شوفو الاخوة الكويتيون وش يقولن عن قوانين المملكة

[vxr2004]

ادخل على الوصله




http://www.ozq8.org/showthread.php?threadid=233275

[DraGonGreeN_Z]

اخي الكريم

قريت الردود

في بدايه الردود صحيح أنهم تكلموا عنها

ولكن اذا كان قصدك هالرد ((يا الله يا دانة شو بحزن لما بسمع دايما عن منع المرأة
لقيادة السيارة
انا ما بعرف شو الفرق يعني بين لما تسوق البنت والا يسوق الشاب
انا ما اشوف فيها اي عيب واي داعي للمنع
هذا قانون ظالم جدا مع احترامي الشديد للقوانين في السعودية
لكن مثل هذي الحالة كيف الاب يسوق وهو تعبان وكبير بالعمر
يعني لا سمح الله ممكن كان عملو حادث صح ؟
قيادة المرأة للسيارة ما فيه اي عيب او غلط اذا كان ضمن الحدود
وضمن الادب والتحشم ))
فأنها ليست كويتيه بل من لأردن

وبعدين شفت رد لاخت الدلوعه شهد
وايضا أخوانناا السعوديين وضحوا لأهل منتدى اوز عن قوانينهم وبعد التوضيح هل رأيت أحد يستهزأ بالقوانين السعوديه ؟

لا لم يستهزأ أحد

فقط راي بين أعضائها وهذا أمر طبيعي كما حدث هنا :)

فأعلم أخي الكريم ان لا شعب يستهزأ بقوانين دوله أخرى وبالذات أحنا يالكويتيين :)

وهذا ما لدي :)

[half life 2 fan]

ادخل على الوصله




http://www.ozq8.org/showthread.php?threadid=233275

اسمحلي اقولك يا اخوي انك ما تبي إلا المشاكل .... كل الردود في الوصله اللي انت حاطها فيها كل خير ... انت شخص ما عندك سالفه وشوي تافه .. مو واايد :p

[abo_7ozayfa]

ييي يا جماعه احنا انتهينا من الحواديت ده .. حنرجع تانى لوجع الدماغ؟!!!! :أفكر:

[DraGonGreeN_Z]

ييي يا جماعه احنا انتهينا من الحواديت ده .. حنرجع تانى لوجع الدماغ؟!!!! :أفكر:


ما ألومك

بس اتصدق

والله ثم والله تمنيت ان يحطون على الكويت

لأاني تعودت عليها

وكل ما ادش العام وما ألقى موضوع عن الكويت ازهق مالي خلق ارد على المواضيع :أفكر:

وهذي صارت لي عادة

:06:

[كايتو]

والله رأيي مثل رأي ابو حذيفة ....ما زهقتوا من فتح سيرة على الكويتيين و غيرهم ؟؟؟

خلاااااص والله شبعنا و فهمنا ...ولو اني كنت المراقب كنت اغلقت الموضوع و حررت الوصلة فورا !!

[alamid]

طيب،وش المطلوب مننا؟،يعني تبينا نسب الكويتيين مثلاً؟..

ياأخي الفاضل،الأمة تحتاج إلى التوحد لا التفرّق..

السعوديين والكويتيين أشقاء ..

ثم ماذا يضيرنا أن يتكلم أحدهم عن قوانيننا؟!..

أخوي مهند الريس،ياريت الموضوع يُغلق..

[al7ajeiah]

الموضوع ماله داعي كلش و الكويتيين شكو ما ادري هذي حاله مو تعميم و بعدين البنية ابوها تعبان شتسوي يعني تنزل تدز السيارة !! :09:
للضرورة احكام و الظرف كان جذي شيسون يعني و اهي كانت تسوق بطريق سفر مو شوارع المملكة الداخلية .
يبا شيلوا الموضوع ترى ما وراه الا الفتنه و الحش بالكويتيين ...
و تسلمووووو .....;)

[Pr.Game]

وش نسويلهم يعني نضربهم إنا لله وإنا إليه راجعون أرجوا المرتقب يحرر الوصلة ويشيلها

[vxr2004]

انا ما قصدت اسوي مشاكل لاني ماني راعي مشاكل
قصدي ان الكويتيين مسموح للمراة انها تسوق السيارة بس لازم تكون كاشفة وجهها
والاسلام ما قال ان المراة يجوز لها تكشف وجهها وبس
خلاص انا اسحب الموضوع
لحد يرد

[قوت القلوب83]

اخوي كلمة أخيرة قبل لا تسحب الموضوع

صحيح عندنا في الكويت مسموح ان المرأة تقود سيارة

لكن انها لازم تكون كاشفة وجهها هذا الكلام مو صحيح

لان في كثييييييييييير نساء منقبات ويسوقون سياراتهم ومحد منعهم

والسلام خير ختام

[jgubvgtjf]

هذي المواضيع تسبب حساسيه بين الاعضاء فأرجوا محد يزيد المشاكل
والكويتين ماقالو اي شي بس بعض الاعضاء يحبون يفتعلون مشاكل هذي هواياتهم

[Pr.Game]

أغلقوا الموضوع كفانا ما حصل في السابق

[DonMusallam]

إي والله ترا مو ناقصين عوار راس و الدوامات يوم السبت ورانا دراسة :D

[rbg]

انا اشوف انه مافي اي غلط ولا محاولة للغلط...والي كاتب الموضوععع طالب حرش :o ....عطوووووه جوه :p

[half life 2 fan]

انا ما قصدت اسوي مشاكل لاني ماني راعي مشاكل
قصدي ان الكويتيين مسموح للمراة انها تسوق السيارة بس لازم تكون كاشفة وجهها
والاسلام ما قال ان المراة يجوز لها تكشف وجهها وبس
خلاص انا اسحب الموضوع
لحد يرد


أول شي بالكويت عادي المتنقبه تسوق ماكو اي مشكله ...


وهل انت تحرم شي حلله الله ؟؟ الله تعالى خله جسم المرأه كله عوره ما عدا الوجه والكفين .. وشلون انت تقول : والاسلام

ما قال ان المراة يجوز لها تكشف وجهها ؟؟؟؟

[بو ضاري]

انا ما قصدت اسوي مشاكل لاني ماني راعي مشاكل
قصدي ان الكويتيين مسموح للمراة انها تسوق السيارة بس لازم تكون كاشفة وجهها
والاسلام ما قال ان المراة يجوز لها تكشف وجهها وبس
خلاص انا اسحب الموضوع
لحد يرد

ما هيه موضوعك اخي الكريم ؟
شكثر المنقبات يسوقون عندنا وشى ماتدري عنه..لا تتكلم فيه وتقوم تظرط فيه
قوانينكم عل العين والراس
وكل دوله ولها قوانينها
واعتقد موضوعك بالاساس يبي يشعل فتيل هواش بين الاخوه واستغرب عدم اغلاق الموضوع حتى الان..
كالعاده اداره منتدى المنتدى نايمه بالعسل ..