كل شيء عن -Winning Eleven7 International-

[Chandler]

هلا شباب..

كيف الحال؟!..

بعد 6 ايام من اللعب المتواصل في WE7I..هذا هو رأيي في اللعبه..مع توضيح الاختلافات الحاصله..واختيار افضل اللاعبين..وغيرها..وان شاء الله الموضوع سيتم تحديثه كل فتره...

==============================================

رأيي في اللعبه
ما زالت كونامي تتحفنا بابداعاتها في كل جزء من اجزاء هذه اللعبه..فبعد WE7..انصدم جميع عشاق اللعبه بقرار كونامي بتغيير النسخة المطوره (والتي اصبح انتاجها عادة عند الشركة بعد 6اشهر من اصدار اي جزء اصلي)..بنسخة عالميه من اللعبه..والذي زاد الامر سوء..عدم صدور اي معلومات تفيد بتغييرات ولو بسيطه على اللعبه..
لكن كونامي لم تخيب ظن عشاقها..وكان اصدار WE7I مفاجأة ساره للجميع..والسبب..التغييرات التي حدثت للعبه (سأتحدث عن التغييرات في الفقره القادمه)..اول ما لعبت اللعبه..حدث لي ما حدث ايام WE7 وهو اني وجدت اسلوب اللعب صعب..وكدت ان اتركها واعود للجزء السابق..ولكن..بعد يومين وجدت نفسي لا استطيع ترك اللعبه..من شدة الانبهار والحماس..
باختصار..اللعبه رائعة..كونامي ما زالت في القمة..و Winning Eleven ما زالت افضل لعبة كرة قدم في التاريخ..:)..



الاختلافات..التي حدثت
اسمحوا لي هنا..اخفف شوي من الفصحى عشان اعرف اشرح :)..على الرغم من استخدام اللعبه لنفس المحرك..لاحظت تحسن في الرسوم..مع وجود زيادة في الانيميشن (مثلا:اذا لاعبك تزحلق على لاعب وطيحه..بعض الاحيان تشوف لاعبك يروح يقوم اللاعب الطايح بكل روح رياضيه)..بس تراني لاحظت شي مزعج..وهو انه في حاله تجمع عدد كبير من اللاعبين في منطقه وحده..يكون فيه بطء في اللعبه مع تقطيع بسيط (مدري هل هو بسبب رداءة نسختي اللي منزلها من النت او من اللعبه الاصليه)..لكن اهم نقطه بالنسبة لللاعبين..هي التغير في اسلوب اللعب..وهذي باطرحها على شكل نقاط..

1- اولا..التمريرات والرفعات..
تم تحسين اسلوب التمريرات والرفعات بشكل كبير..واصبح تناقل الكره بين اعضاء الفريق اكثر واقعيه ودقه (جربوا البينيه من رجل زيدان)..والرفعات تغيرت..الان الرفعه ممكن تمر من فوق رؤوس المهاجمين والمدافعين وتتعداهم الى الجهه الثانيه من الملعب...

2- ثانيا..ضربات الرأس..
اصبحت اقوى وافضل..في الجزء السابق كان اغلبيه اللاعبين يشتكون من ضعف ضربات الرأس (هذا ان جت الكوره على راس اللاعب)..لكن في هالجزء صارت ضربات الرأس اقوى واحلى..هذا غير تحسين قوة التسديد لتصبح التسديدات اكثر واقعيه وقوة..بمعنى آخر الشوتات صارت تبرد القلب (جرب شوت كوره برا منطقه الجزاء بنيدفد :أفكر: )..

3- ثالثا..المراوغه والتسحيب..
في الجزء السابق..كان من الممكن لو معك لاعب مثل مارادونا او اورتيغا..انك تسحب في 5 او 6 لاعبين بكل سهوله..وصار فيه مجموعه ما تلعب الا بهالاسلوب (سحب..سحب..سحب..شوت..قوووول)..بس خلاص..راحت ايامهم..الان حتى لو معك كابتن ماجد..ما راح تقدر تراوغ اكثر من 3 لاعبين..بيجيك الرابع ويقطعها..مما يلزمك تستخدم التمرير..والون تو..والبينيات..

4- رابعا..قطع الكره واستخلاصها..
في WE7 لو تباري واحد يلعب بآرسنال او ميلان..وهجم عليك من الجناح عن طريق شفشينكو او هنري..بتواجه صعوبه كبيره في قطع الكوره..وتلقاه يخترق منطقه الجزاء بسهوله نظرا لسرعه اللاعبين اللي ذكرتهم..اما في WE7I..صار استخلاص الكوره اسهل بكثير..وبصراحة انا ملاحظ انهم زودوها حبتين يعني لو معك لاعب مثل مارتينز سرعته99 وهجمت فيه..راح تلاقي الكمبيوتر يلحقك ويجي من وراك بكل بساطه ويقطعها..مما يذكرني بنقطه ثانيه..وهي تغير اسلوب قطع الكوره عن السابق..الان لو تقطعها بزر x فيه اكثر من حركه يقطعها فيها..لكن لو تستخدم زر o..فيه نسبه كبيره ان الحكم بيحسب فاول عليك..(هنا فيه شي غريب..وهو انك اذا جربت تحتك باللاعب المنافس سواء كان بزر x او انك تمشي جنبه..ما تدري الحكم بيحسبها فاول ولا بيمشيها..ما صار فيه طريقه واضحه لقطع الكوره)..<== هذي ملاحظه شخصيه توني انتبه لها

5- خامسا..مبدأ اتاحه الفرصه..
تم تحسين مبدأ اتاحه الفرصه (وهو للي ما يعرفه..العلامه الصفرا اللي تطلع فوق على اليمين اذا كان فيه فاول لصالحك ولاعبك كمل)..في السابق كان فيه مرات يطبق فيها الحكم مبدأ اتاحه الفرصه..بدون ما تستفيد منها وترتد عليك..اما الان..اذا كان فيه فاول لصالحك..واعطاك الحكم ادفانتج..اذا استمرت الكوره لصالحك حلو..اما اذا اخذها اللاعب المنافس قبل ما تستفيد منها..بيصفر ويعطيك فاول..

6- سادسا..حراس المرمى..
للاسف..النقطه الوحيده السلبية اللي من الصعب التغاضي عنها..هي ضعف حراس المرمى بشكل غريب..تقريبا اي تسديده مباشره على المرمى..تدخل هدف..على عكس الشريط السابق اللي كانوا الحراس فيه مبدعين..تلقى الحارس منهم ممكن يصد 3 او 4 كور متتاليه وكلها انفرادات..والاغرب من هذا..لاحظت ان الحراس يبدعون في كور لا يمكن صدها (مثل ضربه رأس من ركله زاويه..تشوف الحارس ينقض على الكوره مثل الصقر ويمسكها..وبعدها بدقايق..يدخل فيه هدف من تسديده ارضيه ضعيفه من خارج منطقه الجزاء).:(



الماستر ليج
انا ما لعبت الماستر ليج في الجزء السابق..لكن من اللي فهمته من الاخوان انه تقريبا نفسه..وباقول لكم اللي لاحظته وصححوني ان كان اللي باذكره موجود في WE7..
كالعادة..تبدأ الماستر ليج بفريق ضعيف..وتحاول تجميع النقاط لكي تستطيع شراء لاعبين جدد..وتستمر على نفس المنوال حتى يتكون عندك فريق الاحلام..وكله من تعبك..

اول ملاحظاتي..ان اللاعبين كثاااااار..وفيه حركه حلوه لما تدور لاعبين تشتريهم..اذا اخترت -ترتيب اللاعبين حسب منتخباتهم- بتلاقي منتخبات كثيييييره غير موجوده في قائمة المنتخبات الاصليه وغالبيتها افريقيه..مثل ليبيا والجزائر وغينيا..وليبيريا..وايضا منتخب لبنان.لكن اللي قهرني هو وجود المنتخب الصهيوني اسرائيل :vereymad:..اما سبب وجود هالمنتخبات هنا فقط..هو انك لو تختار المنتخب..ما راح تلقى فيه الا كم من لاعب لا يتعدون عدد اصابع اليد..(الظاهر ان هذولا يلعبون في اوروبا)..حتى ان بعض المنتخبات ما تقدر تختارها..مدري ليه!!..

ثاني شيء لاحظته..هو زياده تعقيد اللعبه..واضافه اكثر من طريقه للحصول على اللاعب..بالاضافه الى طريقه الشراء العاديه (دفع مقدم عقد+راتب شهري)...هناك مبادله اللاعبين..واعارة اللاعب..واخذ اللاعب ببلاش :biggthump (هذي تسميتي لها..لكن المقصود منها هو..لما مدة عقد اللاعب مع ناديه تقرب تنتهي..تقدر تفاوض اللاعب للعب في ناديك بدون مقدم عقد..المطلوب منك انك تعرض عليه راتب اعلى من راتبه السابق..وهالطريقة توفر عليك آلاف النقاط)..

ثالث ملاحظاتي وهي اهم واجمل ملاحظه :)..وضعت كونامي محرك بحث راااائع في الماستر ليج..ويقوم هذا المحرك بالبحث عن اللاعبين وترتيبهم لك على كيف كيفك :p...يعني تقدر تطلب منه يرتب لك الللاعبين من اسرع واحد الى ابطئ واحد..او تطلب منه ترتيب اللاعبين حسب سعرهم في السوق..او حسب قوة ضرب الرأس عندهم..او تقدر تخليه يوضح لك اللاعبين اللي قربت عقودهم تنتهي في نواديهم وبالتالي تقدر تاخذهم بدون مقدم عقد (شرح الطريقه موضع في النقطه السابقه)..باختصار المحرك راااائع واضافه قويه لهذا الجزء (ان كان موجود في الجزء السابق فانا الومكم يا شباب المنتدى لعدم توضيحها)..



افضل اللاعبين
انا كنت ناوي ارتب اللاعبين مثل موضوعي السابق..لكن بما ان كونامي ما قصرت وحطت لنا محرك بحث..باكتب لكم افضل اللاعبين بشكل عام..خصوصا ان طريقه حساب قوة اللاعب تختلف من شخص لآخر (فيه ناس عشان يشوفون اسرع لاعب..يدورون عن الSpeed وبس..وفيه ناس تحسب السرعه والتسارع والاستجابه وغيرها)...

ضربات الرأس..
ما زال اللاعب اليوغسلافي كوفاسيفيتش هو الافضل حسابيا..حيث ان قوة رأسه (96) وقوة قفزه (90)..ويأتي خلفه الفرنسي تريزيغيه بقوة رأس (95) وقفز (91)..والجميل هو تحسين كونامي لقوة كلوزه الالماني لتصبح قوة رأسه (95) وقفزه (90)..وهناك ايضا الانجليزي الن شيرر..والهولندي كلايفرت..

