المساعد الشخصي الرقمي

مشاهدة النسخة كاملة : باركولي شريت ((هارفست مون)) ^_^


wario2002
23-04-2004, 02:08 PM
السلام علاكم..<=== طعسسس

اخبار المنتدى ، من زمان عنكم..... انتهى اشتراكي وكنت مشغول ذا اليومين ، بس رجعت الحمدلله

يوم الخميس شريت هارفست مون من العاب طوكيو الي بالسليمانيه ، كان ودي اشتريه من النسر لأني زبون عندهم بس خلص...رحت للمصري اللعاب وخذته منه ب230 المهم ويوم وصلت على طول شغلتها....

يجيك خيارين new game او continue المهم بديت اللعبه........ ، في البدايه يجيك واحد كان صديق ابوك ويشرح لك كل شي ، يوريك المزرعه والبيت...الخ

بعدين تعطي اسم للمزرعه وللبقره وللكلب...... واسم للولد الي تلعب فيه...... ، الهدف من اللعبه انك تزرع وتربي الحيوانات وتشتري اشياء تفيدك في حياتك من اكل وشرب، واذا جمعت قريشات تقدر تشتري بيت كبير وتتزوج وتجيب عيال :D

اللعبه طويله مره وكل يوم شي جديد...... ، الرسوم حلوه وماعليها ومناسبه لجو اللعبه.

في اللعبه اضافات كثييييره عن الاجزاء السابقه..... منها الحيوانات والبذور والاحداث ، اشياء كثيره والله.

اللعبه حلوه مره حتى اني العب والعب بدون مااحس بالوقت..... ، وكل مانمت وقمت لليوم الثاني العب والعب والعب .....يعني اللعبه تبعد الملل بشكل كبير.

انا شريتها لأنها افضل الالعاب الي نازله بها الشهر..... يعني اقدر العبها حتى تصدر بيكمن 2 الي منتظرها مره.


واشكركم على قراءه الموضوع(فلسفه*فلسفه)...... وشكرا:).
كابتن السفينة
23-04-2004, 02:54 PM
مبروووووك واريو عاللعبة..^_^

شكرا على ملاحظاتك عنها...

كنت ناوي اشريها..بس المدرسة اووف >_<

وما اعتقد اني بشريها في الاجازة لان هناك العاب كثيرة ناوي عليها.. :أفكر:
Trapped Inside
23-04-2004, 05:23 PM
علاكم السلام >>>>طعس مثلك :09:

ويلكم باك..حياك الله^^..

مبرووووووووووك عليك اللعبه..ومشكور على التقرير البسيط..

بصراحه اللعبه عاديه بالنسبه لي...يعني الى الحين ما لعبتها الا مرتين يمكن..وما اتوقع اني ابلعبها ثانيه..

على كل مشكور مره ثانيه..ولا تنسى تمر على المنتدى وتسدح لنا مواضيعك الي مثل اول (الرائعه^^)

سلام^^..
**shadow**
23-04-2004, 08:27 PM
مبروك على اللعبة

من كلامك فهمت أنها أون لاين ؟
Reinu
23-04-2004, 08:55 PM
مبرووووووووووووووووك ^^

عقبالنا نشتريها ^^

شكله هالجزء عجييييب ^^
burning_silence12
23-04-2004, 09:39 PM
WoW
مبروك واريو ..

انا عضو جديد على المنتدى
لكن من اكبر محبي هارفست مون خصوصاً نسخة البلاي سيتشن 1 اذكر ادمنتها :p
واشتريتها على الجيم بوي ادفانس لكن للأسف انشغلت مع الدراسة والامتحانات :(

ان شاالله اشتري هذا الجزء على الجيم كيوب خصوصاً ان الأفضل حالياً وحصري لها :)
wario2002
23-04-2004, 10:31 PM
كابتن السفينة: الله يبارك فيك:)........ وشكرا على ردك.
=====================================
سعـــ2002ـــودي: افهم من كلامك انك شريتها..... طيب ليه ماعجبتك بالعكس والله حلوه ، انت العبها وانسجم معها وبتتحمس:)....... ومشكور على الرد:).
=====================================
**shadow**: الله يبارك فيك:) واللعبه مب اون لاين...... انا افضلها عاديه:).
=====================================
Magical Dreamer: الله يبارك فيك وعقبال الجميع ان شاء الله :D.
=====================================
burning_silence12: الله يبارك فيك وهلا بك معنا بالمنتدى:).
BU_MUHANNAD
24-04-2004, 10:41 AM
الف مبروك wario2002 وعقبالي

والله انا متحمس على اللعبة وانت حمستني اكثر.

بس عندي سوال , هل إنت لعبت هارفست مون (نسخة الPS2 ) ؟ اذا الاجابة نعم اي وحدة أحسن

وشكرا.
Azerothian
24-04-2004, 10:50 AM
مبروك عليك اللعبه
انا شريتها من ثلاث اسابيع تقريبا
ما ابي احطمك بس انا شريتها 170 درهم يعني فرق عنك 60 درهم :D خخخخخخخ
بس بالنسبه لي :33: نسخه البلاي ستيشن 2 احسن من ناحيه الرسم وترتيب المزرعه وفي اشياء اكثر احسن من لعبه الكيوب
مع ذلك اللعبه حلوه :ciao: ومبرووك
Tomb raider
24-04-2004, 01:30 PM
essalam 3alekom ^^

congratulations. . .......wario
its realy anice game
i feel its a real life
i have a baby i named him kirby ^^
i hope u liked th game ^6
i bought the game 190 dhs
and thanks ^^
Super Shadow
25-04-2004, 10:30 AM
مشكور على الموضوع يا أخ واريو

بس..............


أنا ما أفكر أني أشتريها :أفكر:

لأني ما أحب هاي السوالف :أفكر:

أنا اشتريت آنيمال كروسنج و تحسفت :أفكر:
Yoshi SD
25-04-2004, 06:18 PM
مبرووووووووووووووووك وأنا فكرت أني أشتريها بالصيفية...

بس بغيت أسألك...

هل كل يوم نفس اليوم اللي قبله (ما عدى بعض المناسبات الخاصة) واللا زي أنيمال كروسنج في تغييرات كثيرة؟...
hitler is back
25-04-2004, 07:22 PM
سؤال بسيط

افضل من انيمال كروسنج ولا لا؟

لان انيمال كروسنج حلوه لكن شهرين ونص ومليت منها

ما اقصد انها سيئه لكن احسها انتهت

فلو هارفست مون اطول منها واكثر توسع منها شريتها
Golden_Sun
25-04-2004, 11:03 PM
مبروك واريو ^^ ..

وعندي استفسار نفس هتلر ..


افضل من انيمال كروسنج ولا لا؟

لان انيمال كروسنج حلوه لكن شهرين ونص ومليت منها

؟
wario2002
26-04-2004, 02:03 PM
معليش تأخرت في الرد علشان كان عندي شوية اشغال<=== توه يطلع بطاقة احوال :09:

BU_MUHANNAD: الله يبارك فيك........ ، واما عن سؤالك فنسخة الكيوب احسن بالأضعاف:).
=====================================
ps2004:الله يبارك فيك:) ، ولاتخاف ماتحطمت لأني مادفعت كل الفلوس :biggthump ، اما عن كلامك ان نسخة السوني 2..... ، صراحه الرسوم عالكيوب احسن والترتيب احلى وفي اضافات وتحسينات ;).
=====================================
Tombraider: الله يبارك فيكن......مبروك على المولود يتربي في عزك ان شاء الله(خخخخ) انا للحين ماتزوجت ، ناوي اتزوج بالسنه الثانيه..... السنه الاولى خليتها علشان اضبط الشغل واجمع فلوس واحط حيوانات والخ...... يوصلكم خبر زواجي بعدين :09:.
=====================================
super_shadow11:والله انا عجبتني اللعبه...... بس ترى هي وانمل كروسينج يفرقون عن بعض في اشياء كثير....... مثلا: انمل كروسينج مافيها تربي حيوانات....... هارفست مون ماتقدر تصير انت واخوانك بنفس الحي ، يعني بيوتكم جنب بعض:) فهمت قصدي ، لكن تبقى اللعبتين حلوه بنظري ، عاد انت قارن بطريقتك......... واذا ماعجبتك اللعبتين اجل انتظر بيكمن 2:):):).
=====================================
Yoshi SD: الله يبارك فيك^_^ ، جواب سؤالك كالآتي :09: :
اللعبه كل يوم شي جديد ، يعني في هذا اليوم يجي مطر وهذا لا وهذا اليوم يجي عرض عن شي صار بالبلد......... يعني اللعبه فيه chepter كل سنه شبتر وقصص ، بعض الاحيان تجيك عروض.......... كل شهر 10 ايام ومن كل شهر في يوم 3 و 8 يجي واحد في القريه يبيع...، ووش اقول بعد ........ بقر وخرفان وخيول ودجاج وحركات ، يعني لو تفهم اللعبه تتحمس معها من جددددددددد........ ناقصها بس تحسين الجرافيكس وتحسين بعض الأشياء وتطلع تحفه:):):):):):).
=====================================
hitler is back: جاوبت على ذا السؤال في ردي على super_shadow11.
=====================================
Golden_Sun: " " " " " " " " " " " " " <=== يعني نفس الكلام الي فوق :09:.
Azerothian
27-04-2004, 01:38 AM
بالعكس والله برايي نسخه البي اس 2 احلى :D

مع ذلك نسخه الكيوب بعد حلوه وانا لعبت فيها وواصل الحين فصل الشتا في السنه الاولى وصار عندي ديك وثلاث دجاجات وعندي بقره وثور من النوع العادي وبقره وثور غيرهم من نوع الرويال ..... بس صار لي اسبوع يمكن ما لعبت فيها ........ باقي لي 5 ايام تقريبا واتزوج :Dخخخخخخخخخخ

سلملم:ciao:
wario2002
27-04-2004, 11:17 PM
بالعكس والله برايي نسخه البي اس 2 احلى :D

مع ذلك نسخه الكيوب بعد حلوه وانا لعبت فيها وواصل الحين فصل الشتا في السنه الاولى وصار عندي ديك وثلاث دجاجات وعندي بقره وثور من النوع العادي وبقره وثور غيرهم من نوع الرويال ..... بس صار لي اسبوع يمكن ما لعبت فيها ........ باقي لي 5 ايام تقريبا واتزوج :Dخخخخخخخخخخ

سلملم:ciao:

ابشركم تزوجت.... وعندي ورع صغير(ابك انه وريع) وعندي دجاج كثير يمكن 7 والبقر عندي احسن نوع star cow وعندي منه ذكر وانثى، وعندي ماعز وخروفين كل يوم تجيني فلوس......$$$

المشكله الحين ان البقرتين الي جبتهم مايمديك تطلع منهم حليب ، لانهم صغار....، وراحت مده طويله وللحين ماقدر احلبهم...وش الحل؟؟ عجزت وانا الف المواقع
Azerothian
28-04-2004, 02:16 AM
المشكله الحين ان البقرتين الي جبتهم مايمديك تطلع منهم حليب ، لانهم صغار....، وراحت مده طويله وللحين ماقدر احلبهم...وش الحل؟؟ عجزت وانا الف المواقع
يا طويل العمر قلتلي وش الحل؟؟؟؟ الحل عندي وانا بو هندي لازم تكمل البقره سنه كامله عندك وبعد سنه تكبر وتدر لك الحليب عرفت...

سلملم:ciao:
wario2002
28-04-2004, 04:58 PM
اووووف سنه كامله.....آآآخ ، ابحاول اشغل نفسي بالزراعه والاشياء ذي..... ، مشكور عالحل:).