المساعد الشخصي الرقمي

مشاهدة النسخة كاملة : اين المراقبين !!



l)@RK-l)EVIL
02-05-2004, 11:51 AM
اين المراقبين عن منتدى فاينل فانتسي؟

اسم المنتدى منتدى فاينل فانتسي العام وليس منتدى فاينل فانتسي 11

نعم الي اقصده بصراحه الشي زاد عن حده سويت احصائيه وطلعت نسبه مواضيع الاسئله عن ف ف 11 40% من مواضيع المنتدى ككل

لماذا ليس هناك موضوع مثبت ل ف ف 11؟ الاساله كثيره وبعدين الجزء هذا اونلاين يعني اسالته لا تتوقعون انها تخلص راح اعطيكم مثال شوفو المواضيع هذي ومع احترامي لاصاحب المواضيع مالها معنى تفتح موضوع عشان سؤال عن شي معين؟ لكن ماالومهم لن مافي موضوع للاساله

ناس يتعبون ويسون مواضيع ويوم نبي نقراها ما نلقاها وجهدهم كلها يضيع

بعدين مو بس جذي هذي مواضيع اساله بس في مواضيع معلومات عن ف ف 11 كثيره وابديتات اوكي ماقلنه شي لكن الف موضوع كل موضوع سؤال؟


على العموم ماني مطول اذا في مراقب قره الموضوع اتمنى ان يسوى موضوع مثبت لاسالف ف ف 11
شوفو المواضيع هذى لقيتها فقط في اول صفحتين من منتدى ف ف 11 شوفو النسبه مو كثيره؟ كل موضوع سؤال فقط لا معلومات ولا شي

http://www.montada.com/showthread.php?t=274500

http://www.montada.com/showthread.php?t=273839

http://www.montada.com/showthread.php?t=274500

http://www.montada.com/showthread.php?t=271947

http://www.montada.com/showthread.php?t=275172

http://www.montada.com/showthread.php?t=274901

http://www.montada.com/showthread.php?t=273625

http://www.montada.com/showthread.php?t=272998

http://www.montada.com/showthread.php?t=275592

http://www.montada.com/showthread.php?t=275014

http://www.montada.com/showthread.php?t=273625

http://www.montada.com/showthread.php?t=275592

http://www.montada.com/showthread.php?t=276242

http://www.montada.com/showthread.php?t=276183



كل المواضيع هذي سؤال فيها فقط يوميا مواضيع اساله تنكتب (يوميا )


هذا عضو ايضا اشتكى من نفس الامر قبلي لكن طاف المراقبينمو مهتمين

http://www.montada.com/showthread.php?t=275284



هذا موضوع المراقب جلتي كتبه موضوع مثبت ل ف ف 11 فقط للاساله لكن شنو الفايده الموضوع مو مثبت ويوم ينزل الصفحه الثانيه الناس مايدرون عنه وتنكتب مواضيع اساله يديده


على العموم الموضوع هذا انا كتبته لان قبل لما كنت اتصفح المنتدى كان منظم ومرتب حاليا اشوف مافي اي ترتيب او تنظيم واحس المراقبين مو مهتمين :09:

سلام

QaHir
02-05-2004, 11:55 AM
أتفق معاك .. الاسئلة للعبة فاينل فانتسي 11 وايد وماراح تخلص .. وفتح منتدى جديد للعبة صعب لانه في المستقبل رايح ينتهي موضة اللعبة والجميع بيغيرها للعبة ثانية >< .. اما التثبيت فأنا موافق له .. لكن هل تضمن ان الاعضاء ماراح يفتحوا موضوع جديد للسؤال !! :31: .. وننتظر ردود الاخرين وشكرا .. :)

l)@RK-l)EVIL
02-05-2004, 12:03 PM
أتفق معاك .. الاسئلة للعبة فاينل فانتسي 11 وايد وماراح تخلص .. وفتح منتدى جديد للعبة صعب لانه في المستقبل رايح ينتهي موضة اللعبة والجميع بيغيرها للعبة ثانية >< .. اما التثبيت فأنا موافق له .. لكن هل تضمن ان الاعضاء ماراح يفتحوا موضوع جديد للسؤال !! :31: .. وننتظر ردود الاخرين وشكرا .. :)


انا ماقلت منتدى جديد
انا بس قلت موضوع مثبت لان بصراحه لما اتصفح المواضيع بين موضوع وموضوع موضوع سؤال عن ف ف 11

وبعدين انا اضمن ان الاعضاء راح يفتحون مواضيع جديده حتى لو في موضوع مثبت
لكن الحل سهل
اغلاق اي موضوع اساله عن ف ف 11 والسبب ان في موضوع مثبت يشمل الاساله ومو بس جذي اغلبيه المواضيع نفس الاساله اذا قريت المواضيع الي حطيتها راح تعرف شنو اقصد
لان اذا في موضوع مثبت للاساله يقدر العضو يروح يقره الموضوع وياخذ فكره شامله ويستفيد لان يمكن الموضوع الي يبي يساله احد ساله قبله فما يحتاج يسال


على حسب معلوماتي كان في موضوع مثبت في منتدى فاينل فانتسي قديما وكان في مليون سؤال وسؤال لو تحسب الاساله الي فيه وتحط لكل سؤال موضوع تلقه الحين في عشرين الف موضوع زياده بس اساله في منتدى فاينل

على العموم انا مو مراقب وماعندي صلاحيه انتو كيفكم :09: انا بس الي اقوله المنتدى صاير مزعج للغايه بسبب كثره مواضيع الي فيها اساله والمواضيع القيمه تضيع بسرعه وسنه يله القاها


لو كل واحد يبي يسال يكتب موضوع يصير المنتدى كله مواضيع اساله ومافي مواضيع قيمه

Guilty Gear X
02-05-2004, 12:52 PM
لو اقدر اثبت مواضيع :09:
انا مراقب اسم فقط :cool:

ash 90
02-05-2004, 01:51 PM
أتوقع هي مسألة وقت للصيف و تقريبا بتتقلص مواضيع فف 11 مع وجود فف 12 و ادفينت

أنا عن نفسي موافق على عمل موضوع مثبت للأسئلة .. ننتظر المراقبين الثانيين و نشوف أرائهم عن هالموضوع

Reinu
02-05-2004, 02:10 PM
تثبيت الموضوع يباله جهد من المراقب انه يقفل بقية مواضيع الاسئلة ويثبت موضوع واحد

وكل ما واحد حط موضوع يقفله ويعطيه وصلة

وما اعتقد فيه احد من المراقبين ممكن يراقب القسم يوميا ويعمل على تنظيمه

وما فيه إلا مراقب واحد على هالقسم

لووول الله يعين

Kingdom Fantasy
02-05-2004, 02:30 PM
طبعا موافق بدون نقاش بس مو لازم ياجلتي تثبتون الموضوع وهو بيبقى مثبت نفسه :D

: Super Sonic :
02-05-2004, 02:37 PM
تثبيت الموضوع يباله جهد من المراقب انه يقفل بقية مواضيع الاسئلة ويثبت موضوع واحد

وكل ما واحد حط موضوع يقفله ويعطيه وصلة

وما اعتقد فيه احد من المراقبين ممكن يراقب القسم يوميا ويعمل على تنظيمه

وما فيه إلا مراقب واحد على هالقسم

لووول الله يعين

yeah
ask us :blackeye:

foxalain
02-05-2004, 03:54 PM
يا اخوي احنا طلبنا منتدى خاص لــFFXI ولا حد رد علينا خبر
شكلهم مسويلنا طاف محد عاطنا ويه
احنا انطالب بمنتدا منعزل مخصص لــFFXI
فبليييز شوفو هالموضوع

Thehawk
02-05-2004, 03:55 PM
اتفق معك محتاجين موضوع مثبت تحصر فيه الاسئله والطلبات لفاينل فانتسي 11 لأني فعلا القى حرج اني افتح موضوع علشان سؤال مع ان اجابته مهمه لي ولغيري :biggthump

BOiND
02-05-2004, 03:58 PM
وهو بيبقى مثبت نفسه :D


لووووووووووووول:09:

بالنسبه لاقتراحك دارك ديفل ...

ممممم،انسى:33:
كلها شهر ، شهرين ، ثلاث بالكثير وبعدين الناس تنسى فف11 وتلعب فف12 وتشوف ادفينت تشيلدرن:09:

من ناحيه اخرى اتفق معاك كل الاتفاق في اقتراحك;)

foxalain
02-05-2004, 04:06 PM
انا اتفق معاكم في فتح موضوع مثبت هاذا بيوفر علينا مشكلة منتدى خاص للعبه
انتو بطلوه وشوفوني انا طثي التساؤلات الي عندي عن اللعبه كثيره
انشالله يستوي الاموضوع في اقرب وقت ..!!

l)@RK-l)EVIL
02-05-2004, 05:49 PM
لو اقدر اثبت مواضيع :09:
انا مراقب اسم فقط :cool:

الله يعينك جلتي :09:

==============================
ash 90
أتوقع هي مسألة وقت للصيف و تقريبا بتتقلص مواضيع فف 11 مع وجود فف 12 و ادفينت

أنا عن نفسي موافق على عمل موضوع مثبت للأسئلة .. ننتظر المراقبين الثانيين و نشوف أرائهم عن هالموضوع


اي مساله صيف اي بطيخ :tongue2:
ف ف 11 ضالها نازله اكثر من 6 اشهر حاليا حتى لو نزلت ف ف 12 بتظل اسالتها اكثر

ليش؟
لانها اونلاين كل اتقدمت في اللعبه تجيك اساله زياده وماراح نخلص

حاليا بس كتب الموضوع وراها موضعين جدد انكتبو اساله عن ف ف 11

وبعدين اذا على كلامك في الصيف راح تنتهي المواضيع مو مشكله يعني يلغى تثبيت الموضوع لكن حاليا موضوع مثبت محتاج له المنتدى

==============================================
Magical Dreamer

تثبيت الموضوع يباله جهد من المراقب انه يقفل بقية مواضيع الاسئلة ويثبت موضوع واحد

وكل ما واحد حط موضوع يقفله ويعطيه وصلة

وما اعتقد فيه احد من المراقبين ممكن يراقب القسم يوميا ويعمل على تنظيمه

وما فيه إلا مراقب واحد على هالقسم

لووول الله يعين



دريمر هذي مو مشكله انتي متابعه للمنتدى وتدرين ان قبل كان في موضوع مثبت للاساله والاستفسارات لعاب اخرى
ليش مايسون نفس الشي مع ف ف 11؟
واذا في مراقب واحد بس مثل ماتقولين مو مشكله يحطون مراقبين ثانيين

====================================================

Thehawk
اتفق معك محتاجين موضوع مثبت تحصر فيه الاسئله والطلبات لفاينل فانتسي 11 لأني فعلا القى حرج اني افتح موضوع علشان سؤال مع ان اجابته مهمه لي ولغيري



انا اذا كنت ابي سؤال اكيد بفتح موضوع دام ان مافيه موضوع للاساله فما الومك :tongue2:
بعدين على الاقل اذا في موضوع مثبت للاساله يمكن السؤال الي تبي تساله احد ساله قبلك ومايحتاج تسال

=========================================================

boind2003

لووووووووووووول

بالنسبه لاقتراحك دارك ديفل ...

ممممم،انسى
كلها شهر ، شهرين ، ثلاث بالكثير وبعدين الناس تنسى فف11 وتلعب فف12 وتشوف ادفينت تشيلدرن

من ناحيه اخرى اتفق معاك كل الاتفاق في اقتراحك



شهر او شهرين او ثلاث ولا سنه اتكلم هندي انا؟ :09:

ليش تقعد في ازعاج لمده شهر او شهرين او ثلاث
ياخي ثبتو موضوع واذا على قولتك بعد شهر او شهرين او ثلاثه تنتهي الفتره هذا الغلو تثبيت الموضوع المنطق يقول جذي :p
=======================================


peace

SanjiyaN
02-05-2004, 05:53 PM
ما اظن ان فكرة النسيان ممكن تستوي في ناس للحين تتكلم عن العاب فاينل فانتسي السابقة فما رأيك بفاينل فانتسي متتجددة يوميا ... وا>ا شفت الاسئلة معضمها اسألة اولية يعني كيفية شراء اللعبة و كيفية البدأ فيها .... الله يستر لمن يدخلون اللعبة 66 الف سؤال يوضع ... لذا لو كان في قسم الحلول منتدى خاص بأسئلة فاينل فانتسي 11 او موضوع فيه اسئلة يشمل طريقة الاستخدام..باختصار ..دليل شامل يعمل عليه شخصين او اكثر لشمل جميع الاسئلة في موضوع واحد و ينتهي الموضوع .. اللي باقي ..اي واحد يكتب الاسئلة *تقفل* مواضيعه ليوم او اكثر ثم ينمسح ...شوي و تشوفون ان المنتدى راجع مثل قبل ...لكن ...لا حياة لمن تنادي .......

Reinu
02-05-2004, 06:37 PM
دريمر هذي مو مشكله انتي متابعه للمنتدى وتدرين ان قبل كان في موضوع مثبت للاساله والاستفسارات لعاب اخرى
ليش مايسون نفس الشي مع ف ف 11؟
واذا في مراقب واحد بس مثل ماتقولين مو مشكله يحطون مراقبين ثانيين


ادري انه هالفكرة صارت قبل

لكن بخبرتي بالرقابة وانا اعتبر من اوائل اللي طبقت هذا في المنتديات اقدر اقولك انه ما في احد هني بيتابع الموضوع

يبالهم مراقبين ثانيين عشان يقدرون يطبقون هالفكرة ^^

بالنسبة لي لمن طبقتها من زمن طويل افضل واحد ساعدني كان سوبر سونيك ^^

ان شاء الله تطبق قريب ^^

لكن بكل الاحوال المفروض كانت هالفكرة تستوي لفف 11 من سنة تقريبا فترة اصدارها او فترة اصدار الابديت

ترى تطبيق الفكرة مب سهل ويبيله جهد كبير من المراقب لين ما يتعودون الاعضاء عليها ياخذ فترة ^^

بالتوفيق عموما ^^

darkitp
02-05-2004, 06:54 PM
http://www.montada.com/showthread.php?t=275014 (http://www.montada.com/showthread.php?t=275014)
اذا لاحظت أن موضوعي مغلق ... وانا اغلقته... يعني انتهت السالفة !!
وانا وضعته في المنتدى للحلول والاستفسارات ... يعني ما خالفت أي نظام :)
وانا عندي سؤال لك .. اذا وضعنا موضوع مثبت وانا أقدر احقق مطلبك ...
هل تتوقع ان ها الموضوع راح يجاوبهم عن كل شي ... ؟؟
و من ثم ..
بعض المراقبين عندهم دراسة وقربوا على الامتحانات ...
فمو فاضيين يغلقون كل موضوع استفسار !!
على العموم ... يصير خير :)
تقبل تحياتي ..وسلام

Guilty Gear X
02-05-2004, 07:00 PM
هذا الصيف بصير صيف فف11
بحاول انظمن شوي
اش ضيفني بالماسنجر وينك :09:

l)@RK-l)EVIL
03-05-2004, 06:26 AM
لكن ...لا حياة لمن تنادي .......


true :09:

foxalain
03-05-2004, 06:30 AM
لا ناضان فالاراقبين خير
انشالله الليله بشوف الموضوع مثبت في قمت المنتدى
ونتا انشالله بتقص شريط الافتتاح للموضوع
===========================
يالله يالمراقبين والمشرفين لتفشلونا جادام الريال

Dark Zero
03-05-2004, 08:37 AM
إيش تفضلوا: 10 أسئلة يومياً عن FF Online و لا موضوع واحد مُشبت فيه الأجوبة لكل مشاكل الأعضاء فيها؟
حياكم شباب!
Forget the rest FF6 is the best.

aoks
03-05-2004, 01:51 PM
ومن قال انه لا حياة لمن تنادي ؟؟ هذا عذركم دائما...

والمفروض انت يا دارك لينك تكون اخبر بالموضوع..

اللعبة ليست أي لعبة .. اللعبة متجددة دائما وبشكل فوري ...

يعني بإختصار ما اظن ان مواضيع منتدى عن هذه اللعبة راح تنتهي

واذا فتحنا موضوع واحد فقط راح يزيد الضغط على السيرفر ...

الحل الوحيد للمشكلة الي انت فاتحها هي منتدى خاص بألعاب ال Online

غير كذا اعتقد ما في حل

aoks
03-05-2004, 01:54 PM
واعتقد عنوان موضوعك ماله اي علاقة ... تقول اين المراقبين ..

وانا قلت لك الحل الوحيد هو فتح منتدى خاص بالعاب الاون لاين .. والمراقب لا يستطيع ان يفتح منتدى..

ارجوا ان تفكر بإختيار العنوان المناسب المرة القادمة

foxalain
03-05-2004, 02:41 PM
واعتقد عنوان موضوعك ماله اي علاقة ... تقول اين المراقبين ..

وانا قلت لك الحل الوحيد هو فتح منتدى خاص بالعاب الاون لاين .. والمراقب لا يستطيع ان يفتح منتدى..

ارجوا ان تفكر بإختيار العنوان المناسب المرة القادمة
يا اخوي انتا ليش تنتبه على الشي اللي ماله داعي مثل العنوان
لكن انتا حل المشكله بوضع موضوع مثبت ككونك مراقب اتروم اثبت الموضوع اتمنا انك تتفق مع العضو صاحب الموضوع لى اسم او اعنوان الموضوع المثبت
وبتكون مسوي خير

msm
03-05-2004, 03:09 PM
المشكلة أساساً هي ماحدث في المنتدى بعد تثبيت آخر إصدارة منه ..

حيث أصبحت مواضيع الحلول والإستفسارات في فاينال فانتسي تظهر تلقائياً في منتدى فاينال فانتسي العام .. في السابق ماكانت تظهر في العام ..كانت تظهر في منتداها الخاص وفي واجهة منتديات فاينال فانتسي فقط ..لكن الي ما كان حابب يشوفها قدامه يدخل منتدى فاينال العام وتنتهي المشكلة .. هذا الكلام سابقاً ..

الآن ما في إلا ثلاث حلول :

1 - فتح منتدى خاص لألعاب الأونلاين في منتديات الألعاب ..ولازلنا ننتظر الرد من المشرف ..

2 - اصلاح الخلل كما ذكرت بحيث تصبح مواضيع الإستفسارات لاتظهر في العام كام هو حاصل الآن .. ولا زلنا ننتظر إصلاحات كثيرة في المنتدى من مدة طويلة ..فما أعتقد الإدراة بتلبي الطلب هذا سريعاً ..

3 - فتح موضوع مخصص للإستفسارات .. وهذا يتطلب متابعة مستمرة من قبلنا نحن المراقبين لفترة حتى يتعود الأعضاء (وانا شخصياً جربت هذه الطريقة لما كنت مراقب على منتدى الميتل جير وكانت متعبة لاني الوحيد في ذاك الوقت ..وأيضاً المنتدى اصبح مشوهاً من كثرة المواضيع المغلقة) ..
وأنا ماعندي مانع في تثبيت موضوع مخصص .. بس حالياً من الأسبوع الحالي وحتى خمس أسابيع قادمة مشغول بالإختبارات .. وماعندي وقت كافي لتصفح المنتدى للأسف .. فمابالكم أتابع مواضيع الأسئلة ..
وجلتي مايقصر ..بس صلاحياته مفقودة بالخطأ ومارجعت له إلى الآن :09: .. .. مافي إلا المراقبين الخمسة العاميين وكلهم على ما أعتقد مشغولين بالإختبارات ..

l)@RK-l)EVIL
03-05-2004, 06:42 PM
واعتقد عنوان موضوعك ماله اي علاقة ... تقول اين المراقبين ..

وانا قلت لك الحل الوحيد هو فتح منتدى خاص بالعاب الاون لاين .. والمراقب لا يستطيع ان يفتح منتدى..

ارجوا ان تفكر بإختيار العنوان المناسب المرة القادمة


اسم الموضوع ماجه من فراغ شخص قبلي قال نفس الكلام وكتب الموضوع لكن ولا مراقب اهتم

BoJasem
03-05-2004, 07:01 PM
ومن قال انه لا حياة لمن تنادي ؟؟ هذا عذركم دائما...

والمفروض انت يا دارك لينك تكون اخبر بالموضوع..


شكلك تحبني هذاك دارك ديفل :p

عموما انا افضل موضوع مثبت للحل على التساؤلات اما منتدى فلا لأنه مثل ما قالوا موضة تروح وتجي

هذا رأيي وشكرا

aoks
03-05-2004, 09:14 PM
معليش غلط مطبعي

وكلام msm عين العقل

والحل الرئيسي كما قلت ... فتح منتدى خاص بألعاب الأونلاين

SanjiyaN
03-05-2004, 09:37 PM
حبايبي اذا شفتوا الاسئلة اولا بتشوفون انها اسئلة اولية *او* اسئلة خاصة بالاتصالات و الخ ...الموضوع لازم يكون مشترك ... بين اشخاص من دول الخليج (معضم اللي هني من دول الخليج) للاجابة على اسئلة الاتصالات ...و ه>ا على الاقل الى ان تنتهي الامتحانات و المراقبين يفضون و يقدرون يعدلون هالمشكلة او الى ان يقرر المشرف ...ما اظن ان هالمناقشة بنتنتهي من دون اي جدوى منها :) ..

Reinu
03-05-2004, 11:43 PM
والله مع احترامي الشديد انتوا مو شوية 5 اعتقد ولا اكثر

وحتى لو كل واحد مشغول ممكن تنسقون الموضوع ما بينكم خصوصا هذا منتدى فاينل من اهم الاقسام الموجوده في قسم

البلاي ستيشن كله ^^

حاولوا تنسقون الموضوع فيما بينكم بحيث كل واحد يتابع الموضوع شوية وبتقدرون تمشون الوضع لين ما تيي الاجازه ^^

اما عن سالفة فتح منتدى للاونلاين لووول ما اعتقد فيه مشرفين وحتى ولو الحين نزلت نسخه للبلاي ستيشن فبيتلخبط الوضع ^^

فالافضل وضع موضوع والاعضاء ما بيقصرون فيه

QaHir
04-05-2004, 02:43 AM
:) دام اغلب الاعضاء موافقين .. فدعوني اتكفل بهالموضوع .. من يوم غد انشاء الله رايح ابتدي الفرز ..

بشرط محد يزعل على ان موضوعه تقفل !! :tongue2: :09:

باثبت موضوع لفف11 .. وبعدين بابتدي بتقفيل ونقل الردود للموضوع المثبت .. وبأذن الله كل شي بيكون زين ..

:) وانشاء الله بنبتدي من باجر ^^ .. ورايح اشرف على العملية بنفسي ^^ .. :)

ستيف بورنسايد
04-05-2004, 07:25 AM
:) دام اغلب الاعضاء موافقين .. فدعوني اتكفل بهالموضوع .. من يوم غد انشاء الله رايح ابتدي الفرز ..

بشرط محد يزعل على ان موضوعه تقفل !! :tongue2: :09:

باثبت موضوع لفف11 .. وبعدين بابتدي بتقفيل ونقل الردود للموضوع المثبت .. وبأذن الله كل شي بيكون زين ..

:) وانشاء الله بنبتدي من باجر ^^ .. ورايح اشرف على العملية بنفسي ^^ .. :)
what's about the exams
:09: :09:

QaHir
04-05-2004, 12:24 PM
what's about the exams
:09: :09:

:09: عادي اوفق بين الاثنين :p

KuwaitDragon
04-05-2004, 01:47 PM
والله لو يكون مثل راي اخوي ميثم تحطون منتدى العاب الاون لاين يكون احسن

Reinu
04-05-2004, 02:27 PM
:09: عادي اوفق بين الاثنين :p

يعطيك العافيه مراقبنا وما تقصر ^^

صراحه المراقب الوحيد اللي توقعت انه ينفذها ^^

الله يوفقك في الدراسة ^^

aoks
04-05-2004, 10:59 PM
طيب ممتاز ... انا أرى انه يتم فتح موضوع جديد مثبت وغلط باقي المواضيع أو يتم تثبيت موضوع Gulty Gear X وغلق باقي المواضيع

وش رايكم؟

Mesharey
04-05-2004, 11:15 PM
طيب ممتاز ... انا أرى انه يتم فتح موضوع جديد مثبت وغلط باقي المواضيع أو يتم تثبيت موضوع Gulty Gear X وغلق باقي المواضيع

وش رايكم؟
وش تنتظر ؟

أكتب الموضوع الحين بمنتدى فاينل فانتسي وثبته بمنتدى فاينل فانتسي وخلصت السالفة..

موضوع كبير ومناقشة وأين المراقبين ودوخة والسالفة كلها بسيطة P:

راح أحاول أساعدكم ومايقصرون باقي الأعضاء ^^

Reinu
04-05-2004, 11:42 PM
مو شرط موضوع منو المهم انه قاهر ثبت موضوع وهو ماشي الحين زين ^^

ما اظن يباله فتح موضوع يديد خلاص تثبت واحد والحين صار صفحتين ^^

QaHir
04-05-2004, 11:54 PM
يو ار ولكم ^^ .. اعتقد ان الموضوع انتهى .. والحين ابي مساعدة الاعضاء .. :) لحد يحط موضوع مساعدات .. تراه على طول بيتقفل .. وشكرا لكم .. :)