المساعد الشخصي الرقمي

مشاهدة النسخة كاملة : قصة جديدة (( يعني شنو دااج أحسن مني ؟؟ ))


sora
05-08-2001, 03:29 AM
كان يوم صيفي حار خايس بالكويت ..

مثل كل الأيام الصيفي ..

الحرارة طافت الـ 50 ..

و الرطوبة تقول قاعد بغسالة ..

و الملل واصل حده ..

حتى الكرة ذابت من الحر ..

و أنا مصرة ألبس فنيلة ريال مدريد .. مالقيت الصيفية قمت لبست الشتوية

مرة وحدة سمعت واحد يطق على الباب شوي و يكسره

أنا : زين زين .. ماصارت عطلة

فتحت الباب .. ولا أشوف واحد وراه جيش كامل وواحد قاعد يبكي

أنا : نعم خير شتبي

- ما عرفتينا

- وين قاعدين .. برنامج حزر فزر

- لا و انتي الصادقة برنامج ما يطلبه المتصفحون

- إنت دااج ؟؟

- إي أنا

ما تشوف غير أنا معطته رفسه طيرته 5 أمتار

أنا : وين الإغنية اللي طلبتها ؟ :غضب:

دااج : و انتي حياتك كلها أغاني

سورا : زين شتبي جاي ؟؟ مو كفاية غاثيني بالمنتدى ؟؟

دااج : نحتاج مساعدتك

سورا : بشنو ؟؟

دااج : شفتي هذاك اللي يبكي .. هذا سكوال ... مسكين ضاعت نظارته

سورا : أنا شكو فيه .. بالطقاق

دااج : ساعدينا نلقاها

سورا : لا و الله ... أروح و اتعب نفسي بس علشان ألقى نظارة سكوال

دااج : نسيت اقولك .. النظارة ضاعت بكندا (( سكوال وين .. و كندا وين ))

سورا : أنا معاكم (( مصلحجية ))

رحنا المطار مع 50 شنطة .. نصها أكل (( سنورلاكس كان معانا ))

كان المفروض نروح لندن نغير الطيارة بعدين نروح كندا

و سكوال البخيل حجزلنا في غرفة الشحن مع الشنط

بالطيارة :

سيلفي : يا البخيل ما لقيت مكان إلا مع الشنط:غضب:

سكوال : سكتي يا القصمنجية أنا اللي يهمني إني ألقى النظارة و بس

سنورلاكس 24 ساعة ينادي المظيفة .. نص ساعة و الا هم اعلنوا نقص الغذاء بالطيارة .. و لا خلونا نتغدى

سوسن تجاول تنام علشان شذي قاعدة تعد الخرفان بخيالها

أخيرا و صلنا كندا ...........

----------------------------- أكمل و لا لأ ؟؟ -----------------------------
AmoooR
05-08-2001, 03:32 AM
نصيحة لا تكملي والا بأرفع عليكي دعوة محاولة تسميم المنظر العام (وش ذي)




من جد من جد












القصة بايخة ودجو احسن منك بكثييييييير :)
باتيقـول
05-08-2001, 03:34 AM
اقول خلينا نا وانتي على بيع البصل احسن :D
داج2222
05-08-2001, 03:36 AM
كخخخخخخخخخخخخخخخخخخخخخخخخخخ يا خطيره بتطيحين سوقي كملي يلا
TOO COOL
05-08-2001, 03:37 AM
حلوة كثيييييير



كملي:)
AmoooR
05-08-2001, 03:38 AM
ريحة البصل أحلى من ريحة القصة اللي فوق :p
leopard_1
05-08-2001, 03:40 AM
كملي;)
khaled al-zamil
05-08-2001, 03:42 AM
روووووووووووووووعه
بس كملي وابغى:




































اسمي يطلع
:D :D :D :D :D :D
thamer_77
05-08-2001, 03:42 AM
مشكوره يا sora على القصه




































sora بيني وبينك ماعليك من احد







امشي وراسك فوق فوق
sora
05-08-2001, 04:30 AM
أنا طبعا طايرة من الفرحة .. علبالي برد

نزلنا من الطيارة و لا الجو حر حر حر

و انا اطالع دااجو و ودي أذبحه

دااج : على الأقل في بنات حلوين حق المغازل

سورا : أنا شكو بالمغازل :غضب:

خالد قعد يكلم سكوال : و انت مع وجهك مالقيت مكان أبرد تضيع نظارتك فيه

دينجر مسوي نفسه الزعيم يعني : يلا بسرعة نروح الفندق

سورا : شلون نروح ؟؟

سكوال : بنروح بسكوتر .. شنو هالذكاء .. بنروح بتاكسي أكيد .

سورا : شنو نقول حق السواق ؟؟

سكوال : بنقوله .. آآه ........... ما أدري

ياورد : شنو ما تدري ؟؟:غضب: انت ما حجزت فندق ؟؟

سكوال : بلى أكيد حجزت

ياورد : شنو اسمه ؟؟

سكوال : ما أذكر

سوسن : سورا شنو يقولون حق فندق بالإنجليزي ؟؟

سورا : مو وقته إنتي بعد

سنورلاكس : أنا جوعااااان :(

سورا : اسكت انت بعد :غضب: كليت غدانا و تقول جوعان

هولي سموك : زين على الأقل خلونا نروح فندق ثاني

و رحنا وقفنا التاكسي

سورا : دينجر كلم السواق

دينجر : شنو أقوله ؟؟؟

سورا : أي شي بس خلصنا:غضب:

سكوال : خلوني أنا أعرف إنجليزي :cool:

سكوال: إخذ أس تو فندق

السواق : what ؟

سكوال : وي يبغى بلايس تو نام

السواق عصب و طردنا

ألفيرادوس : هذا إنجليزي مع وجهك

سوسن : سورا .. شنو فندق بالإنجليزي

سورا : تراكي دوختيني .. يقولولها هوتيل ..

سوسن : المبنى اللي ورانا مكتوب عليه هوتيل

خالد : و ليش ما تقوليلينا من الصبح مع وجهك:غضب:

دخلنا الفندق . كشخة رزة .. و لقينا واحد عربي هناك .. لزوم الترجمة:D

سكوال : هالفندق بايخ خلونا نروح واحد ثاني (( ما يبي يدفع فلوس ))

سيلفي : لا بنقعد هني

------------------ أكمل و لا لأ ؟؟ --------------------------
داج2222
05-08-2001, 04:32 AM
كخخخخخخخخخخخخخخخخخخخخخخخخخخخ ههههههههههههههااااااااي ام اللغه الي على سكوال موتيني من الضحك كخخخخخخخخخخخخخخخخخخخخخخخخخخخخخخخ
khaled al-zamil
05-08-2001, 04:49 AM
حلوه مره وتراني اعرف انجليزي احم احم
:D :D :D :D :D :D :D
sora
05-08-2001, 05:13 AM
ما قلتولي أكمل و لا لأ?:
داج2222
05-08-2001, 05:17 AM
كملي يلاااااا كملي
ELVERADOUS
05-08-2001, 05:41 AM
ك ل الأعضاء مع بعض صاروا كشافة هغغغغغغغغغغغ هياغ هياغ:D :D
sora
05-08-2001, 05:53 AM
و خذينا غرفنا .. كل 2 بغرفة .... أنا و سيلفي و ياورد و سوسن قطونا كلنا بغرفة وحدة (( عيال الشغالة ؟؟))

ما صدقنا دخلنا على طول رن التلفون

سيلفي : ألو

سكوال : يلا خلونا نروح ندور النظارة

سيلفي : نروح ندورها بثالث أكبر دولة بالعالم ؟؟:غضب:

سكوال : إي!!?:

سيلفي : مو اليوم أحنا بنروح نتسوق

سكوال : من أولها ؟؟

سيلفي : من أولها و ثانيها بعد :غضب: ................

سكوال :صكت السماعة بوجهي .. يلا شباب خلونا نروح ندور

و الشباب قاعدين يلعبون كوت بو ستة

سكوال : هييي يا المهابيل ... قلتلكم خلونا نروح ندور النظارة

دااج : وين ندورها ؟؟؟ ..........هنت

سكوال : نرو ...........

طق طق

سكوال : ياويلي .. السواق و مشيناها .. هذا شلون أكلمه

داااج : خلوني أنا

- يس

- هاي قايز

دااج على باله قاعد يسبه :غضب: شت داون بلييز :غضب: (( إسكت بالإنجليزي:D ))

-دجوو ما عرفتني؟؟

- بلى عرفتك

- عيل قول اسمي

- إنت تعرف اسمك؟؟

-إي

- خلاص ما يحتاج اقولك

- يا الغبي أنا إيثن هنت

دااج صك الباب بوجهه : وانا على بالي آدمي:غضب:

سكوال على طول فتح الباب : هلا إيثن كيف الحال ؟؟

إيثن : بس ما قلتولي شنو جابكم هني ؟؟

سكوال : نظا ......

على طول كايتو كيد خش عرض : نظارة سكوال ضاعت هني و احنا قاعدين ندورها

إيثن : أووه ماي قود

سكوال : هذي مسبة و لا شنو ؟؟?:

و احنا جينا بهاللحظة

سيلفي : هاي .. شوفوا شنو شرينا

باتيقول : يا فرحتنا

سنورلاكس : شريتوا أكل ؟؟

إيثن : لحظة لحظة ... سكوال إنت جيت كندا من قبل ؟؟

سكوال : لا .. ليش ؟؟

ايثن : شلون ضاعت نظارتك هني إذا ما جيت من قبل ؟؟

سكوال : هي بالأصل ضاعت في السودان .. بس فشله اجمع الشباب و أوديهم السودان علشان نظارة قلت أختار مكان رزة

سورا : يا الغبي جبتنا هني علشان ولا شي

إنقطعت الكهربا ثواني .. و بعد ما رجعت اكتشفنا إن سوسن إختفت

شفنا رسالة طايحة على الأرض مكتوب عليها : جيبوا النظارة .. أو نذبح البنت

يا ورد : لو ما كنت جبتنا هني .. ما كان صار شي

----------------------------------------أكمل و لا لأ ؟؟ -------------------------------------------
داج2222
05-08-2001, 05:58 AM
كخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ تعرفين ويش احسم ما في قصتك ان ما لها حدود ابد كل شوي يطلع لك جديد ما في شي محصور(عز الله فهمتي)
عبدالعزيز2005
05-08-2001, 06:16 AM
كملي
خـالد عبدالرحمن
05-08-2001, 06:21 AM
دجووووووو الخاص و بسرعه ابي اقولك سالفه بسرعه......................
sora
05-08-2001, 07:06 AM
كتب العضو (داج2222)
كخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ تعرفين ويش احسم ما في قصتك ان ما لها حدود ابد كل شوي يطلع لك جديد ما في شي محصور(عز الله فهمتي)

:واو: :واو: مافهمت شي:واو: :واو:
داج2222
05-08-2001, 07:07 AM
كتب العضو (sora)


:واو: :واو: مافهمت شي:واو: :واو:




هذا المقصود:D :D :D :D
sora
05-08-2001, 07:11 AM
الحين تشوف شنو بأسوي فيك بالقصة

على فكرة ليش مايكمل واحد ثاني القصة؟؟
داج2222
05-08-2001, 07:15 AM
كتب العضو (sora)
الحين تشوف شنو بأسوي فيك بالقصة

على فكرة ليش مايكمل واحد ثاني القصة؟؟



اخسسسسسسس يا تهديد


و انا اسمحي لي ما اقدر اكمل لك(مصدق نفسه)لان انا و نوافووه بنبدا بقصه مدموجه اليوم
sora
05-08-2001, 07:24 AM
إنشاء الله أنا قاعدة أكلمك ... (( إخسس يا قوية :D ))

متى بالضبط بتبدون القصة ؟؟

كل الأعضاء : على فكرة اللي على باله إن القصة بتخلص اليوم أو باكر فهو غلطان .. بأقلبها مسلسل friends .. هههه ... 300 حلقة .............. و يمكن شوي أكثر
داج2222
05-08-2001, 07:26 AM
كتب العضو (sora)
إنشاء الله أنا قاعدة أكلمك ... (( إخسس يا قوية :D ))

متى بالضبط بتبدون القصة ؟؟

كل الأعضاء : على فكرة اللي على باله إن القصة بتخلص اليوم أو باكر فهو غلطان .. بأقلبها مسلسل friends .. هههه ... 300 حلقة .............. و يمكن شوي أكثر



هههههههههههاااااوي رحنا فيها كخخخخخخخخخخخخخخخخخخخخخخ القصه باذن الله اليوم راح نفتح العرض الاول(انا اشهد يا تيتانيك كخخخخخ)فانتبهي لنفسك لان الاعصاااار جاي(مو العضو انا و نواف)
sora
05-08-2001, 07:32 AM
زين بنشوف
داج2222
05-08-2001, 07:34 AM
في الميدان يا حميدان(متاثر بباتي)كخخخخخخخخخخخخخ
ELVERADOUS
05-08-2001, 07:36 AM
يله سورا كملي القصة أنا الحين قاعد مع البرينجلز وأطالع الشاشة الذهبية(:D ) خلصينا هغغغغغغغ هياغ هياغ


أنا شايف ان المنافسة على احر من الفحم الا أقول ياسورا وش صار بموضوع البصل:D :D :D :D :D
sora
05-08-2001, 07:38 AM
إتصلت فيني شركة ديزني و قالولي إنهم يبون طلبية 4 أطنان من البصل علشان يوزعونها على الموظفين
ELVERADOUS
05-08-2001, 07:42 AM
طيب بدل ماتضيعي وقتك روح قطفي كم حبة بصل :D :D :D :D


الا أقول مافي دويتو (:D ) قادم يجمع الداج وسورا وناف:D :D :D
sora
05-08-2001, 07:45 AM
و الله انا قاعدة اناقش الموضوع مع مدير اعمالي .. و اشوف إذا جدول أعمالي يسمح و لا لأ:D
النايم
05-08-2001, 01:27 PM
يلا كملي
leopard_1
05-08-2001, 01:33 PM
يلا كملي

:D
مهجدهم
05-08-2001, 01:51 PM
اعطيك ريال بس لاتكملين
AmoooR
05-08-2001, 04:06 PM
بعد الاحباط اللي أمس زعلت البنت و قعدت تصيح نغير الموضوع



مادام فيها حش في سكوال القصة عجبتني كملي :)
king_boy
05-08-2001, 04:49 PM
الفيرادوس:
وانت ضروري تاكل برينجلز او فشار وبيبسي
:p :p :p
slimshady
05-08-2001, 05:36 PM
كملي
مهجدهم
05-08-2001, 05:42 PM
ترا اذا كملتي مافيه ريال
ELVERADOUS
05-08-2001, 05:57 PM
هي ماتبي ريال هي تبي دينار هغغغغغغ هياغ هياغ



كنج بوي: مرة كنت أقرأ قصة داج ومعاي الفشار المهم كنت أكل واضحك بعدين انحشرت فشارة في نص البلعوم قعدت أشرب بيبسي الين مانزلت واستقرت في المعدة عشان كذا غيرت برينجلز:D :D :D :D :D :D :D لأنه سهل الهضم كخخخخخخخ مدري هغغغغغغ هياغ هياغ هياغ