المساعد الشخصي الرقمي

مشاهدة النسخة كاملة : موضوع جاد جدا....(اللي يخرب الموضوع بيتصفق)..


Chandler
30-07-2001, 05:56 PM
هل نستطيع الشراء عن طريق الانترنت بدون (الكريديت كارد)....؟؟؟؟
Dantos_xx 5 xx
30-07-2001, 06:04 PM
يعتمد اولا على الشي اللي انت بتشتريه بلأول

انا دايما اشتري كتب من اميركا وكندا عن طريق النت

لكن مش مباشره . يعني مرتاح من موضوع الكردت كارد

فيه شركه اتعامل معها واعرف موظفينها اعطيهم اللنك لموقع الكتاب او البرنامج اللي ابيه وهم يشترونه عن طريق فرعهم في امريكا
ويشحنونه وانا اجي للشركه هنا في الرياض واستلمه والموضوع دايم ياخذ من 10 الى 17 يوم بالكثير
وهم تقريبا معظم تعاملهم مع الكمبيوتر (كتب.... برامج ...مجلات)

اما اذا كنت تبي تشتري فيلم دي في دي او غيره فانا مش متاكد لكن الصقر حاط موضوع بخصوص هالشئ من فتره في منتدى الافلام

واذا كان بخصوص لعبه فيديو او جهاز فالله اعلم


وسلام
Chandler
30-07-2001, 06:42 PM
لو سمحت ممكن تعطيني اسم الشركة ومكان الشركة في الرياض...

وعندي سؤال....

الشركة هل عندها فرع ثاني في دول ثانية....مثل بريطانيا....:) :) :) ...


ونسيت اقول لك....مشكوووووووور....
Dantos_xx 5 xx
30-07-2001, 07:23 PM
لحظه اخوي ناف (نسيت اسمك نواف ولا نايف) المهم.... انت ماحددت طلبك وش هو بالضبط

اذا الامر له علاقه بالكمبيوتر (شخصي او محطه او سيرفر ) يعني برامج كتب مجلات فهذي مهيب مشكله ومن ضمن اختصاصاتهم

واذا افلام فالصقر حاط موضوع مثل ماقلتلك ووضح في الموضوع انه تقدر تستغني عن الكردت كارد بشيك

اما الالعاب واجهزتها فاظن هذي الشركه مالهم علاقه بها

عموما جرب في كل الحالات ولا راح تخسر شي

الشركه هي " طريق الصحراء" في شارع الاحساء في الملز
ت 4781108

وفرعهم في اميركا هو " جلف لاين "
ولا عندهم فرع في بريطانيا لكن اذا كانت البضاعه معروضه عن طريق موقع معروف مثل amazon.com بسهوله يقدرون يوفرونه لك

اذا بتزور شركتهم او ترسلهم ايميل بالبضاعه اللي تبيها يكون افضل
او حتى توضحلي وش تبي بالضبط لاني اقدر انقلهم طلباتك مباشره

وعلى فكره دوامهم من 8.5 صباحا الى 5.5 في العصر فقط
سلام
dungeon
30-07-2001, 10:54 PM
NAf انا احيانا اشتري مهوب دائما

وطبعا ارسل أصدار شيك اللى هي Bank draft Issue شخصيا انصح بأتباعها

واعتقد انها اضمن لو سمح الله لطخوك تسحب فلوسك بسند القبض اللى معك
اما بطاقة الفيزا هذه ترى ماعندي علم بها لا افتيكم واقول ماتسرق أو تسرق

بعدين في شغله انتبهوا منها ماادري اذا تعرفونها والا لا بس احب اوضحها
تلاحظون صفحة الانتر نت اللى انت بتشتري منها اذا بغيت تعبي بياناتك كامله قبل ماتشتري تلاحظون مفتاح صغير مقفل جنب الكره الارضيه اللى مكتوب جنبها internet
اذا ظهر اعرفوا ان الموقع هذا مضمون أكيد

زي amazon و Ebay و buy.com و yahoo و و و و الخ

بالمناسبه شباب تعرفون شي عن الانتر نت كاش هذه ؟ اسمع فيها

والشيكات الالكترونيه ؟ هذي كيف ؟؟

وشكرا للموضوع الحيوي :)
DarK ShArK
30-07-2001, 11:07 PM
طيب يا دانتوس كم قيمت الشحن من أمريكا أو كندا للسعودية .....
Dantos_xx 5 xx
30-07-2001, 11:27 PM
والله يادارك انا مااقدر اعطيك ارقام لكل السلع لانها تختلف ويدخل في المسأله اوزان السلع ودرجه حمايتها (اذا كانت الكترونيه او قابله للكسر)

لكن اللي انا متعود عليه عن طريق اخوياي اللي في الشركه هاذي هو 50 دولار قيمه اي شحنه
وهاذي ال50 غير محدده بعدد معين من الكتب او البرامج يعني اقدر اطلب 10 كتب لكن مادامها في شحنه وحده فما ارح ادفع غير ال50 نفسها مره واحده

لكن مثل ماقلت الامر يختلف

------------------- اخوي دونجن

انت ظنك ايهم آمن انك تدفع عن طريق النت سواء بحولات او شيكات او كردت كارد

او انك تجي لمكتب هنا في الرياض او في جده او الدمام وتسدد نقدا وتأخذ فاتوره او ايصال وهم يشترولك البضاعه ويجيبونها الين عندك
DarK ShArK
30-07-2001, 11:30 PM
مشكور يادانتوس وقاصرت ......
dungeon
30-07-2001, 11:47 PM
دانتوس اعتقد
انك تدفع نقد وتاخذ مقابلها الشيك هذا وترسله بالبريد مسجل هي أضمن الله المستعان :)

عندكم موقع آمازون اذا شريت منه اكثر من مرتين الشحن يصير بعد كذا مجاني والله اعلم

انا (واعوذ بكلمة انا ) سبق وان شريت مرتين فقط والآن يقولون لي الشحن مجانا ! :)
Chandler
31-07-2001, 04:12 AM
مشكوووووووور يا شباب...

وعندي سؤال ثاني........

اذا كنت ابغى اشترك في موقع...(يعني موقع بفلوس)....كيف؟؟؟..(دون كريديت كارد)....:) :) :)
sora
31-07-2001, 04:27 AM
عن سؤالك الأول إدخل هالموقع

http://theroyal.net/card/index2.html