المساعد الشخصي الرقمي

مشاهدة النسخة كاملة : الأخوة في قطر خصوصا ولد البوكواره


mtma
20-02-2004, 09:22 AM
بسم الله الرحمن الرحيم
السلام عليكم ورحمة الله وبركاته
إخواني في قطر جميعا خصوصا ولد البوكواره مافي أخبار متى بتنزل we7i في قطر وفي أي محل أحصل عليها ..
لأني أحاول انزلها من النت بطيئه جدا والدونلود ينقطع باستمرار مع ان عندي دي اس ال ..
فأذا كانت بتنزل في محل رجاء اسم المحل والوقت اللي بتنزل فيه ..
أو عطوني رابط سريع ماعليه ضغط انزل منه اللعبه وهذا الكلام لجميع الأخوة في المنتدى أرجو المساعده تعبنا والله من التقطع امس جلست أحمل النسخه من الموقع البرازيلي لين وصلت 165 ميغا انقطع قهر والله واليوم حصلت رابط جالس انزل منه بس مو منتظم ذبحني مره السرعه 20 KB ومره 0 KB :( وباقي لي 889 ساعه لين ايخلص .
QataR NighTMarE
20-02-2004, 10:42 AM
ماعندي علم والله
بس اتصل بـ بيت الألعاب واسئله متى راح يجيبه
رقمه هو 4415802
صدى الحرمان 5
20-02-2004, 12:57 PM
اي يااخووااان .. انا اتصلت له ايقول يمكن بعد شهر !!

وااااجد شهر .. نبي الاخبار اول باول ياشباب قطر .. والي يعرف مكان ايبيعه مايبخل علينا :)
JAK
20-02-2004, 01:13 PM
روح حق المكان اللي قالك عنه ولد البوكواره(بيت الالعاب) تقريبا هذي احسن مكان يبيع دسكات السوني(انا شخصيا ما اشتري الا من عنده) و اذا قالك البياع بعد شهر لا تصدقه دايما يقولي شذي و تنزل بعد اسبوع او اسبوعين :)
Travis
20-02-2004, 02:46 PM
مرحبا شباب

أمس الصبح انا عنده وقال لى يوم السبت في الليل بتكون اللعبة عنده

هذا على كلامة :)
mtma
20-02-2004, 05:12 PM
مشكورين يا اخوة على الرد وماقصرتوا اتصلت بالرقم مايرد .. بكرر اتصالي بعدين ..
بيت الألعاب هو اللي بسوق الأحمد صح ؟

أي حد فينا في المستقبل ايحصل محل عنده اللعبه ايبلغ الباقين هنا اول بأول وماعليه أمر .
صدى الحرمان 5
21-02-2004, 01:49 AM
خلاااص ماصار الا الخير انشاء الله السبت بندز وجهنا عنده ..
QataR NighTMarE
21-02-2004, 11:03 AM
امس كنت عنده وقالي نفس كلام ديمون
صدى الحرمان السموحه مارديت عليك على الجوال برساله بس ماكان عندي رصيد :09:
Travis
21-02-2004, 11:12 AM
إن شاء الله يكون صادق في كلامة :أفكر:
صدى الحرمان 5
22-02-2004, 02:27 PM
سندرنا مع الفاكس الي حاطه (( محد عنده فاكس الا هو .. عطونه خبر ياجماااعة ؟؟ ؟؟ mad
Travis
22-02-2004, 02:40 PM
من دقيقة كلمتة ولم تصل اللعبة حتى الآن

يقول يمكن في الليل أو بكرة ما ادري ....

هو بيكلمني اول ما توصل اللعبة وإن شاء الله اخبركم ;)
Travis
22-02-2004, 05:24 PM
يا جماعة واخيراً نزل wei ;)
mtma
22-02-2004, 06:39 PM
نعم نزلت اللعبه في نفس المحل المذكور فوق رحت وشريتها بس لحين ماشغلت اللعبه وماجربتها ..
بس بقيت ابلغكم .. والوعد عقب مانجربها :)
صدى الحرمان 5
22-02-2004, 07:53 PM
اي اتجربها اي خرااابيط ياولد الحلال !! ..

الدسك ذي الكوووري ونازل من شهرين وذي جاااي ايقص على العالم .. والله حرااام خذت 3 نسخ وطلعو النسخه الكوريه التعبااانه

شنو ذي ينصب على الناس. . يكره بارجعهم .. واذا مارجعهم بادوووس في بطنه :) والله ننطر ننطر ونفطر على ابصله !!

شالمصخره .. الكووووريه والعالم اليابانيه قاعدين يلعبون فيها !!
Travis
22-02-2004, 08:34 PM
مرحبا صدى الحرمان

لو سمحت اخوى يعني النسخة اللى نزلت مو انترناشيونال الجديدة

كيف صورة الغلاف اللى عندك :06:

انا ما اخذت الديسك لحد الحين

الرجاء احد يخبرنا عن النسخة اللى حصل عليها :)
صدى الحرمان 5
22-02-2004, 10:40 PM
اي غلاف اي خرابيط ياولد الحلال .. دسك سوووني منسوووخ !!

بكره الصبح بارجعه ترااا روووح وشوووف القهر
سايق الخير
23-02-2004, 07:22 AM
ترى انزلت النسخه الاصليه في الرعايه التقنيه
وسعرها يمكن 270 ريال


شووووووووووووووووكرن
QataR NighTMarE
23-02-2004, 12:30 PM
خخخخخخخ
الظاهر يا صدى الحرمان
ان في واحد نزلها من الوصله اللي انت نزلتها وراح يبيعه
بس بصراحه انت غلطان
المفروض ماتشتري هالسيدي المنسوخ لأن مشكوك فيه
انا ماشفته للحين بس ماكنت راح اخذه لو شفته
لأن ابي نسخه من الشركه
مو منسوخه :)
صدى الحرمان 5
23-02-2004, 12:32 PM
من صجك .. من يشتري اصليه الحين :) :)

بننطر هالايراني انشوووفه مته بيجيبها .. لاني باخذ 8 نسخ :)

خبرووونا اذا نزل عند الايراني (( بيت الالعاب سوق الاحمد
Travis
23-02-2004, 01:27 PM
المشكلة أن النسخة وصلتنا متاخرة في قطر

لا وطلعت منسوخة :أفكر:

ما لنا إلا الانتظار :أفكر:

(( صدى الحرمان)) تعيش وتاكل مقالب ثانية :09:
mtma
23-02-2004, 04:38 PM
تحذير : النسخه الاصليه اللي في الرعايه التقنيه مب هي المقصوده هذي طبق الأصل من we7 بس انجليزية .
صدى الحرمان 5
23-02-2004, 06:42 PM
كاااااااااااااااااااااااك .,. لاااااااااااااااااااااعادي متعووووووووووووووووويده دااااااااااايماً ولد البوكواره يدري
سايق الخير
24-02-2004, 10:15 AM
أخوي
mtma
غلطان الشيخ النسخه اللي في الرعايه التقنيه اصليه
وامس انا شريتها
وهي الجديده
لكنها نفس اللعبه بالضبط اللي نزلتها من النت
ما فيها اختلاف ابد
الا في شي واحد
وهو انه لين تختار من القائمه في البدايه في النسخه اللي من النت تضغط على زر الدائرة للاختيار والاكس علشان تكنسل
لكن في النسخه الاصليه اللي من الرعايه التقنيه
تختار بالاكس وتكنسل بالمثلث
واللعبه ما تنفع بصراحه خربوها وايد
لان اذا ترفع كروس للمهاجمين
تقريبا 85% هدف ولا مجال للشك في هذا الكلام
واي شوته من منطقه قريبه من خط ال 18 هدف بنسبة 70% ويعتمد على اللاعب اللي يشوت
يعني فيرون ما يرحم امها على طول هدف

بالمختصر المفيد الفريق اللي فيه ناس سريعين وناس طوال في الهجوم فايز لا محاله
بيجر على الخط ويرفع بس والطويل الهبل بيسجل
وجربوا وردوا علي
ولا تنطرون اي محل يبيع لكم
ترى النسخه اللي في النت هي الجديده
وسلامتكم


شووووووووووووووكرن
صدى الحرمان 5
24-02-2004, 12:34 PM
ممممممممممممممم بننطرر الايراني العله .. دافع له مقدم 8 نسخ انااا .. بس متى بيجيبهم ماااادري اللله يخسه خسس فيني وعطاني الكورية !! رجعتهم وناطر اليابانيه ليحين !1
سايق الخير
24-02-2004, 09:07 PM
ليش في فرق بين اليابانيه والكوريه :06: :06:
ارجو الرد
بسرعه يالربع


شووووووووووووووووكرن
mtma
24-02-2004, 10:39 PM
ليش في فرق بين اليابانيه والكوريه :06: :06:
ارجو الرد
بسرعه يالربع


شووووووووووووووووكرن

أخوي في نسخة أمريكية وفي نسخة يابانية ..
النسخة الأمريكية هي اللي انت شريتها وهي فعلا أصليه لكن هي عبارة عن WE7 بس مترجمة بالانجليزي والأسباني أما الحركات هي نفسها اللعبة القديمة حتى انتقالات اللعيبه عبارة عن انتقالاات العام الماضي حتى والدليل شوف اللاعب هلفينج الدنماركي بتحصله في ميلان وهو منتقل للانتر في انتقالات اغسطس 2003 .. يعني بالعربي الدسك مضروب بس بشكل رسمي ..

أما النسخة اليابانية وهي اللي احنا انتكلم عنها تختلف كثير عن الأمريكية خصوصا في الحركات في حركات جديدة وانميشن جديد وانتقالات اللاعبين اللي صارت في أغسطس ..

أتمنى انك عرفت الفرق وحياك الله
صدى الحرمان 5
25-02-2004, 12:31 PM
اي ياطووويل العمر احن فااهمين .. لكن متى بتنزل هالعله الصراااحة دخنا :( :(
صدى الحرمان 5
26-02-2004, 06:00 PM
ردددوو ياجماااعه يااااااااااااااااليل مااااااااا طوااالك


هااااااااا مافي خبر ؟؟
سايق الخير
29-02-2004, 08:28 AM
من اللي قال نفس الشي
اللي قبل غير وهذا غير وهذا غير
يمكن يكون مش اصلي او مش الجديد الياباني
لكنغير عن السابع اللي عندنا
لان الكروسات 100% غير عن السابع
والمحاور شوي غير
والشوت غير
والحارس خرخر
والاتقالات مش موجوده
تبي النسخه باعطيك اياها وشوف بنفسك


شووووووووووووكرن
صدى الحرمان 5
03-03-2004, 02:32 PM
الزبده :: نزل عندنا في قطر ولا ليحين ؟؟ اتصله ومااايرد !! ومو فاضي اروح ويقول ماوصل
سايق الخير
04-03-2004, 08:06 PM
لين الحين ما وصل
ترى انا مليت والله


شوووووووووكرن
الاميره الجميله
05-03-2004, 03:41 AM
ولد البوكواره نكك يضحك هههههههههههه كااااااااااككاكاكاكاكاكا شنو هالنك مع احترامي لك نكك اي شي زفر ممكن تقلي وش معناته

ككككككككككككككككههههههههههههه يمكن انو ولد البوكر هههههههههههه بتلعب شطرنج يالبوكر
Angry Odin
05-03-2004, 04:04 AM
:أفكر: :أفكر: :أفكر: :أفكر: ^^
اسمه محمد الكواري . على حد علمي ولد البوكواره معناها ولد الكواري ..ورجاءً عدلي الرد لانه ما له اي داعي
Travis
05-03-2004, 12:22 PM
الأخت الاميره الجميله

صراحة ردك سخيف :mad:

والأسم للأخ محمد هو لقبيلة الكواري من اعرق القبائل في قطر

ونحن لا نسمح بالاستهزاء بعضو خلوق مثل محمد