The Chronicles of Riddick: Escape From Butcher Bay بعد التجربة !!!

[aoks]

بسم الله الرحمن الرحيم

اخيرا شريت اللعبة قبل امس ...

صراحة ما كنت متوقع انها تكون بهالمستوى وتوقعت ان جريج كان يبالغ ب 93% !...

بس اكتشفت انه مقصر معها :09:

صراحة اللعبة خياااالية لأبعد الحدود ..الرسوم فيها جبارة جبارة جبارة ..

نظام التجسس خطير ! ...

طريقة القضاء على الأعداء فيها متعة + حماس

قصة رائعة .. تقدم في الاحداث يزيد من روعة اللعبة

صراحة ابدا ابدا ما كنت متوقع تطلع لنا لعبة بهالشكل ...

وفي النهاية اقولكم لازم تشترونها ... وتستاهل اصلي :)

واي سؤال حول اللعبة ان شاء الله اقدر اجاوبه

تقديري لها 95%

[sir KoRn]

انا شريتها أول ما تزلت وصراحه تقريبا أفضل لعبة على الاكس ......:p

وشكرا على الموضوع كنت ناوي اكتبه بس سبقتني و رفيوك رائع :biggthump ...

بس لو تحط شوي صور للشباب الي ماشافوها على شان يقتنعون

thanks again

[RAUL 7]

مشكووور اوكس ..

ما كان لي خلق للعبة FPS :33: .. لكن شكلي بغير رايي :06: .. كثير يمدحها .. :biggthump

عموما ..من خلال آراء سابقة .. أنا أثق بذوقك .. و شاريها بكره ان شاء الله ..

:)

[ABODE@ZONE]

اللعبة رائعة جدا جدا جدا يعني فان ديزل أبدع في فيلم بياتش بلاك

وهاهو يتحفنا بهاللعبة الرائعة ولاتنسون أنه كان حريص على أنها تطلع بشكل رائع

ولكن مهما سوت ماتجي زي أسطورة ألعاب التصويب DOOM3

الله يصبرنا إلى 20 / 7

ماني قادر أنتظر

وشكرا

[Na9er]

انا شريت اللعبه بس لما الحين ما لعبتها والحين بروح ألعبها وقولكم راي بعد التجربه

[Homoud]

ممممم عيل خل أشتريها مرة وحده مع الأكس بوكس الظاهر حلوه حيل :33:

aoks
اللعبه فيها خدمة ال Live :06:
اذا فيها أنت تشوفها حلوه بالأون لاين ولا لا -___-"


شكرا ^____^

[Mesharey]

بس اكتشفت انه مقصر معها :09:
كالعادة بأغلب الألعاب :09: ..

مبروك أوكس..
انا إن شاءلله بشتريها اليوم ممكن..

اكتب معلومات عنها -___-..
بالنسبة للجرافيك أخذ 10/10 بجيم سبوت والناس يقولون قوي جداً بس بالصور اللي اشوفه انه عادي P:
بالمناسبة انهيت ننجا جيدن ولا لأ؟ الناس خلصوها مرتين :09:

[Dr-CuTe]

هذي اللعبه خرافيه انا ما قدرت اسيبها صراحه رررررررررروعه :biggthump :biggthump

[aoks]

بسم الله

sir KoRn : مشكور اخوي على ردك .. والصور متوفرة بجميع المواقع مثل Gamespot

RAUL 7 : العفو اخوي .. وصدقني انا ما اسميها FPS .. انا اعتبرها FPA مثل مترويد

سكوال88 : ماازيد شي على كلامك .. صدقت

Na9er : حرام عليك !! للحين ما لبعتها ... قدامك متعة كبيرة روح حصلها

Jill©Valentine : فعلا اللايف موجود .. لكن مو لعب ... اعتقد تنزيل حاجات فقط

Mesharey : انا مثلك ... كنت اشوف الجرافيكس إلي في الصور واقول عادية ... بس لما تلعب وتشوف الجرافيكس O.O وبالنسبة للنيجنا جايدن توني كنت العب فيها امس احاول اخلص الشابتر 15 .. ومعي 7 ادوية صغيرة وثلاثة كبيرة بس ما في فايدة p:

abdullah sdf : مبروك عليك اللعبة

[Mesharey]

امس حصلت اللعبة أصلية بس..ما أخذتها لأني مريت على السوق مصادفة وماكانت عندي فلوس كافية لها..
وبصراحة مو مقتنع فيها اني اشتريها أصلي P:
ممكن راح انتظر للكوبي يوم السبت..
عزيز لوعندك وقت اذكر معلومات عن اللعبة..يعني الأسلحة طريقة اللعب..معلومات زيادة -__-..
بالنسبة لننجا جيدن شوف موضوع المساعدات الرسمي..كتبت رد لك ^^

[Na9er]

مشاري انا لعبت اللعبه اول ما لعببتها قلت تصويرها عادي ومافي شي نينجا قايدن وايد احلي تصويرها في الفيديوووو فقط قاعد اتكلم يعني تصوير عادي بس لما تلعب اللعبه تصويرها حلوووو

لعبه خياليه وايد وطريقه مميزه وغير باقي الالعاب يعني اسلوب يديد في اللعبه
اول ما لعبتها قلت عنها عاديه وما تستاهل أصلي ليش اول ما تلعب كأنك قاعد تلعب لعبه ادفنجر
عموما اللعبه طريقتها تلعبها تدريجيا يعني اول شي اعزل من السلاح بعدين تاخذ سجاجين واسلحه خفيفه
من تاخذ الاسلحه الشت قن والمسدس ولذي منهو اتقول لاااااااا اللعبه حدها عجيبه

بالنسبه حق السعر انا اخذتها من شعبان اب 17 دينار

اذا مالك خلق تنطر او ما عندك لعبه اتسليك اشترها اصلي بس والله تستاهل احسن من ريمو سكس هل لعبه السكا لووول
في النهايه اللعبه !

[SNYMA]

مشكوووور أوكس على كلامك الرائع للعبة , أنا الصراحة ما شريتها لأني مشغول شوي بالكمبيوتر الجديد @@
إنشالله بأشتري اللعبة و أنا أعرف من زمان إنها لعبة جميلة , أوكس بغيت أسألك سؤال
هل الأداء الصوتي للممثل فين ديزل في اللعبة أروع أداء في عالم الألعاب أم لأ؟
لأني قريت المراجعة مالت جيم سبوت و يمدحون فين ديزل على أدائه اللي جعل اللعبة , تجربة سينمائية رائعة
و مشكووور مرة ثانية على التقدير , و أنا أعطيها قبل لا ألعبها 100%^^

[ABODE@ZONE]

أخوي كيوب لوفير بصراحة ماعمري شفت أداء صوتي زي هذي اللعبة أبد حتا الأن

يعني من جد فين ديزل مجتهد في اللعبة ويتمنا أنها تطلع على أكمل وجه وتحقق الحلم حتا الأن هي جالسه على

عرش ألعاب التصويب والأكشن واللعبة تستاهل تدفع فيها 230 ريال وأنت مغمض

وأتمنا أني أفدتك يا أخوي كيوب لوفير

ومبروك على الكمبيوتر تبليه بالعافيه :D .

شكرا

[Na9er]

aoks


هلب مييييييي

انا وصلت اخر شي عند واحد يقولي في بكج صوب الغاز اروح اخذه المكان ألي في لوحه علي الباب لازم تجندس عشان تدخل كلا غاز ما تقدر تتنفس عموما خذيت البكج ورديت للريال وقالي يبي قنبله او ما ادري نوعا ما من هل قبيل عموما يقولي روح تور19 ما ادري وين هل مكان وما اعرف شلون اروحله افتريت الاماكن كلها ولا اعرف شو الحل

وفي شغله ثانيه شنو سالفته هل ريال الحديدي ما يموت ولا شنو ما اعرفله كلا يذبحني شلون اموته بس ألي اعرفله اني اكهربا وما يتحرك وبعدين يرد يقوم يطقني

لا تبخل علينا :tongue2:

[sir KoRn]

انا أقول لك....:D

الرجال الي عطاك البكج عطاك كرت صح و قال أستخدمة ......

أرجع للمصعد الكبير الي جيت منه .....(الي تسللت فوقه وكان فيه حارسين تتذكر:أفكر: )

رح و أستخدم الكرت راح يوديك للدور الي كنت فيه اول الي هو السجن بس من الجهه الخلفيه الي هي مكان العمل .....

راح تلقاء جدار نط فوقه وتعلق على السلم الي في الجدار و راح ترجع للمكان الي فيه واحد يدور نظاراته....(ذكرت:p )

رح للغرفة الي بالزاويه المظلمه الي فيها الكهرب فيها باب مسكر أفتحه بالكرت وراح يوديك للتاور المطلوب....:biggthump

بس أهم شي عطيت السجين فلوس الي يقول ابه يبي يشرد أنتباه الحراس عنك أذا جيت فوق الكافتريا ...كلها 50 بس راح يساعدك كثير...................

أتمنى أني ساعدك أخوي :cool:

[Na9er]

والله كلامك حلو بس مو مفهوم

الكج اهوه يقولي روح يبلياه انا اعطه اياه بعدين ما اذكر انه عطاني شي بس قالي روح حق المصعد بس رحت انا هناك ما يوديني مكان اذا دخلت صوب المصعد اطق عليه يصعدني فوق اول ما افتح المصعد تكون غرفه حواليه كهربا وفي مكان فتحه السترال اطقها ودش داخلها أقا شي داخل اخذه جنه بكج مال الزقاير وبعدها راج في صثندوق اصعد عليه ونطق من فوقه وشوف غرفه صغيره فيها رجل اّلي ما اقدر اذبحه من اطق بالغرفه ما اقدر اسوي شي وفي بالغرفه جامه ما ادري شنو سالفتها

[Na9er]

اخيرا حليتها ولاكن يا فرحه ما تمت وصلت لي عند رئيس ما اقدر عليه ماني عارفله طريقه ألي جنه روبي كوب هىهى رجل اّلي عملاق اكبر من ألي كل مره يطلعلي وماني عارفله طريقه هل من معين

[sir KoRn]

ايه شفت أذا رقيت فوق الجدار تشوف الغرف الي فيها الالي ...الغرف الصغيرة.....لا تنزل خلك فوق الجدار روح اوله تلقى سلم في السقف نط عليه و تسلق وامش لين الجدار الثاني.....ثم أنزل :cool:

[sir KoRn]

على البركه.....:biggthump


هذا يالحبيب أضرب فوقه فيه زي القطع تمشي كأنها علبة كعك:09: أضربها أذا كانت تماما فوقه .....كم مره و يموت........:cool:

شي ثاني اخوي:biggthump

[Artistic-Mind]

اللعبة شكلها شي انا امس كنت في النسر للبرامج بس ما شريتها شريت لعبة ثانية لكني شفتها من بعيد انا شريت لعبة بي سي .
FAR CRY

[Na9er]

هم ما فهمت انا عند الرجل الأّلي الكبير ألي بالغرفه مربعه فيه اربع عواميد ماني عارف اطقه افتر يمين يسار ماني عارفله طريقه ارجوو التوضيح اكثر

[Na9er]

خلاص شباب عرفت شلون اموته ما منكم فايده لول

[aoks]

لول معليش ما دخلت المنتدى من زمان

اضربه من خلفه بالشوت جن :09:

[Na9er]

حاولت شكثر اني اضربه من الخلف بس هاذي الطريقه غير صحيحه او غلط بمعني اخر انتا لو تلاحظ تشوف في اشياء تتحرك فوق الكاميرات المعلقين ألي يمشوف من تطق واحد منهم راح يطيح ويسوي انفجار عاط ثبت مكان الرجل الاّلي وطيحه عليه بس اربع مرات ويموت وما يخسرك شي من الطاقه

[Na9er]

باركولي نهيتها للأسف يا شباب اللعبه صغيره وايد وايد الواحد بعد ما تسلا فيها وخلصت بسرعه عموما خووش لعبه

[Mesharey]

شريت اللعبة اليوم .. اللعبة حلوة روعة صراحة لكن فيها عيوب أو تقريبا شي واحد ومكرر..
وهو الكلام الـ$%#$!! والرسومات والكلام على السجن الـ$#@$!!

انهيت فيها تقريبا 3 أو 4 مهمات .. بصراحة كنت متوقع انها تكون أفضل -__-..

طريقة التحكم بالشخصية حلو واستخدام الأسلحة ممتع ومسلي ..

تقديري لها 85% بسبب الجو العام للعبة..ممكن يزيد لما أوصل فيها أبعد ~__~

بالمناسبة ناصر بكم ساعة انهيتها ؟ واللعبة صعبة ؟

[Na9er]

والله ما ادري بجم ساعا ليش ما شفت مكان يكتبلك جم ساعه لعبت اللعبه بس عموما انا ألعب قطاعي بس أذا لعبت استن علي اللعب يعني كل يوم وترك بس اقعدلي بو ساعتين لعب واقوم لول يعني اوقع اقل من 10 ساعات

[aoks]

حرام عليك يا مشاري !!!!

الجو العام للعبة خيالي !

[opz box]

شريت اللعبة عجيبة
و طريقتها يديده
و احلى شي فيها انه لمه اكون في السجن في حراس يقولي امش بعيد احاول اذبحهم
شباب عندي استفسار
الحين اول ما تبدى اللعبه اكون في مكان مكشوف مع حارس و اثنين بعدين اذبح الحارس و انزل تحت و لمه اخر المهمه انحاش من السجن
بس بعدين يحطون عرض بداية و ماسكيني الحراس و مدخليني السجن فابي اعرف شنو السالفه
يعني انا انحشت و امسكوني مره ثانية و الا شنو

[D0WN~T0WN]

ياخي ذا اللعبة كنت احتريها سنتين ومادريت انها نازلة الا امس

ابجربها وادلي برأيي حصريا :cool:


الا صح فيه واحد يسلم عليك يقاله 2001king وتراه عضو قديييم مرة

[DeadLy_]

أنا الصراحة ما شريتها لأني مشغول شوي بالكمبيوتر الجديد @@
QUOTE]
مبروك :09: و تستاهل :D مع انها جات متاخرة شوي ><
[QUOTE]باركولي نهيتها للأسف يا شباب اللعبه صغيره وايد وايد الواحد بعد ما تسلا فيها وخلصت بسرعه عموما خووش لعبه
اهم شي انها خوش لعبة :05:

[Deadly Spot]

انا اشتريت اللعبة وواصل للمرحلة الثانية والصراحة اللعبة في متعة
كبيرة لكن ماتوصل لمتعة ملك العاب الفيرست بيرسون هالو
ومشكور اخوي على الموضوع