يا شباب ، شريت فاينل فانتسي كريستال كرونكلز ^_^

[كابتن السفينة]

السلام عليكم

اخيرا نزلت فاينل فانتسي كريستال كرونيكلز في الامارات ، تصدقون اني رحت من عمان الين الامارات (العين) علشانه بس !!!
واشتريته بعد ما نزل بنصف ساعة !!! :biggthump

المهم

اللعبة حلوة كثير خصوصا بأربعة لاعبين ، احلى ما في اللعبة الرسم والاضاءة ، اما الموسيقى فلا بأس ، طبعا انا متحمس كثير ، اما اخواني فما مهتمين ، وما عرف احد عنده جيم بوي ادفانس غيرهم ، شريت الكيبلات على الفاضي :bawling:
والحين العب بطور اللاعب الفردي (ممل ، بس ويش اسوي)........

والجميل في كثرة الشخصيات ، فهناك 32 شخصية ( 16 اناث ، 16 ذكور ) ، فيكون هناك امل كبير ان تكون شخصياتك مختلفة عن شخصيات منافسك فتزيد المتعة ، مثلا في لعبة جولدن سن يكون عندك 4 شخصيات ومنافسك يكون عنده نفس الشخصيات فتروح المتعة بهذي الطريقة......

انتظر آرائكم في اللعبة يا شباب :ciao:

شكرا :)

[فاضل711]

مبرووووووووووك أنا شريتها بعد


المشكلة أنا عندي جيم بوي واحد و عندي أخوي الصغير ما نقدر نلعب 2 player الا لو عندنا 2 جيم بوي و كيبلات !

حركة وصخة من ننتندو (يعني ما يراعون شعور الناس؟!)

[darkitp]

الخسارة أنها ما طلعت على الــ PS2

[كابتن السفينة]

مبرووووووووووك أنا شريتها بعد


المشكلة أنا عندي جيم بوي واحد و عندي أخوي الصغير ما نقدر نلعب 2 player الا لو عندنا 2 جيم بوي و كيبلات !

حركة وصخة من ننتندو (يعني ما يراعون شعور الناس؟!)
الله يبارك فيك :)

اما انا فالتحكم بالجيم بوي من الايجابيات عندي ، لان عندنا جهاز تحكم واحد ، وثلاث جيم بويات ، يعني علي اشتري الكيبلات بس ;)


darkitp
اشتري الكيوب ، وريح نفسك ;)

[RAUL 7]

الحين سؤال .. اللعبة ما أقدر العبها الا عن طريق الأدفانس و الا كيف ?


و مبرووك اللعبة خيوو :)

[فاضل711]

زين يا شباب أنا ما أقدر ألعب بالطور الجماعي و أقدر ألعب بالطور الsingle player هل في هذا الطور أقدر ألعب بروحي مع 3 شخصيات ألقاهم في الطريق ولا طول المغامرة بروحي!؟

[QataR NighTMarE]

مبروك اخوي

[Yoshi SD]

الخسارة أنها ما طلعت على الــ PS2

أصلاً حتى لو بغوا يطلعونها ما يقدرون...

ومبروك عليك اللعبة...

وأنا عندي نفس المشكلة وهي أن ما فيه أحد يلعب معي غير أخوي...

[Golden_Sun]

واو .. مبروك كابتين ^^ ..

شكلها رائعه .. متحمس لها كثير
احتمال اليوم اشتريها او خلال هالإسبوع :D

[فاضل711]

أشوف مافي رد على آخر رد لي في الموضوع

[Golden_Sun]

زين يا شباب أنا ما أقدر ألعب بالطور الجماعي و أقدر ألعب بالطور الsingle player هل في هذا الطور أقدر ألعب بروحي مع 3 شخصيات ألقاهم في الطريق ولا طول المغامرة بروحي!؟

على حد علمي .. لأ

[كابتن السفينة]

أشوف مافي رد على آخر رد لي في الموضوع
اسف على التأخير

RAUL 7
الله يبارك فيك :)
اذا كنت بمفردك ، تقدر تلعبها بجهاز تحكم للكيوب ، واذا كنت لاعبين او اكثر لازم تستخدم الجيم بوي

فاضل711
ما تقدر تلعب الا بشخصية واحدة ، وما بتلتقي بشخصيات غير ، بس لكنك تقدر تكون ثمانية شخصيات وتختار واحد منهم لتلعبه في مرحلة معينة

ولد البوكواره
الله يبارك في حياتك اخوي :)

Yoshi SD
الله يبارك فيك :)
الاحظ هذي المشكلة عند الكثيرين :33: ، لو خلوه اختياري بالجيم بوي او جهاز تحكم كان احسن

Golden_Sun
الله يبارك فيك :)
ليش خلال هذا الاسبوع ؟ المفروض اليوم. :tongue2:

[Super Shadow]

أخوي

أنت الحين فاضي تروح من عمان ألين العين عشان لعبة :bigeyes:

ليش ما خبرتي :mad: عشان أجهزلك الميلس و ترقد عندنا و ترتاح :09:

من أي محل اشتريتها ؟؟؟؟؟

أكيد من مركز كابول للتجارة و الاستيراد

صح ولا لأ ^_^؟؟

عموما مبروك :biggthump

أنا اشتريت اللعبة

المشكلة أن التحكم صعب قليلا :أفكر:

أنا ما فاهم ايش المشكلة اذا خلوا اللعب الجماعي بيد تحكم الجيم كيوب

أخ كابتن السفينة

أنا عندي جهازين للجيم بوي

ايش الي ناقصني عشان ألعب لعب جماعي ؟

[كابتن السفينة]

أنت الحين فاضي تروح من عمان ألين العين عشان لعبة
صحيح يا سوبر شادو.....رحت عشان اللعبة فقط ، لاني ما اقدر اجلها اكثر بسبب المدرسة :p



ليش ما خبرتي عشان أجهزلك الميلس و ترقد عندنا و ترتاح
احسنت ومشكور ، كنت ناوي حقا اخبرك ، قلت يمكن التقيك هناك :)




من أي محل اشتريتها ؟؟؟؟؟

أكيد من مركز كابول للتجارة و الاستيراد

صح ولا لأ ^_^؟؟

عموما مبروك
الله يبارك فيك :D

اكيد من كابول من عند نور ، لانه افضل محل لقيته في الامارات ;)



أخ كابتن السفينة

أنا عندي جهازين للجيم بوي

ايش الي ناقصني عشان ألعب لعب جماعي ؟
ما فهمت عليك تمام ، اذا كنت تقصد انه عندك جهازين جيم بوي ، فانه عليك تشتري 2 كيبل الخاص للتوصيل بين الكيوب والجيم بوي ، وتخرج جهاز التحكم من الكيوب لانه ما منه فايدة في اللعب الجماعي ، وتوصل الجيم بويين بالكيوب ، الجيم في الفتحة الاولى هو بيكون بمثابة جهاز تحكم رئيسي ، شغل الجيم بويين وبعدين الكيوب ، بيتأخر الجيم بوي شوي حتى يستجيب للكيوب لازم تصبر شوي .

اتمنى اني افدتك




نسيت اقولكم شباب ، اعتقد انه بالامكان اللعب بثمانية لاعبين في نفس الوقت في طور اللعب الجماعي ، انت وسبعة من اصحابك ...

[كابتن السفينة]

نسيت اقولكم شباب ، اعتقد انه بالامكان اللعب بثمانية لاعبين في نفس الوقت في طور اللعب الجماعي ، انت وسبعة من اصحابك ...
خرفت شوي.....اصلا مكتوب في الغلاف من 1-4 بلاير :أفكر:

[Super Shadow]

مشكور

الي أحتاجه بس

كابلين حق التوصين

بس

في أشرطة لازم أركبها للجيم بوي عشان أقدر ألعب لعب جماعي على الجيم كيوب ؟

ولا بس جهازين جيم بوي و كابلين التوصيل؟

[كابتن السفينة]

لا.... ما يحتاج اشرطة ، كابلين بس :)

[ka1hn]

انا اشتريتها ولعبتها حلوه مررررررررررررررررررررررررره

ولعبتها multi player لعبه جباره

قمة الأبداع

[Prozac]

شباب ابي مساعده في مرحله المشروم وبعدين كيف اطور اسلحه وعندي اشياء كثيره مااعرف استخدمها :06:

[كابتن السفينة]

شباب ابي مساعده في مرحله المشروم وبعدين كيف اطور اسلحه وعندي اشياء كثيره مااعرف استخدمها
وين علقت في المرحلة بالضبط؟

[Prozac]

اول شي انا في الخريطه الثانيه طبعا ماادري كيف دخلتها وابي ارجع وماادري كيف . مرحله المشروم ابيك تشرح لى من البدايه . انا خلصت المنجم ..... انتظرك ويعطيك العافيه :)

[كابتن السفينة]

اول شي انا في الخريطه الثانيه طبعا ماادري كيف دخلتها وابي ارجع وماادري كيف . مرحله المشروم ابيك تشرح لى من البدايه . انا خلصت المنجم ..... انتظرك ويعطيك العافيه
Prozac
لازم اول شي في الخريطة روح عند الباب اللي يرجعك للخريطة الاولى ، لا تدخل الباب ابقى في الخريطة...
شوف نوع الكريستال اللي يحتاجه عشان تدخل ( يظهر في دائرة ) ، مثلا لو كان water ، روح فوق واحد من المراحل اللي خلصتها ، اذا شفت رمز water ، اضغط A ، ثم اختر water ، وبعدها ارجع الى الباب وادخله ، الwater مثال من عندي ، ممكن يكون fire او wind....

مرحلة المشروم بشرحها لك بكرة ان شاء الله ، عشان بسوي عليه مسح ....

[كابتن السفينة]

رسمت خريطة تقريبية للمرحلة :

بتشوف كاتب طريق سري ، يوديك الى ثلاث صناديق، ما متأكد انه موجود عندك ، لاني انهيت هذا المرحلة واتغيرت شوي الحين...

طبعا هناك الكثير من الصناديق بس ما وضحتها في الخريطة...

http://sharlokholmz.jeeran.com/map2.gif

اتمنى اني افدتك ، واذا عندك اي سؤال انا جاهز :)

[Super Shadow]

أخوي كابتن السفينة

الصراحة اللعبة ممتعة مرة

بس

أنا علقت في مكان

بعد ما تركب السفينة و تروح حق الطرف الثاني

في خريطة

ما أذكر كيف كانت mad:

المهم

فيه باب ما أعرف أي نوع من الكريستالة هم طالبين mad:

أنا دخلته

كل ما أحاول أعبره

الرياح تدفعنا mad:

ما أدري ليش ما أقدر أعبر mad:

[كابتن السفينة]

مممممممممممممممم :33:

انا بعدني ما ركبت السفينة ...رجعت لمرحلة المشروم مرة ثانية ، وما قدرت اهزم الزعيم

هناك زعماء ما قدرت اهزهم لاني العب بالطور الفردي ... صعب جدا >_<

اخواني ما يلعبوا معاي :02:

[كابتن السفينة]

super_shadow11

ركبت السفينة ، الحين في مرحلة التنين ( شبه مستحيل اهزم الزعيم وحدي :bawling: )

الباب يحتاج الكريستالة الصخرية عندي...مادري اذا عندك نفس الشيء :06:

المشكلة اني بطيء بسبب الثانوية العامة :blackeye:

[SkaveN]

مبروك^^
بس بصراحة ما فهت طريقة اللعب :31:
يعني العب على الجيم بوي ؟!
يعني افرض انا ما عندي جيم بوي خلاص اللعبة ما تشتغل عندي ؟ :09:
و كيف اسلوبها؟ يعني الماجيك و الابيليتيز تجي بيزايدة اللفلات ولا كيف
مع العلم ان عندي جهازين ادفانس من غير كيبلات >_<

[Golden_Sun]

مبروك^^
بس بصراحة ما فهت طريقة اللعب :31:
يعني العب على الجيم بوي ؟!
يعني افرض انا ما عندي جيم بوي خلاص اللعبة ما تشتغل عندي ؟ :09:
و كيف اسلوبها؟ يعني الماجيك و الابيليتيز تجي بيزايدة اللفلات ولا كيف
مع العلم ان عندي جهازين ادفانس من غير كيبلات >_<

طريقه اللعب: اكشن أربيجي ..
انت تتحكم بشخصية تختارها انت من اربع فصائل مختلفين عن بعض لكل فصيله مميزات ونقاط ضعف
تبدأ بدينك Tipa وعليك انت كأحد افضل فرسان المدينة ان تذهب في رحلة عن طريق الCaravan او العربه لملئ السله بماء سحري من اشجار معينه وعليك ان تكرر هالحركة كل سنه لتملئ كرستالة المدينة بهذا الماء وصد الغاز القاتل المنتشر بالعالم كله ... تبدأ انت تدخل المراحل وتقاتل كأي لعبة اكشن اربيجي ضرب ، دفاع ، سحر ..
الجديد ان لا يوجد لفل للشخصيات في المراحل هناك اداوات خاصه تجمعها من الصناديق او الوحوش وفي نهاية المرحلة او الدنجن بعد قتل الزعيم .. تختار واحدة منهم ولكل واحدة فائدة

منهم من يزيد الDefense او الMagic او يعطيك قلب لزيادة الHP وغيرها ..
الماجيك طريقتها ان عند قتل الوحوش تحصل على بعض الصخور الخاصة بتعليم الماجيك مثلاً Stone of Fire تعلمك سحر الFire تستخدمها طوال المرحله لعدد لا نهائي من المرات .. لا يوجد MP لكن بعد الإنتهاء من المرحلة تختفي الصخره ولازم في المنطقه او المرحلة القادمة تبحث عن غيرها ..

لو اخذت اداة نادرة مثل Fire Ring مثلاً وتنهي المنطقه ستتمكن من تعلم Fire بشكل دائم لو اخترتها من بين الادوات المهمه التي قمت بتجميعهم بالمنطقه ..

واللعب الفردي تعلب فيه عن طريق يدة تحكم الجيم كيوب العادي ..
فقط في طور تعدد اللاعبين تستخدم الجيم بوي ادفانس بدل يدة الجيم كيوب
حيث ان تحكم الجيم بوي ادفانس = تحكم يدة الجيم كيوب

زر Z,C,Y & X مالهم فايدة في الطور الفردي ماعدا X & Y لتحكم بالموجل (وهو غير موجود بالطور الجماعي) و الاخرى لإظهار القائمة وتم تبديلها بالجيم بوي إلى Select

اي سؤال اخر ؟
واللعبة راح تمل منها لو كنت لوحدك اما الطور الجماعي فهو ممتع جداً :)

[كابتن السفينة]

Brick Game

الله يبارك فيك ^_^

اما عن اللعبة......


سبقني جولدن سن :tongue2:

[SkaveN]

طريقه اللعب: اكشن أربيجي ..
انت تتحكم بشخصية تختارها انت من اربع فصائل مختلفين عن بعض لكل فصيله مميزات ونقاط ضعف
تبدأ بدينك Tipa وعليك انت كأحد افضل فرسان المدينة ان تذهب في رحلة عن طريق الCaravan او العربه لملئ السله بماء سحري من اشجار معينه وعليك ان تكرر هالحركة كل سنه لتملئ كرستالة المدينة بهذا الماء وصد الغاز القاتل المنتشر بالعالم كله ... تبدأ انت تدخل المراحل وتقاتل كأي لعبة اكشن اربيجي ضرب ، دفاع ، سحر ..
الجديد ان لا يوجد لفل للشخصيات في المراحل هناك اداوات خاصه تجمعها من الصناديق او الوحوش وفي نهاية المرحلة او الدنجن بعد قتل الزعيم .. تختار واحدة منهم ولكل واحدة فائدة

منهم من يزيد الDefense او الMagic او يعطيك قلب لزيادة الHP وغيرها ..
الماجيك طريقتها ان عند قتل الوحوش تحصل على بعض الصخور الخاصة بتعليم الماجيك مثلاً Stone of Fire تعلمك سحر الFire تستخدمها طوال المرحله لعدد لا نهائي من المرات .. لا يوجد MP لكن بعد الإنتهاء من المرحلة تختفي الصخره ولازم في المنطقه او المرحلة القادمة تبحث عن غيرها ..

لو اخذت اداة نادرة مثل Fire Ring مثلاً وتنهي المنطقه ستتمكن من تعلم Fire بشكل دائم لو اخترتها من بين الادوات المهمه التي قمت بتجميعهم بالمنطقه ..

واللعب الفردي تعلب فيه عن طريق يدة تحكم الجيم كيوب العادي ..
فقط في طور تعدد اللاعبين تستخدم الجيم بوي ادفانس بدل يدة الجيم كيوب
حيث ان تحكم الجيم بوي ادفانس = تحكم يدة الجيم كيوب

زر Z,C,Y & X مالهم فايدة في الطور الفردي ماعدا X & Y لتحكم بالموجل (وهو غير موجود بالطور الجماعي) و الاخرى لإظهار القائمة وتم تبديلها بالجيم بوي إلى Select

اي سؤال اخر ؟
واللعبة راح تمل منها لو كنت لوحدك اما الطور الجماعي فهو ممتع جداً :)

مشكور على الرد
الا بغيت اسأل عن القصة بعد...

