من أجل منتدى أفضل!

[Rex]

السلام عليكم

كيف حال الأعضاء؟ ان شاء الله مرتاحين =)

حبيت افتح هالموضوع اللي راح يهدفه ينصب لمصلحة المنتدى ومستقبله!
نريد نطلع من هالموضوع! بأفكار ونقاط مهمه تساعد على انه يكون دائما نشيط أو
نوجهه للطريق الصحيح!!


طبعا الموضوع مفتوح للكل!!
وياليت نسمع آراء من الاعضاء عشان نتوصل للحلول المناسبه للجميع!!

راح اذكر بعض النقاط أو المشاكل اللي (أعتقد) يبيلها حل!
مع حلول مقترحه من عندي ...

1- الجاليريات!! ملاحظين انه الأعضاء كثرو بالمنتدى وكثرة الجاليريات (ما شاء الله)
بس صارت زحمة و صار عبىء كبير لدى البعض =\ !!
ويصير الواحد (متضايق) من هالشغلة! ... واذا قام واحد وعلق!
احتمال ما يعطيه حقه زين! واذا حد ما حصل تعليق أو رأي, ياه احباط...
وحد له اهتمام وحد لأ!؟ أقول!! (طالع الحل) :tongue2:

الحل اللي فكرت فيه>>
(((ببساطه يعني لا جاليريات فردية بعد اليوم!!)))
واقترح ينفتحو بدالهم (المزيد) من الجاليريات الجماعية (فوق الموجود...)
وخطر على بالي الآتي ...
= جاليري الخيال العلمي (جاليري مخصص بس للرسومات اللي تكون افكارها خياليه , مثل السايبورجز والآلات طبعا ممكن تكون في شخصيات فيه بس لازم مع لمسه وافكار خياليه =) )
= جاليري الوحوش ( واضح من اسمه انه يختص للوحوش بس)
=جاليري الرسومات الملونة (الرسومات العادية المحبرة والملونة )
وكلها تعلق!! (ممكن نضيف المزيد على حسب اللي يريده أغلب الأعضاء)

ويصير كل واحد يشارك بالجاليري المحبب عنده! مع اعضاء ثانيين يشاركونه نفس الاهتمام بنوعية الرسم!! ^^

_________________________________________________________

2-مواضيع التحدي , صايره أغلبها (روتيني) ... وكثير منها قصص عنف!
وفيها قلة بالمشاركات!!

الحل اللي فكرت فيه>>
أقترح انه يكون في قانون (ياليت يرجع موضوع القوانين!!) ممنوع على اي عضو كتابة موضوع تحدي بمجرد أنه فكر بها!
لازم ننظر لمواضيع التحدي نظرة أخرى وليس كمجرد اي موضوع!!
لازم تكون موافقه من الأغلبية و مرتبه جيدا !وتكون على المراقبين اللي هم الوحيدين يفتحوها بس!!,
وبنفس الوقت ما تكون في مواضيع ثانيه تعرقل سير هالموضوع!!
(هذا اللي خلى مواضيع التحدي مالها قيمة! كثرتها! وتبعثر الأعضاء فيها!!)
(هالنقطة مهمه جدا, خاصة بفترة الصيف ... نريد تكون التحديات مرتبه عشان نستمتع بالتحديات!!)

_________________________________________________________

3 - ايجاد طريقة (لمكافئة) الأعضاء النشيطين بالمنتدى واللي تقدم مستواهم بشكل طيب في الرسم أو أمور أخرى!

الحل اللي فكرت فيه>>
الطريقة اللي فكرت فيها حاليا هي مكافآت معنوية...
أننا نضيف بعض التعليقات تحت اسم العضو على حسب مشاركاته ونشاطه !! (ولها مستويات!)
أعتقد صار منزمان هالكلام بس يمكن نسيناه للأسف...

مثلا للفنانين , على حسب نشاطه وكثرة مشاركاته الفنية ..
يحصل بالبداية على مثلا (فنان نشيط) وبعدين اذا استمر أكثر وتقدم مستواه بالرسم نرفعه الى مثلا (فنان مبدع) وبعدها (فنان مميز) , هذي مجرد القاب تجريبيه فقط...
وللأعضاء اللي ما يرسمون ...
عضو نشيط ... عضو مميز أو ناقد مميز الخ.. (على حسب شو مميز فيه)...


_________________________________________________________


اذا كان (يهمك) المنتدى فأرجو المشاركة برأيك أو طرح افكار تعتقد انها أفضل !! ...
وآسف عالاطالة وشكرا!

[Sparta Ghost]

اهلا .. :biggthump ..

مرتاحين بوجودكم ... :ciao:

1- المشكلة الأولى الجاليريات ..
كلامك صحيح !! فعلا متبعثرة و يبي لها حل ...
أنا أوفق فكرتك ...لكن مع إضافة ...قليلة يتم عزل منتدى المسابقات عن الجاليريات ...وذلك لأنه يتواجد فيه أكثر المواضيع ...
بحيث يصبح منتدى المسابقات ..
والثاني منتدى الجاليريات ...ومنه مثبت فكرتك جاليري الوحوش ...وجاليري و .. وغيرها ..
أستطيع تخيل هذا سيكون ترتيب ما بعده ترتيب .. :D
وأتخيل أنه صعب للأعضاء ولكن مع الزمن سيتعودون عليه ..."لكن المشكلة ستكون هي سيمشي الموضوع بسرعة هائلة جدا حيث إذا اردت رؤية تعليق الأعضاء على رسمتك سيكون صعب ...تستطيع التفكير معي :28: "

2- فعلا أعتقد أن حلك صائب جدا ..يجب مناقشته ..مناقشه جدا ...
"أو نستطيع فتح موضوع مثبت :- دراسة مواضيع التحديات ..."
حيث تطرح الأفكار وترتب هناك ...
:أو يلتقى العضو مع المراقبين ومجموعة من الأعضاء في الماسنجر أو غيره للتحدث هناك "
^^ كما قلت سيكون عزل المنتدى الجاليريات والمسابقات ..
له فائدته في ترتيب الأمور ..

3- المشكلة الثالثة ...لا تعتبر مشكلة بحد ذاتها ..
ولكن الفكرة يجب تنفيذها من المراقبين .. :09:
أعتقد لها تأثيرها الكبير في نشاط العضو ...
وأنت كفيت ما شاء الله ,,,,,
..(-:
..(-:

...أظن أني طولت آسف على الإطالة .. :tongue2:

وشكرا على موضوعك الجدي والرائع ..



:flybye:

[Rex]

أهلا جني =)

بخصوص ما قلت :
"لكن المشكلة ستكون هي سيمشي الموضوع بسرعة هائلة جدا حيث إذا اردت رؤية تعليق الأعضاء على رسمتك سيكون صعب ...تستطيع التفكير معي ""

بخصوص أنه اذا توحدت الجاليريات بيمشي بسرعه؟ ما أعتقد راح يكون سريع جدا يعني لهدرجة...
لأن فكرة نقسيم الجاليريات الى انواع راح يوزع شغل الأعضاء بشكل عام بالجاليريات!!
فما أعتقد أنه بتكون بسرعة خياليه بتطور الموضوع ... وبخصوص التعليقات؟
بصراحة , انا اشوفه مختصر أكثر! بدل ما تدش كل موضوع تدور , كله موضوع واحد وتقدر تبدي رايك وتعلق برد واحد!
والجاليريات منوعه كما ذكرت سايقا بيسهل أيضا..

ايه والنقطة الثالثة اصلا هدفها تشجيعي! =)

وشكرا لمشاركتك بالموضوع والمناقشة ^^

[ESOZ]

السلام عليكم
كيف حالكم ياشباب ^___^
أدري انه محد فيكم يعرفني لأني من سنة ألف وتسعمية واحطبه مسجل وماشاركت وايد (شوفوا عدد المشاركات والفترة اللي تميتها هني :P)

هي شكلها لقافه أدري :P..بس حبيت أعلق على الموضوع لأنه بصراحه عجيب! :biggthump

أنا هالكلام (أول نقطة بالتحديد) كنت أنادي به من أكثر من سنة..كلمت المراقبين والأعضاء اللي معاي بالمسنجر وقلت لهم انه مافي داعي للجالريات الخاصه..ورجعت وقلت نفس هالكلام مره ثانيه يوم صار تغيير في ترتيب منتدى الرسم..بس للأسف محد سوى شي...
والمحزن انه قمنا نشوف أعضاء وايد يدشون يكتبون مواضيع وداع ومادري شنو ويطلعون..والسبب غالبا يكون الملل لأنه محد ينتبه للرسومات اللي اتعبوا وهم يرسمونها (علشان جذي محد يرد..والا الشباب مايسفهون حق بعض).

اقتراحي كالتالي: تغيير جذري في منتدى الرسم. تغيير الأقسام والتخلص من قسم الجالاريات الخاصه. وأقترح تخلون 3 أقسام رئيسيه: القسم العام للمواضيع الكتابيه دون الرسم, قسم الرسم تنحط فيه جميع الرسومات بدون أي جالاريات خاصه, وقسم دروس الرسم (بتكون المشاركه فيه أقل من باقي الأقسام لكن أحسن بحيث يسهل على الأعضاء انهم يلقون الدروس اللي يبونها).

وأنا أأيد اخوي رفلكس في كل اقتراحاته. وياريت تطبق في أسرع وقت ممكن.

سامحوني اذا كثرت الكلام
ومشكورين :D

[g. byte]

الحمد لله بخير دامكم بخير
موضوعك رائع يا ريفلكس , أذكر كان في موضوع ممتاز للأخت رانزي اسمه معا لمستقبل افضل يحمل نفس الفكرة تقريبا .
أعجبني موضوعك من ناحية انه عملي ومحدد , ولاشك بأن بودك رؤية وضع أفضل مما هو عليه خصوصا وأنك كنت مع المنتدى منذ طفولته بالاضافة الى كونك من أقدم الاعضاء هنا ( ما أقصد أكبرك في السن طبعا :tongue2: ) وأجزم بأنك حريص على المنتدى أكثر مني والدليل على ذلك أنك لم تبقي لي مااقوله :02:

ونقطة الجاليريات أعلنت منذ انضمامي للمنتدى عن معاداتي لها , لأن المكرونة اذا فرقتها تبرد بسرعة واذا جمعتها تحتفظ بحرارتها ( شف الامثلة كيف ) دون ان أنكر طبعا استمتاعي بمشاهدة الكثير من الاعمال الرائعة لفنانين رائعين بسبب هذه الجاليريات لكننا نتحدث عن مصلحة المنتدى مو ؟ :06: :)

ريفلكس أنا شخصيا أعتقد أن النقطة الأولى والأهم في تقدم المنتدى الى الأفضل ليست الجاليريات , انما في تحديد الأهداف
لماذا نحن هنا ؟ مالذي نفعله ولماذا نفعله ومالذي سنجنيه من بقاءنا هنا ؟ ومالذي سيدفعنا للإستمرار وإعطاء كل مالدينا ؟ وهل هناك فائدة ملموسة نجنيها ؟
يجب أن تكون أهداف منتدى الرسم الحر واضحة للجميع لكي نركز جهودنا باتجاهها بدلا من السير في طريق غير واضح , كيف نصيب الهدف دون أن نعرف أين هو ؟ :3هذه أهم نقطة في اعتقادي لانها الأساس الذي سنبني عليه , موضوع مثبت بأهداف المنتدى التي يؤمن ويعيش من اجل تحقيقها الجميع أمر مهم للغاية ..
ولي عودة مع الموضوع باذن الله اذا اتيحت الفرصة , شكرا ريفلكس :05:

وحياك الله ياعيسوز من جديد :) مادري مين اللي قص عليك وقال محد يعرفك !! :bigeyes:
أنا عرفتك ومتذكرك زين ومتذكر رسومك وتفاجأت لما شفت ردك , مو انت صديق رانما الصدوق اللي تحب السيارات ؟ :reporter: ايه ؟... بس انا مااحبها ! :o على العموم لاتقطع وخلك معانا على طول ... :05:
وبخصوص كلام الاخ العزيز جني رسام عن الردود السريعة فبالعكس هذي ميزة لأن الموضوع راح يكون منتعش على الدوام ومثل ماقال ريفلكس ماراح يكون منتعش لدرجة تجاهل رسمات الاعضاء , لكن مع ذلك كلامك منطقي ونقطة جيدة اللي اثرتها :05:
وشكرا

[Rex]

أهلا عيسوز , افا عليك اكيد نتذكرك ^^ , عاد يوم تقول التاريخ كأنك احفوره من العصر الحجري :09:

كلامك مره نفس اللي يدور ببالي خاصة كلمة (جذور) !!
أصلا المنتدى يبيله تغيير جذري شوي!! كفاية ماشين من مدري كم سنة عنفس الاسلوب!
اصلا كنت مسوي موضوع طويل عريض!! , بس خففته عشان ما يغصون الأعضاء :09:

من قبل موضوع فكرة ازالة الجاليريات يمكن كان مافيه استقبال من الاعضاء كما يجب, يمكن لأنهم ما كانو كثير وايد..
بس الحين كثرو جدا! (ما شاء الله) ولازم نجد طريقة مناسبه للتعامل مع الوضع!

أهلا بالأخ جيجا بايت!! ^^
والله كل ما افكر بموضوع الجاليريات أتذكرك هههههههه
بخصوص الاهداف وهالاشياء كنت بكتب نقطة انتبهت لها , لكن ما حبيت أثقل على القارىء من بداية الموضوع!
ولها علاقة بـ(جذور) :tongue2:
لأن الفكرة اللي افكر فيها ما تتم الا يوم يوافق الاغلبية على الفكرة بخصوص الجاليريات ...
وخذ راحتك جيجا!


وأتمنى نسمع من البقية قريبا...

[Lillymon]

be blessed REX ..
u just opened the thread i was preparing for since a week and postponed it to the coming tuesday coz of my exam

i have a dozen of stuff i needed to talk about regarding the current system of this montada and the drastic improvments it needs

hopefully we get some listening ears

i'll be back with my points on Tuesday 27th

XD

till then .. lets hear from the others

^________________^

[Sparta Ghost]

الحمد لله بخير دامكم بخير


ريفلكس أنا شخصيا أعتقد أن النقطة الأولى والأهم في تقدم المنتدى الى الأفضل ليست الجاليريات , انما في تحديد الأهداف
لماذا نحن هنا ؟ مالذي نفعله ولماذا نفعله ومالذي سنجنيه من بقاءنا هنا ؟ ومالذي سيدفعنا للإستمرار وإعطاء كل مالدينا ؟ وهل هناك فائدة ملموسة نجنيها ؟
يجب أن تكون أهداف منتدى الرسم الحر واضحة للجميع لكي نركز جهودنا باتجاهها بدلا من السير في طريق غير واضح , كيف نصيب الهدف دون أن نعرف أين هو ؟ :3هذه أهم نقطة في اعتقادي لانها الأساس الذي سنبني عليه , موضوع مثبت بأهداف المنتدى التي يؤمن ويعيش من اجل تحقيقها الجميع أمر مهم للغاية ..
ولي عودة مع الموضوع باذن الله اذا اتيحت الفرصة , شكرا ريفلكس :05:

وشكرا

كلامك صحيح .. ;)

اهلا بك عيوز ...أنا الصراحة ما اعرفك شخصيا لكن جاليريك موجود ويشهد لك ..."شفت فايدة الجاليريات " بس يبي لها ترتيب ...


والمحزن انه قمنا نشوف أعضاء وايد يدشون يكتبون مواضيع وداع ومادري شنو ويطلعون..والسبب غالبا يكون الملل لأنه محد ينتبه للرسومات اللي اتعبوا وهم يرسمونها (علشان جذي محد يرد..والا الشباب مايسفهون حق بعض).
هذي النقطة صحيحة بعد ...الكثير من الأعضاء متأكد طلعوا بسبب هذا الشئ .. :33:

ومشكوررر مره ثانيه على الموضوع ريكس .. :ciao:

[Neo Cid]

موضوع حلو يا ريكس .. تطرقت للنقاط الحساسة ( ضارب عالوتر الحساس ) .. :tongue2:

انا أوافق بكل شي قلته .. إلا الجاليريات الجماعية .. أظن انها ما راح تعطي الأعضاء حقهم من النقد .. حسب ما اشوفه طبعا ..

عن نفسي أفضل كل عضو بجاليريه الخاص ( مع انه زحمة بس شنسوي ) ..

و بالنسبة لتكريم الاعضاء المميزين .. أقترحت قبل فترة طويلة فكرة فتح جاليري يتوج فيه المراقبين أو لجنة التحكيم أفضل الرسوم

بحيث أنه يشجع على روح المنافسة و اتقان العمل الفني .. :blackeye:

و فيه نقطة حبيت أوجهها للمراقبين ( سامحني عالمداخلة يا ريكس )

بالنسبة للمواضيع المثبتة .. تقريبا 75% منها ما منها أي فائدة .. بصراحة يعني .. و الأغلبية العظمى ما شفنا فيها ردود بالفترة الاخيرة ..

يعني بس حبيت أنوه على هالشغلة .. لأن المواضيع المثبتة مسوية ازعاج شوي .. ;)

و شوووكرن .. ;)

[Rex]

أهلا نيو , بخصوص اللي ذكرته عن الجاليريات ...
أعتقد راح أأيدك جدا لو قبل سنة ذكرت هالجملة !!
بس الحين صارت التعليقات قليلة مع كثرة المعارض! (مليت من كلمة جاليري :tongue2: )

لكن تعليقات الحين ...
(وايضا انتباه العضو للانتقادات ومحاولة التصحيح)... أظن صاير ضعيف مره!!
صحيح للجاليريات الخاصة ايجابياتها لكن لها سلبياتها !! اعتقد طغت السلبيات والله اعلم ...

واذا عسالفة النقد والتوجيه ... في موضوع فتحه الأخ شاهين خاص لتصحيح الأخطاء والانتقادات...
اعتقد بيحل المشكلة ... thats it ^^ ...
وانا اشوف ممارسة الرسم بشكل مستمر اهم بكثير من انتقادات ورسم قليل!!

وشكرا على هالنقطة الحلوه نيو , لأن أكيد في ناس راح تفكر فيها! =)

[Flashanime]

*قرات الموضوع فقط و لم اقراء الردود*

بالنسبة لكل النقاط فيهي ممتازة و اوافقك الراي و خصوصا مواضيع المسابقات

اخالفك الراي فقط بالنسبة للجالاريات...صحيح اني ايضا تضايقت من كثرتها و كل عضو جديد له جالاري بس ماذا اذا كان عندك فنان مفضل تحب تتابع اعماله..رح يكون صعب انك تدور في كل المواضيع عشات تشوف اعماله
ثانيا مهما اكثرت من الجالاريات المشتركة صدقني اذا عملت حتى اكثر من مائة جالاري ذات مواضيع مختلفة لازم يكون هناك فنان عنده فكرة جديدة...وين رح يحطها؟ رح يطر يفتح واحد جديد و ثاني و ثالث...
و ثالثا لازم اذا عندك رسمة تبى تعرضها رح تتعب لين ما تلقى الموضوع المناسب و احتمال كبير انك ما تلاحظ للموضوع سواء لانك نسيته او انك ما كنت تدري انه موجود او فقط لكثر المواضيع و صعوبة الوصول اليه و كذا رح تتكرر اعتقد بعض المواضيع

