مشاهدة النسخة كاملة : كيف تشتري بالطريقة الصحيحة من النت؟
السلام عليكم يا شباب.
عندي سؤال بسيط, كيف ممكن الواحد يشتري من النت وهو مطمئن؟ وكيف يضمن وصول البضاعة إليه دون تلاعب؟
سؤال ثاني, هل الفيزا الكترون تنفع في الشراء,ولا لازم الفيزا الصفرة و الزرقة العادية؟
سؤال ثالث, سمعت إنه إذا الواحد متخوف من استخدام بطقاته في الشراء, فممكن يشتري بطاقة مدفوعة مثل بطاقات سوا المدفوعة مسبقا للجوال. لكن من وين الواحد يقدر يجيب هذه البطاقات؟ وما هو اسمها؟
اعتقد انك راح تلقى أجوبة لاسئلتك لو سألتها في منتدى سينماك:)
لوجــــــين
22-06-2004, 11:25 AM
السلام عليكم
راح أحاول اني أجاوب على أسألتك باللي أقدر عليه
يفضل انك لمن تبي تشتري بضاعه انك تشتريها من موقع مشهور و متعارف عليه
مثل موقع amzon أو ebuy أو حسب البضاعه اللي تنوي شرائها
بالنسبه للبطاقه الأتمانيه اللي راح تتعامل معاها لما تشتري بضاعتك من النت
فالفيزا ألكترون ما راح تخدمك لأنها محليه و يفضل استعمال بطاقه الفيزا مسبقه الدفع و تجي على شكل تسمى بطاقه التسوق عبر الأنترنت أو الشوبينج كارد بحسب عروض البنوك بكل بلد و يفضل انك تتصل بالبنك التابع لمنطقتك حتى تحصل على أفضل العروض و ممكن بعد يساعدونك باختيار أفضل المواقع للتسوق
و بالأخير بقولك نصيحتين كوني صاحبه خبره بمجال البريد
1- يفضل يكون لك صندوق بريد بأحد المكاتب البريديه التابعه لمنطقتكم حتى يوصل البريد بشكل أسرع و آمن أكثر ( إذا افترضنا وجود مشاكل مع تطفل سعاة البريد )
2- الأفضل لمن تختار وسيله إيصال الطلبيه انك تختار البريد السريع أو البريد الممتاز أو الDHL بحسب التسميه المتعارف عليها عندكم في قطاع الخدمه البريديه ^^
و إذا محتاج لأي مساعده لا يردك شي
darkitp
23-06-2004, 03:47 PM
www.cashu.com (http://www.cashu.com/)كاش يو توفر لك 300 دولار فقط .. ولا يزيد
أخوي الكريم
ان كنت تبحث عن موقع خاص للشراء فيجب ان تتأكد من سياستهم اولا .. مهما كان الموقع
وعندما تريد ان تشتري من هذا الموقع يجب ان يقوم هو بعمل نظام secur للموقع
بحيث لا يقدر احد ان يخترق الاتصال ما بينك وبين الموقع ..
وهذي معلومة صغيرة اتمنى استفدت منها
اما عني انا اشتريت بالماستركارد بدون اي مشاكل ..
وشكرا :)
جزاكم الله ألف خير على ردودكم الطيبة.
وشكرا لك أخي زاك على الوصلة المفيدة إلي وضعتها.
لكن بالمناسبة, ماذا لو زاد سعر ما أريد شراءه عن ال 300$؟
هل توجد أنواع أخرى من البطاقات؟
هل الحوالة البنكية آمنة في هذه الحالة؟ ( سعر الشيء الذي أريد شراءه يبلغ تقريبا 300 باوند ولس دولار).
الله يوفقكم و دمتم سالمين وما قصرتوا.
RICH BOY
09-07-2004, 12:38 AM
بطاقة كاش يو بطاقة مضمونة ..
وهذا موقع تقدر تشتري من خلالها
www.adabwafan.com
وهذا موقع البطاقة
www.cashu.com
The Fridge
09-07-2004, 03:42 AM
أهلا أخوي..
1- أهم شي تسويه يوم تبي تشتري من النت انه لازم تشوفلك مواقع تكون معروفه، ويكون أحسن بعد لو ليها مقر حقيقي وعمال وموظفين. لأن هالايام أي واحد ممكن يفتح موقع ويقول انه يبيع الشي الفلاني بينما هو نصاب وياخذ الفلوس من الناس وما يبيع اي شي.. وللأسف ما في اي طريقه قانونيه تسترجع فيها فلوسك مع امثال هؤلاء.
يعني شوفلك مواقع مثل:
www.amazon.com
www.ebay.com
وانشالله فلوسك ما بتضيع لو اشتريت منهم
2- تأكد انه يوم تشتري وقبل لا تحط معلومات الشراء من رقم البطاقه وخلافه ان الفورم اللي تعبيه وفيه معلوماتك راح يمر عبر سيرفر مؤمن وسيتم تشفير المعلومات جميعها.. تستطيع التأكد هنا يوم تشوف فوق في ال Adress bar بتحصل عنوان الموقع يبدأ ب https بدل http
3- الفيزا اليكترون تنفع في الشراء في أي موقع يقبل التعامل بها.. حيث انه ليس جميع المواقع تقبلها.. وتقدر تتأكد من هذا الشي لو شفت الايكون حق الاليكترون تحت في آخر الصفحه في الموقع.. او ممكن طبعا تسأل أصحاب الموقع و قسم ال Support الخاص فيهم
4- بخصوص البطاقات المدفوعه فما أدري والله بس يمكنك تسأل في البنك اللي تتعامل معاه كما خبروك الاخوان..
بس شوف.. على حد علمي ان الفيزا اليكترون من النوع اللي مدفوع مقدما.. يعني ما تقدر تستعملها الا وفي عندك رصيد في حسابك.. هي اصلا مصممه للأستعمال الاليكتروني كما يوحي اسمها
5- الحواله البنكيه تكون امنه لو كان الموقع آمن.. فلو الموقع كبير والكل يعرفه وانت واثق فيه.. وإذا هم كانوا يوافقون على الدفع بالحواله البنكيه فممكن بالطبع ترسلها لهم وانشالله ما بيكون فيه اي مشاكل..
تقدر بعد ترسل للموقع شيك بالمبلغ (بالطبع اذا كان الخيار بالدفع عن طريق الشيكات متوافر اساسا)
وأي شي ثاني ممكن نساعد فيه فتفضل إسأل ..
تحياتي http://montada.com/images/smilies/smile.gif
M.O.B
09-07-2004, 04:15 AM
www.pricewatch.com (http://www.pricewatch.com)
www.pricegrabber.com (http://www.pricegrabber.com)
www.shopping.com (http://www.shopping.com)
كل المواقع في مضمونة
لكن معظمها فقط توصل داخل امريكا
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .