الغش في الإمتحانات

[BoJasem]

السلام عليكم ورحمة الله وبركاته :

اهلا فيكم اخواني بالمنتدى العام
بما ان الأمتحانات على الأبواب
فحبيت اتكلم عن موضوع مهم جدا بخصوص الغش في الأمتحانات وسوف اتناوله في جوانب عديدة

اولا : ماهو الغش في الإمتحان
الغش هو ان يقوم الطالب او الممتحن بالحصول على الإجابة بالطرق الغير شرعية (( حلوة هذة صح :p ))
او بدون مجهود كان (( يسرقها )) من زميله او ينظر إلى كتاب او برشامة وخلاف وسائل الغش بغرص الحصول على درجة السؤال

ثانيا : لماذا يغش الطالب ؟
سؤال افكر فيه بنفسي طوال الوقت لماذا بعض الناس يغشون سألت كم طالب ممن اشتهروا بالغش وقالوا لي الأسباب
1- الأمتحانات صعبة (( يا اخي ادرس !!! ))
2- الأسئلة غير مفهومة (( يعني عجزان تطلب من المدرس يشرح لك ))
3- لم أدرس (( لماذا ؟ ))
4-ابي اتأكد من الجواب (( لا والله :jester: ))
والعديد من الأسباب الأخرى

ثالثا : طرق الغش
1- البرشامة
2- النظر إلى الكتاب
3- الغش من طالب (( افضل ان اسميها سرقة مجهود ))


رابعا : حكم الغش
اولا الغش حرام لأن الرسول صلى الله وعليه وسلم قال : (( من غشنا فليس منا ))
اي على المسلم اتبعاد عن الغش ولو كان سببا في نجاحه (( اي لو غش هذا السؤال سوف ينجح بدل ان يفشل ))

خامسا : تبرير الغشاشون لفعلتهم
تسمع منهم عجبا فمنهم من قال :
الإمتحانات لم تكن في عهد الرسول لذلك الفش في الحديث الشريف ليس عن الأمتحان
وانا ارد عليه : اليس الغش هو خداع الشخص بشيئ او سلعة ، حسنا الغش في الأمتحان اولا خداع لنفسك ثم خداع للمدرس ثم خداع لضحاياك (( مثلا انت الأن طبيب بالغش بدال ما تشفيهم راح تقتلتهم !!! ))

والبعض يبرر الغش في اللغة الأنجليزية انها لغة الكفار وعادي الغش فيها
لكن حالها حال المواد الأخرى حتى اذكر ان شيخ سؤل عن هذا السؤال وقال انه لا يجوز الغش في هذة المادة ولا اي مادة اخرى


وتخيلوا معي هذة الصورة

طالب يغش في امتحان الإسلامية والسؤال الذي يغش فيه هو اكتب من حفظك للأيات

ما رأيكم بهذة الصورة !!!!!!!



الأن شرحت لكم الغش بشكل مبسط ومفهوم

ما رأيكم بقضية الغش ؟ هل انت تغش ؟ ما السبب في ذلك ؟
ما الحلول التي تقترحها ؟ قدم رأيك بالموضوع

وشكرا جزيلا :biggthump

[Yoshi SD]

الحمد لله أنني لست من الناس الذين يغشون... (إلا ذيك المرة يوم كنت بالصف الرابع ابتدائي في اختبار التاريخ...ما نسيت ورقة بن نوفل بعد ذاك اليوم)

والغش طبعاً عادة سلبية وسيئة ومقززة وهي اسلوب حقير ودنيء...

يمكن لو المدرسين يشدون حيلهم في ضبط الغش موب يقعد في الزاوية ويسوي نفسه قوي بعدين ينام....

وشكراً

[Trapped Inside]

هلا دارك^^..

صدقت بكل كلمه..ويا كثر من يغش بعد...وللاسف انا منهم..بصراحه انا اول مره غشيت شافني الاستاذ واخذت صفر..بعدين يقالي حرمت الغش...بس الحين رجعت..بس عاد انا موب الي لازم يغش يعني ان جتني الفرصه اغش غشيت (اموت على البراءه) :09:

والسبب طبعا...اني ما اذاكر واذا قلت ذاكر بكل بساطه بقولك مشواااار...بس الحمدلله انا من النوع الي ما يذاكر بس اجيب زين^^...على كل مافي امل اغش بالاختبارات النهائيه لاننا نختبر بالصاله الرياضيه (غرفه كبيره يكون فيها ملعب سله)..يعني في خمسين استاذ يراقب علينا..

انا ادري ان الي اسويه غلط...الله يهديني :31:

مشكور على الموضوع ^^

[BoJasem]

السلام عليكم :

يوشي : شكرا على الرد الحلو وشكرا انك ما تغش

سعودي 2002 : الله يهيدك إن شاء الله وحاول تذاكر ولكل مجتهد نصيب
ولا تغش ما ادراك لو انك تشير الأجابة (( يعني تحط اي جواب من مخك )) قد يكون صح والذي غششته يكون غلط
او الأستاذ مسوي خدعة وموزع نسخ مختلفة

عموما حاول تجد وتجتهد

ولين الحين ما سمعت ارائكم عن الصورة
ولا حتى حلول :09:

[The Noble]

يجزاك خير على لموضوع اللي جاء في وقت اقتراب الإمتحانات .. كثير منا يظن بأن الغش في الإمتحانات أمر بسيط جدا او ذنب مغفور أو خلافه .. لكن يتجاهل قول الرسول صلى الله عليه وسلم من غشنا فليس منا ..

يعطيك العافية..

[كابتن السفينة]

شكرا دارك لينك على الموضوع المهم..^^

الحمدلله انا من النوع الغشاش..

بس اتضايق في امتحان الرياضيات..والله الطلاب من اخر الصف ينادوني يريدوني اعطيهم الجواب..>_<
هذا لاني ممتاز بهذه المادة..<<<< صار مغرور :09:

شكرا دارك لينك مرة ثانية على الموضوع..^_^

[mohammed111]

وش رايك في اللي يشق ورقة من المصحف

عشان ينقل منها بعض الآيات... :mad:



.

[DeadLy_]

أنا أغش أحياناً :09: ..

[QataR NighTMarE]

لأ انكر بأني غشيت بالمرحله المتوسطه ايام زمان
اما حالياً فما اغش لأن ولله الحمد درجاتي حلوه والمواد بالنسبه لي سهله
وفوق هذا صحيح اني ما اذاكر بشكل ممتاز ومذاكرتي ماتجي الا قبل الأمتحان بيوم واذاكر ساعتين ونص كحد اقصى <=== ايه هين اذا ذاكرت ساعه كامله اتفل بوجهي :09:
لكن ولله الحمد نسبتي ماتنزل عن 79% ^^

[FARES360]

:05: ما احب أغش .. :31: لأنه متعب .. طالع المدرس واقعد دقق في ورقة صديقك لنه خطه ما يبين ههه هذا غير انه تراقب المدرس واذا مر عليك ولا كان يطالعك :tongue2: تسوي نفسك شاطر لا تلف يمين ولا يسار بس تعطيه ابتسامه حقيره على ابو شاطر وسوي نفسك تحل الورقه ههه :31:

:blackeye: الغش ما يساعدني .. أفضل التشير لو مو دارس :31:
:tongue2: وعلى كلن انا فيني كسل كبير لدرجة مالي خلق ألف راسي يمين ويسار ... الأسترخاء مميز ^^" خخخخ

[BoJasem]

السلام عليكم :

BOOOB_2002 :

مشكور على ردك ولازم نبين خبر الغش وهو يعتبرونه ولا شيئ

كابتن السفينة :
هلا بكاتبنا :captain:
مشكور على ردك

تحمد ربك انك تغش ؟ اخاف قصدك ما تغش صح :09:

mohammed111 :

لا حول ولا قوة الا بالله
شكرا على مرورك

sonykid :

صريح جدا :jester: (( عموما الله يهديك وتدرس وما تحتاج انك تغش ))


ولد البوكواره :

شكرا على الرد الحلو والحمد لله بطلت تغش والنسبة جيدة لكن نبي احسن نبيها 90+ :)


FARES15 :

ما تغش لأنه متعب (( شوفوا الغش يتعب :tongue2: )) عشان ما تقولون ان ماكو مضار صحية للغش
ويا رب تصير نشيط وشكرا على الرد

[QataR NighTMarE]

السلام عليكم :

BOOOB_2002 :

مشكور على ردك ولازم نبين خبر الغش وهو يعتبرونه ولا شيئ

كابتن السفينة :
هلا بكاتبنا :captain:
مشكور على ردك

تحمد ربك انك تغش ؟ اخاف قصدك ما تغش صح :09:

mohammed111 :

لا حول ولا قوة الا بالله
شكرا على مرورك

sonykid :

صريح جدا :jester: (( عموما الله يهديك وتدرس وما تحتاج انك تغش ))


ولد البوكواره :

شكرا على الرد الحلو والحمد لله بطلت تغش والنسبة جيدة لكن نبي احسن نبيها 90+ :)


FARES15 :

ما تغش لأنه متعب (( شوفوا الغش يتعب :tongue2: )) عشان ما تقولون ان ماكو مضار صحية للغش
ويا رب تصير نشيط وشكرا على الرد
تو الناس على 90%
خلها بالسنه الجايه لما اكون بثالث ثانوي
لأن الحين النسبه ماتهم بس السنه الجايه كل السنين اللي درستها بحياتي ومستقبلي تتعلق بالسنه ذي فلازم ادرس وبشكل جدي لأول مره بحياتي :09:

[Lucky guy]

أنا ما أعرف أغش -____- مدري ليه ...

أذا حاولت أروح فيها أنكشف بسرعة أخبر أيام المتوسطة أنواع القلق لدرجة كرهت الغش والحين الحمد لله ..

بس تصدقون خيره -___- ..

وفي شيء ثاني ما أعرف أتقن فيه اللي هو التصريف ما أعرف أصرف -____- ..

[BOiND]

انا ما اغش:أفكر:

انا اغشش اللي وراي وجدامي:09:

بس بطلت ذي الحركات من سنه ....
لما جيت معهدنا...

ما كنت اعرف وش معنى كلمه غش:33:
ولما كملت 3 ايام...
عرفت معنى الغش:tongue2: >>>الله يجازي اولاد صفي ، خربوني:09:

[HAMAD 11]

انا لم اغش ابدا الا مرة في امتحان الرياضيات :D

انا مرات اغشش زملائي بس مرة وحدة بس غشيت يمكن اغشش زملائي بس انا ما اغش :D

[DE NILSON]

والله انا توجيهي وحتاج لكل درجة يعني لو سؤال ماعرفته

لازم احاول اغش واسال اصحابي

واي شي طويل ماينحفظ يتبرشم في الجوال


وياجماعة ليش ماتسمونها تبدال معلومات هههههههه

على العموم انشالله ابطل بس خلي السنة تخلص

[Winter_wolf]

اي لولا الغش من الامتحانات ماكنت عديت سنة ثالث متوسط....وثاني متوسط.............وسادسة...............!! وخامسة....وثالثة...واولى ثانوي.....وثانية!!!ورابعه......!! اي .. لو ماكنت غشيت وقتها كنت الان رحت في شربة بيبسي وماكنت الحين موجود بهذه الحياة اكتبلكم هذا الرد الحين!!

لكن من اسباب غشي في الامتحانات^^:

1- اتأكد انه الطالب اللي بغش منه كتب اسمه بالورقة.
2- اتاكد انه الطالب اللي بغش منه كتب الاجابة الصح واذا ماكتبها راح اقله الجواب الصح لوجه الله.
3- احاول اشوف الطالب وش بيسوي في الورقة <<<<<<<<<= يل@$% اللقافة!!
4- .............

لكن في واحد عندنا نسميه King برشام وهو يمديه يعرف اي جواب يبغاه لانه عنده مصادرة الخاصة ومن مصادرة المشهورة والمتداول بها دوليا :
1- يكتب برشام في قفى ثوب اللي قاعد قدامه.
2- يكتب البرشام اسفل صندله اكرمكم الله.
3- يكتب البرشام داخل كوفيته!
4- يكتب البرشام على البلاط!!
5- ياخذ المرايا الموجود ببراية ويطالع بيها على ورقة اللي وراه!!!!!!!!!!!!!!!!!!!!!
6- يشتري نظارة طبية للي عندهم قصر في النظر ويسير نظره زي البومة ول عليه !
7- هذه هي اساليب برشمته المعتاده!!!!

مشكور على الموضوع اخوي دارك لنك^^

[السكون]

انا صراحه اغش بس .. احياناً اغش ببراشيم .. وبعض المرات اتبادل الورقه حق الأختبار مع الي جنبي :tongue2: ..

وايش رايك بالمدرس اللي يغشش .. لان صارت معاي كثير ..

والله يهدي الجميع :) ..

[Wingless Angel]

السلام عليكم ورحمة الله وبركاته

انا للأسف للأسف حاليا اغش :( وذلك لسبب واحد

اني مهما ذاكرت المعلومات اطير يعني تخيلوا انا مذاكر اسبوع كامل امتحان الجيولوجيا وما يتجاوز ال30 صفحة

وجبت فيه 30 من 70 :09:

و سابقا ما كنت اغش وانما اغشش وكنت شاطر حتى في الصف الخامس والسادس نجحت ولد كله يجلس وراي واغششه لين ما نجح :p

وان شاء الله الياية لا بغش ولا بغشش وانما بعتمد على نفسي وبشد عشان اييب النسبة ولإنها الثانوية العامة :)

[كابتن السفينة]

تحمد ربك انك تغش ؟ اخاف قصدك ما تغش صح
اقصد الحمدلله اني ما من النوع الغشاش :09:

[HArb200]

انا بالحقيقة انصح اعزائي طلاب ثالث ثانوي باكل المواد اكل .. وشربها شرب .. وزقطها زقطا صريحاً .. لان الاسئلة ماترحم .. وبصراحة اذا كنت تنتبه مع مدرسك يوميا .. ماراح تحتاج لا لغش ولا حتى مراجعه .. يمكن بس قراءة سريعة عشان تحرك الدماغ شوي وتنظم المعلومات .. هذا في كل المواد بما فيها الرياضيات .

والله يعينكم .. بالنسبة لطلاب ثاني واولى .. انصحهم بالدجة الصريحة .. وخذوا راحتكم .. لان الموت مره.. والعمر يروح عليكم .. دجوا بالشوارع .. والعبوا بلستيشن .. وريحوا بالكم ..

بالنسبة للمتوسط .. تسربوا من المدارس .. وخشوا ميكانيكا وكهرباء .. يمديكم تاخذون فيها بكالوريوس مع خبره ثلاث سنين قبل مايجونكم طلاب الثانوي ويشتغلون عندكم .


الابتدائي .. خشوا سكرتيه جمع سكيوريتي .. رجال امن .. تراها اصرف من تضييع الوقت ست سنين على المتوسط والثانوي ثمن تخش سكيوريتي ورجلك فوق رقبتك .

بالنسبة للتمهيدي والروضة .. خشوا الحرس .. جنود الوطن .