ay00na
31-05-2004, 07:44 PM
انــــا للــــه وانـــا اليه راجعون اجل لي اسبوع ادور احد اسولف معه ما لقيت <<<<< بدايه ساخنه
اولا سلام عليكم قميعن اتمنى يكون كويس وحبوب ويدش القلوب بس تراني ما سجلت عندكم الا عشان اكتب الموضوع والقهر اللي انا منقهره وماشي
كـــــنت صغيـــر (تخيلو ) بس كنت مضرب مثل بالعقل كنت اكوس واحد في الربع كلهم شوي شوي كبرت وكبرت دشرتي ولكن للاسف لم تصل دشرتي الى اوجها وقمه عطائها وازدهارها الا في ايام الثانويه ايام تحديد المستقبل كنت اغيب عن المدرسه كثيرا واذا حضرت كنت اعط من بدري من الحصص الاوائل نعم كنت اعط واحط رجلي ولا ادري وين انا حاطها ولكن كانت العطه هي همي الوحيد كثرت عطاتي وزادت دشرتي وزاد غبائي العلمي فلم اعد ادري وين الله حاطني فيه تخرجت من الثانويه بعد جهد جهيد و قله حيا جبت حصلت على تقدير الله اعلم به عندما احضرته لابوي واوريته (العن ام ذا الكلمه ماجت معي ) الشهاده قال لي بصوت حانق وصوت رجل معصب (اجل قطوه) اكلتك امك يا هذا اهذا تقديرن جايبه لي انت وخشتك
نقلب لغتنا احسن
المهم كبرت الوساده وبدت الدشره تزدهر وتتطور في عهد ربعي المعطائين والدشير تخيلو لدرجه انا من قوه الدشره تقول عوايل تونا متزوجين ما نغيب عن بعض كل ما قدمنا على وظيفه رفضنا واليكم كشف بالوضايف اللي قدمنا عليها وعرضت علينا واسباب الرفض سواءا منا او منهم
1=كليــه الطــب: هذي قالو لي قدم عليها قلت مالها مستقبل تبوني اتعب نفسي وفالاخير اتوسد الشهاده ( )
2=الكليات العسكريه:ذولي رحنا نقدم عليهم انا واخوياي قالو حنا قلنا تعالو قدمو وضايف ما قلنا تعالو العبو (العالم تقدم بملفاتها وانا واخوياي متكين نلعب بلوت فالساحه وندخن)
3=الجامعات:الجامعات مشكلتنا الوحيده فيها المقابله الشخصيه مافيه امل نتعداها مدري ليش تخيلو واحد سالني مره قال لو سرق منك زميلك محفظتك في المدرسه ماذا تفعل له قلت له يا ابو الشباب لو مانيب مخلص دراسه ماجيتك هنيا قال لا افرض انك للحين هناك وسرقها قلت والله لالعن ام امن جابته بعدين العيال وشهوله يقومون الصبح عشان اللي يتحرشون مثل ذا نلعن والدينهم (بالله هذا سبب يخليه يرفضني)
4=المجال الفني:ما لقيت يوم تخرجت الا ستار اقاديمي وسوبر سطار وكلها ما تناسب ولا ترتقي مع طموحاتي
حتى الخضره شريت لي ددسن 84 وكم جحه من ساجر (حبحب) وكل ما مريت من عند ديره فيها من الدشير اخوياي رميت عليهم كم حبه لين خسرت يعني مالي الا القعده فالبيت قاعدفالبيت درئا للمفاسد وسفكا لدماء المسلمين وحفاظا على امن الدوله وعدم ترويع الامنين من النساء والورعان مالي الا البيت اهلي وصابرين علي خشتي كل سنه احضر العيد معهم عادي امون ماعندي شغله الا قهوه وشاهي ودخان وبلايصطيشن وكمبطوطر وفصفص <<<<< ابدن ماهوب عبد كنت اسولف مع اهلي عادي السنه كلها وامون عليهم حتى اخواني الصغار امزح معهم اللي اشيله فوق والعب معه ثم احذفه بقوه على الارض ويقعد يبكي وافقعها ضحك عليه ثم اشيله وانطله على الخدامه واللي اربطه ورى الددسن واقعد اخمس به لين يدوخ واقف اطالع فيه واضحك واللي واللي (فريق قدم ذا موب اخوان)
قبل كم اسبوع قمت المغرب من النوم مثلي مثل اي داشر في بلدنا المعطاء اطالع كل العالم متغيرين علي ابوي اكلمه يقولي طس عني مانيب فاضي لك باذاكر لاخوك الصغير كل ما كلمت احد من اهلي قال وراي مذاكره قلت يا ولد مالك الا الشغاله رحت اسولف مع الشغاله <<<< يمون قالت لي مابي كلام دهين انا لازم سوي ساهي هق اخو مال انتا بأدين سوي اصير حق باقي نفرات في بيتكم قميعن يا ليل الليل مافيه احد فاضي لي قعدت اقلب راسي مدري وين اروح قلت باروح ادشرر مع العيال كل ما مريت واحد قال قاعدن اذاكر لاخواني قلت نعنبو داركم كل السعوديه مشغوله ما فاضي الا انا يعني رحت ادوج بالسياره مافيه احد يمشي غير انا طفشت وقفلت معي لدرجه اني فكرت انتحر بس ما ردني الا اني مسلم وللحين والى ذا الساعه وانا ادور احد ما لقيت قلت باجي انزل موضوعي عندك وعساني القى احد فاضي مثلي والا داشر ماعنده اخوان يذاكر لهم
مـــــــــايســــتفـــــاد
1=الــــى جمــــيع دشـــير الممــــــلكه تكاتـــفو وكـــونو يــــد واحــده فـي اختبارات والا غيرها
2= اللي ما بعد خلص ثانوي ولا بعد دشر يشد حيله ترى الدشره يبيلها معدل ويبيلها مجهود
3=لاحد يروح كليه الطب تراني اعرف واحد تخرج منها والحين شغال في مطعم في غبيره
4= الى كل داشر انتم عماد الامه لا يحطمونكم ترى الدشره ازين من الخفارات
وسلامتكم
اولا سلام عليكم قميعن اتمنى يكون كويس وحبوب ويدش القلوب بس تراني ما سجلت عندكم الا عشان اكتب الموضوع والقهر اللي انا منقهره وماشي
كـــــنت صغيـــر (تخيلو ) بس كنت مضرب مثل بالعقل كنت اكوس واحد في الربع كلهم شوي شوي كبرت وكبرت دشرتي ولكن للاسف لم تصل دشرتي الى اوجها وقمه عطائها وازدهارها الا في ايام الثانويه ايام تحديد المستقبل كنت اغيب عن المدرسه كثيرا واذا حضرت كنت اعط من بدري من الحصص الاوائل نعم كنت اعط واحط رجلي ولا ادري وين انا حاطها ولكن كانت العطه هي همي الوحيد كثرت عطاتي وزادت دشرتي وزاد غبائي العلمي فلم اعد ادري وين الله حاطني فيه تخرجت من الثانويه بعد جهد جهيد و قله حيا جبت حصلت على تقدير الله اعلم به عندما احضرته لابوي واوريته (العن ام ذا الكلمه ماجت معي ) الشهاده قال لي بصوت حانق وصوت رجل معصب (اجل قطوه) اكلتك امك يا هذا اهذا تقديرن جايبه لي انت وخشتك
نقلب لغتنا احسن
المهم كبرت الوساده وبدت الدشره تزدهر وتتطور في عهد ربعي المعطائين والدشير تخيلو لدرجه انا من قوه الدشره تقول عوايل تونا متزوجين ما نغيب عن بعض كل ما قدمنا على وظيفه رفضنا واليكم كشف بالوضايف اللي قدمنا عليها وعرضت علينا واسباب الرفض سواءا منا او منهم
1=كليــه الطــب: هذي قالو لي قدم عليها قلت مالها مستقبل تبوني اتعب نفسي وفالاخير اتوسد الشهاده ( )
2=الكليات العسكريه:ذولي رحنا نقدم عليهم انا واخوياي قالو حنا قلنا تعالو قدمو وضايف ما قلنا تعالو العبو (العالم تقدم بملفاتها وانا واخوياي متكين نلعب بلوت فالساحه وندخن)
3=الجامعات:الجامعات مشكلتنا الوحيده فيها المقابله الشخصيه مافيه امل نتعداها مدري ليش تخيلو واحد سالني مره قال لو سرق منك زميلك محفظتك في المدرسه ماذا تفعل له قلت له يا ابو الشباب لو مانيب مخلص دراسه ماجيتك هنيا قال لا افرض انك للحين هناك وسرقها قلت والله لالعن ام امن جابته بعدين العيال وشهوله يقومون الصبح عشان اللي يتحرشون مثل ذا نلعن والدينهم (بالله هذا سبب يخليه يرفضني)
4=المجال الفني:ما لقيت يوم تخرجت الا ستار اقاديمي وسوبر سطار وكلها ما تناسب ولا ترتقي مع طموحاتي
حتى الخضره شريت لي ددسن 84 وكم جحه من ساجر (حبحب) وكل ما مريت من عند ديره فيها من الدشير اخوياي رميت عليهم كم حبه لين خسرت يعني مالي الا القعده فالبيت قاعدفالبيت درئا للمفاسد وسفكا لدماء المسلمين وحفاظا على امن الدوله وعدم ترويع الامنين من النساء والورعان مالي الا البيت اهلي وصابرين علي خشتي كل سنه احضر العيد معهم عادي امون ماعندي شغله الا قهوه وشاهي ودخان وبلايصطيشن وكمبطوطر وفصفص <<<<< ابدن ماهوب عبد كنت اسولف مع اهلي عادي السنه كلها وامون عليهم حتى اخواني الصغار امزح معهم اللي اشيله فوق والعب معه ثم احذفه بقوه على الارض ويقعد يبكي وافقعها ضحك عليه ثم اشيله وانطله على الخدامه واللي اربطه ورى الددسن واقعد اخمس به لين يدوخ واقف اطالع فيه واضحك واللي واللي (فريق قدم ذا موب اخوان)
قبل كم اسبوع قمت المغرب من النوم مثلي مثل اي داشر في بلدنا المعطاء اطالع كل العالم متغيرين علي ابوي اكلمه يقولي طس عني مانيب فاضي لك باذاكر لاخوك الصغير كل ما كلمت احد من اهلي قال وراي مذاكره قلت يا ولد مالك الا الشغاله رحت اسولف مع الشغاله <<<< يمون قالت لي مابي كلام دهين انا لازم سوي ساهي هق اخو مال انتا بأدين سوي اصير حق باقي نفرات في بيتكم قميعن يا ليل الليل مافيه احد فاضي لي قعدت اقلب راسي مدري وين اروح قلت باروح ادشرر مع العيال كل ما مريت واحد قال قاعدن اذاكر لاخواني قلت نعنبو داركم كل السعوديه مشغوله ما فاضي الا انا يعني رحت ادوج بالسياره مافيه احد يمشي غير انا طفشت وقفلت معي لدرجه اني فكرت انتحر بس ما ردني الا اني مسلم وللحين والى ذا الساعه وانا ادور احد ما لقيت قلت باجي انزل موضوعي عندك وعساني القى احد فاضي مثلي والا داشر ماعنده اخوان يذاكر لهم
مـــــــــايســــتفـــــاد
1=الــــى جمــــيع دشـــير الممــــــلكه تكاتـــفو وكـــونو يــــد واحــده فـي اختبارات والا غيرها
2= اللي ما بعد خلص ثانوي ولا بعد دشر يشد حيله ترى الدشره يبيلها معدل ويبيلها مجهود
3=لاحد يروح كليه الطب تراني اعرف واحد تخرج منها والحين شغال في مطعم في غبيره
4= الى كل داشر انتم عماد الامه لا يحطمونكم ترى الدشره ازين من الخفارات
وسلامتكم