قصه هزت الرياض !!!!!!

[خـالد عبدالرحمن]

يقولك في مدينة الرياض عايلة من رجل ومرته واربع بنات
كانت المره حامل ورجله كان عنده شغل برى ديرته يوم من الايام اتصل على مرته يسال عنها ويطمن عليها سالها (ها متى تبين تولدين؟؟)
ردت (على وشك قريب ان شاء الله بهاليومين)
قال لها ( اسمعي ان جبتي بنت فنتي طالق )<<<<<يعايرونها بابو البنات عشان تسذا ما يبي بنت
اختبت المرة ماتدري وش تسوي لا جابت بنت المهم ماخلت دختور الا وراحت له ومشعوذين وسحراة
المهم الله اراد انها تجيب بنت عاد انجت المرة المسكينة رجلها بطلقها فكرت المرة فكرت وجاها الشيطان وسوسلها اخر شيء قررت انها تدفن بنتها
راحت لحديقة البيت وحفرت قبر البنت ودفنتها
المهم رجلها اتصل عليها يطمن اخبارها وشوف وش جابت المهم قالت انه ولدت ذكر بس توفى الله يرحمه
الرجال انبسط قال زين على كذا في امل تجيبين عيال
وباخر الليل ويم الناس خمدت ونامت سمعت المرة صوت يناديها فزت المرة حسبت حدا بناتها صار فيهم شيء دارت على الغرف كلهم نايمين استغربت المهم راحت تمشي وراى الصوت لين وصلت للحديقة عند قبر بنتها المرة ما صدقت كانت مترددة تحفر الحفرة من الخوف عاد هي حفرت القبر وطلعت البنت لقتها حية
جت البنت وقالت (يا ميمتي ليش تسوين فيني تسذا منيب بنتس ) البنت صغيرة توها مالها ولا اسبوع تتكلم
قالت امها ( هذا ابوتس يبي يطلقني لو درى انك بنت)
قالت البنت (طيب وش ذنبي انا)وصاحت بنت وامها
قالت الام (طيب وش اتسوي؟؟)
قالت لها بنتها( اختاري واحد من الاثنين) (ياهو جورج قرداحي معنا ترا الام طلبت حذف اجابتين )
(يا انتس تخليني اعيش معكم ولا انتس تدفنيني بالقبر وتجيني كل يوم وترضعيني)
قالت خلاص اجيك كل يوم وارضعس وانتي بقبرتس
جلسو على ذا الحال شهر كامل
ويوم من الايام كانت الام تكرف طبخ وغسيل وكنس الظاهر كانو مسوين عزيمة المهم المرة كانت دايخة وتعبانة ورقت تنام ونست ترضع البنية وشوي وقامت البنية تنادي على امها فزت المرة وركض للقبر خافت احد يسمع صوت البنت بس بالحقيقة محد يسمع صوتها غير امها المهم حفرت القبر وطلعت بنتها عشان ترضعها حاولت ترض بنتها ما قدرت منا منا عيت البنت ترضع تبيها تكلمها ليش ما تبي ترضع البنت ساكتة ملت الام ورجعتا قبرها وهي راجعة لغرفتها تبي تبطح على السرير وتنام جاه الشيطان يوسوس (وشهو له ذا التعب كل يوم. غثاء. دلع هو. يسد) المهم والله وتسمع كلام الشيطان الله يخزيه ما لقت غير انها تقتل بيتها فلذة كبدها ( ههههه حلوة فلذة كبدها كله من التي في ) المهم راحت للمطبخ واخذت السكين ( جديد ماركة قالت بجربه اشوف هو يقطع زين ولا لا ) راحت للقبر وحفرته وطلعت البنت تبي تقتلها وترتاح منها
تكلمت البنت وقالت ( يا مه تبين تذبحيني )
ردت امها ( اخيرن تكلمتي تو ارضعس عيتي ليش )
ردت بنتها ( عشان كذا تبين تذبحيني)
قالت امها(تعبتيني يا بنيتي كل يوم اجي ارضعس واليوم عيتي
ردت عليها بينتها
( يا شيخة روحي جيبي حليب نيدو اصرف من حليبك )