كنا رجالة ووقفنا وقفة رجالة! (للمصريين فقط)

[fankosh_007]

من مصري لكل مصري

عندما يصل سعر رغيف الخبز إلى ربع جنيه من أصل 5 قروش..

عندما يصل سعر كيلو اللحم إلى 24 و 26 جنيهاً..

عندما يصل سعر كيلو الثوم إلى 9 جنيهات..

عندما يصل سعر البيضة الواحدة إلى 35 قرشاً..

عندما يصل سعر حديد التسليح إلى 3000 جنيهاً للطن..

عندما يزيد سعر تعريفة استهلاك الكهرباء..

عندما يزيد اشتراك الهاتف المنزلي وقيمة تعريفة مكالماته..

عندما تزيد أسعار الفول و الطعمية و البصل الأخضر إلى 3 أو أربع أضعاف..

عندما تصل نسبة الزيادة في أسعار بعض الأدوية إلى 900%..

عندما يصل سعر أردأ أنواع الشاي إلى 20 جنيهاً للكيلو..

وعندما.. وعندما.. وعندما...

عندما تتضاعف أسعار ضروريات الحياة بلا سبب وبلا هوادة..

لا شيء يحدث!



ولكن..

هب الجميع وانتفضت النقابات والهيئات وجمعيات حقوق الإنسان وجمعيات كلشينكان

فقط.. فقط..

عندما زادت قيمه كروت الموبايل إلى الضعف!

قررنا أن نقف وقفة الرجالة!

يا حلاوة!



ممكن حد يقوللي فين المنطق في الكلام ده؟



يا جماعة تعالوا نعمل حسبة سهلة وبسيطة جداً جداً..

طبعاً إحنا عارفين إن عدد مشتركين الموبايل وصل 6 مليون مشترك..

طيب تعالوا نفترض فرض عبيط قوي كده.. وهو إن متوسط استهلاك الفرد من مكالمات الموبايل 50 جنيهاً شهرياً (ما بين فواتير وكروت)..

طبعاً الفرض ده بعيد كل البعد عن الواقع.. وأقل بكتير جداً جداً من الواقع.. ولكن دعونا نضرب الرقمين وبعدها نضرب روحنا بالجـ ...



6.000.000 مشترك X 50 جنيه شهرياً = 300.000.000 جنيه شهرياً

300.000.000 جنيه شهرياً X 12 شهر = 3.600.000.000 جنيه سنوياً



تعرفوا تقروها ولا أقولهالكم أنا؟!

3 مليار و600 مليون جنيه!

3 مليار و600 مليون جنيه في السنة.. في الكلام!



3 مليار و600 مليون جنيه بتطلع من جيوبنا تروح لتجار الكلام.. اللي بدورهم بيصرفوا جزء ضئيل جداً منها على تحسين خدمتهم.. والباقي بيطلع بره البلد..

وبعدين نستغرب إن فيه أزمة سيولة!! بلا نيلة!



السؤال الآن: هل المصريين محتاجين يصرفوا 3 مليار و600 مليون جنيه كل سنة (على أقل تقدير) في الموبايل؟!

طالما مفيش ترتيب للأولويات.. يبقى مين هايعترض على إيه؟! حاولوا تلاقوا إجابة!



ومعنى كده إننا بعد 20 أو 30 سنة (ربنا يدينا العمر).. هانبقى نحكي لأولادنا ونقول:

كنا رجالة.. ووقفنا وقفة رجالة.. وقدرنا نرخص ثمن كروت شحن الموبايل!!







آه.. يا أمة ضحكت من جهلها الأمم!

[abo_7ozayfa]

يا أخى ألا ترى كم النفقات التى تنفق على الكبارى و الأنفاق .. كبارى ليس لها فائده سوى زياة ترفيه .. مدينة نصر اتعمل فيها حوالى 3_4 كبارى فى الكام شهر اللى فاتوا و كمان حيعملوا كوبرى من المنصه لحد النادى الأهلى !!!!!!!!
و الشعب مش لاءى ياكل و بعد كده تمشى تلاءى اعلان (((( 2010 حلم كل مصرى (توحيد للشعوب ))) !!!!!!!
انّا لله و انّا اليه راجعون :02:

[H.warrior]

يعني عايزنا نعمل ايه

الشعب اصلا مكبوت

[abo 7med]

يا اخ stone could
اشكرك على وطنيتك مع انها ليست في مكانها
اعتقد ومع احترامي الشديد لهذا المنتدى انه منتدى عربي عام واغلبة من الأخوة السعوديين ( الذين اكن لهم كل احترام ) والمصريين فيه لا يتعدووون بضع عشراات
وموضعك الذي طرحتى موضوع مصري داخلي اي انه موضوع خاااص
وهناك الآف المواقع المصرية التى يمكن ان اتناقش فيها هذا الموضوع او غيرة من الأمور الداخلية لمصر
اما اذا اردت طرح موضوع عن السياسة الخارجية لمصر او اي امور اخرى بعلاقتها بالدول او اي حوادث اخرى فأهلا وسهلا بيك
اما مثل كلامك هنا فلا توجد اي فائدة منه على الأطلاق وانت مثل الذي يؤذن في مالطا يا عزيزي
وتذكر المثل القائل
لاتشك للناس هما انت صاحبة لا يؤلم الجرح الا من به الالم

وشكرا

[NONAYA]

اولا كاتب الموضوع مش stone could

ثانيا المصريين يحتاجو الى مناقشه مواضيعهم الخاصه ببلدهم مش بس السعوديه

حتى لو كان عددنا قله فنحن نحتاج ان نتحدث عن امور بلدنا الخاصه بنا و بعدين ماجتش من موضوع واحد من ضمن المواضيع الكتييييييييييييييييييييييييييييييييييييييير يعنى جت على الموضوع ده هو كتب موضوع ماخدش قسم بحاله عشان تقول يكتب ف المواقع المصريه هو كتب موضوع وااااااااحد حتى العنوان بيقول للمصريين فقط لان المصريين بس همه اللى هيفهمو و بعدين فى بلاد كتير تعانى من مشاكلنا

المصريين موجودين ف المنتدى بالفعل لهذا يجب ان يكون هناك مواضيع خاصه بهم
و نحن نشارك ف المواضيع التى من الممكن ان تخص السعوديه وغيرها من البلدان لاننا وطن عربى واحد فلما لا تناقشنا فيما نقول و تطابقه بمشاكل بلدك لنرى مشاكل العرب بوضوح لنكن بنائين و ايجابيين

و اعتقد ان المنتدى عربى اسلامى يعنى للعرب كلهم

ياريت كلامى مايزعلش حد مع احترامى للجميع و تقديرى لاراء الجميع
وانا من الناس اللى احب اتكلم عن احوال مصر دعونا نتناقش كوطن عربى واحد يعانى من نفس المشاكل تقريبا

[لذيذ]

تسمحولي اتطفل عليكم ...وأكسر القاعده ...للمصرين فقط ..رغم كل الكبت الي ذكرتوه وا لإنتقادات .الى انه في شي نسيتوه والمفروض تفتخروفيه ... الإنسان المصري وقوت تحمله وصبره والآهم من ذا كله

ضحكته وخفت دمه .... رغم كل شي قلتوووووه. وسامحوني