المساعد الشخصي الرقمي

مشاهدة النسخة كاملة : شرح تصميم الأطقم من الالف إلى الياء .. (( خاص بالوصلاوي ))


الوصلاوي
10-07-2004, 05:11 PM
بســــــــــــــــــــــــــــــــــــــــم الله الرحمن الرحيـــــــــــــــــــــــــــــــــم
السلام عليكم ورحمة الله و بركاته ..

بصراحة ترددت كثيراً في طرح هذا الموضوع من بعد ما خلصت من اعداده و السبب هو تصرفات بعد الأطفال من هذا المنتدى معاي ... بس قلت في ناس تستاهل ...
المهم...
أنا حاولت اخلي الشرح ابسط ما يمكن ... و رجاءاً محد يرد لين ما اكمل الدروس و بعدها أنا مستعد اسمع اسئلتكم ..
و ارجوا من اخواني المشرفين تثبيت الموضوع للأهميه ..
____________________________________

نبدأ :
أول درس :
طريقة التصميم و الأطقم الفاضية

1-أول شي خزن الطقم الفاضي الي في المرفق ( أنا راح احط عدة أنواع للأطقم الفاضية ) .
2-بعد ما خزنت الطقم ، أفتح الصورة عن طريق برنامج الفوتوشوب ( الي أنا استخدمته في هذا الشرح ) .
3-بعد ما فتحت الطقم سو له كوبي ( انسخ صورة الطقم الفاضي ) عن طريق تحديد الصورة بالكامل Ctrl +A و انسخ الصورة الحين عن طريق مفتاح Ctrl + C .
4-الحين افتح صورة جديد ( أو ملف جديد ) عن طريق مفتاح Ctrl + N .
5-بعد ما فتحت صورة جديدة الصق الطقم الفاضي الي إنت نسخته من قبل عن طريق مفتاح Ctrl + V .
6-و بعد ما الصقت الطقم سو عليه شريحة جديدة عن طريق ( Layer >> New >> Layer ) .
http://alkaabi2013.jeeran.com/1652272_468_481.gif
7-و الحين راح يطلع لك نافذة كما هو موضح في الصورة و اختار الخيار ( شريحة شفافه ) الي هي Multiply.
http://alkaabi2013.jeeran.com/1652272_77_515.gif
8-الحين اصبغ أو لون الطقم على الشكل الي تباه ( طبعا إذا كانت هذي أول مرة تجرب تسوي طقم ما راح تقدر تضبط الشكل .. بس حاول و مع التدريب راح تتعود ) .. المهم أنا راح احط صورة فيها توضيح لأجزاء الطقم ..
http://alkaabi2013.jeeran.com/1652272_617_79.gif
يوم تخلص من صبغ الطقم .
(( و هذا شكل لطقم صممته .. و بعد ما خلصت انتقل للخطوة التالية ))
http://alkaabi2013.jeeran.com/1652272_946_858.gif
9-بعد ما خصت .. سو Indexed Color للطقم عن طريق ( Image >> Mode >> Indexed Color)
http://alkaabi2013.jeeran.com/1652272_574_693.gif
10-بعد ما خليت الشرائح كلها شريحة وحدة ( الي هي هملية الـ Indexed Color ) خزن الطقم عن طريق ( File >> Save As) .
11-ملاحظة : لازم تخزن الطقم على امتداد BMP كما هو موضح في الصورة .
http://alkaabi2013.jeeran.com/1652272_135_310.gif
مبروك عليك الطقم الجديد الي صممته ....

هذا هو الشرح الأساسي لتصميم الأطقم .. و في الردود التالية شرح لتصميم الأطقم على طريقة المحترفين (( فيها الكثير من التوضيحات و اللمسات الاحترافية )) ...


يتبع ...
الوصلاوي
10-07-2004, 05:26 PM
نسيت أحط لكم الأطقم الفاضية (( في المرفق ))

في 3 انواع رئيسية للأطقم الفاضية ( الياقة السادة ) ( الياقة المنثنية ) ( و الطقم الضاغط ) ...
و كلها في المرفق ..
-------------------------------------
و هذي بعد الكماليات في تصميم الأطقم و الي راح اعلمكم ياها ..
تابع ...

هذا درس لتصميم الياقة حول الرقبة .. يمكن الكثير منكم يخربط يوم يصمم الياقة الي حول الرقبة ( ملاحظة .. هذا الشرح أنا أخذته من شرح قديم أنا مسونه في هذا المنتدى )
-------------------------------------------
الدرس الثاني : تصميم الياقة حول الرقبة


بالنسبة لشكل الياقة حول الرقبة و الي هو مدوخ الكثير من المصممين .. و هذا شرح فيه كل شي إن شاء الله بهذا الخصوص :
(الحين شرح فيه كل ما تحتاجه حول تصميم اليقة الي حول الرقبة )

أول شي شوف رقم الياقة من هذي الصورة و ما يطابقها في رقم الشرح :
http://alkaabi2013.jeeran.com/1652272_58_757.gif
1- الياقة رقم 1 : هذي الياقة من تصميمي أنا لطقم انتر ميلان ( طقم قديم ) و هو بشكل ياقة حول الرقبة مثل طقم منتخب انجلترا .. و في هذي الياقة الآتي :
أ?- المكان الي باللون الأخضر في هذي الياقة يصير بالأمام وسط المثلث المفترح ( طبعا الياقة حقت منتخب انجلترا إنت تخيلها و و بتفهم شو اقصد بالمثلث المفتوح الي في مقدمة العنق ) هذا إنت اما تخليه ( في فرق يكون هذا الجزء موجود ) و اما تشيله ( مثل طقم انجلترا ) ..
ب?- الجزء الي فيه خط احمر ... هذا يصير يمين و يسار الرقبة بحيث اي شي تحطه في هذا المكان راح يكون موجود على اليمين و اليسار في الرقبة بشكل مباشر ..
ت?- الجزء الأخير و هو المكان الي تحسه مجعد و على شكل مثلثين متركبين هذا هو الجزء الي بيصير مثلث مفتوح ..لو شوي تتخيل معاي راح تشوف أن المربع هذا يمكن فصله بخيث يصبح مثلثين و انا راح ارفق صورة ثانية في المرفق تبين كيف بيصير مثلاُ ..( شرح 1-ت )
http://alkaabi2013.jeeran.com/1652272_136_759.gif
2- الياقة الثانية .. هذي بكل بساطة روح شوف شكل ياقة منتخب اليابان في الطقم الأول في السوني .. هذي تكون ياقة عادية و مثل رقم 7 من قدام .. شوف اللون الأزرق الفاتح .. هذا بيكون من الأمام أو الجزء الأمامي .( شوف صورة الشرح رقم 2 فيها تفاصيل )
http://alkaabi2013.jeeran.com/1652272_167_370.gif
بس في ملاحظة هنا :
الي هي : إذا كنت تبى تكمل الرقم سبعة من الأمام .. لازم تسوي مثلث بلون الياقة مثل ما هو موضح :
http://alkaabi2013.jeeran.com/1652272_48_570.gif

3- الياقة الثالثة أو رقم 3 .. هذي من تصميمي لطقم نادي الوصل .. هذي شكلها مدور عادي حول الرقبة بس بحجم صغير ( يعني ارتفاع الياقة قصير جداً ) ..


4- هذي الياقة مأخوذة من طقم حارس منتخب البرازيل .. و لاحظ الشكل .. راح يكون من الأمام ضغير و من الخلف أطول شوي .. تخيلها .. نوعية الياقة مثل رقم 2


5- ياقة منتخب الكامرون .. و في هذا الشكل راح يصير شكلها طويل من الخلف ( نفس رقم 4 ) و شكلها مثل ياقة مفتوحة من الأمام ( للأسف ما امتلك صورة علشان اوضح ) حاول تشوف صورة لطقم الكامرون القديم ..


6- ياقة منتخب المانيا ( أديداس ) هي نفس رقم 2 بالظبط .. لكنها راح تكون اكبر بالحجم منها ( ارتفاع الياقة اكبر ) ..


7- ياقة نادي الشارقة .. نفس حقت منتخب الكامرون في الشكل .. لكن راح يكون في الأمام أو الجزء الي في مقدمة الرقبة باللون الأحمر ..


8- بون ياقة أبداً .. و في هذي الحالة راح يصير شكل الياقة مثل لبس مانشستر (نايك ) يعني شكل الياقة دائرة مفتوحة من كل الجهات ( أو بمعني آخر معدومة .. يعني على طول تأتي رقبة اللاعب ) ...


9- لبس الاتحاد .. و هذي ياقة دائرية عادية .. بس الاختلاف الجزء الأمامي لها باللون الأصفر ..(راح احط لكم صورة فيها شرح هذي الياقة ) .


10- ياقة نادي روما .. هذي الياقة يمكن تسألون ليش هي خط واحد و من طرف واحد .. و السبب في ذالك هو ان شكل الياقة في الواقع خط من طرف واحد .. ( إن شاء الله تكون فهمت علي ) ..


11- ياقة نادي لازيو روما ( مثل ياقة منتخب إيطاليا المعكوفة من طرف اعتقد فهمتو قصدي .. و أنا راح احط صورة لها بعد .. ) .


بهذا الشكل أكون لخصت لك كل أشكال الياقات و أجزاء الياقة الأساسية ..

ملاحظة : كل الياقات بنفس تفاصيل الياقة رقم (2) يعني الجزء الي تحت هو الجزء الأمامي و الي فوقه شوي الأطراف و الي فوق اعلى شي هي الرقبة من الخلف .. يعني طالع تفاصيل الياقة رقم 2 في كل الياقات الي تحتها ..
بس الياقة رقم 1 هي الي تختلف عن الباقين في تفاصيل الشكل ..)

و هذي صورة تحتوي على أمثله للياقات :
http://alkaabi2013.jeeran.com/1652272_623_327.gif

و بهذا الشكل أكون خلصت من هذا الدرس ..

يتبع ...
الوصلاوي
10-07-2004, 05:31 PM
و الحين ننتقل للدرس الثالث :


و الحين ننتقل لشيء يدوخ الكثيرين منكم .. و الي هو كيف أقدر
أخلي الخط يتواصل ما بين الكتف و الكم ( يعني يكون مستقيم في الجزئين ) .
الطريقة سهلة و بسيطة .
أول شي .. خزن الطقم الياباني ( الي هو طقم منتخب اليابان المصمم من قبل الشركة نفسها ) .
ثانياً : بعد ما خزنته .. افتح الطقم الفاضي و طقم اليابان الي خزنته من قبل شوي .
ثالثاً : الحين انسخ الطقم الفاضي و حطه بملف جديد ( بنفس الخطوة رقم 3 في شرح تصميم الأطقم ) .
رابعاً : انسخ طقم اليابان و الصقه على الطقم الفاضي الجديد الي سويته و خفف من اللير علشان تشوف الطقم الي تحت مثل ماهو موضح في الصورة :
http://alkaabi2013.jeeran.com/1652272_987_408.gif
خامساً : اعتقد فهمتوا شو بتسوون الحينه .. حدد الخطوط عن طريق أداة التحديد و لون المكان الصحيح الي راح تكون الخطوط فيه متصله :
ملاحظة مهمة : تأكد من انك قاعد تلون شريحة الطقم الفاضي مب شريحة طقم اليابان !!
http://alkaabi2013.jeeran.com/1652272_318_556.gif
http://alkaabi2013.jeeran.com/1652272_313_508.gif
الوصلاوي
10-07-2004, 05:41 PM
الدرس الرابع :


ملاحظات حول الأجزاء الي ممكن ما توضح في التصميم ..
أنا راح الخص هذي الملاحظات بأربع نقاط ..

أولاً : المكان الي أنا محددنه في الصورة .. لا تلون و لا تحط فيه أي شي .. لأن الياقة الي حول الرقبة راح تجي فوقه .. أنا ما اقصد خله أبيض .. بس يعني لا تحط شي مهم فيه ( مثلا شعار الفريق أو الشركة )
http://alkaabi2013.jeeran.com/1652272_550_766.gif
و هذا توضيح للخطأ الي راح يصير لو حطيت شعار :
http://alkaabi2013.jeeran.com/1652272_87_813.gif


ثانياً : المناطق المظللة في الصورة راح يصير فيها تمدد .. يعني المنتطة الصفراء و الي هي للظهر راح تمدد مثل ما هو موضح في السهم .. و الأمر نفسه لمناطق الكم الطويل الي بالبرتقالي .
( يعني أي شي تسويه في هذي المناطق حاول تخليه منكمش لأنه راح يتمدد في اللعبة )
http://alkaabi2013.jeeran.com/1652272_385_871.gif
و الأمر نفسه بالنسبة لإشارة الكابتن :
http://alkaabi2013.jeeran.com/1652272_147_943.gif

رابعاً: بالنسبة لجزء الشورت الي بين الفخذين .. لازم تتأكد من أن الخط الي راح تسويه متناسب مع الخط الي في الشورت الأصلي كما هو موضح في الصورة .
http://alkaabi2013.jeeran.com/1652272_229_573.gif



و الحين طريقة تصميم أجزاء شفافة من الطقم ..
و هذي صورة توضح لكم شو الي اقصدة بالجزء الشفاف
http://alkaabi2013.jeeran.com/968_696.gif
المهم .. أول خطوة ..
1- أول شي .. افتح نيو فايل ، و خل مقاس الصورة مل ما هوموضح في الصورة
http://alkaabi2013.jeeran.com/1652272_488_279.gif
2- لون الصورة باللون الي حاب يكون به الجزء أو الشفاف (( يعني خل ربع الموربع باللون الي تباه و الباي ابيض ))
3- خزن الصورة على شكل (Edit>>Defien Pattern)))) (Pattern)))))
4- الحين إنت عديت و جهزت الشرية الشفافة ..الحين تروح للصورة الي فيها الطقم .
4- تسوي لير جديد و يكون شفاف أو على أي هيئة تعجبك .
5- و بعدين تسوي الي في الصورة :
http://alkaabi2013.jeeran.com/1652272_630_713.gif
6- الحين بعد ما تضغط على OK راح تحصل على شريحة ( منقطة بنقوط خفيفة ) شكلها يشبه الجزء الشفاف الي في الأطقم الحقيقية (( إنت تقص الأجزاء الزائدة و ترتبها شوي ))
http://alkaabi2013.jeeran.com/968_696.gif

و بهذا الشكل أكون عطيتكم كل الي تحتاجونة علشان تصمم طقم بطريقة صحيحة .. و إن شاء الله راح اسوي دروس لاحقة فيها مهارات تصميم من حيث كيف تقدر تسوي مثلا جزء شفاف من الطقم أو خطوط أو أشكال مختلفه ..
الوصــــــــــــــــــــــــــــــــــــــــــــــــــلاوي
الوصلاوي
10-07-2004, 05:43 PM
شباب الي عنده سؤال أنا حاظر
راكانو
10-07-2004, 06:27 PM
ماشاء الله عليك اخوي الوصلاوي :)
صراحة أبداعت إبداع غير طبيعي
موضوع يستحق التثبيت بكل قوة :)
إنشاء الله حبة حبة واتعلم الدرس هذا كله وأنافسك ;)
(هههههه لاتصدق أمزح معاك :D )
للحين ماعندي اسئلة :06: بس خليني اراجعه وانا مركز وإذا لقيت أسئلة انشاء الله أسأل :05:
وليش كنت تبي تحرمنا من هذا الدرس عشان الأطفال ماعليك فيهم :tongue2:
اعطيهم حلاوة يسكتون :D
مشكور ألف شكر اخوي الوصلاوي :05:
أبو بدر
10-07-2004, 07:26 PM
وعليكم السلام ورحمة الله وبركاته،،،

ما شاء الله عليك أخوي الوصلاوي ما خليت نقطة إلا وشرحتها...وننتظر جديدك :) .... والله يعطيك العافيه
Bo-Ja$$im
11-07-2004, 10:58 AM
شرح ولا احلى بس الصور مو طالعه عندي :(
الوصلاوي
11-07-2004, 11:34 AM
هلا شباب ..

و مشكورين على الردود ..

راكانو
هلا فيك أخوي ..و ليش مستغرب يمكن تصير احسن واحد يصمم .. أنا اعين و اعاون ( و كم من تلميذ غلب استاذه ) :)
و بالنسبة للأطفال .. ما علينا منهم .. لأنهم قله و ما يمثلون إلا انفسهم ... و الشباب هنا فيهم الخير ... و يستاهلون ..
أبو بدر
الله يعافك أخوي أبو بدر ... و انا في الخدمة
Bo-Ja$$im
مشكور على المرور ... و جرب كم مرة و إن شاء الله تكون الصور عندك .

الوصــــــــــــــــــــــــــــــــــــــــــــــــــــلاوي
Sympathy
11-07-2004, 01:57 PM
أهــاااااااااا


الحين عرفت مكان و أجزاء الأطــــقم ..


و الله العظيـــم مجهود أكثر من رائـــع و إبدااااااااااع يفوق الوصف


منك عزيزي الوصلاوي .. صــراحة موضوع يستحق التثبيت بجدارة ..


مجهود رااائع يا الوصلاوي ..


و الحمدلله ما عندي أي ســؤال ..


و انشالله كلها كم يوم .. و بنافسك في تصميم الأطقم ;):أفكر: :09:


لول ..


لإن أنا درست الفوتوشوب مثل ما قتلك .. بس كنت ما أعرف وين مكان الأطقم و أجزائه ..


هذا هو السبب الوحيد الذي يجعل أطقمي غير مظبووطة ..


و على فكــرة ..


ترا في فايل إنت ما عطيتني إياه بالمسنجر ... إنت عطيتني الشعارات و ماركات الملابس ..


و قتلي في فايل ثالث بس ما عطيتني اياه ..


وعلى فكرة بعد .


ما اشوفك تدخل المسنجر ؟؟؟


؟؟


و سامحني على القصور بموضوع الأطقم .. ترا و الله كنت مسافر :(


و الحين انشالله بوريك الإطقم العدلة ;)


.
.


و الله مجهووود رائـــع يا الوصلاوي ... :biggthump
.
.


بــس لا تنسى .. إدخل المسنجر أريد الفايل ضرووووري


:):)



T I M || H O W A R D :ciao:
Sympathy
11-07-2004, 02:06 PM
بــس على فكرة ..


حبيت أعطيكم مساعدة صغيييرة ..


أخوي الوصلاوي .. تقدر بدل ما تسوي لير و تحطه Multiply


و تبي يكون الطقم كله لون واحد


روح على


Image > Adjustments > Hue & ........


و اختار اختيار


Colorize


من تحـــت ..


و تتحكم بالألوان ..


أو تختار جزء معين و تلونه بنفس الطريقة السابقة :) ..


:)


اعتقد تعرفووونها ..
الوصلاوي
12-07-2004, 01:57 PM
هلا أخوي Tim Howard و ألف شكر لك على مديحك (( و بصراحة ... انا حطيت الموضوع مخصوص حقك و حق اثنين غيرك لأني شفت فيهم الرغبة الحقيقية في التعلم )) و أنا احب يكون في هناك أكثر من مصمم في هذا المنتدى ... علشان تعم الفايدة ...

و بالنسبة للحركة الي علمتني ياها الحين .. تصدق أنا ما اعرفها .. إنت أحسن مني بكثير في الفوتوشوب ... أنا اسوي أطقم حلوة لأني تعودت و صرت خبير بهذي الشغلة مع الممارسه .. و إنت إن شاء الله تصير احسن و احسن ...

و بالنسبة للفايل .. ذكرني فيه لأني نسيت أي فايل تقصد ...(( لكني أذكر عطيتك فايلات الشعارات و الشركات المصممه و الشركات الراعيه ؟؟ )) أي واحد تقصد ما خذته ؟؟

و أنا ادخل المسن كل يوم تقريباً .. بس شكلي أدخل في وقت تكون إنت غير موجود فيه ..

الوصــــــــــــــــــــــــــــــــــــــــــــــــلاوي
Sympathy
12-07-2004, 04:33 PM
هلا الوصلاوي :) ..


الحييييين تذكرت ..


فايل الشركات الراعية ما عطيتني اياه ... انت ما قصرت .. عطيتني الشعارات و الماركات ... :)


بس ناقص الشركات الراعــــية ..


:biggthump


بانتظارك عزيزي الوصلاوي ..
Vitor Rivaldo10
12-07-2004, 04:34 PM
شرح ولا احلى من اخوي المبدع الوصلاوي :bigeyes: فنان كعادتك ودائما تنال التقدير والاحترام على جهودك لخدمة منتدانا واعضائه وتسلم يمينك وخلك من هل الاطفال لانك كبير في نظرنا ( ياجبل مايهزك ريح :cool: )
CHILAVERT
12-07-2004, 10:39 PM
شكرا شكرا شكرا شكرا بذلت جهد جبار في اتمام الموضوع بهذه الصوره جزاك الله الف خير ياصاحبي وزاد من ميزان حسناتك
الوصلاوي
13-07-2004, 02:51 PM
هلا شباب ..

CHILAVERT
الله يجبر بخاطرك ... و شكراً على الرد ..

Vitor Rivaldo10
شكراً على الرد و المديح :)

Tim Howard
خلاص إن شاء الله برتب لك الملف عدل و إذا ما حصلتك راح اربفق الملف هنا ...

((( شباب أنا بعد راح اكمل الموضوع بشعارات للعديد من الأندية و المنتخبات و الشركات المصنعه للملابس و الشركات الراعية المعروفه ))) ... في أقرب وقت راح تكون موجودة ..

الوصــــــــــــــــــــــــــــــــــــلاوي
WE Vll
13-07-2004, 05:01 PM
مشكور يالوصلاوي على الدروس...
جهد جبار بصراحة وأرجوا ان أرى مصممين اطقم
محترفين في المنتدى في القريب..
ملاحظة -----------------------
الدروس الاحترافية أصعب وأقل فايدة...؟
لأن اغلب الدروس الاحترافية تكون لمسات تجميلية
مثل زيادة الضوء ودقة الخطوط والمربعات
ومراعاة ألوان الشاشة وغيرها....
وبحاول أحط لكم بعضها أنا متأكد
انكم راح تستفيدون منها..حتى الوصلاوي
راكانو
14-07-2004, 11:10 AM
بارك لي اخوي الوصلاوي :) سويت اول طقم وش رايك (طقم هنود صح :D )
طقم يمشي الحال :tongue2: حبة حبة ونتعلم :biggthump
============
مشكور اخوي مرة ثانية على الشرح اللي استفدت منه كثير :ciao:
الوصلاوي
14-07-2004, 04:39 PM
بارك لي اخوي الوصلاوي :) سويت اول طقم وش رايك (طقم هنود صح :D )
طقم يمشي الحال :tongue2: حبة حبة ونتعلم :biggthump
============
مشكور اخوي مرة ثانية على الشرح اللي استفدت منه كثير :ciao:


بدون مجاملة طقم حلو .. بصراحة دقم جميل .. و مع الممارسه راح تتحسن أكثر و أكثر .. بس خل شعار بوما الي على الكتف بالعرض حتى يطلع واقعي .. و إلى الأمام ..

أخوي WE Vll
نتريا دروسك على أحر من الجمر .. و إن شاء الله يستفيد منها الكل (( و بمن فيهم أنا ))

الوصـــــــــــــــــــــــــــــــــلاوي
راكانو
14-07-2004, 06:03 PM
مشكور اخوي الوصلاوي وان شاء الله اطبق اللي قلته
daewoo7
29-07-2004, 12:30 AM
اخوي الوصلاوي المبدع دائمن بمساعدتك و بماعدة اخوي تيم هور الي ما قصر معاي و انتا بعد سويت اول طقم و اريد رايكم فيه بصراحه
انا اعرف انه طقم ما يجي 1 بلميه من الاطقم الي تسوها لكن محاوله لول طقم
و اخوي الوصلاوي اردي شرح زياده اذا ممكن عن طريقت عمل الخطوط في الطقم ياريت بلصور وشكرا
http://www.dark4arab.net/up/pic/arab-star-home.JPG
أبو بدر
11-08-2004, 07:28 PM
تـم نقل الموضوع إلى المواضيع المميزه :)
أدريانو
17-08-2004, 10:00 PM
شكراً على هذة الشرح