[Rex]

اهلا أخ فلاش ^^

نقاشك حلو!
لربما الجاليريات الجماعية فيها (بعض) السلبيات كمثل اللي قلتها , أي كيف تتابع أعمال عضو معين!!
بصراحة ...اذا مهتم لأعمال هالعضو\العضوه المعينه , ببساطه راسلهم على الخاص أو ضيفهم بالمسنجر واعرف عنهم وين جديدهم ... وبس =)

وبخصوص النقطة الثانية أخالفك فيها >_< ... مبالغ كلامك جدا!!
يعني شو بتكون الفكرة اللي ما راح يكون لها مكان ولو كان مئة جاليري!؟ ^^; ...
خلاص نسوي جاليري اسمه جاليري الخيال عشانك!^^
عشان اي فكره يديده تدش فيه :p ...
والجاليريات الجماعية راح يكون عددها مناسب وتستوعب كل انواع الرسومات قدر الامكان...

اما النقطة الثالثة فمشكلتها ترجع للعضو نفسه!!
يعني بعد تحديد الجالريات راح يكون الكل عارف عنهم! (عاد اذا هو للحين ما درى عنهم شنسوي ...)
وصعوبة ايجاد الموضوع المناسب للرسمه؟
هالشيء لأنه الرسام نفسه اللي رسم الرسمة ما حدد للحين بالضبط شو نوعية فكرة رسمته ... :suspect:

وياريت نسمع اكثر :biggthump

[ESOZ]

مشكورين ياشباب على هالردود المشجعه ^__^..أنا بس قصدت الأعضاء اليداد محد فيهم يعرفني (والسبب هو نفسه اللي انتكلم عنه وهو انه محد انتبه لمعرضي وغيره من المعارض) :)

أنا بس بغيت أوضح شي...
المعارض الجماعيه مب فكرة يديده. المعارض الجماعية كانت موجوده من زمااان قبل المعارض الخاصه..وبصراحه كنا مستفيدين ومستمتعين بها أكثر من ألحين, فالفكرة مجربة أصلا ومتأكدين من جودتها باذن المولى عز وجل
بس ياريت مايكثر الكلام على حساب الشغل نفسه..وأتمنى تنفيذ فكرة اخوي رفلكس من ألحين

وسامحوني اذا طولت بكلامي
:ciao:

[john5]

السلام عليكم أخواني ^^ .
بصراحه كلامك حلو ركس ^^ و تعليقي بيكون أشوي مختصر لاني مو في البيت و علشان ماثقل عليكم >< :-
النقطه الاول :-
حسنن تقدر تقول كلامك صح بس نفس ماقال فلاش أنايم المشكله في الجماعي أنه أذا واحد يرد على شغل واحد دون الثاني بيزعل الثاني و هذا يصير في كم موضوع هنا على الاقل الفردي حتى لو ماردوا كثرين بس على الاقل ماحد يقدر يطنشك ...
الثانيه :-
ماقدر أقول شي أنت أوفيت و كفيت ^-^ بشوف أذا في أقتراح أقول لك ^^ .
الثالث :-
هذي من زمان المفروض تصير بس لها عيب أنه الواحد مايخلص في عمله و يخليه بس علشان اللقب في نفس الاقسام هل حركه (( منتدى الانايم )) منهم شفوا كيف صاير مع هذا ماعارض الفكره على الاقل بنسبة 70/100 ^^ .
الحل علشان 100/100 بالنسبة للقب الواحد يعطي اللقب للي يستحقه و بالي سواه للكل مثلا في الانايم بس في (( عضو مميز )) فيه ناس نشيطين بس مو مميزين ماسوى شي على الاقل يسوى شي عضو نشيط ^^ .
يعني مايضير أذا نص المنتدى عضو نشيط بس المشرف بيسويها ؟
=========================
برائيي :-
الواحد أهنا مايرد الا لربعه خلنا نصير واقعين هنا كأننا فرق أصلا الاعضاء الجدد يكثرون الردود في الي مشهورين و يتركون الباقي بس علشان يصرون من ربعهم و يمشون الحال معاهم فاشنو الحل أنى هل الاعضاء المشهورين يردون في جالري الناس الثانين حتى لكان ضعاف رسمهم تشوفون حتى بعض الناس يردون بس لان هل واحد رد في هل جالري .
مع أنه الواحد مفروض يكبر راسه و لا يخلي هدف الجالري علشان مدح و لا ها شوفوني أعرف أرسم أنا ةعن نفسي أرسم و أحط علشان أي واحد يحب أسلوبي أقدر أعطيه من الي يعجبه يعني هدفي أن أمتع أخواني لشفت أخواني فرحانين أنا أفرح لاني قدمت شي جديد ^^ .
بس مع هذا لازم تعرف طبيعه النفس (( بتكلم أكثر بعدين >< )) شاقصد بعدين أوضح . . .
في كم شي بقوله بعد بس أنا كاتبها من بيت رفيقي و مشغل مسلسل مضيع أفكاري بعدي أشرح أكثر -.- ...
على العموم مشكور ريفلكس ^^ .

[Rex]

أهلا بالأخ جون =)

ردي على تعليقاتك التالي:
""حسنن تقدر تقول كلامك صح بس نفس ماقال فلاش أنايم المشكله في الجماعي أنه أذا واحد يرد على شغل واحد دون الثاني بيزعل الثاني و هذا يصير في كم موضوع هنا على الاقل الفردي حتى لو ماردوا كثرين بس على الاقل ماحد يقدر يطنشك . ""

ماهي أحد مشاكل الجالريات الخاصة انه في ناس ما يحصلون حقهم ... فأنت كأنك قاعد تقول خلونا نرضى بهالمشكلة!
يعني تفكر انهم اللي ما يحصلون رد بجالرياتهم أونهم ما يزعلون؟ :31:
واذا على انه واحد يرد على شغل دون الثاني!! والله هذا يرجع للعضو نفسه مقصر!! ولاحظت منهم...
موضع الأخت رانزي كان يركز على المشاكل من الأعضاء نفسهم , بس هالموضوع فكرته تختص بس بتنظيم وترتيب المنتدى!..
لاحظ رد عيسوز الأخير بخصوص الفكرة ... =)
_____________
""هذي من زمان المفروض تصير بس لها عيب أنه الواحد مايخلص في عمله و يخليه بس علشان اللقب في نفس الاقسام هل حركه (( منتدى الانايم )) منهم شفوا كيف صاير ""

والله هذي فكرة الموضوع أصلا ^^ ... انه يحصلها اللي يستاهل...
وانا شخصيا مش مهتم بهالعضو من ناحية اذا كان يشارك عشان هالنقطة أو لا!!
مادام كثرة مشاركاته متعوب عليها (عشان هالشيء وبنفس الوقت تكون مشاركاته موزونه مفيده وزينه وتستاهل)!!
ووصلنا لمرحله يكون ماشي يمنعه أنه يحصل عليها ... حلال عليه ...

