تسجيل الدخول

مشاهدة النسخة كاملة : الجيم كيوب .. صيني أم ياباني ؟؟!!


sam cool
24-02-2004, 09:55 AM
السلام عليكم

شباب لو سمحتوا مساعدة بسيطة منكم

أمس سألت عن جهاز الجيم كيوب باحد محلات الرياض فقالي سعره 550 ريال وقالي يشغل كل شي يعني كل الألعاب والكهرب 110 وميموري أسود بـ 90 ريال مع لعبة بعد والسعر النهائي 850 ريال

فقلت له هل هو ياباني ولا صيني فقالي صيني طبعا قلت له مافي ياباني قالي ماعاد تلقى بالسوق ياباني

أبي مشورتكم هل في فرق بين الصيني والياباني يعني ما ابي أشتريه من هنا ويخرب من هنا

واذا في ياباني كم سعره تقريبا

وهل السعر اللي عرضته عليكم جيد ؟

على فكرة شباب هل الكيوب يشغل أفلام DVD؟

وايضا هل بامكاني لعب بعض الألعاب عن طريق الشبكة مثل ماريو كارت أم أنني بحاجة الى مودم وزحمة ؟
BLUES
24-02-2004, 01:29 PM
وعليكم السلام أخ sam cool

قبل أسبوعين سرت مع ربيعي عشان ناخذله جيم كيوب ولقيناها ب400 درهم مع كونترل واحد وكانت صينية فقلناله ما عندك يابانية وقال نفس الكلام اللي قاله صاحب المحل اللي عندكم..... وعطانا اياها عشان انشوفها وطلعت صدق صينية فقلناله بنرجعلك بعدين ورديناله وخذناها ويوم جيكنا عليها طلعت يابانية :wow: .....( بالحظ)
بس الكيوب اللي عندي صيني وشارنه من سنة وشغال :cool: لين الحين, لهذا أعتقد انه مافي فرق بينهم....
والسعر اللي عرضته....... :33: يبالك تتقن فن المكاسرة حتى يستوي 800
وللاسف الكيوب ما يشغل DVD الا اذا كنت تبا تاخذ الجيم كيوب Q اللي ب1200
نعم تقدر تلعب بماريو كارت على الاون لاين أما الاحتياجات ف:06: ..... اسأل صاحب المحل :33:

ومبرك مقدما على الكيوب :o
Hardcore~Gamer
24-02-2004, 01:29 PM
السلام عليكم
'عليكم السلام

أمس سألت عن جهاز الجيم كيوب باحد محلات الرياض فقالي سعره 550 ريال وقالي يشغل كل شي يعني كل الألعاب والكهرب 110 وميموري أسود بـ 90 ريال مع لعبة بعد والسعر النهائي 850 ريال


سعر جيد

فقلت له هل هو ياباني ولا صيني فقالي صيني طبعا قلت له مافي ياباني قالي ماعاد تلقى بالسوق ياباني

أبي مشورتكم هل في فرق بين الصيني والياباني يعني ما ابي أشتريه من هنا ويخرب من هنا



للاسف مافي ياباني حاليا...الصيني زين واصلي موب تقليد وللمعلوميه كل اجهزة ننتندو الحين(( ميد ان تشاينا)) لكن مهما كان ياباني افضل ,,

على فكرة شباب هل الكيوب يشغل أفلام DVD؟


لا

وايضا هل بامكاني لعب بعض الألعاب عن طريق الشبكة مثل ماريو كارت أم أنني بحاجة الى مودم وزحمة ؟

لازم مودم .. واصلا الاونلاين موب حوسه زي مو متخيل الكثير من الناس ,,
وللمعلوميه ماريو كارت موب اونلاين ,,
اللعبه الاونلاين الوحيده عالكيوب فانتاسي ستار اونلاين .. والشهر الجاي الجزء الجديد منها
@رشود@
24-02-2004, 01:33 PM
:ciao: اخوي اعتقد ان الياباني احسن من الصين لانه الصيني ناسخسنه من اليباني ويعني الجيم اكيوب مالتك منسوخ من اياباني :ciao:

:tongue2: ونشالله فاديتك بي شي:tongue2:
RAUL 7
24-02-2004, 01:43 PM
هلا أخوي .. ترى الصيني ممتاز .. و الفرق بينه و بين الياباني إنه مصنوع بمصانع في الصين .. لأسباب تسويقية مثل رخص العمالة و غيرها ..

الإكس بوكس مثلا يصنع في الكسيك..

و بالنسبة للسعر .. فهو جيد .. أظن إنك بتلقى أرخص .. سألت بمحل النسر عن السعر ? أظنه 500 أو 450 ..

:)
LINK0072
24-02-2004, 03:44 PM
اتوقع الأعضاء ما بقوا شي ما وضحوه:)


وطبعاً معروف ان اكثر الشركات خصوصاً شركات شرق اسيا تصنع بعض منجاتها بالصين بسبب رخص العماله والمواد التسويقيه وما شابه :)...
BU_MUHANNAD
24-02-2004, 05:57 PM
انا يوم اشتريت الكيوب حصلت صيني وياباني وبنفس السعر , فأخذت الياباني .

لكن ترى الصيني مجمع في الصين لكن القطع كلها اصلية . يعني يعتبر أصلي .

بس انت لو حصلت ياباني اشترية علشان تتطمن اكثر......
sam cool
24-02-2004, 07:08 PM
مشكورين شباب

يعني يا شباب خلاص أتوكل على الله واشيل الصيني اذا ما حصلت ياباني؟

واذا حصلت كم راح يكون الفرق بالسعر بين الياباني والصيني ؟

ويا أخ RAUL 7 وين محل النسر هذا بالضبط ممكن توصفلي مكانه مضبوط ...

ودمتم سالمين :p