المساعد الشخصي الرقمي

مشاهدة النسخة كاملة : مقارنه بالصور بين ( FF7 ) و ( FF7:AC ) و النتيجه .. شي لا يصدق !


Final Fantasy 7
24-02-2004, 10:47 AM
مرحبا جميعا :ciao:



اليوم الصبح كنت فاضي و ما عندي شي (( معطلين :D )) .. قلت خل أسوي لنفسي مقارنه بالصور بين فاينل فانتسي 7 العادية و بين أدفينت شيلدرن .. كنت حاط في بالي أن هالشي راح يكون مجرد للمتعه و تضييع الوقت .. و لكني لما عملت المقارنه .. الصراحه شفت العجااااااااااااااايب :bigeyes: :bigeyes:



يعني فعلا شي لا يصدق .. مستحيل الواحد يفكر أن هالصور هي لنفس العالم و الشخصيات .. يعني لولا تشابه وضعية المواقف لمستحيل عرفنا أنها لفاينل فانتسي 7 ..


لذلك قررت أحط لكم الصور يالي عملتها علشان تشاركوني في التعليق عليها و التأمل بها ..


و على فكرة .. الصور يالي فوق هي لفف7 التي صدرت سنة 1997 .. و الصور يالي تحت هي لفف7 التي ستصدر سنة 2004 (( الفرق بينهم 7 سنوات )) :09:



و أكيد راح أعمل المزيد من صور المقارنات لما تطلع صور جديدة من أدفينت شيلدرن .. يعني الموضوع فاتح المجال لاضافة المزيد في وقت لاحق ;)



فخلونا نبدأ بعرض الصور ^^
Final Fantasy 7
24-02-2004, 10:53 AM
المقارنة الأولى : كنيسة آيريس المعروفة .. :أفكر:
شرايكم .. مو كأن التطور يالي حاصل مو كثير:33: !
Final Fantasy 7
24-02-2004, 10:57 AM
المقارنه الثانية : عرض البحيره
الألوان الجديدة جدا كئيبة و باهته .. فعلا تدل على المشاعر الموجودة في العرض :02:
Final Fantasy 7
24-02-2004, 11:00 AM
المقارنه الثالثه : شخصية باريت
أحس أنه ما تغير مع أن بالحقيقه أن التغيير واضح جدا عليه .. :06:
يمكن لأن نظرته الخشنه لا تزال على ما هي عليه:أفكر:
Final Fantasy 7
24-02-2004, 11:02 AM
المقارنه الرابعه : شخصية كلاود
الصراحه كلاود اختلف 180 درجة .. طالع شكله كول أكثر من السابق :cool:
bah
24-02-2004, 11:04 AM
اليوم الصبح كنت فاضي و ما عندي شي (( معطلين :D ))


قول ((غايب)) :09:



يعني فعلا شي لا يصدق .. مستحيل الواحد يفكر أن هالصور هي لنفس العالم و الشخصيات .. يعني لولا تشابه وضعية المواقف لمستحيل عرفنا أنها لفاينل فانتسي 7 ..




المقارنة الأولى : كنيسة آيريس المعروفة .. :أفكر:
شرايكم .. مو كأن التطور يالي حاصل مو كثير:33: !

ضيعت انا :31:
يعني الحين تقصد..
في اختلاف كبير او ما في الا اختلاف صغير؟ XD
Final Fantasy 7
24-02-2004, 11:08 AM
المقارنه الخامسه : أسطورة سيفروث
الصراحه هذه أحلى مقارنه عندي .. فعلا عجيبه @_@
بالنسبة لها .. فأنا عندي أن نظرة سيفروث القديمه أحلى .. لأن تحسون أنها غامضه و ما تفهمون شنو وراها !
و لكن النظرة الحالية واضح 100% أنها نظرة خبث و مكر .. يعني ماراح تلقون فيها الا هالمشاعر فقط :أفكر:
و كذلك النيران .. شكل سيفروث و هو يختفي بين النيران بالسابق له وقع أفضل (( منو يوافقني الرأي :tongue2: ؟ ))
.:::AbO MoHaMmAd:::.
24-02-2004, 11:08 AM
المقارنه الثانية : عرض البحيره
الألوان الجديدة جدا كئيبة و باهته .. فعلا يدل على المشاعر الموجودة في العرض :02:

اتوقع انها في الفلم راح تكون افضل لأن التعابير راح الوجه راح تملك تفاصيل افضل ;) لذالك لا نحكم قبل ان يصدر الفلم ومشكور على المقارنه العجيبه
:biggthump
سلام
Final Fantasy 7
24-02-2004, 11:15 AM
bah

قول ((غايب))
لا والله أول شي رحت الحصه الأولى و لكن ما لقيت أحد و تحسفت جان أرد البيت :tongue2:

ضيعت انا
يعني الحين تقصد..
في اختلاف كبير او ما في الا اختلاف صغير؟
هو التغير و الاختلاف جدا كبير و واضح ..
و لكن بالنسبة لي أحس أنه مو غريب علي (( يمكن السبب أني شايف الصور فوق المليون مرة و دخلت راسي حيل )) :33:

XD
لووووووووووووووول .. انتقلت لك العدوى من مشاري :p










&&الجنرالز&&

اتوقع انها في الفلم راح تكون افضل لأن التعابير راح الوجه راح تملك تفاصيل افضل
أكيد راح يكون أفضل بكثير لأن سكوير قالت بنفسها أن الجيرافيكس المستخدم في أدفينت شيلدرن هو أقوى جيرافيكس لديها حتى أنه أفضل من جيرافيكس فيلم سبيرت ويذن :biggthump
و لكن بالنسبة لي فتعابير بعض الشخصيات القديمه أفضل .. يمكن لأن لها طابع خاص (( مثل تعبير نظرة عين سيفروث القديمه ))










و ثانكيووووووس لمروركم على الموضوع :ciao:
Final Fantasy 7
24-02-2004, 11:21 AM
المقارنه السادسه : الشعار
شرايكم .. أي الشعارين أحلى .. الـ Old one و لا الـ New one :tongue2: ؟
bah
24-02-2004, 11:31 AM
لا والله أول شي رحت الحصه الأولى و لكن ما لقيت أحد و تحسفت جان أرد البيت :tongue2:

زين اني ما فكرت اقعد مبكر و اداوم :09:



هو التغير و الاختلاف جدا كبير و واضح ..
و لكن بالنسبة لي أحس أنه مو غريب علي (( يمكن السبب أني شايف الصور فوق المليون مرة و دخلت راسي حيل )) :33:
في تغير..لكن الاساس واحد :أفكر:
يعني تشوف اشكال الشخصيات متغيرة .. او تشوف المكان متغير
بس لو مو شايف كل هذا .. ما احد راح يشوف الفلم :09: (لزوم التطور)


لووووووووووووووول .. انتقلت العدوى من مشاري لك :p
فف11 نقلتلي العدوى XD
اذا شفتني احط XD XD XD يعني مشاري ناقلي العدوى :09:


وبالنسبة للصور باعلق عليهم بعدين.. مشغول شوي XD
Mohmmed A
24-02-2004, 11:42 AM
مقارنة حلوة اخي العزيز FINAL FANTASY VII

المشكلة اني ما لعبتها

بس ملحوظة اذا آيريس انقتلت في العبة فهل كلاود في الفلم يتذكر او انة الاحدلث بتبتدي من نص احداث اللعبة :أفكر:

انشاء الله بعد ما يضرب الفيلم يطالبون الناس بريييييمييييييك و تقتنع سكوير وتعملها
ويكون على PS3 او على الاقل الكيوب

سؤال في ناس قالولي من الي انهو العبة انة نهايتها مب لهالدرجة صحيح :)

شكرآ جزيلآ اخي العزيز FINAL FANTASY VII
Leon S. Kennedy
24-02-2004, 11:47 AM
وااااو صج فرق ... وهذا الفرق اهو اللي مخليني ما العب الشريط P:
بس الفلم يكمل للعبه و نفس قصة اللعبه ؟؟ لاني شايف نفس المقاطع بالظبط S:
و تتوقعون راح ينزل ريميك للجزء السابع لان شكله روووعه P:
ومشكوور مره ثانيه على الموضوع الحلو (( الشعار القديم احلى ))
تحياتي
FinalFantasy9
24-02-2004, 11:59 AM
المقارنه الرابعه : شخصية كلاود
الصراحه كلاود اختلف 180 درجة .. طالع شكله كول أكثر من السابق :cool:
ما تعتقد ان صار شكله كأنه فلبيني او تايلندي او اندونيسي ... خخخخخ ... ههه!!!:09:

وتسلم على الموضوع:ciao:


وشـــــــــــــــ:D :D :D :Dــــــــــــــكراً
Wingless Angel
24-02-2004, 12:05 PM
اليوم الصبح كنت فاضي و ما عندي شي (( معطلين :D ))

حظكم :vereymad: بس اليوم نحنا سرنا ندوة شعربة وما درسنا إلا 3 حصص :tongue2: وبعد الندوة والباص تأخر وماكان بيي (بيتم وايد لين ما ايي) وووو صارت سالفة وآخرتها الاولاد نقعوا الخيانة وروحوا عن الإستاذ بالباص :09:


المقارنة الأولى : كنيسة آيريس المعروفة

فرق شاسع الفيلم راح يكون قاهر كل الأفلام ومنها ذا لورد اوف ذا رينج :09:



المقارنه الثانية : عرض البحيره
رائع :wow:


المقارنه الثالثه : شخصية باريت
تغبر شي واحد فيه وهو قصة شعره :p :09:


المقارنه الرابعه : شخصية كلاود
شكل كلاود في الفيلم احلا بوايد من اللعبة لان اللعبة قديمة وانقرضت :(


المقارنه الخامسه : أسطورة سيفروث
شكل سيفروث غلط كله غلط شكله في اللعبة احلا من الفيلم :أفكر:


المقارنه السادسه : الشعار
الجديد افضل واحسن


والسلام ختام :ciao:
BOiND
24-02-2004, 01:01 PM
المقارنة الأولى : كنيسة آيريس المعروفة ..
شرايكم .. مو كأن التطور يالي حاصل مو كثير:33: !



كأنه اصلا ما صار تطوير:33:
نفس الاشياء كلها موجودة:33:



المقارنه الثانية : عرض البحيره
الألوان الجديدة جدا كئيبة و باهته .. فعلا تدل على المشاعر الموجودة في العرض :02:


تعرف تعليقي:أفكر:


المقارنه الثالثه : شخصية باريت
أحس أنه ما تغير مع أن بالحقيقه أن التغيير واضح جدا عليه .. :06:
يمكن لأن نظرته الخشنه لا تزال على ما هي عليه:أفكر:

فعلا:33:
هو بس حالق لحيته ومبدل ثيابه:33:
عادي:D



المقارنه الرابعه : شخصية كلاود
الصراحه كلاود اختلف 180 درجة .. طالع شكله كول أكثر من السابق :cool:


فلبيني اكثر من السابق:D



المقارنه الخامسه : أسطورة سيفروث
الصراحه هذه أحلى مقارنه عندي .. فعلا عجيبه @_@
بالنسبة لها .. فأنا عندي أن نظرة سيفروث القديمه أحلى .. لأن تحسون أنها غامضه و ما تفهمون شنو وراها !
و لكن النظرة الحالية واضح 100% أنها نظرة خبث و مكر .. يعني ماراح تلقون فيها الا هالمشاعر فقط
و كذلك النيران .. شكل سيفروث و هو يختفي بين النيران بالسابق له وقع أفضل (( منو يوافقني الرأي :tongue2: ؟ ))


والله الاولى احلى:33:
حتى شكل سفروث احلى:33:
بينما الثانيه احسبه عجوز هارب من المصحة العقليه:33:


المقارنه السادسه : الشعار
شرايكم .. أي الشعارين أحلى .. الـ Old one و لا الـ New one :tongue2: ؟

رايي؟
روح احلق شعرك عند الحلاق:D

ويعطيك العافيه ولد عمي:D
weskerالكويت
24-02-2004, 11:28 PM
:09: Final Fantasy 7 صج ما تستحي ليش مو مداوم :tongue2:
ليش قالبين الموضوع محادثه :09:
بس اللي اشوفه انه رسم سبيرت ويذن اقوى :أفكر: وانا متأكد انه المراقب غلتي غير معاي بهالنقطه :33: :09:
مشكور عالموضوع الرائع جدا :ciao:
Ramza
24-02-2004, 11:36 PM
الصراحة موضوع يفتح النفس يافاينال :biggthump
ومشكور على الجهد الكبير اللي بذلته :D

حسنا الحين جاء دور التعليقات :

1-
المقارنة الأولى : كنيسة آيريس المعروفة ..
شرايكم .. مو كأن التطور يالي حاصل مو كثير

القليل من التطوير فقط حصل على الكنيسة

2-
المقارنه الثانية : عرض البحيره
الألوان الجديدة جدا كئيبة و باهته .. فعلا تدل على المشاعر الموجودة في العرض

انا اوافقك الرأي :biggthump
ما ادري ليش احس انه العرض الجديد الوانه ملائمة للمشهد ؟؟؟

3-
المقارنه الثالثه : شخصية باريت
أحس أنه ما تغير مع أن بالحقيقه أن التغيير واضح جدا عليه ..
يمكن لأن نظرته الخشنه لا تزال على ما هي عليه

انا احس انهم خربوا شكله في الجديد :blackeye:
اول شيء الرجال محلق شنبه وشعره طلع كأنه حق واحد نجرو :33:

4-
المقارنه الرابعه : شخصية كلاود
الصراحه كلاود اختلف 180 درجة .. طالع شكله كول أكثر من السابق

انا اعترض :tongue2: !!!
شكله السابق احلى بكثير من شكله الجديد لانه طلع شكله يشبه واحد انا اكرهه :blackeye:
you know him man

5-
المقارنه الخامسه : أسطورة سيفروث
الصراحه هذه أحلى مقارنه عندي .. فعلا عجيبه @_@
بالنسبة لها .. فأنا عندي أن نظرة سيفروث القديمه أحلى .. لأن تحسون أنها غامضه و ما تفهمون شنو وراها !
و لكن النظرة الحالية واضح 100% أنها نظرة خبث و مكر .. يعني ماراح تلقون فيها الا هالمشاعر فقط
و كذلك النيران .. شكل سيفروث و هو يختفي بين النيران بالسابق له وقع أفضل (( منو يوافقني الرأي ؟ ))

صحيح حتى انا لاحظت هالشيء
طلع شكل سيفروث الجديد خبيث ووقح اما القديم كانت نظرته غامضة وحتى شكله كان احلى من الجديد


شكل سيفروث و هو يختفي بين النيران بالسابق له وقع أفضل (( منو يوافقني الرأي ؟ ))

انا اوافقك الرأي لانه تحس انه كان غارق في النيران اكثر بالقديم :tongue2:
Final Fantasy 7
25-02-2004, 08:11 AM
عــدنــا :ciao:
خل أبدأ و أرد على الردود :tongue2: :

زين اني ما فكرت اقعد مبكر و اداوم
ايه والله ريحت راسك من القعده على ويه الفير -__-

فف11 نقلتلي العدوى
هم بعد لوووووول :09:

المشكلة اني ما لعبتها

وااااو صج فرق ... وهذا الفرق اهو اللي مخليني ما العب الشريط
يالي ما لعب السابع .. خل يترك عالم الفيديو جيمز أحسن له .. لأن هذه اللعبة اذا فاتتك فاعلم أنك قد فوتت أعظم لعبة ممكن تلعب فيها طول حياتك :أفكر:


و الصور يالي تشوفونها هي لفيلم سيحكي و يكمل لنا أحداث فف7 .. و اللقطات المكرره ماهي الا مجرد ذكريات سيتذكرها البطل اثناء الفيلم ( فف7 : أدفينت تشيلدرن ) .




و على فكرة ترى جيرافيكس فف7 جدا ممتاز .. أعرف ناس كثار كانوا راح يفوتون اللعبة لأن كان على بالهم أن الجيرافيكس بايخ .. و لكن لما لعبوا اللعبة تحسفوا كثر شعر راسهم لأنهم فكروا في هذا الشي .. فالجيرافيكس عجبهم جدا :)

يعني فعلا نصيحه مني .. روحوا و حاولوا تلعبون فاينل فانتسي 7 حتى لو كان عليكم أنكم تحفرون لسابع أرض علشان تحصلون عليها .. و راح تتذكروني و تشكرونا وقتها لأني قلت لكم أن تلعبونها لأن هذه اللعبة أسطورية و الكثيرين سواء من اللاعبين أو النقاد أو المجلات و المواقع اعتبروها أفضل لعبة صدرت في التاريخ ;)

انشاء الله بعد ما يضرب الفيلم يطالبون الناس بريييييمييييييك و تقتنع سكوير وتعملها
ويكون على PS3 او على الاقل الكيوب

و تتوقعون راح ينزل ريميك للجزء السابع لان شكله روووعه
لا لا لا انشاءالله ما ينزلون لها ريمك .. لأن ممكن الريمك يخربها و يأثر على جمالها و طباعها الكلاسيكي الخاص ><
و أصلا سكوير بنفسها قالت أنها ما تفكر اطلاقا باصدار اللعبة ريمك .. لأن سكوير تخاف تعمل أي حركة ممكن يؤثر على أسطورية اللعبة .. و هذا سبب أنها عملت تكملة القصة على هيئة فيلم .. لأنها خافت أن تعمله على هيئة لعبة (( مثل FFx-2 )) و ما يطلع بمستوى الجزء الأول الأسطوري .

سؤال في ناس قالولي من الي انهو العبة انة نهايتها مب لهالدرجة صحيح
بالعكس نهايتها رائعه و كلها ابداع و فن .. مليئة بالمشاعر و سكوير أبدعت فيها ابداع لا يوصف :cool:

ما تعتقد ان صار شكله كأنه فلبيني او تايلندي او اندونيسي
في هذه الصورة .. الطابع الأوروبي غالب على الطابع الفلبيني :tongue2:

بس اليوم نحنا سرنا ندوة شعربة وما درسنا إلا 3 حصص وبعد الندوة والباص تأخر وماكان بيي (بيتم وايد لين ما ايي) وووو صارت سالفة وآخرتها الاولاد نقعوا الخيانة وروحوا عن الإستاذ بالباص
ههههههههههههههههههههه حلوه القصة :jester:

فرق شاسع الفيلم راح يكون قاهر كل الأفلام ومنها ذا لورد اوف ذا رينج
لورد أوف ذا رينج راح يطلع بجانبه و لا شي :p

شكل سيفروث غلط كله غلط شكله في اللعبة احلا من الفيلم
you're right :أفكر:

تعرف تعليقي
لا ما أعرفه :06: ===> يستهبل :tongue2:

والله الاولى احلى
حتى شكل سفروث احلى
بينما الثانيه احسبه عجوز هارب من المصحة العقليه
لووووووووووووووووووووووووووووووول :p

رايي؟
روح احلق شعرك عند الحلاق
و يالي ما عنده شعر شنو يسوي *_* !!

Final Fantasy 7 صج ما تستحي ليش مو مداوم
كيفي : P

بس اللي اشوفه انه رسم سبيرت ويذن اقوى
سكوير بنفسها قالت أن جيرافيكس أدفينت شيلدرن أقوى و أفضل من سبيرت ويذن .. يعني أنت الحين طالع أفهم من سكوير :tongue2: ؟؟؟

مشكور عالموضوع الرائع جدا
العفووووو .. و على فكرة اشتقت لك يالدب .. خلني أشوفك على الماسنجر @_@

ما ادري ليش احس انه العرض الجديد الوانه ملائمة للمشهد ؟؟؟
لأن الألوان متناسبة مع المشاعر الموجودة فيه :02:

اول شيء الرجال محلق شنبه وشعره طلع كأنه حق واحد نجرو
ههههههههههههه كلامك ما عليه غبار :05:

شكله السابق احلى بكثير من شكله الجديد لانه طلع شكله يشبه واحد انا اكرهه
you know him man
ايه طبعا أعرفه ماهو كل يوم أشوفه عند باب بيت جيرانا يغسل سياراتهم :biggthump

طلع شكل سيفروث الجديد خبيث ووقح اما القديم كانت نظرته غامضة وحتى شكله كان احلى من الجديد

انا اوافقك الرأي لانه تحس انه كان غارق في النيران اكثر بالقديم
عاجبني يالي تفهمني ^^









و ثاااااااااانكس كلكم للمرور على الموضوع :ciao:
SkaveN
25-02-2004, 08:10 PM
مشكور فاينل على الموضوع :)
بس انا اشوف ان شكل سيفروث الجديد افضل من القديم والله :33:
dark side
25-02-2004, 08:26 PM
انا واحد جديد ومشكوررررررررررررررر على لموضوع الحلو :biggthump
dark side
25-02-2004, 08:43 PM
انا جديد في المنتدى ومشكووووووووووور على الموضوع الحلو:biggthump
weskerالكويت
26-02-2004, 02:15 AM
سكوير بنفسها قالت أن جيرافيكس أدفينت شيلدرن أقوى و أفضل من سبيرت ويذن
يقصون عليك.... اصلا انا شايفه سبيرت ويذن رسمه مخيف جدا ما اضن انه فيه اقوى منه :bigeyes:
العفووووو .. و على فكرة اشتقت لك يالدب .. خلني أشوفك على الماسنجر @_@
تسوي نفسك ما تعرف وقتي بالماسنجر :09: انا توقيتي بالدخول ما تغير من 68 سنه :ciao:
وشكرا مرة ثانيه عالموضوع المنعش :ciao:
az@_@z
26-02-2004, 02:45 AM
اول شي ابارك لكم اليوم الوطني ولو انها متأخره شوي وعساكم من عواده انشاله :ciao:
والشعب السعودي والخليججي والعربي كله فرحان لكم والله ;)

وبعد التبريكات نرجع للموضوع الاساسي



تصدق يا final fantasy7 انك خربت مزاجي :afraid:

لاني كنت نواي العب ff x-2 بس لما ذكرتني بالاطلال شوقتني حق ف ف7 :أفكر:
فقلت خلني اروح العبها عشان اذا نزل الفلم اكون متذكر كل شي تماام


بس..







































بس.....





















:afraid: :blackeye: :( اللعبه ماحصلتهاااااااا ودي اصيييييييييييييييييييييييييييييييييييييح
:cray::cray::cray:

قعد افكر وانا حزين :sad2:

هل ما اقدر العب هذي الاسطوره من جديد؟؟

((النهاية))

















لحظه يعمي.... قلبتها فلم سووووري شباااااااااااااااااااب :cool:

بالنسبة للمقارنة الفرق شاسع ((يعني الاشكال صارة احلى)) بس سيفروث ماعجبيني للاسباب منها الي ذكرة والشي الثاني موبس لسيفروث كلهم ما اعجبوني لاني تعودة عليهم برسوم اجسامهم الصغير والي مافيها انف ولا فم فقط عليون :bigeyes:
بذمتكم مو كانت رسومهم احلى ؟؟ :أفكر:

:ciao:
*STEVE*
26-02-2004, 11:16 AM
cool thats all
blank
26-02-2004, 12:09 PM
بالنسبة للمقارنة الفرق شاسع ((يعني الاشكال صارة احلى)) بس سيفروث ماعجبيني للاسباب منها الي ذكرة والشي الثاني موبس لسيفروث كلهم ما اعجبوني لاني تعودة عليهم برسوم اجسامهم الصغير والي مافيها انف ولا فم فقط عليون :bigeyes:
بذمتكم مو كانت رسومهم احلى ؟؟ :أفكر:

:ciao:

صادق كانت رسومهم أول حلوه خاصه سيفروث مناسب شكله وكلاود بعد
أهلا فاينل مشكور على الموضوع ......
مافيه شك أنه تطور هائل بالرسوم بس العيب الوحيد أنه كلاود صار أسمر شوي وشكله غريب
مشكور باي
Thundark
27-02-2004, 12:33 AM
والله الفلم... :bigeyes:

طيب وين تيفا :06:

سيد؟

كيت سيث؟

ريد13؟

يوفي؟

وراهم ما حطوا بالفلم :06: :33:
Final Fantasy 7
27-02-2004, 08:21 AM
رجعت لكم .. و راح أبدأ الحين أرد :

مشكور فاينل على الموضوع
بس انا اشوف ان شكل سيفروث الجديد افضل من القديم والله
أغلبنا يفضل شكل سيفروث القديم :33:

انا جديد في المنتدى ومشكووووووووووور على الموضوع الحلو
العفوووووووو و أهلا و سهلا فيك بينا ^^

يقصون عليك.... اصلا انا شايفه سبيرت ويذن رسمه مخيف جدا ما اضن انه فيه اقوى منه
يعني الحين أنت طلعت أفهم من سكوير يالي هي صنعت الفلمين :أفكر: :09: ! ‍

تسوي نفسك ما تعرف وقتي بالماسنجر انا توقيتي بالدخول ما تغير من 68 سنه
أول كنت أشوف الساعه 9 أو 10 بليل .. أما الحين أقعد للساعه 11 و نصف و لا أشوفك .. حتى اسأل ستيف دائما أنتظرك و أنت ما تدخل :blackeye:

اول شي ابارك لكم اليوم الوطني ولو انها متأخره شوي وعساكم من عواده انشاله
والشعب السعودي والخليججي والعربي كله فرحان لكم والله
الله يبارك فيك و شكرا على المباردة الطيفه :)

بالنسبة للمقارنة الفرق شاسع ((يعني الاشكال صارة احلى)) بس سيفروث ماعجبيني للاسباب منها الي ذكرة والشي الثاني موبس لسيفروث كلهم ما اعجبوني لاني تعودة عليهم برسوم اجسامهم الصغير والي مافيها انف ولا فم فقط عليون
بذمتكم مو كانت رسومهم احلى ؟؟
بالنسبة لي .. جيرافيكس فف7 هو الجيرافيكس المثالي لألعاب الآر بي جي .. :cool:

cool thats all
I know @@

مافيه شك أنه تطور هائل بالرسوم بس العيب الوحيد أنه كلاود صار أسمر شوي وشكله غريب
صحيح خاصة شعره مو متناسب مع شكله في الجيرافيكس المطور :tongue2:


طيب وين تيفا
سيد؟
كيت سيث؟
ريد13؟
يوفي؟
وراهم ما حطوا بالفلم
كل الشخصيات راح يكونون في الفيلم و لكن انتظر لأن لحتى الآن ما تم الكشف عن صورهم :أفكر:
Thundark
27-02-2004, 08:31 AM
كل الشخصيات راح يكونون في الفيلم و لكن انتظر لأن لحتى الآن ما تم الكشف عن صورهم

زين ريحت بالي :o

شكرا...
Soliden
27-02-2004, 05:24 PM
شكرا على المقارنة فاينل ^_^ و ألف شكر
و تعليقي أنه لو جعلوا ملامح الشخصيات كما هي كان أفضل.... كلاود سار شكله زي تايدس و سيفيروث شكله أنعدم سار بطّال مرة.


اللعبه ماحصلتهاااااااا ودي اصيييييييييييييييييييييييييييييييييييييح
http://montada.com/images/smilies/cray.gifhttp://montada.com/images/smilies/cray.gifhttp://montada.com/images/smilies/cray.gif

قعد افكر وانا حزين http://montada.com/images/smilies/new_icons/sad2.gif

هل ما اقدر العب هذي الاسطوره من جديد؟؟


ساكن في جدة؟ لو ساكن في جدة قابلني و أعطيك إياها ^^
و الله أنا أعرف هذا الشعور لأني أشتريت نسخة دايخة من زينوساجا خربانة و بعد فترة جلست أدور لها لكن للأسف ما لقيتها و إلى الان زعلان >_<
Final Fantasy 7
02-03-2004, 02:00 AM
بدر
Don't worry .. be happy :tongue2: :biggthump





soliden

و تعليقي أنه لو جعلوا ملامح الشخصيات كما هي كان أفضل.... كلاود سار شكله زي تايدس و سيفيروث شكله أنعدم سار بطّال مرة.
أتفق معاك :blackeye:
و العفوووو يا عزيزي ^^