منتخب الكويت يفوز على المنتخب السعودي في عقر داره ..

[Homoud]

مبروك للأزرق الكويتي وهاردلك يا السعودية ، الصراحة ناجي مجرشي لاعب خطيررررر وحرام ما ياخذونه بأوروبا .. ;)

صج مباراة ممتعه .. واليوم الصراحه أثبت أن الأزرق يملك بصيص أمل للعودة إلى مستواه الحقيقي وأثبت محمد ابراهيم
المدرب الوطني للمنتخب الكويتي أنه جدها وجدود :D

الصراحة الهدف اللي يدخل في الثواني الأخيرة طعمه مررررر والله يعينكم

هاردلك يا السعودية وبالتوفيق لمنتخبكم الأكثر من رائع .. :biggthump


باي :ciao:

[بو راشـد]

ألله يا قلبي

ألله يا قلبي من مسكها مساعد ندى

كنا على اعصابنا مع ان احنا ضيعنا فرص

وطبعا نشكر المنتخب السعودي على خدمته للكويت وجعله بالمنافسه على من يتأهل بين عمان والكويت

وقد حسمت المباراة بين المنتخبين

ووالله ما أدري شنو اقول

طبعا تعرفون الواحد عند آخر الثواني

شنو شعوره

ولن لعب المنتخب السعودي بجدارة

ولا ننسى مدرينا الوطني محمد ابراهيم الذي اعاد المنتخب الكويت الى مستواه الحقيقي

وكان ذكي من خلى السعوديين يتقدمون ويضعف دفاعهم وخلى المهاجمين اكثر وما أنتبهوا للمدافع مساعد ندا :biggthump


وفي شي ثاني شكلكم ما لاحظتو ه

في الجولة الثانيه تغيرت المراكز

ألي في لأول الثاني صارو الثالث والرابع

والثالث والرابع صارو لأول والثاني

ديعكس انعكس الوضع :D

[kloze]

والله المنتخب الكويتي ما يستاهل خلونا صريحين

المنتخب السعودي مثل ميلان ومدربهم ما فيه جمله تكتيكيه وما تحس انه في لعب جماعي بس يمسك الكورة تميم والا الاخوان عطيف وياخذون شوارع يمين يسار بدون فائدة :vereymad:

[بو راشـد]

والله المنتخب الكويتي ما يستاهل خلونا صريحين

المنتخب السعودي مثل ميلان ومدربهم ما فيه جمله تكتيكيه وما تحس انه في لعب جماعي بس يمسك الكورة تميم والا الاخوان عطيف وياخذون شوارع يمين يسار بدون فائدة :vereymad:


وانا شنو قلت

((ولكن لعب المنتخب السعودي بجدارة ))

وخطه المدرب استدراج لاعبين السعوديين لمنطقه اللاعبين الكوييتين

حتى الدقائق الأخيرة مستغل الأرض والجمهور :biggthump

[Homoud]

وانا شنو قلت

((ولكن لعب المنتخب السعودي بجدارة ))

وخطه المدرب استدراج لاعبين السعوديين لمنطقه اللاعبين الكوييتين

حتى الدقائق الأخيرة مستغل الأرض والجمهور :biggthump


ترا كلامه صحيح ..

لو لاحظتوا أنه التبديل الثاني للمنتخب الكويتي كان تبديل دفاعي بحت ( أخرج فهد الفهد وأشرك الأنصاري المدافع )
ولما كان يضغط المنتخب السعودي على مرمى الكويت

أشرك مدربنا اللاعب سعود سويد وفي آخر الوقت عمل 3 هجمات مرتده سريعه اثنين فشلوا والثالثه ثابته :D :D


سلملم :ciao:

[THE_YET_IS_T]

مبروك للمنتخب الكويتي ،،


للأسف منتخبنا هو اللي ضيّعها ،، منتخب مافيه لاعب صانع العاب !!!!!

اكثر من لاعب بس همّهم يسحبون كم واحد بدون فاعليّه !!!!!!


ناجي مجرشي خمس او ست كور يسلمونها له ومايعرف يثبّتها وتعدّي منه !!!!



على العموم اللي يتأهل من عمان او الكويت يستاهل ،، وعلى ما اظن ان العراق لها امل في حال فوزها المباراه الجايّه !!


ومبروك مجدّدا .

[DE NILSON]

على المنتخب السعودي وبقيادة نواف بن سعد

ان يحرق نفسه

بالله هذا منتخب؟؟

هذا مدرب؟

والله مافي شي مزعلني الا الجمهور الجداوي اللي تعب نفسه ليحضر لمنتخب فاشل مذل هذا

مبروك للكويت الف الف مبروك

[aseer_ksa]

الكويت يستاهلون

والسعوديه غير مقنعه في هذه التصفيات

فوز واحد على العراق وبدون اي مستوى

حتى العراق اضاع ضربه جزاء ولا كان تعادلنا

ومع الكويت في المباراه الاولى تعادل باداء باهت من الفريقين

ومع عمان تعادلين

والمنتخب ماراح يعتز ومعاه المرجوج ناجي

يحسب اللعب بس ركض

مايدري ان الكوره عقل قبل الركض

بصراحه ناجي مطفوق

والله ان ياسر ارحم منه

[TORNADO]

مبروك للمنتخب الكويتي

والسعوديه كانت تستحق الفوز بالثلاث النقاط لانهم كانو مسيطرين على المباراه الا في الثواني الاخيره لانهم تعبو انتهت لياقتهم :afraid:

وخاصا الكوره ناجي الي اصتدمت بالعارضه :wow: ورجعت

ولازم من المنتخبنا السعودي يشوفون حل في الوسط

ولعبهم انفرادي وبندر تميم يسحب يسحب وفي النهايه تضيع الكوره :vereymad:

[Avril_Lavigne]

الف مبروك للازرق الكويتي :D

للاسف ما شفت المباراة :( (كنت في سابع نومه :tongue2: )

وقبل المباراة كنت قاعدة احاتي و خايفة و بعدين رحت نمت و طاافتني :vereymad:

و توني اقعد و شفت النتيجة بالجرايد :)

الف مبروك لمنتخبنا الكويتي
وهادرلك للمنتخب السعودي :)

والمره الياية ما راح انام راح اصحصح :biggthump

نشوفكم على خير :ciao:

[The Captive]

الف مبروك للاخوان الكويتين

والمنتخب السعودي يحتاج الى تعادل عمان والكويت وفوز كبير على العراق للتاهل

[مصرقع اس اس]

الف مبروك للكويت

وهاردلك لمنتخبنا

ياخي طاق مشوار لجدة وبالاخير ننهزم لاكن وش اقول

18 تسديدة ولا وحدة دخلت اه اه اه بس منتخبنا بذي المباراة واللي قبلها كان ينقصه شي اسمه حظ

توناياشباب على فكرة اذا تعادل عمان والكويت باي نتيجة وفازت السعودية باي نتيجة نتئهال الاولمبيد مع
ام الامل صعب شوي لاكن لاننسى ماحصل في تصفيات كاس العالم 2002

[Homoud]

مشكورين على ردودكم .. :)

بس فيه نقطه مهمه جدا جدا .. وهي أن الكويت راح يلعب مع عمان على أرضه ومعنويات الفريق فوووووق ..

يعني أتوقع المباراة ما راح تنتهي بالتعادل ..يا إما يفوزون عمان ويتأهلون ويا إما الكويت تفوز .. :أفكر:


سلملم :ciao:

[بو راشـد]

مشكورين على ردودكم .. :)

بس فيه نقطه مهمه جدا جدا .. وهي أن الكويت راح يلعب مع عمان على أرضه ومعنويات الفريق فوووووق ..

يعني أتوقع المباراة ما راح تنتهي بالتعادل ..يا إما يفوزون عمان ويتأهلون ويا إما الكويت تفوز .. :أفكر:


سلملم :ciao:



صحيح :biggthump

وراح نرد لأعتبرا للمنتخب العماني ;)

[spy-01]

الف الف مبروك للمنتخب الوطني الكويت فوزه بلمبارات

ولا زم ما ننسى ان امامن مبارة مع المنتخب العماني ((((((((المرعب)))))))

لاكن الشباب انشالله قدها ويحسمونها دون النظر الى نتيجة المباراة الاخرى


وبصراحه اللي عجبوني في المباراة من المنتخب الكويتي

1-مساعد ندى
2-يعقوب الطاهر ((((((وقف بندر تميم وقطع اغلب كراته))))))
3-شهاب كنكوني ((((((فعلنا كان كشهاب المنطلق تجاه التسديدات السعوديه)))))
4-جراح العتيقي

وجميع اللاعبين فيهم الخير والبركه وما قصرو وانطلق يا الازرق الى اثينا --------------------------------------->

[بو راشـد]

الف الف مبروك للمنتخب الوطني الكويت فوزه بلمبارات

ولا زم ما ننسى ان امامن مبارة مع المنتخب العماني ((((((((المرعب)))))))

لاكن الشباب انشالله قدها ويحسمونها دون النظر الى نتيجة المباراة الاخرى


وبصراحه اللي عجبوني في المباراة من المنتخب الكويتي

1-مساعد ندى
2-يعقوب الطاهر ((((((وقف بندر تميم وقطع اغلب كراته))))))
3-شهاب كنكوني ((((((فعلنا كان كشهاب المنطلق تجاه التسديدات السعوديه)))))
4-جراح العتيقي

وجميع اللاعبين فيهم الخير والبركه وما قصرو وانطلق يا الازرق الى اثينا --------------------------------------->



ألى قطار أثينا :ridinghor

:fest06:

:soapbox: ولن نرضى ألا بالفوز

[BuGaTTi]

مادري ليش زعلانين الاخوة السعوديين بصراحة مستوى منتخبهم كان جدا ممتاز
وكان ناقصهم شوية حظ عشان يفوزون
والاخ الي يقول الكويت ارجعوا حق مستواهم الحقيقي .. اي مستوى الي تتكلم عنه ؟
تعتقد هالفريق اذا تاهل حق اثينا بيسوي شي هناك ؟ طبعا لأ اذا استمر في هالمستوى
وين الاولمبي ايام سيدني ووينه الحين ؟ والله فرق

اتمنى يقدمون مستوى احسن جدام عمان
وبالتوفيق لمنتخبنا

[عبدالله-q8]

ألف ألف مبرووك لمتخبنا الكويت (( الأزرق ))

والفثل الكبير لفوز متخب الكويت هو الحارس ((شهاب كنكوني))
الذي أقذ المرما من كثر من الهجمات الخطيره

وثم ((لبدر المطوع )) الذي مرره الكره ((مساعد نده)) وحققه الحدف في الوقت الصعب

لاكت هنالك خبر غير مفره:(
قد لايلعب حارس متخب الكويت شهاب كنكوني بسب النذارات
في المبارا المقبلق ضد عمان:( :( :(
أتمنا أن يكون الخبر غير صحي

وشكرا

(( كويت x عمان )) الأربعاء 12 مايو 2004

على أرض الكويت

[بو راشـد]

والاخ الي يقول الكويت ارجعوا حق مستواهم الحقيقي .. اي مستوى الي تتكلم عنه ؟
تعتقد هالفريق اذا تاهل حق اثينا بيسوي شي هناك ؟ طبعا لأ اذا استمر في هالمستوى
وين الاولمبي ايام سيدني ووينه الحين ؟ والله فرق
===========

صحيح بس يردون لمستواهم تدريجيا ولا تنسى أنهم فازو على السعوديه وعلى ارضها
وآخر فوز على ارضها سنه 81 :33:

وهذا انتصار كبير على السعوديه :biggthump

[Kubaj]

خسارة رحت لكوكب الرياضة انقهرت ورجعت لا منتخبنا فاز ولا باجيو سجل :blackeye:


مبروك لإخواننا الكويتين الفوز الثمين وماراح يتأهل الا اللي يستحق التأهل !

[العراقي17]

مبروك للمنتخب الكويتي...الان يمكننا ان نطلق عليه الازرق (مو ازيرق :) )

وهاردلك للمنتخب السعودي الشقيق لعبوا بخطة محكمة وهجماتهم كثيرة ولكن يحتاجون الى تركيز اكثر حيث كان فيه الكثير من العشوائية بالهجوم.

[GigiBuffon]

مبروك للأخوة الكويتيين ووالله تستاهلون والكورة أهداف

وبصراحة مشكلة السعودية كانت في عيال عطيف

رغم انهم هم النجوم لكن كانوا عبء على الفريق

غير ان الهدف غلطة المنتشري ووليد عبدربه يعني الفريق في اخر اللحظات يلعب باربعة مهاجمين

وش له الطلوع والكرة ما هي كرة ثابتة او ركنية

وانا اعجبني اسامة المولد منضبط في الدفاع والغنام عامل جهد في الجهة الخلفية

[MaLeK]

مبرووك فوز الكويت====>مايدري شو السالفة


لكن الموضوع مكانه -على ماأعتقد_ منتدى الرياضة العربية


عموما موب انا اللي أقرر

[SNYMA]

مبروووك لمنتخبنا الأزرق على الفوز و هاردلك لمنتخب السعودية لكن ما أتوقع انه السعودية أو الكويت راح يتأهلون

أعتقد انه المنتخب العماني هو اللي راح يتأهل لأنه يلعب كورة هجومية أحسن من المنتخبات الثلاث (العراق و الكويت و السعودية) ماشاء الله عليهم.

[ملكwe]

الف مبروك للكويت

وهاردلك لمنتخبنا

ياخي طاق مشوار لجدة وبالاخير ننهزم لاكن وش اقول

18 تسديدة ولا وحدة دخلت اه اه اه بس منتخبنا بذي المباراة واللي قبلها كان ينقصه شي اسمه حظ

توناياشباب على فكرة اذا تعادل عمان والكويت باي نتيجة وفازت السعودية باي نتيجة نتئهال الاولمبيد مع
ام الامل صعب شوي لاكن لاننسى ماحصل في تصفيات كاس العالم 2002

:bigeyes: :bigeyes: :bigeyes:


طاق مشوار من الرياض لين جدة عشان مباراة؟؟؟؟؟


الله يعينك بس شكلك متعصب كبير:afraid:

[q8sport]

الف مبرووك للمنتخب الكويتي..................

وهاردلك للمنتخب السعودي....................

:ciao: :ciao: :ciao: :ciao:

[Mussav]

مبروك للمنتخب الكويتي الفوز الرائع على السعوديه

اعتقد الفائز من مباراه الكويت وعمان هو الذي سيتاهل الى اثينا

[Avril_Lavigne]

مشكورين على ردودكم .. :)

بس فيه نقطه مهمه جدا جدا .. وهي أن الكويت راح يلعب مع عمان على أرضه ومعنويات الفريق فوووووق ..

يعني أتوقع المباراة ما راح تنتهي بالتعادل ..يا إما يفوزون عمان ويتأهلون ويا إما الكويت تفوز .. :أفكر:


سلملم :ciao:

اي صح معنوياتهم راح تصير عالية ((فوق على قولتج :D ))
وبعدين الكويت اذا فازت راح تتاهل
التعادل راح يكون من صالح عمان و فوزها
يعني منتخبنا ما عنده غير الفوز علشان يتاهل و راح يلعب مهاجم :) ((توقعاتي :أفكر: ))

[بو راشـد]

طبعا مهاجم وعلى ارضها وجمهورها لاتنسون المنتخب العماني قوي مو مثل اول...

[بو راشـد]

http://www.bayanit.com/upload/protected/neda.ram

هذي هديه مني لكم

هدف مساعد ندا الوحيد في المباراة :biggthump

[Rytamu]

مبروك للأزرق ..



منتخبنا مشكلته الأزلية اللمسة الأخيرة .. :31: ..



وهذا هو السبب الذي حرمنا من التأهل للدور الثاني في كأس العالم في الإمارات 2003

[SoZu]

ألف مبروك لمنتخب الكويت .. أنا قلت .. وجه محمد ابراهيم خير علينا :biggthump ..
و هاردلك للسعودي اللي ماكان في الفورمة نهائيا و خيرها بغيرها ..
و انشالله نلقى تذكرة اثينا عند المنتخب العماني :ciao:

[Homoud]

شكر خاص للأخوه السعوديين على تهنئتهم لمنتخبنا وصدقوني لو منتخبكم فاز راح نسوي مثل اللي سويتوه وأكثر

أهم شئ أنه ما تفرق بينا كرة قدم ونبقى cool :biggthump

والفوز ان شاء الله لأحد الدول الخليجيه وما يهمنا لو خسرت الكويت لأن عمان أو السعوديه أو العراق كلهم واحد وراح نشجع الفائز تشجيع ما بعده تشجيع :biggthump :biggthump :D :D


سلملم :ciao:

[الازوري1]

يالله لك الحمد والشكر أولمبياد أثينا !!!

أولا جميع منتخبات المجموعة ماعندهم سالفة ... يعني يمكن .. نقول يمكن أن منتخب عمان هو الأفضل :p

بالنسبة للمباراة ماشفتها :tongue2: ... لكن شفت آخر ربع ساعة .. وكانت السعودية مسيطرة على اللعب .. لكن مانقول الا مبروك للكويت وهاردلك للسعودية