التسديد..
هنا بصراحة احترت..من ناحية قوة التسديد..اقوى اثنين ر.كارلوس واوليسيه بقوة تسديد تبلغ (99)..لكن التسديد يعتمد على اكثر من معيار..ولو حسبناها بشكل نسبي..بيطلع اكثر من لاعب..اولهم واللي اعتقد انه افضل واحد يسدد من كوره متحركه رونالدو..ويأتي بعده..هنري ونيدفيد وراؤول..وايضا ما ننسى شيفشفنكو وفان نيستلروي...

السرعه..
في السرعه..ما فيه نقاش..بأن اسرع لاعب في اللعبه هو لاعب الانتر..النيجيري مارتينز بسرعته البالغه (99)..وتسارعه وتحكمه بالكره كلها فوق ال90..بعده..يجي اكثر من لاعب..ممكن يكون اولهم شيفشينكو اللي نقصوا سرعته من 98 الى (95)..وفيه برضو اللاعب البلجيكي امبينزا..وما ننسى اوين وهنري...ممكن نضيف رونالدو..صحيح ان سرعته ضعيفه مقارنه باللي قبله..لكن باقي المعايير اللي تدعم السرعه عاليه عنده..

الحراس..
في الجزء السابق كان الحارس الالماني -اوليفر كان- هو افضل حارس..لكن في هذا الجزء فيه حارس ثاني..وهو الاخطبوط الايطالي -بوفون-..وتقريبا يأتي بعده تولدو الايطالي..وفيه ايضا ديدا حارس الميلان..وطبعا اوليفر كان ما زال محتفظ بامكانياته..ومستواه جيد..وفيه روستو حارس تركيا..والدعيع حاطينه قوي في هالجزء..وحارس كولمبيا...والله فيه حراس كثيرييين ممتازين..لكن برأيي هؤلاء هم الافضل..

===========================================

هذا اللي عندي الان..لكن مثل ما قلت..الموضوع سيتم تحديثه كل فتره..اتمنى انه يعجبكم..وارجو من الاعضاء التفاعل..

[SnaKe EateR]

الف شكر لك اخوي على مووضووعك الرائع

سلام

[بروسلي]

مشكور على الموضوع الأكثر من رائع :biggthump
فيه مشكلة فيه دافيز اثنين احد لاحظهم و لا أنا غلطان دافيدز مع هولند و شعره اشقر و بدون نظاره
و دافيدز مع اليوفي و شكله مضبوط و اظنه الأصلي :tongue2:

[Andriy Sheva]

مشكووووووووووووووور أخوي على الموضوع الرائع جدا :ciao:

[Chandler]

بروسلي..

مشكور على الرد..ولو تلاحظ..ترى حتى سيدورف موجود منه اثنين...واحد في ميلان والثاني في هولندا..


SnaKe EateR & Andriy Sheva..

مشكورين على الرد..:)

[راكانو]

يعيك العافية أخوي Chandler :)
صراحة أبدعت في التحليل :ciao:

[أبو بدر]

اممممم ... :33:
بصراحه ما أقدر أقول إلا الله يخلي لنا كونامي اللي خلتنا نشوفك .. :tongue2: >>>>> يا حبه للتشره :naughty2:

المهم نرجع للموضوع ,,, في البداية أحب أشكرك على الموضوع المميز ,,, ;) و اسمح لي بأعلق على كم نقطه ... :tongue2:


بس تراني لاحظت شي مزعج..وهو انه في حاله تجمع عدد كبير من اللاعبين في منطقه وحده..يكون فيه بطء في اللعبه مع تقطيع بسيط (مدري هل هو بسبب رداءة نسختي اللي منزلها من النت او من اللعبه الاصليه
و الله ياخوي ما صادفتني هالمشكله ,,, الظاهر العيب من نسختك ... :31:


الان الرفعه ممكن تمر من فوق رؤوس المهاجمين والمدافعين وتتعداهم الى الجهه الثانيه من الملعب...
هذي الميزه شدت انتباهي مثلك ,,, بصراحه كونامي في هالإصدار أبهرتنا بهالكم الكبير من الواقعيه اللي فيه ,,, :)


في الجزء السابق كان اغلبيه اللاعبين يشتكون من ضعف ضربات الرأس (هذا ان جت الكوره على راس اللاعب)..لكن في هالجزء صارت ضربات الرأس اقوى واحلى..ه
و لا تنسى بعد إنهم حسنوا طريقة تشتيت الكره بالرأس في منطقة الدفاع ,,, ففي الجزء السابق كانوا لاعبينك يتناولون الكره بالرأس بدال ما يخلصون الكره و هذا الشي ما فيه أي واقعيه ,,,


الان حتى لو معك كابتن ماجد..ما راح تقدر تراوغ اكثر من 3 لاعبين
ههههههه ,,,, حقيقه أوافقك الراي بهالنقطه .. :)


(هنا فيه شي غريب..وهو انك اذا جربت تحتك باللاعب المنافس سواء كان بزر x او انك تمشي جنبه..ما تدري الحكم بيحسبها فاول ولا بيمشيها..ما صار فيه طريقه واضحه لقطع الكوره)
بالفعل أخوي ,,, تصدق إن فييري انطرد مني بسبب انه دف اللاعب اللي ضدي دفه عاديه ,,, :) و هذا الشي رائع و يعني إنه ما فيه طريقه آمنه و مضمونه لقطع الكره ,,, :cool:


خامسا..مبدأ اتاحه الفرصه..
أحسن شي طوروه بهالجزء من وجهة نظري ,,, و لا تنسى بعد إنهم خففوا من لمسة اليد ... :)

آسف على الإطاله ,,, لكن وش أسوي الموضوع مميز ,,
تحياتي لك .. :)

[Chandler]

راكانو..

الله يعافيك..ومشكور على الرد..:)


ابو بدر..

تسلم اخوي على الرد..ايه..هذا المطلوب..نقاش و تفاعل.. :biggthump

اولا..
انا موجود :)..لكن ما احب اشارك كثير..<== زول

ثانيا..نجي لردودك..


و الله ياخوي ما صادفتني هالمشكله ,,, الظاهر العيب من نسختك ...
ريحتني :)..والله ضاق صدري من هالمشكله..لكن ما دامها في نسختي..باشتري نسخه جديده اول ما ارجع للرياض..



هذي الميزه شدت انتباهي مثلك ,,, بصراحه كونامي في هالإصدار أبهرتنا بهالكم الكبير من الواقعيه اللي فيه
لو تلاحظ..في هالجزء صار تأثير سرعه العرضيات قوي..يعني تفرق لما ترفعها بروبيرتو كارلوس اللي سرعه رفعاته (99)..او ترفعها بكاكا..وكل ما كانت سرعه الرفعه اكثر..كل ما زادت نسبة التهديف منها..



و لا تنسى بعد إنهم حسنوا طريقة تشتيت الكره بالرأس في منطقة الدفاع ,,,
ايه والله..نسيت اكتبها..يا انها كانت ترفع ضغطي في WE7..



بالفعل أخوي ,,, تصدق إن فييري انطرد مني بسبب انه دف اللاعب اللي ضدي دفه عاديه ,,, و هذا الشي رائع و يعني إنه ما فيه طريقه آمنه و مضمونه لقطع الكره ,,,
انا معك انها حركه حلوه..وواقعيه...لكنها تجيب الضغط..خصوصا ان كنت تلعب مباراة مهمه...وينحسب عليك بلنتي بس لأنك مشيت جنب مهاجم الفريق..او اذا قطعها منك مدافع بطريقه عنيفه..والحكم يتفرج..



و لا تنسى بعد إنهم خففوا من لمسة اليد ...
تصدق اني توني انتبه لها :p...الى الان ما انحسب علي ولا فاول من لمسه يد..واضح ان كونامي حسوا انهم غلطوا فيها..وصححوا غلطتهم في هالجزء..



آسف على الإطاله ,,, لكن وش أسوي الموضوع مميز ,,
يا ليت تكثر لنا من هالاطالات :)...والموضوع مميز بردوده...ومشكور على نقل الموضوع للمميزه..:)

[ملكwe]

:wow: :wow: :wow:


المراقب تشالندر:wow:


انتى فين ياراجل:D :D


عاش من شافك أخوي وش هالغيبة:(


وش لونك ووش أخبار الدراسة معاك;)


صحيح انه مالي معاك علاقة أو معرفة لاكني قبل لا أشترك بالمنتدى


كنت أتابع كتااباتك الرائعة :)


عموما عودة حميدة انشاء الله للمنتدى


وان شاء الله انك ماتقطعنا:ciao:

[بو مطلق]

اول ملاحظاتي..ان اللاعبين كثاااااار..وفيه حركه حلوه لما تدور لاعبين تشتريهم..اذا اخترت -ترتيب اللاعبين حسب منتخباتهم- بتلاقي منتخبات كثيييييره غير موجوده في قائمة المنتخبات الاصليه وغالبيتها افريقيه..مثل ليبيا والجزائر وغينيا..وليبيريا..وايضا منتخب لبنان.لكن اللي قهرني هو وجود المنتخب الصهيوني اسرائيل ..اما سبب وجود هالمنتخبات هنا فقط..هو انك لو تختار المنتخب..ما راح تلقى فيه الا كم من لاعب لا يتعدون عدد اصابع اليد..(الظاهر ان هذولا يلعبون في اوروبا)..حتى ان بعض المنتخبات ما تقدر تختارها..مدري ليه!!..


هاذولا اولا يا خوي كل الا عبين بالشريط مثلا اذا اخترت علم البرازيل راح تلقى جميع الاعبين البرازيلين في الشريط سولء كانوا في المنتخب ولا لا مثل ايلبر



ثاني شي يا خوي الماستر ليج نفسه الي we7 وتبعت حالك يا خوي في شرحه


اخيرا شكرا يا خوي على مشاركتك

بو مطلق

[Stam]

يعطيك ألف عافية صراحة موضوع متكامل عن اسطوة كونامى

تحياتى

Stam

[Chandler]

ملكwe..

انا موجود :)..
الله يسلمك..بصراحة كلامك احرجني..
بالنسبة للدراسة..الحمدلله..كل شي تمام..ومشكور على الرد :)..


بو مطلق..

هلا اخوي..

هاذولا اولا يا خوي كل الا عبين بالشريط مثلا اذا اخترت علم البرازيل راح تلقى جميع الاعبين البرازيلين في الشريط سولء كانوا في المنتخب ولا لا مثل ايلبر
مشكور على المعلومه :)..لكن الغريب ان فيه منتخبات موجوده اعلامها وما فيها لاعبين..مثل لبنان وليبيريا <== ممكن يكون بسبب نسختي المضروبه..



ثاني شي يا خوي الماستر ليج نفسه الي we7 وتعبت حالك يا خوي في شرحه
ايه والله :(..اليوم واحد قال لي انها نفسها..بس مع انها احتوت على مميزات كثيره..ما شفت مواضيع تتكلم عن هالمميزات اول ما نزل WE7..خصوصا محرك البحث..

ومشكور على الرد :biggthump


Stam..

مشكور اخوي..والموضوع توه في بدايته..بيتم تحديثه كل فتره..وارجو من الاعضاء المشاركه في المناقشه والتفاعل..:)

[بروسلي]

ليش يااخوان ما نتكلم عن الفاولات لأنه صعب صعب صعب تسجل عكس WE7 أو يمكن لسا ما تعودت على الشوت ، لأنه ألحين أنا و اخوي في المباراة الواحدة مانسجل اكثر من هدف :33:
و بنسبة للعبين الممتازين في القريب :(من رأي طبعا)
بيكهام ، فيجو ، ريكوبا ، سنيوري (Sovriy ) لاعب إيطاليا القديم ، زيدان ....
و للبعيد :
روبرتو كارلوس ، لاعب هولندا القديم ما أذكر وش اسمه في الدفاع ، و لاعب قديم مع علم يشبه انجلترا أظن اسمه ذا بست اسلوبه مثل روبرتو كارلوس ....

و اسوف ارئكم ;)

[D0WN~T0WN]

ياهلا
معليش اني تأخرت على الرد مع اني قاري الموضوع من كم يوم لكن انشغلت+تعيجزت

الحقيقة اللعبة روووووعة لاخر درجة وخصوصا الرفعات انا ماغير معلق على O

والحراسة زي ماقلتلك قلق وترفع الضغط
اجل امس يوم اني العب بالانتر في دقيقة قلبت النتيجة 5-1

ضربات الراس حلوة واسهل من الجزء السابق بكثير

واحسن شي عدلوه لمسات اليد
ومبدأ اتاحة الفرصة اللي ماكان له داعي في الجزء اللي راح

اما اللاعبين فاشوف ان رونالدو كلش يااحمر يابلاش

اللعبة ماتعمقت فيها عشان اتفلسف زيادة لكن انت ماقصرت صراحة والف شكر وتستاهل المميزة :)

[Stam]

لأنه ألحين أنا و اخوي في المباراة الواحدة مانسجل اكثر من هدف
و بنسبة للعبين الممتازين في القريب من رأي طبعا)
بيكهام ، فيجو ، ريكوبا ، سنيوري (Sovriy ) لاعب إيطاليا القديم ، زيدان ....

و لا تنسى رونالدينهو نجم الضربات الحرة بلا منازع وروى كوستا الآخر داهيه بكل ما للكلمة من معنى 0


يا جماعة التحكيم من أسوء عيوب اللعبه خصوصا الحكام السمر البشره أو بمعنى آخر (( الخوال )) صراحة ما كوا أغبى منهم على أى طيحة لاعب على طول طرد 0

أذكر لكم هالموقف
( مره من المرات ماخذ إنجلترا ضد تركيا ومستانس من أول دقيقتين حطيت هدف برأسية غارى نيفيل على روستو العملاق بعد ركنية من المهندس بيكام وما مرت دقيقتين بعد الهدف إلا إلتحم آشلى كول مع نيهات قهوجى إلتحام عادى وجانى أبو الشباب يصوفر وعلى طول كرت أحمر :vereymad: و ضليت 85 دقيقة بلا جناح غير الكروت الصفر ( أوين -بيكهام -كامبل ) و ألباى التركى كسرنى على حدود منطقة الجزاء من الخلف والمفروض فيها طرد و الأخ إكتفى بفاول مع إن أوين إنصاب بها :vereymad: وخسرت المباراه والسبب الحكم 0

و الله كونامى فعلا تعصب الواحد بالإصدار القديم لمسات اليد عد وخربط والحين غباء الحكام 0

على العموم آسف على الإطاله

تحياتى

Stam

[MO15ON]

يعطيك العافيه .. اخوي بس
عندي شي. ابي اوضحه
ضعف الحارس..
اكتشفت اننا لما نقدم الحارس في مثلث.. نفقد الحارس توازنه ..
لكن لما نخليه علي كيفه ..
يكون في كامل التوازن .. ويكون مترصد للكوره ..
;)

[Chandler]

اولا..
انا آسف جدا على التأخير في الرد عليكم وتكمله الموضوع..

ثانيا..
الردود :)..

بروسلي..

بالنسبة للفاولات..انا ما لاحظت تغيير كبيره فيها..واسجل اهداف كثيره منها..ومن رأيي افضل من يشوت الفاولات القريبه -بيكهام, ريكوبا, فيغو, روي كوستا, محمد شول- <== وفيه فيروتا من النمسا دقة الفاولات عنده (96)..

اما البعيد..ما اعرف الا ابو كارلوس :)..وما احب العب بلاعبين المنتخبات القديمه..


D0WN~T0WN...

مشكور على الرد..:)...


Stam...

معك حق..لكن مو بس الحكام السمر..كل الحكام..يمكن هذي حركه مقصوده من كونامي مثل ما قال ابو بدر..
بصراحه..انا استغرب بعض الاحيان تجي كوره ميته عند الدفاع..واضغط مربع عشان اخلصها يجي يتزحلق ويشوتها (وبالصدفه يكون جنبه مهاجم)..ويحسبها الحكم بلنتي..:أفكر:...


MO15ON..

والله ممكن :33:..ومشكور على الرد..:)



الرد الجاي بيكون تكمله للموضوع..

[Chandler]

تكمله..


حركات جديده
في هذا الجزء..اضافت كونامي حركتين جديدتين فقط..
الحركة الاولى عبارة عن رفع الكره بشكل خفيف الى الامام (او بمعنى آخر..تنقيز الكوره :))...وهالحركة ممكن تفيد في حالة الانفراد بالحارس برفع الكره من فوق الحارس..او من الممكن رفعها للامام ومن ثم تسديد الكره على الطاير :biggthump..وتنفيذ الحركة يتم بالتحريك زر الانالوج الايمن R3..الى فوق ثم الى تحت بشكل سريع..
اما الحركة الثانيه..فهي عندما تكون الكره في يد الحارس..تستطيع انزالها والتقدم بالحارس..وذلك بضغط زر R1...



مواضيع متعلقه باللعبه
اذا كنت ترغب بتغيير اسماء اللاعبين الى اللغه الانجليزيه..تستطيع ذلك ان كان لديك تخزين في الجزء السابق..
من القائمة الرئيسية اختار Game Option..ثم اختار اول اختيار WE Data Control..بيطلع لك 3 اختيارات..اختر Option File...واخيرا اضغط على WE Series Data Load..بيسوي تحميل من الميموري كارد..وبعدها بيطلب منك اختيار ما ترغب تحميله (اسماء اللاعبين-اسماء الانديه-WE Shop)..

طبعا بيطلع منتخبات هولندا والمانيا اسمائهم يابانيه..وهذي يلزم تغييرها يدويا..وللحصول على اسماء اللاعبين بالانجليزي..وايضا اسماء الانديه الحقيقيه...اضغط هـنـا (http://www.montada.com/showthread.php?t=266085)للذهاب لموضوع الاخ Stam...



الماستر ليج -2-
بما ان وجهي طاح في الفقره السابقه عن الماستر ليج :)..باحاول اعوضها بهالفقره الخاصه بالماستر ليج..واللي فيها بعض التبسيط..

من اول ما تلعب اللعبه بتظهر لك قائمة الاعدادات (Settings)..هنا فيه 5 اعدادات خاصه بالماستر ليج..اول واحد هو (Accumulated fatigue)..وهذا هو الوحيد اللي ما فهمته لعدم فهمي للكلمه الثانيه..بس ممكن يكون له دخل بالكروت الصفراء والحمراء وانت تحدد اذا كانت الكروت تنحسب بعد المباراة ولا لأ.-يعني اذا اخذت كرت اصفر يبقى معك ولا يروح مع المباراة-..

ثاني واحد هو (Acquire retired players)..وهذي تحدد اذا تسمح للكمبيوتر انه يتعاقد مع اللاعبين القديمين ولا لأ...اما الاعداد الثالث فهو (Tranfer frequency)..وهذا اذا اخترت نجمه وحده فالكمبيوتر ما راح يوافق بانتقال اي لاعب الى ناديك -ما عدا لاعبينك الاصليين طبعا-..اما اذا اخترت نجمتين بيوافق..لكن بصعوبه..وهكذا الى النجمه الرابعه اللي تخليه يوافق على ايش شي :)..

رابع شي (Level of acquired players)...هذي فيها خمس نجمات..كل ما كانت النجمات اقل كل ما قل مستوى اللاعبين اللي تشتريهم الانديه الثانيه..-يعني لو تخليه خمس نجمات تلقى الانديه الثانيه تشتري لاعبين من صنف هنري ورونالدو اما لو خليته نجمه وحده ما راح يشترون لاعبين صح-..

آخر اعداد هو (Acquisition difficulty)..يتعلق بردود فعل الاندية اذا انت قدمت لها عرض شراء..وهذا فيه ثلاث نجمات..اذا اخترت نجمه وحده..بتكون موافقه النادي مرهونه بكثر الفلوس اللي تقدمها..واذا اخترت نجمتين..بتشوف الفريق بنظر لوضعه الخاص ويشوف مدى تضرره من انتقال اللاعب لك..قبل ما يوافق..اما في حالة انك اخترت ثلاث نجمات..الكمبيوتر بيضع شروط صارمه وشبه تعجيزيه للحصول على اللاعبين...

هناك طبعا اعدادات اخرى متعلقه بالماستر ليج مثل (Strip Selection) وفيه تحدد اذا فيه امكانيه وجود اختيار للاطقم قبل بداية كل مباراة..وايضا هناك (Cheat prevention save)..وهذا يحدد وجود عقوبه على الغش باعادة اللعبه -اذا كنت مهزوم واعدت المباراة من النص يخصمون منك نقاط-...

[Power]

مبدع ياتشاندر ماقصرت على الموضوع الحلو ..

[de_7ijazi]

ماشاء الله لا قوة إلا بالله ،

بتتعبوا والله يا شباب في المواضيع ، الله يعطكم العافية.

أنا دوبي جيت على المنتدى ، منزمان ما دخلت عليه ، واول مرة اعرف إن في لعبة جديدة ، بصراحة شهيتوني أدور عليها ، وأكتر شي مبسوط به ، مارتينز النيجيري ، التلاتة حقت الانتر في ارسنال من تحت راسه ، ماشالله شي الجني في الملعب يستاهل الـ99.

لكن أنا داخل عشان الـfatigue هادي حقت تعب اللاعب ، أو الارهاق زي ما تقول الصفحات الرياضة ، وفي رأيي هادي ميزة مرة حلوة ، عشان مو طول الدوري والتشكيلة ثابته.

ولو فيها تقالة ، ايش صار في لاعبين زي : فرناندو توريس ، رووني ، (داير ، جانس) حقون نيوكاسل ، موتو ، إيدو حق أرسنال؟

[Stam]

أخوانى عندى حركه أتمنى من اللله أن الجميع يستفيد منها وهى

معظمنا يسدد على المرمى وفى أغلب الأحيان تظيع التسديدات و ما تكون مركزه على المرمى

والحركه عندما تأتى بالمهاجم لتسدد فقط عليك بالضغط على ( مربع + R2 ) وشوف شيصير بالشوته تصدقون بالله من أول ما عرفت صارت معظم تسديدات 90% منها أهداف و الأحلى إذا من خارج منطقه الجزاء بس على مستوى الشوته و مقياس الضغط لازم يكون متوازى مع المسافة المراد التسجيل منها 0

وآسف على الأطاله

Stam

[BaStOrK]

روووووووووووعة تسلم يدك اخوي..:)..

وشكراً ستام على حركة التسديد لان عندي مشكلة فيها :D

[Mussav]

مشكور ستام
بس انا من اول شريط وننج الفن
ماعرف اسدد الا مع R2

[بروسلي]

مشكور يا ستام انا بجربها إن شاء تكون انطلها فوق الحارس (تسقيط) لأنه هذا الجزء صعب صعب التسقيط فوق الحارس

[Stam]

شكرا يا باشتورك و موساف على ردودكم و يا أخ بورسلى الحركه هذى لدقه التسديد و فعلا مثل مثلما تفضلت التسقيط من أصعب الأشاء فى هذا الجزء 0

* الأخ احمد السعد اللى طالب منى طاقات الاعب الأسبانى اليديد للأرسنال رياس تفضل :-

1/ الطريقة إشتر العب الأسبانى المدافع ( أبيلاردو ) من ال WE Shop
2/ دش ال Edit Mode وأختر Edit Player ثم Modify ثم ختر العلم الذى بوسطه F ( Other) بعدها نقى أبيلاردو تلقاه أصلع وإطبع عليه التالى :-

Name Reyes
Call Name النطق تلقاه فى صفحة 305 رابع إسم
Uniform Name R E Y E S

Position SMF (M)-OMF

Basic setting

Age 20
Main Foot L
Other Foot Ab, 6
Other Foot Accuracy 6
Injury Tol A,
Special Free Kick E

Appearance
Skin Color 1
Face Type Bulild face
1
B
+2
-3
+2
-2
-3
A
D
+2
+2
A
A
0
-1
0
+1
0

Head Vertical Size 2
Head Horizontal Size 4
Eye Globe Color 2
Eye Color Black 2
Hair Style 87
Hair Color 9
Bandana Color -
Facial Hair 55
Facial Hair Color Same as Hair
Goggles No
Goggles Color -
Face Mask No
Face Mask Color -
Cap No
Cap Color -
Wristband No
Ankle Tape No
Uniform Short Sleeves
Shoes 1
Main Shoes Color 7
Secondary Shoes Color 2
Toe Color 2
Tongue Color 7
Heel Color 7
Height 175 cm
Weight 71 kg
Physique 2
Offence 86
Defence 60
Body Balance 75
Stamina 80
Top Speed 91
Acceleration 90
Response 82
Agility 83
Dribble Accuracy 92
Dribble Speed 95
Short Pass Accuracy 86
Short Pass Speed 84
Long Pass Accuracy 85
Long Pass Speed 84
Shot Accuracy 82
Shoot Power 82
Shoot Tecnique 84
Free kick accuracy 82
Curving 82
Header 74
Jump 72
Tecnique 95
Agression 76
Mentality 78
Play Stability 6
Goalkeeping Skill 50
Team Work Ability 76
Condition Stability 6


*Dribble Ability
Post Player Ability
Positioning
Reaction *
Striker
Playmaker
Passing
Both foot feint *
P.K. Ability
1 VS 1 Scoring Ability
Long Throw Ability
1-Touch Pass *
Outside
Man Marking
D-Line Control
Feed Kick
P.K. Goalie Ability
1 VS 1 Goalie Ability

وسلامتك

تعبتونى كتابه :mad: بس كله لعيونكم يهون :tongue2:

:ciao: :ciao: :ciao: :ciao: :ciao: :ciao:
Stam

[بو مطلق]

بالله اخوي ستام هذه القوة لReyes منتقديرك الشخصي ولا عن طريق ثاني ؟

بعدين اخوي ما تقدر تسوي لاعب جديد من غير الطبع على ابيلاردو

وشكرا

تحياتي

بو مطلق

[Stam]

بالله اخوي ستام هذه القوة لReyes منتقديرك الشخصي ولا عن طريق ثاني ؟

بعدين اخوي ما تقدر تسوي لاعب جديد من غير الطبع على ابيلاردو

وشكرا

تحياتي

أولا يالغالى هذى الطاقات من موقع معتمد 0

ثانيا بالنسبه للطبع على أبيلاردو علشان أقدر أدخله للنادى ( الآرسنال )

ثالثا العفو

ٍSTAM

[احمد السعد]

والله ما اعرف اجازيك يا اخي العزيز STAM
و تعبك راحة وانا آسف لاني ما شكرتك بس والله ما ان عرفت كتبت لك مباشرة
و 1000 1000 شكر

[Stam]

والله ما اعرف اجازيك يا اخي العزيز STAM
و تعبك راحة وانا آسف لاني ما شكرتك بس والله ما ان عرفت كتبت لك مباشرة
و 1000 1000 شكر

ولو تعبكم إنتم راحه بالنسبه لى و تحياتى


STAM

[reekoo_2L]

أخوي ستام ممكن تعطيني مواقع أجنبية فيها معلومات عن الويننج ألفين 7 مثل تغير الأطقم و طاقات الاعبين والأنتقالات ....ألخ .

و مشكور على مجهودك :)

[WiNdOwS_cRaZy]

مشكورر اخوي على المعلومات

[S_A_D_A_M]

ممكن اعرف شفراتها على الاكشن ريبلاي











وشكرا جزيلا على هذا الموضوع الشيق

[ali 2004]

السلام عليكم

مشكورين على مجهودمكم الطيب

وعندي سؤال في we7i وهو كيف العب بالاعب واحد من الفريق يعني اذا اخذت فرنسا العب بهنري بس

وشكرا

[Viva salem]

بسم لله الرحمان الرحيم

اخواني في قسم التعديل في العبة هناك قسم في الا بن ارقام السرية
وما هه الارقام السرية
وشكرا0

[أبومروان]

السلام عليكم

شباب من وين ممكن أنزل iso هذي اللعبة؟ ما أريد نسخة pc بل نسخة ps2... والله تعبت وأنا أدورها لأنها انقرضت من الأسواق.. هذي افضل نسخة على الإطلاق، حتى أفضل من الجزء 12 بكل المقاييس...

اللي يعرف وصلة تنزيل حتى لو torrent يبلغني..

[مستر اكس]

بومروان الله يهديك شلون تنسى بوحمد افااااااااااااااااااااا انا خويك اللى مازال متمسك بونييج سبعه انترناشونال حتى اليوم حتى لحظة الكتابه والتطوير اول باول واخر الانتقالات وابشرك اضيف له ملاعب جميلة بمساعدة الاسطةرة رضااااااااااااااااااااا الله يطول عمره ويخلي له والدته وابنه مصطفى وجميع عائلته ماقصر بومروان انا مازلت اكافح على انه الافضل والاروع على مستوى الويننج اليفن كله لعب واقعى جداااااااااا بعيد عن اشرطة الاطفال من 8 وانت طالع حتى البناقله قامو يطورون في اشرطة 10 و11 والله صار ابو 10 سنين يهزمك حاطين مهارات خياليه ولعب غير واقعى وانزعو الحماس منه عموما حبيبي ارسل لى عنوانك وانا ارسله لك ومن عيوني تدلل ياابو مروان انت من الناس اللى خدمونى في تطوير ويننج اليفن قبل

[Farraj]

والله صدقت يامستر اكس

افضل الاجزاء بلا منازع هو السبعة انترناشونال لكن وين الناس اللي تقدر

حنا مجبورين نواكب العصر قالو 12 قلنا 12 يالله

والله يعيننا على الصغيرين

[مستر اكس]

فرررج اشكر مرورك حاولنا نلعب ونواكب العصر مع الجديد حسينا انفسنا بدينا نبتعد عن الابلايستشين بدا الحماس يفتر رجعنا لقديمنا والى يومك ماشاء الله لعب ناري واهداف حقيقيه وواقعيه تخيل تمر 6 مباريات احيانا معظمها صفر صفر او 1 صفر او 2واحد ام الجديدد مستحيل تنتهى مبارة باكثر من 4 او خمسه

[reza_novin]

بومروان الله يهديك شلون تنسى بوحمد افااااااااااااااااااااا انا خويك اللى مازال متمسك بونييج سبعه انترناشونال حتى اليوم حتى لحظة الكتابه والتطوير اول باول واخر الانتقالات وابشرك اضيف له ملاعب جميلة بمساعدة الاسطةرة رضااااااااااااااااااااا الله يطول عمره ويخلي له والدته وابنه مصطفى وجميع عائلته ماقصر بومروان انا مازلت اكافح على انه الافضل والاروع على مستوى الويننج اليفن كله لعب واقعى جداااااااااا بعيد عن اشرطة الاطفال من 8 وانت طالع حتى البناقله قامو يطورون في اشرطة 10 و11 والله صار ابو 10 سنين يهزمك حاطين مهارات خياليه ولعب غير واقعى وانزعو الحماس منه عموما حبيبي ارسل لى عنوانك وانا ارسله لك ومن عيوني تدلل ياابو مروان انت من الناس اللى خدمونى في تطوير ويننج اليفن قبل

الله یعطیک العافیه یالغالی... اخ عزیز و غالی ..... و ای شیئ اقدر علیه من اعیونی الثنتین :bigeyes: :D

بس امرک سمعا و طاعه... انت تامر و انا اطیع ;)

احترامی و تقدیری