الى كل من يود الانضمام الينا من اهل الرياض !!!( network games)

[PC-PS2]

سلام شباب ... :biggthump
حبيت اطرح هالموضوع ويكون حلقة وصل بين الشباب في الرياض وحتى خارجها من الزوار (الكل مرحب به)
بقلّط في الموضوع (واحط العشا)!! :D قصدي اقول الزبده !!
مجموعتنا من الشباب تقريبا مابين 4-8 اشخاص (مدمنييييييييين لاالعاب الكومبيوتر خاصة العاب الpc ).
منهم من يعتبر من ضيوف الشرف مانشوفه الا كل شهر شهرين مره !!ومنهم اعضاء اساسيين في المجموعة ... على ان جمعتنا ماشاء الله الله لايضرنا كل اسبوع من يوم الخميس!! :05:

اللي يشوف في نفسة الرغبة انه يشاركنا حياه الله وحتى لو جاء ومعه مجموعه من اصدقائة ماعندنا مشكله !! :) وعلى فكره الشباب اللي راح تتعرفون عليهم زي العسل !! :tongue2: (مادح نفسة)!! :jester:
والالعاب اللي نلعبها مالها حصر اي لعبة جيده وقويه نخوضها ... وصراحه جو اللعب الجماعي ممتع بدرجه ماتتخيلون للي ماقد جرب ولعبها ... خاصة في العاب مثل جينرالز وبتل فيلد وكونتر سترايك وووووو... الخ!!! :)

وممكن التنسيق يكون عن طريق هالموضوع او الايميل والجوال بعد.

وعموما ممكن حتى نحدد مكان غير مكاننا المعتاد ولو اني افضل مقرنا لوجود التجهيزات الكامله ... واهم شيء المطاعم قريبة ((يقدر بطنه)) :D بحيث نجتمع في احد مقاهي العاب الكومبيوتر مثل (game network) مع الاخوان اللي بينضمون لنا ونتعرف على بعض (على اني متأكد ان كثيرين منا يعرفون بعضهم عن طريق المنتدى بس ) !! :33:

راح اذكر الاعضاء انشاء الله واسماء الـ(users) اللي تخصهم في هالمنتدى وغيره !! :)

وكلمة اخيره شباب ...
ترى الدعوه على ماقالوا (free) والبساط احمدي ومالها داعي نسمع عن واحد انه وده يجي بس يستحي انه يقابلنا اما لانه (غشيم)!!لاننا كلنا كنا غشم في البداية ... او لانه مايعرفنا اصلا وماعنده الجرأه انه يتعرف علينا (على انكم لو تعرفون الشباب من جد تحسون انكم تعرفونهم من زماااان من طيبتهم انشاء الله والله شاهد على كلامي )!! وكلنا تعرفنا على بعض في البداية بهالشكل ... وبعدين اللي يبي يستفسر عن اي شيء لايرده الا (لسانه وكيبورده)!! وانشاء الله يكون خير !!

القصد من ذا كله انه نستمتع بهوايتنا في العاب الكومبيوتر ونستفيد من خبرات بعض

وانشاء الله القى تفاعل في هالموضوع خاصة ان الصيفية في بدايتها والاجازه طويله !!!
نشوفكم على خير :ciao:

[game pro]

وانا جاهز اخوي

بس شلون تلعبون يعني بطوله ولا كل ماجا في راسكم لعبه لعبتوها
بعدين اخاف اهزمكم تتوطون في بطني وانا لحالي:09:


بس تصدق شكل اللعب فلللللله

على العموم ودنا نشوف رأي الشباب الباقيين وش يقولون

تحياتي GAME PRO

[BLACK _G]

Wow...that`s pretty nice

but as u said im very foooooool :sour:

and also im very cute :23:!!!!!!!!!!!!!!!

:jester:

بس أنا ما فهمت وش الميزة بالضبط ؟ يعني الميزة ان الاجتماع في بيت وكل واحد يجيب جهازة Lan Party ولعب ببلاش (عز الطلب :biggthump ) والا الميزة ميزة تعارف ؟

[PC-PS2]

game pro.....
حياك الله ... وترى اللعب مفتوح ... كل ماطقة براس واحده لعبة ووده يلعبها نسوي مجلس تشاوري ومؤتمر وعقد قمّة ... ونهذري ساعتين ... ثم نتهااااوش !!! ههههه !!! ((امزح بس متأثر بعقد القمة العربية ))!!
لالا اللعب مثل ماتحب ... واي واحد منا يقترح لعبة الشباب تلقاهم معك ... بس اهم شيء عندنا نستانس ونكسر روس بعض !! :D

وبعدين من ناحية انك تهزمنا وانت لحالك ماعليك ... بصير انا وياك بفريق ((يدور الفوز))!! :D وبعدين لاتخاف اكرام الضيف ثلاث مباريات تفوز على كيفك ... بعدها ما اضمن بطنك مايجية شيء ههههااااي !! :biggthump
اللعب فله وشقة مفروشه بعد بس نبي تحدي وتكسير روس وامريكان بعد لووووووووووول.

:ciao: حياك اخوي

==========================

BLACK _G...
اهلييييييين خيو ... لايهمك اخوي كلنا كنا من جنب القدة وتعلمنا !!! :D
وبعدين اللعب مثل ماقلت ((وببلاش اكيد)) ولا وش الفايدة اننا نجتمع بغير مقاهي النت !!
ابد جب جهازك وعدتك وخل الدورة التدريبية المكثفة علينا !!! :biggthump

وبعدين من اللي قال لك ((ميزة تعارف))؟؟!! صحيح ان القصد الاساسي الاجتماع والفلة واللعب بس اكيد اذا تعرفت على ناس طيبة وحبيبين بتستانس اكثر ...

:biggthump

========================

وبالمناسبة الشباب اغلبهم من هنا بنفس المنتدى ... بذكر منهم .....
Striker
Soupernova
Am as (pc-army)
وفية ثلاثة من منتدى النبراس واحيانا يكونون اربعة ....
واعضاء الشرف كثيرين منهم MoaeD وعضو قديم اسمة Digetal على انهم كانوا اساسيين بس انشغلوا عنا الفترة الماضية ... ويمكن تكبروا ((هههه واحد يدق))!!
وبعد احيانا قريب فلان او قريب علان
بس ماحصل واجتمعنا مرة اكثر من 9 ... وغالبا غالبا كانت اجتماعاتنا من 3-6 ماتزيد من فترة طويله ....

عموما اللي حاب يجي وتأكد انشاء الله ممكن يرسل لي رساله على الايميل او رسالة خاصة بالمنتدى وحتى اللي يبي يناقش ويسأل عن امور اكثر ممكن يراسلني . :33: :06:

;) :ciao:

[MatrIXSa]

^
^
^
هلا والله عاش من شافك من زماان عنكم والله

بس ماعلييه بحاول يوم من الايام اجي عندكم ..بكلمك

تحياتي :)

[game pro]

وانا على بالي انه مايحتاج جهاز (الاخ يحسب انه عندكم خدمات مجانية )

اما اجيب جهازي هذي انقزها:09: وين شاشه 17 عادية وكيس قد راسي كبير
وكيبورد وماوس لو فيه حل ثاني ممكن افكر اما كذا احسها قويه

[BLACK _G]

ايه أتوفع انها راح تكون استعراض أجهزة :أفكر:

who can beat me ? :cool:

بس ماعليه الواحد يشوف اجهزة غيره ويشوف كيف الأداء وياخذ خبره :)

بدل أقعد أناظر في أجهزة ربعي واحد مركب TNT والثاني توه على بانتيوم ون :p <=== الله يعينه لو سمعوه :blackeye:

بس وين الشباب للدرجة ذي حلوين :jester: :biggthump

[MatrIXSa]

^
^
اذا ماجا كودكس اتوقع جهازي اقوى :) <==== اييه افلقني

[PC-PS2]

BLACK _G....
اوكي شيك على رسايلك الخاصة بتلقى رقم الجوال اذا ودك عندنا جمعه قريبة انشاء الله الاحد او الاثنين... بمناسبة الاجازة
لاننا امس كان الاجتماع الدوري الاسبوعي ... وصراحة شباب لو ما اذن الفجر وماورانا صلاة الجمعة كان كملنا للصبح !!لوووووووووول!!! ادمااان!!

==============

VengaBoys...
فاتك نص عمرك امس بالذات ... كان سوبر نوفا واثنين من الشباب اظن قابلت واحد منهم في المقهى ... ضد فريقنا اما وسترايكر وعضو من النبراس برضه انت قابلتة هناك مرة وحده بس والسابع كان داخل معنا يبي يلعب لحاله علشان ينكدّ هههههههه...!!! يبي يكون نشبة للفريقين !!! :D
بس اخر 3 اقيام كانت قوية وانتهت 2/1 ... وعندهم هدف تسلل !! ههههههااااااي !! :biggthump

[جـون سينا]

وانا بدخل معكم :)




تحياتي لكم على طرحكم لهذا الموضوع اللي يفتقر له المنتدى وبشده;)



ملاحظة : انا ترى مني من الرياض انا من تبوك الورد :cool:

[PC-PS2]

جـون سينا...
هلا فيك ... اذا قصدك انك ممكن تزور الرياض وودك تجي حياك الله ... والعشاء علينا بعد !! ههههه :D
ارسل لي رسالة خاصة او على الايميل ويكون بيننا تنسيق انشاء الله.

واذا قصدك اون لاين صعب نجتمع كلنا !!

:ciao:

[Striker]

^
^
اذا ماجا كودكس اتوقع جهازي اقوى :) <==== اييه افلقني


سلام.
وين الناس لا حس ولا خبر. الصراحه بعد ما سحبت علينا ذاك اليوم ما عاد طلبتك تجي مره ثانيه قلت تجي منو. اذا كنت شايف ان شيلت الجهاز صعبه اجل ايش تقول عننا الي كل اسبوع طايرين بأجهزتنا وبعضنا يجيب جهازين معاه من 4 اشهر بشكل منتضم كل خميس.
اشوفك ان شاء الله قريب

[MatrIXSa]

^
^
^
هلا والله سترايكر معلييش والله والله كنت ناوي اجي وانا وواحد من شباب بس كان فييه تحدي كاونتر سترايك وانا عاد كل شيء عادي الا كاونتر <=== ادمااان

على عموم رقمك عندي راح ادق علييك انشالله بوقت قريب قبل لا اسافر

تحياتي :)

[PC-PS2]

الا على فكرة ... الاحظ ان اللي يحدمنون جينرالز مايحبون كونتر سترايك ... والعكس وانا اقصد كادمان فيه فرق بين عادي او احب العب كونتر سترايكوبين ادمنت كونتر سترايك !!!

وملاحظة ثانية بس فكروا فيها قبل ماتتكلمون ؟؟!!!
اللي يلعبون جينرالز ... تلقاهم غالبا هاديين ولاهم حقين دخان .... واللي يدمنون كونتر سترايك ... تلقى الاغلبية مدخنين وعصبيين !!! ليش ما ادري او ان ملاحظتي واقع صدفة لجو انا عايشة !! :D
يمكن!!!

المهم العاب الاستراتيجي احلى وافضل بكثييييير وهذا رأيي ومن حق اي شخص ان يبدي رأيه بعد !!! :33:

:05: ;)

[Cool NEO]

ههههههههههههههههه PC-PS2
ملاحظة قوية

[الأزرقاني]

انا ما عندي مانع لكني أفضلها في مقاهي النتورك...ويا شباب طلب تكفون لاحد يردني وخصوصا PC-PS2 لان شكلك عندك الجواب..

أبغى محلات نتورك في الرياض و تكون في شمال الرياض... يعني صراحه دخت .. كان اتعامل مع محل و صكته البلديه(اللي قدام الماسه الزرقاء) وبعدين حولت على محل ثاني على الامير عبدالله و صكته البلديه من أسبوع.. والحين بديت في واحد جديد لكن متأكد انه بيصكونه .. المشكله اني ما اشوف فيه شي يدعو الى انهم يصكونها؟؟ مافي اي شي غير شرعي..غريبه والله...يعني اتمنى اللي يعرف محل كويس يعلمنا و مشكورين.

[MoaeD]

وبالمناسبة الشباب اغلبهم من هنا بنفس المنتدى ... بذكر منهم .....
Striker
Soupernova
Am as (pc-army)
وفية ثلاثة من منتدى النبراس واحيانا يكونون اربعة ....
واعضاء الشرف كثيرين منهم MoaeD وعضو قديم اسمة Digetal على انهم كانوا اساسيين بس انشغلوا عنا الفترة الماضية ... ويمكن تكبروا ((هههه واحد يدق))!!
وبعد احيانا قريب فلان او قريب علان
بس ماحصل واجتمعنا مرة اكثر من 9 ... وغالبا غالبا كانت اجتماعاتنا من 3-6 ماتزيد من فترة طويله ....

عموما اللي حاب يجي وتأكد انشاء الله ممكن يرسل لي رساله على الايميل او رسالة خاصة بالمنتدى وحتى اللي يبي يناقش ويسأل عن امور اكثر ممكن يراسلني . :33: :06:

;) :ciao:
لا والله ما عاش من يتكبر عليكم .. بس الفتره اللي راحت انشغلت بدراسه الله لا يوريك .. الدكاتره كلهم استلمونا كرف .... وبعد ما صرت العب اي العاب ما عدا فاينال فانتزي يعني الألعاب الثانيه ما صرت حتى افكر اركبها بجهازي :blackeye: ... على العموم اتمنى القى فرصه اني اجيكم قريب انشاء الله .. بس لا تتوقعون اطول لأنه بجي طلع عشان اسلم على الشباب وأمشي ..


وفكرتك حلوه والله هاني وانشاء الله تلقون منافسين على المستوى :ciao:

نشوفكم على خير .. سلملي على الشباب كلهم :)

[PC-PS2]

Cool NEO... :)
الله يكفينا شرك !!! :wow: شكلك تبي تورطنا ولا تتشمت بواحد من خوياك حاقد عليه !! :D
وانا من يوم ماشفت هالعلم الاسود والعظمتين بجنب اسمك وانا شاكن فيك !!! هههههه :biggthump

تسلم !! :ciao:

===========
اخوي الأزرقاني...
مابغيت ارد عليك علشاني توقعتك هلالي !!! (متعصب نصراوي ماشاف بطولة من 7 سنين )!! :tongue2: ((امزح)!!
والله ياخوي ... خوفتني شكلك ((نحس)) !!! :wow: على كذا مابقى الا محل واحد بس والله يستر علية !!! :D
وعندي استعداد تام اقولك وينه فية علشان يسكر بعد !! تدري ليش؟!! ((كله اللي هناك اغلبهم مدمنين كونتر سترايك وانا ما احب هاللعبة ))!! وخاصة انها ساحبة ناس كثير عن جينرالز !! :09: (واحد حاقد على هاللعبة))!!
شف ياطويل العمر بوصفلك ... ولو اني ودي تشارك مع مجموعتك ونتقابل !!! المحل بشارع الثلاثين ... ابتل سيده وخل الفيصلية وراك ووجهك شرق بتجيك اشارة التميمي وبيكون يسارك بالظبط ... تعدى الاشارة بتمر وعلى يمينك ماكدونالد ... كمل الى 250 متر بعد المدرسة اللي بتصير يمينك اول ماينتهي امتداد سور المدرسة بتجي لفة يمين خلها بتلاقي اول محل ثاني محل >>>>تلقى واحد يبيع عصير (مانجو) على كيفك!!! :D ... قصدي بتلقى المحل ... اسمة game network) بس اذا منت راعي كونتر سترايك بتلاقي العنصرية هناك !!! :D

سلام . :biggthump

=========

هلا والله بــMoaeD...
وينك ياعدو نفسك !!! والله مالك حق ... نبي اقل شيء نمتع عيوننا بشوفتك ((صحححح يالاطخم))!! وبعدين زمااان عن تكسير الروس !!! :D
على فكرة كلمت علي وانشاء الله يجي الخميس ذا ... نبيك تسّير اوكي ياغالي!!! ;)
ومبروك النتايج مقدما ... :)

[MatrIXSa]

PC-PS2

لالالالا خلاص محل حق ابو النون ابشرك معاد صارو يلعبون كاونتر ... صارو يلعبون جنرالز زيرو هور والا فاركراي .. على كذا تركتهم حولت على المحل ثاني اسمه القلعه ...:)

تحياتي :)

[Touya]

فله... ودي أتلاطخ معكم.. مشوار من الأحساء للرياض المشكلة!

بس حاصلي شلة نيتورك.. ذاك اليوم شبكنا حوالي ال14 جهاز.. وقومنا ام الزحمة. أتمنى لو نحصل فرصة مباراة إقليمية :P

وعذراً لكني حاب أبين شذوذ في النظرية.. أنا أحب Counter Strike و C&C:G:ZH .. يعني شباب مهوب لازم هالتعصب ماتسوى كلها فله ولعب.

إن شاء الله تحصل لي فرصة للزيارة مع شباب فله.

[Abo Naif]

مشكور اخوي على هالفكرة ...بس حبيت اسأل فيه بطولات عندكم ولا Free4all ؟


وسلمني على مؤيد و سوبر نوفا قلهم Islam_Soldier :)

[الأزرقاني]

مشكور جدا .. لكني أعرفه :D االلي رعيه ماشاءالله توف تبارك الله ابيضاني شوي .. هذا عيبه بعيد شوي و 24 ساعه مزحووووووووم....على العموم مشكور أخوي و ما قصرت..ويليت من الأخ اللي قال فيه محل اسمه القلعه يعطينا الوصف الله لا يهينك..وشكرا مقدما:)

[MoaeD]

هلا والله بــMoaeD...
وينك ياعدو نفسك !!! والله مالك حق ... نبي اقل شيء نمتع عيوننا بشوفتك ((صحححح يالاطخم))!! وبعدين زمااان عن تكسير الروس !!! :D
على فكرة كلمت علي وانشاء الله يجي الخميس ذا ... نبيك تسّير اوكي ياغالي!!! ;)
ومبروك النتايج مقدما ... :)

اما اطخم وخر بس :p

وانشاء الله لا فضيت بسير :)

واما النتايج الله يستر عليها ...

[XxX DiGiTaL XxX]

والله انا واخوياي كل يوم في بيتي واجهزتهم تاركينها عندي 6 اجهزة وكل يوم كونتر سترايك ولا جينيرالز ولا وور كرافت ولا باتل فيلد ديسرت كومبات لعب على كيف كيفك وبلاش اللي وده يجي ترا عادي البيت بيتكم يرسلي خاص ونشوف

[PC-PS2]

علي الله يرجك ... الحين انا جاي اسوي دعاية تبي تكسر سوقنا !! :D

طيب تعال يالعجّاز انت وخوياك .... وعلى فكرة شباب انا متأكد ان 80 % من الشباب اللي يقدرون يجون عندنا يتعيجزون شيلة وحطة الجهاز !!! اجل وش تقولون عنّا !! كل خميس شيل وحط ... وبسام المسكين مايقصر خادم الشباب بجهاز ثاني بشاشتة !!! ولعلمكم كل هالتعب بالنسبة لنا يزول بعد الوناسة اللي نلقاها في ذاك اليوم ... ياخي يكفيكم كافيين خيرنا شرنا ولا نسبب ازعاج لغيرنا !!! :)

علي برجع ادق عليك جوال قبل يوم الخميس .. وانسق معك انشاء الله .. عشان نخلي الجمعة بدل ماهي 4-6 لاعبين تصير 10- 12 !! ونقلبها بتل فيلد فيتنام وانبغيتوا كونتر سترايك واهم شيء ببلاش !! لوووووووول وش رايكم شباب !! :D

[BLACK _G]

ياخوي وش الفايده من كلامك ذا كوووووووووووووووووووووووووووووووله ؟

في الأول قلت حيا الله بالجميع والحين أشوفك تعزم اللي تعرفهم بس :(

يعني ماشفتك قلت خلاص شباب في اليوم الفلاني في الموقع العلاني راح نجتمع حياكم والا خايف يطبون عليك ارهابيين :p

ياريت ترسلي رساله في الخاص تقلي كل شي بالتفصيل (المكان-الموقع-اليوم-متطلبات الجهاز-عشى والا غدى أو أكيد راح يكون فطور على الفجر :p ) والا اذا ما تبيني بكيفك :أفكر:

مشكوووور :D

[PC-PS2]

BLACK _G .... ههههههههههه الله يرجك ... وش فيك علي .. والله انا قاعد استقبل رسايل من الشباب اللي يبيون يجون ... وصدقني الشباب بعضهم متاابع للموضوع وخاصة ردك !! ياعالي ... ;)

وحنا نبيك ونشتريك بعد يابعدي !!! :D والشباب بنتظارك اوكي .. برسل لك رقم جوالي دق علي اليوم اوكي .. بكرة فية جمعه انشاءالله ... والى الان مقترح مكانين بنتختار حسب عددنا .
:biggthump

((ملاحظة اذا ما استقبلت رقم جوالي على الخاص بلغني اوكي وانا ادق عليك !!),, :ciao: ورد بسرررررعه :)

[PC-PS2]

شيّكوا على الرسائل ياشباب .. ;)

[شاوكان]

ابي اكسر راس واحد في الجنرال
وجهازي علا اتم الاستعداد للتحرك للرياض
انا قريب من الرياض في الخرج

ويله نبي نزحف

ابيكم تراسلوني تكتبون الموقع حق الجمعه وكم واحد صامل انا صامل



وعلا فكره لازم يكون مواصفات الشباب كامله حقت الاجهزه

يعني يلزمنا هب وكروت شبكه

ردولي الحين لاني متحمس بسررررررررررررررررررررررعه

[PC-PS2]

هلا والله فيك ... ليتك راد قبل يوم امس كنت اجتمعت معنا !!! :33:
على العموم لنا جمعه ثانية قريبة انشاء الله ... بس دق جوال علشان ننسق من الحين .. وحياك اخوي :biggthump

على فكرة برسلك رقم الجوال رسالة خاصة بالمنتدى ... ;)

:ciao:

[Atsmknv]

السلام عليكم ورحمة الله وبركاته


ما شاء الله يا شباب أشوف الحماس عندكم غير طبيعي والله حمستوني أني أزوركم إذا جيت الرياض المرة الجاية ، على فكرة حنا عندنا هنا بالأحساء مجموعة شباب بعد يتجمعون عندي بالغالب في مزرعتنا وأكبر مرة سويناها كنا 15 جهاز وكان معنا العضو Touya بعد وهذي صورة من أخر تجمع لكنه للأسف كان 13 جهاز بس :09:

على فكرة حنا الألعاب اللي نلعبها بالنيتوورك هي:-

Call of Duty
Unreal Tournament 2004
Halo
C&C: Generals Zero Hour
Far Cry

_______________

إن شاء الله إذا كان بترحبون فينا ( أحم ) راح نزوركم بالرياض أنا مع Touya مع أجهزتنا ونلعب معكم كم مباراة.
أتمنى منكم الرد


تحياتي
:ciao: Atsmknv

[PC-PS2]

اكييييييد والله يحييكم ... واحسن حل علشان التنسيق .. تتصل على الجوال .. برسلة لك على الخاص اوكي.
واكيد انشاءالله كل يوم خميس ولكن مايمنع ننسق جمعه بوسط الاسبوع في الاجازة :)

:ciao:

[Atsmknv]

خلاص إن شاء الله راح أراجع الخاص ، وتوقعوا منا نزلة قريبة عندكم بالرياض :)

[PC-PS2]

اوكي .. على خير انشاءالله بس لازم تبلغني اذا ماوصلك رقم الجوال!!

:ciao:

[supernova]

هلا Atsmknv

أخبارك وين الغيبات ياهو

اجل جاي الرياض انت وشلتك ها :P

عسى جميل وحمزة معاهم هههههههههههههههه

تعالوا نلعب cvs2 لأن عندي ديون ما سددتها لكم خصوصا جميل :bigeyes:
وحمزة يتحدى بعنف في GGX:Re خلينا نشوف صدق ولا خرابيط :09:
واذا مافي مانع DOA3

(خربت على بي سي ارمي اكيد رح انفرش :blackeye: )

ايه نسيت اقول اذا ناوين على نزلة ع الرياض ياليت تقعدون كم يوم عشان نكسر روسكم مزبوط و"نحللكم" :biggthump

سي يو :ciao:

[PlayStation3]

السلاااااااااااااام عليكم ورحمة الله وبركاته


هلا اخوي PC-PS2 والله حمستني اجي عندكم :) بس المشكله كمبيوتري معدوم وكرت الشاشه TNT :p

بس انشاءالله راح اشتري كمبيوتر جديد قريباً :biggthump مع كرت ATI 9800 Pro مدري XT

المهم اخوي PC-PS2 لازم يكون عندي كرت شبكه وسلك :06: ولا كل شي موجود عندكم :أفكر:

والأهم اعمار الشباب؟؟؟ لاني ودي انظم معكم بس احس اني راح اكون اصغر واحد فيكم :o

فياريت تقولي اعماركم من كم لكم؟

[Atsmknv]

هلا Atsmknv

أخبارك وين الغيبات ياهو

اجل جاي الرياض انت وشلتك ها :P

عسى جميل وحمزة معاهم هههههههههههههههه

تعالوا نلعب cvs2 لأن عندي ديون ما سددتها لكم خصوصا جميل :bigeyes:
وحمزة يتحدى بعنف في GGX:Re خلينا نشوف صدق ولا خرابيط :09:
واذا مافي مانع DOA3

(خربت على بي سي ارمي اكيد رح انفرش :blackeye: )

ايه نسيت اقول اذا ناوين على نزلة ع الرياض ياليت تقعدون كم يوم عشان نكسر روسكم مزبوط و"نحللكم" :biggthump

سي يو :ciao:
هلا والله بسوبر نوفا

والله الحمد لله الاخبار عال العال ، أنت كيف اخبارك ؟؟ واخبار الشباب ؟؟ إن شاء الله كلهم مرتاحين؟؟

قبل لا أنسى حمل الصورة اللي ارفقتها بردي القديم لازم تشوفها أنت بالذات :biggthump

بالنسبة للي كان بيجي معي فهو Touya أكيد ، لكن بالنسبة لحمزة وجميل أنا راح أخليهم يجون ومثل ما أنت عارف حمزة أوكيك بس جميل يبيله يومين محاولات :o :o

عموماً إذا كانوا بيجون معي أكيد راح نجلس يومين على الأقل هناك حتى يكفي الوقت :33:

بالمناسبة حمزة فعلاً رهيب في GG على حسب معلوماتي :)

انتظروا مني إتصال قريباً : سوبر نوفا + بي سي بي اس 2

تحياتي :ciao:

[PC-PS2]

هلا والله PlayStation3 ...
وعليكم السلام ورحمة الله وبركاته... حياك الله اخوي وانشاءالله تعجل بالجهاز الجديد ومبروك مقدما . :)
بالنسبة لاغراض التوصيل .. احنا جاهزين انشاء الله كل المطلوب منك جهازك كااامل ... ولا ازيدك بعد انه ممكن اذا نسيت قطعه بسيطة من القطع مثلا البور سبلاي انحرق بالغلط تلقى عندنا سبير واذا ناقصك شاشة ندبرها واذا كيبورد او ماوس برضه تلقانا ... وشيء مهم وميزة اضافية ان سترايكر زميلنا مايقصر يتعب نفسة ويجيب جهازين كل مرة جهازه وجهاز احتياطي للي ماعنده جهاز!! شفت قد ايش حنا نسوي الشيء الكثير بس الجلسة تكمل ... وترى بعد المكان تقريبا مو ناقصة شيء من كيابل وسويتش وحتى طاولات ... وانشاءالله اذا الشلة صارت اكبر نصلح مشروع اكبر !!! :D

اشكرك انك طرحت موضوع الاعمار وانا ماذكرته لاني ماكنت اتوقع فية مشكله بالاعمار .. لان بالنسبة لي احسب عمر الواحد حسب خبرته بالعاب البي سي!!! :D مقياس غريب لكن افضله في جمعتنا ... :) وعلى فكرة ... ان كنت تظن انك اقل واحد فينا بالعمر اظن انك غلطان لان اصغر واحد فينا هو ولد خالتي ويدرس بالمتوسطة !!! :05: ولو انه مايجي دايم لانه ماعنده جهاز .... (اخلية يلعب على جهازي شوي وانا نفسي اكمل ),,, ماقدر اشوف الناس تلعب واقعد اتفرج خاصة مع الشلة حقتنا بالذات والتحديات القوية اللي فيها . :p
الزبده ان مشكلة العمر مالها سنع عندنا تعال وبترتاح اكيد انشاءالله . :ciao:

===========

Atsmknv...
على خير انشاءالله ... ومن الحين اجل سوبر نوفا مع شلتكم وحنا نتحداكم نبي نكسر الرووووس!!! :D :cool:
على الاقل نفتك منه كل ما انهزم صاح علينا ونقعد نراضيه !!!! هههههاااااااااااي ....((شكلي باكلها منه))!!! :biggthump

[BLACK _G]

هلا أخوي DR.X :)

قتلك لا تهتم فيهم يا عزيزي دوخة راس فقط :أفكر:

ج1 : لا لا تختلف في جميع الكروت الجديدة اللهم الراديون يفرق عن الجيفورس ان له 16XAF .

وصدقني الدرجات العاليه صعب تلعب فيها يعني اذا لعبت 4AA مع 4AF مع رزلوشن مناسب كفااااااااااااايه :)

وانسى فكره تشغيل هاتين الخاصيتين في دووم وهالف لايف :أفكر:

ج3: نعم كما قلت من خلال برنامج ياتي مع الكرت تستطيع تغيرهم حتى اني أقوم أحيانا أثناء اللعب بانزال اللعبه الى أسفل (شريط المهام) وأقوم بتغيرهم ثم ارجع الى اللعبه لاختبار الأداء أقلك دوخه :afraid:

ج4 :الكرت الذي رآه صاحبك العزيز هو MSI GeForec FX 5600 XT أملك نفسه تقريبا لكن بدون XT و 128Bit بدلا من 64Bit واختلاف في سرعة قلب المعالج واشتريته بـ900 ريال وللأسف الشديد اختفى الموديل حقى وحل محله هذا الموديل والناس تنخدع فيه :أفكر: ولا أستطيع بيع حقي بسبب سعر هذا الموديل :vereymad:

ج5:لا أدري للأسف :أفكر: اللي أعرفه ان 256=128 وليس هناك ادنى اختلاف مع ان السعر يفرق حوالي بـ500 ريال :)
مثلا الـRadeon 9800 Pro 128MB بسعر 1200 ريال ونسخة الـ256 بحوالي 1700 ريال

ولك ان تنظر الى الاختبار السابق وترا ان الفرق 1 فريم فقط !!

ج6:لم اسمع ان هناك علاقه بينهما من قبل :أفكر: على العموم الاختلاف بين شاشه 17 بوصه وأخرى 19 سيكون في الرزلوشن ( دقة العرض ) اي ستحصل على دقة عرض أكبر لكن في الأخير راح تعتمد هاذي الزياده على قوة كرتك :)

ج7 : لا طبعا انظر الاختبار السابق .

ولك هاذي الصفحة فيها اختبارين واحد على لعبه XIII والثاني على لعبة Call of Duty والكروت المختبره هي الـ5900Xt والـ5700 والـ9600XT :)

اضغط هنا (http://www.hardocp.com/article.html?art=NTk5LDc=)

ج8 : اتوقع الاجابه معروفه :أفكر: أخي العزيز طبعا الرام مهم اذا قتلي مثلا رام 64 ورام 128 أقلك فيه في فرق لكن فوق الـ64 يعتبر الرام آخر شي ينظر اليه :)

ج9: أنا أقصد الموديل اللي من MSI بـ1500 ريال لكن اللي من ATI بـ1200 ريال :)
وأفضٍل MSI وبشده لأن نظام التبريد في كرتها أفضل من Built By ATI :)
لكن يعتبر سعر الكرت غالي لأن المحل حرامي :vereymad:
وعلى فكره أنا قتلك بـ1200 ريال على أساس أقل سعر لكن جايز انك تلاقيه بأكثر خاصتا انك في السعوديه :أفكر: بهذا الموقع فلا تخشى منه (http://www.bluemeel.com/index.php?dc) :)

واعذرني من أي تقصير وشكرا :)

[PlayStation3]

الله يبارك فيك اخوي PC-PS2

انشاءالله اول مااشترى الكمبيوتر راح تلقاني كل خميس عندكم :أفكر: ولا اقول كمبيوتر اخوي بسام(سترايكر) الاحتياطي في احد يستخدمه :tongue2:

وش رايكم تخلون الجمعه حقتكم كل يوم :biggthump <-- مزعج

وبالنسبه للاعمار :p ... انا بالابتدائي :09: بس خلاص مافي مشكله لانك تقول انك تقيس عمر الواحد على خبرته بالحاسب.... فما يهم اني بالأبتدائي :cool:

خلاص الوعد الجمعه الجايه :blackeye:

[PlayStation3]

امزح معاك اخوي PC-PS2 :biggthump

انا مو بالابتدائي ;) انا ناجح للمتوسط :cool:

وانا الحين خارج الرياض ولما ارجع للرياض راح اشتري الكمبيوتر انشاءالله :o واجي العب معكم...


:ciao: :ciao: :ciao: :ciao:





انتظر :bigeyes: انتظر :bigeyes:

لاتصدق اني بالابتدائي ولا اني بنجح للمتوسط :D ههههههههههههههههههه

:ciao: :ciao: :ciao: :ciao:

[Cool NEO]

أهلين شباب
انا كنت موجود قبل كم يوم -- ما اذكر السبت او الاثنين او الاربعاء
لو تسألوني اليوم ايش ما ادري :06:
المهم اللعب فله وحلو 3 ضد 3
والأحلي شفت الشباب من زمان عنهم بسام - هاني - فهد - غير الشباب الجدد توني متعرف عليهم
--
ايه PC-PS2
نسيت اقولك الشاشة انكسرت وانا راجع البيت
كالعادة اسرع - ويوم وصلت الاشارة الا الاسمع صوت في المقعد الخلفي قلت ماني فاضي اشوف
الين وصلت البت وانصدمت ان الشاشة انكسرت :mad: :mad:
قهر 17 بوصة LCD :vereymad:
--
بخصوص الاعمار PlayStation3 :33:
اعتقد معظم الشباب في الجامعة اذا ما كنت غلطان
-
عمري23 طالب جامعي :cool:

[[c.o.d.e.x]]

السلام عليكم :cool:

كيف الحال جميعاً , مشتاقلكم والله

ماشاء الله الشباب متحمسين , وماشاءالله عليك يا PC-PS2 قايم بالواجب وزود

أخبارك وأخبار الشباب كلهم !

أنا أحد أعضاء المنظمة القديمين (Forbidden) حالياً :33: مشغول مرة :(

ولا اسالوني عن هذي الجمعه , لا تقدر بثمن , فله ! والأهم الشباب الطيب اللي فيها , صحيح إني شبه إنقطعت , لكن يكفيني إني تعرفت على الشباب

انشاءالله أجتمع معاكم قريباً , متى ما سنحت لي الفرصة

تقبلوا تحياتي ..

[Atsmknv]

هلا والله PC PS2


على فكرة أنا كانت أصعب شغلة عندنا في الجية هي موضوع الشاشة أنا شاشتي 19" عادية ماهي LCD يعني بتعذبني شوي ما أعرف هل فيه شاشة زايدة عندكم هناك :05:

بالنسبة لخويي عنده شاشة في سيارتي 17" من أخر مرة تجمعنا ومانزلها :D :D

يا ليت تردون على هذا الموضوع ، وعلى فكرة ما فيه أي لعبة ناقصتكم وألا شيء علشان أسويها Images على جهازي من اليوم ( أحم علشان أفضي لها مساحة أول ).

على فكرة نسيت أقول حاجة بعد إذا تلعبون Call of Duty أنا منزل لها ما يقارب الــ 400 ميجا خرايط جديدة أحسن من الأصلية وموجودة جاهزة على جهازي الأن ، لها ولــ FarCry ما يقارب الــ 500 ميجا خرايط بعد:D

يا الله في انتظار الرد :ciao:

[PC-PS2]

PlayStation3 ... ههههه الله يرج سموكم !!!

============

افاااااااااا ... كثّر منها ياشييييخ ... والله مشكلة ...
مدري وش اقولك عن الشاشة لكن اذا تبينا نقطّ حنّا جاهزين انشاءالله ((واحد بيروط الشباب))!!
شكلك ماكنت تسرع مررررررررة 180 200 بس !!! :D

ملاحظة .... والله مدري عنك ياسلمان تجهز عذر علشان ماتجي ؟؟!! ((خابرك عجّاااااااااز))!! :D

==================

[c.o.d.e.x]...
هلا والله مطول الغيبات جاب الغنايم !!!
وحنّا مشتاقين لكم اكثر ... والشباب كلهم يسلمون عليك
وعلى فكرة ان طوّلت ماجيت حنّا نبي نسوي هجمة مرتدة عليكم بيوم من الايام في المقهى ... ونكسر روسكم هناك حتى لو بلعبة كونتر سترايك !!!((امزح تراي ماواطنها))!! كله كوووووووم واذا دخلت ولقيت 20 واحد يلعبون هاللعبة .. وما تسمع الا جاك جاك .... اطلعله منا وانا مناك ... سكيييييين سكييييييييين((كنك بسوق الخضار))!!! :D ((لاتزعلون مني يامدمنين كونتر)). :biggthump

================

بالنسبة للشاشة قلت لكم للاحتياط فية ناس اولى فيها لان اصلا مايملكون جهاز .. فلا تصير عجّاز جب شاشتك . :D
وبالنسبة للايمج ... اظن اغلب الشباب مسوين مكتبة ايميج مثل حالاتنا !! :33: لكن يفضل تجيب كل الايمج اللي عندك.... بس عندنا مشكلة في فار كراي يمكن الاجهزة القوية واللي تتحمل فار كراي 4-5 اجهزة بس من اصل 8 اجهزة !! لكن مايمنع يجربونها الشباب وانا اقدر هاللعبة بالذات واعتبرها افضل لعبة قتالية ذات المنظور الواحد .. وخاصة للاعبين المتعددين !! لكن مشكلتها مع الشباب يبيلها اجهزة قوييييييييه!!
وحنّا بانتظارك بعد .. :ciao:


================

شكرا لكل الشباب المهتمين :biggthump

[supernova]

^

الأخ بلاك جي انضم معانا لكن مشى بسرعة ما ادري ما اعجبه الوضع ولا عشان مشكلة الmismatch في جهازه ؟ :bigeyes:

[PC-PS2]

لا بس علشان ما اخذ على الوضع .. واول جلسة ... لكن انشاءالله الجيات اكثر .. وعقبال ماتكون جمعتنا من 20 واحد واكثر ههههااااااي والله ياهي بتطلع وناااسة صدق ... تخيلوا المشروع يكبر ونسويلنا مكان كبير يتحمل هالعدد ... :D واهم شيء ببلاش ... ولا بعد يكون في كل مدينة عندنا شلة زي هذي ...!!! :33: يصير نستأجر نقل جماعي ونسوي مباريات مع اهل جدة والدمام ووووالخ ..!!! :D نستأجر باص من النقل الجماعي 50 واحد من اهل الرياض ... وباص ثاني لرابطة المشجعيييين !! ههههههههه :biggthump بتطلع حررررررركه ..! ((داري ان خيالي واسع )!!! :D

على فكرة تضحكون الحين وانا معكم مدري لو الله احيانا وصار هاليوم قريييييب !!! لان حب الشيء يجعلك تفعل لأجلة كل شيء!!!

:ciao:

[supernova]

شباب وينكم وين راح الحماس :bigeyes:

[Grandia]

PC-PS2 اسلوبك في الكتابه عجيب :D اشوف ماحد يقدر يقرضك ماشي دقيقه الا وهو في عينها :p

اجواء حماسيه عندكم صدق :) يالله يا دنيا :D

[Cool NEO]

الله يهديك يا PC-PS2
شهرت فيني اني عجاززززز
--------
supernova
انت الي وينك
مافي ردود عشان الشباب يتحمسون
وبعدين ابي اشتري DVD+R = DVD-R الي اخره بس ايش الفرق بين - +
علي العموم هو SONY بــ 845 ريال
-------
جـرانديا
صادق اسلوبه رهيب وغير كذا في الواقع احسن واحسن
من الرجال الي تعتمد عليه وتثق فيه

[RAUL 7]

هلااا ..

PC-PS2 .. مدري ان كنتم موجودين الى الحين والا لا :09:

:biggthump

[PC-PS2]

ههههه الله يسلمكم ... تصدقون (خددت حموري) قصدي حمرت خدودي من الكلام الحلو!!! :D
بس سلمان ترى الى الان انت عجّااااااااااز مع مرتبة الشرف الاولى بلا منازع !!!! ((يحسبن اللقب بينسحب منه بعد هالكلام))!! خخخخخخخخ :D
وعلى فكرة شريت السامسونج 17 مع مدخل رقمي ... والعرض ولا احلى... خاصة على فار كراي!!! شيء عجيب !!!
قلت بعلمك اقهرك بعد ما انكسرت شاشتك!! :tongue2:
========

اخوي raul7....
اكييييد .. بس وينك انت ؟؟!! ترى مافية تذكرة اشتراك ولا دخول !!! :D
الباب مفتوح للطيبين شرواك انشاءالله ...
وللتنسيق ارسل على الخاص وعطني خبر علشان ارسل لك رقم الجوال ... وننسق !!!
اوكي ؟؟ حنّا بنتظارك انشاءالله

==========

وعلى فكرة شباب الاسبوع هذا بيجونّا ضيوف من الشرقية Atsmknv والشباب وبيصير الوضع غير !! :cool:

;) :ciao:

[Cool NEO]

ههههه الله يسلمكم ... تصدقون (خددت حموري) قصدي حمرت خدودي من الكلام الحلو!!! :D
بس سلمان ترى الى الان انت عجّااااااااااز مع مرتبة الشرف الاولى بلا منازع !!!! ((يحسبن اللقب بينسحب منه بعد هالكلام))!! خخخخخخخخ :D
وعلى فكرة شريت السامسونج 17 مع مدخل رقمي ... والعرض ولا احلى... خاصة على فار كراي!!! شيء عجيب !!!
قلت بعلمك اقهرك بعد ما انكسرت شاشتك!! :tongue2:

========

وعلى فكرة شباب الاسبوع هذا بيجونّا ضيوف من الشرقية Atsmknv والشباب وبيصير الوضع غير !! :cool:

;) :ciao:

هههههههههههههههههه مع مرتبة الشرف - :wow: :wow: :wow:
طيب طيب
يجيلك يوم وامسك عليك شي :p
-
اما بخصوص الشاشه مبروك عليك :)
الف مبرووووووووووووووووووووووووووووووووووووووووووووك
يعطيك خيره ويكفيك شره
وكيف السامسونج 17
هل هو رهيب عشان ودي اشتري واحد وما عرفت وش اشتري
-
اما بخصوص ضيوف الشرقيه الله يحيهم
xxxxxxxxxxxxxxxxxxxxxxxxxxxxxxxx
xxxxxxxxxxxxxxxxxxxxxxxxxxxxxxxx
xxxxxxxxxxxxxxxxxxxxxxxxxxxxxxxx
xxxxxxxxxxxxxxxxxxxxxxxxxxxxxxxx
اقول supernova كيف حال هشام :D هههههههه :D