المساعد الشخصي الرقمي

مشاهدة النسخة كاملة : الزينون ما له وعليه


hassan500
20-02-2004, 08:59 AM
السلام عليكم ورحمة الله وبركاته
قبل ايام ذهبت لاسال عن سعر انوار الزينون ولكن :06: :06: :06: وجدت تفاوت كبير :vereymad: في الاسعار بين محل والاخر وكل واحد يقول انا احسن واضمن :33:
لهذا قررت اسوي بحث شامل عن الزينون ما له وعليه وياليت كل واحد يعطينا رائيه او تجربته مع الزنيون قبل وبعد وعن النوعيه الي مركبها وسعرها وفين ركبها حتى يستفيد من يفكر انه يركب زينون في سيارته مستقبلا
في البدايه ما هو الزينون وكيف يعمل؟
تعتبر مصابيح الزينون جزءاً مهماً من التجهيزات الأساسية أو الإضافية لعدد كبير من السيارات، فلمبات غاز الزينون الذي يتطلب شحنة كهربائية أولى قوية لإشعاله تفوق 20 ألف فولت لبرهة قصيرة، أثبتت تفوقها، خصوصاً لدى الذين استخدموها، ولم يعودوا مستعدين للعودة منها إلى لمبات الهالوجين العادية، وتعطي هذه المصابيح نورا أقوى، واستهلاكها للطاقة أقل وعمر خدمتها أطول.وترتكز التقنية الجديدة على عدة مقومات أساسية، هي تقنية توصيل النور وتقنية الإنارة الانعطافية ونظام الإنارة المتبدلة بذكاء وتقنية فاريو إكس
hassan500
20-02-2004, 09:58 AM
في الحقيقه هناك نوعيات مختلفه في الاسواق
واشهرها( هيلا )واسعارها تختلف تتراوح بين 1500 وتصل الى 2500 للعالي والواطي
هناك زينون BMW وزينون فياقرا( يمدحونه) وزينون لكزس وزينون الاوبل كثير يمدحونه وهذا افكر اني اركبه عندي
وفي شي سمعت عنه كثير بس ما سبق لي وشفته وهو كشافات ملاعب ويتكون من لمبات خاصه وجهاز مثل الكتاوت بس كبير شوي يركب تحت المقعده والشباب يقولون انه قوي بس لازم له وقت حتى يقوى النور وسعره منافس 600 ريال
وبالنسبه للزينون هناك لونان له الابيض وهو الافضل عندي والازرق
وفيه بعض انواع الزينون لما تركبه جديد لازم له فترة حتى تحصل على اللون المناسب

--
الان نتكلم عن المشاكل
في الحقيقه لاتوجد مشاكل بالنسبة للزينون بشرط الكهربائي اللي يركبه يكون شاطر وعنده خبره
لانه مرة واحد من الشباب ركب زينون هيلا جديد على كامري 2002 وبدات مشاكل كهرباء السياره تزيد من ضعف النور عندما يشتغل المسجل الى حودث اللتماس كهرباي في بعض الاحيان ينتج عنه سحب البطاريه بالكامل

--
ياليت كل واحد يتحفنا بما لديه من معلومات عن الزينون خصوصا المجربين له عن المشاكل التي حصلت معهم حتى يتفادها المقبلين على الزينون
عمودي
20-02-2004, 02:11 PM
شف خذ نصيحة مجرب ولا تاخذ نصيحة طبيب ;)

لا تدور غير زنون اللكزس وانا مجربه بعد

وعند اخوي اكورد 2003 مركب الواطي زنون لكزس GS والعالي زينون VXR

والاسعار الواطي بـ 1500 GS

العالي بـ 1700 VXR

ومركبه من الغرابي

واي استفسار انا حاضر
D0WN~T0WN
20-02-2004, 04:33 PM
انا مركب زينون ادوي على الكابريس حقتي
ب1600
الصراحة العالي ماعد صار له دور من قوة الواطي

يعطي السيارة شكل
ويخليك تشوف صح

والزينون صار ارخص الحين
يعني تحصله بحدود ال1000

اما عن المشاكل فما واجهني شي حتى الان
hassan500
20-02-2004, 09:16 PM
اذا الواحد بغى يركب عالي واطي لازم يركب جهازين
وياليت عيال مكة وجدة يفتونا في موضوع كشافات الملاعب لانه مشهور في جده ومكة
sultan241
20-02-2004, 09:58 PM
السلام عليكم ياشباب

أفضل زينون عند الشامل ((عبداللطيف جميل))
100% مضمون على الوكاله السعر=1800ريال

بعد الخصم =1650 ريال

وياليت أحد ينورناء عن كيفية تركيب الزينون في الكشافات؟؟

أحد عيوب الزينون في بعض المحلات
1.تركيبه بدل العالي يعني الواطي هالوجين
2.لمن تحط العالي الزينون يفصل ..
وكلها حسب المهندسين :ciao:
Scorpion KING-911
21-02-2004, 03:38 AM
السلام عليكم

عن كشافات الملاعب
اشوف شباب مركبينها ونورها قووووووووووووي مره لدرجة العميان

وفيع حركة جديدة اشوفهم يسوونها
يركبون ور اصفر في العالي وزينون في الواطي
اذا كشح العالي يطلع :biggthump :biggthump



اما عن الزينون انا مركب زينون هيلا وعندي نقطة مهمة جداًجداً جداُ


اذا ركبت زينون من اي نوع احرص على تركيب قسام او كيبل يتركب بالاجهزه حقت الزينون
لان قد يسبب في التماس في الدائره الضوئه فيضرب السوتش حق النور ويصير من ادنى لمسه له او حتى لو دقيت غماز يطفي بالمرة
ويصير لازم توزن السوتش
بعا الحاله لازم تغير العظمه اللي تشغل النور كله
وسعرها في السوبارو ليجاسي وكاله 550 ريال


طبعاً غير العظمة من فوق خشمي

وبعد يومين


انحرقت الشمعه اللي عا اليمين

وطقيت لي وحدة مستعمله بــ100 ريال عشان يجي اللون مقارب للقديمه


و الى الان انتظر الشمعه الثانيه تنحرق :D :D


عا العموم ما ودي اطول
واذكر ا تنسون تركبون القسام

تقولون لي كيف شكله ومدري ايش

مااااااااااا ادري
اعرف انه سلك ب 10 ريال يتركب عا الاجهزه بحيت اذا ضرب شي تضرب ها الاسلاك



ولكم تحياتي
D0WN~T0WN
22-02-2004, 12:58 AM
^
^
^
انت قصدك المحول؟
هذا اهم شي في الزينون اذا ماركبته لاتركب زينون
Scorpion KING-911
22-02-2004, 02:58 AM
^
^
^
انت قصدك المحول؟
هذا اهم شي في الزينون اذا ماركبته لاتركب زينون
المشلة انا ومخي غيرت العظمة حقت النور وشمعه من الشمعات
ولا ركبتها المحول اللي تقول علية واللي اسمية انا كيبل