تسجيل الدخول

مشاهدة النسخة كاملة : جدول كأس آسيا في الصين (17\يوليو - 7 أغسطس)


مصرقع اس اس
18-06-2004, 03:11 AM
http://svcs.sportalasia.net/shared/media/images/ac2004-bilinguallogo1.jpg



نهائيات كأس آسيا في الصين

خلال الفترة من 17 يوليو - 7 أغسطس 2004


ستنطلــق في أسوار الصين العظيمـة وإحـدى العجائب السبــع الصيـف هذا بطولة نهائيات كـأس آسيا التي تستضيفها أربع من المدن التاليـة ( بكـين + شينجدو + جينـان + شونغ كينغ ) .

المجموعات:
الأولى:
1- الصين
2- البحرين
3- قطر
4-اندونيسيا

الثانية:
1-كوريا الجنوبية
2- الكويت
3- الامارات
4- الاردن

الثالثة:
1- السعودية
2 العراق
3- اوزباكستان
4- تركمانستان

الرابعة:
1- اليابان
2- ايران
3- عمان
4- تايلند


..:: جدول المباريات - توقيت السعودية ::..



السبت 17 يوليو
الساعة 10.00 ظ : حفـل الإفتتـاح الرسمـي للبطولة
لساعة 12.00 ظ : الصـين * البحرين ( المجموعة الاولى - بكـين )

الاحد 18 يوليو
الساعة 9.00 ظ : قطر * أندونيسيا ( المجموعة الأولى - بكـين )
الساعة 10.45 ظ : السعـوديـة * تركمنستـان ( المجموعة الثالثة - شنجدو )
الساعة 1.15 م : العـراق * اوزبكستان ( المجموعة الثالثة - شنجدو )

الاثنين 19 يوليو
الساعة 10.30 ظ : كوريا الجنوبية * الأردن ( المجموعة الثانية - جينان )
الساعة 1.00 م : الكـويـت * الإمارات ( المجموعة الثانية - جينان )

الثلاثاء 20 يوليو
الساعة 10.00 ظ : عمان * اليـابـان ( المجموعة الرابعة - شونغ كينغ )
الساعة 12.30 م : إيــران * تايلنـــد ( المجموعة الرابعـة - شونغ كينغ )

الاربعاء 21 يوليو
الساعة 10.30 ظ : قطــر * البحـريـن ( المجموعة الأولى - بكـين )
الساعة 1.00 م : الصـين * اندونيسيا ( المجموعة الأولى - بكـين )

الخميس 22 يوليو
الساعة 10.30 ظ : العـراق * تركمنستـان ( المجموعة الثالثة - شينجدو )
الساعة 1.00 م : السعوديـة * اوزبكستـان ( المجموعة الثالثة - شينجدو )

الجمعة 23 يوليو
الساعة 10.30 ظ : الكويـت * الأردن ( المجموعة الثانية - جينـان )
الساعة 1.00 م : الإمـارات * كوريا الجنوبية ( المجموعة الثانية - جينـان )

السبت 24 يوليو
الساعة 10.00 ظ : عمــان * إيـران ( المجموعة الرابعة - شونغ كينغ )
الساعة 12.30 ظ : اليــابـان * تايلنـد ( المجموعة الرابعـة - شونغ كينغ )

الاحد 25 يوليو
الساعة 11.00 ظ : الصـين * قطــر ( المجموعة الأولى - بكـين )
الساعة 11.00 ظ : البحرين * اندونيسيا ( المجموعة الأولى - جينـان )

الاثنين 26 يوليو
الساعة 11.00 ظ : السعوديـة * العـراق ( المجموعة الثالثة - شينجدو )
الساعة 11.00 ظ : تركمنستان * اوزبكستان ( المجموعة الثالثة - شونغ كينغ )

الثلاثاء 27 يوليو
الساعة 11.00 ظ : الإمـارات * الأردن ( المجموعة الثانية - بكـين )
الساعة 11.00 ظ : الكــويـت * كوريا الجنوبية ( المجموعة الثانية - جينـان )

الاربعاء 28 يوليو
الساعة 11.00 ظ : عمـان * تايلـنــد ( المجموعة الرابعة - شينجدو )
الساعة 11.00 ظ : اليــابـان * إيــران ( المجموعة الرابعة - شونغ كينغ )


..:: دور الثمانية ::..

الجمعة 30 يوليو
1- الساعة 10.00 ظ : أول المجموعة الثالثة * ثاني المجموعة الأولى ( شينجدو )
2- الساعة 1.00 م : أول المجموعة الأولى * ثاني المجموعة الثالثـة ( بكـين )

السبت 31 يوليو
3- الساعة 10.00 ظ : أول المجموعة الرابعة * ثاني المجموعة الثانية ( شونغ كينغ )
4- الساعة 1.00 م : أول المجموعة الثانيــة * ثاني المجموعة الرابعة ( جينـان )


..:: دور نصف النهائي ::..

الثلاثاء 3 أغسطس
5- الساعة 10.00 ظ : الفائز من مباراة رقم 1 * الفائز من مباراة رقم 3 ( جينـان )
6- الساعة 1.00 م : الفائز من مباراة رقم 2 * الفائز من مبارا رقم 4 ( بكــين )


..:: تحديد المركز الثالث والرابع ::..

الجمعـة 6 أغسطس
الساعة 12.00 م : الخاسر من مباراة رقم 5 * الخاسر من مباراة رقم 6 ( بكــين )


..:: النهائي ::..

السبـت 7 أغسطس
الساعة 3.00 م : الفائـز من مباراة رقم 5 * الفائز من مباراة رقم 6 ( بكـين )
مصرقع اس اس
18-06-2004, 03:17 AM
http://svcs.sportalasia.net/shared/media/images/ac2004-mascot1.jpg






..::: السجل الذهبي للبطولة :::..
* بطولة عام 1956 في هونغ كونغ ( البطل - كوريا الجنوبية ) ( الوصيف - الكيان الصهيوني )
* بطولة عام 1960 في كوريا الجنوبية ( البطل - كوريا الجنوبية ) ( الوصيف - الكيان الصهيوني )
* بطولة عام 1964 في الكيان الصهيوني ( البطل - الكيان الصهيوني ) ( الوصيف - الهنــد )
* بطولة عام 1968 في إيــران ( البطل - إيــران ) ( الوصيف - بورمـا )
* بطولة عام 1972 في تايلنـد ( البطل - إيــران ) ( الوصيف - كوريا الجنوبية )
* بطولة عام 1976 في إيـران ( البطل - إيـران ) ( الوصيف - الكـويــت )
* بطولة عام 1980 في الكويت ( البطل - الكويـت ) ( الوصيف - كوريا الجنوبية )
* بطولة عام 1984 في سنغافورة ( البطل - السعودية ) ( الوصيف - الصـين )
* بطولة عام 1988 في قطــر ( البطل - السعـوديـة ) ( الوصيف - كوريا الجنوبية )
* بطولة عام 1992 في اليابان ( البطل - اليـابـان ) ( الوصيف - السعـوديـة )
* بطولة عام 1996 في الامارات ( البطل - السعودية ) ( الوصيف - الامـارات )
* بطولة عام 2000 في لبنــان ( البطل - اليـابـان ) ( الوصيف - السعوديــة )


والآن ما هي توقعاتكم:
- من سيكون البطل
- من سيكون طرفين النهائي
- ما هي المنتخبات التي ستتأهل الى دور الثمانية

ملاحظة: الأول والثاني من كل مجموعة يصعد الى دور الثمانية
The Captive
18-06-2004, 01:05 PM
- من سيكون البطل = السعوديه انشا الله اذا لعب فاندرليم صح
- من سيكون طرفين النهائي = السعوديه وكوريا الجنوبيه
- ما هي المنتخبات التي ستتأهل الى دور الثمانية =

1- الصين + البحرين

2- كوريا الجنوبيه + الامارات

3- السعوديه + اوزباكستان

4- اليابان + ايران

____________________________________

بالتوفيق للاخضر
عاشق أرجنتينوس
18-06-2004, 01:52 PM
أنا أرشح المنتخب الأندونيسي للبطولة

Forza Indonesia
aimar
18-06-2004, 03:22 PM
ياخوي اللـــــــــه يرحم والديك .. قص الموضوع ورح ارمه في ايّ منتدى ثاني .
الناس وين وانت وين !!
مصرقع اس اس
18-06-2004, 08:26 PM
اقول خلك في امم اوربا حقتك ورح شجع الصليبين احسلك هذا حدك ايطاليا وقشتها

اكبر ناس يحاربون الاسلام تروح وتشجعهم
Homoud
18-06-2004, 09:03 PM
أنا اقول الكويت راح يأخذون البطولة والوصيف اليابان والنتيجه 3 صفر للكويت

:D :D :09: :D :D :09: :D :D :09:

خخخخخ احم احم

الصراحه أتوقع اليابان والسعودية بالنهائي وتفوز اليابان 2 1

توقعاتي :)
مصرقع اس اس
19-06-2004, 04:03 AM
اذا تواجهت السعودية واليابن على النهائي راح تفوز اليابان لانه تسبب لسعودية عقده في النهائي الاسيوي
راؤول الأسطورة
19-06-2004, 07:30 AM
ان شاء الله منتخب عمان يفوز بالبطولة
والله المنتخب ما قصر في تصفيات أثينا وكان قريب يتأهل لكن خرج بفارق الأهداف
Cancel
19-06-2004, 12:48 PM
اقول خلك في امم اوربا حقتك ورح شجع الصليبين احسلك هذا حدك ايطاليا وقشتها

اكبر ناس يحاربون الاسلام تروح وتشجعهم
أخوي هدّي اللعب شويه :D

و أنا أرشح منتخب عمان الوطني :33:
aimar
19-06-2004, 05:17 PM
اقول خلك في امم اوربا حقتك ورح شجع الصليبين احسلك هذا حدك ايطاليا وقشتها

اكبر ناس يحاربون الاسلام تروح وتشجعهم

jajaja الحمد لله على العقل !
Homoud
19-06-2004, 05:58 PM
jajaja الحمد لله على العقل !


:D :D :D :D :D
مصرقع اس اس
20-06-2004, 01:35 AM
ايه والله الحمد لله على نعمة العقل :D :D :D :D :D
مصرقع اس اس
29-06-2004, 01:58 AM
الااقول ابنقز الموضوع لان فيه واحد مكرره
مصرقع اس اس
29-06-2004, 02:01 AM
ابنقز الموضوع لان فيه واحد مكرره ويقول ثبتوه حنا اولا
BLACK TIGER
29-06-2004, 09:29 AM
ابنقز الموضوع لان فيه واحد مكرره ويقول ثبتوه حنا اولا
هههههههههههههههههههههههههه
:D :D :D :D

:biggthump
مصرقع اس اس
29-06-2004, 05:50 PM
هههههههههههههههههههههههههه
:D :D :D :D

:biggthump
رجه صح ههههههههههههههههه
Homoud
29-06-2004, 06:18 PM
مممم استغربت أنه أكثر التصويت للسعودية :02:
ألحين المستويات متقاربة وماكو صغير وكبير اللهم اليابان بس :)
QataR NighTMarE
29-06-2004, 06:24 PM
اتمناه قطرياً ولو اني ادري ان المنتخب رايح فيها :(
Homoud
29-06-2004, 06:30 PM
اتمناه قطرياً ولو اني ادري ان المنتخب رايح فيها :(

والهداف عبدالله كوني :tongue2: لوووووووووول
Homoud
29-06-2004, 06:30 PM
اتمناه قطرياً ولو اني ادري ان المنتخب رايح فيها :(

والهداف عبدالله كوني :tongue2: لوووووووووول
العيناوي
29-06-2004, 08:46 PM
بالتوفيق لجميع فرقنا العربية المشاركة

ونأمل من منتخبنا الأبيض الإماراتي الظهور بمستوى مشرف في البطولة
مصرقع اس اس
30-06-2004, 04:17 AM
مممم استغربت أنه أكثر التصويت للسعودية :02:
ألحين المستويات متقاربة وماكو صغير وكبير اللهم اليابان بس :)
اليابن وكوريا دائما ماتقف معهم الحكام

ولانسيت لعبت كاس العالم 2002 واخراج ايطاليا وغيرها

المنتخب السعودي لو وقف معه التحكيم جيدا كان شفت البطولات

بعديان اقوى المنتخبات بلبطوله السعودية واليابان اما البقيه فرق حكام
BLACK TIGER
30-06-2004, 04:23 AM
إذا مو اليابان اكيد السعودية

( اليابان كل شي عندهم أصلي حتى أقدامهم أصلية :D )

:icon6:
QataR NighTMarE
30-06-2004, 05:00 AM
والهداف عبدالله كوني :tongue2: لوووووووووول
صدق انك كنت ربيعي
بس بعد هالطنازه
ماخفي عليك انك طحت من عيني
ومابي افضح الكوره الكويتيه اللي تجنس بالخش وعلى الأقل احنا لو جنسنا جنسنا لاعبين اما انتوا ربع الشعب ان ماكان نصه من اصول ايرانيه ومن بلاد الشام ومحد يقدر ينكر ;)
و احنا ليه جنسنا قلنا للعالم جنسنا ما خشينا ودسينا
واتحدى فريق خليجي مافيه ولا لاعب مجنس اتحداكم والله اتحداكم
والله يعلم اني مب راضي على المهزله اللي تصير بمنتخبنا بس العين بصيره والأيد قصيره
وارجع واكرر والله ردك ذي حز بخاطري
لا تقولي رفيجك والميانه طايحه
هالرد مب رد بين اصحاب وربع :o
ولو كان ردي مستفز من رؤيه المراقب فأنا اعتذر له لكن هو البادي والبادي اظلم :)
عاشق أرجنتينوس
30-06-2004, 02:52 PM
أنا مصر على ترشيح المنتخب الأندونيسي والتايلاندي
BLACK TIGER
30-06-2004, 04:27 PM
ريلااااااااكس شباب هدوا الوضع... :cool:
C.R0NALD0
30-06-2004, 04:42 PM
ومابي افضح الكوره الكويتيه اللي تجنس بالخش وعلى الأقل احنا لو جنسنا جنسنا لاعبين اما انتوا ربع الشعب ان ماكان نصه من اصول ايرانيه ومن بلاد الشام ومحد يقدر ينكر ;)

واتحدى فريق خليجي مافيه ولا لاعب مجنس اتحداكم والله اتحداكم



اسمحلي اخوي على هالمقاطعة

انه من الكويت

طلع لي لاعب مجنس من المنتخب !!

و الاصول الايرانية الي تقول عنها هذيل اصل الكويت و اهم الي رفعوها و ماعندنه لاعبين جناسيهم ايرانية وجنسناهم

و انه اقولك المنتخب الكويتي و البحريني و العماني و الاماراتي مافيهم مجنسين و الله العالم

وشكرا
BLACK TIGER
30-06-2004, 05:10 PM
شباب هذا موضوع تصويت فقط :o

لاتزعلون صاحب الموضوع بمشاكلكم
QataR NighTMarE
30-06-2004, 05:20 PM
بشار عبدالله من اصول عراقيه ومحد يقدر ينكر
ولاعبين كثار لو تبحث في اصولهم بتلقاهم مولودين او عايشين بالكويت بس اصولهم من العراق وايران وبلاد الشام
منتخب البحرين عندهم واحد اسمه احمد فرحان مو متأكد من الأسم بس هو مجنس 100%
منتخب عمان اغلب لعيبتهم الجدد من اصول غير عمانيه وهالكلام مؤكد لي من مواطن عماني وقالها لي بنفسه
الأمارات ماعندي خلفيه عنهم بس بذمتك في اماراتي اسمه الو حيدر علي ;) !

وانت تقول الايرانيين هم اصل الكويت !!!
عيل وين راحوا اهل كويت الأصايل البدو منهم العوازم والشمر وين راحوا اذا كان اصل الكويت من ايران على قولتك
اسمحوا لي على صراحتي الزايده بس هذا طبعي
C.R0NALD0
30-06-2004, 05:27 PM
يعني الي موجودين من عام 1910 من اي مكان مو اصل يعتبرون

ولا يعني لازم يكونون بدو

وانت تقولي بشار اصوله عراقية يعني تبي فريق اصوله كله من البدو !!!!
QataR NighTMarE
30-06-2004, 05:29 PM
لا بس يعني انت قلتها بنفسك
يعني انا بكلامي فوق ماغلطت
انت طلبت تفسير وانا عطيتك اياه
وانا كلامي فوق ماكان موجه لأي شخص سوى جيل فالانتاين اللي كان يسخر من وجود مدافع نيجيري بمنتخب قطر مع العلم ان هالنيجيري عاش بقطر من الثمانينات وخذ له بملاعبنا فوق الـ 8 سنين :)
C.R0NALD0
30-06-2004, 05:35 PM
شوف انه راح اعطيك معلومات يمكن انت ماتعرفها

احنه بالكويت الجنسية مايخذونها الا الي قبل تعداد 1961 يعني مو من الثمانينات ولازم يكون من المستحقين

و اذا على بشار انه اعتقد انه اجداده كلهم كانو عايشين بالكويت و ركز على كلمة اجداده يعني مو اهو الي كان عايش و عطوه الجنسية

في فرق بينهم
Homoud
30-06-2004, 06:26 PM
أوله أوله أوله كل هالسالفة علشان نكته بسيطه :bigeyes: :wow: :bigeyes:

ولد البوكواره..
أفا يا محمد ترا أنا قصدي مزحه خفيفه لا أكثر

الله يسامحك :blackeye:
مصرقع اس اس
30-06-2004, 07:12 PM
وش بكم قالبتوها مضاربه صدق انكم مصرقعين

يلا شباب صوتو نبغا التصويت يحما
Homoud
30-06-2004, 08:56 PM
وش بكم قالبتوها مضاربه صدق انكم مصرقعين

يلا شباب صوتو نبغا التصويت يحما

أبشر أخوي مصرقع ;)
بو راشـد
30-06-2004, 09:15 PM
بما أن لأخ محمد ألي ما توقعت منه هالرد أهان الكويت بلأصول لأيرانيه انا راح اقولكم كلام لاني ماراح اسكت على الكلام ألي قلته

=========

وانت تقول الايرانيين هم اصل الكويت !!!
عيل وين راحوا اهل كويت الأصايل البدو منهم العوازم والشمر وين راحوا اذا كان اصل الكويت من ايران على قولتك
اسمحوا لي على صراحتي الزايده بس هذا طبعي

=========

البدو موجودين في الرشايده وهي قبيلتي وفيهم المطران وعندك العوازم وعندك بني شمر والعنزة والدواسر والهواجر
والكثير من القبائل والقبائل تلقاهم يلعبون بالكرة القدم و القبائل هم من الكويت بنسبه كبيرة أما انتم اي هندي عندكم على طول تجنيس وأفريقي تجنيس
ولا تنسى تقولي عبدالله الكوني النيجيري لأنه 8 سنوات عندكم اللاعبين من أمثال أفريقيا الجنوبيه للركض
مجنسينهم علشان يلعبون ويرفعون العلم القطري ولكن ليس من أهل قطر بل من للأفارقه والله فضحتوا الخليج بالتجنيس
واما التجنيس الكويتي فهذا من سنه 1961 ممن عاشو قبل لأستقلال وتم تجنيسهم ......... واصولهم قد يكونون من لأيرانيه
والعراقيه وما الى ذلك ولكن هم عاشو قبل لأستقلال بسنين طويله وألله يخليكم لأجانب واحنا والحمدالله نستعين بديرتنا مو أجانب نجيبهم ندفعلهم علشان يرفعون علمنا ونفتخر بان أحنا فزنا بالكأس ....
هذي الكويت فازت بكأس الخليج 9 مرات ولكن بأيدي كويتيه وايضا كاس العرب مرة واحده وايضا بأيدي كويتيه
المهم
ماحبيت اتدخل ولكن انصدمت من شفت رد لأخ محمد وتهجمه علينا ولو تبون تتكلمون انت وجيل فالنتاين كان عليكم
تتكلمون بالماسنجر حتى لا تغلط غلطه ويمكن ما كان يقصدها يمكن يمزح بهشي على العموم رديت ردي
وأرجوا ألا تكررها مرة أخرى حتى لا يتفجر هالمواقف وقلت كلام قوي ولكن رغم عني ;)
وتقبلوا تحياتي لكم
فـــواز
Homoud
30-06-2004, 09:38 PM
صلوا على النبي يا جماعه ترا أنا قلتها على غشمره وما أقصد شئ أبدا :wow:

يالله أنتوا اخوان وحبايب :)
بو راشـد
30-06-2004, 09:41 PM
اخ جيل فالنتاين أعذرني على كلامي يمكن قاسي عليهم ولكن لن اسمح بأيذاء الكورة الكويتيه بالتجنيس .....
والمفروض ان تكون بينكم مو قدام لأعضاء والمفروض تفهمه بالخاص بأنها غشمرة ويمكن كبرنا السالفه السالفه ولكن هو ألي بدا
والمفروض مادام أنكم تتكلمون مع بعض بالماسنجر يمكن عبارة عن مزاح ويمكن فهمها غلط ولكن أكر لن اسمح بأيذااء الكرة العريقه
بالتجنيس ... وتقبل تحياتي لك
QataR NighTMarE
30-06-2004, 10:31 PM
فواز والله انا موقصدي اتكلم عن الكره الكويتيه العريقه لكن مثل مايقول المثل البادي اظلم وللعلم انا مو راضي على اللي يصير ببلادي ولو بيدي لأسوي منتخب اصيل 100% وللعلم مستعد اتقبل هزيمه 100 - 0 من فريق يلعب بروح وحب للبلاد والعلم والفانيله اللي يلبسها ويكونون قطريين اصل ومو مستعد اتقبل هزيمه 1-0 من فريق مرتزقه ! ولكن انا ماكان قصدي اهين بلادكم والسموحه بس مثل ماقلت لك قبل البادي اظلم ومثل ما انت ماترضى على بلادك فأنا ايضاً ما ارضى على بلادي او يمكن يكون عندك رأي اخر ! بس مو كأنك مصختها بسالفه الهندي
جيل الغشمره موجوده لكن مو بالطريقه هذي المستفزه والمهينه
والسموحه مره ثانيه وللعلم انا اعتذرت يا فواز وبالمقابل انتظر اعتذار ايضاً الا اذا كان عندك رأي ثاني :أفكر:
TEDUSE 1=BAGGIO
30-06-2004, 10:43 PM
الأمارات ماعندي خلفيه عنهم بس بذمتك في اماراتي اسمه الو حيدر علي
ههههههههههه اسمه حيدر الو علي .


بما أن لأخ محمد ألي ما توقعت منه هالرد أهان الكويت بلأصول لأيرانيه
هههههههههه و ليش يهين الكويت ليش شو فيهم الايرانيين ما فيهم شي هم ناس و مسلمين .
و لا تنسى ان افضل نجوم اسيا من ايران ........

المهم محد ينكر ان فيه لاعبين متجنسين في المنتخبات .........

و انا ارشح منتخب اليابان ........

مع اني اتمنى الامارات .........:09: :biggthump
Homoud
30-06-2004, 10:47 PM
أنت قلت أتمنى قطر يفوزون وانا قلت عبدالله كوني الهداف :)

يعني الصراحه تفاجأت لما دشيتوا بالتجنيس وايران ومادري شنو :p


والهداف عبدالله كوني لوووووووووول
يعني هالجملة سببت تجنيس وسالفه مالها نهاية

المهم خل نسكر الموضوع ويالله كل واحد يهد الكيبورد ويشوف المباراة :tongue2:

:D
QataR NighTMarE
30-06-2004, 10:59 PM
مافيهم شئ الأيرانيين يا تايدوس بس انا كما قلت سابقاً وبكرر هو قال انتوا تجنسون انا قلت بعد انتوا تجنسون مب بس احنا



المهم خل نسكر الموضوع ويالله كل واحد يهد الكيبورد ويشوف المباراة :tongue2:

يكون افضل :)
بو راشـد
01-07-2004, 12:07 AM
على العموم أخ محمد ما صار ألا الخير

وأن شاء الله ما يتكرر هالشي

وانا اعتذر عما قلته ولكن ردك نرفزني شوي وصحيح ان لأخ جيل اخطأ وهو مازح مو قاصدها ولكن

ما نبي نكبر السالفه وفي لاخير احنا أخوان ما نبي شي يفرقنا ;)

وتقبلوا تحياتي لكم وخلونا نقفل الموضوع
thefalcoon
01-07-2004, 12:29 AM
الكويت /عمان/قطر/البحرين/ هذولا لن مايخذون البطوله لو يموتو لانهم ضعوف والدليل كاس الخليج الماضي
انا ارشح كوريا الجنوبية
احمـ 9000 ـد
01-07-2004, 01:07 AM
الكويت /عمان/قطر/البحرين/ هذولا لن مايخذون البطوله لو يموتو لانهم ضعوف والدليل كاس الخليج الماضي
انا ارشح كوريا الجنوبية
تعلم تركب جملة صحيحة بعدين تعال تحجى
القلم الذهبي
01-07-2004, 01:38 AM
التجنيس في الكويت للي قبل 1961 :أفكر: :أفكر: :أفكر:


الصراحه حلوه :09:

شرايك باللي يعد لك 18 اسم مجنسين وأصولهم ايرانيه و باكستانيه :33:

طبعاً بتقول ليش ؟؟؟:06:

الكـويت مع الآســف ما يمشي إلا الواسطه وانشدني راعي هالديره ;) د

واذا بنفتح سالفة التجنيس ماراح نخلص
أحسن شي ان كل واحد يصلي على النبي ويسد الموضوع :D
مصرقع اس اس
01-07-2004, 01:42 AM
ياشباب لاتتهاوشون الموضوع كله لتصويت

وبعدين وش دخلكم بالتجنيس

يلابس خلاو الترشيح يحمى



الكويت /عمان/قطر/البحرين/ هذولا لن مايخذون البطوله لو يموتو لانهم ضعوف والدليل كاس الخليج الماضي
انا ارشح كوريا الجنوبية

بعدين كوريا مستواها اضعف من المنتخبات الخليجيه لان مستواها نزل مره

بعدين لاتنسى ان البحرين منتخب قوي يو يهزم اليابان بلاولمبي

يلا نبغاء التصويت في الاستفتاء يحماء
QataR NighTMarE
01-07-2004, 08:04 AM
ذا فالكون وانت وش دراك ان هالمنتخبات ماتطور مستواها بعد كأس الخليج :) !
بو راشـد
01-07-2004, 08:43 AM
على مستوى منتخبنا شوي تطور وألله يخلي مدربنا الوطني محمد ابراهيم كل يوم طايح بالمستفشي من الضغط النفسي :09:

واما كوريا للحين ما شفتوا لعبها أصلا وبانتظار لعبتها والبحرين صار قوي مو هين :33:
عاشق أرجنتينوس
01-07-2004, 11:25 AM
وأنا أقول لكم أتحدى أي واحد يجيب لاعب في المنتخبين الفذين أندونيسيا وتايلاند مجنس

وأنا أرشحهم حتى الرمق الأخير من البطولة.


والبطولة ما راح يطولها فريق خليجي أو عربي.
الرهـــيـــب
01-07-2004, 04:05 PM
خلاص يا شباب كل واحد يصلح سيارته


انا اتوقع ان الصين وكوريا واليابان بتكون في مستوى عالمي وممكن تحقق اي وحدة فيهم البطولة




اما منتخباتنا العربية اتمنى منها انها تقدم افضل مستوياتها واتوقع المنتخب السعودي يوصل للنهائي لكن يفوز بالكأس او ما يفوز يعتمدعلى مين راح يقابل وكيف راح يلعب امامه




وانتظروا العراق راح تكون مفاجأه البطولة




وبصراحة ايمار رده ما له داعي يسمى تخريب مواضيع بكل أسف
Homoud
01-07-2004, 07:22 PM
انا اتوقع ان الصين وكوريا واليابان بتكون في مستوى عالمي وممكن تحقق اي وحدة فيهم البطولة

أتفق معاك بكل كلمة قلتها لكن أنا أستبعد أنه كوريا تسوي شئ لأن أصلا مستواها أي كلام ونازل حيل
كافي عمان شنو سوو فيهم :)

وأتوقع النهائي بين اليابان والسعودية كالسابق واليابان أقرب للفوز لأنه عندهم نجوم رهيبين :afraid:


وشكرا مصرقع وأتمنى المشاركه للجميع ^^
مصرقع اس اس
02-07-2004, 06:27 AM
أتفق معاك بكل كلمة قلتها لكن أنا أستبعد أنه كوريا تسوي شئ لأن أصلا مستواها أي كلام ونازل حيل
كافي عمان شنو سوو فيهم :)

وأتوقع النهائي بين اليابان والسعودية كالسابق واليابان أقرب للفوز لأنه عندهم نجوم رهيبين :afraid:


وشكرا مصرقع وأتمنى المشاركه للجميع ^^العفوووووووووووو

واصبر خلا كاس اوربا تنتهي وتشوف العالم على الموضوع