هناك مشكلة أيضا انه الاعضاء صارو متعودين بالاسلوب هالقديم!! ويمكن ما يبون يفارقوه؟...
at the end...
no harm in trying

[Rewayah]

صح لسانك ريكس.

والله يبارك فيك. :)


بس أأأأه... أنا مشغول!! ><
لكن خذوا راحتكم.! ^^ <== خيييييييييييييييييييييبة!! من أولها هذا! @@

حياكم.

لكن معاكم معاكم.
وبسوي كل اللي في حيلتي لإنجاح هالخطوات.

[john5]

هي ركس أنا مو قصدي :-
==========
خلونا نرضى بهالمشكلة!
========
الفكره بشكل عام حلوه بس بشكل عام لهل منتدى مأرخ لان هنا في ناس يتركون الباقي مايردون عليهم دون أن يراعون مشاعرهم فا مايردون عليك أبرك من أن يردون على صديقك بدون مايعطونك وجه .
على الاقل نقدر نقول أن مانتبه و لا شي بس جماعي بيقول الواحد :-
ليه تركني ؟ ؟ ؟ ؟
فابيصير أثرها أكبر في النفس - - .
أما :-
======
وانا شخصيا مش مهتم بهالعضو من ناحية اذا كان يشارك عشان هالنقطة أو لا!!
مادام كثرة مشاركاته متعوب عليها (عشان هالشيء وبنفس الوقت تكون مشاركاته موزونه مفيده وزينه وتستاهل)!!
====
فا هه أظن أنى الوضع في الرسم أفضل من ألانايم على الاقل ماينسرق الرسوم فا . . . أنا معاك في هل نقطة الحين ^^ .

[john5]

الفكره بشكل عام حلوه بس بشكل عام لهل منتدى = الفكره بشكل عام حلوه بس بشكل خاص لهل منتدى
خطاء مطبعي ^^"

[Rewayah]

at the end...
no harm in trying
بـريـسـويـسـفـلـي. :)

[Rex]

اهلا بالأخ رواية =)
خذ راحتك اخوي متى ما فضيت شاركنا برأيك!
وأحسلنا نتعب شوي الحين عن نعاني بعدين المشاكل!

أهلا جون ^^
شكلك متعقد من هالنقطة =\...
بصراحة انت قلتها بعظمة لسانك!! انه في اعضاء ما يراعون مشاعرالغير!! أو تقصير بشكل أوضح!!
وكما قلت لك مسبقا , هالشيء له علاقة بالعضو نفسه !! يعني العيب مش من فكرة الجالريات الجماعية !!
ولا تقلق كثير من هالفئة, لأن ان شاء الله في غيرهم أعضاء ما يقصرون!! ;)
اتمنى تكون فهمت قصدي ^^

وموفقين انشاء الله ...

[Rex]

اوبس! نسيت أعلق على رد ليليمون !! O_o
أهلا اختنا , وبصراحة يسعدنا أنج مجهزه ومزهبه شيء لخدمة المنتدى! :biggthump

ونحن بانتظار مشاركتج =)

[john5]

و الله شاقول لك ركس بصراحه في ناس فن هنا و دي أتابع أعمالهم بس مافي ينحبطون بسبب هل شي أنا هذا الي مابيه و فيه مواضيع نفس الدعوه مثل جالري (( مابي أذكر أسامي مانبي نزعل أحد ^^" )) بس فيه ناس بس مثل ماقلت ^^ هل شي راجع لنفس العضو و بس حبيت أتكلم عن هل شي لاني ماشفت موضوع مي الي تقول عنه ×| فا حبيت أتكلم عن هل نقطه بس مثل ماقلت لك بشكل عام حلو الفكرة ^^ بس الافكار و الترتيب جيد بس ناقص الاعضاء ^^ و الله ودي الاعضاء يحمسون علشان نقدر نشوف أعمال الباقي واحد مايقدر يسوي شي تعبت لحالي >_< .
و أسف أذا كنت بقلب موضوعك ^^"
المهم مشكور ريكس و أتمنى فهمت قصدي ^^ .

[Neo Cid]

كل انسان له وجهه رأي .. و أنا وجهه رأيي مخالفة لك يا ريكس ( كالعادة ) .. :tongue2:

الجاليريات الجماعية .. أنا فكرت فيها بشخصي ( أنا ) .. أدخل على الجاليري و أشوف الرسوم الممتازة و الضعيفة و الرائعة

و المحبطة و و وو إلخ .. و إذا بكتب رد كلامي راح يكون : " يعطيكم العافية شباب .. زيدو الهمة .. رسومكم كلها رووعة " ..

بصراحة هذا اللي راح أكتبه ..

اما الجاليريات الفردية .. فأظن أني راح استمتع فيها .. فلنفرض أنه بخاطري اليوم أدخل جاليري شاهين .. و ماني طالع من

المنتدى إلا و شايف رسوم شاهين الأخيرة .. طبعا بدور على جاليري شاهين و أكتب فيه كل اللي ببالي .. و أنتقد على كيفي

بدون ما أجرح أحد و حتى صاحب الرسوم .. و يحس الرسام بتفاوت التقديرات برسومه .. و يعرف الاخطاء اللي يعاني منها

من اماكن ضعف بلوحاته ..



كل هذا رأي شخصي لا أكثر .. و حتى فكرت فيها من ناحية ثانية و شفت أن كل الجاليريات لها مميزاتها .. الجماعية و الفردية ..

فممكن أقولها .. خلو النوعين مفتوحين .. فردية و جماعية .. بتكون أحسن .. ولا اشرايكم ؟ ..