ولكن السؤال

هل هذة الشرح يمكن عمله على we8 ؟وهل يمكن عمله على النسخة إلانجليزية؟
الوصلاوي
22-08-2004, 02:22 PM
شكراً على هذة الشرح

ولكن السؤال

هل هذة الشرح يمكن عمله على we8 ؟وهل يمكن عمله على النسخة إلانجليزية؟

Yes ....................
الاسطوره الحيه
23-08-2004, 02:06 AM
الف شكراخوي الوصلاوي وما قصرت يعطيك الف عافيه على هل الشرح الاكثر من رائع

وان شاء الله استفيد منه ومرى اخرى الف شكر
Super Boy
04-09-2004, 03:40 AM
أخوي


أولا شي تشكر على الجهد الخرافي الي تقوم به من أجل أعضاء المنتدى الغالي


و ثاني شي أخوي لو فرضنا إن عندي شعار و خلص الحين شلون أدخله للشريط؟؟؟
يعني انا الحين خلصت الشعار و عندي ملف أيزو مستخرجنه من ديي في دي و بدي أحوله ل سي دي متى اقدر إني أضيف الشعار للفريق الي انا ابيه؟
Sympathy
04-09-2004, 05:35 PM
اخوي Super Boy ..

تضيف الطقـم عن طريق برنـامج WE PES Graphic Studio :icon6:
Zidane-10
04-09-2004, 06:12 PM
مشكووور على الموضوع

بس عندي سؤال
انا لما جيت اصبغ الفانيلة صبغت الصفحه كلها يعني صبغت الفانيله باللون الاحمر
صار كل شي لونه احمر ليش ؟
مع اني اتبعت الشرح بالضبط
ممكن تفهمني ليش
play_slow
05-09-2004, 04:10 AM
شباب ليش كل هالتعب في شي نزل اسمه WE8 انـــــــجـــــــــلـــــيــــــــزي:biggthump
Buffon
12-09-2004, 11:11 PM
مشكور على الشرح ...

بوفوون .
رونالدو رو
13-09-2004, 12:49 AM
مشكور وينك يالوصلاوي مانشوفك كثير..نبغا ابداعاتك الجميلة..:)
al 9mt
13-09-2004, 05:40 AM
يعطيك العافيه اخوى الوصلاوي واسمحلي اهنيك على الموضوع الرائع وانت فعلن مبدع واسمحلي ولا يهونون الاعضاء انت كنز المنتدى ومعليش على الاطاله
تك تك تو
01-10-2004, 09:25 AM
اخي الوصلاوي اشكرك على هذا الموضوع القيم وجزاك الله الف خير

اخيممكن توضح لي الدرس الثالث

----------------------- اقتباس
و الحين ننتقل لشيء يدوخ الكثيرين منكم .. و الي هو كيف أقدر
أخلي الخط يتواصل ما بين الكتف و الكم ( يعني يكون مستقيم في الجزئين ) .
الطريقة سهلة و بسيطة .
أول شي .. خزن الطقم الياباني ( الي هو طقم منتخب اليابان المصمم من قبل الشركة نفسها ) .
ثانياً : بعد ما خزنته .. افتح الطقم الفاضي و طقم اليابان الي خزنته من قبل شوي .
ثالثاً : الحين انسخ الطقم الفاضي و حطه بملف جديد ( بنفس الخطوة رقم 3 في شرح تصميم الأطقم ) .
رابعاً : انسخ طقم اليابان و الصقه على الطقم الفاضي الجديد الي سويته و خفف من اللير علشان تشوف الطقم الي تحت مثل ماهو موضح في الصورة
------------------------------------------------------د

ممكن توضح اكثر ولو امكن بالصور
ab3000
11-11-2004, 04:29 AM
اخوي الوصلاوي . . . , ,

ممكن ملف الشركات الدعائية . , # #

اذا سمحت . . لاني شفت ردك في الصفحه السابقة . . قلت انك بتحطه في ذا الموضوع .. . ولاني شايفه ! !

تحياتي اخوي . . . , , ,
عبدالله
الـخـالـدي
15-11-2004, 08:03 PM
أخوي الوصلاوي ما فيه كلمه معبلاه أكثر من شكرا

ويعطيك العافيه وننتظر جديدك
الوصلاوي
16-11-2004, 10:04 PM
شباب إن شاء الله برد على استفساراتكم عما قريب .. لأني مشغول جدا الحين
S0OO0
08-01-2005, 03:47 PM
شكراً أخي الكرييييييييييييم
TOMMAS
12-01-2005, 06:31 PM
ممكن تقولي أشلون أنزل الطقم لنادي الي أبيه والأهم أشلون أنزله في الشريط و إذا كانت في برامج له تكفى قولي هذي أول مشاركة لي تكفى لاتردني
TOMMAS
12-01-2005, 06:39 PM
[ممكن تقولي أشلون أنزل الطقم لنادي الي أبيه والأهم أشلون أنزله في الشريط و إذا كانت في برامج له تكفى قولي هذي أول مشاركة لي تكفى لاتردني
وممكن تقولي بشكل مبسط وممل أشلون أحط الشعارات منها شعار النادي وكذلك شعار الشركات الراعية تكفى يرم والديك أنا تراني داج أبغاك تخليني محترف مثلك
أرجوا أنك ماترد لي طلب
سفاح الليل
12-01-2005, 07:01 PM
ما شاء الله عليك
(صدق من قال ان الوصلاوي هو الإمبراطور )

مشكوووووووور على شرحك يا أخوي الوصلاوي

سلالالالالالالالالالالالالالالالام ..... :biggthump
ScrouZ
11-02-2005, 04:56 PM
مشكووووور على الموضوع الرئع والى الامام :biggthump :biggthump :biggthump :biggthump
Angel_The_Slaye
04-04-2005, 05:58 PM
مشكووووووووووووور اخووووووووي الوصلاوي و مجهود كبييييييييييير جدااااااااااااااااا



:biggthump :biggthump :biggthump :biggthump :biggthump :biggthump :biggthump :biggthump


والى الامام
***SULTAN***
15-04-2005, 04:21 PM
مشكووووووووووووووووووووووووووووووور الوصلاوي
ـــــــــــــــــــــــــــ
بس ياليت تعطينا شعارات الشركات الراعيه لو سمحت أكثر الأخوان طلبوها وأنا منهم
يليت:08:
الوصلاوي
20-04-2005, 11:58 PM
هلا شباب .. و أشكر لكم ردودكم الطيبة و أنا أفتخر بالمدح الي تطلقونه علي .. و أقول لكم لو لا هذا المنتدى لما وصلت إلى ما وصلت له الحين ...

شباب أنا آسف جداً جداً .. لأني مشغول وايد الحين بالدراسة .. مثل ما تعرفون أنا الحين بالكلية . و ابى اتفوق إن شاء الله .. على العموم .. إنتوا اصبروا لين شهر 6 و فالكم طيب .. بصمم لكم كل شي من جديد و بحط لكم كل طباتكم ..

(( بالنسبة لملف الشعارات ... أنا كنت بحطه من زمان .. لكن كمبيوتري اخترب و سويت له فورمات و صرت ما أدخل المنتدى ... فياليت تعذروني الحين .. ))

ملاحظة : .. تقدرون تحصلون على الشعارات الي تبونها عن طريق البحث في محركات البحث مثل قوقل و ياهو و إم إس إن ... راح تفديكم .. أنا تقريباً 95 % من الشعارات الي عندي حصلت عليها من هذي الطرقة .. أو إني اصمم الشعار المراد من الأول ..

و أكرر أسفي الشديد لكم ...
super pipo
09-05-2005, 05:29 AM
الله يرحم امك وابوك ويستر عليك

قل امين
cam139-2004
09-05-2005, 10:55 PM
الله يعطيك الف عافيه
ADRIANOOOO 10
11-05-2005, 07:59 PM
مشكوووور وماقصرت وبسال انت تلعب بالانتر ولا :D
الوصلاوي
13-05-2005, 01:27 AM
مشكوووور وماقصرت وبسال انت تلعب بالانتر ولا :D

لا والله أخوي .. أنا العب بالآرسنال .. و كل الشكر لكل من مر على الموضوع .. و جراكم الله ألف خير ..
فارس نجد 1
14-05-2005, 05:34 PM
بالنسبة للخطوة رقم 8 كيف اصبغ الطقم ؟
batshan
15-05-2005, 02:51 AM
مشكور ياخى ماقصرت والله يعافيك
The JuGgLer
19-05-2005, 11:11 PM
شكرا على الموضوع أخوي الوصلاوي ولكن للأسف ما أحب التصميم وهذه الحركات
الكبير كبير
24-05-2005, 12:41 PM
مشكور أخوي على الموضوع
INTARY
12-06-2005, 12:07 PM
أخوي بس ابي أسال طريقت هذي تنفع على البي سي

ولو تنفع كيف تصير
alawadhi3000
12-06-2005, 02:28 PM
أكيد ينفع أخوي

الشرح لونننغ الفن وبرو افلوشن لنسخة البلستيشن والPC
أهــلاوي
13-06-2005, 03:23 PM
حبيت استفسر أخوي الوصلاوي .. مثلا البلوزة .. فيها تجعدات كثيرة ، ولكن كيف بامكاني أن أصبغها لون واحد !!
الوصلاوي
14-06-2005, 12:28 AM
حبيت استفسر أخوي الوصلاوي .. مثلا البلوزة .. فيها تجعدات كثيرة ، ولكن كيف بامكاني أن أصبغها لون واحد !!
والله أخوي ما فهمت سؤالك عدل .. لكن الي قدرت افهمة .. (( قصدك كيف تخلي التجعيدات باينة .. و لا تختفي عند التلوين )) هل هذا قصدك .. إذا هذا قصدك ... فالجواب : تخلي اللير شفاف .. (( مكان الليرز )) بتحصل سهم .. و هو بيكون (( نورمل )) غيره لين ما تحصل على الي يناسبك
أهــلاوي
14-06-2005, 05:11 PM
والله أخوي ما فهمت سؤالك عدل .. لكن الي قدرت افهمة .. (( قصدك كيف تخلي التجعيدات باينة .. و لا تختفي عند التلوين )) هل هذا قصدك .. إذا هذا قصدك ... فالجواب : تخلي اللير شفاف .. (( مكان الليرز )) بتحصل سهم .. و هو بيكون (( نورمل )) غيره لين ما تحصل على الي يناسبك










أيه صحيح كلامك فهمتني يالغالي ، إن شاء الله بأجرب بعدين وبرد لك خبر ..

سلام
الوصلاوي
15-06-2005, 01:06 AM
أيه صحيح كلامك فهمتني يالغالي ، إن شاء الله بأجرب بعدين وبرد لك خبر ..

سلام
خلاص أوكي .. جريب و رد لي خبر ...

الوصلاوي
INTARY
23-06-2005, 10:47 PM
السلام عليكم ويعطيك العافية أخوي الوصلاوي
أنا ابي اعمل سي دي ويننج الفن 8 وودي أعمل فيها دوري للعرب
يعني كم فريق عربي من كل دوله كم فريق وابي منك اخوي الوصلاوي انك تساعدني على هالموضوع لأني سمعت انك
عامل الدوري السعودي وابي منك أسماء وطاقات اللاعبين لللأفرقه اللي انت عاملها
بس هل الطريقه هذي تنفع على البي سي.
الوصلاوي
24-06-2005, 10:31 AM
أخوي INTARY..

أنا ما سويت الدوري السعودي !!! .. منو قالك هذي المعلومة ؟

أنا أول شي من الإمارات .. و سويت مرة الدوري الإماراتي (لكن مب بروحي) .. أنا شغلي كله فوتوشوب .. تصميم ..

تصميم أطقم .. تصميم كور .. ملاعب .. شعاراة .. الخ

بس هذا الي أسويه أنا ..

يعني اسمحلي ... ما أقدر اقدم لك الكثير ..
tupac4ever
08-09-2005, 10:40 AM
مشكوور
مشكوور مشكوور
مشكوور مشكوور مشكوور
مشكوور مشكوور مشكوور مشكوور
مشكوور مشكوور مشكوور مشكوور مشكوور
مشكوور مشكوور مشكوور مشكوور مشكوور مشكوور
مشكوور مشكوور مشكوور مشكوور مشكوور مشكوور مشكوور
مشكوور مشكوور مشكوور مشكوور مشكوور مشكوور مشكوور مشكوور
مشكوور مشكوور مشكوور مشكوور مشكوور مشكوور مشكوور
مشكوور مشكوور مشكوور مشكوور مشكوور مشكوور
مشكوور مشكوور مشكوور مشكوور مشكوور
مشكوور مشكوور مشكوور مشكوور
مشكوور مشكوور مشكوور
مشكوور مشكوور
مشكوور
mohamed w
08-09-2005, 05:42 PM
مشكور اخوي على الموضوع وشكلك وايد تعبان عليه
HalaMadrid
31-12-2005, 10:55 PM
ولله مشكووور حبيبي على الـشرح وتسلم يالغالي بس ياليت احد يرفع لنا الصور .. لأنها ماتطلع (( خربانه )) وانا توني اجوف الموضوع فمادري كان موجود من قبل فأرجو منكم ان ترفعو لنا الصور
النورس المعلا
31-12-2005, 11:45 PM
4 : يمنع اعادة اي موضوع قديم الى الصفحة الامامية الا اذا كان فيه من الفائدة او المعلومة شيء مهم يعني المواضيع المفيدة لا باس بان تعاد الى الصفحات الامامية للفائدة و لكي يشارك فيها الاعضاء الجدد و ايضا يستفيدوا منها و لكن تحتالشروط التالية : .............



@ على ان لاتكون قديمة جدا جدا.

@ ان لايكون اعادة الموضوع بكلمة شكرا لك يعني يعاد الموضوع فقط اذا كان هناك نقاش في نقطة ما او استفسار عميق في الموضوع وليس شكرا .

@ اذا لم يكن يحوي اي معلومة و كان قديم فممنوع اعادته .