:: When you were a child ::

[kokaa]

السلام عليكم ورحمة الله وبركاته...

كيف حال الاعضاء الطيبين ...^^
المهم انا من زمان ما عرضت تصميم ..والحين هذا واحد بسيط
اتمنى يحوز على رضاكم واذا في اي انتقادات أرجو ان تقولونها...

[C.Falcon]

أهلين اخت كوكا ،،، نورت المنتدى !!!
بالنسبة للتصميم : مازال أسلوبك مثل أول ((نفس الخرابيش تقريباً :D )) لكن حلو
النقد : عندي وجهة نظر فقط ينقصه برواز صغيرون و عندي حركة أحلى من استخدام فلاتر الــ artists
ممكن تخلي صورة البنت ملونة و صغيرة و الثانية ((اللي في الخلف)) خليها بدون ألوان أو لون واحد و خففي
الــ opacity .... و بس

"قبل أن تنقد أعمال الآخرين ..انظر إلى فكرة العمل من منظور صاحبه .. واذا كنت لا تجيد النقد ..فمن الأفضل للجميع أن تصمت "

هه عجبتني العبارة :)

أخوك

[HaMaNi]

السلام عليكم
نورت المنتدى بموضوعج إختي كوكا
بالنسبة للتصميم حلو بس فيها بعض الأشياء وأتمنى تسوين اللي قاله فالكون أتوقع يطلع أحلى ويبيله تعديل في ألوان الخطوط وشوية ترتيب في الأشكال

بالنسبة للعبارة
((قبل أن تنقد أعمال الآخرين ..انظر إلى فكرة العمل من منظور صاحبه .. واذا كنت لا تجيد النقد ..فمن الأفضل للجميع أن تصمت :أفكر:))

لا أوافقك الرأي بها..
يستطيع أي شخص أن ينقد حتى ولم يكن يعرف الفوتوشوب لأن النقد ذوق ورأي مو تصمـــــــــــــــيـــــــــــــــــم ...
أما بالنسبة لمنظور صاحب التصميم:الاحتراف في التصميم هو أن يعجب الناس ويشمل أغلب أذواقهم أو يقوم المصمم بتوضيح الفكرة المرادة من التصميم لكي لا يفهمها الناس خطأً...

والنقد للجميع..لأن الرسام قد يرى مالايراه المصمم وكذلك المهندس........

وآسفين على الازعاج....

[kokaa]

السلام عليكم ورحمة الله و بركاته...

أهلا أخ C.Falcon مشكوور اخوي على رأيك ..وتصدق اني كنت مسويه مثل ما قلت بس ماعجبني التصميم ككل فأعدت فكرته مرة ثانية وهذا اللي طلع :09:
و ان شاء الله راح احط شي احسن في المستقبل.. :p
وهو انا توني مبتدئة في الفوتوشوب و احاول اتعلم أكثر :o

ويا هلا أخ BlAcK-DrEaM-MaN
مشكوور أخوي على رأيك وان شاء الله راح انتبه ل هالاشياء..^^

اما بالنسبة ((قبل أن تنقد أعمال الآخرين ..انظر إلى فكرة العمل من منظور صاحبه .. واذا كنت لا تجيد النقد ..فمن الأفضل للجميع أن تصمت ))

أخوي انا اوافقك انه لكل شخص الحق في النقد ..بس احيانا أقرأ رد شخص ينتقد تصميم واحد و يطلع ألف عيب مثلا يقول الألوان فاقعة ..الخ.( مع أنه ما كان شي يخرب التصميم بس على العكس يمكن معطنه نكهه خاصة).. بس بعدين هذاك الشخص الي كان ينقد يسوي تصميم و تكون الوان التصميم صج فاقعة ..شو تقول عن هذا؟؟!! يعني هو ينتقد غيره انه تصميمه في كذا وكذا وهو اصلا يسوي هالشي ولا ساعات ما يكون بحلاوة الثاني ( بصراحة هذا الشي يرفع ضغطي :12: ) يعني من كل هذا الكلام انا ادري انه النقد حق لكل شخص بس انا ابي هذا الشخص يفكر قبل ما يكتب أو يقول اي شي ..وثانيا هو صحيح انه اللي يبي يوصل للاحتراف لازم الناس تعجب بتصميمه ( بس احيانا صعب ترضي كل الأذواق) بس أنا اقول اذا التصميم أعجب المصمم فما اشوف أي داعي انه يهتم بشدة لآراء الآخرين ..يمكن لأنه سوى فكرة كان يبغي ينفذها وفي النهاية طبقها ..قد تكون بنظر الآخرين فكرة بسيطة أو حتى تافهة بس المهم نفسية المصمم لأنه بالنهاية هذا تصميمه وهو حر فيه....

آسفة لأني طولت بس حبيت أوضح وجهة نظري وليش انا اصلا كتبت العبارة (اصلا في اسباب اكثر بس ما اتذكرها لاني من زمااان كاتبتنها :D :09: )

والسموووحة

[HaMaNi]

السلام عليكم
المهم الفائدة...
بالنسبة لعبارة ((أهم شيء التصميم يعجب المصمم)) فهذه عبارة ضعيفة جدا>>إيجابياتها قليلة----المصمم يصمم لمن؟>>>يصمم للناس ---- من يقيم أداء المصمم؟ >>>الناس ---من يرفع مستوى المصمم وينزله >>>انتقادات الناس ومدحهم وتوجيههم للمصمم

الناس من أهم الأشياء عند المصمم
لأنه أولا وأخيرا يصمم للناس وليس لنفسه....

كل ما يعجبك والبس ما يعجب الناس>>>لا تدققون واجد أدري بتقولون ما ينطبق على كل حياتنا وما ....وما ....
بس وش أسوي جاء على بالي (يعني لو سمحتم بدون تعليق لأن العبارة غير دقيقة)

[الجمعان]

ما شاء الله عليك أختي كوكا التصميم روووووووووووووووعة
وبالنسبة للعبارة ((قبل أن تنقد أعمال الآخرين ..انظر إلى فكرة العمل من منظور صاحبه .. واذا كنت لا تجيد النقد ..فمن الأفضل للجميع أن تصمت ))
أنا أوافقك الرأي لأن فيه ناس ما فيهم فايدة مهما تسوي لازم ينتقد حتى لو كان العمل كامل
هذا رأيي الخاص ورجاء لا احد يزعل

[X_MAN]

ما يحتاج اقول منورة لانه باين ( ;) ) والبنسبة للتصميم حلو بس :-

:reporter: 1- صورة البنت مخربة من التكبير

:reporter: 2-الخط اللي بالنص لو تخلينة مخفي اكثر يصير احسن

:reporter: 3- صورة الدب الرمادي خففي وضوحها

واتمنى ما تزعلي اختي لانه تصميم ( بشكل عام ) جيد جدا :ciao: