المواصفات هذي زينة ?!

[RAUL 7]

السلام عليكم ..
:)

بصراحة انا ما عندي خبرة بالهاردوير :06: .. لكن عندي مواصفات حبيت أسأل عنها :33: .. و هل هي زينة و الا لا .. و يا ليت لو تعطوني سعر تقريبي لها :) ..

الموذر بورد .. هي من جيجابايت لكن ما اعرف موديلها بالضبط :09: .. أعتقد انها هذي اذا ما كنت غلطان Gigabyte Socket 478 MB-8IPEPRO Motherboard ..
المعالجIntel Pentium 4 3 GHz ، و 1 MB الكاش ..

الرام : 2x512 >>1024 MB DDR 400

الهارد ديسك 120GB .. SATA :06:

كرت الشاشة ATI Radeon 9800 pro

DVD-ROM

LiteOn DVD-RW\+RW :biggthump

بالاضافة لمحرك فلوبي 1.44 و فاكس مودم .. :cool:

فهل في خلل بهالمواصفات ? :afraid:
و كم بيكلفني هالجهاز تقريبا ..?!

و أكون شاكر لكم جدا :)

[hataky_kakashi]

بصراحة المواصفات زينة و مذربورد أعتقد أنها865pe بس شنو ماركة الرام ؟؟ والهارديسك شنو الماركة وكم سرعته ؟؟ وكرت الجرافيك كم الرام وتصنيع أي شركة ولا من ati نفسهم ؟؟ كم سرعة الdvd روم و شنو ماركته ؟؟ كم سرعة الdvd رايتر ؟؟ لم تذكر الكيس case أو حتى الباور سبلاي :06:

[RAUL 7]

ههههههه .. ما قلت لك ان ما عندي سالفة ..?! :09:

المهم الراام ما اعرف وش ماركته .. بس هل في فرق ?! :06:

و نفس الشي للهاردديسك الي اظنه من ويستيرن ديجيتال .. بالنسبة لسرعته ما ادري اذا كنت تقصد الـ 7200 rpm والا لا .. :33:

اما الكرت فهو 128 .. و من شركة ATI نفسها .. :biggthump

و الـ DVD ROM ما دققت .. لأنها ما تفرق كثيير من اي شركة .. باستثناء السعر .. :tongue2:

و سرعة الرايتر 8 اكس للموجب و السالب .. :wow:

و الكيس و الباور سبلاي أختاره بالنهاية .. بقول له عطني واحد عملي و زين للكيس .. يناسب هالمواصفات .. و الباور سبلاي بعد ..

عموما قالي سعره بحدود الـ 5000 .. منااسب و الا غاالي ? :)

شكرا اخوي على الرد :)

[hataky_kakashi]

ههههههه .. ما قلت لك ان ما عندي سالفة ..?!
--------------
أخوي يمكن فهمتني غلط المذربورد اللي كاتبها أسمها صح ومتوافقة مع المواصفات اللي ذكرتها أنا بس قلت أنها مبنية على رقاقة 865pe :D
-------------
أي يفرق ما بين رام ورام فمثلا شركة كينجستون ( kingston) مشهورة بتصنيع رامات ذات أداء متوسط أما crosair و ocz فمشهورين بتصنيع رامات ذات أداء عالي وستلاحظ بنفسك الفرق الكبير بالسعر بين الكروسير و ال ocz وبين الرامات الأخرى فخلال أخير زيارة لي لمحلات الكمبيوتر في الكويت
( قبل أمس :p ) وجدت أن سعر الكروسير أكثر من ضعف سعر الكينجستون مع أن لهم نفس التردد ونفس الذاكرة (512) سعر الكروسير كان بحدود 85 دينار:bigeyes: أما الكينجستون فلم تتعدى ال 38 ... فرق كبير أليس كذلك ؟ ولكن عند قياس الأداء نجد الغلبة للكروسير دون تردد ... إذا كنت تريد كمبيوتر أحلام فخذ الكروسير و إذا كنت تريد جهاز بسعر متوسط و أداء جيدجدا فخذ قطعتين من كينجستون( ملاحظة : أسعار الرامات و البروسيسرات في أرتفاع و أنخفاض دائم فلا تفاجئ إذا أرتفعت أسعار الرامات أو أنخفضت فجأة)
------------
توشيبا،ماكستور،سيجايت،فوجيتسو،ويسترن ديجتال كلها شركات ممتازة لتصنيع الهاردسيكات ولكنني أفضل السيجايت شخصيا ونعم أقصد بالسرعة عدد اللفات بالدقيقة و ال 7200 هو الرقم التقليدي حاليا ولكن سرعه 10000 أصبحت متوفرة بسهولة الآن وسعر الهارديسك ذو ال 120 جيجا بسرعة 7200 لا يتعدى ال 30 دينار بكل الأحوال ونصيحتي أن تأخذ هارديسكين أحدهما أولي ذو 10000 rpm وستكون 37 جيجا أكثر من كافية ( سعره حوالي ال60 دينار ) و أخر 120 جيجا بسعره 7200 هذا يضمن لك أداء عاليا أن شاء الله
----------
لااااااا لاااااا وألف لا لا تشتري كرت مصنع من قبل ati أبدا فمشاكله كثيرة و أنصحك ب asus أو abit فهما أفضل بكثير وقد رأيت 9800 pro من تصنيع asus و كان بحدود ال 170 دينار
----------
سرعة ممتازة جدا للdvd رايتر ومن شركة جيدة أيضا
---------
بالنسبة للكيس فأنصحك ب thermaltake أو lian li أو silverstone أو coolermaster و أنا أستعمل ثيرمال تايك ذو أربع مراوح و قد أرتحت له جدا و سعره على ما أذكر كان بحدود50 دينار وقبل أيام رأيت كيس lian li بسعر 110 دينار :bigeyes: وكانت عادية جدا و ضخمة ...أما للباور سبلاي فلا أنصحك بأقل من 400 وات ومن أنتيك أو أنرماكس أو سايلن أكس وخصوصا أنتيك antec التي تعتبر أفضل شركة تصنيع باورسبلاي و أعتقد أن سعر الأنتيك ذو ال 520 وات ب 45 دينار
--------
أعتقد أن 5000 ريال رقم مناسب جدا ( جهازي القادم سيتعدى ال 9000 ريال تقريبا :blackeye: )

[RAUL 7]

يعطيك الف عافية أخوي .. ما قصرت و الله .. :)

كل الي اسويه اني أتأكد من شركة الرام .. و يفضل انها تكون ocz أو crosair .. اذا ما حصلتها أو المجموع النهائي للسعر زاد كثير .. راح آخذ kingston .. لأني بصراحة ما أحتااج اداء خارق .. :31:

و أضيف هارد ديسك سرعته 10000 و حجمه 37 جيجا .. لكن هل هو مهم اني احط اثنين ?! :06:

و كارت الشاشة آخذ من asus (المشكلة ما عندهم حاليا) :( .. أو abit ( ما سألت عنها ) :33: .. و أعتقد الفرق بيتجاوز االـ 300 ريال .. مب مشكلة اهم شي بدون مشااكل :biggthump

و الكيس راح أشيك ان شاء الله .. و اذا ما حصلت احد الانواع الي ذكرتها فالمهم أتأكد انه التبريد فيه جيد .. :)

و الباورسبلاي باخذ انتيك ان شاء الله .. :cool:

و تسلم اخوي على مساعدتك :)

[PC-PS2]

سبحان الله نفس مواصفات الجهاز اللي ابي اشترية لاخواني انشاء الله ..

بذكرك لك المواصفات اللي اخترتها انا مع اسعارها بالرياض .

المعالج .. انتل بانتيوم 4 3.00 قيقا والذاكرة 1024 سعره 880 ريال .
اللوحة الام... قيقا بايت 875 اظن اخر رمز لها xp وكرتونها اسود مع كتابات بالذهبي او قريب من كذا ... المهم انها تدعم خاصية (هايبر ثريدنق) او الرامات المضاعفة او (الداول شنل) .. وغير كذا من مميزات هاللوحة .. وجود قطعة خاصة تكون قريبة من مدخل الفارة والماوس وشكلها مربع وبحجم الكف مهمتها تنظيم توزيع الكهرباء وظمان استقرار النظام !! وغير كرت الصوت المدمج (belt in) ذو نوعية ممتازة .... اضافة الى شيء ممتاز وهو كرت شبكة مدمج ايضا ... بس ما تأكدت من نوعه.سعرها 870 ريال .
الرامات .. للأسف افضل نوع موجود هو (الاسبكتيك) .. وفية نوع جديد هو( توين موس ) يمدحونه وكنت ناوي اسأل عنة في موقع عرب هاردوير ... علشان اتلأكد لاني شفت القطعة وسرعتها pc2700 والتوقيت كان افضل من السبكتيك لانه 2.5 واللي اعرفة كل ماكان التوقيت اقل كل ماكان افضل ... وودي صراحة بكينجستون لانها افضل الاسوأ عندنا بس حتى هي ماني لاقيها ... وشي مهم ان ال(bus) او سرعة تمرير البيانات ونقلها فيه سرعة جديدة وهي 400 والقديم واللي موجود اكثره بالسوق333 . حط هذا في بالك .باخذ شريحتين 512 علشان افعّل خاصية الهايبر ثريدنق ... سعر الشريحة الوحده 430 ريال .
القرص الصلب.. ويسترن ديجيتال ايضا افضل الاسوأ في اسواقنا ... ولكن هناك نوعية افضل من 7200 bb ونازل الحين بالسوق لكن للاسف ماسألت عن الفرق بين السرعتين نفس الماركة ... وهو اللي سرعتة 10000 .. مدري عن السعر
الاشياء الباقية ماتهمني مرة اذا اختلفت فيها .. بس كان ببالي نفس ماركة السي دي روم عادي .. والحين غيرت الى سامسونج 60 ريال اظن .
امممممممم
وش بعد .. كرت الشاشة بخليهم يمشون بكرتي القديم gforc4 mx se من abit يشغل كل الالعاب ماشاء الله لكن على اقل جودة ... ماعدا لعبة ايج اوف ميثولوجي وسعرة ب250 ريال بس .

سعر الجهاز كله بدون شاشة وبدون كرت شاشة 2900 ريال .. صح غالي بس يستاهل .. انشاءالله . :33:

وتحياتي لكم

[hataky_kakashi]

سبحان الله نفس مواصفات الجهاز اللي ابي اشترية لاخواني انشاء الله ..

بذكرك لك المواصفات اللي اخترتها انا مع اسعارها بالرياض .

المعالج .. انتل بانتيوم 4 3.00 قيقا والذاكرة 1024 سعره 880 ريال .
اللوحة الام... قيقا بايت 875 اظن اخر رمز لها xp وكرتونها اسود مع كتابات بالذهبي او قريب من كذا ... المهم انها تدعم خاصية (هايبر ثريدنق) او الرامات المضاعفة او (الداول شنل) .. وغير كذا من مميزات هاللوحة .. وجود قطعة خاصة تكون قريبة من مدخل الفارة والماوس وشكلها مربع وبحجم الكف مهمتها تنظيم توزيع الكهرباء وظمان استقرار النظام !! وغير كرت الصوت المدمج (belt in) ذو نوعية ممتازة .... اضافة الى شيء ممتاز وهو كرت شبكة مدمج ايضا ... بس ما تأكدت من نوعه.سعرها 870 ريال .
الرامات .. للأسف افضل نوع موجود هو (الاسبكتيك) .. وفية نوع جديد هو( توين موس ) يمدحونه وكنت ناوي اسأل عنة في موقع عرب هاردوير ... علشان اتلأكد لاني شفت القطعة وسرعتها pc2700 والتوقيت كان افضل من السبكتيك لانه 2.5 واللي اعرفة كل ماكان التوقيت اقل كل ماكان افضل ... وودي صراحة بكينجستون لانها افضل الاسوأ عندنا بس حتى هي ماني لاقيها ... وشي مهم ان ال(bus) او سرعة تمرير البيانات ونقلها فيه سرعة جديدة وهي 400 والقديم واللي موجود اكثره بالسوق333 . حط هذا في بالك .باخذ شريحتين 512 علشان افعّل خاصية الهايبر ثريدنق ... سعر الشريحة الوحده 430 ريال .
القرص الصلب.. ويسترن ديجيتال ايضا افضل الاسوأ في اسواقنا ... ولكن هناك نوعية افضل من 7200 bb ونازل الحين بالسوق لكن للاسف ماسألت عن الفرق بين السرعتين نفس الماركة ... وهو اللي سرعتة 10000 .. مدري عن السعر
الاشياء الباقية ماتهمني مرة اذا اختلفت فيها .. بس كان ببالي نفس ماركة السي دي روم عادي .. والحين غيرت الى سامسونج 60 ريال اظن .
امممممممم
وش بعد .. كرت الشاشة بخليهم يمشون بكرتي القديم gforc4 mx se من abit يشغل كل الالعاب ماشاء الله لكن على اقل جودة ... ماعدا لعبة ايج اوف ميثولوجي وسعرة ب250 ريال بس .

سعر الجهاز كله بدون شاشة وبدون كرت شاشة 2900 ريال .. صح غالي بس يستاهل .. انشاءالله . :33:

وتحياتي لكمأخوي تقنية ال HT للبروسيسرات بس مالها علاقة بالدوال شانل ( DUAL CHANNEL) نهائيا و أنا بصراحة مو متعمق فيهم ولكن ببساطة الHYPER THREADING تمكن البروسير من أداء عده أعمال بكفاءة أكبر وليس له علاقة بتقنية الدوال شانل الخاصة بالرام و شركة ويسترن ديجتال ممتازة جدا و أيضا شركة TIWNMOS جيدة ( أنا أستعملها ) و كرت MX بكل فئاته كرت فاشل و لا يصلح للألعاب نهائيا و إذا كان لا يستطيع تشغيل لعبة بسيطة لا تتطلب قوة عالية من مثل أيج أوف مثولجي فهو دليل على فشله ولكنه ممتاز لمن أراد كمبيوترا بسيطا لن يستخدم تطبيقات ثلاثية الأبعاد و بالنسبة للمذربورد فهي أكثر من ممتازة و تعتبر من أفضل المذربوردات للبنتيوم 4و أعتقد أن أسمها 8KNXP
----------------------
أخوي RAUL 7 والله للألعاب أنصحك بكروسير أو OCZ ولكني أستعمل TWINMOS لأن الميزانية التي وضعتها للكمبيوتر الحالي لم تكفي لشراء ال كروسير و مو ضروري تضيف هارديسكين بس أنا أقولك راح يزيد من أداء كمبيوترك واجد و ASUS تستاهل ال 300 هذه أما الكيس فليست مهمة لدرجة كبيرة خصوصا أنك ستشتري بانتيوم 3 جيجا فقط فأعتقد أن كيس بمروحتين كافي ولكن الباور سبلاي مهم و أنصحك بالبحث عن الأنتيك و أنا بصراحة أفرح بمساعده أخواني فلا شكر على واجب ;)

[PC-PS2]

يعطيك العافية .. الاخطاء اللي مثل هذي هي اللي تعلمنا ... عموما يبيلي اراجع عن هالمعلومة اكثر !! :33:

ومبروك الجهاز مقدما

[RAUL 7]

:)
السلام عليكم ..

يعطيكم الف عافية اخواني .. :)

قررت أغير الموذربورد لـ Gigabyte K8NNXP Motherboard :cool:

بالنسبة للرام .. فهي من شركة TWINMOS .. توقيتها 2.5 !! :06:

أما الباورسبلاي .. من شركة thermaltake و قدرته 480 واات .. و صراحة عجبني .. :biggthump

و هذا الكيس الي أخذته http://www.lian-li.com.tw/english/product.php?action=viewPD&prdid=827

غير هذا .. ما غيرت شي .. و الله يبارك فيك أخوي بي سي بس اس 2 :)


الف شكر لكم مرة ثاانية :)

[@@ ABU_SAUD @@]

السلام عليكم ..
:)
الموذر بورد .. هي من جيجابايت لكن ما اعرف موديلها بالضبط :09: .. أعتقد انها هذي اذا ما كنت غلطان Gigabyte Socket 478 MB-8IPEPRO Motherboard ..
المعالجIntel Pentium 4 3 GHz ، و 1 MB الكاش ..

الرام : 2x512 >>1024 MB DDR 400

الهارد ديسك 120GB .. SATA :06:

كرت الشاشة ATI Radeon 9800 pro

DVD-ROM

LiteOn DVD-RW\+RW :biggthump

بالاضافة لمحرك فلوبي 1.44 و فاكس مودم .. :cool:

فهل في خلل بهالمواصفات ? :afraid:
و كم بيكلفني هالجهاز تقريبا ..?!

و أكون شاكر لكم جدا :)


قويه مواصفات الجهاز

بس انت بالظبط تبيه عشان ايش ؟؟

اذا كان العاب حرام صراحه

لانك حاط كل شيء قوي بس كرت الشاشه مو ذيك القوه ... هو مو ضعيف ,, هو قوي بس فيه اقوى منه

وبما انك حاط اقوى المواصفات فليه ما تكملها بكرت الشاشه

عندك جي فورس 5950 الترا ... او راديون 9800 xt


اما من ناحيت السعر ... غالي ... لو تلف السوق زياده راح تلاقي ارخص منه

[RAUL 7]

قويه مواصفات الجهاز

بس انت بالظبط تبيه عشان ايش ؟؟

اذا كان العاب حرام صراحه

لانك حاط كل شيء قوي بس كرت الشاشه مو ذيك القوه ... هو مو ضعيف ,, هو قوي بس فيه اقوى منه

وبما انك حاط اقوى المواصفات فليه ما تكملها بكرت الشاشه

عندك جي فورس 5950 الترا ... او راديون 9800 xt


اما من ناحيت السعر ... غالي ... لو تلف السوق زياده راح تلاقي ارخص منه

مرحبا اخوي .. تسلم على ردك :) .. بالنسبة للجهاز فأنا نويت أخليه 4 سنواات .. متعذب مع جهاازي الحين .. أو بالأصح أنا معذبه :D

بالنسبة لكرت الشاشة .. سمعت ان الفرق بين قدرة ال XT و ال Pro ما يسوى فرق السعر بينهم و البالغ 800 ريال .. :33:

و هذي أول تجربة لي مع كروت التقنية الجديدة .. فحبيت أجرب ATI الي ساحرة كثير هنا :09:

و بالنسبة للسعر .. يعني كم تقريبا يكلف هالجهاز ?! هل في فرق كبير ? الي عاجبني بالمحل انه ثقة و كل الناس تمدحه .. و أنا أول مرة أجمع جهاز .. يعني دايما جاهز .. :reporter:

[RAUL 7]

قويه مواصفات الجهاز

بس انت بالظبط تبيه عشان ايش ؟؟

اذا كان العاب حرام صراحه

لانك حاط كل شيء قوي بس كرت الشاشه مو ذيك القوه ... هو مو ضعيف ,, هو قوي بس فيه اقوى منه

وبما انك حاط اقوى المواصفات فليه ما تكملها بكرت الشاشه

عندك جي فورس 5950 الترا ... او راديون 9800 xt


اما من ناحيت السعر ... غالي ... لو تلف السوق زياده راح تلاقي ارخص منه

مرحبا اخوي .. تسلم على ردك :) .. بالنسبة للجهاز فأنا نويت أخليه 4 سنواات .. متعذب مع جهاازي الحين .. أو بالأصح أنا معذبه :D

بالنسبة لكرت الشاشة .. سمعت ان الفرق بين قدرة ال XT و ال Pro ما يسوى فرق السعر بينهم و البالغ 800 ريال .. :33:

و هذي أول تجربة لي مع كروت التقنية الجديدة .. فحبيت أجرب ATI الي ساحرة كثير هنا :09:

و بالنسبة للسعر .. يعني كم تقريبا يكلف هالجهاز ?! هل في فرق كبير ? الي عاجبني بالمحل انه ثقة و كل الناس تمدحه .. و أنا أول مرة أجمع جهاز .. يعني دايما جاهز .. :reporter:

[أبو الهمم]

المواصفات الجديدة رائعة
اللوحة الأم و الكيس والباور سبلاي وكرت العرض حتى جيد
لكن المعالج
مادام حولت لهذه اللوحة الأم يعني تبغي تشتري AMD Athlon 64 ما شاء الله :)
أي واحد اخترت ؟

[RAUL 7]

المواصفات الجديدة رائعة
اللوحة الأم و الكيس والباور سبلاي وكرت العرض حتى جيد
لكن المعالج
مادام حولت لهذه اللوحة الأم يعني تبغي تشتري AMD Athlon 64 ما شاء الله :)
أي واحد اخترت ؟

مرحبا اخوي ابو الهمم .. تسلم على ردك .. :)

بالنسبة للمعالج .. فما غيرته .. Intel Pentium 4 .. 3.0 GHz .. Bus 800 MHz ..1 MB L2 Cache .. :biggthump

صحيح ان الـ AMD جيد .. لكن .. مع الخيل يا شقرا :09:

[M.O.B]

intel pentium 4 3.0GHZ 1MB cache
دير بالك اخوي
هذا بيحمى كثير
و حرارته اعلى من اي معالج اخر

[أبو الهمم]

كيف غيرت اللوحة الأم إلى
Gigabyte K8NNXP Motherboard
وهذه اللوحة للـ AMD 64 ؟

[RAUL 7]

M.O.B :)

مرحبا اخوي .. بس كيف أدير بالي ؟! يعني لازم أريح الجهاز بين فترة و الثانية ..؟! :33:

أبو الهمم :)

آسف أخوي :blackeye: .. الأسامي تتشابه هاليومين :09: أنا أقصد 8KNXP .. و هذي هي بالضبط :

http://tomshardware.bizrate.com/marketplace/product_info/details__cat_id--419,prod_id--7577562.html

:)

[أبو الهمم]

ما دامك بتشتري من غيغابايت اشتر مروحتهم الرائعة 3D Cooler GT وزنها أكثر من نصف كيلو لكنها حل تبريدي رائع وكيف تخلي حرارته منخفضة ؟ لا تشغل ألعاب ! اشتر Case ألمنيوم وفيه مراوح قوية :) انظر النصائح السابقة
وأفضل نصيحة اشتر معالج أقل قليلا لأنه سيكون أرخص و الأهم ( أيرد :) )

[hataky_kakashi]

الفرق ما بين برو XT بسيط و أحيانا يتغلب ال PRO على ال XT ( لعبة CALL OF DUTY مثال على هذا ) و يستمر أن شاء الله لأربع سنوات
-------------------------
سعر ال AMD غالي جدا عندنا في الدول العربية لأن الطلب عليه يكون قليلا فقد تكبدت صعاب كثيرة للحصول على بروسير AMD 64BIT ذو سرعة 2.2 جيجا وأداء 3400+ بسعر جيد ولكن لمن يريد كمبيوتر ألعاب فلا أنصحه إلا بال AMD فأداءه أكثر من رهيب
-------------------------
الكيس الذي أخترته جيد أخوي RAUL بصراحة أختيار موفق والمذربرود أكثر من ممتازة أهنئك عليها والباورسبلاي جيد أيضا والرام مقبولة ولكنك لم تخبرنا عن سعر أي منهم
-------------------------
3 جيجا يصدر حرارة عالية :06: إذا ماذا نقول عن ال AMD 64 و ال PRESCOTT فهم يشتعلون أشتعالا وخصوصا ال EXTREME EDITION الذي تغلب على كل البروسيرات بالسعر و الحرارة الصادرة عنه فأعتبر أكثر بروسيسرات X86 أصدارا للحرارة بجدراة

[RAUL 7]

مرحبا أخوي أبو الهمم ..


ما دامك بتشتري من غيغابايت اشتر مروحتهم الرائعة 3D Cooler GT وزنها أكثر من نصف كيلو لكنها حل تبريدي رائع
شكرا عالنصيحة :) .. بس حاليا الجهاز كله مرااوح .. شوي و يطير .. خخخخخخ :09:


وكيف تخلي حرارته منخفضة ؟ لا تشغل ألعاب !
امممم .. بالنسبة للألعاب .. أنا مب من النوع الي يقعد أكثر من 2-3 ساعات متواصلة باللعب :)


اشتر Case ألمنيوم وفيه مراوح قوية انظر النصائح السابقة
وأفضل نصيحة اشتر معالج أقل قليلا لأنه سيكون أرخص و الأهم ( أيرد )
الكيس الي أخذته أظنه جيد مثل ما يقول أخوي hataky_kakashi .. و مثل ما قلت لك كله مرااوح .. و بالنسبة للمعالج توكلت على الله و أخذته .. و بصراحة يومين و ما شفت مشاكل و الحمدلله ..

شكرا جزيلا أخوي :)

===============

مرحبا أخوي hataky_kakashi :)


الكيس الذي أخترته جيد أخوي RAUL بصراحة أختيار موفق والمذربرود أكثر من ممتازة أهنئك عليها والباورسبلاي جيد أيضا والرام مقبولة ولكنك لم تخبرنا عن سعر أي منهم
شكرا أخوي .. بالنسبة للسعر فما أعرف بالضبط كم سعر كل قطعة .. لكني أعتقد ان الموذربورد بسعر 1350 :33: .. في ستكر عليها و مكتوب هالرقم .. عموما الجهاز كله كلف 5600 :)

و تسلم أخوي على مساعداتك :)