لملئ السله بماء سحري من اشجار معينه وعليك ان تكرر هالحركة كل سنه لتملئ كرستالة المدينة بهذا الماء وصد الغاز القاتل المنتشر بالعالم كله

هذي هي ؟! :bigeyes:
و عندي سؤال اخير...تنصحني اخذها ؟ :)

[Golden_Sun]

مشكور على الرد
الا بغيت اسأل عن القصة بعد...


هذي هي ؟! :bigeyes:
و عندي سؤال اخير...تنصحني اخذها ؟ :)

lol :09:
لحد الأن هذة القصة من البداية .. لكن فيه قصص فرعيه كثيره :)

انصحك فيها لو كان عندك اصدقاء تقدر تلعب معاهم ^^
اما لو كنت لوحدك .. همم يعتمد عليك @@..

[link64]

1-وي انا عندي اثنين جيم بوي لكن الثانية بدون قيبل هل اذا استخدمة قيبل وركبت الاثنتين هل اقدر العب طور تعدد الاعبين
بلاعبين فقط والله لازم اربع جيم بوي عشان العب بطور تعدد الاعبين
2-يه استفسار:-
انا قريت خبر ان باستطاعتك استخدم جيم بوي واحد تسيطيع العب بايدي تحكم حق الجيم كيوب وذكره موقع IGN وما زبط معي هل تعرف الطريقة وشكرا

[كابتن السفينة]

الا بغيت اسأل عن القصة بعد...
اقتباس:
لملئ السله بماء سحري من اشجار معينه وعليك ان تكرر هالحركة كل سنه لتملئ كرستالة المدينة بهذا الماء وصد الغاز القاتل المنتشر بالعالم كله

هذي هي ؟!
و عندي سؤال اخير...تنصحني اخذها ؟
هناك قصص فرعية مثل ما قال جولدن سن....

اذا كان عندك اصحاب عندهم جيم بوي...فأنصحك بشدة تشتريها ، فهي ممتعة جدا :)

اذا كنت وحدك....
ما نصحك...لان المراحل القادمة صعبة جدا ، وما تقدر بنفسك تنهيها ، وما تقدر تسوي easy مثلا :(
وبعدها بتكون مملة شوي



1-وي انا عندي اثنين جيم بوي لكن الثانية بدون قيبل هل اذا استخدمة قيبل وركبت الاثنتين هل اقدر العب طور تعدد الاعبين
بلاعبين فقط والله لازم اربع جيم بوي عشان العب بطور تعدد الاعبين
2-يه استفسار:-
انا قريت خبر ان باستطاعتك استخدم جيم بوي واحد تسيطيع العب بايدي تحكم حق الجيم كيوب وذكره موقع IGN وما زبط معي هل تعرف الطريقة وشكرا
1- تقدر تلعب 2 جيم بوي او 3 او 4 .... مو لازم يكون اربع :)

2- اذا كنت تقصد انك تلعب بجيم بوي واحد بدل جهاز تحكم تراني ما جربت هذي الطريقة :06:

[kirby64]

مبروك عليك كابتن <----بدري :tongue2:

طور اللعب الفردي حلو لكنه صعب ((خصوصاً اني مو متعوده على طريقه التحكم اذكر مره كنت احاول اقتل وحش و قعدت سنه ولا قدرت الين ما اكتشفت اني كنت اسوي له Cure :blackeye: ))

2- اذا كنت تقصد انك تلعب بجيم بوي واحد بدل جهاز تحكم تراني ما جربت هذي الطريقة
انا جربتها ...تقدر تلعب بالجيم بوي واحد بدال اليد العاديه الفرق هو ان بتطلع لك الخريطه على شاشه الجيم بوي..

[كابتن السفينة]

kirby64

الله يبارك فيج :)
تراني من زمان شاري اللعبة.... :أفكر:


انا جربتها ...تقدر تلعب بالجيم بوي واحد بدال اليد العاديه الفرق هو ان بتطلع لك الخريطه على شاشه الجيم بوي..
مممممممممممم :33:

بس احسن بجهاز تحكم الكيوب :biggthump

[Golden_Sun]

من الأشياء المضحكه في الMultiplayer mode
لما تدخل احد المدن وتكلم شخص ويجي لاعب ثاني ويكلم نفس الشخص يرد عليه بإسلوب مضحك احياناً .. كتصريفه :09:
"I'm busy now!"
"wait a moment, please"

وجربت Mini Game عباره عن سباق بالكرفانات ..
اللعبة تشبه بالرسم ماريو كارت على الأدفانس .. لكن الشي المزعج عند اي منعطف تطلع خارج الحلبه بسرعه @@

لكن الشي الجيد تقدر تستخدم سحر مثل Blizzard, Fire or Thunder على باقي اللاعبين :D
وعند التقاطك لفاكهة ملقاه على الأرض راح تزيد من سرعتك ^^


Kirby64
مبروك كيربي على اللعبة ^^


link64
اذا كنت تقصد الحيله انك تلعب بأربع لاعبين لكن من خلال وصلة واحدة .. شفتها مرة لكن ما جربتها واعتقد غير مفيده
لأن قائمة اللعبه تظهر على شاشة الجيم بوي ادفانس في طور تعدد اللاعبين .. لو استخدم الحيله كيف تقدر تغير الماجيك او السلاح او تستخدم الادوات ؟ :06:

[كابتن السفينة]

وجربت Mini Game عباره عن سباق بالكرفانات ..
اللعبة تشبه بالرسم ماريو كارت على الأدفانس .. لكن الشي المزعج عند اي منعطف تطلع خارج الحلبه بسرعه @@

لكن الشي الجيد تقدر تستخدم سحر مثل Blizzard, Fire or Thunder على باقي اللاعبين
وعند التقاطك لفاكهة ملقاه على الأرض راح تزيد من سرعتك ^^
توقعت تكون سخيفة :wow:

لكن باين عليها حلوة.....بس مع من اجربها :argh: ؟

[Super Shadow]

توقعت تكون سخيفة :wow:

لكن باين عليها حلوة.....بس مع من اجربها :argh: ؟

أخوي

اللعبة سخيفة :mad:

لا تتعب نفسك

و بعدين

أنا عندي سؤال

أنا وصلت مرحلة الصحراء الي في الجزيرة

أنا علقت فيها

ما عرفت وين لازم أروح :mad:

[كابتن السفينة]

super_shadow11

اي جزيرة...؟؟ :bigeyes:

الظاهر انك سبقتني بكثير.. :أفكر:
انا بطيء لاني العب وحدي.......وبعد بسبب الدراسة :blackeye:

ان شاء الله سيجيب احد الاعضاء على سؤالك :biggthump

[ab3ad]

احم احم السلام عليكم


شباب حبيت انوه على نقاط مهم في طيور الملتي بلاير

انو اذا سويت حركه fire وخويك سوى حركه fire وحطيتهوا في نفس المكان خل خويك يسويها قبلك
وانت انتظر شوي لمده معينه تقريبا ثانيه وسوها راح يطلع معك firaga على ماعتقد تكتب كذا :06:

والحال مع جميع الحركات

بس الي قاهرني شي واحد
ليش ماقدر ادمج الماجيك في طور الملتي بلاير يعني لازم يكون معي خويي علشان يسويها معي
ولا غير كذا مايجي

:12:


تحياتي لكم

ابعاد

[كابتن السفينة]

ابعاد

ليش ما تقدر ؟؟؟؟

على ما اظن انك تقدر تدمج الماجيك ، بس في شاشة الجيم بوي.....ما متأكد لاني لعبت شوية بالملتي بلاير

[Golden_Sun]

أبعاد ..


بس الي قاهرني شي واحد
ليش ماقدر ادمج الماجيك في طور الملتي بلاير يعني لازم يكون معي خويي علشان يسويها معي
ولا غير كذا مايجي

علشان تحس بمتعه الMultiplayer mode :cool:

لأنك لو تاخذها كنسب بتكون صعبه انك تدمج السحر بنفسك في طور تعدد اللاعبين لأن لكل شخصية عدد قليل من الCommand Slot وبنهاية كل منطقه تاخذه واحدة وما تقدر تاخذ بعدها الا بفترة لأن الكل يبي يزيد الCommand Slot حق شخصيته .. :tongue2:
اما لو لعبت لوحدك كل مرة تزيد الCommand Slot وتدمج على كيفك محد يضايقك !

ولا تنسى انك لو دمجت Fire + Fire + Fire في الSingle mode يعني انك راح تتخلى عن ثلاث مساحات لسحر واحد قوي ..
اما طور تعدد اللاعبين كل واحد يضع Fire وبالفراغات الثانية يضع ما يريد من سحر ، ادوات ، اسلحة .. ويكون اللعب جماعي :D

[ab3ad]

كابتن السفينة: انا متاكد انو في الملتي بلاير مافيه دمج في شاشه الادفنس :06:



Golden_Sun: :06: الحين اذا ماصرا فيه دمج صار احلى في الملتي بلير
؟؟؟؟؟؟؟؟
وربي مايصلح يعني تجلس نص ساعه وانت تحاول تسوي الحركه مع خويك لين تطلع صح ؟؟؟ :o
وبعدين الCommand Slot ماتنقص في طور المالتي بلاير يعني تكون نفس العدد
والبالنسبه للتريزر الي تلقاهم وتاخذهم مره ماتقدر تاخذهم مره ثانيه يعني فيه اكثر من نوع من التريزر يزود الCommand Slot

تحياتي لك
ابعاد

[كابتن السفينة]

كابتن السفينة: انا متاكد انو في الملتي بلاير مافيه دمج في شاشه الادفنس
انا تأكدت اليوم...ما يصير تدمج...


وبعدين الCommand Slot ماتنقص في طور المالتي بلاير يعني تكون نفس العدد
اذا كنت تقصد الضربات مثل فاير وغيره...فهو ما ينقص ، ونفس الشي في السينجل بلاير

عندي نصيحة للي عنده الItems مليان :)

احذف الdesign اللي ما يناسب نوع شخصيتك ، فما منه فايدة..

مثلا...نوع شخصيتي Selkies (ذكر) ، بحذف كل ال design اللي ما تناسبه مثل Yukes وغيره...

واحذف ال Favorites اللي ما تحبها شخصيتك



بس انا لين الحين ما عرفت فايدة البذور :06:

[zanon te devil]

السلام عليكم ورحمة الله وبركاته ...
احب اول شي اشكر الله على ان اللعبة لم تصدر على البلاي ستيشن بل صدرت على جهاز الكيوب المحبوب لدينا جميعا ...المهم .
بالنسبة للشخص الي سأل عن منطقة الصحراء فصراحة هي مرحلة صعبة جداً وخاصة الطيور الشرسة الموجودة هناك ..كبداية قم بهزيمة جميع الوحوش في المنطقة ، لاتحاول تروح بعيد وتخليهم يلحقونك اقتلهم واحد واحد بالبطئ وخاصة انهم ضعاف جداً لكن عددهم كبير واحياناً يدعمهم طير كبير بقوة رهيبة ويخوف ، بعد ماتخلص المنطقة بالكامل المفروض يكون عندك 3 احجار Blizzard حتى يصير عندك Blizzaga ولمى تشوف نفسك خلصت المنطقة ونظفتها من الوحوش تماماً ( المنطقة على شكل مربع تقريباً ) روح لأقصى الجنوب الغربي وامشي شوي فوق بتشوف طريق امشي فيه شوي وراح يطلع لك كم وحش غبي يستخدمون Slow اهزمهم و ادخل الكهف الصغير الموجود بنهاية الممر وراح تشوف زر اضغطه وادخل المكان الي هو عبارة عن بيت موجل Moggle خذ الطابع واطلع وارجع للمنطقة الرئيسية الي هي المربع وامشي بحدود المنطقة إلى ان تجد مفرغ ادخله ، الحين الطريق عادي بس في نوعية من الوحوش مزعجة شوي وهي السناجب احرص انك تهزمها اول شي وبعدين تقاتل النوع الي بأطراف حادة ، الحين لازم تتأكد ان عندك Blizzaga لأن الزعيم فعلاً قوي ولازم تتأكد بعد ان عندك Cure لأن مافي الا حجر واحد منها بس في المرحلة كلها ، راح تشوفه في القسم الأول من المرحلة في الجهة اليمنية الوسطى -اقصى اليمين- المهم بعد ماتوصل للقسم الثالث ( القسم الأول اذا اتخطيته معناه انك خلصت المرحلة لأنه اصعب شي ) بتشوف تفرعين واحد شرقي والثاني جنوبي لاتاخذ الشرقي لأنه فيه وحوش وخرابيط وفي النهاية مافيه حتى صندوق واحد لكن خذ الجنوبي بتنزل لمكان فيه وحوش سامة اهزمها وتأكد قبل لاتهزمها ان عندك Blizzaga لأنك بمجرد ان تقتل 9 منهم راح يطلع زعيم المرحلة واهم شي في هالمعركة انك تهزم الوحش السام بسرعة وتبتعد قدر المستطاع عن الزعيم ولاتهاجمه بغير الـ Blizzaga لأنه ماراح يتأثر إلا قليل واحرص دائماً على أنه يكون عند قدرة Cure و دواء Pheonix down مجهز في ال Comandslots عشان لو قتلك الزعيم ماتخسر المعركة والحين وبتقديري للوقت الي راح تاخذ انت في المرحلة فهو ساعة كاملة تقريباً لأني اخذت ساعتين وربع عشان انهيها ( المرحلة ) ..
عندي سؤال مهم ابي اطرحه وهو هل تعتقدون ان القصة راح تخليك تقاتل جنبا لجنب مع الdark night ؟؟؟ وهل في احداث وقصص جانبية كثيرة لأني بديت اتعب من كثر التدوير ففي المراحل وتقتيل الوحوش وعموماً أنا الحين في السنة السادسة وبالنسبة لي اسهل مرحلة هي مرحة الوحش الي متهاوش مع زوجته :09:
ارجو اني اكون أفدتك اخي واذا تبي رسم توضيحي للمرحلة فأنا حاضر وفي الخدمة .

[Golden_Sun]

أبعاد ..
لكن ما تحصل اداتين تزيد الCommand Slot بمنطقه واحده لأن نادر ما تحدث وإن حدث بتكون انت اصلاً اخذت وحده منهم من قبل فراح تكون الأداة الثانية للاعب الأخر وبجذيه تتوزع على جميع الشخصيات
يعني انك ما تحصل على command slot كثيره بوقت قصير !! بل طويل و وقتها بتكون عرفت كيف تدمج مع باقي اللاعبين ^^
تقدر تعمل Firaga من سحرين Fire فقط :)


كابتين ..
بالنسبة لي كل شي له فايده في الMultiplayer mode :tongue2:
صحيح احنا 3 لاعبين لكن انا لي شخصيتين :09:
وسامحني صرت ملقوف زيادة عن اللزوم في الرد على الموضوع لكني ادمنت كرستال كرونيكلز

zanon te devil
واو .. شرح رائع o.O
مشكور اخوي ^^ وراح يفيديني في المستقبل ..
خصوصاً اني للآن في السنه الرابعه ^^
لكن عن سؤالك بخصوص الBlack Knight ما اعتقد لأنك تلعب وحدك فقط :33:

[كابتن السفينة]

بالنسبة لي كل شي له فايده في الMultiplayer mode
نسيت اقول اني اقصد في السنجل بلاير :) ، وكل شخصية له Items مختلف..



وسامحني صرت ملقوف زيادة عن اللزوم في الرد على الموضوع لكني ادمنت كرستال كرونيكلز
لا لا لا ....عاااااادي....خذ راحتك ردودك منور الموضوع ، وبعدك انت تساعد الاعضاء :biggthump


zanon te devil
شكرا على شرحك المفصل :)

لكنك خوفتني...احس اني ما بنهي مرحلة الصحراء :afraid:

[كابتن السفينة]

بالنسبة لي كل شي له فايده في الMultiplayer mode
نسيت اقول اني اقصد في السنجل بلاير :) ، وكل شخصية له Items مختلف..



وسامحني صرت ملقوف زيادة عن اللزوم في الرد على الموضوع لكني ادمنت كرستال كرونيكلز
لا لا لا ....عاااااادي....خذ راحتك ردودك منور الموضوع ، وبعدك انت تساعد الاعضاء :biggthump


zanon te devil
شكرا على شرحك المفصل :)

لكنك خوفتني...احس اني ما بنهي مرحلة الصحراء :afraid:

[ab3ad]

كابتن السفينه ؛ مشكوووووور على النصيحه :biggthump



Golden_Sun: التريزر في الملتي بلاير زي السنقل بلاير
يعني كل اللعابين يقدرون ياخذون نفس التريزر عند نهايه المرحله عن طريق لعب المرحله مره ثانيه
وبكذا راح تجمع الCommand Slot بسرعه زي السنقل بلاير :أفكر:

[كابتن السفينة]

ابعاد..العفو :)


بس يا جماعة....

ما عرفت فايدة اكياس السيلفر والكريستال وغيرها.... :31:

[ab3ad]

كابنت السفينه/ الاكياس هذي تفيدك في تصنيع بعض الاسلحه يعني مهمه
لاترميها :reporter:


تحياتي لك
ابعاد

[كابتن السفينة]

كابنت السفينه/ الاكياس هذي تفيدك في تصنيع بعض الاسلحه يعني مهمه
لاترميها
للاسف ردك متأخر

بعت كل الاكياس اللي معاي :tongue2:

على الاقل حصلت ارباح

[ab3ad]

:blackeye: خيرها باحسن منها تقدر تشتريهم

الحين انا في السنه الثالثه ادري قديم توني ماخذ الرنق حق الثندر

:33:

[Super Shadow]

zanon te devil

أشكرك جدا على المساعدة :biggthump

و أشكر الأخ كابتن السفينة للارساله رسالة خاصة

و تبليغي بالحل و شكرا :ciao:

[كابتن السفينة]

super_shadow11
العفو.. :)


الحين انا في السنة الرابعة...لاتلوموني تراني العب بسنجل بلاير >_<

على الاقل قوة تحمل شخصيتي كبيرة ، وهذا اللي خلاني اقدر اكمل :)

[Golden_Sun]

super_shadow11
العفو.. :)


الحين انا في السنة الرابعة...لاتلوموني تراني العب بسنجل بلاير >_<

على الاقل قوة تحمل شخصيتي كبيرة ، وهذا اللي خلاني اقدر اكمل :)

لو واجهت صعوبه في بعض المناطق تقدر ترجع لأول الناطق وتدرب فيها شخصياتك ^^ ..
لكن روح قبل لا ترجع الشجرة لأن لو ارجعت الوحوش بكونون اقوى :09:



ab3ad
راحت عن بالي فكرة لعبة المرحلة مرة ثانية :33:

[ab3ad]

Golden_Sun: :wow: اجل انت كيف كنت تطور شخصيتك؟؟؟؟


كابتن السفينه: مثلي انا الحين في السنه الرابعه مو لاني بطيئ لاني اعيد المراحل كم مره لين احصل كل الترسيسر الي فيها

الحين اننا عندي ثاندر رنج وفاير رنج :)


على فكره فيه منطقه خااااصه بالياكيس المدينه على ماعتقد اسمها شالا هذي فيها اايتم حلو واكسسوري
هنا تستخدم فيها الاكياس الي بعتها :D

تحياتي لكم

ابعاد

[wario2002]

اخوي zanon te devil اظن مافي احد بيساعدني غيرك........ انا وصلت لمكان في فف كك ولا عرفت اكمل الطريق....... وابشرح لك كلمه كلمه...
==========================================================
انا وصلت بعيد في فف كك وماعرفت وين اروح.....

مع العلم اني وصلت بعيد مره ، ولعبت كل الدنجن( دنجن= المكان الي فيه زعيم واذا فزت عليه تعبي الشاليس)

وفي واحد اسمه DE nam كان يرسل رسايل كل مااخلص من دنجن ، وآخر رساله كانت له كانت رسالة استغاثه....

ومكتوب فيها كلام وناقص فيه بعض الحروف ، المهم عرفت وش هي الحروف وعرفت ان انحصر في مكان اسمهconall currach

ورحت لهذا المكان ومابقيت مكان الا ورحت له ، ومالقيت شي عن هذا الشخص....... ، بس لقيت شي اسمه worn bandanna وهي عباره عن ربطه مكتوب فيها DE nam يعني هذي الربطه حقت الرجال الي ادور عليه....

والله تعبت وانا ادور في العالم........ انا الحين في السنه 11 وكل دنجن لعبته اكثر من مرتين...

والميموريز 102 والهجوم والدفاع والسحر كلها اكثر من 60 ومعي سلاح اسمه legend weapon<== دليل على اني وصلت بعيد :09:
=========================================================
هذي كل شي اقدر اقوله...... ان شاء الله تعطيني الحل بأسرع وقت.

[Super Shadow]

أنا الحين في السنة الثامنة

أنا يمكن مخلص كل المراحل

بس

الشي الي يعقني

هو الباب الي ما محددين عليه نوع الكريستالة المطلوبة و محطين عليه علامة استفهام؟ :06:

هذا الي يحيرني :mad:

[كابتن السفينة]

يا شباب...

لا تترجوا مني الجواب.....تراني في السنة الرابعة..

اعتقد ان الوحيد اللي يقدر يساعدكم هو الاخ zanon te devil

رسلت له رسالة خاصة اخبره عنكم بس بعده ما رد :31:


صبرا يا شباب صبرا :)

[wario2002]

اخيرا عرفت الحل......... وعلى فكره يااخوان تراني بنهاية الشريط........ الي يبي يسألني اي سؤال يسأل:).

[كابتن السفينة]

اخيرا عرفت الحل......... وعلى فكره يااخوان تراني بنهاية الشريط........ الي يبي يسألني اي سؤال يسأل.
مبرووووووووووووووووك واريو :jester:

اكيد انا بعلق في اي مكان فانتظر سؤالي ;)


اعتقد هناك تحدي بينك وبين سوبر شادو...وانت فزت عليه :)

سوبر شادو فرصة ثانية ان شاء الله :biggthump

[zanon te devil]

السلام عليكم ورحمة الله وبركاته...
ما ادري وش أقول توني بس موصل السنة العاشرة بعد مارديت اخر رد بثلاث ساعات إلا واحترق محول الجيم كيوب وانا الحين انتظر المحول اليديد ، انتظروا يوصل بس وراح اكتب لكم حل كامل عن اللعبة عما قريب ..


اعتذاري للأخوان الي ماقدرت البي طلباتهم
Zanon te devil

[Super Shadow]

نفس ما قلت في الرد السابق

أنا عالق

في باب في الخريطة ما أقدر أعبره

و ما محددين فيه نوع الكريستالة المطلوبة و محطوط علامة استفهام

[wario2002]

هلا سوبر شادو

الحل عندي وهو:

لازم ترجع لـLynari Desert الصحراء الي تلقى فيها كاكتور والطيور والعقارب......... المهم في 5 مهمات لازم تسويها في هذا المكان ، واذا سويتها بالترتيب بتعرف الحل...........

تفضل خريطه تشرح لك كل المهمات وبالترتيب
http://db.gamefaqs.com/console/gamecube/file/final_fantasy_crystal_chronicles_lynari.gif

واذا لقيت صعوبه في فهم المهمات فلا تتردد بالسؤال:).

[Super Shadow]

مبرووووووووووووووووك واريو :jester:

اكيد انا بعلق في اي مكان فانتظر سؤالي ;)


اعتقد هناك تحدي بينك وبين سوبر شادو...وانت فزت عليه :)

سوبر شادو فرصة ثانية ان شاء الله :biggthump


أخوي

أي فرصة ؟ و أي بطيخ أسود ؟ :motz:

أنا حظي نحس داااااااااااااااااااايما :crying:

آخر واحد الي يخلص الألعاب

و الشي الثاني

الخريطة ما ظهرت عندي يا أخ واريو :hmmmm2:

[wario2002]

وشلون الخريطه ماطلعت........ انت تقصد ماطلعت بالمنتدى؟ بالعكس طالعه ومافيها شي غلط......

هذي وصلتها
http://db.gamefaqs.com/console/gamecube/file/final_fantasy_crystal_chronicles_lynari.gif

وابحطها مره ثانيه
http://db.gamefaqs.com/console/gamecube/file/final_fantasy_crystal_chronicles_lynari.gif

[Super Shadow]

أها :33:

الخريطة ظهرت خلاص

و أنا أقول ايش سالفة علامات X الي يطلعونها لي في الخريطة :33:

مشكور على المساعدة يا أخ واريو :kiss::kiss::kiss::kiss::kiss:

[Super Shadow]

بالمناسبة أنا اجتزت البوابة الي كنت عالق فيها

و كان فيه قرية و مرحلة الأخيرة !!! :bigeyes:

أحب أبلغكم أنها في منتهى الصعوبة

و الرئيس الأخير صعب جداااااااااااااا!!!!!!! :mad:

بالرغم أني ألعب اللعبة لعب جماعي مع أخوي الصغير :o

أنصحكم أنكم تلعبون المراحل القديمة عشان تقوون شخصياتكم و يستعدون

أنا حاولت أهزمه

كل ما تنقص ثلث من طاقته شكله يتغير و يصير أصعب !!!

لكن بدون فايدة :02:

الله يعين بعض الناس الي يلعبون لعب فردي :09:

[wario2002]

هلا سوبر شادو

اخيرا فهمت الخريطه ، مابغيت........... مبروك على الوصول للنهايه....... ، ترى الوحش الي يتحول كل ماتنقصه ربع مب الوحش الأخير :p بيجيك واحد اصعب منه ، وبعدهم اصعب واصعب....

انا العب بالطور الفردي وفزت:)...... بس الي يقهر انك اذا خلصت الشريط ينكتب THE END وبس ، ماتقدر تكمل ولا تخزن ، مثل زيلدا على الننتندو 64....:).

[Super Shadow]

كم كان ليفيلك ؟

أقصد

القوة و الدفاع و الماجيك ؟ :06:

مبروك للانهائك اللعبة :biggthump

[كابتن السفينة]

يا شباب..

الحين يلعب معاي اخوي..

بس بعد ما نخلص اي مرحلة ما يطلع الخيار اللي يخلي عندك فراغ زيادة...وانا يوم كنت العب ون بلاير كان يطلع هذا الخيار...


يعني ما يطلع هذل الخيار الا في الون بلاير ؟ :31:

[wario2002]

اخوي كابتن السفينه

اظن انه يطلع اذا كنت تلعب معاخوك ، بس مايطلع الا نااااادر مره ، انا ماطلع لي الا مرتين:) وانا العب بلحالي ، بس تراها مهمه مره ، يعني الي تطلعه 3 مرات يعني محظوووظ مره ، لأن الزعماء الأقوياء يحتاج لهم بليزاجا وكيور وبلاوي ، تعبت كل شوي اضغط Start واغير الـCommand slot :).....

اي سؤال ثاني:).

[Super Shadow]

حضرتك ما جاوبت على سؤالي :ciao:

شوف ردي السابق :ciao:

[wario2002]

معليش سوبر شادو نسيت اجاوب عليك :أفكر:

الهجوم: 72
الدفاع: 67
السحر: 64

:)

[Super Shadow]

لا والله :bigeyes:

أنا ليفيلي في الأربعينات :o

[كابتن السفينة]

مشكووور واريو...


واسف على التأخر جدا بالرد...لان الكمبيوتر احترق بالكامل بسبب زيادة في الكهرباء >_<

الحين انا بمقهى الانترنت

[البطل زلدا]

تكفوون شباب اريد صوور عن فااااينل تكفووون امانه:08: m9994

[البطل زلدا]

تكفوووون شباب اريد صوووور فاينل فانتسي ارسلوووها على ايميلي زين اماااانه:08: m9994@hotmail.com