بالتوفيج :blackeye:

[Rex]

السلام عليكم

أهلا جون , بصراحة... ما فهمت قصدك زين ...
لكن ان شاء الله خير ... ^^


اهلا نيو ,
خذ راحتك أخوي لأنه اصلا هالموضوع للنقاش عن هالاشياء! ^^

بخصوص كيف انت تخيلت اذا رديت بالجاليري الجماعي! =)
صدقني ...في أعضاء يقولون مثل الرد اللي قلته بالجاليرات الفردية !! يعني فرقت اصلا !! XD
فمش أحسن على الاقل تكون بجماعية =\ ...

اممم ...انا أتخيل الحين...
اذا انا بغيت أرد على الجاليري الجماعي بحاول اعطي كل واحد رأيي برسماته!
خاصة اذا كان نوعية هالجاليري يختص بنوع معين! راح تكون فيه نقاشات حلوه!! =)

اوه صح! ابي أوضح شيء بعد...
الواحد اذا بغى ينتقد مو شرط تاخذ كل رسمه وتحلل كل صغيره وكبيره !
لأن في رسمات اغلب اللي تشوفه أخطاء!! انصحه يتابع رسم وتنصحه عدروس معينه!
رسمه اخرى مثلا تعتقد فيها شيء مخرب عليها , تخبره عنها ...وأقترح شيء اذا عندك ...
في اكثرمن جذيه ؟ ... =\
وكل واحد له طريقته بالرد وكيف يخطط لردوده ...

تخيل مثلا مدرس حق طلاب لصف من خمس وعشرين طالب !!
اذا المدرس يروح يهتم بطالب واحد والا ثنين بس ويهمل الباقي؟
شو بيكون شعور بقية الطلاب...؟
والا في حل ! يقوم المدرس يمسك كل طالب من ايده ويناقشه!! بيخلص وقت
الكلاس وما خلص منهم!! (شو خلاص الحين الطلاب كثير مو شوي!) XD

في اسلوب آخر انه يخاطب فئة معينه ويوجه كلام لطالب معين لأنه سوى شيء مميز!
يمتدح مجموعه, وينتقد مجموعه!
بقية الطلاب راح يشوفون بعض! ويطالعون هالفلان ليش تميز , شو هذاك سواه صح وشو
هذيلا سووه غلط! وسيله تعليميه بالأصح...وراح يكون في نوع من التنافس...
وغيرها من المميزات راح أحاول اذكرها بعدين ان شاء الله... عشان تقتنعون أكثر=\...
بس يعني تخيل هالامر جذيه بالجالريات الجماعية !!...


آسف على كثرة الكلام...
لأني حبيت أوصل اللي أفكر فيه... XD

وبخصوص انه تكون في جاليريات جماعية وفردية بنفس الوقت ...
ما اعتقد بيمشي او راح ينجح الأمر بهالطريقة ...بعد اخاف يزيد الطين بله يمكن ... =\
موفقين...

[Lillymon]

first of all .. this is a warning to heart patients, diabetis, back ache, poor sighted and ppl having long-speech phobia to run away from here ..


this is going to take time .. its hella long reply ! ** u brought it to urself REX ** heheh ..

:D

well .. before starting .. i know that the major part of this reply will pass unread ..

and i also realize the fact that non of what we are discussing here will find any way to life ..


and that 90% of u will yawn while reading this .. heheh ..


:yawn:

OK .. lets begin ..


The " i dont get enough attention" problem


opening group galleris will not make any difference .. since the issue here is the attitude of the members themselves .. favouratism towards some artists on the cost of others will still persist no matter what .. so this change should come from the inside and not the outside .. this is how i view it .. members here should understand the concept of giving and taking ..


**for top artists** its ok to encourage a beginner and visit thier galleries once in a while .. emotional support can do magic .. thats all the push they need plus some crits. here and there


a word to the wise: dont complain if u dont receive immediate feedback .. ppl here have lives too .. they will eventually reply to u sooner or later .. dont be the kind of " im quiting 'coz no one replies to me" ..


The " OMG! .. im lost in the galleries * problem

:09:

mmm .. group galleries .. dunno .. i think i will side NEO CID in this one ..


i love to see artists with thier individual galleries .. this way u can see the various stages of thier improvments .. they can see thier own improvments ..


we can make an alphabatically ordered index of galleries in one thread and get it sticked instead of the current pile of useless stickys .. u know, for easy access and to save time..


also, i suggest we split the galleries and the competitions board .. the galleries one will have the galleries ONLY .. and competitions one will have the battles and other activities ..


continue

[Lillymon]

The *no one crits me* problem


1 . many talents here need guidance .. i have seen many and i try to help them with constructive crits and tips as much as i can .. but still, majority do not get serious crits. this is a drawing board .. its no shame telling others the mistakes in thier artoworks in a nice manner and provide ways for fixing those mistakes .. sharing knowledge and experience should be the theme of this board .. its ok to encourge .. but its wrong saying i dont want to get that artist's feeling hurt so i better just say wow and go .. true artists dont get insulted by receving crits. on the contrary, it means that someone out there is interested in ur work ..


2 . some artists demand critiques and when they receive it they dont work upon them and u see them again and again doing the same mistakes they were told not to do .. my advise .. when u get crits, take them seriously unless u think u received it from non-qualified persons.


3. i suggest appointing a group of qualified critics here .. experienced artists .. thier job will be checking on few galleries every four or five days or may be every weekend and providing CONSTRUCTIVE CRITIQUES and tips .. well, they dont have to critique each and every artwork .. they dont have to dig the finest details .. but only the works they find suitable


4. any aritist wishing to receive proper crits should not post more than max. 3 artworks per week .. u cant post a DOZEN of drawings in a week and expect getting crits for each and everyone of them. but u can post as much as u want is ur artworks are for showing off only. .. u also cant come up with an artwork that u urself didnt spend alot of time one and didnt put much effort into it and then say crit it for me ..

right

?




The too much useless sticky threads ..


i suggest removing them .. the useless ones of course ..


like the icons one ..


the arab artists association .. ** great idea but no supporters and poor execution **


the old tutorial modification thread ** i havent seen any modifications ..


and the last reply was on 22/10/2003** .. the index of drawing and coloring tutorials ** either delete it or update it ** the others ore fine ..


The ** where are the rules ** problem


i believe Rewayah did an excellent job while writing those rules .. he must have spent quite alot time writing them down .. even if he did it on his own without consulting the others .. i think the rules were clear and fine .. no one had any objections to them .. so why were they removed .. and if they were removed for a second check then where are they now .. ? haven't they been checked yet ?


these are the stuff i can recall now .. wonders how i remember everything when i study but when i come too typing, i foget all ><


anyways ..


hope i wasn't too frank .. hope im not misunderstood .. and hope the best for this montada


and the discussion goes on ..


if u read this far .. then Thank You


:)


P.S. Thanks REWAYAH for ur support ..

[Rex]

أهلا ليليمون
الصراحة مشاركتج روعه!! =)

راح أناقش كل نقطة قلتيها ...

The " i dont get enough attention" problem

نعم يمكن يحصل هالكلام بالجالريات الجماعية , واعتقد السبب اللي (ورى) تصرفات الأعضاء يرجع من (تأثير) كثرة الجالريات الخاصة...
وباقي كلامج بهالنقطة مأيدج تماما...

The " OMG! .. im lost in the galleries * problem

أذكر مره فتحت موضوع ...
عن اذا حد حط رسمه يديده بجاليريه يخبرنا اياها بهالموضوع!
ويحط لينك عشان يكون سهل للمتصفح =)
للأسف مع مرور الوقت الموضوع انّسى...

وفكرتج حلوه أنه يكون في موضوع خاص مثبت فيه لسته الجاليريات بالمنتدى =)
وايد حلوه الفكرة وان شاء الله نطبقها!! في حالة استقرت هالجاليريات =\

وفكرة يكون منتدى الجالريات بروحه منعزل عن مال التحديات أحسن !! يا سلام عليج ^^

The *no one crits me* problem
كلامج حلو بهالنقطة ...
وفي موضوع كما ذكرت مسبقا حطه الأخ شاهين... أي واحد يبي تحليل لأخطاء رسمته يحطه بهالموضوع...
ومن فكرتج وموضوع شاهين , اذا دمجناهم مع بعض !!
(فكره)>>
نقدر يكون كم عضو مختارينه لخبرتهم , يشرفون على هالموضوع =) ...
العضو اللي يبي نوضيح لأخطائه يحط كم رسمه جاده زينه من عنده يحس فيها أخطاء , أو يمكن ما يعرف يحلها أو يتغلب عليها!! ... وننصحة ونوضحله , والمره اليايه نفس العضو نحددلها مدة معينه لين ما يحط الرسمه اليديده
(يعني مثل العيادة والا مستشفى ههههههه)
هاي فكره مقتبسه من فكرتج =)...

The too much useless sticky threads ..
Totaly agree with you ...

The ** where are the rules ** problem
Totaly agree with you ...
and we need some new rules for challenge topics ^^ ...

مشاركتج جدا جميلة أخت ليلي ... وكلنا نبي الشيء الأفضل للمنتدى ...
وفي الحقيقة أصلا!! الافضل لنا!!
احم ... أفضل من نتركه أو نتخلى عنه!! ونحنا نقدر نعالج هالمشاكل...
الله يعطيج العافية وخلينا نسمع رايج دوم =)

ان شاء الله نسمع أفكار وآراء أكثر ...

[CROW]

ألحين أغلب أعضاء المنتدى مرتاحين بالشكل الحالي
يقومون ثلاثة أو أربعة أشخاص بتغيير نظام المنتدى
أظن أن هذا ظلم يا رفلكس

وبعدين شمعنا فهمت اللي كتبته lillymon اللي بالأنجليزي
ومافهمت اللي كاتبه الأخ John5 اللي بالعربي ؟


:)

[Rex]

أهلا أخ crow :)

الموضوع أعمق من مجرد تغيير نظام المنتدى...
وانا ما فتحت الموضوع منيه والدرب!!
لاني أسمع دوم شكاوي ... وانت بعدك عضو يديد فما ألومك اذا تجهل هالشيء ^^;
والموضوع بشكل عام لتحسين المنتدى ...

بخصوص كلام جون ... بصراحة ما فهمته ..
ممكن يعني توضحلي شو اللي بغى يقوله جون بالضبط ؟؟ بكون شاكرا ^^ ...

((والحمدلله انا افهم بالانجليزي!))

وشكرا على رأيك ^^

[Sparta Ghost]

ريكس ....

هل فعلا هذه الأفكار ستنفذ ...؟؟
لأرى اي مراقب ...!! :p أين انتم يالهيئة؟؟ :tongue2:

يالله ريكس أضمن لنا أن الأفكار ستنفذ 100% أو 90 % أو 60 % أو حتى 40% :tongue2:
قمت أخربط ..بس استحملني ...
إذا فكرة اتفق فيها أعضاء كثيرون ...لازم تنفذ ..
"افضل فكرة هي قسم منتدى الجاليريات والسابقات إلى قسمين ...قسم الجاليريات لحاله ..والمسابقات لحاله "
والفكره اللي يتفق فيها كل أعضاء المنتدى ولازم تنفذ هي ..الجوائز والتحفيز للعضو الفنان .. :biggthump

وشاكرين لك موضوعك :reporter:

[Rex]

أهلا أخ جني ...
الصراحة هالشي يقرره مايريده غالبية الأعضاء , والمراقبين راح يساعدونا بتنفيذ اللي يبونه الأعضاء بشكل عام لأن عندهم اتصال مع المشرفين ... ومافي مانع يشاركونا برأيهم طبعا ...

بس المشكلة اصلا اذا ماعرفنا حتى رأي غالبية الأعضاء بخصوص المنتدى ...شنسوي ... :o
وبالنهاية , اذا بقى المنتدى جذيه على هالحالة خاصة هالجالريات ...
أتمنى محد يطلع ينوح ليش ما ردو علي!! =) ... ويقعد يقول ليش المنتدى جذيه وجذيه!!

((على العموم في اشياء من اللي ذكرتها ليليمون حلوه وسهلة التنفيذ =) ))

ومشكور على الاهتمام جني ^^
سلام..

[ESOZ]

السلام عليكم..شحالكم ياشباب^^
أبغي بس أوضح بعض النقاط...
أولا بالنسبه للأخ crow: انت اتشوفهم 3 والا 4 اللي يبون التغيير لأنه الباقي اطلعوا من المنتدى, والبعض متملل ومايبي يرد لأنه أكثر من مره تمت مناقشة هالموضوع وماصار شي.
ثانيا: أعيد وأكرر ياشباب..قبل لاينفتح قسم الجالريات, منتدى الرسم ماكان فيه الا معارض جماعيه..وكل الأعضاء كانوا مرتاحين بهالوضع. يوم تغير المنتدى وظهرت المعارض الخاصه لاحظنا اختفاء الأعضاء واحد ورى واحد. ولحد ألحين نسمع الناس تشتكي يقولون متمللين!
ثالثا اللي يقولون انه في الجالريات الجماعيه الناس بيردون على البعض وبيخلون العض الباقي:
1-أغلب الأعضاء هني ناس محترمين وانعرفهم بنفسنا ولايمكن انهم يهتمون باللي يعرفونهم بس ويخلون الباقي
2-لو فعلا شخص رد على واحد وخلى الثاني يولي..غيره بيرد عليه! الفكره من المعارض الجماعيه انه الناس بينتبهون لكل الرسمات. أنا واحد عانيت الصراحه مع معرضي..أحط رسمه الصبح..أيي في الليل والا المعرض نزل لين الصفحه الثانيه ومحد انتبه حق الرسمه :blackeye: كل ذي من كثرة المعارض الخاصة!

وبالنسبه للي يدور رسمات شخص معين..الله لا يهينك اضغط على اسم هالشخص وشوف آخر مشاركاته!
(مع انه المفروض انه يهتم برسمات الكل مب رسمات شخص واحد...)

مافي سبب من الأسباب اللي قلتوهم يدعوا الى انه نخلي المعارض الخاصه..هالمعارض مشاكلها وايد أكثر من فوايدها وان كنتوا مانتبهتوا حق هالمشاكل...

Reflex: ياريت تحط فكرتك هذي بموضوع تصويت وانشوف الأعضاء شيقولون..وان وافقوا الأغلبيه يتم التغيير بأسرع وقت ممكن. وتسلم ياخي

سامحوني اذا طولت عليكم

[CROW]

أوكيه ليه ماتفتحون موضوع فقط للتعليقات على الرسومات
بحيث تكون الجالاريات فقط للرسومات والتعليقات في موضوع آخر
في هذي الحالة راح الكل يشارك في التعليق
وكل واحد حاب يكتب رد في موضوع التعليقات يحط اللينك للصورة اللي
ناوي يعلق عليها ويكتب تحته التعليق اللي ناوي يقوله


أقتراح سخيف ؟

:)

[D.B.S]

hi REFLEX

thanks for clearing this point,,,, and I 'm with ESOZ about the voting .......

lets start now before t is too late

thanks

DARK BLUE SOUL

[Rex]

السلام عليكم

أخ ESOZ
مأيد كلامك تماما :) !!
وكان الموضوع أصلا بينحط فيه تصويت , لكن تعرف ليش ما حطيت؟
لاني بالأول اريدأقنع الأعضاء وأبين المشكلة بشكل أوضح وبعدين أحطه عشان يكون التصويت أصح ^^

أخ كرو
فكرتك أننا نخلي موضوع أو قسم للتعليق والانتقادات وقسم لعرض الرسم بشكل عادي؟؟

نحنا فكرنا نسوي موضوع خاص للي يبي انتقاد خاص أو يبي ينتفع ,
بس اذا فصلنا كل قسم وكل واحد يرد منيه ومناك , أعتقد بيسوء الامر اكثر .. اذا كان هذا قصدك من الفكره ..

ومشكور على اقتراحك ^^


أهلين أخ دارك !!
منور الموضوع =)

انشاء الله بحط موضوع تصويت , بس خلونا نتفق بالأول شو الاختيارات اللي بنحط بالتصويت ...

راح احط اختيارات مقترحه قريبا :)

موفقين

[Renoa Heartilly]

همم, بصراحه الحين قريت الصفحات الماضيع على السريع, و أعتقد الجالاريات الخاصه و العامه لها مساوءها و أيجابياتها, لن مو هنا بس المشكله, فيه مشاكل ثانيه... التشجيع مثلاً... نادراً ما تلقى نقد (خصوصاً نقد بناء يعني : عندك خطأ هنا أو هنا) أنا لما أرد أحس أني بكلامي باجرح العضو هذا و بيقول ليش رنوا حاقده علي تقول لي رسمي كذا؟ لييش و ليش, فأفضل أني أقول له أن رسمته حلوه و أفتك...
وبعين صج موضوع القوانين أنا ما شفته لا أول و لا ألحين >_> وينه؟

[Rex]

السلام عليكم...

اهلا رينوا =)

بصراحة لو المنتدى حالته نشيطه والاعضاء يشاركون بكل موضوع (مثل أول) , راح نشوف انه الجالريات الخاصة أحسن شيء ... ولكن اصحو يا أعضاء ... صحيح كل واحد يفضل له جاليري خاص مرتب له!!...
لكن هل فكرتو بتأثير كثرتها للحظة؟
بصراحة عرض الرسمه كله واحد سواءا بجالري خاص او جماعي , والجماعي أحسن بعد برأيي :)
هونو الأمر وبيهون ان شاء الله ...

وبخصوص كلامج أختي عن الانتقاد وتحسين أنج تجرحين؟
اعتقد لازم تغيرين هالفكرة من بالج :D ... لأنها مش صحيحه!
الا في حالة لاحظتي هالشيء بشكل مباشر من العضو!! (انجرح ... بففففف ... )
عندها ردي بالشكل اللي تشوفيه مناسب اتجاهه ...

تكلمت بما فيه الكفاية بخصوص هالموضوع ...
المشكلة اني بديت أحس اني أنفخ بقربه مقطوعه!!

راح افتح موضوع تصويت قريبا ونبي تصويتات بس... لا أكثر...

سلام..

[Renoa Heartilly]

أوكي، ناطره التصويت :)

[Miss_kimino]

تشكر اخوي ريكس على جهودك في تحسين المنتدى .. وانشالله ما تكون مثل ما تقول " تنفخ بقربه مقطوعه" ههههه
تقريبا معضم الاقتراحات إلي كانت في بالي قلتوها..
فمافي داعي اقول شي ..انا للاسف وايد اتشائم ..بس "انشالله" الجاليريات الجماعية تحل مشكلة الانتباه لفن عضو "معين" و غض النظر معضم الوقت عن فن عضو اخر في هالمنتدى.. اقول مرة ثانية ..انشالله ..و الله كريم ^ ^

[Rex]

اهلا ميس كيمينو =)

الحمدلله اعتقد والله اعلم تكلمنا عن اللي يزعج الأعضاء , ولكن بهالموضوع بالذات محتاجين اصوات الأعضاء حتى لو بتأييد!
لأننا نبي نبين للغير للي مو مقتنع او مايدري انها مشكلة حقيقية وليست وهم! :33:

وتفائلو بالخير تجدوه :D