المساعد الشخصي الرقمي

مشاهدة النسخة كاملة : شعر وش رايكم ؟


sary64
01-07-2004, 09:46 AM
بسم الله الرحمن الرحيم

السلام عليكم ورحمة الله وبركاته

زملائي الشعراء :cool: القصيدة هذي لي ولا فخر بس حبيت الله لا يهينكم إنكم بس تمرون عليها وتعدلون فيها وتقيمونها وتزيدون وتنقصون على راحتكم حقوق الطبع والتوزيع مفتوحة للجميع أنا احب الشعر بس ما عندي الموهبة الشعرية اللي تساعدني على كتابته ولكنها تخبيصات وضعتها بين يديكم وأنا أعلم أنها من النوع ( الغث عكس السمين ) ولكن ببركتكم وبتعديلكم أبغى أشوف شكلها بعد التعديل ومنها أتعلم واستفيد من خبرتكم وشاعريتكم وسلامتكم

ساري

أنا يا ناس قرضت الشعر ووالله ما ني بشاعر *** وتعديت الخطوط الحمر ولعبت بحسبة الأوزان

وقلت أكتب على كيفــــك وبــدد ضيـقـة الخاطر*** وأبحر في بحور الشعر وأهجر شاطئ الأحزان

وقلت أكتب لي كمـن بيت و أجرب حظي العاثر *** مــع الــخــيل يا شقــرا والـــمـــيدان يــا حميدان

كثير اللي كتب قافه ووالله ما هــو بـــمـــاهــــر *** يجــمــع آخـــر الأبــيــات مـثل ما يجمع العيدان

أحب من الشعر عذبه وصافي نبعه الـطــاهـــر *** أحب اللي يحاكي الروح ويحرك كامن الوجدان

أحب اللي نظم شعره على جمره وهو سـاهـــر *** ؟؟؟؟ ( وكملوا انتم الباقي )


ساري

:ciao:
mohammed remali
02-07-2004, 12:16 AM
و الله ياخوي خلني افكر....

يبغالها تفكير و الله
مصرقع اس اس
02-07-2004, 06:34 AM
قصيده حلوه تابع
bad to the bone
02-07-2004, 07:59 AM
اهلين اخوي ..

ماهو انا اللي اقيم واعدل بصراحه ولكن بحاول ..

عندك البيت هذا وقلت أكتب لي كمـن بيت و أجرب حظي العاثر *** مــع الــخــيل يا شقــرا والـــمـــيدان يــا حميدان

.. احس انه مهب مضبوووط

والتكمله بعدين (( مخي مقفل وضاع المفتاح :tongue2: ))

وقصيده حلوه على العموم

سبا سيبا :ciao:
ابو خالد
06-07-2004, 07:05 PM
الى اخى سارى السلام عليكم ردى هو واللة يا شيخ يا اللى ما قرضت الشعر باين عليك شاعر .... والقلم بين صوابعك بينزل مشاعر ... واكتب على كيفك انا اصلى بيك شاعر ...... وعجبى .... تقدم الى الامام ونرجو قراة المزيد:ciao: :ciao: :ciao:
Pr.Game
08-07-2004, 02:16 PM
ما شاء الله شعر جميل جداً أخي

إذا كانت من كتابتك فهي إبداع بحد ذاته

وواظب على هذه الطريقة :).
أبوجمـــال
10-07-2004, 01:56 AM
ما شاء الله شعر جميل جداً أخي

إذا كانت من كتابتك فهي إبداع بحد ذاته

وواظب على هذه الطريقة :).



ما في شي ينزاد عن الي قالو الحسام ....
sary64
10-07-2004, 02:13 PM
السلام عليكم ورحمة الله وبركاته

الله يعطيكم العافية يا شباب

ويجبر بخاطركم مثل ما جبرتوا بخاطر

كان لي هدف ثاني من هالموضوع غير التقييم اللي هو عادة يكون في المنتديات ( مدح ) و ( جبر خاطر) كنت اقصد منها ان كل انسان عنده في الشعر او متذوق له مو شرط يكون شاعر متمكن ويعدل فيها مثل ما يعدل المحترف في الصور العادية حتى تصير رائعة وجميلة فأنا اقصد ودي اشوفها بعد التعديل وكيف يكون شكلها النهائي وتكون النتيجة ( قصيدة جميلة بإسم جميع الأعضاء اللي شاركوا في تعديلها ) لا تخافون والله ما اقول انها بأسمي:D

هذا في العموم وفي الخصوص خلوني ارد على كل واحد منكم راس لراس تقديرا مني على مروركم

الأخ محمد الرميلي

أنا دخلت على قصيدتك وكنت صريح معك وأحب إنك تكون صريح معي وانتظر مرورك مرة ثانية وتعديلك الفعلي على القصيدة مو مدحك احتاج تقويم مو تقييم

الاخ مصرقع اس اس

اشكرك على المرور و التشجيع

الأخ باد تو ذا بوون

والله انك طيب وما ظن ان الاسماء تدل على المسميات

اعجبني فيك رأيك الصريح

اصلا هذا البيت بالذات انا ما ني مقتنع فيه بس تقدر تعدله لي او تغيره حاول

اخوي ابو خالد

اشكرك اخوي على المرور والإطراء ( و والله ما ني بشاعر ) حلفتلك في القصيدة وهنا وكل انسان منا عنده مشاعر بس احيانا كثيرة يخونه التعبير وما يقدر يعبر واحيانا تنفك العقده معه ويكون رايق ويكتبله كم بيت ويفرح فيها وينشرها على الانترنت مثلي:) وفي ناس عندهم التعبير اكثر من المشاعر يعني كلامه زايد عنده قدرة على التعبير حتى لو ما كان يحس بشي يعني يقول عانيت ومليت وحبيت وبكيت والله انه ما صدق ولد نعمه ولعاب ما يعرف الحب العفيف ولا عمره بكى ولا نزلت من عينه دمعه ومثل النوع هذا تلقاهم في الصحف اليومية بالكوم.

اخوي الحسام المهندي

اشكرك

بس عيني بعينك اشوف :33: انت تحب المجامله بس ما عليك وانا استاهل;)

الاخ محمود ابو جمال

يعطيك العافيه وشكرا على المرور وزورونا مره ثانيه شجعتوني باكتب كل ساعة قصيده وكل قصيده فيها ستين بيت وكل بيت فيه ستين حرف يعني في كل ثانية حرف

لا لا امزح انا فخور جدا بمروركم

وانا حبيت اطرح فكرة جديدة اللي هي

قوم قصيدتي لا تكتفي بتقييمها

ولا بأس بقليل من المدح لأن الطعام بدون ملح ما ينفع

اسف على التطويل
Hit_Man
10-07-2004, 08:17 PM
مشكور أخوي على القصيدة وكملها^^
ScArY_Bo0oY
16-07-2004, 10:32 AM
والله رأيي انها رااااااااائعه
عبد الله سلطان
16-07-2004, 02:21 PM
أقول لك الشطر الثاني اللي ما كملته...
.......................................................أكملوا الشعر عني ولا أتركوني مكسور الخاطـــر
أناجي ليلي مع نفسي من غير حبيب ولاسامـــــر ....ولا صديق يرحمني أو أشكيله حتى الصباح الباكر