موضوع المساعدات الرسمي في Splinter Cell : PT

[We6fe]

السلام عليكم
عشان لا تصير زحمه بالمنتدى بكثرة الاسئله قررت اضع هالموضوع
وانا راح ابدا بالسؤال
انا الان في اول مرحله التدريب وصلت لمكان يقولي اني اقدر استخدم الزر الاسود عشان اصفر والفت انتباه الحرس .. بس كل ما اصفر انصاد .. الحل ؟
:31:

[rubso]

الحل انت لست ملزوم بالتصفير .. تستطيع المشي بالماء ، او ابحث عن شيء لتحذفه ، او تسلل بكل سلاسة من خلف الحارس عندما يتقدم للامام

[We6fe]

خلصتها.. وصلت لعند الكامرا اللي تطلق عليك وفي المنطقه هذي فيها كشافات ومو عارف شسوي فيها؟؟

[rubso]

هههه ، هذي مو كامرا يا اخ وطفي
هذا واحد واقف ولابس Night Vision
المهم هذي الكشافات متحركة ، وبآخر الحديقة المربعة مدخل
كيف تمر منها ، وهي طريقة سهله جداً اذا تابعت ماذا يقولون
ابيك تمشي على الدوائر المضيئة التي تنتج عن تحرك الكشافات ، يعني الجهة اللي يكون فيها ليت امش معاها الى ان توصلك الى المدخل
بمعنى اخر امش على الليتات ههه ، ارجو انها وصلت

[سوليد سبايدر]

التصفير لاتستخدمه بشكل دائم


افضل وقت لاستخدامه

لما تكون في منطقه مظلمه ويكون مؤشر الاختباء في اقصى اليسار

راح يجيك احد الجنود ويقرب منك بس ماراح يقدر يشوفك

ممكن انك تمسكه من الخلف او انك تضربه ضربه سريعه مباغته:cool: :cool: :cool: :cool:

وعلى فكره التصفير مهم جدا جدا
وراح تكتشف الشي هذا لما يصير عندك خبره كبيره في اللعبه:) :)

والله اللعبه رووووووووووووووووووووووووووووووووعه:D

[aoks]

سؤال للي شروا اللعبة

تستاهل 250 ريال ؟ ..

ولا مثل الجزء الأول ؟

[Trapped Inside]

سؤال للي شروا اللعبة

تستاهل 250 ريال ؟ ..

ولا مثل الجزء الأول ؟

نفس السؤال..

[We6fe]

اوكس المحرك نفس الجزء السابق بس الجرافكس تحسن شوي والظلال وفي حركات جديده ..
الجيم بلاي والتحكم نفس الجزء السابق بالضبط بس اسهل شوي
واما عن فكرة الشراء فاذا انت فاضي وما وراك العاب اشترها او انك تلعبها عالبي سي كوبي :09:

[ABODE@ZONE]

أخوي أوكس حرام عليك الجزء الأول روعة عاد كل واحد وذوقه

بس لاتفوت طور الأكس بوكس لايف كووووووول

حركة حركة بتلعب اللعبة قصيره جدا جدا لاكن غطوها بطور أكس بوكس لايف مميز جدا

والخيار راجع لك

شكرا

[SNYMA]

اللعبة الصراحة رائعة بمعنى الكلمة , أنا كنت أكره الجزء الأول بشكل ما تتصورونه لكن هالجزء فيه أشياء جديده ضافوها خلت اللعبة , مثل التصفير و حركات تجسسية جديدة ووووو ...... الخ.
أنا الحين موصل الى مرحلة القطار اللي يبي اي مساعدة أنا حاضر بأمر من فترة لفترة علشان أشوف الموضوع.
و أوكس نصيحة خذها أوريجينال لأنها تستاهل خاصةً طور تعدد اللاعبين ممتاز جداً و هذا الطور جعل اللعبة تاخذ 9.1 من 10 بجيم سبوت.

[aoks]

همممم نفس الجيم بلاي والجرافيكس وارتفعت من 84 الى 91

[beckham_veron]

شباب انا وصلت مرحله الي يقولك locate and qustions مدريب ايش الي فيها اثنين مربوطين واحد قتله العسكري الي مو لازم يشوفني تقريبا المرحله الثالثه ايش اسوي يا شباب
واللعه مره حلوه

[We6fe]

شباب انا وصلت مرحله الي يقولك locate and qustions مدريب ايش الي فيها اثنين مربوطين واحد قتله العسكري الي مو لازم يشوفني تقريبا المرحله الثالثه ايش اسوي يا شباب
واللعه مره حلوههلا اخوي
هذي سهله انت راح تلاقي الجندي ماسك منظار ويراقب من الشباك انت إلتصق بالحائط وانت منزل نفسك وظل ماشي الا انت توصل للنهايه بتلاقي لفه بعدين عمود تصلقه بعدين راح تتمسك بحفة المنزل الا ان تصل للشباك افتحه وبهدوء تسلل من خلف الجندي واخنقه وانتهت:)

[aoks]

شباب انا ما خلصت الجزء الأول .. ينفع العب هذا ؟

[xenosaga]

اوكس هذا موضوع مساعدات مش أشتريها ولا لأ. :31: وردا على سؤالك, القصة غير مترابطة يعني عادي.

[المنتقم]

ارجوا المساعده انا عند مرحله القطار عتدما يطلب منك التحدث الى شخص نائم اعتقد المقطوره الثانيه و بعد ذلك يطلب مني
استخدام مايكرو ........................وبعد ذلك لا اعرف ماذا افعل؟

[SNYMA]

ارجوا المساعده انا عند مرحله القطار عتدما يطلب منك التحدث الى شخص نائم اعتقد المقطوره الثانيه و بعد ذلك يطلب مني
استخدام مايكرو ........................وبعد ذلك لا اعرف ماذا افعل؟
أخوي أنا راح أساعدك
أول ما تخلص الكلام مع الرجل الأصلع اللي اسمه سوث راح يجي عسكري و يقول لسوث انه فيه مكالمة مهمة له , أول ما يخلص العسكري الكلام مع سوث روح و الحقهم بس لا يشوفونك و أول ما تدش الباب اضغط على الـ White Button و طلع الـ Laser Mic و صوبه على سوث تلقاه واقف عند آخر المقطورة انت بس صوب عليه من بعيد أوكي علشان تسمع المكالمة و بعد ما يخلص سوث من المكالمة انت على طول روح اختبى بعيد عن أعين الحراس و سوث أنصحك تدش داخل عند البار أو انك تروح عند الظل علشان ما يشوفونك الحراس و بعد ما يرجع سوث لمقطورته راح يلحقه واحد من العساكر الاثنينه انت امش شوي شوي للحارس الثاني اللي معطيك ظهره و امسكه و عطه وحده على راسه و بعدين كمل طريقك و راح يلاحظ سوث انك طلعت من الغرفة و بعدين راح يأمر الحارس اللي مشى وراه انه يروح يقضي عليك و أول ما يجيك الحارس اقتله على طول و بعدين كمل طريقك راح تلقى سلم اصعده و أول ما تصعد فوق القطار اركض للطيارة مالتك و تعلق بالحبل و لا تعطي اي اهتمام للهليكوبتر اللي ترمي عليك انت حاول انك تركض و توصل للحبل و أول ما تتعلق في طيارتك راح ترمي صاروخين على الهليكوبتر و بجذي انتهت مهمة القطار و استعد للمهمة الثانية اللي تدور أحداثها في عاصمة الدولة الصهيونية (وناسة أنا كله أمسك الصهاينة و أعطيهم وحده على
روسهم :09: )
و أي مساعدة أنا حاضر.

[المنتقم]

تسلم ......مشكور.........جزاك الله خير ............ما شاء الله عليك سريع في الرد

Cube_Lover :biggthump

[سوليد سبايدر]

Cube_Lover

لو استخدمت كلمة ((القدس)) بدلا من كلمة عاصمة الدوله الصهيونيه:02:

القدس عاصمة الاسلام وليست عاصمة الخنازير:mad:

وشكرااااااااا:biggthump

[Na9er]

يا شباب انا شريتها كوبي ولعبتها بس عندي مشكله فيها انا بعدي في المرحله الاولي ما ادري شو اسوي بس ألي ابيه لما اخلص مكان يسوي من نفسه اوتو سيف يعني انا ما سويت سيف للعبه بروح يطلع مكان السيف ويسوي حاولت اتعبث بالاوبشن ماكو وارجو المساعد كأنه يسوي جيك بوينت مو سيف واذا مت يرجعني عنده واذا عت اللعبه وابي اسوي لود حقها ما يصير يعيدني من اول اللعبه وشكرا

[aoks]

اوكس هذا موضوع مساعدات مش أشتريها ولا لأ. :31: وردا على سؤالك, القصة غير مترابطة يعني عادي.


ايش المشكلة طيب :31:

طالما الفايدة موجوده وانا أسأل أسئلة عن اللعبة :p

لا تخاف هذاك كان اخر سؤال لي...ان شاء الله بشتريها بعد الاختبارات :)

[Mesharey]

وين واصلين ؟

أنا اخذتها من اربع أيام..لكن مالعبت فيها عدل .. كنت مشغول بتوين سنيكس :09:

أمس انهيت المهمة الأولى وبديت بالثانية..

كم مهمة باللعبة ؟

[Na9er]

مثلي مثلك يا مشاري انا موصل المهمه الثانيه وكل مالها تعجبني اللعبه وما ادري جم مهمه عموما خوش لعبه انا بديت ألعبها عدل ونشالله خلال هل اسبوع راح اختمها

[We6fe]

وين واصلين ؟

أنا اخذتها من اربع أيام..لكن مالعبت فيها عدل .. كنت مشغول بتوين سنيكس :09:

أمس انهيت المهمة الأولى وبديت بالثانية..

كم مهمة باللعبة ؟
توين سنيكس سهله تخصلها بيومين :blackeye:
انا موصل للقدس وهي المرحله الرابعه
وسمعت انه اللعبه قصيره :33:

[beckham_veron]

شباب اذا سمحتوا بالنسبه لمرحله القطار انا عارف انك شرحتوا طريقتها بس ماني فاهم شلون الحين اول شي اروح لسوث واتكلم معاه بالمقطوره حقته بعدين ما اعرف ايش اسوي وكيف استخدم laser mic ومتى استخدمه وهل اطلع ورى سوث على طول والمشكله في وقت وما اعرف كيف اسويها ومن اي باب اذا طلعت اصوب laser mic
وشكرا شباب ياليت تشروحونها اذا سمحتوا

[Na9er]

beckham_veron


شووف حجي انته اول شي قبل ما تكلم سوث في رجل امن لازم تذبحه وتخشه في غرفه بالقطار ظلما عشان لا يجكونا

زين بعدها روح حق سوئ وكلمه قعد من النوم راح يقرق وياك وايك بعدين راح يطق عليك الباب واحد يقول يبي سوث وسوث يقول لا تتحرك عشان لا يجكك رجل الامن بعدين راح يتكلم معاه سوث ويقوله في تيلفون حقك بعدها راح يمشوف يروحون حق التيلفون انتي اهني تحرك وروح صوب الكمبيوتر ألي موجود في غرفه سوث وطق عليها وبعدها روح ألحقهم وراح تشوف في الغرفه ريال امن واقف علي اليسار ورجال ثاني قاعد صوب سوث ألي قاعد يتكلم معاه انته اهني روح في علي اليمين مثل بلاكونه تدش فيها تجندس وبعدها في فتحه عشان توجه اليزر مايك علي سوث عشان تسمع المكالمه وبعد الانتها من المكالمه راح يطلع سوث وبعدها راح يطلع رجل امن ثاني وبعدين راح يضل واحد من رجل الامن في الغرفه روح وطقه وانطر شوي راح يكتشف سوث انه انته انحشت وراح يدز حقك الرجل الامن الثاني طقه وكمل سيده لا ترجع حق سوث وبعدها راح تلقا دري يصعدك لي فوق اصعد وانحاش صوب الهلكبتر راح تشوف احد يطقك طنشه ولا ترد عليه وبس

[Mesharey]

كم مهمة باللعبة ؟

أنا وصلت لمرحلة القدس..قاعد العب على البطيء..

[rubso]

شباب انا اعتقد اني بآخر مرحلة اورشليم ، بعد ما اهد الحرمة ذيك اللي توصلني في باحة بعد ما تروح هي فيها ثلاثة شرطة ، ثنين يتمشون على كيفهم والثالث منخش ورا طوفة شايل سلاحه ، المهم ما عرفت اطلع منهم
any clue ?
ثانياً ، من سمع التلفزيون - الجزيرة - اي ار تي الرياضية خخخخ ولله مهزلة هالصينيين
المهم ناطرين اجابتكم

[beckham_veron]

شباب في المرحله مو الي بعد حقت فلسطين لا الي بعدها الي فيها قناصين تشوف النور الاحمر المهم انا وصلت عند مصعد وصعدت للدور الثاني وذبحن الجنود الاثنين باقي الي داخل الي لابس ازرق مو جندي بس اذا ذبحته تنتهي المرحله واعيد وما ادري ايش اسوي
ياليت الي يعرف يقولي المهمه اسمها كلمه نسيتها بعدين the caves

[rubso]

لا اجابات!!!
ارجوكم يا شباب

[beckham_veron]

شباب مافي احد عنده اسرار للعبه يعني اسرار مسدسات شي

[beckham_veron]

شباب ابي مساعده في مرحله المطار الي بعد ما امسك سدانو اول جزء اركب الشاحنه وبعدين ايش اسوي بالظبط
وينكم شباب اشوف مافي احد يرد ياليت احد يقول ايش اسوي

[THE_X_F.B.I]

يا شباب انا رحت مرحله القدس ودي اسوي فيها مجاهد واقتل يهودي :tongue2: بس قهر





في شيء يقهركم انا الحين العب في النسخه الكوبي هههه بس احيانا في فرق بين الاصلي و التقليدي في الرسومات :o

[a3zobi]

السلام عليكم

ياشباب ارجووو المساعده

انا وصلت عند مرحله عقدتني اهي لما اركب في الشاحنه ويقوم سائق الشاحنه بالدخول في مستودع مادري شنو اسوي اللي مر على هذه الللعبه لايبخل علينا بالحل



ومشكوووووووووووورين

[Mesharey]

امممم..اعتقد هذي المرحلة الأخيرة اللي تكون بلوس انجلوس صح ؟

إذا هي فعليك انك تقتل الشرطي اللي لابس أبيض وتضرب الثاني..

المرحلة هذي فيها 10 أشخاص لازم تقتلهم وتقدر تعرفهم لما تحط المنظار الحراري يكون لون جسمهم أحمر..

احيانا في فرق بين الاصلي و التقليدي في الرسومات مافي فرق..


beckham_veron
إذا تبي مساعدة وين واصل ؟

[a3zobi]

مشكور والله يامشاري الله يعطيك العافيه

بس تراني محتاج مساعدتك مره ثانيه

في مرحله المطار
انا وصلت الى المصاعد وبكل زاويه توجد كامير مراقبه كل ما أدوس على المصعد يقول لي lift not powered يعني مافي كهرباء شنوي اسوي


ولك جزيل الشكر

[Trapped Inside]

ولله العبه روعه صراحه..Good Job UbiSoft.. :biggthump بس انا مستغرب من شي..كثير منكم يقول ما عجبه الجزء الاول وهذا الجزء عجبه...برايي انهم نفس الشي تقريبا :31: بس الثاني احلى طبعا...على كل ابغى منكم مساعده...انا الحين بالقدس واخذت اسلحتي ولازم اروح عند وحده اسمها داليا..المهم في زي الطريق الطويل ومشددين عليه الحراسه وانا مو فاضي اقعد اصفر كل شوي عشان يجيني وحده واظربه..يعني محد يعرف طريقه سهله اقدر الاقي فيها داليا؟؟..لاني بصراحه مثل ما قلت لكم متعيجز.. :09:

[رابطة GTA-VC]

مشكور والله يامشاري الله يعطيك العافيه

بس تراني محتاج مساعدتك مره ثانيه

في مرحله المطار
انا وصلت الى المصاعد وبكل زاويه توجد كامير مراقبه كل ما أدوس على المصعد يقول لي lift not powered يعني مافي كهرباء شنوي اسوي


ولك جزيل الشكر
لازم تقتل اثنين من الارهابيين (العسكر) استخدم المنضار الحراري عشان تعرف الارهابيين لان اجسامهم راح تكون حمرا والناس الباقيين خضر
الاول في بداية مرحلة المطار في الصالة الرئيسيه و الثاني داخل المكتب بعد ماتعدي الكميرا الاولى عند الي يكلم بالتلفون لازم تقتلهم باسلاح وبعد ماتقتلهم يبدا لونهم يتغير في المنضار الحراري
وبعدين تنزل مع السلم الكهربائي ولما توصل عند الكميرا الي باخر السلم ناضر بالصالة الكبيرة الي تحت في نص المبنى وشغل المنضار الحراري وقرب بالمنضار تلقى ثلاثه لون اجسامهم احمر بعد كذا تروح المصعد تلقاه شغال

((واكسر اللمبات الي على السلم الكهربائي اذا كانت الكميرا تكشفك))

واي مساعده احنا حاضرين :ciao: للطيبين

[H.M.D]

باركولي شباب سبلنتر سيل باندورا تومورو في يدي و انا الى الحين وصلت الى مرحلة القطار و ما لعبت بعدها و انشاء الله بكمل اللعب بعد شوي :09:

