الوســامة..العبقــرية..وجهان لعملة واحدة! [الأرشيف]

Moon Boy

18-05-2004, 06:13 PM

أحتل السعوديون المرتبة الثالثة عالمياً من ناحية الإهتمام بالمظهر ..
وحلو بعد الفنزويليون(المشتهروون بالبترول) والمكسيكيون..
ولولا عمليات التجميل التي يحرمها الدين الإسلامي لحصل السعوديون المرتبة الأولى عالمياً..

وتم الإستطلاع عن طريقة عينة عشوائية..

وربما يعزى ذلك لإهتمام السعوديون بالعطر والعنبر والدخون والبخور وأنواعها..

وتشير الدراسات أن نجاح الشخص في الحياة العملية والعاطفية والإجتماعية يعتمد على (ابتسامة جذابة)!!

والملاحظ أن العباقرة والدكاترة وأذكياء العالم.. دائماً لايهتمون بمظهرهم الخارجي.. ويعدون ذلك من دواعي السخف..
ليس لعدم وجود الوقت لذلك فحسب.. بل لعدم إكتراثهم بذلك أصلاً!!

وهذا مايفسر خلو قائمة العباقرة وأذكياء العالم من السعوديون!! :p

شخصياً..
حدثنا عن مايلي:-

1- كيفية إهتمامك بمظهرك؟!!

2-لونك المفضل وعطرك المفضل؟

3-كم مرة تقف أمام المرآة؟

4-من يختار لك ملابسك؟..وكم تخسر من المال على أناقتك شهرياً؟!!

5- من هو مثلك الأعلى في الوسامة؟..ومثلك الأعلى في العبقرية؟!

6- ابتكار لأحد العباقرة ساهم في تطور البشرية؟!!

7- مالذي يعيقك لتصبح عبقري؟!

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!

تحياتي لكم..

Trapped Inside

18-05-2004, 07:06 PM

انا صوت للوسامه..لان اغلب العباقره يكون فيهم مرض نفسي ولا شي.. :09:

1- كيفية إهتمامك بمظهرك؟!!

اتحمم كل يوم..ودايم اتعطر اذا طلعت من البيت..واغسل بعد ما اكل..وافرش كل يوم اذا قمت من النوم.. :D

2-لونك المفضل وعطرك المفضل؟

لوني المفضل باللبس؟؟ الابيض..والعطر Hugo Boss^^..

3-كم مرة تقف أمام المرآة؟

هممم..كثير اذا بغيت اغسل..واذا طلعن من الاستحمام..واذا قعدت اغني.. :09:

4-من يختار لك ملابسك؟..وكم تخسر من المال على أناقتك شهرياً؟!!

من ناحية الثياب..ما فرقت احيان اروح افصل ولا ابوي يجيب لي جاهز...ومن الفلوس على حسب اذا كانت ثياب ابوي..وحتى الجينززات الا اذا كانت مبالغ فيها شوي على حسابي..

5- من هو مثلك الأعلى في الوسامة؟..ومثلك الأعلى في العبقرية؟!

امممم..يمكن براد بيت.. :31: اينشتاين..

6- ابتكار لأحد العباقرة ساهم في تطور البشرية؟!!

المكيف ^______^..

7- مالذي يعيقك لتصبح عبقري؟!

مافي شي..بعدين العبقريه تكون بالفطره باغلب الاحيان..

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!

ليه قالولك لبناني.. :09:

ومشكور على الموضوع^^..

( الآزوري 10 )

18-05-2004, 09:10 PM

1- كيفية إهتمامك بمظهرك؟!!
عادي مو مبالغ ولا مقصر

2-لونك المفضل وعطرك المفضل؟
احب البس اللون الاسود..والعطر مااهتم اذا خلصت غرشة العطر مو لازم نفس النوع..

3-كم مرة تقف أمام المرآة؟
بس اذا بغيت اسرح شعري

4-من يختار لك ملابسك؟..وكم تخسر من المال على أناقتك شهرياً؟!!
انا اختار بنفسي..اما من ناحية التخسير فابدا مااخسر على الثياب كثير..يعني في المناسبات اكثر شي اشتري لي..

5- من هو مثلك الأعلى في الوسامة؟..ومثلك الأعلى في العبقرية؟!
مثلي الاعلى في الوسامة مارتنيز لاعب الانتر :p ..وفي العبقرية ماحد..

6- ابتكار لأحد العباقرة ساهم في تطور البشرية؟!!
الانوار..

7- مالذي يعيقك لتصبح عبقري؟!
مافيه شي..ومثل ماقال العضو اللي فوقي ..العبقرية تجي بالفطرة

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!
مااحتاج عمليات تجميلي..شكلي حلو :o

ومشكور على الموضوع..

DeadLy_

18-05-2004, 09:23 PM

- كيفية إهتمامك بمظهرك؟!!

ماهتم كثيراً بس البس الثوب و اطلع :09:

2-لونك المفضل وعطرك المفضل؟

الازرق و العطر استخدم اللي موجود منه

3-كم مرة تقف أمام المرآة؟

كل ماروح للوضوء :tongue2:

4-من يختار لك ملابسك؟..وكم تخسر من المال على أناقتك شهرياً؟!!

و الله انا ما اشتري غير الثوب و اصرف على الثوب الواحد يمكن 110 ريالات :31:
و فلوسي ماصرفها على الاناقة و لكن على الالعاب و الاكترونيات :D
5- من هو مثلك الأعلى في الوسامة؟..ومثلك الأعلى في العبقرية؟!
لا أحد :blackeye:
6- ابتكار لأحد العباقرة ساهم في تطور البشرية؟!!
انشطار الذرة؟ يولد طاقة كبيرة استفادوا منها :biggthump
7- مالذي يعيقك لتصبح عبقري؟!
النت و اللعب :p

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!

لا

golden_sky

20-05-2004, 11:53 PM

1- كيفية إهتمامك بمظهرك؟!!

والله حسب المكان الي رايح له :p

2-لونك المفضل وعطرك المفضل؟

مدري وش دخل اللون .. بس الازرق :cool: ..

3-كم مرة تقف أمام المرآة؟

مرة بالكثير

4-من يختار لك ملابسك؟..وكم تخسر من المال على أناقتك شهرياً؟!!

خخخخخ موب حلوة اخلي احد يختار لي ملابسي .. وش بقينا للجنس الناعم :31:

5- من هو مثلك الأعلى في الوسامة؟..ومثلك الأعلى في العبقرية؟!

الوسامة .. ماكو لحد يومك هذا اوسم مني :tongue2:

العبقرية " أينشتاين :cool:

6- ابتكار لأحد العباقرة ساهم في تطور البشرية؟!!

اعتقد ( من وجهة نظري ) المجهر ^^ كان البداية .. ونهايته كانت المجهلا الاكتروني الي بدونه ما اكتشف العلماء 3 ارباع اكتشافاتهم

7- مالذي يعيقك لتصبح عبقري؟!

ماكو شي يعيقني .. انا عبقري :cool:

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!

لا يبو .. وش دعوى

ODIN

21-05-2004, 04:11 AM

انا من ناحيه الاهتمام بالمظهر صراحه مبالغ فيه بشكل معتدل يعني .. وهذا شي ايجابي وحتى الرسول صلى الله عليه وسلم وصى فيه .. ولاحظت اثره على نفسي خاصه بعلاقتي مع الناس ..

لابد صراحه الاهتمام بالمظهر ( والمبااالغه فيه ) بطريقة معتدله .. لا احد يفهم الاهتمام معناتها دور على جنزات ضيقه وجل بالشعر والكلام الفاضي هذا ..

الحمدلله ذوقي معروف بين كل الاهل والربع .. بس المشكله ان ذوقي صعب جد صعب احصل الشي الي براسي .. يعني حتى درجات اللون اهتم فيها . مثلا احب اللون البيج . .لكن مب أي بيج يعجبني .. فيه درجه معينه براسي هي الي تعجبني بس وغيرها اعتبره قبيح ..

نفس الشي بالاسود بعد .. يعني الوالده تضحك علي لما تشوفني انقي الملابس :) ما تقول الا الله يصبر زوجتك عليك بعدين ..

والمشكله الثانيه بعد ان مثلا خواتي اذا بغو يشترون لي بلوزه او اي شي .. مستحيل يشترون شي يعجبني .. يعني اخذها منهم مجامله واقول لاا لا حلو ماشاء الله يعطيك العافيه بس .. ومناك اتركها ولا البسها صراحه لان ذوقي صعب محد يعرفه الا انا ..

والمشكله الثالثه بعد -__- اني مستحيل البس شي فيه كتابه او زحمه الوان .. ما احب الا السااااده الساده بس .. وهذا جد جد صعب احصل ملابس ساده وعلى الي ابيها .. اسوي زحمه بالسوق ياله احصل الي ابيه ..

والمشكله الرااابعه بعد .. ان بعض الملابس الي احب البسها شوي مو متعوديين عليها بالخليج .. عشان كذا لما البس بعضها كل العيون تصير علي.. صحيح انها حلوة .. بس يبقى مب متعودين عليها ..

مثلا يعني بالشتا صرت البس جوكيت طويل زي حق الماتركس .. والصيف البس الوان جيشيه وراقيه بنفس الوقت ..

والمشكله الخامسه بعد ( من جد ذا مصخها ) مستحيل البس شي على الموضه .. جد جد اكره شي عندي البس شي منتشر بين الشباب والا عند العالم .. دايم احب البس شي مميز وراقي بنفس الوقت .. اكره الجينزات الي طايحين فيها ذي المحرقه مدري كيف . واكره النظارات الكبيرة هذي الي كأنها ذبانه .. واكره الكابات الي طايحين فيها .. دايم احب اصير مميز بذوقي ما اهتم بالموضه ..

هذا من ناحيه الملابس .. بس من ناحيه الشكل نفس الشي تقريبا .. احب ازيت راسي بعد السباحه وغيره ..

بس فيه شي واحد مستحيل اهتم فيه .. الي هو الذقن .. اكره ما عندي السكسوكه ( لان الشعب طايحين فيها ) دايم ذقني محيوس ومب مرتب ( عندي كذا احلى مدري ليش )

مصختها بالرد من جد -___- بس يله امس سلمت الفاينل والحين فاضي من جد ..

Angel whisper

21-05-2004, 08:50 PM

عادي عندكم الشباب يلبسون كنادير مخصره؟
لاني شايفه وايد شباب سعوديين عندنا في الامارات يلبسون من هالنوع..

HArb200

21-05-2004, 09:42 PM

اقول يازين الثوب الابيضاني مع الشماغ الاحمراني والعقال الاسوداني والسلام خير ختام .

اما الاهتمام الزايد .. يعني مثلا .. زي ماقال اودين .. جل وقصات شعر غريبة .. فهذي من جد مالها داعي .. بالعكس تترك انطباع غير جيد عند الناس عنك .

فالزبدة .. الاهتمام بالمظهر شي طيب .. ولازم .. لكن بالمعقول .. ولا يكون هوس .. لان بعض الناس الله يشفيهم .. ينسون كونهم رجال ويزداد حب التجمل حتى يصل لمتسوى المرأه .. مكياج و ممكن صبغات شعر .. وهلم جرا.

انجلينا17

21-05-2004, 11:06 PM

1- كيفية إهتمامك بمظهرك؟!!

زيي اي بنت :tongue2: يعنى فيه اهتمام

2-لونك المفضل وعطرك المفضل؟

الاسود العطر ( البرواز ) ( زهور الريف )

3-كم مرة تقف أمام المرآة؟

3 مرات :33:

4-من يختار لك ملابسك؟..وكم تخسر من المال على أناقتك شهرياً؟!!

انا اختارها اااام تقريبا ( 200 )

5- من هو مثلك الأعلى في الوسامة؟..ومثلك الأعلى في العبقرية؟!

محد :tongue2:

6- ابتكار لأحد العباقرة ساهم في تطور البشرية؟!!

اشياء واجده مو فاضيه اعدها :blackeye:

7- مالذي يعيقك لتصبح عبقري؟!

مافيه مخ يفكر :31:

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!

ايه هين http://www.webpost.net/sp/spikeyman/dog.gif

ODIN

22-05-2004, 03:07 AM

عادي عندكم الشباب يلبسون كنادير مخصره؟
لاني شايفه وايد شباب سعوديين عندنا في الامارات يلبسون من هالنوع..

ايه عادي :)
هذا الجواب الي تتمنين تسمعينه مع انك تدرين انه غلط صح ؟ يحليلك انجل

تلاقين الشواذ ذولي يبون يكشخون عندكم .. يحقلهم .. مو انتو ملتقى الحضارات والاديان وعجائب الدنيا السبع واليس ببلاد العجائب وغيره :)..

( ترى سؤالك شوي ماله داعي وانتي تعرفين هذا يا انجل )

Dr.Lucifer

22-05-2004, 07:43 AM

ايه عادي :)
هذا الجواب الي تتمنين تسمعينه مع انك تدرين انه غلط صح ؟ يحليلك انجل

ماشاء الله تقدر تقرا أفكار الناس ..
أهنيك على هذة القدرة :)

ثريول

22-05-2004, 09:47 AM

اقول يازين الثوب الابيضاني مع الشماغ الاحمراني والعقال الاسوداني والسلام خير ختام .

هذا الكلام http://www.montada.com/images/icons/icon14.gif .. يعني هذا شكلي قبل 6 سنين وما عمري غيرته , غير إذا بالعب كورة ولا باسوي رياضة ولا باروح البحر .

ببساطة الكل هنا مثلي , ومافيه غير الأبيضاني والأحمراني والأسوداني .. وبعض الأحيان بدال الأحمراني أبيضاني وأنقز !

ورد

22-05-2004, 09:48 AM

QataR NighTMarE

22-05-2004, 09:56 AM

1- كيفية إهتمامك بمظهرك؟!!

البس ثوبي وغترتي او الكاب واطلع ;)

2-لونك المفضل وعطرك المفضل؟

بالحياه احب اللون الأزرق والأسود لكن بالثياب مالبس الا الثوب الأبيض :D
وبالنسبه للعطور فأفضل (اجمل) و ( كـاريـرا )

3-كم مرة تقف أمام المرآة؟

اووه وايد :p

4-من يختار لك ملابسك؟..وكم تخسر من المال على أناقتك شهرياً؟!!

انا وانا اصلاً ما البس شئ غير الثوب والغتره والعقال :D وماحب البدلات ومن هالثياب

5- من هو مثلك الأعلى في الوسامة؟..ومثلك الأعلى في العبقرية؟!

انا :p

6- ابتكار لأحد العباقرة ساهم في تطور البشرية؟!!

الله يخلي المكيف والكهرباء بس
تكفيني هالأشياء :tongue2:

7- مالذي يعيقك لتصبح عبقري؟!

لا شئ اصلاً العبقريه اعتقد تكون بالفطره يجيك واحد تلقى عليه عقل مب صاحي
شلون جذي محد يدري :blackeye: :p

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!

لا

ويعطيك العافيه على الموضوع

ODIN

22-05-2004, 11:43 AM

حتى بالمسلسلات السعودية ؟؟ :31:

واستهزازئك بدولتنا ماله داعي بعد :)

الله يهديك يا ورد انا استهزئ على درة الخليج مدري لؤلؤة الخليج :) انا ما قلت شي من عندي بس سمعت الكلام الي يقولونه بالدعايه حقتكم الي تطلع بسبيس تون .. بريئ انا مالي خص :bigeyes:

وعلى طاري المسلسلات السعودية .. المعذره يا عزيزتي مع احترامي لك لكن انتو متعودين على خيام ماشاء الله مب ثياب .. ( حيل عريضه ) عشان كذا تعتبرون أي ثوب متوسط بالعرض او غير عريض تعتبرونه ( مخصر ) ..
هم مشكلة السعوديين يراعون الاناقه شوي بثيابهم ما يعملونها ( حيل عريضه مثل ما انتو متعودين ) عشان كذا البعض يعتبر ثيابهم مخصره مثل حضرتك .. ولا تقولين بعد ان استهزئ بثيابكم :) كل ديره ولها ثيابها ..المشكله اني فاهم هذا الشي وانتي مب فاهمته .

عادي وجهة نظر لك واحترمها واتمنى انك تحتفظين فيها لنفسك وشكرا جزيلا يا عزيزتي ..

ــــــــ

سوري يا حبيبي moon boy اعذرنا طلعنا عن موضوعك شوي لكن مب بيدي .. اتمنى انك تعذرنا

وعلى قولت هارب وثريول .. يحيا الثوب والشماغ رمز الاصاله

Tidus

22-05-2004, 12:26 PM

من ناحية اللبس... احب البس مثل ما احب شكلي يطلع... اللي يليق و ما اخلي على نفسي حسافه و لله الحمد ^_______^ و دم ضروسي البس شي الناس طايحين فيه _-_

و قالوها :

اقول يازين الثوب الابيضاني مع الشماغ الاحمراني والعقال الاسوداني والسلام خير ختام .

و منهم اللي زاد و قال :

وبعض الأحيان بدال الأحمراني أبيضاني وأنقز !

:biggthump

و مخصر ؟ شخبااااااري _-_ منقرض من اربع سنين... للحين يفصلونه ؟ :31: و بعدين انا اشوف الحين يجيك الواحد خابصلي ذوقين بدشداشه... من فوق و عند الصدر لحد الخصر مخصر... و من تحت الله لا يوريك طربال سياره :blackeye: يعني اشوف على جذي مو ناقص الا عمامه و بدال السياره حمار عزكم الله...

و عني... انا من النوع اللي اكثر شي اهتم فيه شعري... و اقصد باهتمامي مو تغيير قصات و حركات... لا... اهتمام باني اخليه مثل ماهو الشكل اللي تعودته عليه... و عز الله اني بدج لو طاح :p

darkitp

22-05-2004, 01:54 PM

أنا أحب أتميز عن الثانيين بالثوب و المظهر و أيضا بمعلوماتي . ( Smart Man :cool: )

ومتعودين شباب الامارات على هذا الشي .. :tongue2:
طبعا أنا اتبع سياسة جميلة باللبس ..
هناك حالتان :

الحالة الاولى وهي أني إذا كنت رايح لمناسبة رسمية أو المسجد أو المركز التجاري او أي مكان رسمي و مناسبة رسمية مهما كانت ولو حتى في عزاء شخص .. ( حتى الميت له احترامه )
لإانا ألبس لون مخالف عن العادة <-- احب اللون الداركي ( أسم على مسمى :p )
أي لون مثل (||||||||||) أو (||||||||||) هذا الشي يتغيرطبعا
بالصيف فلا ألبس غير لون مثل اللون الحليبي او المائل للذهبي "أصفر حليبي".. :أفكر:
( وبصراحة كل كناديري بنفس اللون )<-- مهووس :tongue2:

يعني الخلاصة
الصيف : لون ذهبي أو أبيض نوع اول أو حليبي اللون ..
الشتاء : لون رمادي او أسود :cool:

ولا أنسى شي اسمع الغترة والعقال ..
( ما احب الا اللون الاحمر .. اللذي يكون من النوع الجديد آخر موديل :33: )

الحالة الثانية : إذا كنت مع الشباب وطلعات لازم ألبس شي مريح جدا وغير رسمي "مع اني أضع بالدبة لباس رسمي" حالات والله :31:

والبس يكون اما بنطلون من النوع الرياضي و يكون لونه يقتل الابصار "أحب اللون الاحمر" و الرمادي <--- ذلكم بالرمادي :D

وهذا هو اللي حبيت أقوله وشكرا .. :05:

وشوفوا هذا اللي لابس العقال شكله غلط أو لا ؟ :tongue2: >الصورة< (http://www.montada.com/attachment.php?attachmentid=163039)

darkitp

22-05-2004, 02:25 PM

1- كيفية إهتمامك بمظهرك؟!!
مذكور بالرد الأول ...
وانا أهتم لحالي كل يوم و كل ليلة .. لكن ها اليومين قلق وتفكير .. :31:
(ناوي أبيع السيارة -______________- وما فيه حد يشتريه !! )

2-لونك المفضل وعطرك المفضل؟
اللون الذهبي الاحمر و الرمادي المائل للسواد ( غامق )

3-كم مرة تقف أمام المرآة؟
كل يوم كل ساعة كل ليلة :cool:

4-من يختار لك ملابسك؟..وكم تخسر من المال على أناقتك شهرياً؟!!
أنا أختار ملابسي لوحدي وانا انفق على نفسي .. :)
شهريا .. لا .. فقط بالمناسبات الرسمية و الاعياد الاسلامية ( العيدين ) :)

5- من هو مثلك الأعلى في الوسامة؟..ومثلك الأعلى في العبقرية؟!
ولا واحد .. ما أحب اتشبه بكافر ... أو ممثل معين . !! :31:
لكن يعجبني ذوق الشيخ محمد بن راشد في الملابس ;) :D

6- ابتكار لأحد العباقرة ساهم في تطور البشرية؟!!
التي ساهمت في التطوير ساهمت بالتخلف .. ( العمل = الابتكارات سلاح ذو حدين ) :أفكر:
وافضل شي هو الأقمار الصناعية حيث أتاحت باب واسع للإعلام :33:

7- مالذي يعيقك لتصبح عبقري؟!
نخلف الدولة لمواكبة التعليم العالمي وخاصة في مجال الكيمياء :31:

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!
لو عندي مشكلة في شي أو في وجهي واقتضى الحال على ذلك لفعلت :)
أما التشويه للتجميل فلا ..

DE NILSON

22-05-2004, 02:31 PM

اولا احمد الله سبحانه وتعالى على نعمة الخلق الحسن ولم يجعل فيني تشويه او عاهة

ندخل في صلب الموضوع:

والله الوسامة والاناقة انا افضلها عن العبقرية بمراحل

كيفية إهتمامك بمظهرك؟!!

طبعا نختار التي شيرت المناسب على الجينز وطبعا الجل يشوف شغله لأنه اساس الوسامة الشعر

2-لونك المفضل وعطرك المفضل؟
والله عادي اي لون مدام انه يناسب البنطلون بس اعتقد بان السماوي لوني المفضل
3-كم مرة تقف أمام المرآة؟
تقريبا كل ماخرج من البيت لام ازبط شعري واحط جل لأنه هوا طويل ومني عارف كيف اخبيه لكن يمدحون الايس كاب والكاب

4-من يختار لك ملابسك؟..وكم تخسر من المال على أناقتك شهرياً؟!!
الشغالة هههه طبعا انا
5- من هو مثلك الأعلى في الوسامة؟..ومثلك الأعلى في العبقرية؟!
والله ماعندي مثل اعلى في الوسامة لأني انا اهتم بمظهري وبس
6- ابتكار لأحد العباقرة ساهم في تطور البشرية؟!!
الجل
7- مالذي يعيقك لتصبح عبقري؟!
مافي شي بس الكسل
8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!
لا يبويا اانا كدا تمام بدون تجميل ولا شي الحمدلله

تحياتي لكم..

Angel whisper

22-05-2004, 06:23 PM

ايه عادي :)
هذا الجواب الي تتمنين تسمعينه مع انك تدرين انه غلط صح ؟ يحليلك انجل

تلاقين الشواذ ذولي يبون يكشخون عندكم .. يحقلهم .. مو انتو ملتقى الحضارات والاديان وعجائب الدنيا السبع واليس ببلاد العجائب وغيره :)..

( ترى سؤالك شوي ماله داعي وانتي تعرفين هذا يا انجل )اسميك انته بعد سالفه.. وحالك طنقرت :)

اوكي.. انا آسفه لان اسلوبي كان harsh في طرح هالنقطه..

بس انا اقولك عن شي انا اشوفه.. والناس قامت تعممه عليكم ..

ما اعتقد انه حلوه انه واحد يلبس كندوره ضيقه هالكثر..

وليش ما تكون ثيابكم انتو ضيقه وثيابنا احنا اللي وسعها طبيعي؟

وعاد هم ما لقو "يكشخون" الا عندنا؟

ليش ما كشخو هالكشخه عندكم؟

بلاد العجائب تقدر تدخلها ببدلة ارماني ومحد بيسويلك سالفه..

عموما.. آسفه اقين لاني ما وصلت فكرتي صح وبعدني ما وصليتها عدل ..

:)
1- كيفية إهتمامك بمظهرك؟!!
ما اعتقد اني ابالغ في الاهتمام بمظهري..
يمكن بس اني مسويه سالفه حق شعري

2-لونك المفضل وعطرك المفضل؟
الاسود والكحلي والبيج والبني..والوردي..
عطري المفضل Mademosile Coco من شانيل .. وLove Story من Eternity ...

3-كم مرة تقف أمام المرآة؟
بس الصبح يوم اتعدل حق الكليه... يعني بس مره وحده..

4-من يختار لك ملابسك؟..وكم تخسر من المال على أناقتك شهرياً؟!!
بروحي اختارها ما احب حد يختارلي.. وبشكل عام ما اشتري وايد.. اظن صارلي 3 شهور ما دخلت السوق..

5- من هو مثلك الأعلى في الوسامة؟..ومثلك الأعلى في العبقرية؟!
في الوسامه.. الحلوين اللي يطلعون في دعاية Boss
في العبقريه.. شكسبير :31:

6- ابتكار لأحد العباقرة ساهم في تطور البشرية؟!!
الكهرباء..

7- مالذي يعيقك لتصبح عبقري؟!
الذكاء..

لو أن وسامتك تعتمد على إجراء بعض العمليات التجميلية ..هل ستفعل ذلك؟!!
ما اعتقد..

مشكور مون :)

FARES360

22-05-2004, 07:05 PM

1- كيفية إهتمامك بمظهرك؟!!
أحم .. اول شي وأهم شي يكون اللبس عاجبني على نفسي وعلى حسب ذوقي المميز وغالبا تكون ملابسي ماركات أما الشعر فحط جل خفيف فقط لرفع القذله الطويله ووضعها على الجنب ولكن بطريقتي الخاصه وأخرب الشعر من كل مكان وهي تسمى ديرتي هذي التسريحه اي شبه تعديل وشبه قايم من النوم .. امأ وقت الأهتمام دايم يكون لما اخرج من المنزل
2-لونك المفضل وعطرك المفضل؟
بالنسبه لألواني فتكون ألوان كوول .. يعني فاتحه غالبا بس ألبس ملابس غامجه بعض الأحيان او أسود ... والجنزات زرقاء كالعاده .. وعطري المفضل اممم هو عطر فرنسي بس ما اعرف اسمه ... وانا قليل أحط عطر ..بس اهم شي عطر تحت الأباط تدرون الأحتياط واجب لوول

3-كم مرة تقف أمام المرآة؟
لحد يضحك .. بس كل ما أمر يم مرآه لازم اشوف نفسي دقيقتين وامشي ... بس ما أطول كثير الا اذا كنت زهقان فأقعد اناظر نفسي بس هم مو كثير ...بالكثير 9 دقايق اكثر من كذا ما قد قعدت هههه
4-من يختار لك ملابسك؟..وكم تخسر من المال على أناقتك شهرياً؟!!
انا أشتري ملابس بين 6 أشهر الى 7 أشهر بس بالفتيره الي اشتري فيها ادفع كثييير أصراف كثييير يعني تقريبا 200 دينار على ملابس غاليه ... اما بالنسبه لمن يختارلي انا أختار لنفسي وبعضهم أخذ رأي امي أحيانا
5- من هو مثلك الأعلى في الوسامة؟..ومثلك الأعلى في العبقرية؟!
ريكي مارتن :tongue2: ... :bigeyes: أينشتاين
6- ابتكار لأحد العباقرة ساهم في تطور البشرية؟!!
:05: أختراع السياره ...
7- مالذي يعيقك لتصبح عبقري؟!
الكسل وعدم الحصول على طموح معين ... والكسل مره أخرى .. انا مو فالح بالدراسه وتبيني أصير عبقري هه
8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!
:blackeye: أمممم يعتمد الى أي نحو عمليه تجميل ... اذا تغير شكل خلقة الله الي خلقني فيها فلا وألف لاااا .. اما الميكاب :31: مادري بس مو داخله ما تعتقدون انه شوي نسائي !؟

ورد

22-05-2004, 10:09 PM

الله يهديك يا ورد انا استهزئ على درة الخليج مدري لؤلؤة الخليج :) انا ما قلت شي من عندي بس سمعت الكلام الي يقولونه بالدعايه حقتكم الي تطلع بسبيس تون .. بريئ انا مالي خص :bigeyes:

وعلى طاري المسلسلات السعودية .. المعذره يا عزيزتي مع احترامي لك لكن انتو متعودين على خيام ماشاء الله مب ثياب .. ( حيل عريضه ) عشان كذا تعتبرون أي ثوب متوسط بالعرض او غير عريض تعتبرونه ( مخصر ) ..
هم مشكلة السعوديين يراعون الاناقه شوي بثيابهم ما يعملونها ( حيل عريضه مثل ما انتو متعودين ) عشان كذا البعض يعتبر ثيابهم مخصره مثل حضرتك .. ولا تقولين بعد ان استهزئ بثيابكم :) كل ديره ولها ثيابها ..المشكله اني فاهم هذا الشي وانتي مب فاهمته .

عادي وجهة نظر لك واحترمها واتمنى انك تحتفظين فيها لنفسك وشكرا جزيلا يا عزيزتي ..

اول شي .. واضح من سؤال انجل انها تسال .. بس انت يبدو تفهم الامور بطريقتك

غير كذا انت قلت ان هذول اللي يلبسون مخصر وماعرف ايش ( شواذ ) يحبون يتكشخون عندنا
وانا جبت المسلسلات علشان اعرف هذول اللي يمثلون في المسلسلات شواذ بعد والا لا ..
و بالنسبة لي لا استهزئت بثيابكم ولا استهزئت باي مكان في السعودية ، وكل واحد وذوقه ..
لكن انا ما احب احد يستهزء ببلدي مثل ما انت ما تحب احد يستهزء ببلدك .. و لو فيه مية عيب .
اذا عندك راي اوا نتقاد .. انتقد في شيئين متساويين مو تجي على البلد كلها وتتمسخر بدون اي سبب ..:)

اتمنى ان صاحب الموضوع ما يزعل لاننا طلعنا خارج موضوعه ..

ODIN

22-05-2004, 11:13 PM

اينجل افتحي الخاص حقك .

Chad

23-05-2004, 12:19 AM

1- كيفية إهتمامك بمظهرك؟!!
حمام حسب التساهيل
حلاقة ذقن مرة في الأسبوع
شوشة تنافس شوشة أبوشوشة ( الآن إرتفاع شوشتي في حدود 10 سم فوق رأسي )

2-لونك المفضل وعطرك المفضل؟
الأسود والأزرق السادة
A*Men هو الأفضل بين جميع العطور الرجالية

3-كم مرة تقف أمام المرآة؟
قبل كل طلعة بالسيارة

4-من يختار لك ملابسك؟..وكم تخسر من المال على أناقتك شهرياً؟!!
أنا بالطبع ، ولا أخسر شيئا من المال لأنه اللي يدفع مش أنا طبعا :tongue2:

5- من هو مثلك الأعلى في الوسامة؟..ومثلك الأعلى في العبقرية؟!
الوالد ...

6- ابتكار لأحد العباقرة ساهم في تطور البشرية؟!!
الكمبيوتر

7- مالذي يعيقك لتصبح عبقري؟!
تعديل النوم

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!
لا بالطبع

Doel

20-06-2004, 04:27 PM

ما شاء الله ... لا حظت ان أغلب الشباب يلبسون الجنز و البلوزه...<==(شو دخل الملاحظه في الموضوع)

والمشكله الخامسه بعد ( من جد ذا مصخها ) مستحيل البس شي على الموضه .. جد جد اكره شي عندي البس شي منتشر بين الشباب والا عند العالم .. دايم احب البس شي مميز وراقي بنفس الوقت

هذي انا معاك فيها أخوي بدر ... بس أنا ما ألبس غير الكندوره (الدشداشه) و الغتره .... يعني تروح الأيام و تيجي .. و يمر الصيف و الشتاء ... و أنا ثيابي نفس اللون... (أبيض مائل إلى البيج شوي ... و أبيض مائل إلى الأزرق الفاتح)

1- كيفية إهتمامك بمظهرك؟!!
هممم .. اعتقد اني اهتمامي بمنظري عادي .. يعني لا انا ما يهمني شو ألبس ... و لا أشوف نفسي في المنظره كل 5 دقايق

2-لونك المفضل وعطرك المفضل؟

هممم أنا احب الألوان القاتمه (الأسود و الأزرق الكحلي) مع اني ما ألبس ثياب بهالألوان إلا لما اسافر :09: ... و بالنسبه للعطر، أي عطر تعجبني ريحته يمشي (مع انه ما في وايد)

3-كم مرة تقف أمام المرآة؟
بس لما البس ثيابي عشان اتاكد انه مافيني شي غلط :p :p

4-من يختار لك ملابسك؟..وكم تخسر من المال على أناقتك شهرياً؟!!طبعا انا اختار ملابسي ... و كم أصرف شهريا .. صراحه ما حسبت بس ما بيكون وايد

5- من هو مثلك الأعلى في الوسامة؟..ومثلك الأعلى في العبقرية؟!
لا يوجد - لا يوجد

6- ابتكار لأحد العباقرة ساهم في تطور البشرية؟!!
الكهرباء.... أختراع مشت عليه كل الإبتكارات

7- مالذي يعيقك لتصبح عبقري؟!
ممكن العزيمه ( و الذكاء بعد :09: )

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!
مستحيل...

Y a z e e d

20-06-2004, 09:53 PM

المظهر الخارجي سخافات صراحة أو كماليات ... يعني انا اهتم فيه مرة ،،، بس يظل غير مهم ...
العبقرية اهم ... !
بالله عليك من اشهر
توم كروز ؟ ولا اينشتاين ؟ ...
اسمح لي ...

1- كيفية إهتمامك بمظهرك؟!!

اهتم بس اعتبرها مجرد كماليات ...

2-لونك المفضل وعطرك المفضل؟

اللون :: الأزرق الباهت ،،، العطر :: جيفنشي و أحيانا مخلط عبدالعزيز ...

3-كم مرة تقف أمام المرآة؟

1 إن كثرت باليوم

4-من يختار لك ملابسك؟..وكم تخسر من المال على أناقتك شهرياً؟!!

الملابس ،، انا اختارها وشكلي أو اناقتي ما اصرف عليها شيء يذكر مقابل ماتربحه جرير أو العبيكان ... ( ما اقصد الغرور والله )

5- من هو مثلك الأعلى في الوسامة؟..ومثلك الأعلى في العبقرية؟!

الوسامة :: والله ما اخبر احد ، يمكن قطونا ،،، العبقرية :: أينشتاين و ليوناردو دافنشي

6- ابتكار لأحد العباقرة ساهم في تطور البشرية؟!!

الكهرباء لأديسون

7- مالذي يعيقك لتصبح عبقري؟!

الحمد لله ولا شيء ... العبقرية يا عزيزي في الدماغ اخاف تقصد الابتكارية ؟

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!

1- ما احتاجها ...
2- لو احتجت بلبس قناع اصرف ... لو معي ملايين الدنيا ! ...

شكرا لك ...

ابتسامــــــه

23-06-2004, 06:24 AM

وايد ناس مب عبقريه بس قادرين يعيشون بالمجتمع و وايد ناس مب وسيمين " ما أقصد فيها الكشخه " بس ما قادرين يعيشون بالمجتمع ولا المجتمع يتقبلهم :)

:)

Deadly Spot

23-06-2004, 10:05 AM

اتمنى ان صاحب الموضوع ما يزعل لاننا طلعنا خارج موضوعه ..

اكيد صاحب الموضوع بيزعل
احنا ذحين بنجاوب على الاسئلة ومالنا دخل في السعودية او الامارات
اتمنى من الاعضاء ان يبقون على حدود الادب
نرجع للموضوع الاساسي

1- كيفية إهتمامك بمظهرك؟!!
الصراح ماهتم في مظهري كثير

2-لونك المفضل وعطرك المفضل؟
الاسود وعطري المفظل العود

3-كم مرة تقف أمام المرآة؟
لما احلق الذقن :D

4-من يختار لك ملابسك؟..وكم تخسر من المال على أناقتك شهرياً؟
انا اختار الملابس واخسر تقريبا 70من المال

5- من هو مثلك الأعلى في الوسامة؟..ومثلك الأعلى في العبقرية؟!
اكيد كاضم الساهر وفي العبقرية محد

6- ابتكار لأحد العباقرة ساهم في تطور البشرية؟!!
الانترنت بكل تاكيد

7- مالذي يعيقك لتصبح عبقري؟!
الكسل لدرجة اني مالي عزيمة اني اسوي توقيع او موضوع

8- لو أن وسامتك تعتمد على إجراء بعض العمليات التجميلية ..هل ستفعل ذلك؟!!
لا

ومشكور اخوي على الموضوع