السيارات الكوريه ؟

[المهندس_صا]

حياكم الله يا شباب
طبعا الجميع سمع بسيارات الهيونداي الكوريه الصنع
ولكن ليس الجميع يعرف جودة أو اداء هذه السيارات
وانا واحد من اللي ما يعرف عنها شي
طبعا اسعار هذه السيارات منخفض جدا مقارنة مع الياباني او الامريكي
الاكسنت مثلا ب سبعه وعشرين الف ريال
الانترا ب ثلاثه وثلاثين ريال
وانا ارغب بشراء الالانترا بس متردد

المطلوب يا اخوان
اللي عنده اي معلومات عن هذه السياره لا يبخل علينا
من واقع تجربه او معرفة شخص عنده مثلها

شاكر للجميع

[راعي الجي تي آر]

انصحك بالسوناتا
عندنا وحدة

[thesilver86]

والله شووووووف حبيبي

ترى الكوري والله والله واللله والله سيارات بس في البلد هاذي ميتصرفوا مع السيارات إلا بعنف عشان كده ماتمشي معاهم

وأنا أحكيك قصة :
في واحد صاحب أبويه طلع سوناتا موديل 95 من الوكالة وبعد ماطلعها باسبوعين ،، سافر فيها سوريا وهو في الطريق انقلبت السيارة أربع قلبات في خندق في جهة قريب من القريات ،،، المهم طبعا أرسلها بالشحن على جدة وصلحها والله إلين يومك هذا ما شاء الله وهو يسافر فيها سوريا ،، معتني فيها يمكن سافر فيها على سوريا والله من غير مجاملة حدود 15 مرة رايح جاي

فلو تعرف نفسك انك من الناس اللي يعتنو لا تترد

وابشرك في حركة في الإلنترا انا اموت فيها شفتها لما استأجرناها
لما تكون مشغل الأنوار وتطفي السيارة الأنوار لحالها تنطفي ولما تشغل السيارة انت ترجع تشغلها

أما في بقية السيارات الأنوار ماتنطفي

وشكرا

[المهندس_صا]

شكرا يا اخوان
وانتظر المزيد

[Scorpion KING-911]

والله اخوي الالنترا مررررررة طيبة

بس خذها 1.8 لانها مرررررررررررررررة قوية وتشخط الكورولا فول اوبشن

[المهندس_صا]

يا أخوان انا اريد احد جرب هذه السياره لفتره تزيد على الاقل عن السنه
لأني راح ادفع ثلاثه وثلاثين الف ريال
وحرام ادفعها في سياره أندم عليها
طبعا انا زرت منتديات انجليزيه كثيره وغالبية كلامهم ان الألانترا سياره سيئه
ولكن انا قلت يمكن السيارات اللي عندنا تختلف عن اللي عندهم

أحد يوافقني الرأي ؟؟؟

[thesilver86]

السلام عليكم

أخوي خذ السيارة وتوكل دام السيارة عاجبتك

والمنتديات الأمريكية شي أكيييييد إنهم حيقولوا على السيارة ما هي بزينة
لان الإلنترا ما توصل لرساوة أي سيارة أوروبية أو امانها والإنجليز أهم شي عندهم الرساوة وعوامل الأمان

فإسمع من أخوك توكل ولا تفكر
أعقلها وتوكل (ههههههههههههههههههههههههه) .


سلااااام

[Imaj]

خذ لك أوبترا 1.8..

السيارة حلوة وفيها كروم من داخل وجنوطها خماسية حلوة وفخامتها وراحتها مقبولة..

وأهم شيء السعر في يد الجميع...

رخيصة وجذابة.. هذه المرة لا يتوجب أن تضحي بأحداهما..

أضغط هنا للمزيد من المعلومات... (http://www.gmarabia.com/content_data/LAAM/SA/ar/GBPSA/chevrolet/models/optra/optra_overview.htm)

سلام :ciao:

[المهندس_صا]

ياليت احد يرد يكون مجرب السياره او يعرف على الاقل احد استخدمها

[الديب_مصر]

عايز الصراحة يا اخي انا احترم السيارات الكورية الي امتلأت في مصر بطريقة غير طبيعية لنعومتها وسعرها الاقتصادي والتحمل وانا عندي kia.sephia.والحمد لله كويسة معايا ومش عاملة مشاكل وانا انصحك باللنترا احسن من الكرولا واوفر من الكرولا في السعر لان الا لنترا تمنها عندنا ب100.000 جنيه والكرولا 130.000جنيه وبرخص التمن الا انها قضت على الكرولا بطريقة فظيعة....واخيرا كل الي اقدر اقوله الله يقدم لك الي فيه الخير.
:ciao:


وشكرا........

[ولـــــد بغـداد]

مشكوووووور على هذا الموضوع :)

[راعي الفايبر]

السلام عليكم

والله السيارات الكورية كثرت هذي السنة بسبب سعرها الزين ومميزاتها المريحه

انا انصحك تاخذ سوناتا وانا مجربها وعندي وحده
سرعه - قومه - تفحيط - كشخه - سفر الخ ....

انا عندي وحده موديل 2004 فول اوبشن لاعن ولدي ولديها وحتى الحين سليمه والحمد لله

بس انصحك تخف عليها يعني لا تفركها وانا أأكد لك راح تعيش معك ان شاء الله :) :)

[المهندس_صا]

الأخ thesilver86
اتوكل ولا أفكر ؟؟؟؟؟؟ :mad:
اتوكل اوكي بس لا أفكر ؟؟؟؟؟ :mad:
ياخي صدقني صعبه جدا اني ادفع مبلغ حول الأربعين الف ريال في سياره ما سألت عنها وتأكدت انها تستاهل
ومشكور على مشاركتك :biggthump

الأخ Road Kill
ماعندي ثقه في السيارات الامريكيه :ciao: وخاصه المجموعه الجديده اوبترا وابيكا وطقتها - لأن سمعتها مش ولا بد - بعدين انا اشوفك متحمس للسيارات الامريكيه - كادلاك وجنرال موتورز وهولدن الاستراليه - على الرغم من سمعتها السيئه من حيث الخدمه والجوده
بالنسبه للرخص والجاذبيه فهما ما يهمون بقدر جوده صنع السياره ومتانتها وتوفر قطعها ورخصها
اعتقد توافقني الرأي :biggthump

الأخ الديب_مصر :cool:
اشكرك على مشاركتك الجيده ومشاركتك تعطي نقطه لصالح الصناعه الكوريه ولو ان لي عتب على الكيا من حيث توفر قطع غيارها - لأن احد الاخوان عنده كيا اوبتما ولم يجد في الوكاله قطعه غيار الا بعد ان طلبوها من جده او من كوريا أعتقد - بالعربي اخذ حوالي الشهر الى ان وصلته القطعه وطبعا سيارته لسه في الضمان .


ولد بغداد
الشكر للأخوان المشاركين :biggthump

راعي الفايبر
اشكرك بصراحه على النصيحه الحلوه بس السوناتا غاليه شوي وتوصل تقريبا للستين الف ريال للفل اوبشن بالعربي مشواااااااار :bigeyes:
ولكن سمعتها رائعه من حيث الخدمه والاستخدام ولكن يعيبها ان سعرها يطيح كثير لو فكرت تبيعها .
بالنسبه لسيارتك اعتقد انها سته سلندر صح ؟

وشاكر للجميع المشاركه

[المهندس_صا]

اتمنا من الجميع المشاركه
up

[الخيال الاخير]

في الحقيقه يا اخوي انا اعرف اثنين شارين هذي السياره ماشيه معاهم زي الفل ماشاء الله
وترى سعرها ولله مناسب :biggthump وبا النسبه للسيارات الكوريه تراها بدت تتحسن انا واحد كنت محتار بين السيارات وفي النهايه شريت هونداي كوبيه وماشيه معاي زي الفل كشخه وقومه تخلي السيارات اليابانيه ورااااااااااااااااااااااااااااها:D وانا اقولك توكل على الله;)

[2PAC OUT LAW]

السلام عليكم ورحمة الله وبركاته

بـعطيك رأي بحكمة مجرب

أنا أشتريت سوناتا 2000 وكاله ( وتعرف لازم تمشي فيها 1000 كيلو بعدين تسوي لها فحص مجاني), انا لمن رحت أسوي لها فحص مجاني لقيت في السياره صوت , صلحوها لي ببلاش
وبعد حوالي شهرين لقيت الزين يتهرب من المكينه ورحت صلحتها بالضمان ببلاش
وبعد حوالي شهر لقيت نفس المشكله
والى الان اخوي القى فيها الخربات ( والله يمكن كل شهر وتلقلني معسكر في الصناعيه )..... تدري الحين أعرف مين احسن عمال في الصناعيه....!!!

وصلحت المكينه 2 وكلفتني بالألاف وانا سافرت وأعطيت أخوي السياره وقال لي اني المكينه خربت مره ثالثه..!!!!

فيا اخوي انت شفت ردي وانا ما أعرف ايش أقول لك.. وانا مجرب السياره حوالي 4 سنين

وشكرا

[برهي]

اسمع اخوي تبي نصيحتي اشتري سونتا 2004 مريحة صحيح السعر منخفض بس حلوة عندنا وحدة صار لها سنتين 2003 لا فيها خراب وكل سبوعين اشيك على القير والمكينة وكذا ادوم معاك

[برهي]

اسمع اخوي ارد عليك مرة ثانية ماعليك من الي يقول اليك كلها خراب هذي عندنا وحدة سنتين ماصار فيها ولا حاجة زابطة معانا بس اهم شي اتاخذها من وكلة معروفة مثل المجدوعي الي في السعودية في الدمام اذا كنت من اهل السعودية روح الدمام واسال عن وكلة الهونداي بقولو اليك المجدوعي احسن وكلة هونداي في الشرقية شيك عليها الوقت الي تبي ورخيصة وايد نصيحتي اليك وانا مجربها ترى تمام حتى صوتها ماتغير وشرط كل يوم اخوي يروح بها الدمام رايح جاي ولا فيها اي مشكلة زابطة عدل بس اذا تبيها ادوم معاك غير الزيت كل شهر مرة وبدوم معاك الى مدة اطول ...


وتحياتي لك وشكرا ....

[UZX]

اسمع العلم اللي يجمد على الشارب

انا قبل ماشتري اول سيارة في حياتي جربت الانترا كم يوم و لاعجبتني ابد (وهذا الكلام عام 1997)المهم جربتها يومين ولاتسأل عن الضيق ووجع الظهر وغير ذلك...لكن قلت اجرب السوناتا واعجبتني وشريتها...والى الآن عندي سوناتا 97 ولازالت ماشيه معي ماشاء الله وانا مرتاح منها واجد لأنها جنوط وفل كاااااامل ومرتاح منها واجد...

لكن اذا تبي تخلي الهونداي تدوم معك لازم تحافظ عليها ولاتفحط ولاتاكل مطبات....الخ اما اذا كنت راعي سرعة وتفحيط خذ لك كامري مستعمل ... المهم انا طلعت شوي عن الموضوع ولكن انا مانصحك في الانترا لاني جربتها مثل ماقلت لك ... بس انصحك تزود على النترا عشر آلاف او 15 الف وتاخذ لك سوناتا

العيب الوحيد في الهونداي عموما : عدم توفر قطع الغيار في المدن الصغرى ...هذا اذا كنت من السعودية وغلاءها نوعا ما

الخلاصة:الهونداي الانترا...سوناتا...الخ مايعيبها شي مايعيبها الا قطع الغيار اغلى من الكامري مثلا (لانها من نفس النوعية) وغير متوفرة الافي المدن الكبرى

[برهي]

اهاههااهاهاه حبيبي الأنترا خراط ولا شئ مافي على السونتا الجديدة مريحة

[UZX]

عموما ياخوي المهندس ان كانك من النوع اللي يشيل السيارة بعيونه فكل شي بيمشي معك سواء اكسنت او الانترا او سوناتا ولاتهتم لكلام الفاضين اما ان كانك تشد على السيارة فخذ لك سوناتا من السيارات الكورية فهي اكثرهن راحة وتحمل

واحسن شي تروح لمحلات تاجير السيارات وتجرب السيارة اللي تريد قبل ماتشتريها جربها كم يوم وشوف اللي يناسبك والسلام ختام

[alahmadf2001]

السلام عليكم ..... مرحبا شباب ... :ciao: . خوي .... لا تحتار اذا انك تبغا سياره للمدينه فقط فخذها
ولا تترددواذا نك بتسافر كثير على السياره فانصحك تاخذ نيسان مكسيما او لومينا ,,, او افضل من ذلك
لان ياعزيزي الطرق في المملكه متعبه جدا وخاصه في السفر ومطبات كثيره وحفريات ...تخرب السياره...
وتقلل من العمر الافتراضي اللسيارتك ..... مثلا كان عندي كرسيدا وسافرت مره واحده للشمال تبوك ....
ورجعت وغيرت كراسي مكينه واذرعه ومقصات .... هذا يدل على ان السيارات الخفيفه مثل اليابني و
الكوري مايتحمل الى للمشوار البسيط داخل المدينه .....وايضا جربت الابيكا من الجميح ممتازه بس خفيفه
جدا ماتصلح الى للمدينه..(وعليك الحذر ) واصيانه بعد البيع ...واسناتا افظل واكبر وسمعه طيبه.. (وجهة نظر )...
واسف للاطاله ........ :jester: واتمنالك اتوفيق ......ومبروك ...... :jester: :ciao: :biggthump

[Imaj]

الإبيكا كورية (دايو)... من واقع تجرية قال لي أحد أصدقائي وهو يملك كامري 2003 (الشكل الجديد) الإبيكا أكثر ثباتاً.. أخاه يمتلك ليجانزا والإبيكا تعتبر تطوير لليجانزا من جميع النواحي..

الإبيكا فيها مواصفات لا تجدها إلا في السيارات الأفخم مثل:

تحكم إلكتروني بالمناخ

الفرامل : ديسكات مهواة في الأمام وديسكات في الخلف.. الأكورد في الخلف طبلة!!!

تدفئة للمقاعد >>> :06: الجو حار عندنا على طول :33:

وضعيات مختلفة للمقاعد بتغيير إلكتروني

مشغل لخمس إسطوانات مع كاسيت في الطراز LT

والقائمة تطوووووووووووووووووووول

عيبها الوحيد هو محركها..









أقترح عليك تجربتها قبل كل شيء.. وإن لم تعجبك فلن تخسر شيئاً..

وإن أعجبتك فأنت مقدم على عرض مغري لا يتكرر..


سلام :ciao:

[برهي]

هي انت وهو انت الي اتقول رحت تبوك بكرسيدا يا طامة الكبرى انت الحين الكرسيدا حق سفر يالله اتكلم والسوناتا مو حق سفر لعلمك سناتا صارت عندنا سنتين موديل 2003 كل يوم الدمام مشوار من القطيف الى الدمام وسعات الظهران والعطلة الصيفية رحنا مكة ورحنا سورية ورحنا المدينة والرياض ومشاوير كل يوم ما صار فيها ولا حتى خراب واحد ولا يوم اختربت علينا والى الحين والى يومك هذا وهي تمشي حتى صوتها ماتغير على قولتك مكسيما زينة بعد تمشي حالك ولا اقولك فيها عيب ومريحة بعد اما الومينا على قولتكم ركبت فيها مرة قعت فوق كرسيها كاني قاعد فوق عربة مالت الخيول عربات الخيول ....... وظهري خلاص عورني وحرمت ما اركبها والومينا اصلا خراط الكابرس احلى واحسن في الشكل والفخامة وكذلك الهوندا الأكورت حلوة مرة بس ما قرب تحت المكسيما المكسيما فيها الموصفات الي تبيها وهي انت الي اتقول رحت تبوك بكرسيدا الله يعينك اذا سبكت عليك المكينة :09: حمدلله والشكر احد يسافر بكرسيدا ولا هي حق مشاوير ولا حق سفر حدها من البقالة ال البيت ومن البيت الى القالة ال اذا كانت قريبة والكرسيدا حق تفحيط يركبو عليها RB26 هاههااهاههااه:jester: اضحكتني اههاهاهاهاهاهاهاهاهااهاهاهاهاهاههاه

[المهندس_صا]

اهلين شباب
وانا اتردد على منتدا الساحه لاحظت احد الاخوه انه كتب مشاركه بعنوان
الهونداي تحتل المرتبه الثانيه في الجوده بعد التويوتا
وبأمكانكم مشاهده موقع الجي دي باور

http://www.jdpower.com/news/releases/pressrelease.asp?ID=2004037

[][-][Mr.ZeNoN][-][]

السلام عليكم..

أول شي يا حبيبي شوف....


إشتري أي سيارة كورية بس تكون مستعد عشان تحافظ عليها!!

لأنك لو تجاهلتها بيصير كلها تراب..

بالصراحة النقية السيارات الكورية طيبة لكن عيبها الوحيد إيش؟؟؟؟.....
إن السيارات الكورية تبقى نظيف من برا لكن إستنى عليها كم شهر فك كبوت المكينة تلاقيها كلللللها تتتتررررااااابببببب

السبب أنه مافي شي يغطيها من تحت وأنت عارف إن أغلب البلدان العربية 99% غبار غير مرئي و 79% من الأراضي متربة...

السيارة صغيرة مثل الكيا ريو تمام لو تحافظ وتعيش معاك...بس تنظف المكينة كل سنة!!!
إلا إذا شارعكم نظيف!!! ((على كيفك))

[Moon Boy]

انصحك بسوناتا 2002 فل كامل سعرها حول الثلاثين يعني مناسب لك..

طبعاص بتاخذها مستعملة ماشية فقط يمكن اقل من 20الف..بس تأكد من نظافتها..

و2002 الشكل الجديد للسوناتا..خصوصاً أنها اوسع من انترا

هذا رأيي لك..

[جي تي آر]

السلام عليكم

في هذي الأيام أنتشرت السيارات الكورية بسبب أسعارها

وأنا من رايي أنك تاخذ سيارة من وكالة تيوتا أو وكالة نيسان وانصحك ماتاخذ من هوندا صح انها رخيصة بس سامانها غالي..............
وشكرا على الموضوع :D