مــتى بتتــــزوج !!!! حقيقتا [الأرشيف]

Grandia

30-06-2004, 12:33 AM

السلام عليكم

قد يكون البعض متزوجا في هذا المنتدى ولاكن علي ما اعتقد بنسبه قليله جدا :)

هل تفكر بالزواج قريبا سنه او حولها :09:

انا الفكره تروح وتجي في بالي :)

يقولون الزواج اهتمام ومسئوليه والسهر مع الشباب ان ساه والخ ...

انا مره قلت لأخوي المتزوج كذا قال لي الرجال ليه سموه رجال لأنه يقدر يهتم بالمسوليئه وطلعات الشباب والسهر بتكرهها بعد الزواج قلت ((والله كلام مغري)) :tongue2:

علي العموم انتوا وش رايكم

$*DeATh*$

30-06-2004, 01:17 AM

ويييني وين الزواج ااخ لازم اصبر

سنة

سنتين

ثلاث

اربع...

ويمكن بعدها اخطب..

وخمس ويمكن بالسابعة اتزوح

اذا الله عطانا عمر.. :biggthump :biggthump

TNT-BOY

30-06-2004, 07:16 AM

و من ما يريد يتزوج ؟ ;)

عن جد الزواج شي مغري للبعض

بس بالنسبه لي الزواج هو الزواج <<<<<<<< رقعوها ليه :tongue2:

يعني من وانا صغير وانا حاط في بالي ان يوم من الايام بتزوج

وانا سائل كثير من المتزوجين الجدد وكلهم نصحوني بالزواج <<<<< حشا بيشتري خروف ما بيعرس :tongue2:

طبعا كلهم قالو ليي كلام " ما ينقال في المنتدى " <<<<<<<< اعتقد فهمتو ;)

يعني بأختصار لا تتوقع الكثير :D

بس منهي تعيـ~~ آ آ قصدي سعيده الحظ :tongue2: الى بتاخذني الله ورسوله اعلم

ولو تدرو قد ايش مزهق الوالده كل ما بين فتره وفتره اروح ليها و اسوي روحي جدي واقول ليها " ويش ما حصلتي ليي مراه " :D <<<<<<<<<<<<< واحيانا اقول " بنت الحلال"

وهي كل تحذرني من اني اروح بيوت اصحابي لانها عارفه انهم عندهم بنات وخايفه وحده منهم تخطفني <<<<<< الشكل له فعاليه :05:

مع العلم اني الى الحين ما خلصت الثانويه :biggthump وعندي اخوه اثنين جامعيين و بعدهم ما يخطبو :D

D0WN~T0WN

30-06-2004, 08:16 AM

صراحة تجيني فترات ودي اتزوج اليوم قبل بكرة لكن حاليا مانيب قد المسؤولية ابدا وتوني ببداية دراستي الجامعية

يعني يمكن بعد 5او6 سنوات

وعسا القى بنية تقبل بي :( >>>ماودكم تعطونه ريال

Y a z e e d

30-06-2004, 11:11 AM

اهلين ،،،
شف عزيزي انا لا راعي ( سهرات ) ولا ( انشغالات ) من اي نوع كانت ،،،
حتى اصدقائي اجتمع بهم ساعتين ثلاث بالكثير ،،، يعني مو مشكلة ،،، ابد ،،،
الا اني عندي قناعة ،،، أن الزواج معوق للنجاح والسبب أنه مسؤولية خطيرة ،،،
أنا من اللي يحبون تطوير الذات ،،، أو ما همتني أي دراسة من أي نوع ، أدرس ، لكن دراسية ذاتية أيضا ،،،
حتى بعد التخرج ما اعتقد اني بفكر بالزواج بدري إلا إلى أن تستقر حياتي ،،، وأضمن أن مستقبلي جالس يتطور ،،،
وأقدر أكمل حياتي وارفع نفسي اكثر و اكثر وقتها بخطب ،، واذا خطبت راح اعجل بالزواج !
لأني من الناس اللي يقلقون على كل شيء ،،، من سفر وحجوزات و...و...الخ ،،،
وبالتالي بيضيع الوقت بين الخطبة والزواج على " سخافات " ،،،
لكن ما اسعد الشخص يحضى بزوجة مشابهة له في كل شيء ،،،
زوجة تفهم اسبابك تقدرك تحترمك تحترم قدرك وتساعدك ! ،،،،

الله يعين بس ،،،
ومشكور على الموضوع ،،،

CHALLENGER

30-06-2004, 11:53 AM

أنا أرى انني لن اتزو الآن و لا حتى فترة قريبة لأن هناك اشياء اهم الان في فترة حياتي يجب ان استغلها

Pr.Game

30-06-2004, 12:14 PM

إن شاء الله الزواج بعد عشر سنين من الحين

محنا مستعجلين

خلنا نخلص الجامعة

ونتهنا شوية

بعدها نفكر بالجواز :).

Grandia

30-06-2004, 04:22 PM

كلمة الزواج تخوف :09:

هذا ما استنتجته :)

والله صدق يخوف

Da S.O.S

30-06-2004, 05:52 PM

بصراحه وحقيقتا انا لسه عمري 15 ثاني ثانوي
بس كلمه زواج تخوف شوي ولاكن احس انه بتستمتع بالحياه مع شخص يحبك وينتظرك لين ما تيجي وتحبه برضو انتا
وتتعاونوا بككل شئ
شئ حلو بصراحه بس له سيئات كثيره
وبالنسبه لي لسه بدري شوي على الزواج خل نخلص الجامعه ونشوف شغل وبعدين نتزوج:)

Chad

30-06-2004, 07:19 PM

إن شاء الله رح أتزوج في حدود 5 سنوات على الأكثر

:)

Angel whisper

30-06-2004, 08:24 PM

next summer :08:

darkitp

30-06-2004, 09:40 PM

انا خاطب صار لي 6 سنوات :blackeye:

ويا ليتها تعدي على خير !!! :31:

Argandir

30-06-2004, 09:55 PM

مهوب قبل سنتين من الان for sure... :31:

Grandia

30-06-2004, 10:43 PM

اخيرا فيه ناس ترفع معنوياتي :)

Angel whisper : بالتوفيق ان شاء الله

darkitp : مره وحده ست سنين والله سالفك سالفه :p علي العموم ان شاء الله كل شي يمر بخير :)

Argandir : سنتين مش بعيد :)

tidusxxx

30-06-2004, 11:52 PM

اييييييييييييييييييييه:02: ودي والله ما عييت:tongue2:
بس موضوع يخوف :31: توني آكل مكرونة بالبشاميل وقعدت افكر:لو تزوجت وحدة ماتعرف تطبخها وش بسوي؟:tongue2:

Yamato

01-07-2004, 12:44 AM

:31:
يمكن خلال هالسنتين.. اذا الله راد لنا هالشي..

Till then.. Enjoy the life

Veronica_X

01-07-2004, 12:21 PM

الزواج بعد كونه قسمة و نصيب فهو مسؤلية :blackeye:
و اغلب الرجال الله يهديهم قبل الزواج عندهم مغامراااات كثير :أفكر:
بس الحمد لله عيال الحلال موجودين :)

بس الى الان اولى ما علي دراستي الجامعية ..كلها ان شاء الله ثلاث سنوات و نكمل البكلوريس :09:
ما حنا مستعجلين على شئ :p

مع اني الاحظ اغلب الشباب اللي ردوا بالموضوع ...يختارون ياجلونه .....ايش السبب :06:

Ramza

01-07-2004, 12:48 PM

بالنسبة لي انا أفكر أخطب بعد سنتين او ثلاث لما أقرب أخلص دراستي الجامعية لانه توني ما بديت
وعمري حالياً 20 سنة يعني لما يوصل عمري 24 او 25 ان شاء الله وقتها أتزوج ولكن اذا حسيت اني
اقدر على تحمل المسؤولية ووجدت عمل مناسب .. وبالتوفيق للجميع ان شاء الله .

مع اني الاحظ اغلب الشباب اللي ردوا بالموضوع ...يختارون ياجلونه .....ايش السبب

أختي فيرونيكا معظم الشباب سببهم نفس سببك .. يعني الدراسة هي العائق الوحيد قدامنا .. وطبعاً صعبة الواحد
يتزوج وهو لسى ما اكمل دراسته الجامعية .. ووقتها راح يكون صعب عليه انه يصرف على بيته لانه ماعنده شغل
غير الدراسة .. لهذا السبب معظم الشباب لا يفكر بالزواج الا بعد الدراسة .. ولكن لا شيء يمنع من الخطبة قبل
انتهاء الدراسة بسنة لكي يحصل التعارف من الطرفين ولكن يبقى في النهاية قرار صعب .

ثريول

01-07-2004, 02:26 PM

بإذن الله بعد ثلاث سنين تقريباً , يمكن أكثر ويمكن أقل http://www.montada.com/images/icons/icon7.gif .

Grandia

01-07-2004, 02:40 PM

الزواج يمكن يكون بعد فتره بس شريكة حياتك عادة تختارها قبل الزواج بكم سنه :) ان شاء الله التوفيق للجميع

F I N A L

02-07-2004, 01:57 AM

و من ما يريد يتزوج ؟ ;)

عن جد الزواج شي مغري للبعض

بس بالنسبه لي الزواج هو الزواج <<<<<<<< رقعوها ليه :tongue2:

يعني من وانا صغير وانا حاط في بالي ان يوم من الايام بتزوج

وانا سائل كثير من المتزوجين الجدد وكلهم نصحوني بالزواج <<<<< حشا بيشتري خروف ما بيعرس :tongue2:

طبعا كلهم قالو ليي كلام " ما ينقال في المنتدى " <<<<<<<< اعتقد فهمتو ;)

بس منهي تعيـ~~ آ آ قصدي سعيده الحظ :tongue2: الى بتاخذني الله ورسوله اعلم

ولو تدرو قد ايش مزهق الوالده كل ما بين فتره وفتره اروح ليها و اسوي روحي جدي واقول ليها " ويش ما حصلتي ليي مراه " :D <<<<<<<<<<<<< واحيانا اقول " بنت الحلال"

وهي كل تحذرني من اني اروح بيوت اصحابي لانها عارفه انهم عندهم بنات وخايفه وحده منهم تخطفني <<<<<< الشكل له فعاليه :05:

مع العلم اني الى الحين ما خلصت الثانويه :biggthump وعندي اخوه اثنين جامعيين و بعدهم ما يخطبو :D
ماينشرا عليك عوامي :09:

والله انا ويني وين الى ماتتزوج باقي لي 10 سنين :afraid:

Musou

02-07-2004, 02:32 AM

WHEN COWS GO ON PILGRIMAGE ON THEIR HORNS
(يعني لما يحج البقر على قرونه)
:P :P :P

حقيقتن..... مدري.
بس اكيد مو في هذا الوقت

.....stupid college.... o__o

TNT-BOY

03-07-2004, 11:26 PM

ماينشرا عليك عوامي :09:

والله انا ويني وين الى ماتتزوج باقي لي 10 سنين :afraid:
خخخخخخخخخخخخخخخ

وليش مافي الى العواميين يزهقو امهم ويقولو انهم يريدو يتزوجو وهم بعدهم ما يخلصو الثانويه مع انهم ما يريدو يتزوجو ؟ :tongue2:

:33: شكله كلامك صحيح

:09: :tongue2:

-=Sum3@h=-

07-07-2004, 06:35 AM

Lena

07-07-2004, 09:14 PM

زواج........هه... كلمه كبيره حتى على الخرجين و الموظفين.....كيف احنا الطلاب....:06:
الله يعيننا عالسنتين اللي قدامنا الين نخلص الجامعه ......"لسه وراك تخرج و وظايف...ترى الدعوه ماهي لعب"
.......يا حظكم يالبنات...ما تشيلوا هم التخرج و الدراسه زينا.."ما راح تتخرج البنت و تقعد تجمع مهر و شبكه و فرح...الخ.." مو كلامي صح يا شباب؟؟؟؟...جاكي العريس ووافقتي.. خلاص و تروحي "عش الزوجه" مرتاحه البال لا ديون ولا بطيخ......:D
احنا والله اللي مساكين...:cray:
لا ماتفق معك بكلامك:tongue2:

بجانب التعب النفسي الي بتتعبه البنت (هل ابرضيه ..هل ابتوفق معه)

فان تعب الرجال يكون غالبا في البدايه تجميع الفلوس المهر البيت السفره..تدليع مبدأي

مجرد سنة او ثنتين او ثلاث من الهم..

بعدين يجي دور المرة بعد الزواج والي يستمر الى طول العمر باذن الله وهو الدور المتعب..الحمل الولاده تربيه العيال..شغل البيت ..التجمل للرجال.. والله هذا هم وتعب ما بعده تعب...بس يطمنا الاجر الي بناخذه من كل هذا:tongue2: ....

يعني الرجال يستاهل انه يتعب شوي ويجمع عشان هالي بتسعده باذن الله بحياته بعدين وبيرتاح ويلقى من يدلعه وياكله ويسنع له موره... صح:reporter:

احس لو ماتعب الرجال وش يبقى لهم يسوونه؟ لازم يتعبون شوي ثم بعدها بيجدون راحه... الحياه صعبة:tongue2:

وبث(&)

-=Sum3@h=-

08-07-2004, 05:19 PM

لا ماتفق معك بكلامك:tongue2:

بجانب التعب النفسي الي بتتعبه البنت (هل ابرضيه ..هل ابتوفق معه)

فان تعب الرجال يكون غالبا في البدايه تجميع الفلوس المهر البيت السفره..تدليع مبدأي

مجرد سنة او ثنتين او ثلاث من الهم..

بعدين يجي دور المرة بعد الزواج والي يستمر الى طول العمر باذن الله وهو الدور المتعب..الحمل الولاده تربيه العيال..شغل البيت ..التجمل للرجال.. والله هذا هم وتعب ما بعده تعب...بس يطمنا الاجر الي بناخذه من كل هذا:tongue2: ....

يعني الرجال يستاهل انه يتعب شوي ويجمع عشان هالي بتسعده باذن الله بحياته بعدين وبيرتاح ويلقى من يدلعه وياكله ويسنع له موره... صح:reporter:

احس لو ماتعب الرجال وش يبقى لهم يسوونه؟ لازم يتعبون شوي ثم بعدها بيجدون راحه... الحياه صعبة:tongue2:

وبث(&)
لاع لاع لاع....معليش اخت لينا...:tongue2:

ما اتوقع تتعبون زينا....
ويعني احنا اللي ما راح نتعب و نحاول نرضي البنت و نخليها مبسوطه...
ولا لا شباب.....come ooon back me up here ..اسألي اخوكي او اي احد متزوج و هو يجاوبك بنفسه...

Grandia

09-07-2004, 12:09 AM

لا ماتفق معك بكلامك:tongue2:

بجانب التعب النفسي الي بتتعبه البنت (هل ابرضيه ..هل ابتوفق معه)

فان تعب الرجال يكون غالبا في البدايه تجميع الفلوس المهر البيت السفره..تدليع مبدأي

مجرد سنة او ثنتين او ثلاث من الهم..

بعدين يجي دور المرة بعد الزواج والي يستمر الى طول العمر باذن الله وهو الدور المتعب..الحمل الولاده تربيه العيال..شغل البيت ..التجمل للرجال.. والله هذا هم وتعب ما بعده تعب...بس يطمنا الاجر الي بناخذه من كل هذا:tongue2: ....

يعني الرجال يستاهل انه يتعب شوي ويجمع عشان هالي بتسعده باذن الله بحياته بعدين وبيرتاح ويلقى من يدلعه وياكله ويسنع له موره... صح:reporter:

احس لو ماتعب الرجال وش يبقى لهم يسوونه؟ لازم يتعبون شوي ثم بعدها بيجدون راحه... الحياه صعبة:tongue2:

وبث(&)

ياسلام والله كلام يريح يكفيك
ان البنت تقول
(هل ابرضيه ..هل ابتوفق معه)
خلاص يكفيني هذا الهم :cool: اطير الفلوس كلها عشان عيونها والله اللي يحب ينسى هموم الفلوس ولا توخذ ربع تفكيره اذا كان حب صحيح :biggthump

بس انا اللي مازلت افكر فيه واريد وحده من الاخوات تجاوب عليه البنت متى تهتم بالزواج او هم اختيار الزوج او من مثل هذا القبيل يعني في عمر كم :)
وشكرا

Neo Cid

09-07-2004, 09:57 AM

والله لو بأيدي .. باجر السبت أروح مع الاهل اطلب ايد البنت لكن الأهل ماهم براضين ..

BOiND

09-07-2004, 10:33 AM

اول شيء خلوني اخلص الثانوية...
ثم المرحلة الجامعيه...
وحصل وظيفة...
بعديييييييييييييين على طاري ذا الموضوع :p >>>باقي لي اجل 9 سنوات:p

haman

09-07-2004, 01:43 PM

.فكره-الزواج-تخرع
خخخخخ
تونا-صغار-على-الزواج-عقب-ماحصل-الدكتوراه-(ان-شاء-الله)<<ادعولي

QataR NighTMarE

10-07-2004, 02:05 AM

ياخي لو الود ودي اليوم قبل باجر :09:
بس القهر ان توني باقي لي سنه واتخرج من الثانويه وبعدين الجامعه وبعدين الشغل يعني مشواااار
وفوق هذا الصراحه الزواج مسؤوليه وانا واعوذ بالله من كلمه انا احس اني مو قد هالمسؤوليه الحين
واحيانا اقول وش وراي ليه اتزوج من وقت خلني استانس بحياتي :D
واحيانا لأ اقول متى بتزوج :09:
واحيانا افكر واقول شلي بالزواج وعوار الراس خلني عزوبي مرتاح بالي واروح واجي على كيفي
يعني المزاج متقلب :(
بس خل نخلص الثانويه والجامعه وبعدين يصير خير :)

Y a z e e d

10-07-2004, 03:57 AM

Lena

كلامك 100% صحيح ...
المرأة تتعب كثير ،،، لكن هل تتعب بالوجه الصحيح ؟ من يدري ؟

Leorio-Hunter

10-07-2004, 07:59 AM

متى يعني؟ ...................

أكيد بعد التوجيهي

و بعد الجامعة

وبعد ما تلاقي شغل

و تحوش مصاري وتتزوج

بس فكرة الزواج كبيرة كثير و حلوة إثنين بحبو بعضهم موت يضلهم مع بعضهم يضحوا

ويسعدوا مع بعض يعني فكرة ضخمة و فيها كثير شغلات

Veronica_X

10-07-2004, 05:52 PM

بس انا اللي مازلت افكر فيه واريد وحده من الاخوات تجاوب عليه البنت متى تهتم بالزواج او هم اختيار الزوج او من مثل هذا القبيل يعني في عمر كم
لكل مقام مقال
و انا باسرد لك كمن مقام و حال البنت معا:6
* البنت الفاشلة دراسيا : ما تلاقي همها الا انها تخلص ثانوي او تطلع من المدرسة عشان تقدر تتزوج باقرب وقت وترتا ح من هم الدراسة و انعدام الوظيفة

* البنت الخجولة و المنطوية : تلاقيها ببحر اخر ....ما تعرف مسكينه اذا هي راح تنجح او تفشل..و هذه النوعية اهلها هم اللي يزوجونها بالعمر اللي يجدونه مناسب

* البنت الخبلة او المرجوجة او المرحة بزيادة : تلاقي اخر مشكله تفكر فيها العرس...و كل ما تسالها تقول بعدين او ليش اخذ واحد امه داعية عليه ..مع انها تقول ما لاتفعل >>>> افهموها :)

* البنت اللي استغفر الله ..الله يستر عليها : هذه من كثر ماهي مغرقة اذانها بالعلاقات و التعارف....تلاقيها قاعدة تخطط و تنسق عشان تختار واحد من اللي تعرفهم

* البنت الناجحة دراسيا : هذه تلاقيها مترددة بالزواج .تفكر تكمل دراستها عشان تتزوج

* البنت الرومانسية : تنتظر اللحظة اللي يجيها فارس الاحلام ...و ما توافق على اي احد الا اذا طابق شروطها

* الارملة و المطلقة : هذه مسكينه جدا ....و تحاول انها تبحث شخص معه الاستقرار و تدعي لو ان ربي يرزقها بولد الحلال اللي يعوض عليها باي وقت

و طبعا في حالات غريب و عجيبة و لكل قاعدة شواذ

Lena

10-07-2004, 08:39 PM

فرونيكا

انا ما طابقت ولا واحد من خياراتك:09: ههههههههه

امممم انا بنت عاديه وناجحا دراسيا واحب الرومانسيه(خلطة بيطا)..ولكني من يومني بزر افكر بالزواج كتفكير طفله واحب الامومة واني اكون ربة بيت واطبخ وادلع زوجي والله..غريب هالشي فيني بس فطري..:31:

فما اتوقع فيه تحديد للشي ذا

كل بنت وشخصيتها يختلف..

مب لنجاحها او رومانسيتها الخ..

والله اعرف وحده رومانسيييييييه مرة مرة

بس ما تبي تتزوج!! :blackeye: خايفه تنصدم بشباب هالوقت..

فقاولك السالفه مشربكه وكل واحد وحظه :p الله يعين..

Lena

10-07-2004, 08:53 PM

يؤ توني انتبه انه في حوار حول كلامي:09: دقيقه اجل بفصفص الردود..

لاع لاع لاع....معليش اخت لينا...:tongue2:

ما اتوقع تتعبون زينا....
ويعني احنا اللي ما راح نتعب و نحاول نرضي البنت و نخليها مبسوطه...
ولا لا شباب.....come ooon back me up here ..اسألي اخوكي او اي احد متزوج و هو يجاوبك بنفسه...

لاع لاع انت:blackeye: ههههههههههههه
الحريم يعانون اكثر يا اخوي والله..وهذا كلام عام وله شواذ اكيد..يعني احيانا المرة ولا همها ويصير الرجال مسيكين واحيانا العكس
بس انا اتكلم عن حاله متوسطه الرجل والمرة زينين متوسطين ..
المرة تعاني اكثر..
تبي تعرف ليه؟؟
اكبر دليل رح منتدى حواء النسائي!!!!!!!!!!!!!!!!!!جرب تدخل له مرة صدقني مراح تفكر تعود له
وتشوف شف مشاكل وهموم الحريم..
انا وانا مرة احيانا لما اروح لذاك المنتدى اقعد اقول يا قلبي عالحريم المساكين..ههههه ما وراهم الا الهموم..مو هم حزن بس هم في الراس يعني اشياء عديده لازم تصيرها
هو اطفال..هو زوج وتلبيه رغباته وتدليعه لازم تصير له زوجه وصديقه واخت وحبيبه وتحاول ترضيه لانه مالها غيره..هو هم بشره وشعر وجمال هو ملابس وتكشخ وحسن تبعل للزوج..هو تنظيف البيت وغسل الملابس هو طبخ ونفخ ..هو حمل وولاده والالام..هو ايش وايش وايش..انا ما أتأفف
لانه من الله والله بيجازي المرأه الي تحسن لزوجها بالجنه عشان كذا صابرين لاجل سواد عيونه "الزوج" ولاجل الاجر......
بس قل لي وش يسوي الرجال..يتعب شوي عشان المهر..
سنه او ثنتين..
يدور مرة ..
يدفع المهر..
ومن هنا ينتقل كل الهم عالزوجه!!!!!!
وهو ينتظر ليله العمر
ولا يعرف وش سوت المره عشان ليله العمر من تجهيز وهم وتجمل!! وهم توفيق..
وهو مراح يجيه الا الدلع..انشالله
وبعدين الشغل والصرف عالبيت..
ولو
تقدر تقارن الاثنين وتشوف من يكرف الاكثر;) بعد الزواج المره في خدمه الرجل..
فلم تطير فلوسه هباء منثورا.
و اذا احسن اختياره.....فانه يدفع امواله لاجل جنه من الرعايه والحب وتلبيه الرغبات..
اذن لم تكن تعبا عالاطلاق بل هو سعي للسعاده
وهذا الي عندي:09:

وبصراحه لو الاثنين يحبون بعض ما يعتبر اي احد منهم ان اي شي يقدمه للاخر تعب^^ وغلط انهم يقعدون يقدرون من يتعب اكثر^^

بس انا قلت الي فوق من باب المقارنه بس عشان اوريك ..لا من باب انا بقعد اهق زوجي بالكلام ذا:p

سلام

بو راشـد

10-07-2004, 08:54 PM

البنت الفاشلة دراسيا : ما تلاقي همها الا انها تخلص ثانوي او تطلع من المدرسة عشان تقدر تتزوج باقرب وقت وترتا ح من هم الدراسة و انعدام الوظيفة

======

هذي ألي يتزوجها يضحك عليها بأشياء ما تعرفها ويمكن يستغلها ......

======
البنت الخجولة و المنطوية : تلاقيها ببحر اخر ....ما تعرف مسكينه اذا هي راح تنجح او تفشل..و هذه النوعية اهلها هم اللي يزوجونها بالعمر اللي يجدونه مناسب
======
أها ....
تستاهل ألي ياخذها حتى يعطيها الثقه .....

======
البنت الخبلة او المرجوجة او المرحة بزيادة : تلاقي اخر مشكله تفكر فيها العرس...و كل ما تسالها تقول بعدين او ليش اخذ واحد امه داعية عليه ..مع انها تقول ما لاتفعل >>>> افهموها
======
ألله يهدها هالبنت شكلها دلوعه ................
هههه
أقول فرونيكا عسى شصار عنج وانتي تحاربيح هلأموات ...^^
أحم أحم انحرفنا عن الموضوع هههه
ألله يعين زوجها عليها
======

البنت اللي استغفر الله ..الله يستر عليها : هذه من كثر ماهي مغرقة اذانها بالعلاقات و التعارف....تلاقيها قاعدة تخطط و تنسق عشان تختار واحد من اللي تعرفهم

======
يا ماشاء الله
يعني لازم تختار واحد فينا ......!!!!!!

======
* البنت الناجحة دراسيا : هذه تلاقيها مترددة بالزواج .تفكر تكمل دراستها عشان تتزوج
======
اول شي اذا تبي الزواج لازم يخطبونها ....
ومن تخلص تتزوج بس عاد الزوج ألله يعينه من تعليقاتها عليه ..هههه
======

البنت الرومانسية : تنتظر اللحظة اللي يجيها فارس الاحلام ...و ما توافق على اي احد الا اذا طابق شروطها

======
لا بالله موظفين

على كيفها هي ....؟
هذي اذا اشترطت راح تصير من العوانس ^^
======

الارملة و المطلقة : هذه مسكينه جدا ....و تحاول انها تبحث شخص معه الاستقرار و تدعي لو ان ربي يرزقها بولد الحلال اللي يعوض عليها باي وقت

======
أنشهد ....

خلصنا من التعليقات المرحه قليلا لأن
=====

بخصوص الزواج ان شاء الله بوقته
بعد ما انتهيت من الثانويه ودشيت المعهد التجاري وهذي ثاني كورس لي بالمعهد
وبعد ما انتهي اخطب لي بنت الحلال وأظمن زواجي أروح اسافر لمصر اكمل دراستي
لمدة سنتين وبعدين اتزوجها ^^

Lena

10-07-2004, 08:58 PM

ياسلام والله كلام يريح يكفيك
ان البنت تقول (هل ابرضيه هل ابسعده؟)

خلاص يكفيني هذا الهم :cool: اطير الفلوس كلها عشان عيونها والله اللي يحب ينسى هموم الفلوس ولا توخذ ربع تفكيره اذا كان حب صحيح :biggthump

بس انا اللي مازلت افكر فيه واريد وحده من الاخوات تجاوب عليه البنت متى تهتم بالزواج او هم اختيار الزوج او من مثل هذا القبيل يعني في عمر كم :)
وشكرا
ايييييييه ^^ اكيد اكثر البنات السنعات والي يبغون الزواج كطريق للسرت ولاسعاده يفكرون بهذا الهم
تحسبون المرة كائن ماهم له الا السوق والطلعات والموضه..فهذا خطا مب كلهم كذا :31: صدقوني تشيل ثلاث اضعاف الهم الي تشيلونه..لانها في الاخير..هي الاضعف.. يعني هي الي بين يدين الرجل..

وفعلا الفلوس ولا شي اذا كان الحب صحيح^^

وبخصوص سؤالك جوابت عليه في ردي على فورنيكا..

يختلف هو

كل بنت ورغباتها وشخصيتها..في مليون عمر وعمر ورغبه..
مثلا في عائلتتي وقريباتي انا بس..كل بنت لها رغبه غير فما بالك في الدنيا ككل..
بس المتوسط اتوقع هو عمر ال20-22يمكن:blackeye: ..

Lena

10-07-2004, 09:06 PM

Lena

كلامك 100% صحيح ...
المرأة تتعب كثير ،،، لكن هل تتعب بالوجه الصحيح ؟ من يدري ؟
اممم ^^ الحمدلله فيه احد وافقني على كلامي..

وبخصوص انها تتعب بالوجه الصحيح..

فهي اذا كانت نيتها صافيه وودها تسعد زوجها انشالله يكون عالوجه الصحيح واذا اغلطت شوي عالاقل نيتها صافيه ويقدر هو ينببها بشكل لطيف ويصير تعبها عالوجه الصحيح.....

وهنا تختلف من انسانه لاخرى فالموضوع معقد حبتين:31:

Arsene Lupin

10-07-2004, 09:39 PM

Lena

10-07-2004, 10:02 PM

لا الرجال يتعب أكثر :blackeye:

(ناوي حرش :tongue2: )

هههههههه ماشالله لينا مسكتي الكل ردود واحد واحد... لو كان في بالي شي أقوله كان بلعته :blackeye:

بالنسبة لي عزوبي و عايش في غربة :31: ... لو الود ودي تزوجت الحين :blackeye: ...

لكن انشالله الي في بالي أتخرج انشالله بعد سنتين... أرجع أتوظف و بعد فترة أخطب ثم أتزوج... يعني انشالله ما تتعدى ثلاث سنين من الآن :captain:
hey u اوصمت:ee2:هههههههه:tongue2:

ليش يتعب اكثر؟؟ :31: ولا فعلا ناوي حرش(&) ترى اصدق بسرعة انا:31: وترى اتهاوش عادي(6) lol

وبخصوص اني مسكت رد رد امممم تعرف جايتني طاقه غريبه للكلام والحوار وصايره فاضيه ومثقفه الكتب ما تطيح من عيني يختي علي بس..(ودي احط خشه واحد مستحي ورافع عيونه فوق يعني ياي :p )

غير انها قضيه اهتم فيها:31:

وبخصوص الي الغربه والزواج الله يعينك ويحقق الي ببالك(&)امين..

DE NILSON

13-07-2004, 06:02 AM

يبويا خلنا نتخرج ونحضر ماجستير ونتوظف

بعدها نفكر

يعني قول كمان 7 سنوات

Grandia

13-07-2004, 02:11 PM

لكل مقام مقال
و انا باسرد لك كمن مقام و حال البنت معا:6
* البنت الفاشلة دراسيا : ما تلاقي همها الا انها تخلص ثانوي او تطلع من المدرسة عشان تقدر تتزوج باقرب وقت وترتا ح من هم الدراسة و انعدام الوظيفة

* البنت الخجولة و المنطوية : تلاقيها ببحر اخر ....ما تعرف مسكينه اذا هي راح تنجح او تفشل..و هذه النوعية اهلها هم اللي يزوجونها بالعمر اللي يجدونه مناسب

* البنت الخبلة او المرجوجة او المرحة بزيادة : تلاقي اخر مشكله تفكر فيها العرس...و كل ما تسالها تقول بعدين او ليش اخذ واحد امه داعية عليه ..مع انها تقول ما لاتفعل >>>> افهموها :)

* البنت اللي استغفر الله ..الله يستر عليها : هذه من كثر ماهي مغرقة اذانها بالعلاقات و التعارف....تلاقيها قاعدة تخطط و تنسق عشان تختار واحد من اللي تعرفهم

* البنت الناجحة دراسيا : هذه تلاقيها مترددة بالزواج .تفكر تكمل دراستها عشان تتزوج

* البنت الرومانسية : تنتظر اللحظة اللي يجيها فارس الاحلام ...و ما توافق على اي احد الا اذا طابق شروطها

* الارملة و المطلقة : هذه مسكينه جدا ....و تحاول انها تبحث شخص معه الاستقرار و تدعي لو ان ربي يرزقها بولد الحلال اللي يعوض عليها باي وقت

و طبعا في حالات غريب و عجيبة و لكل قاعدة شواذ

ماشاء الله تحليل يدل على الخبره في الحياه:)

ان صراحة الي في بالي من الصنف الثاني اللي ذكرتيه :05: الله يعين كلام ما يطمن :33: