جاليري عبدالعزيز صادق ^^

[عبدالعزيز صادق]

مرحبا
انا من اشد المعجبيين بالكومك الامريكى وابطاله :reporter: ...واحببت هنا ان اجرب وارسم بعض الاعمال الخاصه بهذا العالم فى فن الكومك الامريكى
وهذه احدى اعملى المتواضعه اتمنى ان تنال على اعجابكم

http://www.asadiq.net/Me/Pic/comic1.jpg

لمشاهدة المزيد من اعمالى زيارة الموقع
www.asadiq.net (http://www.asadiq.net/)

[shaheen]

أهلا وسهلا فيك اخوي عبدالعزيز صادق.... حبيت اكون اول المرحبين فيك وارجو ان تستمتع بوقتك معنا ^^

رسمة روعة واسلوب جديد نضيفه الى فنك.. ملاحظات اكثر قادمة في الطريق لذا حبيت اني اهنئك بوضع اول رسمة في منتداك هذا ^^ وحياك الله :jester:

[orange road]

اهلا فيك اخ عبدالعزيز ^^

اللي ما يعرف ترى عبدالعزيز صادق رسام معروف في قطر ^^ ووناسه انه يشترك معانا في المنتدى :o
بس اهم شي ما يزمبز علينا هو الآخر ويعرض رسمتين وبعدين يقب

اعتقد ان اللي في الكويت يعرفونه.. لانه من فترة بسيطة بس كان مسوي معرض في جامعة الكويت :33:
مزمز.. كيتيو.. اريكسيا.. ما جفتوا المعرض؟؟؟

حياك معانا في المنتدى... ونبي نجوف رسوم اكثر علشان ييك النقد اللي هو :09:

[Renoa Heartilly]

واو! شعرها حلو!! يعني أنت مشهور؟ ما ناوي تطل علينا في السعوديه؟ :)

[fatoom]

حيالله أخونا الفنان عبد العزيز صادق ^ ^

وإن شاء الله تكون معانا دايما :biggthump

و تعرض بإستمرار :D




صج والله خلود !! توني أدري عن المعرض @@؟؟؟

[عبدالعزيز صادق]

مشكووووور ين ياشباب المنتدى على الترحيب

واتمنى تكون رسوماتى القادمه اكثر اشراقه وفن...واعذرونى على هذى الرسمه اللى انا اصلا مامرتاح منها فى التفيذ

[SolidSnake85]

هلا والله بالفنان عبد العزيز صادق:itsme:
يسعدني ويشرفني ان ينضم لنا في المنتدى فنان مشهور مثلك:o
ها شي مفرح :)
انشاالله تغمرنا بمشاركاتك اللي بتفيدنا انشاالله ... ومع انك فنان معروف...أتمنى انك تستفيد من المنتدى ولو شويه:happysad: ...اتمنى ذلك:أفكر:
وبالنسبة للرسمة اللي عرضتها....حللللللوة ماشاالله عليك:top: ....:o بس بعد ما اشبعتني:D
:reporter: تراني وباقي الأعضاء متشوقين لرؤية فنك...لا تقطعنا:biggthump

[Rex]

اهلا وسهلا بك أخ عبد العزيز , منور المنتدى والله!!!
مسرور جدا بمشاركة فنان جديد محترف مثلك بالمنتدى ^^

خذت لفة بموقعك الشخصي وبصراحة أعمالك جدا ممتازة ومميزة!!
وياريت نشوفك دائما معانا تشارك باستمرار ;)

رسمتك الأأولى بالمنتدى جميلة جدا الصراحة!!
ومتشوق جدا لرؤية المزيد !!

لا تتأخر :biggthump

[Neo Cid]

السلام عليكم

حياك الله بيننا أخوي عبدالعزيز صادق .. هذا شرف لنا ان نستقبل فنان على مستواك الراقي بالمنتدى ..

موقعك رائع وهو من أجمل ما شفته من المواقع العربية المتعلقة بالرسم .. :)

و حاليا أنا بقسم رسم الرصاص الخاص بالموقع .. و بصراحة .. رسماتك ما عليها اي كلام .. رووعة .. معبرة أيضا ..

وهذا الكورس الدراسي أنا أدرس مادة الرسم التصويري و استخدم فيها الرصاص .. بحاول أدقق برسومك و أتعلم منك فن التظليل .. :blackeye:

ان شاء الله تستمتع بوجودك معانا .. و أتمنى من كل قلبي أنك تستمر معانا كعضو دائم :)

مع تمنياتي لك بالتوفيق ..

بالتوفيج :tongue2:

[عبدالعزيز صادق]

شكرا ياشباب واتمنى ان ارسم اكثر كومك حتى يتسنى لى عرضها فى هذا المنتدى

[xero]

الاستاذ عبد العزيز صادق؟؟؟؟

تصدق يا استاذ اني من فترة طوووووووويلة اتابع اعمالك الفنية وكنت معجب بها وبالذات احببت رسوماتك الكاريكتيرية!!!

اهلا وسهلا بك في المنتدى^^ وانشالله على قولة الابلة خلووود ما "تزمبز" <<<بالعربي ما تصير زومبي <<<بالانجليزي ما تصير من اللي وجودهم من غيره<<<<بالهندي يعني لازم تشارك :jester:


واتمنى ان ارى المزيييييييد من اعمالك

والسلام

[Touya]

السلام عليكم ورحمة الله وبركاته


هلا بك في منتدى الرسم الحر أستاذ عبدالعزيز..

ما شاء الله عليك رسام كبير ومعروف وحاضر عندنا هنا..
إن شاء الله نشوف منك أعمال أكثر في هالمنتدى من جالرييك:09:


وصدقني راح تبهرك كثير من المواهب اللي في هالمنتدى.. في جميع المجالات.. فيه شباب هنا الماسات من عيار عالي في الرسم ;)

أهم شي وقع هنا عشان ماتزمبز على قولة أبلة أورنج رود:deal:

[عبدالعزيز صادق]

شكرا ياشباب

وفعلا هناك مستوايات خطيره ومذهلع للشباب فى هذا المنتدى
على العموم بالتوفيق...وانا حاليا متواجد فى مهرجان الجامعات فى جامعة سعود بالرياض
وعند عودتى سوف اتفرق لرسم الكومك...بس على شرط الكومك الامريكى:vereymad: لانه هو اللى عمل منى رسام بصراحه :)

[xero]

شكرا ياشباب

وفعلا هناك مستوايات خطيره ومذهلع للشباب فى هذا المنتدى
على العموم بالتوفيق...وانا حاليا متواجد فى مهرجان الجامعات فى جامعة سعود بالرياض
وعند عودتى سوف اتفرق لرسم الكومك...بس على شرط الكومك الامريكى:vereymad: لانه هو اللى عمل منى رسام بصراحه :)



بالتوفيق استاذ عبد العزيز وانشالله لو تسوي معرضك عندنا بعد :)

[wildkitty]

هلا ولو =^_^=


زين والله شفت لك روسوم غير عن الكريكاتيرات

اعتقد تذكرني استاذ عبد العزيز
انا كنت بالمرسم :p
حته انت كنت تكلمنه عن الاماكن الي زرتها ورسم المانجوو فيها صح :tongue2: تذكرت
انا الي كنت مجربه الون جواش الي عافسه الدنيا قاعده بالطاوله قلتلي الون رسومي بالفوتوشوب


انا ماكنت اعرفه بالبدايه بس يوم سالت عنه طلعو وايد ناس بقطر يعرفونه
:jester:



اعتقد ان اللي في الكويت يعرفونه.. لانه من فترة بسيطة بس كان مسوي معرض في جامعة الكويت
مزمز.. كيتيو.. اريكسيا.. ما جفتوا المعرض؟؟؟

اي اي رحنا :tongue2: تبين تشوفون الصور صورنا هناك انا واريكسو
خخخخخخخخخخخ

[عبدالعزيز صادق]

wildkitty
شكوره وطبعا اتذكرك انت واعمالك لانك كنتى مميزه فى رسوماتك اللى شفتهم....تحياتى لك وسلمي لى على المهندسه جنان وايد:ciao:

[wildkitty]

انشااااااااااله يوصل =^-^=

ماعندك بعد رسوم :tongue2:

[fatoom]

اي والله وين رسومك :tongue2:

ليكون حاط رسمه وحده بس دعايه :09: هههههههههههه

يلا ترا للحين ننطر شي من شغلك ^ ^

و ياريت توضح شلون سويتها و بأي برنامج

سواء بالفوتوشوب

أو الأوبن

أو البينتر ^ ^

يعني نبذه كم تأخذ من وقتك مثلا :tongue2:

أي شي ^ ^

و السلاااااااااام ^ ^

[fatoom]

هلا ولو =^_^=



حته انت كنت تكلمنه عن الاماكن الي زرتها ورسم المانجوو فيها صح :tongue2: تذكرت



هالسالفه قالوها لي ^ ^

المانجا :D

[عبدالعزيز صادق]

هذه من رسوماتى الجديده لفلم ملك الخواتم الشهير...انا من عشاق هذه السلسله ل الاجزاء ال3 لهذا الفلم.....وهنا احببت ان ارسم واحد من شخصياته...اتمنى ان تعجبكم اعمالي دائما


http://www.asadiq.net/C.Art/Pic/lord.jpg

[LINK0072]

رسمه رائعه اخوي :)..قمه في الأبداع...

[عبدالعزيز صادق]

شكرا لك سرنى انك من معجبين هذه السلسه من فلم ملك الخواتم :blackeye:

[tootaa18]

ماشالله عليك اخوي

رسمة رووووووووووووووووووووووووووووعة :biggthump

لونتها باليد ولا استخدمت برنامج للتلوين؟

[orange road]

اخيرا رجعت لنا اخ عبدالعزيز ^^
ومعاك رسمة يديدة بعد...

الاغلبية هني يحبون لورد او ذا رينج ^^
وحضرت الثلاث اجزاء في السينما.. روعه..

فرودو... رسمت فرودو ^^
الرسمة حلوة عبدالعزيز..
بس ابي اعرف.. انت رسمتها فوق الصورة الاصلية؟؟ يعني شفيتها على الفوتوشوب؟؟؟؟؟ :33:
بس التلوين اوكي... تسلم يدك..

:biggthump ترى احنا طماعين ونبي نجوف رسوم اكثر بعد

[عبدالعزيز صادق]

لا..راسمها غلى ورقه بالاسود وسكانر... على فكره البطل راسمه اول والقصر الثانى... يعنى مفصوليين التلوين فقط بالفوتو شوب....طلع عينى تشريح التلوين:bigeyes:

[Rex]

السلام عليكم

ما شاء الله عليك أخ عبد العزيز :bigeyes:
ضبطت شكلة صح! والتلوين مدهش جدا !!
الله يعطيك العافية على هالشغل الرائع!! ^^

وان شاء الله تستمر بوضع المزيد :biggthump

[orange road]

:afraid: واو...
في البداية عبالي انك شافها من الرسمة الاصلية...

:05: يعطيك العافية عليها....
ارسم لنا عيل جاندالف :D (الاخت تراها طماعة وايد ما تنعطى ويه)

لا تقرا هالكلام...
حق الاعضاء الثانيين بس...
(بعدين نجوف شلون بيرسم the others :09: )

[xero]

:wow:



مشالله عليك استاذ عبدالعزيز

تراني من كبار المعجبين والمحبين للفلم بجميع اجزاءه :cool:


مياو............امممم......منو دوره للرسم؟.........انا ارشح اراجون :biggthump

[mai_arumashi]

واو اخيرا فى حد رسم فان ارت للفيلم...^_^زز* بتموت من الفرحة*

صراحة الرسمة تجنن وايد حلوه ...كول كول كول... :biggthump

يالا ارسم لنا بعد....*بس الله يخليك كل شي الا الهوبيتز و ليجولاس...بليييييز*

[عبدالعزيز صادق]

هذه رسمتى الثانيه لسلسله فلم ملك الخواتم...اتمنى ان تعجبكم :31:

http://www.asadiq.net/C.Art/Pic/lord2.jpg

[Selvaren]

حلوه والالوان حلوه :05:

[PANDA]

:biggthump ماشاء الله عليك اخوي رسمك رووووووووووووووووووعه
وتلوينك روووووووووووووعه
تسلم على هالرسمه وهالموهبه الفلته
والى الامام دائما ان شاء الله
مع تحيات مراسلتكم من الجزيره
العبطنيشن
زيزو :09:

[Evil Clow]

nice pic BOSS

:33:

[عبدالعزيز صادق]

شكرا على المرور ياشباب وابداء الراي...رايكم يهمنى لتطوير مستواي....تحياتى للجميع

[كايتو]

تطوير مستواك ؟؟؟


كل هذا و لسا بدك تطوير ؟؟ :p .....ما شا الله الرسم قوي جدا و استعمال الالوان متقن معاك ...انا لما شفت الصور ماعرفت انها هي المقصودة ظننته توقيع :D

احسنت...والى الامام:)

[orange road]

:bigeyes: ما شاءالله
هالرسمة وايد احلى من اللي قبلها ^^

:31: عجبني التطريز اللي على الثياب.. تحسه بارز
والتاج اللي على راس الإلف...

كل شي مجسم وحلو....
تحسها كأنها لوحة زيتية...

وايد حلوة ^^

[عبدالعزيز صادق]

كايتو

شنسوى ياخوووك نتسلى بالليل فى هذى الرسومات:)


orange road
عجبك التطريز والتاج....:أفكر: اهتمامات بنات :33:

[عبدالعزيز صادق]

لمواصلة سلسلة رسوماتي لفلم سيد الخواتم...اليكم الشخصيه الرئيسيه بالفلم جندولف

http://www.asadiq.net/MyArt/Pic/gandalf.jpg

[Rex]

السلام عليكم

رسمتك الجديدة جميلة جدا اخ عبد العزيز :)
وايد رهيبه اللقطه يوم يكون جنب المهر الأبيض :D

ياليتك لو طولت اللحية أكثر للقطة القريبه =)

التلوين والتظليل والاضاءة مدهشه!! , لكن الخلفية فيها ما عجبتني كثير .. =( ..
أحسها مش مناسبه ...

خلنا نشوف المزيد !!
ويفضّل لو تفتحلك موضوع مثل الجاليري حقك =)
تحط رسومك فيه!

سلام

[shaheen]

ماشاء الله رسم متقن:)

اسلوبك في الرسم بالفوتوشوب رهيب... الملامح روعة والحصان ممتاز:)
رسمة من اروع رسماتك صراحة :) الله يوفقك اخوي صادق

صح كلام ريفلكس.. ليش ماتفتح موضوع جالاري لك وتحط فيه رسمك في كل مرة:)

[عبدالعزيز صادق]

رفليكس

شاهين

اشكركم على المرور والملاحظه..وبالنسبه لفايل جاليرى...انا اصلا ارسم هذى الرسومات لموقعى الخاص وهناك عندى لنك لهم كلهم
اشكرم على الملاحظه والاقتراح ودمتم :)

[orange road]

حلوة الرسمة الاخيرة حق جاندالف ^^
لما قلت انك تبي ترسمه كنت متخيلة ان الرسمة بتكوت بثيابه الرمادية وكبوسه الكبيرة ^^

بس صح كلام ريكس..
اللحية حسيتها قصيرة... ما كانت اطول في الفيلم؟؟؟

تقول الثياب والتطيرز اهتمامات بنات؟؟
طيب ^^ ما هي كانت تدل على الدقة في الرسم.. هاي كان قصدي..

:o وترى يمعت رسومك في موضوع واحد..
احسن واحلى..

اذا مب عاجبك العنوان قول علشان نحط لك عنوان من اختيارك..
لكن حلو ان الرسوم تكون ميمعه في مكان واحد...
علشان نقدر نجوفه كلهم مرة وحدة ونقرا التعليقات عليهم ^^

[fatoom]

السلاااااااااام ^ ^



والله شغل عدل أخ عبد العزيز :biggthump

واااااااايد حلو .. الملامس و توزيعات الألوان كلها أوكي ^ ^

زين تأخرت عشان أشوف رسمات وايد :D هي هي هي

خلفية الإلف عجبتني ^ ^



أقول كم خذت منك الرسمه :06: ؟؟؟

[عبدالعزيز صادق]

هلا فطوم

خذت تقريبا يومين:( مع الالام فى العين:blackeye: والراس من كثرة التركييز فى اصغر الفرش

[عبدالعزيز صادق]

اوررنج

جهد مشكور ه عليه...بس بصراحه اول احسن لانه الحيين الواحد مايدرى اى منهم الرسومات الاخيره او الجديده ويلخبط بين تواقيع الاخوان اللى كانها سينما...والرسمه والجديد من القديم :05:

[orange road]

:31: بالعكس..
الموضوع اعتقد ان الموضوع ترتب على حسب الردود وترتيبها...

العفو ^^

[xero]

اوررنج

جهد مشكور ه عليه...بس بصراحه اول احسن لانه الحيين الواحد مايدرى اى منهم الرسومات الاخيره او الجديده ويلخبط بين تواقيع الاخوان اللى كانها سينما...والرسمه والجديد من القديم :05:

:jester:

خخخخخخخخ..........الله يعينك استاذ عبدالعزيز...... :09:


مشالله على جندالف!!...........بس اللحية لازم تكووووون طوووووووويلة :D


مشالله عليك استاذ عبدالعزيز!!......التلوين دقييييييييق........هذي وتبي تطور نفسك؟؟....عيل شنقوووول عن انفسنا احنا خخخخخ :blackeye: