واخيرا تحقق حلمي (رزدنت ايفل على الPSP)

[Tomb raider]

السلام عليكم ورحمة الله وبركاته ^.^

شحالكم شباب شخباركم :D

صراحه مستانس رزدنت ايفل على ال PSP

فقد على حسب تقارير شركة كابكوم العملاقه
انها تملك بعض المشاريع للجهاز الرائع ال PSP

وحسب ما عرف الاغلبيه الاعلان عن فيوتفل جو وديفل مايكراي
في E3 هذا الشهر على غرار هذه الالعاب فقد تسربت تقارير ان رزدنت ايفل
واحده من بين اونيموشا و ميجا مان قادومن الي ال PSP

هنيئا لعشاق رزدنت ايفل (انا واحد منهم :D )

الخبر : من موقع الالعاب العربي

[Golden_Sun]

على حد علمي اونيموشا فقط المقرر اصدار جزء جديد منها .. لكن للآن غير معروف على اي جهاز
لكن RE على الـPSP شي جديد علّي ..

مو قادر اتخيل RE على جهاز محمول من بعد RE Gaiden :tongue2:
ياليت تكون ريميك لها :33: .. كانت فعلاً حلوه ^^ ..

[Tomb raider]

السلام عليكم ^.^

رزدنت ايفل جايدن ما عجبتني -.-
لكن ترا حلمي ما اكتمل يعني هذا هو الربع لكن الباقي كله
لتومب ريدر :tongue2:

اما عن سالفة الخبر هو من موقع الالعاب العربي :tongue2:
الله يعلم اذا اشاعه ولا فعلا هناك مشاريع ^.^
وشمكور مراقبنا ^.^

[النمسس]

شكرا لك على الموضوع يا أخي الغالي وننتظر ماذا سيوفر لنا مستقبل لعبتنا الرائعة الريزدنت إيفل ونعم كما قلت بان المصدر من موقع الألعاب العربي وتحديدا من هنا من هذا الموضوع:
ملاحق أونيموشا ، ريزدنت ايفل و ميغامان لجهاز الـPSP ؟ (http://www.games4arab.com/article.php?sid=5070)
وشكرا

[JAK]

لوووووووووووووووووول:p اخيرا :) انشالله سايلنت هيل بعد عشان اشتريهم اثنيناتهم في نفس اليوم :biggthump شمكور بولارا على الخبر و ناطرين الصور :tongue2:

[MrDeath]

As i always say when i read news that i like, COOOOOOOOOOOOOOOOOOOOOOOOL
i hope it's a remake of RE: Gaiden, i liked the story, the game style was bad, however, it's good for a game boy

See ya later,
MrDeath

[msm]

جزء من السلسلة الأصلية غير ممكن :33: .. أجزاء الجن سرفايفر ماتصلح بعد لأنها تعتمد على مسدس التصويب :09: .. أونلاين ماتنفع :tongue2: .. اذن جزء جديد أو ريميك لجايدن :D ..أو لعبة فرعية جديدة :biggthump ..

هذا اذا ماكان الخبر اشاعة :09: ..

متشكرين بو لارا ..

[SNYMA]

أتوقع الجزء راح يكون يا ريميك لجايدن اللي و لا عمري لعبتها :أفكر:
أو إنها جزء مشابه لأوتبريك
في كلا الحالتين اللعبة ما راح تكون من السلسلة يعني جزء فرعي. :p

[Digital Guy]

الظاهر اني راح الغي فكرة شراء PSP بصراحه اغلب الألعاب اللي نسمع عنها إما ريميك او فرعيه او اجزاء جديده لقصص صارت ممله من كثرت أجزائها
يا جماعه وين راح الأبداع وليش الشركات معتمده على اسامي الالعاب الكبيره هل هم يخافون أنه psp يمكن يخسر وانهم يعطونه دفعه بهذه الالعاب .............الظاهر جيه

[msm]

الظاهر اني راح الغي فكرة شراء PSP بصراحه اغلب الألعاب اللي نسمع عنها إما ريميك او فرعيه او اجزاء جديده لقصص صارت ممله من كثرت أجزائها
يا جماعه وين راح الأبداع وليش الشركات معتمده على اسامي الالعاب الكبيره هل هم يخافون أنه psp يمكن يخسر وانهم يعطونه دفعه بهذه الالعاب .............الظاهر جيه ترى للحين ماشفنا شي ..

الألعاب الحقيقية بنشوفها بالمعرض الياباني TGS 2004 مثل ماوعدتنا سوني ..

[SNYMA]

ترى للحين ماشفنا شي ..

الألعاب الحقيقية بنشوفها بالمعرض الياباني TGS 2004 مثل ماوعدتنا سوني ..
أنا أتوقع انه ما راح تجيب شي جديد غير نسخ تجريبية للألعاب , سوني أصلاً خلص كل شي عندها ما عندها شي ثاني.

[JAK]

أنا أتوقع انه ما راح تجيب شي جديد غير نسخ تجريبية للألعاب , سوني أصلاً خلص كل شي عندها ما عندها شي ثاني.؟؟؟؟ شفيك على سوني ؟ انت صبر الاشهر الجايه و بتشوف البلاي ستيشن 2 شبيسوي فالاجهزه الثانيه :o

[chris]

اهلا اخي الغالي تومب رايدر

وشكرا لك على هذا الخبر المفرح يا اخي الغالي

ما شاء الله لعبتنا بدات تغزوا اكثر الاجهزة تقريبا
البلاي ستيشن باشكاله
الجيم كيوب
الاركيد
الجيم بوي
الكمبيوتر الشخصي


بقي الاكس بوكس وما سوف ياتي بعده اذا كان يوجد

شكرا لك مرة اخرى يا اخي الغالي


سلام chris

[DeadLy_]

و الله لو كان الخبر مؤكد 100% :biggthump روعة

و اذا اصدروا بعد اونيموشا خلاص السوني 2 ماله لزمة :09: ..

اعتقد الاجيال القادمة بننتقل للاجهزة المحمولة :33: و الله فكرة حلوة :tongue2:

[msm]

أنا أتوقع انه ما راح تجيب شي جديد غير نسخ تجريبية للألعاب , سوني أصلاً خلص كل شي عندها ما عندها شي ثاني. كم لعبة عرضت في المعرض ؟ .. 20 لعبة تقريباً اذا ماكان أقل .. كم عدد الشركات الي تعمل على ألعاب للجهاز ؟ .. 100 شركة لكل منها لعبة واحدة على الأقل ..اذا ماكان أكثر .. أجل وين راحت الألعاب الثانية (بنشوف نصها في TGS) ..

وتقول خلص كل شي بعد :31: ..

[darkitp]

مبروكين شباب .. خبر مفرح للجميع ..
وان شاء الله جميع العاب البلاي .. وألعاب جديدة من كونامي و كابكوم و سكوير يونكس !
وشكرا عزيزي بو لارا :05:

[Tomb raider]

النمسس: العفو نمسسنا :D , بس اخاف الخبر يكون -.- اشاعه لانه من موقع الالعاب العربي
JAK7: شمكور على الرد :D في انتظار رزدنت 4 حاليا :D
MrDeath: i hope u liked the news < i didnt like RE:GAIDEN , where r u from uae ? thanks for replying ^.^
msm: شمكور مراقبنا . بس اقول وش السالفه كلهم يقولون ان جايدن حلوه , انا حطيت اللعبه في الانغاي وجربتها يمكن عشر دقايق , تنصحني اجربها .؟ وان شاء اله الخبر موب اشاعه , وشمكور ^.^
Cube_Lover: اتوقع انها تكون فرعيه , وشمكور على الرد ^.^
Digital Guy: اي صدق لاحظت ان الغبهم ريميك او اجزاء جديده لسلسلات قديمه , لكن بنشوف في المعرض نحنا , وشمكور ^.^
chris:شن\مكور على الرد ^.^ ان شاء الله على الدي اس بعد ^.^

sonykid: شمكور على الرد , احب الاجهزه المحموله :D

darkitp: ترا احسن الشركات هم كابكوم وكونامي وسكوير ما في غيرهم , وشمكور ^.^

[Son_OF_Liberty]

خبر مفرح
ماشاء الله اللعبه في تقدم وااضح
تشكر اخوي تومب رايدر على الخبر

[Homoud]

يعطيك العافية بو لارا على الأخبار الحلوه ... :biggthump

يعني ألحين كنت راح أشتري ال psp وبنسبة 90%

ألحين 100% راح أشتريها :D :D

[Tomb raider]

السلام عليكم ورحمة الله وبركاته ^.^

الهكر السعودي : شمكور على الرد ^.^ وفعلا في تقدم وعقبال الدي اس ^.^

جيل : شمور على الرد لما تنيو تاخذ شي لازم تقول انش اء الله ترا احسن ^.^
وشمكور ^.^

[Homoud]

جيل : شمور على الرد لما تنيو تاخذ شي لازم تقول انش اء الله ترا احسن ^.^
شمكور أخوي عبدالعزيز على النصيحه ;)

ألف شمكووور :D :D

[JAK]

تخيلوا ينزلون لعبه مشتركه بين كونامي و كابكوم : سايلنت ايفل مثلا ؟؟؟ :D ادري فكره سخيفه انشالله يطلع خبر نزول رزدنت ايفل و سايلنت هيل صحيح و انشالله في نفس الفتره :tongue2: :biggthump المشكله اني متعود العب بالجيم بوي اس بي في الظلام وانا راقد لكن رزدنت ايفل شلون العبها بروحي في الظلام:afraid: ؟

[النمسس]

سوف نكتشف لاحقا ما إذا كان إشاعة أم لا يا أخي الغالي تومب رايدر وشكرا