضح اني كنت واهم البرمجة ماكان لها علاقة بصرفية البنزين ولكن الى الان مااعرف هي على ايه واللي مكتوب في الفاتورة انها للامبير حق البنزين لكن بعد التدقيق اتضح انه لايوجد تغير.... ومازال البحث جاريا :)

[Dr.Big-Dady]

يمكن يخلوها أربعة سلندر هههههههههههههه تحياتي:ciao: