بعد شرائي ل 7610 ادخلو واقروا انطباعي عنه + مقارنه بين صورة مره من 6600 ومره من 7610

[mad_dog]

السلام عليكم سا اعضاء المنتدى الكرام :) ......

وعذرا اذا طولت الصفحه لانه فيها صور كبيره شوي :)

بعد شرائي لل7610 اليوم ...اكتشفت انه لا يتفوق على ال 6600 من نواحي كثيره !!

فاكبر فرق هو شكل ال 7610 الذي له طابع نسائي غالب على تصميمه من ال 6600

ناهيك عن شدة وضوح الشاشه الي تعتبر اوضح من ال 6600 وقوة الكامره !! والكامره اللتي فاجاتني بقوتها !!

فصورت لكم صوره مره من ال 7610 ومره من 6600 لتقارنو بين الصورتين !! وطبعا صورة لكم من قيتاري العزيز :09:

المهم ما علينا اخليكم مع الصور اللي هم خاصين وحصريين بمنتدى المنتدى يعني ارجو انه محد يبوقهم

والاولى من 6600

http://tranim.com/upload/files/maddog-1088468360.jpg

والثانيه من ال 7610 الرهيييب !!


http://tranim.com/upload/files/maddog-1088468632.jpg

واي استفسار في ال 7610 لا تترد فقط استفسسر عنه وانا راح اجاوبكم بسرعه وبدقه من خلال تجربتي

وفمان الله

[darkitp]

شي حلو جدا , بس لو تعطينا وصف بالبرمجة

مثل كم كيلو بايت لملف النغماس السمفونية يتحمل بين الاثنين ؟

وكل ذاكرة موجودة داخل الجهاز الجديد ؟

الكاميرا عملية وحلوة , كم البكسل للكاميرا ؟

هل فيها مساوئ من حيث البطارية ؟ وكم ساعة تستمر ؟

وشكرا :)

[mad_dog]

شي حلو جدا , بس لو تعطينا وصف بالبرمجة

مثل كم كيلو بايت لملف النغماس السمفونية يتحمل بين الاثنين ؟

وكل ذاكرة موجودة داخل الجهاز الجديد ؟

الكاميرا عملية وحلوة , كم البكسل للكاميرا ؟

هل فيها مساوئ من حيث البطارية ؟ وكم ساعة تستمر ؟

وشكرا :)

بخصوص الكاميرا هذي مميزاتها !!

----------------


كاميرا رقمية مدمجة 1 megapixel
جودة نقاء 1152 × 864 خاية (1 megapixel)

تقريب رقمي × 4

صور بالصيغ القياسية والليلية

مؤقت ذاتي

نماذج العرض: JPEG، GIF87a/89a، EXIF، DCF، WBMP، BMP، MBM، PNG


مسجّل فيديو
جودة نقاء: 128 × 96 أو 174 × 144 خلية (Sub QCIF أو QCIF)

المدة: حتى 10 دقائق

تقريب رقمي × 4

نماذج المشاهدة: 3GPP، MPEG-4، H.263، Real Video
-------------------------

وهذي مميزات الذاكره

ذاكرة ديناميكية داخلية بقوة 8 ميعابايت لعناوين الاتصالات، الرسائل النصية، الرسائل الإعلامية المتعددة، نغمات الرنين، الصور، الفيديو كليب، ملاحظات الروزنامة، تأليف لائحة والتطبيقات

بطاقة إعلامية متعددة MMC بحجم مصغّر 64 ميغابايت


-------------------

وبخصوص البطاريه الجهاز توني ما صارلي 7 ساعات شاريه !! .... بس اعتقد انها ممتازه جدا

اي شي ثاني انا بالخدمه يا عسل

[sary64]

السلام عليكم ورحمة الله وبركاته
:ciao: وكيف حالك اخوي عسى ما انت زعلان وماااااد ؟
سؤالي هل نزل السوق السعودي وكم سعره ؟
وشكرا

[mad_dog]

اخوي انا من الكويت مو من السعوديه بس اعتقد نزل وسعره 2500 ريال سعودي :)

[BLACK TIGER]

الذاكره 8 ميغا بس!!

بس أكثر شي عجبني فيها الكاميرا

شفت الصور عند أصحابي وااااااااااضحه

شي خيالي

ومشكور اخوي ..

[mad_dog]

الذاكره 8 ميغا بس!!

بس أكثر شي عجبني فيها الكاميرا

شفت الصور عند أصحابي وااااااااااضحه

شي خيالي

ومشكور اخوي ..

اخوي هذي الذاكره الرئيسيه لكن كرت الذاكره 64 ميجا وقابل للزياده :)

[Shung high]

..................................ز

[mad_dog]

لماذا لماذا لماااااذا؟
سؤال صعب, سؤال صعب, سؤال يراودنيييي.
لماذا تطير الطيور في السماء؟
سؤال صعب سؤال صعب سؤال يراودنييييي.
لماذا الإثنين قبل الثلاثاء؟
سؤال صعب سؤال صعب سؤال يراودنييييي.
و السلام

اخوي شكلك داش غلط ..هذي الاسئله روح لورعان سبيستون يجاوبنك عليها ماشي :)

وعليكم السلام :)

[Pr.Game]

الصورة واضحة جدا

بس أعتقد بعد كذا ما راح آخذ نويكا

أفكر في آي ميت :)

ومشكور ماد دوج :).

[mad_dog]

الصورة واضحة جدا

بس أعتقد بعد كذا ما راح آخذ نويكا

أفكر في آي ميت :)

ومشكور ماد دوج :).

العفو حبي وانا عندي i-mate ppc

والجهاز عاجبني لابعد الحدود بس لا تشتري الا اذا انت متاكد انك تحتاجه :) ...لانه يتمتع بخصائص الكمبيوتر

بس طبعا هو فيه كاميرا لكن كامرته اضعف من ال 7610 :) ......لكن مافي سبيل بالمقارنه

بين 7610 و ال i-mate لانه ال i-mate كمبيوتر جيب والاخر عباره عن تلفون :) يضم بعض المزايا

[abora3ed]

سعره ياطويلين العمر 2100 توني أمس شاريه من السعودية بالرياض

[Mista Koo]

أبو رعد

من وين بسررررررعةلوسمحت؟ مع الوصف!
وعلى فكرة أنا ملاقيه بمجمع المرسلات بـ3000


وكمشور ماد دوج أنا كنت أبي أسألك من وين لأني جاي للكويت الجمعة بس الظاهر في الرياض أرخص

[راكانو]

أخوي أنا عندي الباندا
وماتهمني دقة الصورة هل تنصحني أشتريه
يعني هل في ميزات أحسن من الباندا
أوووووووووووووه نسيت في راديو أخوي

[مصرقع اس اس]

بصارحه 7610 فنان مع واحد من اخوياي بصراحه فنان بس عيبه ان شكله نسائي

[mad_dog]

أخوي أنا عندي الباندا
وماتهمني دقة الصورة هل تنصحني أشتريه
يعني هل في ميزات أحسن من الباندا
أوووووووووووووه نسيت في راديو أخوي





لا اخوي اذا ما دقة الصوره وما اعجبك ستايله لا تشتريه وخصوصا انه مافيه راديو :)

[CHALLENGER]

أهلاً أخوي ماددوج
ألف مبروك على الجهاز , و إن شاء الله بشوفه عند أحد المحلات و اقرر لو اشتريه او اشتري باندا

بس عندي كم سؤال

الباندا فيه راديو ؟
7610 السوفتوير الي يشتغل عليه هو نفسه تبع الباندا و شكرا

[mad_dog]

اهلا اخوي جلنجر :)

الباندا مافيه راديو وحتى ال 7610 مافيه راديو ايضا :)

ال 6600 يشتغل على نضام سمباين 0.6 اما ال 7610 يشتغل على نظام 0.7 لكن يشغل برامج ال 0.6 :)

واي استفسار ثاني انا حاظر :)

[راؤول الأسطورة]

مبروك أخوي عالجهاز
وبغيت أسئلك عن عيوبه - اذا كانت عنده عيوب - :tongue2: ؟
وهل يوجد فرق كبير بينه وبين 6600 باستثناء وضوح الصور؟

[mad_dog]

هلا اخوي راؤوول :) ...عندك وضوح الصوره والستايل ماله .....واعتقد بعد فرق وهو انه يدعم خاصية الجافا للي يتصفحون مواقع !!

وهذي الفروقات الوحيده اللي للحين محصلها بينهم وعندك انه يدعم ال mp3 من غير لا تحط سوفتوير مثل الباندا وبس

يعني اللي عنده الباندا وما يهتم بالكاميرا لا يشتريه :)

[tootti10tootti]

أخوي ابو رعد .. انت شاريه مستعمل ؟؟ لأني شايفه بــ 2500

و مبروك اخوي ماد على الجوال :) والله يهنيك فيه :D

المهم اخوي .. تنصحني اشتريه ولا لأ ؟؟؟ خاصة اني الحين بدون جوال لأني اليوم بعت جوالي الخايس المايسترو

يعني ابي اعرف هو سهل الإستخدام ؟ و حجمه اكبر من الباندا ؟

و كيف تدخل على النت ؟؟؟ سهل وكذا على طول تدخل .. ولا لازم اشياء و سوالف و ماادري ايش و برامج و اشتراكات ؟؟ يعني كيف تدخل على النت بالتفصيل لو سمحت ؟؟

و أكيد تقدر تنزل فيديو كليبات من الكمبيوتر ؟؟ صح ريل بلاير وكذا ؟؟


وايش فيه عيوب ؟؟
وانت ايش اشريت لونه ؟؟

وتتوقع من ماليزيا يكون ارخص ؟؟ و افضل ولا لأ ؟؟ يعني اشتريه من هنا ولا ماليززيا
وبعدين لو اشرتيته من ماليزيا سهل وانا راجع على السعودية ( الرياض ) ادخله معاي ؟؟ ولا ممكن يأخذوه ؟؟ في المطار





وشكرا ,,

[mad_dog]

أخوي ابو رعد .. انت شاريه مستعمل ؟؟ لأني شايفه بــ 2500

و مبروك اخوي ماد على الجوال :) والله يهنيك فيه :D

المهم اخوي .. تنصحني اشتريه ولا لأ ؟؟؟ خاصة اني الحين بدون جوال لأني اليوم بعت جوالي الخايس المايسترو

يعني ابي اعرف هو سهل الإستخدام ؟ و حجمه اكبر من الباندا ؟

و كيف تدخل على النت ؟؟؟ سهل وكذا على طول تدخل .. ولا لازم اشياء و سوالف و ماادري ايش و برامج و اشتراكات ؟؟ يعني كيف تدخل على النت بالتفصيل لو سمحت ؟؟

و أكيد تقدر تنزل فيديو كليبات من الكمبيوتر ؟؟ صح ريل بلاير وكذا ؟؟


وايش فيه عيوب ؟؟
وانت ايش اشريت لونه ؟؟

وتتوقع من ماليزيا يكون ارخص ؟؟ و افضل ولا لأ ؟؟ يعني اشتريه من هنا ولا ماليززيا
وبعدين لو اشرتيته من ماليزيا سهل وانا راجع على السعودية ( الرياض ) ادخله معاي ؟؟ ولا ممكن يأخذوه ؟؟ في المطار





وشكرا ,,

هلا اخوي طبعا انصحك تشتريه لانه رائع وهو يعتبر حجمه اصغر من ال 6600 :) .....وبعدين دخول النت سهل جدا جدا

فقط اطلب الاعدادات من الشركه وتصفح وبخصوصو وين احسن بالسعوديه ولا ماليزيا والله ما اعرف لاني ساكن بالكويت :)

[Final Fantasy 7]

تصدق عاد يا عادل .. اليوم كنت رايح أشتري تلفون 6600 .. أول تلفون نقال راح أشتريه .. و لكن واحد من أهلي ياب لي كتلوج حق 7610 .. و تذكرت كلامك عنه .. فغيرت رأيي على آخر ساعه و قررت أني أدخل و أسئلك جم سؤال على أثرهم راح أقرر أي واحد فيهم أشتري :biggthump


س1 - هل يشغل 7610 كل برامج 6600 .. و لا فيه برامج ما يشغلهم ؟

س2- أقدر أنزل ألعاب جيم بوي أدفانس على الـ 7610 و ألعبهم و لا لأ ؟

3- كرت الميموري يالي يكون مع 6600 يكون حجمه 28 ميغا حق الصور و الأفلام .. فجم حجم هالميموري مع 7610 ؟

4- بجم اشتريت الجهاز أنت و جم مدة الكفاله معاه .. و كان معاه ملحقات و لا لأ و شنو هم ؟

5- أقدر أنزل مثلا برنامج الويندوز ميديا بلاير على الـ 7610 علشان اشغل فيها الأفلام ؟

6- أكيد أقدر أنزل نغمات MP3 على الـ 7610 و أخيلهم نغمات .. صح و لا خطأ :tongue2: !

7- شلون لون جهازك .. الرصاصي مع البيج و لا الأسود مع الأحمر ؟

8- بجم يبيعون الوصلة يالي أربط فيها بين الجهاز و الكمبيوتر ؟

9- هل اكسسوارات 6600 تركب على الـ 7610 ؟



و يعطيك العافية و آسف لأني ثقلت عليك بالأسئلة بس استحملني شوي :09:



و سلام ;)

[CHALLENGER]

أهلاً أخي Final Fantasy 7 مع اني مو خبير بهذا الجهاز بس بحاول اجاوبك على بعض الأسئلة :
1- اعتقد انه يشغلهم لأنه يشتغل على نفس نظام الباندا Symbian 7.0s

انتظر الاخ ماددوج للاجابة على بقية الاسئلة ;) و اي خدمة نحن حاضرين

[Final Fantasy 7]

أهلاً أخي Final Fantasy 7 مع اني مو خبير بهذا الجهاز بس بحاول اجاوبك على بعض الأسئلة :
1- اعتقد انه يشغلهم لأنه يشتغل على نفس نظام الباندا Symbian 7.0s

انتظر الاخ ماددوج للاجابة على بقية الاسئلة ;) و اي خدمة نحن حاضرين

مشكووووور على الاجابه ما قصرت ^^

و سؤال آخر أضيفه الى قائمه أسئلتي :tongue2:


أقدر أنزل ألعاب النوكيا ان غيج ( مثل تومب رايدر ) و ألعبها على الـ 7610 ؟
و أقدر أوصل فيها و بعدين مثلا أعمل Save Game و أكمل من نفس المكان يالي وصلت و حفظت فيه مرة ثانية ؟


هالسؤااااال ضروري أجد له الجواب الشافي .. و شكرا :)

[Neo Cid]

يا حبي يا عادل انت مال طق ..

تصدق أن 6600 وصلني اليوم كهدية ؟ .. و موضوعك حبطني .. :blackeye:

انزين .. لنفرض ان الجهازين ما عندهم كاميرات .. شنو راح يكون الفرق الداخلي بينهم ؟ .. فيه فيه فرق بالسرعة و هالأمور ؟ ..

يعطيك العافية

[mad_dog]

Final Fantasy 7 : اهلا فيك وكل اسئلتك جوابها عندي وانا ابو هندي :p


س1 - هل يشغل 7610 كل برامج 6600 .. و لا فيه برامج ما يشغلهم ؟

شوف ال 7610 يشتغل على نظام سمبين 7.0 و ال 6600 يشتغل على نظام 6.0

يعني النظام الخاص بال 7610 احدث من ال 6600 لكن شركة نوكيا اجعلت ال 7610 يشغل البرامج الخاصه

بالنظام 6.0 واللي 6600 واحد منهم يعني نعم يشغل كل برامج 6600 والمستقبل راح تشوف برامج تشتغل عليه

ولا تشتغل على 6600 :)



س2- أقدر أنزل ألعاب جيم بوي أدفانس على الـ 7610 و ألعبهم و لا لأ ؟

للاسف لا فقط العاب الجيم بوي كلر :) ...لانه نزل له برنامج محاكاه لكن للادفانس مافيه للاسف :)
ولانه اعتقد قوة كرت الشاشه للادفانس ما يقدر يشغلها ال 7610 :) حله من حال ال 6600 واللي يشغل ايضا
العاب الجيم بوي كلر ولا يشغل الادفانس ......فيمكن ما راح نشوف برنامج محاكاه للادفانس على الجهازين :)


3- كرت الميموري يالي يكون مع 6600 يكون حجمه 28 ميغا حق الصور و الأفلام .. فجم حجم هالميموري مع 7610 ؟

الميموري الرئيسي لجهاز ال 6600 هو 6 ميجا والكرت الملحق 32 ميجا ومو 28 ميجا مثل ما قلت
وبخصوص ال 7610 الذاكره الرئيسيه للجهاز هي 8 ميجا ويتفوق على ال 6600 بهالنقطه والكرت اللي يجي معاه 64
ميجا .......وملاحضه : حجم كرت الذاكاره ل 7610 اصغر من 6600 ويجي حجم كرت الذاكره بحجم ال sim card !!


4- بجم اشتريت الجهاز أنت و جم مدة الكفاله معاه .. و كان معاه ملحقات و لا لأ و شنو هم ؟

شريت الجهاز ب 190 دينار ومعاه كفاله سنه من (الهاتف الاوربي) لانه كان عندهم اللون اللي ابيه والصناعه فنلنديه
اسود بحمر :P وملحقاته كانت ...شاحن + كرت الذاكره + cd + كيبل dku-2 حق الكمبيوتر + خيط تعلقه فيه



5- أقدر أنزل مثلا برنامج الويندوز ميديا بلاير على الـ 7610 علشان اشغل فيها الأفلام ؟
هو فيه برنامج ال realone يعني تقدر تنزل افلام وتشوف ....لكن لازم يكونون بصيغ معينه وهي
gp3 و rm و ram :) وهذا بخصوص الافلام


6- أكيد أقدر أنزل نغمات MP3 على الـ 7610 و أخيلهم نغمات .. صح و لا خطأ !

طبعا تقدر تنزل وتحطهم ك نغمه بعكس ال 6600 :)


7- شلون لون جهازك .. الرصاصي مع البيج و لا الأسود مع الأحمر ؟

الاسود مع الاحمر ...لانه اللون الثاني ما عجبني !! والاسود يبين مع اضاءة الشاشه فوق الكووووول


8- بجم يبيعون الوصلة يالي أربط فيها بين الجهاز و الكمبيوتر ؟

لا تخاف متوفره مع الجهاز الكيبل الخاص :)


9- هل اكسسوارات 6600 تركب على الـ 7610 ؟

ممممم.....ما اعتقد كلهم .. لان كرت الذاكره يختلف


وعاااااااادي اخذ راحتك واذا عندك اي اسئله اكثر قول عادي وشوف بنهاية الموضوع بحط صوره مصور ال 6600 و 7610 وهم يم بعض :p ومصورهم من ال i-mate (((مسوي دعايه )) :P

[mad_dog]

Neo Cid : يا هلاااااا .... وينك الله يهداك ما تبين المهم خلنا نجاوب ولنفرض انه خاصية الكاميرا منلغيه

نظام ال 7610 وهو السمبين 7.0 متطور اكثر من ال 0.6 يعني فيه تلافي لعيوب في ال 6600 مثل مرات يعلق

ونادرا ما يعلق طبعا :) هذا واحد .....وطبعا ال 7610 منه وفيه يحتوي مشغل mp3 وتقدر تجعل هذا الامتداد كنغمة لك

بعكس ال 6600 اللي ما يدعم ال mp3 لكن تقدر تحط برنامج يشغل ال mp3 بس ما تقدر تحطه كنغمه :)

ومثلا لو نجيب صوره من الكمبيوتر ونستعرضها في ال 7610 و ال 6600 تشوف الصوره اوضح في ال 7610

بشكل ملحوووووض ....واضيف انه يدعم الجافا لتصفح افضل للمواقع ...وايضا كرت الذاكره في ال 7610 اصغر

حجما من 6600 والذاكره الرئيسيه في ال 7610 هي 8 بعكس ال 6600 واللي يكون فيه 6 :)

وطبعا هذي الفروقات اللي للحين مشاهدها بين الجهازين .....وطبعا سرعة نقل الملفات والتشغيل في 7610 اسرع من 6600

وهذي الفروقات اللي حسيتها للحين وما تعتبر فروقات بسيطه :) ..... بس اكرر واقول ال 6600 روعه

لكن اللي تهمه الفروقات اللي ذكرتها يشتري ال 7610 من غير تردد ومبروك عليك الهديه وانشالله تتربا في عزك

وشوف الصوره اللي راح ارفقها في اخر الرد

[mad_dog]

هذي صوره توضح الفرق في الشكل بين 6600 و 7610 بس انا مصورها من ال i-mate فتشوفونها مخرفه شوي :p

http://tranim.com/upload/files/maddog-1088738121.jpg

[CHALLENGER]

اخي mad_dog أريد أوضح نقطة انه جميع الـ6600 الي نزل بعد 2004 مدعم بنظام Symbian 7.0 و ليس 6.0 كما في نسخ 2003 و هذا الشي تأكدت منه عند الوكيل المحلي و عطاني ورقة بالمواصفات و مكتوب انه 7.0 !

[CHALLENGER]

سؤال اخي عادل ... (( هلكناك معانا ))

هل يأتي مع الـ6600 وصلة للكمبيوتر ؟

و لو ممكن تخبرني شو يجي معه

[mad_dog]

سؤال اخي عادل ... (( هلكناك معانا ))

هل يأتي مع الـ6600 وصلة للكمبيوتر ؟

و لو ممكن تخبرني شو يجي معه


هلو حبي :) ...... ممم لا ال 6600 لمن شريته ما اذكر انه جا معاه وصلة كمبيوتر ابدا

فقط الجهاز والميموري كارد والكفاله :)...... والف شكر لك للمعلومه القيمه :) بس انشالله انا بتاكد منها اكثر

[نقاش غير]

السلام عليكم أنا عضو جديد
معليش على الأزعاج والله كثرنا عليك الأسئلة عندي سؤال واحد بس؟:tongue2: :tongue2:

7610 فيه وصلة الليزر زي 6600؟ :12: :12:

[intel]

السلام عليكم ورحمة الله وبركاته.........

لكل جهاز ميزات وعيوب ومن مميزات ال7610 عن 6600 :

1- يدعم تصفح HTML
2- يدعم ال EGPRS
3- يدعم ملفات ال RealAudio وال AAC & MP3
4- يدعم مسيقى MID بعمق 48 poly آلة في وقت واحد (الباندا 24 poly )
5-كميرا بدقة 1 Megapixel و 4x Zoom
6- له كيبل USB

عيوبه:

1- لايوجد به FM
2- لاتوجد به وصلة IR

بنسبة للشكل في بعض الأغلفة المناسبة للرجال مثل:

E:§tar¤™xMy PicturesNokiamobileaccelerator[1].jpg

وأشكرك على المقارنة mad_dog :reporter:

[camry]

اخوي انته تنصحني ب7610 ولا 6600 بكل صراحه؟؟

لاني ابغي اشتري واحد منهم ......

وهل لل7610 ثيمات ؟؟ وبرامج ؟؟

وهل برامج 6600 تركب على 7610؟؟

وشكرا

[mad_dog]

شكرا للرد :)

وال 7610 لا يوجد به ir

[camry]

اخوي انته تنصحني ب7610 ولا 6600 بكل صراحه؟؟

لاني ابغي اشتري واحد منهم ......

وهل لل7610 ثيمات ؟؟ وبرامج ؟؟

وهل برامج , وثيماتال 6600 تركب على 7610؟؟

وشكرا

لو سمحت يالغالي لاتنساني
...

[Mista Koo]

لوسمحت أخوي ماد دوج


تقدر تقول لي وين في الكويت ممكن تحصله بهذا السعر بس ما أدري هذا الضمان انترناشنل يصلح في السعودية وللا لأ وأبيك لوسمحت تقول لي بكم بدون ضمان


وكمشووووور وااااااااااااااااايد

[رياح السموم]

اخ ماد دوق انا من السعوديه بالرياض اليوم استبدلت جوالي الباندا 6600 (2003) بجوال 7610


والزياده كانت 1300 ريال


هل انا خسران ام ربحان ام مناسب السعر؟؟؟؟؟


افدني