الرجاء المساعدة لذوي الخبرة أنا مخير بين ثلاث سيارات

[ABODE@ZONE]

السلام عليكم شباب كيف حالكم
الوالد الله يحفضه لي مخيرني بين ثلاث سيارات طبعا عنده معرض سيارات وجايب ثلاث سيارات من برا السعودية


1- لكزس SC430 لونها أحمر ومن الداخل أيفوري
2-كاديلاك XLR لونه أيسود من برا ومن الداخل
3-مرسيدس SL500 لونه كحلي لاماع ألي يسمونه دارك نايت ومن الداخل بيج .

وأنا متحير وش أخذ منهن وش تنصحوني ياجماعت الخير مع العلم أن كانت معي جاكوار أس تايب موديل 2003 وبعتها وأبيلي سيارت كوبيه وخيرني بينهن وش أخذ ياجماعت الخير .

[D0WN~T0WN]

طبعا الSL 500 ولونه زين بعد

الا معرضكم بالنسيم؟ :31:

[.::RaK_BoY::.]

طبعا الSL 500 ولونه زين بعد

الا معرضكم بالنسيم؟ :31:

وانا معاك في الرأي

[لكزس]

عليك باللكزس اروعهم واخفهم واكشخهم

[Revolutions]

غير الsl500 لاتدور.....

[Dr php]

وانا انصحك بالكزس

[*اسـيـرالـحـزن*]

مرسيدس وبس

[AlmatadoR]

غير الالماني لا تدور

[Man-Apart]

عليك باللكزس اروعهم واخفهم واكشخهم
http://montada.com/images/icons/icon14.gif انا معاك في الراي

[[EsCaLaDe]]

والله انصحك بالكدلك XLR اذا تبي الجخه صح لانها جديده ونادره
اما اذا بتطول معك السياره فال XLR ماهي مجربه وماهي مضمونه ميه فالميه بعكس اللكزس و ال SL
واذا تهتم بكثير بانك تكون مرتاح مع الوكيل في الصيانه و قطع الغيار و غيره اللكزس احسن لك بس انا لو منك و بطلع كوبيه بادورلي BMW 645 من المعارض لانها سياره رااااااائعه وقويه والخيار يعود لك لولا و اخيرا.

[alahmadf2001]

:jester: السلام عليكم ............... الله يبارك في والديك ويكسبك رضاهم امين ........ :05:
ومبروك مقدما ....انا انصحك بالكدلك XLR بصراحه ممتازه ومميزات رائعه وسياره جيده انا شفتها بوكيل
الجميح .... ومواصفات ممتازه وتفتح البيبان عن طريق المس ... وفي مميزات افضل .... اما الصيانه فانا عندي
كلدلك اسكاليد ولما اوديها للصيانه بالجميح علطول يدخلو سياره ووبسرعه تخلص بنفس اليوم وخلال 3 ساعات او اقل
حسب العطل .... :05: هنا اهم شي الخدمه بعد البيع .... ويريت تسائل عن قطع الغيار والصيانه افضل قبل الشراء
.... :33: او تاخذ الالماني لانه مضمون .. :05: .......والله يعطيك خيرها ويكفيك شرها .......وباتوفيق .... :jester: :ciao: :biggthump :ciao:

[بزيدان]

اول شي اخوي اقولك مبرررررررررروك الف الف مبروووووووووووووووووك

والله يعطيك خيرها ويكفيك شرها اخوي بالنسبه لي لو ابوي خيرني بين الــ3 سيارات

باخذ الــSL500صراحه السيااااااااراه ذي فخاااامه ورياضيه بعد مو رياضيه وبس وفخامه

ولونها مررررررره حلوه بس بالنسبه للكدلك انا ما دخلت مزاجي مرررررره مدري ليش احسها فيه

شئ غلط بس مدري وشو اما اللكزس هي حلووووه مره حلوه بس ما تجي كفخامة الــSLالصراحه يعني

وانشاء الله تقولك مبروك سي يو :biggthump

[sktr]

السلام


اللكزس رهييبه بس لو ان اللون موب احمر كاان تصير فلته

:D

[The Captive]

انصحك خذ المرسيدس SL500

[Scorpion KING-911]

انصحك خذ المرسيدس SL500

وانا معك ومع اللي قالوا ها الكلام


والله اخوي نرا ما يبيلها

SL500 وانت مغمض
والكادلاك ما من زود
واللكزس حلوة وقوية بس ما تقارن بالــ SL مررررررررررررة

اتمنى انك ناخذ نصيحتي
والله يعطيك خيرها ويكفيك شرها مقدماً

[I love GT2]

خذ الكدلك ولونه حلو هو أكيد مافي على بورش جتي 2 بس ما في خيار ليها



http://www.porsche.se/911/prices/bilder/gt2.jpg


:cool:

[راعي الclk 500]

انا انصحك بالكدلك والله شكله رهيييييييييب وقوي وفخم ;)


وبعدين الشباب الي يقولون لكزس وين الفخامه الي فيه ؟؟ وشكله ابدا ما حلو :tongue2: :09:


والمرسيدس ما عليه كلام وانا معي الcl 500 ماشي معاي :biggthump بس ما ادري عن sl 500 شي :06:


وعموما اهنيك اول شي عل الي بتختاره :biggthump


وسلام :ciao:

[راعي الجي تي آر]

انصحك بالمرسيدس
ما في احسن منه

[عابد 25]

كل السيارات الي ذكرتها حلوة ورائعة ،،

لكن ندخل شوي في التفاصيل ونتكلم أولاً عن الصيانة:
في المرتبة الأولى للصيانة الجيدة تجي اللكزس Sc بحكم أنها ياباني وتعيش معك ،،
والـSL ألماني حساس ، يعني يبغالك تكون مدلع مع السيارة ، وإلا الله يعوضك ،،
والـXLR جديدة في منطقتنا ولم تُجرب بعد ، مابي أحكم عليها ، لكن الكادلاك بشكل عام صيانته تعبانة وماهي جيدة ،،


وأنا من وجهة نظري ، أنصحك بـ لكزس Sc ، فخامة وقوة ويكفي أنها لكزس ..



ولك تحياتي

[ABODE@ZONE]

السلام عليكم شباب منتدى السيارات ماعليش تأخرت بالرد كنت برا السعودية

خذت الأس أل 500 بس ماشاء الله روعة حتا الماكينة طياره مشاء الله علي بس أكره شي عندك بالرياض إذا

فتحت الكشف عند الأشارة كل الناس يطالعون فيك تقول ماشافو خير بس القطع الغيار لك عليها شوي مره

وقفتها عند أسواق المجد أبأخذ أختي إلا واحد معه كامري الله يهديه ضربني من الخلف بس الحمد لله صارت

بالشمعه دخلتها الوكالة قبل أسبوع والله كلفتني الشمعة لحالها 3500 ريال بدون شغل اليد طبعا طلبيه

لأنه مافيه قطع عنك هنا وأنا مصلحها عند الدباسي .

وشكرا

[مصرقع اس اس]

السلام عليكم شباب منتدى السيارات ماعليش تأخرت بالرد كنت برا السعودية

خذت الأس أل 500 بس ماشاء الله روعة حتا الماكينة طياره مشاء الله علي بس أكره شي عندك بالرياض إذا

فتحت الكشف عند الأشارة كل الناس يطالعون فيك تقول ماشافو خير بس القطع الغيار لك عليها شوي مره

وقفتها عند أسواق المجد أبأخذ أختي إلا واحد معه كامري الله يهديه ضربني من الخلف بس الحمد لله صارت

بالشمعه دخلتها الوكالة قبل أسبوع والله كلفتني الشمعة لحالها 3500 ريال بدون شغل اليد طبعا طلبيه

لأنه مافيه قطع عنك هنا وأنا مصلحها عند الدباسي .

وشكرا
صكتك عين ياشيخ