المهم اللعبة روووووووووعة حلوة و انشاء الله نشوف ابداعات اكثر ;)

[HITMAN47]

هلا والله شباب
انا وصلت المرحلة الثانية لما يطلبون مني اخذ الجوال من اللي منحبس بالغرفة أخذت الجوال منه ( هو ووجه ) وبعدين أحترق الله يرحمه وبعدين وش المطلوب مني ماني قادر أطلع من المكان اللي انا معلق فيه الباب اللي جيت منه مسكر


وش الحل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[H.M.D]

المطلوب منك انك تدخل مرة ثانية من المكيف و هالمرة يكون الغاز منطفي فكمل طريقك على اليسار و روح و بتحصل طريقك بس ما يبيلها شي و اذا تبي شي انا حاضر ;)

[We6fe]

UP
شباب انا معلق باندونيسيا لما الاقي Sticky Camera ملزقة عالطوفه ولما اخذها وتخلصت من الحارسين والكلب اللي معاهم وبعدها طلعت فوق ولقيت سدانو (اللي لابس كاب احمر) :09:
بعدها تنتهي المهمه
شنو لازم اسوي بالكاميرا
؟

[DODGE]

لازم تسجل الكلمة السرية لساندو

خلك فوق عند البردة واستخدم الSticky Camera بس خلها لما يخلصون الكلام بتلاحظ انها تسجل الكلام

[DODGE]

سدانو مادري ساندو ناسي اسمة :09:

[We6fe]

عرفت الطريقه كيف اسجل الكود
وهي اني احط الرشاش وارفع لفوق لعند الكاميرا اللاصقه بعدين اضغط L بتنطلق عندهم وبسجل المحادثه
واخيرا خلصت اندونيسيا :D

[Mesharey]

عرفت الطريقه كيف اسجل الكود
وهي اني احط الرشاش وارفع لفوق لعند الكاميرا اللاصقه بعدين اضغط L بتنطلق عندهم وبسجل المحادثه
واخيرا خلصت اندونيسيا :D
تو الناس انا مخلص اللعبة من ثلاث شهور والحين قاعد العب الأول :tongue2: ..

صراحة الأول صعب O_o
وصلت لمكان لما تحاول تدخل على السفارة الصينية وفي شاحنة لما تمشي الشاحنة المفروض انت تكمل..
المشكلة في ثلاث جنود وكلب والمكان كله إضاءة ما أقدر اطفيها..
في أحد عدى هذا المكان بالجزء الأول ؟

[We6fe]

قلال اللي خلصو الجزء الاول مو مثل الثاني سهل :p
سؤال انا بمحطة التلفزيون كم مرحله بقالي :D ?

[Mesharey]

على ما اذكر ان هذي المرحلة قبل الأخيرة..

[H.M.D]

شباب اي واحد محتاج مساعدة يقول لي ;)

[Mesharey]

شباب اي واحد محتاج مساعدة يقول لي ;)
same here..خلصت الأول والثاني ~__~

[كويتي حبووب]

نفس السؤال..السلام عليكم لوسمحت بقيت الحل الكامل لي ملااحلة القدس و شكرا

[كويتي حبووب]

[QUOTE=كويتي حبووب]السلام عليكم لوسمحت بقيت الحل الكامل لي مر احلة القدس لي انه صعبه جدا جدا ولو معليك امر بقيت الرد بسراعة وشكرا

[كويتي حبووب]

شباب اي واحد محتاج مساعدة يقول لي ;)لول معليك امر بقيت الحل الكامل لي مراحلة القدس الله ايفك اسرة وبب الرد وشكرا

[كويتي حبووب]

السلام عليكم
عشان لا تصير زحمه بالمنتدى بكثرة الاسئله قررت اضع هالموضوع
وانا راح ابدا بالسؤال
انا الان في اول مرحله التدريب وصلت لمكان يقولي اني اقدر استخدم الزر الاسود عشان اصفر والفت انتباه الحرس .. بس كل ما اصفر انصاد .. الحل ؟
:31::tongue2: السلام عليكم لوسمحت ابقيت الحل الكامل لي مراحله القدس الله يفك اسرة ولو معليك امر بقيت الرد بسراعه وشكرا

[We6fe]

انزين الواحد يطلب مره وحده موعشرين :31:

[DODGE]

انزين الواحد يطلب مره وحده موعشرين :31:


:31: :tongue2:


حدد المكان الي انت فيه :28: